رواية خطيئة قلب الفصل السادس 6 بقلم فيروز يحيي

رواية خطيئة قلب الفصل السادس 6 بقلم فيروز يحيي

الفصل السادس
أنبدأ حياة جديده
ونترك جراحنا وآلامنا
ستتركنا ذاكرتنا
لنسسي كل ما ممضي
ومرء علينا
ام ماذا
اخشي ما هو جديد
فالماضي لازل بداخلي
مهما حاولت النسيان
اعلم اننا اولاد اليوم
وان الحاضر افضل بكثير
ويجب عدم النظر الي الوراء
والمستقبل له بريق خاص
لكن ماذا عن قلب حزين محطم جريح
قلب اهلك الحب
لكن ماذا؟
ماذا عن قلب يعشق حتي النخاع
كيف لقلب نسيان ومحو حب
كان مسجل في دفاتر العشق والهوي
عشق سيحكي لاجيال
لكن لكل شئ نهايه
ليس لدي سوي الانتظار
والترقب
ماذا سيحدث
كانت تستعد ليان للذهاب الي عملها المعتاد اوقف سيرها الي العمل صوت هاتفها معلن عن اتصال جديد ...فقد كان من صديقتها وزوجة اخيها
-ايه الي فكرك بيا يا صبحي
- انا غلطانه يا ليان اني عبرتك اصلا
-يا سيتي متشكرين علي الاتصال وكتر خيرك الصراحه عاملة الواجب وزياده .....بس اصلك ..يغني
-مالي يا بت وبتهتهي في الكلام ليه ...اصلي ايه
-مش عارفه اقولها ازاي
-قوليها علي بعضها وملكيش دعوة
-اصلك بصراحة طلباني بدري اوووي
-تصدقي انتي معندكيش دم الواحد غلطان انه عبرك اصلا
-يا يويو سوري يا بيبي
-دلوقتي بقيت بيبي
-طب بالراحه اصلك خضتيني انتي مش بعاده تكلميني في الوقت ده
فقولت هي حاجه من اتنين :
• يا شوفتيني في احلامك وده طبعا مستبعد جدا علشان انتي اكيد بتحلمي بزوجك العزيز
• ياأما فارس او جودي لقدر الله حصل لهم حاجه
-بعد الشر يا بنتي
-ايوة بقي يا وديع....الحب ولع في الدره يا فخري
-بس يا بت ..يا رب يسمعك
-ما يسمع هو انا بخاف
-طول عمرك جباره وقادره
- الله أكبر في عينك يا شيخة
- بتخمسي في وشي هو انا هحسدك يا بت
-انتي عرفتي ازاي ..عندك قدره خارقه تشوفي ما وراء الشاشات
علي كده انتي جامدة موت
-خمسه في عينك يا بعيد
-ههههههههههههه
-بتضحكي علي ايه يا مجنونه
-عليا انا وانتي تصدقي ان يودي وجودي مش بيعملوا كده مع بعض
-انفجرت هيا من الضحك قائله : تحسي انهم اعقل مننا
-تصدقي اه الحمد لله انهم مورثوش الهبل بتاعنا
-اه وقال ايه يقولك ما تخفش من الهبله خاف من خلفتها
-الحمد لله يا بت يا هيا خلفتنا عسل وزي الفل
-بقولك ايه قبل ما انسي عاوزكي في موضوع
-مش بقولك المكالمة دي مش لوجه الله
-بس يا بت ..نتكلم جد شويه
-اتكلمي يا اختي خير
- حضرتك والاستاذ يودي معزومين عندنا في weekend الي جاي وطبعا يودي ما هيصدق
-ليه
-هو ايه الي ليه
- علي العزومه
-اه ما انتو لسه عزمنا الاسبوع الي فات لما كنا في الملاهي
-حرام لما اعزم صاحبتي واختي واخت جوزي علي الغداء ولا ايه ولا هو اتمنع وانا مش عارفنه
- متمنعش بس
-قاطعتها هيا مفيش بس يا ليو في weekend هتكوني عندنا وده امر ..سلام علشان اخلص شغل البيت باي
لم تعطيها فرصه لرد عليها فقد اغلقت هاتفها فورا
قالت ليان لنفسها"يا تري ايه سر العزومه الغريبه دي وايه الي وراها يا خبر بفلوس بكره هيبقي ببلاش "
****************************************************
مر يومان دون شئ يذكر سوي سعي فريده المستمر لحث ابنها علي العوده الي وطنه من جديد ويقابله باسل بالرفض القاطع
اليوم هم موعد استلام نتائج التحاليل التي اجراها كلا من ايهم وزوجته من اجل الانجاب لكن تعللت مايا بتكدس العياده اليوم وعدم مقدرتها علي تركها لذلك طلبت من زوجها احضار التحاليل والذهاب بيها الي الطبيب ...اعترض ايهم في بادية الامر فهو امر مشترك بينهم يجب ان يتشاركوا فيه معا لكنه سرعان ما رضخ لها حتي يريح عقله من النقاش معها
داخل عياده الطبيب تحديدا في غرفته
- ايهم وهو يصافح الطبيب : اهلا وسهلا ازيك يا دكتور
- اهلا ازيك يا بشمهندس
- الحمد لله يا دكتور
- اخبارك ايه
- الحمد لله تمام ماشي الحال
- مالك مش متظبط ليه خايف ولا ايه
- يعني شويه
- خليك متفائل وقول يا رب ربك كبير
- يا رب يا دكتور
- دكتوره مايا مجتش ليه
- كانت جايه بس عندها حالة ولاده مستعجله مقدرتش تيجي
- كان الله في العون الصراحة شغلانه متعبه بجد انت راجل صبور يا استاذ ايهم
- اشمعني يا دكتور
- اصل معظم الرجاله بيرفضوا ان زوجاتهم تتخصص في مجال النسا والتوليد
- كلام صح وقتها كله مش بيبقي ملكها واي راجل بيبقي عاوز مراته لبيته وولاده
- بس يعني
- علشان مراتي
- ايوة بالظبط
- انا اتجوزت مايا بعد ما اختارت المجال ده يعني كنت عارف من البدايه لكن لو كنت اتجوزتها وهي لسة بتختار القسم كنت خليتها تغيره
- يا ريت كل الرجاله بنفس تفكير يا بشمهندس كانت الدنيا اتغيرت
- اتفضل يا دكتور التحايل
- ومالك بس مستعجل ليه
- علشان معطلش حضرتك ومان انا عندي شغل
- ماشي يا سيدي خلينا نشوف
نظر الطبيب الي التحاليل واخبر أيهم بمحتواها ..شكره ايهم وانصرف عائدا الي عمله
**************************************************
في منزل باسل عز الدين
بعد يوم شاق من العمل عاد باسل الي منزله ليشعر بالراحه والسكينه ويلهو مع معشوقته وطفلته رهف
- حبيبة بابي عاملة ايه
-كانت ترسم في دفترها وتفاجئت بابيها امامها فردت قائلة :
خضيتني يا بابي
-بتعملي ايه
-برسم
-بابي مس انت جيت
-ايوة يا روحي
-طب يلا بقي بسرعه غيرهدومك
-ليه يا روفي
- علشان انا جعانه موت
-طب ليه ماكلتيش اي ساندوتش
- مش بعرف اكل لوحدي
- حبيبه بابي يا ناس وروحه هغير علي طول وناكل اتفقنا
-اشطات يا كبير
-بت انتي متاكده انك 5 سنين
- ايوة يا بابي
-انتي خليتي فيها بابي بعد اشطات يا بير شويه وهتقوليلي يا معلمي
علي طاولة الطعام
-مش بتاكلي ليه يا روفه مش كنتي جعانه من شويه
-بفكر يا بابي ...بفكر
-ب...ايه .. ايه يا اختي
- بفكر
-انتي يا فسله بتفكري بتفكري في ايه ان شاء الله
- موضوع كده
-موضوع ايه والله عال عيله صغيره بقي في دماغها موضوع بتفكر فيه عيال اخر زمن وانا في سنك كان اخر طموحاتي اعلب في الشارع او العب مارو
قاطع فارس حديث باسل مع ابنته حيث اعلن هاتف باسل باتصال من صديقه
-ازيك يا رخم بتيجي في اوقات مش ظريفه خالص
-ضحك فارس علي صديقه : قول يا خلبوص معاك مزة حلوة طب ظبط صاحبك بالمرة
-اخرس يا فارس هو انا بتاع الكلام ده
-انت ابو كدة يا كبير عامل ايه انت ورهف
-احنا الحمد لله كويسين بس وربنا واحشني
-ما انا عارف
-تصدق مشوفتش ارخم منك يا رخم
-عارف لسه سامعه من شويه
-هي ايه دي
-يا رخم انت نسيت يا باسل ولا ايه
-لا منسيتش سمعتها من مين
-هيكون من مين يا باسل من مراتي
-اكيد عملت فيها حاجه ما انا عارفك جبار ومفتري وعي غلبانه
-تكلم باستنكار : هي مين الي غلبانه دي تغلب بلد يا صديقي مفيش ست في الكون ده غلبانه تقصد تتمسكن لحد ما تتمكن لكن غلبانه اشك يا بني
-يا رب تسمع يا فارس
-ما تسمع هو احنا هنخاف ولا ايه
-واضح جدا شكلك هتيجي تبات عندي
-تصدق فكره وبالمره تجيب لينا موزتين بس نقيهم نضاف
-ايه يا زفت ده هو انت بتنقي 2 كيلو طماطم استنضف يا ض
-خلاص اسفين يا صلاح الواحد ميعرفش يهزر يا جدع
- لا يا اخويا متهزرش
- المهم انا باكد عليك اهو متنساش انك معزوم عندنا في week end
-مش ناسي بس ليه تتعب المدام
- اذا كان ده اقتراح المدام
-اشكرها بس مكنش له لزوم تكلفوا نفسكوا
-انت بخيل ولا ايه فين التكلفه بقولك ايه هو قرار لا رجعه فيه حضرتك وبنتك عندنا في week end اشطه يا برنس
-خلاص تمام
-هقفل علشان بينادو ع الغدا
-وانا كمان هروح اكمل اكلي سلام
بعد انتهاء المكالمه عاد باسل مره اخري الي طاوله الطعام وسأل ابنته عما يدور بعقلها
ممكن ست البنات تقولي بتفكر في ايه
- بس مش تتريق عليا يا بابي
-لا يا روحي مش هتريق هو ده معقول اتريق علي بنوتي حبيبتي
- بصراحه يا بابي يودي صعبان عليا
-صعبان عليكي ليه بقي
-مش عنده بابي
-ياسلااام علي اساس
قاطعته رهف : مش عندي مامي صح
باسل بتردد دون ان يجرح مشاعر ابنته : رهف انا مش قصدي
رهف وهي تمسح دموعها : عارف يا بابي انا ويودي زي بعض
-زي بعض ازاي
-انا عندي بابي بس مش عندي مامي ويودي عنده مامي مش عنده بابي
يودي نفسه يكون عنه بابي زي .. وانا نفسي يكون عندي مامي زيه
-طب بردو انا مش فاهم ايه الي انتي بتفكري فيه
اكملت رهف حديثها عن فكرتها في حل الامور : فلو حطيت البابي بتاعي مع المامي بتاعه يودي بكده هنكون حلينا المشكله اصلا
-ازاي يا فالحه
-ازاي يعي ايه يا بابي
-هتحلي المشكله
- هنحلها اننا نعيش كلنا مع بعض
-ازاي نعيش مع بعض
-انك تتجوز انطي ليان يا بابي
-يا سلام اتجوز انطك ليان
- ايوة يا بابي ده حتي انطي ليان عسوله وسكره
-رهف انتي خلصتي اكل علي ما اظن
-ايوة يا بابي
-طب ادخلي علي الاوضه بتاعتك ومسمعش صوتك ماشي
-بابي
انا قولت ايه علي الاوضه
-حاضر يا بابي
-قال اتجوز ليان قال ملقتيش الا ام لسان متبري منها علشان اتجوزها
استغفر الله العظيم اروح اشوف شغلي انا منك لله يا رهف كنت راجع مبسوط عكنتي عليا بسيره انطك ام لسانين
****************************************************
داخل غرفه الطبيب
الحياه قصيره مهما مكثنا ... فالموت هي النهايه الطبعيه المحتومه والمؤكده
ظل فتره ينظر الي الاشعه الماثلة امامه ,فهو يشعر بثقل ما سيخبره له ,لكن واجبه كطبيب يحتم عليه مصارحته
- انا عملت كل الااشعه والتحايل الي حضرتك طلبتها مع انه مكنش ليه لازمه دول شويه صداع وراحوا لحالهم
- استاذ زين انا الي اقرر مش حضرتك
- طب اتفضل الاشعه اهي وقرر زي ما انت عاوز
- نظر ودقق بها واخبره : الحقيقه انا مش عارف اقول ايه
- قول الي مكتوب في التحايل انا اقدر استحمل يا دكتور اتفضل قول
- الحقيقه ان حضرتك عندك
- عندي ايه
- ورم في المخ
- نعم
- مع الاسف وفي المرحله الاخيره
- لم يقوي علي الصمود والتحمل اكثر من زلك فهوي الي اقرب مقعد وجلس عليه وقال بصوت مهزوز ومتحشرج: انت .. انت بتقول ايه انا عندي كانسر
- ايوة يا استاذ زين
- يعني ايه انا خلاص هموت
- الاعمار بيدي الله كل الي اقدر اقوله ان المرض انتشر واحنا هنستخدم العلاج الكيماوي
- بس انا مش هاخد حاجه
- مينفش تعيش علي المسكنات
- انا هستحمل الوجع لكن مش هستحمل جرعه الكيماوي ولا اني احس اني ضعيف انا طول عمري زين سيف النصر الي كل بيعمله حساب ولازم افضل كده لحد ما اموت
- استاذ زين لازم تخلي ايمانك بربنا كبير
- ونعم بالله
- اشوف حضرتك الاسبوع الي جاي
- ربنا يسهل
- انا مش عاوز اشوف نبره الحزن ولا الاسئ انت متعرفش ان ربنا بيحبك
- نظر له بدهشه واستغراب
- فاكمل حديثه قائلا : ربنا ممكن يبتلينا بحاجات علشان نرجعله وفربنا عاوزك ترجعله
- اكيد معاك حق ستاذن ان
- اشوفك ان شاء الله الاسبوع الي جاي
- ان شاء الله
.................
داخل مقر شركه زين سيف النصر
تفتكر يا زين ان ده عقاب ربنا ليك علشان الي عملته في بنات الناس وفي مراتي وبنتي ...عمري ما كنت الاب الحنين
عمري ما خليتها تكون صديقتي مكنتش بفكر غير في زين وبس
كل همي ازاي ارضي نفسي حرمت نفسي من صغري من كل المتع لحد ما شفت ليان مراتي حسيت انها غير كل الناس حوليت اقرب منها رفضيت حاريبت الدنيا لحد ما اجبرتها انها تجوزني وعلشان ارضي غروري وكبريائي زلتها هي وبنتي كنت بجيب الستات لحد البيت علشان اجرح انوثتها وهين كرامتها حتي بنتي حاربتها لما جات تجوز الشخص الي بتحبه ...عاوز بعد كل ده ربنا يكافئك ازاي وانت نسيه ومستقوي علي خلق الله ...اكيد دي نهايتك تموت زي الكلب محدش يزعل عليك حتي اقرب الناس ليك بنتك .. بنتك الي رميها ومش عارف اراضيها حتي لما جات تستنجد بيك طردتها وقولتها انسي ان ليكي اب اعتبريني موت حرمتها من كل حاجه حتي اهل امها مناعتها منهم
جاي تندم بعد ايه بعد ما فات الاوان
في تلك الاثناء دخل جاسم الييه يحمل معه الاخبار السعيده
- زين باشا جيبت لحضرتك اخبار ايه هتعجبك اووي
- اعتدل في جلسته واشار اليه بالجلوس خير
- كل خير يا باشا
- قدرت تعرف مكان بنتي يا جاسم
- هو انا تعيبت الصراحه
- يعني من الاخر وصلت ولا موصلتش
- وصلت يا باشا وصلت
- هي فين وعامله ايه واخبارها وحشتني يا جاسم نفسي اخدها في حضني
- بالراحه عليا يا باشا اخد نفسي
- معلش يا جاسم قدر احساسي انا اب وحرم نفسه من بنته وعاوز يرجعها لحضنه باي طريقه قبل ما يموت
- بعد الشر عنك يا باشا الحقيقه انا تعبت عقبال معرفت اوصل لمكان لارين هانم بنت حضرتك
- ليه يا جاسم
- علشان الهانم غيرت اسمها وسمت نفسها ليان أسعد الحسيني
- ايه الهبل ده بنتي تاخد اسم امها ليه
- دي الحقيقه وكمان سابت شغلها في شركه الي كانت شغاله فيها هنا في مصر وبتشتغل في محل بيتزا
- بنتي انا لارين سيف النصر تشتغل في محل بيتزا تخدم علي الزباين
- مع الاسف بتشتغل طباخه وساعات بتغسل صحون
- لا بنتي انا تشتغل شغلانه زي دي ليه دي تشتري المكان بالي فيه
- بصراحه في حاجه تانيه عاوز اقولها لحضرتك
- هو في حاجه كمان انت مقولتهاش
- لارين هانم عندها ولد اسمه يحيي
- انت بتقول ايه انا عندي جفيد ازااي
- ايوة يا باشا معلومات الي وصلتلي بتقول انها بعد ما سافرت ايطاليا بسبع شهور ولدت وجابت ولد اسمه يحيي وبتناديه بيودي بس يعني
- في ايه تاني
- الولد مكتوب علي اسمها مش اسم جوزها
- ازاي .. ايه الهبل ده ازاي ميتكتبش علي اسم ابوه وهي متجوزها رسمي دول المصاحبين والمتجوزين عرفي بيعملوا الي ما يعمل علشان ينسبوا الطفل لابوه تقوم بنتي متعملش كده ليه
- في نقطه مش واضحه لحضرتك
- نقطة ايه دي
- لارين هانم ولدت لوحدها هناك ولازم علشان تسجل اي ام ابنها يشترط وجود الاب او اي حد من اعمامه او عماته او جده لابوه
- ايه الهبل ده
- بس بنتي متجوزه وفي قسيمه
- ترفع قضيه اثبات نسب ده الي موجود لازم الاب او اخواته او ابوه هو الي يسجل الطفل مش اي حد من اهل الام
- بس ازاي ابو يحيي ساكت ع كده
- المعلومات الي عندي انه ميعرفش اصلا ان عنده ولد
- انا لازم اسافر روما في اسرع وقت لازم اشوف بنتي وحفيدي
************************************************
مر الاسبوع سريعا قرر زين تاجيل العلاج حتي يلاقي ابنته وولدها فمهته ليست بالهينه فهو يرد ان تغفر ابنته عما بدر منه وتسامحه علي مابدر منه وتعود هي وابنها الي احضانه لينعموا بحياه دافئه
......
اليوم هو عطلة نهايه الاسبوع اجتمع كلا من فارس وزوجته وابنته جودي وباسل وابنته رهف وبالطبع ليان وابنها يودي علي طاوله الطعام ليتناولوا الطعام معنا وبعد انتهائهم من تناول الطعام انتقل فارس وباسل الي غرفه الصالون بينما هيا وليان قامو بتظيف الطاوله والمطبخ بينما اتجه الاطفال الي اللهو
داخل غرفه الضيوف
-مالك يا فارس مهموم ليه
-تعبان يا باسل ليان اختي
-مالها
-مش عجبني البهدله الي هيا فيها
-صحيح هو فين جوزها
-ليان مطلقه وبتشتغل في المطعم علشان تصرف علي ابنها ورافضه مساعده حد سابت شغلها المرموق علشان تشتغل في مطعم بيتزا
-هي كانت بتشتغل ايه
-مصممه ازياء
-طب سبيتها ليه
-حبت تشتغل شغلانه بسيطه علشان تهتم بابنها وتكون جنبه اطول فتره ممكنه
في تلك الاثناء حاول ايهم الاتصال بباسل
-معلش يا فارس هرد علي ايهم
-ماشي يا باسل خد راحتك البيت بيتك
-ايهوم حبيبي كيفك
-رد باقتضاب كويس
-مالك يا ايهم
-مفيش
-ايهم متعبنيش في ايه
-انا في مصيبه
-مصيبه ايه
.............................

السابع من هنا 

تعديل المقال