رواية حزينة الروح الفصل السابع 7 بقلم ليان احمد
..البارت السابع ...
...حزينة الروح ....
•تريد الناس اسولف
وآنه كلي هموم
•خانگني الدمع ماأگدر احچي
•إذا حته الدمع من
شافني بهالحال
•لبس أسود علية وگام يبچي
اسو...فات اشرف خاله الحكي
دواعش راح ياخذون بيتكم وغراضكم
راح يصادرون البيت
ام احمد...ليش الله يموتهم ان شاء ونخلص منهم بلاء ونزل على راسنا
اشرف...خاله اليوم دواعش
دكو الباب علينا
وكالو وين اهل
هذا البيت
كتلهم موجدين
كالو اذا موجدين خلي يكعدون بيتهم لو ناخذ البيت وباجر هم جاين يتأكدون
اسو....ثاني يوم رحنا
على بيتنا وصدك
هم
اجو دواعش ودكو الباب
وامي حجت معاهم وابن ابو اشرف هم
ورها بيومين هم كذلك
وبعد ما شفناهم عرفو احنا
اهل البيت
كمنا نروح نضل بيت
جده اسبوع ونرجع
على بيتنا يومين
ونرجع
على جده وضلينا على هاي الحالة
خاله ندى
استعدلت صحتها الحمدالله
ليتنا نستطيع ان نعطي الراحلين ذكرياتهم
كي ترحل اوجآعنآ
بابا يدزلنا فلوس بالحوالة
وجده هم عدها فلوس ونمشي حالنا
بيهم
امي حيل ضعفت فراق ابوي
واخواني تعبها حيل
خالة منى مستقرة بغداد
محمد يكمل دراسته الشمال
واحمد لكه شغل اهناك
وماشي حالهم الحمدالله
بس احنا فراق دمرنا حالنا تعبان اخوتي ابوي
خوف قلق دمار قتل
جنا نسمع ناس تتطلع تهريب
بعظهم يصلون بخير سلامه
وبعظهم يمسكونهم دواعش
كبل يقتلوهم
امي لو جانت تدري ما جان ضلت
رجعت وياه بابا بس ما عبالنا هيج يطول سالفه
ماما جانت تكول لو اطلع ويمسكونا وانتي ابنية عزبه
ويانه
تخاف عليا
يوم احنا رحنا ع بيتنا
اني بالغرفه انظفه
وماما تحضر عشة
وسمعنا صوت ضربه
صاروخ يم بيتنا جام
الغرف كلها وكع عليا
واصرخ ماما وماما
شلت الجام
ورحت ركض
على اامي واشوف امي واكفة وصافنة
اصيح ماما ماما
اشوف ماما وكعت من طولها
واصرخ واصيح
ماكو احد طلعت بره
اصرخ واصيح التمو جوارين
ام اشرف واشرف اجو اخذو ماما
وكبل طلعنا بوجهنا ع مستشفى الخنساء كالو
سكر صاعد فرد مره وماعدنا
علاج
اخذناها ع مسشتفى السلام
ما خلونا نفوت اصلا
ملاين دواعش
جرحه قتله
رحنا ع مستشفى جمهوري دخلنا جوه
ركضنا بيها
ابجي والطم ام اشرف تهدي بيا
ممرضه كالت سكر صاعد
ورها بشوية امي فتحت عيونها
ركضت عليها
ابجي واحجي ماما لا تعوفيني
ماما شعندي غيرج
ماما حضنتي مسحت دموعي
كالتلي ماما كلشي ما بيه
اشلون اعوفج وانتي روحي
ام اشرف اطمئنت على ماما وكعدت ساعه زمان وكامت تروح هي هم مرة جبيرة ما تكدر تضل بالمستشفيات
اشرف اخذها
كال اخذ امي وارجع
كتله لا
ترجع الصبح تعال
اشرف.. لا والله اشلون اعوف خاله ام احمد
اودي امي وارجع
ديالله مع سلامه
اسو...الله وياك
اسو...ماما اشويه حجت وياي وشربت مي كالت خلي انام نعسانه
اني هم تمدتت سرير يمها غفيت
(((بالحلم واشوف نفسي
واكعه بحفرة
وامي واكفه
ادحك عليا وعيونها بي دموع اكول ماما ماما اصيح تعالي طلعيني واشوفها اندرات راحت ))))
وفزتني الممرضه كالت كومي
هذاك صوب نريد ننطي علاج لل مرضه
شفت ماما نايمه وممرضات واكفات
خلتني وراحت كلبي انقبض
رجعت ركض واشوف
امي ...........
