رواية غرام ابليس الفصل الرابع عشر 14 بقلم مريم عبدالرحمن
الفصل الرابع عشر... غرام إبليس 
لمريم عبدالرحمن
__________________________
عند حمزه الباب بيرن قام من النوم فتح تنح اما لقى ورد...
حمزه بابتسامه/ ورد!!
ورد بدموع / حمزه ازيك
حمزه / ادخلي
ورد / مش هينفع ادخل طبعا انا هستناك تغير هدومك و تفوق و نروح ف اي كافيه نتكلم
حمزه باستغراب/ حاضر ٥ دقايق و اكون عندك
حمزه دخل بسرعة البرق لبس بسرعه و سرح و بقا قمى كعادته و خرج خلال ٧ دقايق كان مستغرب و متوتر و متشوق للكلام اللي هيسمعه منها هل هو حلو ولا وحش ...
ورد / اي السرعه دي؟؟
حمزه بابتسامه/ عشان انتي موجوده
ورد بحزن / حمزه احنا لازم نتكلم
حمزه / تمام خلينا نقعد ف حته الاول و هسمعك
راحوا قعدوا ف كافيه مفتوح...
بعد دقيقتين سكوت..
حمزه / مكنتش عارف انك ممكن تأمني ليا تاني بصراحه و ممكن تقعدي و تقابليني انتي مش خايفه مني...
ورد بمقاطعه/ حمزه
حمزه باستغراب/ نعم
ورد بحزن و كسره / الانسان عباره عن كلمه، كلمه توديه و كلمه تجيبه و انت اكتر حد ممكن يحس ب كده
حمزه باستغراب/ تقصدي اي بكلامك مش فاهم
ورد / و انت الكلمه اللي ودتني و جابتني مكنتش عارفه اكون مِلك قلبي و لا عقلي في جانب مني بيقول إني لازم ابقا جمبك لان تفكيري انت مش راضي تطلع منه و في جانب بيقول انك شخص مش كويس...
حمزه بمقاطعه / عمري م كنت شخص كويس بالنسبه لحد بس كان نفسي ابقا احسن شخص ف حياتك و منجحتش لان...
ورد بمقاطعه/ و انا كان عقلي و قلبي بيتكلموا مع بعض معرفش اسامحك و اكمل معاك و لا ابعد عنك و اكرهك
حمزه بحزن / انا شخصياً مش عارفه اقولك اي مش عارف اقواك انا اسف هعوضك ولا اقولك إن انا لما ابعد عنك هتبقي انتي كويسه
ورد بدموع / انا جيت هنا عشان قررت اي اللي المفرود اعمله
حمزه / و كان اي قرارك؟؟
ورد بدموع/ إني افضل جمبك قلبي مبقاش في حد غيرك
حمزه بابتسامه/ وعد هخليكي تنسي كل حاجه وحشه هخلي كل حاجه حلوه و هعيشك سعيده وعد مني مش هأذي اي حد حتى لو اذاني
ورد بدموع / و لو انا اللي اذيتك؟
حمزه بابتسامه/ عمرك م هتأذيني انتي متعرفيش تإذي نمله
ورد بكسره/ طبعاً
حمزه بفرح / طبعاً ابوكي بيحبني و لو قلتله لتجوز بنتك مش هيقول لا
ورد / سيب الموضوع ده دلوقت انا ف اولى جامعه
حمزه / اه طبعا بس هبقا عاوز احجزك ي ستي
ورد بضحك/ هو انا تورته ؟؟
حمزه بضحك/ مش كنتي لسه مكتأبه و بتعيطي
ورد بضحك/ انت بتضحكني
حمزه بضحك/ يارب علطول ابسطك ي ستي
ورد بغرور / ممكن بدل الدموع اللي نزلت دي تعوضهالي ب ايس كريم صغنن مثلاً
حمزه بضحك/ ايس كريم صغنن ده انا اجبلك التلاجه كلها
__________________________
رجعت ورد البيت باين عليها علامات الفرح لكن اتصدمت من رؤية نجيب هي مازالت بتخاف منه و بتحس بشعور عدم طمأنينه دايماً جه ف بالها حالاً انه حماها المستقبلي قطع تفكيرها خطة ياسين و سكتت مش هيلحق يبقا حماها كانت تتمنى ...
مصطفى بضحك/ تعالي يا بنتي تعالي عندي ليكي مفاجأه
ورد بكسوف / اي يبابا
مصطفى بإبتسامه / نجيب طالب ايد زينه لإبنه حمزه
ورد بصدمه / اي؟؟و زينه؟؟
نجيب بخبث / زينه وافقت
ورد بدموع / تمام
دخلت ورد بسرعه اوضتها لقت زينه....
زينه ب مكر / شوفتي بقا الواحد و هو بيتسحب منه أعز ما يملك بيبقا عامل ازاي
ورد بزعيق / انا سحبته منك؟؟ انا مكنتش ااااعرررف هو اللي ساااابك اكيد شاف السواااد و الحقد اللي جواكي ححاااب اي و الخمار اللي لبساه و انتي بالحقد و الوساخه دي انا عشان واحده متربيه احسن منك لو كنت عرفت ان ياسين هو حبيبك اللي مستنياه الاستاذ المجهول اللي مكنتيش بترضي تحكي عنه مكنتش سمحتله يفكر يتجوزني حتى لو جواز عالورق بس كووويس اوي اللي حصل بينلي قد اي انتي حقيره و حيواااانه
و ضربتها بالقلم و مسكوا ف خناق بعض...
مصطفى قام بسرعه و رباب جات على صوت الزعيق اللي سمع الشقه مش الشقه بس ده العماره و الشارع..
مصطفى بزعيق / انتوا بتعملوا اي انتوا اتجننتوا اوووعووو
زينه بحقد/ بنتك الزباله مش عاوزاني اتجوز حمزه و عماله تقولي ده بتاعي و حركات زباله و فالاخر ضربتني
ورد / بابا...
مصطفى بنرفزه / في اي يا ورد كلام اختك صحيح؟؟؟
ورد بدموع / ايوه انا اللي هتجوز حمزه
مصطفى بنرفزه/ اي اللي انتي بتقوليه ده ابوه جاي يتقدم عشان زينه مش عشانك
ورد بزعيق / هي خدته مني قصد...
زينه بدموع / شااايف يا بابا كلامها ....
ورد بزعيق / انتي تسكتي خااالص
مصطفى بزعيق و مقاطعه / اخرسي فضحتينا ف كل وقت بتفضحينا و جيبالنا المشاكل
و رزعها قلم محترم ...
ورد بعياط و قهره / لو فاكر ان اللي فيا قليل تبقا مش اب بنتك الكبيره ابقا ربيها كويس مش هقدر اقول اكتر من كده انا مش عاوزه افضحها زي م عملت بس انت عارف كويس ان وراها حاجه من زمان و انها تقبل حمزه ده وراه فكره تانيه بنتك زباله و انتوا كلكوا .....
و سكتت..
مصطفى بزعيق / انا مش عاوز اشوف وشك تاني اطلعي براااااااااا
و طلعها من شعرها من الاوضه..
خدت ورد بقوه شنطتها حطت جواها هدومها ...رغم إن هي جواها بتتكسر متظاهره بالقوه و خرجت و رزعت الباب خرجت من باب العماره خالص لكن لحقها نجيب...
نجيب بمكر / ورد
ورد بدموع / افندم
نجيب / هتقعدي فين؟؟؟
ورد / حضرتك يخصك ف اي؟؟
نجيب بضحك / انا و انتي لينا مصلحه واحده
ورد بأرف / مش فاهمه قصدك اي
نجيب / هتقوليلي خطة ياسين و هخلي حمزه ميتجوزش اختك
ورد بضحك / حمزه عمره م هيعمل كده
نجيب بضحك/ حمزه متهدد إنه يعمل كده متخيله مجبووور بدل ما اسجنه
ورد بدموع / و هو وافق؟؟
نجيب ببرود / مقلتلوش لسه بس حقيقي عندي سؤال غريب كده
ورد بصت باستغراب / اي هو
نجيب /إزاي بتمثلي على حمزه و باين عليكي انك بتحبيه بجد
ورد بدموع و توتر / انا عمري م كلمه ولا جمله كنت بمثل فيها على ابنك .. ابنك انا بحبه فعلاً بحبه من قلبييي الشخص الوحيد اللي محتويني حتى عيلتي محتوتنيش خذلتني لتاني مرررره اختي الوحيده طلعت خفيره و صاحبتي اللي هي كانت ملجأ ليا ماتتت متبقليش غيره متبقاش غيره ليه مكان ف قلبي
نجيب بدهشه / اووووووه كل ده كلام؟؟؟
ورد بدموع و قهره / هو ده اللي قدامي و مش شايفه غيره
نجيب بتوتر / خلاص هحجزلك اوضه ف فندق
ورد باستغراب /فندق!! اي شغل العيال ده
نجيب/ اومال تروحي البيت تقعدي معايا انا و حمزه؟؟
ورد / هروح ل واحده صاحبتي
نجيب / سلوى مكرم؟؟
ورد بتوتر / اه عرفت منين ؟؟
نجيب / معلومه ..حمزه لو عرف انك كنتي عند ياسين ...
ورد بمقاطعه / انا رايحه ل سلوى و بعدين هو مش ساكن معاها ساكن فالبيت اللي جمبها بتاع جدهم عشان كده هروح
نجيب ببرود / تمام ...يلا باي
_________________________
عند سلوى كانت بتحضر العشا فالمطبخ و مستنيه ياسين الباب خبط ف فتحت بتلقائيه على اساس انه ياسين لقتها ورد..
سلوى بفرح/ ادخلييي
ورد حضنت سلوى و عيطت...
سلوى بحزن/ مااالك؟؟؟
ورد / كله باااااعني يا سلوى كلههههه مبقاش في حد جمبي مبقاش في حد ف حياتي بيحبني
سلوى بدموع/إهدي خشي نتكلم
دخلت ورد قعدت عالكنبه لاحظت السفره المكونه من شخصين ...
ورد بدموع / كنتي مستنيه حد؟؟
سلوى / لاء ده انا هخلص الاكل و كان ياسين هييجي ناكل سوا المهم انتي فيكي اي
ورد بكسره/ هقولك قصه صغيره ...واحد كان فقير و جمبه عيلته و صحابه و احبابه و عايش عيشه حلوه اوي فمره لقا فلوس فالشارع اخدها و مسألش على صاحبها عمل منها عماره كبيره و حلوه عشان يعيش عيشه حلوه و يبقا معاه فلوس بعد كده جه فجأه واحد من اللي بيحبهم كسرولوا دور قال مش مهم.. واحد تاني من احبابه جه كسر دور قاله مش مهم فداك كل واحد بيحبه جه كسر دور لحد م العماره اتهدمت قال يا ترى ده غلطي انا!! اني متدش الفلوس دي لصاحبها ولا انا مش غلطان عشان كنت محتاجهم
سلوى / و هو الشخص ده ليه مفكري يلوم اللي هدموله عمارته و حياته و بدأ يغلط نفسه
ورد بقهره و كسره/ هي دي الفكره إحنا الغلطانين فكل حاجه بنعملها ف حياتنا
سلوى بإستغراب/ ده ليه دعوه بمشكلتك؟؟؟
ورد بدموع / ده اختصار مشكلتي كنت عايشه عيشه حلوه جمبي اهلي و صاحبتي و حبيبي كمان ..كان حواليا كل حاجه حلوه انا دلوقت خسرتها طمعت إني اسافر و اسيب كل ده لمجرد حياتي هتبقا احلى برا و من اول يوم روحته برا مصر كان كابوووس او يمكن اول كام يوم او اول فتره كنت ف سعاده ضيعت مني صاحبتي و اهلي و حبيبي اللي كنت بحبه من صغري قلبي مبقالوش فيه مكان بسبب إني طماااعه اووووي كان ممكن ارفض السفر و افضل هنا م انا كاااانت حياتي حلوه
سلوى بحزن / متلوميش نفسك ده حكم الظروف و حكم رينا هتعارضي !!!
ورد بدموع / لا مش هعارضه بس عاوزه ليه بديل عاوزه تعويض عاوزه عيلتي انا خسرت كل حاااااااجه انتي مش فهماااااني
سلوى بحزن/ ورد اكيد ربنا هيعوضك لو مش دلوقت في بعدين
ورد بدموع / انا اتطرد من بيت اهلي متخيله انا علطول بجبلهم العار
سلوى / ليه ؟ ليه اتطردتي ؟
ورد حكيتلها...
سلوى بحزن / خلاص اهدي كل حاجه هيعدي كل ده انا جمبك و ياسين جمبك انا مش فاهمه انتي زعلانه علشان حمزه هيتجوز زينه ولا عشان اهلك
ورد بكسره / حمزه مش هيتجوز زينه
الباب رن...
سلوى جات تقوم ورد مسكت ايدها..
ورد / متقوليش لياسين على كل حاجه انا هحكيله اللي لازم يتحكي
سلوى / تمام بس امسحي دموعك
___________________________
عند حمزه و نجيب ف صالون فندق....
حمزه بزعيق / عمري م هصدقك انها ممكن تعمل فيا كده لو كل العالم قالي مش هصدق لانها بتحبني و انا بعشقها فاهم؟؟؟؟؟
نجيب بزعيق / متحاولش تكدب على نفسك كتييير هي بتخطط لحاجه مع ياسين تحب اقولك انها مع حبيب القلب دلوقت؟؟؟ او اقولك روح شوفها بنفسك زمانهم بيتفرجوا على فيلم و يضحكو و يهزروا و أه خد بالك عروستك زينه مستنياك
حمزه باستغراب / عروسة مين
نجيب بضحك / هو انا مقولتلكش؟
حمزه بعصبيه / لا مقولتليش فهمني في اي
نجيب ببرود / هتتجوز زينه مصطفى
حمزه باستفزاز / و ده قرارك؟؟
نجيب ببرود / اه
حمزه بضحك مستفز / طب يا نجيب امشي من هنا كفايه تضحكني
حمزه بضحك/ لو متجوزتهاش هقدم الورق *** اللي انت ماضي عليه و هعترف عليك ب كل حاجه و مجهز الادله و انك كمان بتهددني و في تسجيلات بالكلام ده
حمزه بصدمه/ انت مين!!
نجيب بضحك/ باباك ياض
حمزه بزعيق/ لا انت **** اخرج برااا
نجيب ببرود/ تمام خلي بالك من نفسك
نجيب مشي..
حمزه كسر الكوبايه اللي ف ايده...انا هوريك
_________________________
يتبع...
