رواية خطيئة قلب الفصل الثاني 2 بقلم فيروز يحيي
كان يجلس داخل غرفه مكتبه ممسك بصورة تجمعهم سويا يوم زفافهم فرت دمعه من عيونه فقد تخلت عن وعدها له ورحلت بعد أن وضعت ملاك الدنيا لا يتخيل الحياة بدونها ابنته من هونت عليه الحياه
-بابي... بابي انا زعلانه منك أوي
-ليه يا روح بابي زعلانه
-علشان انت وحتدني تدويني الملاهي وضحكت علي رهف
-وأنا مقدرش علي زعل روفه حبيبة قلب بابي
-يعني هتوديني الملاهي
-وهو يقبل ابنته ذات الخمس أعوام شور يا روح بابي هوديكي
-أمتي
-في الويك اند الي جاي علي طول
-يعيش بابي يعيش
-طب يلا يا روحي علي النوم
-تبرمت و لوت شفتيها بس انا مش ع اوزة أنام دلوقتي يا بابي
-احنا قولنا ايه نكون شطار ونسمع الكلام صح
-صح يا بابي رهف شطورة وبتسمع الكلام
قبلت والدها علي وجنتيه وذهبت الي غرفتها بمساعدة خادمتها استعداد للنوم
عارف أنك في مكان أحسن من كدة بس انا يا ملك مش قادر أعيش من غيرك شوفتي رهف حلوة ازاي بقت شبهك اووي انا نفسي تبقي معانا ونشوفي شقاوتها
-قاطع شروده صوت رنين هاتفه الجوال
-باسل حبيبي عامل ايه
-انا تمام يا ماما بخير
-أنت ورهف عاملين ايه
-انا الحمد لله ورهف كمان كويسه
-مش ناوي تيجي انت وبنتك وتستقر في مصر بقي
-معلش يا ماما سبيني علي راحتي انا مش قادر ارجع مصر دلوقتي
-لحد امتي يا باسل هتفضل هربان ملك بقالها خمس سنيين متوفيه شوف حياتك يا ابني انا مش هعيشلك العمر كله
-بعد الشر عنك يا امي سيبك مني أيهم ومراته عاملين ايه
-كويسين شويه كده وشويه كده امال روفه حبيبة نانا فين
-لوكنتي قدمتي خمس دقايق كنتي كلمتيها هي نامت دلوقتي
-نوم الهنا فكر يا باسل اخوك لوحده هو الي ماسك الشغل وانا عاوزك انت واخوك في ضهر بعض يا ابني وبنتك تتربي في بلدها
-هفكر يا امي .. هفكر عاوزة حاجه
-عاوزة سلامتك يا ابني خلي بالك من بنتك
-انتي تؤمري يا فيري هانم هخلي بالي من رهف
-ماشي يا حبيبي هقفل انا دلوقتي
*****************************************************
بعد ان غادرت منزل صديقتها جلست هيا وفارس زوجها في غرفتهم يتحدثون
-حبيبي انت مش ناوي تقول كنت عاوز ليان في ايه
-الست هي الست سواء بقت وزيره او فلاحه
-تقصد ايه يا سي فارس
-مقصدش يا حبيبتي كل الي بقوله ان الفضول جزء لا يتصل من اي ست ولو مجبتوش راس الموضوع من اوله لاخره يجرالكو حاجه
-هيا وقد بدا الضيق والضجر ما تجيب من الاخر يا فارس
-وفارس وقد اعجبه منظر زوجته والغيظ يظهر علي وجهها
منظر سكر وانتي متعصبه يا روحي
-فارس بس بقي والله هزعل
-طب خلاص ..خلاص انا اسف متزعليش مني
-مش عاوزة حاجه يا سيدي
-يويو عاوزة تعرفي كنت عاوز ليان في ايه
-اه عاوزة اعرف بس لو مش عاوز تقول متقولش
-يويو هي جودي فين
-نامت يا حبيبي من كتر اللعب مع يودي نامت
ضحك فارس بلعو صوته حتي ان احد غمازته ظهرت من كثره الضحك
هيا باندهاش واستغراب بتضحك علي ايه
-اصل البت جودي ويودي بيفكروني بانا وانتي واحنا صغيرين
-تصدق صح
- بس كنا ناقر ونقير
-تقصد ايه
-مقصدش حاجه
-بس متنكرش انك جريت ورايا
-ايوه لولا الواد الرخم الي كان عاوز يتجوزك مكنتش هعرف اني بحبك كده
-طول عمرك مقضيها مع البنات ومش معترف بحاجه اسمها حب
-لحد ما جيتي انتي يا يويه قلبي وشقلبتي كياني وخلتيني اجي راكع لحد عندك واطلب منك الجواز
-مين كان يصدق ان فارس رسلان يطلب الجواز او يتجوز
-تصدقي صح بس الحمد لله توبنا الي الله
-هو انت تقدر تبص بعنيك بره كنت دبحتك
-بقولك ايه مش جودي نامت
-اه نامت
-طب أيه
-ايه ..ايه يا فارس
-وحشتيني اووي يا هيا
-بس بقي يا فارس انا تعبانه وعــ
-قاطعها بقبله حنونه انستهم العالم باجمعه وقد كان ماكان
وبعد ساعه كانت هيا ترقد علي صدر زوجها العاري وتلعب بخلصلات شعره الناعم
-مالك يا حبيبي سرحان في ايه
-سرحان في ليان ومشكلتها
-بردو مش عاوز تقول كنت عاوزها في ايه
-كنت جايبلها عريس يا ستي
-بجد يا فوفي جايبلها عريس
-اه واحد صاحبي شافها وجيه كلمني عليها
-طب وهي ردها كان ايه
فلاش باك
-فارس ازيك يا حبيبي جيت امتي
-جيت من ساعة العوربيه ومدارس AUC ازيك يا ليان عاملة ايه وبعدين مالك داخله شمال في مراتي حبيبتي
- الحمد لله عامل ايه وبعدين وانت مالك يا عم الامور اتنين صحاب مش تتدخل بينهم
-والله
-اه والله اعترض بقي
-تمام والله اي ريح اتيه عصفت بيك الينا
نظرت له بندهش ورفعت احد حاجبيها بستنكار : اي ريح علي اساس مش انت الي مكلمني وقايل ليا تعالي عاوزك في موضوع مهم جدا
-تصدقي نسيت اصلا اني انا الي قولتلك تعالي
-شوفت اديك انت الي قولتلي تعالي وده في حد ذاته انك هتدفع غرامه علي كلام الي قولته وتعزمني انا وجودي وهيا ويودي في احسن مطعم في روما
-ومين قالك ان شاء الله اني هعمل كده
-انا الي قولت عند اعتراض يا سيد فارس
-ايوة عندي اعتراض يا مدام ليان علشان انا مش عاوز اغرم فلوس كتير ده اولا ثانيا العزومه هتدبسني ان اذهب بكم انتي والانسه جودي والاستاذ يودي وزوجتي العزيزه الي ملاهي بأوامر من ابنتي وابن صديق زوجتي وبصراحه انا مفياش حيل اجري ورا حد في الملاهي
-انا مليش دعوة بكل الرغي ده علي فكره انا كلامي محدد وواضح حضرتك هتعزمنا في الويك اند الي جاي علي عزومه كبيره اعترض بقي
-خلاص لا اعتراض هعزمكوا وامري الي الله منك لله يا شيخه
-احسن علشان تيجي عليا تاني
-المهم سيبك من كل ده انا عاوزك في موضوع مهم
-خير يا فارس عاوز ايه
-بصي يا ستي في عريس متقدملك
نظرت له والغضب يملاء وجها فقد عادت الي ذاكرتها ذكرياتها القاسيه
-سرحتي في ايه يا ليلو
-تمسح دمعه فرت من مقلتيها حاولت بقدر الامكان منعها لكنها فرت هاربه لتعن عن جرح وألام لم تنتهي بعد فالقب يسكن جدران الحزن والالم فقد شاخ قلبها وهي في ريعان شبابها فقد اصبح قلبها كامرأة تخطت الأربعين وهي لم تتجاوز الخمس والعشرين بعد
-مسرحتش ولا حاجه يا فارس بس انا مش عاوزة اتجوز
-ليه مش عاوزة تجوزي
-علشان انا منفعش اتجوز مبقاش عندي حاجه اديها لحد علي قد ما حبيت علي قد ما اتوجعت فمش عاوزة جرح جديد والقديم لسه بينزف
-يا ليان يا حبيبتي لازم تنسي وتبتدي من جديد الحياة مبتقفش علي حد لازم نكمل لازم تنسي
-ليان بعصبيه شديده انسي ايه ولا ايه بس انسي ابويا الي رماني من وانا صغير وعايش حياته لنفسه ونزواته انسي الشخص الوحيد الي حبيته .... لم تقدر علي الكلام فقد انهارات في البكاء وقالت من بين دموعها
كفايه بقي ... كفايه مبقيتش قادره استحمل عايش انا وابني زي الحراميه سيبت شغل وكل حاجه ليا في مصر وجيت هنا علشان اعيش في هدوء من غير مشاكل وكدب وقرف وخداع وحقد
سيبني يا فارس الله يكرمك انا مش عاوزة حاجه غير اربي ابني وبس يودي هو الحاجه الحلوة الي فاضله مش عاوزها تضيع مني
هيا كمان
-قرر فارس تأجيل اي نقاش معها حتي تهدألكنه مخطي فالجرح لم يشفي بعد
خلاص يا ليو متزعليش منك حقك عليا .. كبري دماغك ويا ستي لو علي العريس بلاشه احسن شكله كده هيخسرنا بعض يااختي
-ضحكت من بين دموعها وقالت ايوة شكله عينه مدوره ومقوره هيخسرنا بعض فكك منه وبعدبن مين قال اني عاوزة اتجوز اصلا كفايه عليا يودي
-نظر لها بخبث وقال لسه بتحبيه
-هو مين ده الي بحبه يا عم فارس
-الملامين يا اختي
-تقصد ايه
-انتي عارفه قصدي كويس
-ارتبك وحاولت اخفاء الموضوع فنادت علي صغيرها باعلي ما لديها من صوت يودي ...يودي
-فاتي الصغير مسرعاً قائلاَ ايوة يا مامي
-يلا يا حبيبي علشان نروح
-لا يا مامي مش عاوز اروح دلوقتي عاوز العب مع جودي
-معلش يا يودي بكره اجيب تلعب معاه بس يلا علشان ننام عندي شغل الصبح
-علشاني يا انطي خليكي شويه صغيرين العب انا ويودي)
-معلش يا روحي مره تانيه ان شاء الله هنيجي وتلعب مع يودي كتير
-زعلانه منك يا انطي انتي ويودي
يودي: الله انتي بتزعلي زي العيال ليه هو يودي جيه جنبك اصلا
جودي: مش تكلمني بقي
يودي: يكون احسن بردو ويخرج لها لسان هروح العب مع جومانه بنت انكل جان وانتي لا
جودي : ماسي يا يودي انا هوريك وامسكت ذراعه وضغطت عليه باسنانها بالمصري (عضيته)
يودي: اااااااااه يا بنت العضاضةوالله مش سايبك وفأجاه جري وراها وربنا لعضك وجييبك من شعرك يا جودي
جودي وهي تجري وتختبئ خلف والدها : أحسن تستاهل علشان تلعب مع جومانه تاني يا بتاع جومانه
انفجر كلا من هيا وفارس وليان من ضحك فقد استطاعو الاطفال انتشال ليان من الحزن الذي سببو لها فاري حين عرض عليها فرصه الزواج مره اخري
حاولت ليان بقدر الامكان تدارك الموقف والسيطره علي ابنها فهو اخطئ حين تفوه بلفظ غير لائق
ليان: يودي عيب كده ايه بنت العضاضه دي .. دي الفاظ تتقال اصلا
يودي: I'm sorry mamy
ليان : اسفك مرفوض وانت متعاقب بكره ومفيش لعب ولا هتروح معايا المطعم
جودي قد سعدت كثير بهذا الخبر فيودي لن يستطيع رؤية جومانه او اللعب معها
جودي وقد اخرجت ليودي لسانه: أحسن تستاهل
فقال والدها وانتي كمان يا هانم مش يودي لوحده بس الي متعاقب انتي كمان مفـــ
وهنا وجد فارس من يحرك بنطلونه من الاسفل اذا هو يودي
خير يا استاذ يودي
يودي: انكل بليز متزعلش جودي ولا تعاقبها مش تستحمل لكن انا راجل واستحمل
فارس وقد اغتاظ من يودي كثيراً: خودي ابنك وروحي يا ليان لو سمحتي
ليان وهي تضحك: ماشي يا عم الحمش مفكر نفسك عادل الامام في عريس من جه امنيه
سلام انا
باك
-يعني هي رفضت الموضوع
-ايوة رفضته حتي من غير ما تيدي نفسها فرصه حتي تقعد معاه او تشوفه
-بالراحه يا فارس مش كده
-يا هيا ليان مش بس بنت خالتي لا دي اختي في الرضاعه
-عارفه يا حبيبي انها اختك واي اخ لازم يكون خايف علي اخته
-انا صعبان عليا ليان جدا مشفتش يوم حلو في حياتها ولما الدنيا قررت تضحك لها تاني سرقت منها ضحكتها
-معلش يا حبيبي متعرفش الخير فين
-قوليلي يا هيا ذنبها ايه انها تعيش مع اب ظالم اخد فلوس امها وصرفها علي الستات تعيش مع مرات اب قاسيه توريها الويل يحرمها من اهلها ليه .. يا هيا انا شوفتها بالصدفه عارفه يعني ايه بالصدفه قبل ما تشتغل في المطعم كانت شغاله room service ولولا الشبه الي بنها وبين خالتو مكنتش عرفتها عارفه يعني ايه تسيب شغلها في مكان مرموق وتنزل تشتغل في مكان هي كانت بتحط رجل علي رجل فيه كل ده علشان تربي ابنها
-بس يا فارس الشغل مش عيب
-عارف .. والله عارف وده الي عجيبني في ليان انها مكافحه بتحاول تقف علي رجليها من غير مساعده حد
-تبات نار تصبح رماد ربك بيحلها من عنده وليان طيبه واكيد ربنا هيوقف معاه ومش هيسبها بس يلا نام علشان تروح شغلك فايق
-تصبحي علي خير يا يويو
*****************************************************
بعد ان غادرت منزل اخاها وصديقتدلها دخلت الي منزلها
ابدلت ملابسها وملابس طفلها ودلفت هي وصغيره الي حجره النوم حتي تنام
-مامي تصبحي علي خير
-وانت من اهله يا يودي
شردت فيما حادثها فيه فارس ..فهي ترفض الزواج مره اخري حتي لا تعرض ابنها لحياه مثلها ..فهي كاي بنت تريد حياه هادئه مليئه بالحب والتفاهم بين زوجها لكن تاتي الرياح بما لا تشتهي السفن فقد وعدها الا يتركها وفعلها
فلاش باك
-ممكن اعرف حبيبي سرحان في ايه
-خايفه .. خايفه اووي
-خايفه وانا موجود مينفعش يا عمري
-خايفه الدنيا تسرق مني السعاده الي انا فيها بعد ما وصلتها
-انتي الخوف هيموتك انسي الخوف وخليكي معايا
-انا كلي ملك يا عمري
-تعمل ايه لو صحيت من النوم مكنتش جنبك
-انتي غريبه اووي ايه الكلام ده بعد الشر عنك يا عمري متقوليش كده انا اليوم الي متكنيش جنبي فيه مكنش عايش اصلا
-علي كده بتحبيني
-انتي لسه بتسالي .. انتي الهوا الي بتنفسه ... انتي عمري كله وسنيني الي جايه هتكون احلي علشان هعيشها معاكي
-ربنا يخليك ليا مش عارفه لو مكنتش موجود في حياتي كان هيجرالي ايه
باك
-فعلا كنت قد الوعد وادينا عايشين الحياه الي نفسي فيها لما انت مش قد الوعد بتوعده ليه .. ليه سبتني ..ليه
يا رب خلاص انا تعبت .. تعبت ليه بيحصل معايا كل ده ..ليه
ليه ابويا يرميني ويكون كل همه الفلوس ومراته ونزواته
وحب عمري يسبني ليه
انا عمري ما اذيت حد ..ليه الدنيا تأذيني ليه مستكتره عليا الفرح ليه لما تفكر تصالحني الدنيا .. تاخد مني كل حاجه مبقاش ليا حاجه غير ابني هو بس الي انا عايشه علشانه هو الوحيد الي يستحق اني اضحي واتمرمط علشانه
-جاء يودي مسرعا ودخل في احضان امه انتي بتعيطي
-وهي تمسح دموعها لا يحبيبي مش بعيط
-بس انا عارف انتي بتعيطي ليه
-نظرت اليه باستغراب عارف ..عارف ايه
-انتي زعلانه علشان انا قولت كلام مش ينفع اقوله وزعلت جودي مني
ضحكت علي برائته فهو كلما تنظر له يزداد الجرح من جديد فهو يشبه والده بشكل كبير لكن اخد منها بشرتها البيضاء ولون عينيها الرمادي وشعرها الناعم الكثيف
-لا يا حبيبي مش زعلانه منك علشان انت شاطر وعارف انك غلطت واعترفت بغلطك
-يعني خلاص مسمحاني
-ايوة يا حبيبي مسمحاك
-طب يلا نام علشان انتي عندك شغل الصبح بدري
-يلا يا قلبي
*****************************************************
مر اسبوع دون شئ يذكر سوا ذهاب ليان الي عملها في المطعم ومحاولات فارس المستمره لتغير رأيها في الزواج لكنها مصره علي موقفها واليوم هو عطله نهايه الاسبوع وهو اليوم الموعوده بالنسيه ليودي وجودي سيذهبان للملاهي بصحبه والديهما
-مامي مش يلا بينا انطي ليان جايه في الطريق هيا ويودي يلا بسرعه بقي
هيا: يا سلام علي النشاط كل يوم بتغلبيني في الصحيان بدري ميشوفكيش وانتي بتصحينا
جودي: يلا علشان البس بس طلعيلي البنطلون وبلوزه
هيا: اشمعني بنطلون و بلوزه يعني ما تلبسي فستان
جودي: لا مش هينفع يا مامي
هيا: مش هينفع ليه ان شاء الله
جودي: علشان يودي هيزحل من علشن قالي احنا هنروحي الملاهي والفستان مش هيخليني اعرف العب براحتي
انزعج فارس قليلا وقال بغضب : هيا مشي البت دي من قدامي والله عال ابن ليان بيتأمر علي بنتي تلبس ايه ومتلبس ايه طب ايه رايك هتلبسي فستان يا جودي
جودي: سوري يا بابي مش هينفع اكسر كلام يوديح يزعلويروح يلعب مع جومانه ويسبني يرضيك كده
فارس بسخريه : ازاي يا حاجه لا مينفعش يودي يتفلق تيجي ازاي اتفلق انا الفطار جاهز يا هيا لاحسن هيجلي النقطه من بنتك وابن اختي استغفر الله العظيم
هيابضحك : ايوه يا حبيبي جاهز
............................................
-انا كش عارفه انت مستعجل علي ايه بس
-مش مستعجل انا بس عاوز اروح العب في الملاهي من الصبح لحد بليل
-يلا سلام علي الهمة والنشاط
-يا تري يا جودي سمعتي كلامي ولبستي بنطلون وبلوزة ولا كلامي مش سمعتيه عارفه لو مش سمعتي كلامي هروح العب مع جومانه واسيبك مقموصه
-يودي... يودي انت روحت فين
-انا مروحتش يا مامي يلا بقي
يلا يا روح مامي
تقابلت ليان مع فارس وهيا اسفل منزله وانطلقو الي الملاهي تهللت اسارير يودي عندما رأي جودي مرتديه بنطلون جينز ازرق وشميز كت رمادي
-ايه رايك في لبسي يا يودي
-حلو يا جودي وشطوره علشان سمعتي الكلام
فارس وقد استشاط غضبا: ليان لمي ابنك بدل ما ألمه بيلبس بنتي علي مزاجه
ليان : وفيها ايه يا فارس مش اخوها
فارس: ليان مش علي بابا انا صايع قديم ابنك بيرسم علي بنتي العيال لسه مطلعوش من البيضه اقول للبت البس كذا تقولي سوري يودي هيزعل ويسبني ويروح يلعب مع جومانه
ليان لم تستطع كتم ضحكاتها: ابني راجل ما شاء الله
فارس : هو ده الي انتي فالحه فيه يلا يا زفت انت وهي اركبو خلونا نتتهبب نروح الملاهي
يودي وهو ينظر لفارس نظر شر ويمسكه من بنطاله: اونكل لو سمحت مش تقول عليا ان وجودي زفتات علشان كده مش يصح ابدا واعصابك يا اونكل
فارس: حد ياخد الواد من قدامي
ليان : يلا يا ولاد اركبوا بقي
وانطلقوا جكيعا الي الملاهي
*****************************************************
-بعد دوام دام لساعات تسطح علي سريره وذهب في نوم عميق حتي صباح اليوم التالي لم يسمع نداء ابنته تحث علي الاستيقاظ والقيام فاليوم عطله نهايه الاسبوع فقد وعدها والدها بالذهاب الي الملاهي
-كل ده نوم يا بابي هي دي الفسحه الي وعدتني بيها
هو مش راضي يقوم ليه ظلت دقيقه تفكر ثم قفذت من السرير وذهبت باحضار زجاجه مياه بارده وقامت بسكبها عليها
-فقال بعصبيه ايه ...ايه ده انتي ازاي تعملي كده انتي اتجنينتي يا رهف
ترقرقت الدموع في عينيها اسفه يا بابي بس انت مش راضي تصحي
- وبما اني مش راضي اصحي تقومي تكوبي عليا مياه
-اعمل ايه انت وعدتني توديني الملاهي
-واذا قولت لا
-علشاني يا بابي وافق
-امري الي الله يا ستي هدخل البس بس لما نرجع فكريني ارد فيكي المقلب بتاع الصبح ده
-واهون عليك يا بابي
-ايوة يا رهف تهوني وعلي فكره كده انتي الي بتعطليني علي اللبس وهتتاخري علي الملاهي
-لا يلا بسرعه بقي
-عيوني يا قلبي
**************************************************
بعد مرور اربع ساعات من اللعب والانطلاق قرر فارس وهيا وليان اخذ قسط من الراحه
فارس: يلا يا ولاد كفايه لعب بقي يلا خلونا نستريح شويه يلا يا جودي يا يودي
اتت جودي مسرعه الي ابيها فجلست بجانب امها بينما يودي كان ينظر لطفل يساعده والده في صناعة طياره ورقيه فقد تمني في هذه اللحظه ان يكون والده معهم ويلعب معه فقد اشتاق اليه
شعر فارس بالاشفاق والحزن عليه فذهب اليه
فارس: ايه يا عم ساعه علشان تيجي
يودي وهو يمسح احد دموعه : لا يا اونكل انا جاي اهو
فارس: بقولك ايه
يودي ببرائه:ايه
فارس: انا عاوز العب تيجي تلعب معايا انا وانت بس اتنين رجاله ها قولت ايه
يودي: موافق طبعا يا اونكل
حاول فارس بقدر الامكان انتشال ابن اخته من شعوره بالفقد فهو يريد ان يعيش كطفل سوي مع والديه
بينما هي كانت تمشي فاذا شخص يقول لها
.......: مش تفتحي ولا انتي عاميه مش بتشوفي
