رواية مفاجآت القدر الفصل السادس 6 بقلم منال هاني
مفاجآت القدر
البارت السادس
مراد قام فجاه من النوم حاسس بغصه بقلبه ميعرفش سببها نده ع داده فوزيه وسالها ع سليم
مراد: داده هو سليم جيه
داده بقلق: لا يبيه انا اعده مستنياه والله كل دا
مراد: ماشي يداده روحي انتي وانا هكلمه
اتصل بيه لكن فونه كان مغلق فقلق زياده........
..............
الناس اتلموا ع العربيه وحاولوا يطلعوا سليم ع قد مايقدروا لحد ما نجحوا واول ما طلعوه العربيه انفجرت لكن سليم كان ف حاله سيئه جدا وفاقد الوعي اثر الرصاصه اللي ف جمبه طلبوا الاسعاف ونقلوه ع المستشفي
............
بعد وقت طويل جدا مراد مستمر ف الاتصال عليه لكن لا حياة لمن تنادي لسه مقفول
........
ف المستشفي دخلوه العمليات وابتدوا ينقذوه وكانت الحاله خطيره جدا جدا وكانوا لازم يبلغوا حد من اهله ومن حسن حظه ان بطاقته كانت ف جيبه مش مع الحاجات اللي ولعت ف العربيه
خادوها وبلغوا البوليس عشان هو اللي يبلغ اهله
ف صباح اليوم التالي
مراد اعد ع اعصابه ومش عارف يلاقي حل
الداده؛: طب يبيه ما تنزل تدور عليه ف المستشفيات والاقسام
مراد بقله حيله: واضح فعلا ان مفيش غير الحل دا انا هلبس وانزل لكن الباب خبط فتحت الداده لقت ظابط
الظابط: دا بيت مراد الصاوي
الداده: ايوا يفندم ثواني انديهولك
مراد من وراها خير ف اي
الظابط بنبلغك ان ابن حضرتك ف المستشفي عمل حادثه امبارح وكان لازم نبلغ حد من اهله
مراد بصدمه: سليممم!؟!!
جري معاهم وراحوا ع المستشفي
الدكتور: اطمن حضرتك امبا ح عملناله اكتر من عمليه عشان نقدر نسيطر ع الموقف وطلعنا الرصاصه الحمدلله مكنتش ف مكان خطر وعضلات جسمه ساعدتنا ف دا بس هو دلوقتي تحت الملاحظه ف العنايه المركزه عشان ميحصلش مضاعفات ف خلال ال 48 ساعه الجايين دول عن ازنكم
...............
خالد ورشا كانوا خارجين بيتعشوا برا كتحسين من نفسيتهم سوا
رشا: تعرف يخالد ان انا كل ما بنكبر بردوا بحس ان احنا لسه صغيرين
مسك ايديها: عشان انا كل يوم بحبك اكتر من الاول وشايفك احلي واجمل من زمان كمان
ضحكت رشا قاطعهم فون خالد كان بيرن والمتصل كان مراد
خالد: ازيك يمراد اي اخبارك
مراد بضعف: خالد انا محتاجك
خالد: ف اي ي اخويا مالك
مراد حكاله اللي حصل وقاموا بسرعه ع المستشفي عشان يبقوا جمبه دخلوا وهدوا مراد واعدوا لغايه ما يعرفةا حاجه عن حاله سليم وفجاه كل الدكاتره بيجروا ع الاوضه وكأن فيه مضاعفات حصلت ف الحاله مراد وخالد بقلق: ف اي يدكتور
الدكتور: محتاجين نقل دم بسرعه وفصيله دمه نادره غالبا بتبقي من الام او الاب بس عشان يقدر يحصل عليها هو كفصيله دمه
خالد: هو فصيله دمه اي يدكتور
الدكتور: Oسالب حضرتك فصيله دمك دي
خالد: ايوا يدكتور انا فصيله دمي كدا
الدكتور: طب تعالي معايا خدوا معاه واخدت منه الدم ورشا كانت واقفه جمبه
بعد وقت كان سليم حالته استقرت وابتدي يتحسن
رشا كانت بتكلم رانيا برا وبتحكيلها
وانيا: ربنا يقومه بالسلامه يارب دا انا حبيته اوي والله
غزل جمبها: مين دا يماما
رانيا: سليم عمل حادثه امبارح وف المستشفي
غزل بخضه مسرعه اثارت استغراب رانيا: لازم نروحله يماما نتطمن عليه وهو كويس طيب حصله حاجه
رانيا: بيقولوا بدا حالته تستقر بس لسه مفاقش واكيد هنروحله بس اما يفوق اهدي انتي دلوقتي واطلعي عشان تنامي
بعد يومين...
سليم ابتدي يفوق ومراد كان مبسوط جدا انه ربنا ردهوله تاني
رشا: حمدالله ع سلامتك يحبيبي الحمدلله ان ربنا طمنا عليك
خالد: اللي سحبوا مني دمي كله عشان حضرته حمدالله ع سلامتك
سليم ببتسامه متعبه: الله يسلمكوا كلكوا يجماعه شكرا متخافش يبابا انا كويس اطمن يحبيبي
اطمنوا عليه وبعد شويه المباحث دخلت عشان تاخد اقواله باذن من الدكتور
كانت اقوال سليم شبه غامضه انه ميعرفش مين دول ولا حتي شافهم ومالوش اعداء يستدعيهم انهم يعملوا فيه كدا
خلصوا تحقيق وخرجوا
تاني يوم.......
دخلت سوزي عليهم المستشفي
هي لمراد: هو سليم عامل اي انا هتجنن واطمن عليه متتصورش انا كنت عمله ازاي اما عرفت
مراد: هو كويس
سوزي: طب عن ازنكوا هدخل اطمن عليه بنفسي
دخلت سوزي
سوزي: الف سلامه عليك يحبيبي ان شاء الله انا وانت لا
سليم بخبث: متتصوريش مجيتك دي عملت فيا اي انا مبسوط انك قلقتي عليا
سوزي: منا قولتلك اخر مره شوفتك اني مشدودالك انت اللي مكنتش مديني فرصه
سليم: كنت غبي ومسك ايديها واعدها جمبه
برا الاوضه ....
دخلت رانيا ومعاها غزل
رانيا: ازيكوا يجماعه هو عامل اي دلوقتي
مراد: الحمدلله تسلمي ع مجيتك يرانيا
رانيا: ع اي بس ربنا يطمنك عليه
غزل: طيب انا هطمن عليه بعد ازنكوا وقبل ما تسمع رد كانت فتحت الاوضه ودخلت لكن شافت سوزي وهي اعده جمب سليم وعمالين يسبلوا لبعض
اتحرجت غزل وقالت بصوت مخنوق: انا اسفه جدا
سليم: استني يغزل
غزل وقفت برغم عنها
سليم لسوزي: طيب امشي انتي دلوقتي ونكمل كلام بعدين
مشيت سوزي وهي ماشيه مسكت دقن غزل وبتقول منوره يقمر
شالت غزل ايديها من ع وشها بقرف ورجعت بصت لسليم حمدالله ع سلامتك انا كنت جايه اطمن عليك واسفه مره تانيه عللي حصل مكنتش اعرف ان فيه واحده كدا معاك
سليم بعصبيه متصنعه : وانتي بعد كدا تلزمي حدودك معايا متفتاحيش الباب كدا تاني ومتدخليش فللي ميخصكيش مشمعني اني ساعدتك وخليتك تتعالجي من الادمان يبقي خلاص هقع ف حبك. مثلا فوقي يماما وياريت منتقابلش تاني انتي فاهمه
غزل كانت بتسمع وهي مصدومه وشلال دموع نازل ع وشها ومقدرتش ترد غير بتمام ولفت وشها ومشيت وهي ف قلبها الف كسره
بعدما خرجت اتعصب سليم لدرجه انه رمي كوبايه المياه اتكسرت عشان قالها كلام عكس اللي جواه بس عشان مصلحتها............
