رواية قانون القلب اقوي الفصل العشرين 20 بقلم رسل احمد
تكلي اهواك
ما ابدل بشر بيك
وتالي الكاك تعشك غير وادم
شسولفلك على السويته وياي
ما سواه فرج بـ اولاد هاشم .
+
لشاعرها
+
✨✨✨✨✨✨✨✨✨✨✨✨✨✨✨✨✨✨
+
—-ياقوت—-
الانسان ممكن يتعرض للكثير من الظروف الي تصقل شخصيته وتبني افكاره واني ظروفي كلها رسخت بعقلي فكرة لا تأمنين بجنس ادم غير ابوج واخوتج الباقيين كلهم اذيه وفعلا هو اني شحصلت غير الاذيه نهشو بيه بدون رحمه كلمن لمصلحته الانانيه جانت صفه اساسيه بيهم
الانثى تفرح من تشوف نفسها مرغوبه الا اني كرهت كوني وجه جميل ماجذبلي بس الهم والغم وكسره الگلب بطلت ماريد حب ولا زواج اريد ارتاح اريد انام بدون خوف من تهديدات سيف ورسايله اريد انام بدون فارس وطعنته الي موتت گلبي ونشفت دموعي اريد انام بدون مافكر بحبه وكذبه وانانيته من خدعني وخفى عني حقيقته
فارس مو بس كسر كلبي فارس سلبني اعز صديقاتي سلب ثقتي بيهن واشتركن وياه بخديعته الي
+
نورهان صديقتي اول انسانه صادقتها بالكليه وحبيتها وفتحتلها كلبي ودخلتها بيتي شلون گلبها انطاهه تشاركه كذبه لو ليالي الي عاملتها اكثر من اختي احس روحي بصدمه ماراح اطلع منها وتمنيت أتلاشى من الوجود
+
هو ليش كل الي يدخلون حياتي يأذوني بأبشع الطرق صرت اشك السبب بيه واني انسانه سيئه واستحق الي ديصيرلي
ممكن بيه شي غلط اني مو منتبه عليه
1
جمله ما اكدر اطلكها جانت اخر جمله سمعتها من فارس سديت الخط بوجهه وحضرته من كل مكان ممكن يتواصل بي ويايه مانزلت مني دمعه بيومها البيه ما تشفي دموع هاي جانت اخر مرة اذرف بيها دموع
بلش الدوام من فتره وذبيت روحي عالدراسه والتطبيق
اجه اكثر من مرة لبيت اهلي بس ماخليته يلمحني دخل بمعارك طاحنه ويه اخواني او بالاحرى مواجهاته اغلبها ويه محمد هو رافض يطلك ومحمد يريد يوصلها للمحاكم وبابا رافض يريدها تنحل بدون هوسه ومطاحن
رفضت احجي ويا ولا اسمعه حضرت نورهان بعدما دزيتلها رساله قصيره توضح خيبتي الجبيرة بيها وليالي صرت اعتبرها شفافه وغير مرئيه داشوف علاقتها بحيدر متوترة واكثر من مرة سمعت اصوات جدالهم من غرفتهم
حيدر وليالي الي من تزوجو لحد يوم الكشفت بي فارس ماطلع صوتهم ولا شفناهم على خلاف صار اكثر من مرة يتعاركون ما انكر انقهر من اشوفهم هيج بس ما اتدخل
2
رب العالمين ذب عليه كميه هدوء اثار قلق اهلي حتى مفتاح غرفتي انشال يخافون اتخربط لو اسوي بروحي شي ميدرون اني خويت وصدري فارغ من كل المشاعر هيج عايشه عليك يا الله بدون هدف بدون فكر نفس يصعد وينزل فقط
2
وباحد الايام بعد مرور اكثر من اسبوعين على مكالمتنه الاخير دنيا عصر يوم جمعه متمددة على التخم بالصاله الوسطانيه وراسي بحضن زهراء صافنين عالتلفزيون وماما كدامهه صينيه چاي وكعك وكليچه وبصفها بابا بيده استكانه الولد كلهم مو بالبيت الي بالدوام ملتحقين والي طالع وليالي وبنين كلمن ببيت اهلها وهاجر كالعاده كارصه بغرفتها
+
زهراء تفل بظفيرتي وترجع تظفرها ومنتبهه للفلم واني عيني وياهه بس فكري بعيد اندك الجرس وكام بابا يشوف منو اجانه ومدري ليش كلبي خفق وحسيته هو ... كمت كعدت وباوعت لزهراء بعيون خايفه
+
همست بتلعثم:- اني اروح انام نعست ... هبيت وكفت بسرعه وصعدت الدرج بعدني بمنتصف الطريق وانفتح باب الصاله وصاحني بابا
+
سيد حسن:- يااقوت!!! تعاي بابا .
وكفت رافضه اندار تأكدت هو جاي وماريد اشوفه ماريد اخاف اشوفه واضعف ويقهرني
1
استداريت بوجه خالي من التعابير :- نعم بابا.
+
سيد حسن:- صديقتج هنا تريد تشوفج.
+
عكدت حاجبي باستغراب:- صديقتي؟
جزء من الثانيه احتاجيت حتى استوعب الصديقه الي يقصدها نورهان هزيت راسي رافضه بس بابا اعترض
+
سيد حسن:- بعد اجت بابا عيب تعاي...
+
:- دقايق وانزل بابا ورجعت صعدت دخلت غرفتي وجريت جنطه السفر المحضرتها من ايام جمعت بيها كل هدايا والورد الي جان يجيبه الي واجففه كلبي الغبي مينطيني اذبه واحتفظ بي ،وكلشي جابه الي
وفتحت الكنتور طلعت علبه الذهب ونزلت اجرهن بقلب مثقل ومجروح من نظره وحده عرفو جاي ارجعله كلشي يخصّه و
قبل لا افتح الباب وادخل كال بابا بهدوء
1
سيد حسن :- لا تنفعلين واهدأي بابا انتي مريضه مو زين عليج الانفعال وشي ما تردي ما يصير .
+
هزيت راسي وفتحت الباب جان موجود بمدى نظري لكنني تجاهلته رغم كلشي بيه منتبه ومشدود اله
وعيني انصب اهتمامها على نورهان الي من شافتني كامت وكفت وتقدمت مني بسرعه تركت الجنطه و العلاكه البيها علبه الذهب وكعت من ايدي
+
عيونها الواسعه فائضه بدمعها وعلامات الندم واضحه عليها حضنتني حيل وعجزت ابادلها وصارت تبچي بشهكات متتاليه
2
نورهان:- ياقوت عليج الله لا تسوين هيج اني مو خاينه انتي اختي ومعزتج بكلبي خاصه
+
همست بأستهزاء :- كلش خاصه لدرجه ضميتي عني حقيقه اخوج سنين .
+
نورهان:- والله كالي احجيلها من اول ما كالي عنج اتفقنه يحجيلج بس الظروف والاحداث الصارت خلت الايام تمشي وهو رافض يريد تطلع منه ويكعد يشرحلج ظروفه وشكد حاجيته حتى يحجيلج حتى سألي
+
:- اربع سنين نورهان اربع سنين الظروف ماسمحتلكم تكولولي لحد ما عقد عليه وربطني بي تربط وهم ماحجه رب العالمين كشفه الي
+
عجيب الي احسه كلشي بيه يبجي الا عيوني ناشفه مثل صحراء قاحله
بعدتها عني دموعها تجري وشكلها تعبان رغم هي عروس مصارلها شهر متزوجه بس عيونها الكحيله غائرة وتحتهن هالات عجز المكياج يخفيها وشكلها ضعفانه استغربت هالشي وتجاهلته بعد ما اهتم بس لنفسي
+
:- بعد ما تهمني الظروف نورهان كل الطرق تؤدي الى شي واحد اكو وحده غيري من سنين واني دخيله مستحيل احط بكاع مو ملكي مستحيل أتشارك ويه وحده ثانيه ومستحيل ارجع اثق بي كسر كلشي بينا اخذي اخوج وروحو لا يجي الا من يكون مستعد يطلكني اذا يريد اسامحه يطلكني واسامحه ...
+
همست وهي تمسح دموعها:- يحبج والله وماعنده غيرج
+
ابتسمت بسخريه:- عنده حبيبتي عنده ،عنده زوجه ..
+
هزت راسهه نافيه:- انتي زوجته وذيج مايوم صارتله زوجه حقيقيه
+
ذبيت حسره بتعب مليت من هالكليشه الي انعادت عليه مئات المرات
+
:- نورهان مارجع والله مارجع هذا الشي نهائي وكلكم غدرتوني ومثلما غدرتوني اني راح اطلعكم من حياتي كافي بعد ما اتحمل اكثر اذيتوني بما فيه الكفاية
+
درت عيني بأتجاهه باوعتله صافن بيه وعيونه تتجول عليه بشوك واضح وملامحه مغيمه وشكله تعبان همست اشدد على كلماتي:- اخذ اختك وروح تعال من تقرر تطلكني.
+
وكف بسرعه واقترب مني ابتعدت نورهان وكعدت على التخم ودموعها تنزل منزله راسهه وكف مقابيلي درت وجهي صفح رافضه اخسر عليه نظره
+
نقر بسبابته على جانب راسي:- خليها براسج لو تموتين وحياتج متوقفه على طلاكج هم ما اطلك ودامح رافضه تكعدين ونحجي مثل العالم والناس تصرفي وياج راح يختلف
22
:- المحاكم بينا لعد وسوي الي تكدر عليه .
5
خطف ذراعي ورفعني لوجهه يباوعلي بعين لاهبه :- خلي رجلج تعتب باب المحكمه حتى اكسرها الج حجيت هواي وكتلج مو مرتي وانتي عقلج واكف ما يستوعب ولا تقبلين تسمعين لا تجبريني اتصرف بغير اسلوب وياج يعني اذا اريد اتزوج تخوفيني ؟اكدر احطج واتزوج فوكج بدل الوحدة اثنين واتزوجهن صدك وجهالي يترسون البيت كدام عيونج واشوفج المتزوج صدك على اصوله
2
بكلمات معدودة عرف شلون يشعل كلبي وغيرتي ويحرگني وصحراء عيوني القاحله فجاه طكت بيها عين مي جاريه ودموعي نزلن بجيت بصوت وردت اطلع بس ماخلاني طوقني بأيديه صرت ادفع واضرب بي واحجي من بين دموعي احجي خيبتي وكسره كلبي
1
:-عوفني لك عوفني وروح الله ياخذني لان حبيتك بيوم انت ندم عمري وغلطه حياتي عوفني
1
فارس:- اهدي بس اهدي زعلي وتستاهلين اعتذرلج مليون مرة بس افهميني ولج ماردتج تضعين مني حبج سودني ردتج الي وماردت شي يوكف بطريقنه وعيونج جنت راح احجيلج كلشي ورا عرسنا لج كافي تسوين بينا هيج اثنينا نموت اذا نتفارك ازعلي شكد ما تردين بس ما اعوفج افتهمي انه قدرج
7
ادفع بي وما يبتعد عني :- والك عين تكولها كدامي بكل صلافه جنت ناوي تكمل فلمك وتكسر ظهري بزواج لو تموت يا فارس ما اصيرلك مرة حتى بالحلم ما اصير ببيتك ولو اعرف اظل معلكه طول العمر عادي مهم ماحقق الي تريده ولا انزل كرامتي واقبل بالاهانه
+
فارس :- زين اسمعيني وقرري وحكمي وراهه التردي يجرالج..
+
كلمات قليله كفيله انها تهدأني باوعتله بشك واني الهث وهمست بصوت باكي:- يعني اذا اكعد اسمع تطلكني؟
+
هز راسه بأي :- اسمعيني بس وراهه نحلها..
1
بلعت ريكي وصرت امسح بوجهي الغركان بدموعي فتح ايديه المطوقني بيهن وكعدني عالتخم
لزم وجهي حتى يجبرني احط عيني بعينه وسالني بصوت خفيض:- انه فارس ياقوت ؟ انه الحبيب الخله كليبج يعرف الحب ؟
27
وكعت دموعي على ايده صوتي رجف وضعف:- ولان انت فارس ماريدك لان احبك ماكدر اغفرلك السويته ولان تهمني السويته ذبحني ولو تصير النفس الي اشهكه مابقى وياك انهيها وخلينا نرتاح ...
+
همس بضعف:- ماكدر اعوفج كليلي موت بس لا تكليلي اطلك ماطلكج اعوفج ترتاحين فترة بس ما اطلكج...
2
:-وابقى هيج معلكه يعني فوك السويته بيه اناني وتريد تدمر حياتي
+
فارس:- حياتج ملكي وكلشي بيج مالتي ومو فارس الي يتخلى عن املاكه
1
وخرت ايديه مني وابتسمت بسخريه:- روح تزوج وخلي جهالك يترسون بيتك وعوفني بحالي ياخي چلبت عادي مثلما لگيتني وعجبتك وتزوجتني على زوجتك باجر عكبه تلكه وحدة جديده احلى مني واحسن وروح تزوجها وعندك اخت تطمطم سوالفك وترتبلك ...
+
فرك جبينه بنفاذ صبر:- مو اتفقنه تسمعين بالاول؟
+
مجاوبته ولا الي طاقه اجاوبه مهما تكون قصته قراري واحد
كعد بمحاذاتي بيني وبينه كم شبر شبك ايديه واسترسل بحديثه بصوت هادئ
فارس:- احلفج بجدج اسمعيني لاخر حرف ولا تقاطعيني
الرجال مرات يضطر يتخذ قرارات مصيريه حتى يكف اذى ويتجنب مشاكل والشاعر يكول ( على قدر اهل العزم تأتي العزائم)
رب العالمين شاف بيه الي يكدر يحمل هالحمل وتكربست براسي وظنيت اني كدها واهل الها بس عشكج يبت الساده اجاني غفل وطشرني
عقلي فصل وردتج جنت اظن سهل هالشي وصعبتي عليه وكلما تصعبين عليه وكلما تصدين وعيونج بالاول رافضه تحطيها بعيني اريدج اكثر
2
قاطعته مو كادرة اتحمل اسمع هالكلام:- كافي تحجيلي بشي ما يخص الصار لا تحجيلي بعشك انبنى على كذبه
+
هتف بنفاذ صبر:- گلتلج لا تقاطعيني ...
+
درت وجهي عنه بسخط
+
فارس:- كلما اجي اريد احجيلج يخايلن الي عيونج التستحي وبسماتج الي جنهن دوة لكل عله بيه وكلبي يرجف عليج اتخايلج تروحين مني واخسرج وانه اعرفج ماراح ترضين وحكج ماترضين وحدة مثلج ما تتشارك برجلها بس هي ما موجودة بحياتي حتى تتشاركين وياهه
1
:- ومن تعرفتي مارضى ليش ورطتني ؟
+
عاتبني بحزن؛- ورطه؟ انه ورطه ياقوت ؟
2
هزيت راسي بعنف ودموعي تحرك بروحي كبل خدي:- اي ورطه ورطه غبيه اني صدكت بيك وانت اكبر مخادع
+
فارس:- ماخدعتج كلشي انبنى بينا صدك وداليا اختبار رب العالمين حطه بدربي من سنين يا بت الناس جانت صغيره وغلطت غلط ما ينغفر ابوها انجلط وإخوتها رادو يبتلون بدمها وعيله كامله تنهجم چهبتني امها وامي نزلت تبوس رجلي حتى استر عليها بورقه عقد تكف الاذيه شسوي فهميني محد من ولد عمها رضه يسترها اذا يكتلوها كل بناتنه يتأذن وسمعتهن تروح بالرجلين ما تعرفين الخير يخص والشر يعم .
2
باوعتله بأبتسامه ضعيفه:- مرتك لو مو مرتك ؟
1
هز راسه نافي:- مو مرتي هالايدين ما شبكن غيرج.
+
:- مرتك فارس هي مرتك من سنين لا تقنعني وحده حلوة مثلها وحلالك كدام الله وما دنت نفسك عليها وما صار بينكم شي
+
لزم شاربه ويحجي بثقه
فارس:- وهذا شاربي مو علي اذا واصل يمها ولج ببيت اهلها لا شايفها ولا شايفتني
1
سألتني نورهان بفضول:- وانتي وين شفتيها وعرفتيها حلوة؟
1
عضيت شفتي على زله لساني وسكتت
+
باوعت للفراغ وهمهمت :- مو مهم وين المهم عرفت ولو صدك ماكو بينكم شي جان طلكتها وتزوجت مو مبقيها على ذمتك وتتمعشك ويه بنات العالم
+
صفك ايد بأيد وهتف بنفاذ صبر:- يا الله يا محمد يا علي يا الاسلام ولج بحياتهه ما صارتلي مرة وانه نفسي لاعبه منها
1
باوعت بعينه بثبات:- مدام اكو وحدة على ذمتك اني ماصيرلك مرة ومدام علاقه يصير بيها خيارات هم ماريدها حتى لو اخيرك وتختارني ماريدك لان الي يحب ما يحطك بخيارات
+
سكت ودنك راسه شنو يريد يجاوبني وهو يكذب عليه وهي مرته شفتهم بعيني سوا صورهم متفارك بالي
+
:- اني مجاي الومك على زواجك منها هذا امر عائلي يخصكم اني عليه بالجزء الي يخصني انت كذبت عليه متزوج وورطتني وياك وخفيت عني هالشي وماريدك بعد سمعتك وسمعت سالفتك واريد اطلك هاهيه
+
تدخلت نورهان موجهه كلامها لفارس:-كمللها الباقي ليش تحجي نص الكلام كللها ليش ماتكدر تطلك داليا ليش تدمرون علمود وحده رخيصه.
1
وجهلها نظرة تحذير حاده :- نورهااان اسكتيي..
+
ضحكت وباوعولي باستغراب ضحكت من قهري وكلبي المعطب:- رغم كل الصار بعدك تكذب وما تحجي القصه كامله لهلدرجه ما اسوة اعرف كلشي ..
+
فرك عيونه بيأس وصوته طلع تعبان وحزين
1
فارس:- مرات الواحد مايكدر يحجي كلشي حتى ما تصير مشاكل
+
يمكن بداخلي اوافقه على هذا الشي واني خفيت شغلات حتى ما اسوي مشاكل اكبر بعيلتي بس الي خفاه فارس عني يختلف
2
:- فارس اخر مرة اطلب منك بهدوء مثلما دخلنه بالمعروف نطلع منها بالمعروف وطلكني والا..
+
قاطعني بحده:- والا شنو مدام؟
+
:- المحاكم بيننا ..
+
كام وكف على حيله واشر لنورهان تكوم :- سويها وشوفي ..انه راح انطيج وقت تهدين وتفكرين بينا تفكرين بحبي الج وتمسكي بعلاقتنا لحد اخر نفس يمر بصدري انتي مرتي وانه لا يمكن اتركج ادري بيج مقهورة وعصبيه وودج تشربين من دمي وتنتقمين مني وانتقامج تاخذي مني وانتي ببيتي وحضني گلتها الج وارجع اكولها ما يلمج بيت وحضن غيري
1
رفعت عيني بعينه:- اني الراح أتركك شايف هاي السمه الفوك بيها امل تطولها وتلزمها بيدك واني لا ابعد منها عليك ،اني بت سيد حسن ماعاش الي يهيني واسكت عشت طول عمري بكرامتي ما ياخذني غير الي يقدرني مو الي يحطني ويه وحده ثانيه ..
+
بلع ريكه وهمس لنورهان:- نواره روحي لسياره انتظريني ..
+
اقتربت مني وحضنتني:- سامحيني فدوة والله ماتحمل اشوفج هيج ماتحمل زعلج
+
اختنكت بغصه جثمت عليه كلي مو بس على صدري:- روحي نورهان روحي هذا حد صداقتي وياج ..
+
شهكت تبجي وطلعت ركض من البيت واني حالتي مو اقل منها بس جرحي منها جبير اقترب مني ووكفني كدامه يمسح جفوني بخفه
+
عاتبني بصوت خافت:- تردين تعوفيني وتنسين البيني وبينج وتهدمين كلشي
1
بكد الالم الجرعته منه محتاجته ومحتاجه قربه :- جسر الحب البيني وبينك انهدم وشالو حتى انقاضه بعد ماله وجود..
+
حط كصته على كصتي :- امدلج روحي جسر بيه الج عشك يحتاجله هواي كلوب حتى يشيلنه لك ياضوة تريد تعوف حبيبك.
3
قربه يضعفني وصوته الخافت اليتوسلني يهدم اسواري المنيعه ولكيت نفسي اشكيله منه اله:- ليش حطيتني بهالموقف لو صدك تحبني شلون هنت عليك اني فارس ؟اني هيج تسوي بيه؟ ولك ضحكت عليه ناس جنت اتبختر عليهم بحبك الي وطعنتني بطريقه ماعرف شلون أوصفها خنتني وحتى مالي حق اشعر بالخيانه اثاريك تخونها هي ويايه طلعت اني الطرف الثالث اليكروهنه الناس بالمسلسلات والقصص
+
ضمني لصدره حيل وبادلته بچيت دموعي الي بسببه على صدره وايدي صارت تضرب ظهره:- دمرتني وما اسامحك ابد وراح اطلعك من كلبي وانساك
+
بعدني عنه ويباوع بعيوني مبتسم بحزن:- اول اولاد الام يسمو فتحه عينها ولج انه فتحه عينه لكلبج تردين تنسيني شفتيلج ام تنسه وليدها ؟ انه وليده لكلبج ..
+
انتزعت روحي من حضنه وتراجعت خطوات ليورة:- ميفيد الحجي بعد نلتقي بالمحكمه .. البيني وبينك انتهى
+
صفك ايد بأيد بنفاذ صبر وندفع ناحيني لزمني من اكتافي وعصرهن حيل :- يا ياقوت راح طلعيني من ملتي وطوري ولج شهالعناد اكلج مو مرتي وماكدر اطلكها و اختي عدهم اول وحدة يلوحها طشار وهي عدها طفل ترضين ينهجم بيتها
+
فتحت عيني مبهوته :- لا تطلكها طلكني ابتسمت بسخريه وعلمود هيج امك وريم ابد ما تقبلوني مو
+
خفف قبضته عني وعكد حواجبه بعدم فهم:- منو الما متقبلج ؟
+
تهاويت وكعدت :- امك ابد ما حبتني وريم حتى بيوم الخطوبه ما باركتلي طلعت جاي تتزوج على حماتهه علمود هيج تضوج مني
حسيت بطعنات الم بصدري رفعت ايدي افركه بلكي يخف الي داحسه
كلما يحجي اكتشف شي يبعدني عنه اكثر
+
همست بتعب اثقل روحي:- انت اختاريتها واني هم من حقي اختار عليك الله روح كلبي راح يوكف حرام عليك والله ما اذيتك حتى تأذيني هيج ماجنت اعرف حاقد عليه هالدرجه اخذت انتقامك مني ودمرتني كافي بقيلي شي اعيش عليه بقيلي كرامتي وطلكني مو تعبت هلكد ما كررت كلمه طلكني
+
كعد كدامي على ركبه وصار بمستواي رجع شعري ورا اذاني:- محد يجي وياج حتى اقارنج بي واختاره عليج انتي كل اختياراتي وبيج كل الاحبه بس گليلي منو السمم افكارج عليه منو الغلبني وحجالج قبلي وخشن كلبج عليه ؟ احجيلي ؟
+
باوعت بعيونه :- المنك وبيك حجالي وشال الغشاوة عن عيوني ..
+
باوعلي مستغرب وفتح عينه مثل الاستوعب شي كام بسرعه وطلع مثل الي مفوت القطار ويريد يلحكه
+
مالحكت اوكفه حتى ياخذ الهدايا والذهب ويا ظليت كاعده بمكاني ودموعي تتجارى بسباق دمعه اكبر من دمعه انفتح باب الصاله ودخل محمد وسد الباب وجهه اصفر ويكرض بشفته السفليه كعد بصفي بمسافه عني وفتح باكيته وورث جكاره
3
لازم الجكاره يباوع لدخانهه زفر بتعب وسألني
+
محمد:- وصلتوا لحل؟
+
هزيت راسي بنفي:- ما يرضه يطلك.
+
محمد:- وماراح يطلك ادري بي .
+
عصرني كلبي وتمنيت كل هذا حلم واصحى واتصل بي يكلي شلونج يا ضواي جليت صوتي وهمست:- الاحد اسويلك توكيل وارفع عليه دعوة .
+
هز راسه ب(اي) بدون ما يحجي وتذكرت نورهان معقوله شافهه باوعتله بعيون تسأل ولسان ساكت
+
رمش بضعف وبلع ريكه :- شفتها بس ماكدرت اباوع ناحيتها ..كام وكف تحمحم واردف:- احم اروح احاجي سيد الوالد بعد ما منها ماعدنه غير درب المحكمه وكون يقنع اذا ما يقبل ماتصرف تعرفين ماعبر ابوي واسوي شي مايرضي.
+
همست بيأس:- ان شاءالله يرضى..
+
كمت صعدت غرفتي وورا شويه صعدت زهراء تجر بالجنطه والعلاكه
دفعت الجنطه جوة سريري ورجعت العلاكه بالكنتور وكعدت بصفي حضنتني بجيت بحضنها بدون كلام وهي تمسد على ظهري
+
زهراء:- توته كافي راح تموتين
+
رفعت وجهي اباوعلها:- ياريت اموت ياريت واخلص ولج نار وشابه بكلبي مجاي تطفه حرگني فارس وطشر رمادي ويريد يرجع يلم الماكو مني
+
همست زهراء بعيون عاطفه:- توته بس والله يحبج .
+
جاوبتها بسخط:- هذا يا حب الي يحب هيج يسوي؟
+
وقبل لا تجاوبني سمعنه صوت حيدر وليالي يتجادلون بصوت عالي .. طلعنه على صوتهم مرجعها من بيت اهلها وواكفين بالوسطاني الفوك وديتعاركون
+
حيدر:- من اكلج ترجعين البيت يعني ترجعين عود تحرجيني ويه امج حتى تبقين هناك؟
+
جانت دموع ليالي تجري همست بضعف:- انت مو طايقني خليني اروح يم اهلي فتره وراهه ارجع مو كادرة اتحمل نظرتك اليه تعبت .
+
اباوع لحيدر يتصرف عكس الحب البعيونه فرك وجهه بسخط واردف:- ما فكرتي بنظرتي من ضميتي فواين ابن عمتج ودمرتو اختي .
+
انهارت بالبجي وهزت راسهه:- بيش احلفلك كال هو يحجي وياكم لان ماعنده شي يربطه بيها وخاف متوافقون وهو رايدها لياقوت بيش احلفلك ما متزوجها وتصدك كافي الله يخليك تعبت ..
تركها وتوجه للغرفه وليالي وضعها تخربط زاد بجيها ومشت خطوتين ورا ووكعت مغمى عليها .. ركضنه عليها اني وزهراء وهو اندار على صوت الطبه وانبهت والخوف اعتلى ملامحه وركضلها دنك عليها حطها بحضنه يضرب وجهها بخفه لزمت ايدها افرك معصمها
+
حيدر:- ليالي حبيبي شبيج ليالي شو فتحي باوعيلي ولج لا تخوفيني عليج يلا كافي...
+
تنهدت بتعب وفتحت عيونها ترمش ببطيء وتباوع علينه مستغربه
صوتها خافت وتحجي بحيرة حطت ايدها على جبينها:- هاي شكو شصار بيه..
+
حيدر بقلق:- وكعتي من طولج شجاج شتحسين تعبانه يوجعج شي؟
+
هزت راسهه بنفي وحاولت تكوم ساعدها حيدر وسندها يمشيها للغرفه ودخلو غرفتهم ... ورا شويه طلع من الغرفه وسد الباب على كيفه الظاهر نامت ضغط بين عيونه وشكله حزين
اقتربت منه اسال عنها
+
:- شلونها
+
هز راسه يطمني:- زينه بس دايخه شويه وتريد تنام
+
بلعت ريكي بقهر:- حيدر لا تعاملها هيج مو ذنبها لا تحملها اثم فارس خطيه ليالي تحبك شفتها شلون من القهر وكعت من طولها خلص اطوي الموضوع ورجعو مثل قبل الصار صار اكيد مو قصدها .
+
ابتسم ابتسامه ضعيفه:- شكد كلبج نظيف توته غير وحدة تحير شتحجي حتى اعادي مرتي .
+
ابتسمت :- لا حبيبي مو قصه گلبي ابيض بس اعرف ليالي ما بنيتها سوء
+
هز راسه:- وانه هم اعرف ماجان نيتها سيئه بس غلطت من ضمت عني هيج شي ولازم تتعاقب حتى ما تفكر بيوم تضم عليه انوب
+
:- عاقبتها بما فيه الكافيه كافي عيشو حياتكم لا تكضوها زعل من يطول الزعل تصير مو حلوة
+
حضني وطبع قبله على جبيني:- لا تشيلين هم
+
ايامي صارت ثكيله محمله بوجع كلبي الي احاول اكتمه كل المشاعر تجيني اشتياق لاهب لحبه حنانه حضناته وعيونه الي جانت تحير شلون تغازلني وغضب وسخط على كذبه الي شككني بكل لحظه حب عشتها وياه غيرة واني صورهم ما تفاركني نايمه بين احضانه الي يقسملي احضانه ما لمت غيري اجذب عيوني لو اصدكه وبابا ديصعب عليه معاناتي بسكوته ورفضه ارفع دعوة تفريق حتى اجبرة يطلكني ومحمد طبعا رافض يتجاوز بابا يوم عن يوم ادفن روحي بين البحث والتطبيق والدوام واغلب الايام اداوم بالمكتب هم وصرت اتعب روحي حد الانهيار حتى انام وما اظل اتلوى بفراشي بالليل اعاتب كلبي ليش تحبه هلكد وتأذيني يوم يجر يوم ما تواصل ويايه ولا اني تواصلت ويا واصلا حاضرته تعبت من وضعي ليش هو رغم كلشي سواه متحكم بيه وبحياتي
+
—— نورهان—-
+
حاولت اكثر من مرة اقنع فارس يحجي لياقوت وضعه ويه داليا بس ماسمع مني والامور تأزمت زعلها أذاني ودمرني لا هي تستاهل الصار ولا اني استاهل قساوتها طلعت من بيتهم دموعي خنكتني وصعدت بالسياره فرغت كل الثقل الي بصدري وبجيت بصوت يمكن الديصير بيه كله حوبتها وماجنت ادري ..شربت مي بعز صفنتي طبكت سياره استاذ محمد مقابيلي ونزل منها يضحك هو واخوه مصطفى اثنينهم لابسين رياضي مبين جايين من جم خجلت يشوفني وتمنيت حجمي يتضائل واختفي بس شافني وكف بمكانه وملامحه جمدت باوعلي جزء من الثانيه اكيد ضايج مني علمود اخته واني الضميت عنهم موضوع داليا دار وجهه ودخل للبيت متجاهلني ضميت وجهي بيدي وزادن دموعي وجلدت ذاتي حد الموت ياقوت صديقتي الاحبهه كارهتني واستاذ محمد الي مد ايد المساعده الي بكل مرة جنت احتاج مساعدته وماشفت منه غير الاحترام مو طايق يباوع بوجهي
طلع فارس مثل الاعصار وصعد وشخط السياره خلاني اچلب بحزام الامان بخوف
+
:- شكو شصار ؟؟
+
باوعلي عيونه بكصته وينكث من العصبيه:- يامن يلزمني ريم يا بويه اذا ريم الحاجيه الا اشك حلكها ..
+
:- معقوله تسويها وانت محذرها اكثر من مرة متدخل ؟
+
فارس:- خل الكفها من نظره اعرفها الا ازوعها العافيه انه ليش اهلي محد يريد يشوفني مرتاح اريد افهم يعني افني عمري ادوس بروحي علمودهم ومن شافوني لكيت راحتي سلبوها مني ريم بالذات لخاطرها مبقي هالجلبه على ذمتي
+
:- فارس طلكها وفضها ياقوت قافله مدام على ذمتك مرة ما ترجعلك؟
+
باوعلي صفح:-وشيسكت امج البلتني بيها نورهان تعرفين شيصير اذا طلكتها الكلبه ريم تطلك وابتلي بيها
+
تنهدت بيأس:- يعني راح تطلك ياقوت بهالحاله..
+
باوع ليكدام مچلب بالستيرن بأثنين ايديه:- على موتي اطلكها تحلم .
+
:- والحل فارس والحل يعني احنه كلنا شنو ذنبنا ندفع ثمن غلط داليا هي مرتاحه وانت وياقوت واحتمال ريم تدفعون ثمن بدالها
+
فارس :- احتاج وكت حتى افضها
+
وصلنه بيت خالي ونزلنه اثنينه دك الباب وطلع خالي تسالمو وطبينه دخلت ريم للصاله ولونها مخطوف باوع فارس لخالي واستأذن منه
+
فارس:- خلي من رخصتك محتاجين ريم بكلمه راس.
+
ابو سراج:- اي ليش لا يلا اخذو راحتكم كام طلع وسد الباب وفارس هب من مكانه انكمشت ريم على نفسها لزمها من صدر دشداشتها بتك ايد ورفعها لوجهه
همس بهدوء مخيف ينذر بعاصفه
فارس:- اي ست ريم شوكت دسترتيها ورحتي حجيتي لياقوت.
+
بلعت ريكها وعيونها مفتوحات على وسعهن بخوف وصارت تمتمت بالحجي
ريم:- مم ما حجيتلها شي والله ماحجيت
+
صاح بيها بصوت عالي جفلنه اثنينه:- لا تچذبين لا احط القندرة بحلكج كلبي محمل منج يبت امي وابوي ..
1
نزلت دموعها وصارت تحلف:- والقراءن مو اني والله مو اني هي داليا الحجتلها ..
+
فتح فارس عينه مثل الي اجته طلقه بنص صدره وهمس بصدمه:- وداليا شوداهه على ياقوت ووين لگتها ؟
+
سكتت ريم ونزلت عيونها هزها حيل وبعده لازمها من هدومها:- تحجين لا ادفنج هنا واصله وياي للضالين والحسين هسه ادفنج انتي وذيج الكح..ة
+
حطت ايدها فوك ايده الي لازمتها ونشغت :- احجيلك والله بس هدني .
+
صرخ بيها بنفاذ صبر:- احجييي
+
باوعتله بخوف وبتردد كالت:- بيوم عرس نورهان هي اجت وماعرف شوكت حاجتها ما شفتها كلتلها والله كلتلها دير بالج بس ما سمعتني هي من خطبت تخبلت ليش انت مكمل حياتك وهي حياتهه واكفه
+
فارس:- علمود هيج تخربط وضعها بيومها
هد ريم واندار عنها حاط ايده على حلكه رجع اندار ورفع ايده ونزلها على خد ريم بصفعه طرحتها بالكاع اول مرة فارس يمد ايده على بشر كدامي ومنو على ريم
1
شهكت ولزمته من كتفه اجره :- فاارس صدك تحجي؟
+
باوعلي وماشفت بعينه غير الغضب:- الي تبيع اخوها تستاهل تندفن مو بس تنضرب راشدي
+
لازمه خدها وتبجي :-مابعتك سكتت وما حجيت مافتحت حلكي رغم كلهم اكلو كلبي يردوك تمم زواجك من داليا.
+
ابتسم بسخريه:- اي صح سكتي وانتي تعرفين ذيج السافلة تريد تحاجي ياقوت وتهجم حياتي ولج ريم شسوي بيج امردج هسه وينها ذيج الكلبه كومي صيحيها كومي صرخ كلمته الاخيرة خله ريم تكمز من مكانهه وطلعت تركض دخل خالي والظاهر سامع كلشي ماكو على وجهه اي ملامح اسف ولا اعتذار ولا چنه ضايج من عمله بنته ولا متفاجىء عرفت خالي عنده علم بدون ما ينطق حرف ..
1
ابو سراج:- شنهو الديصير هنا..
+
ابتسم فارس بشر وورث جكاره وكعد:- بعده كلشي ماصار .. ثواني ودخلت ريم وياهه داليا الي عيونها تلمع خبث .
اشرلها فارس تكعد مقابيله وانصاعت لامرة سكوت قاتل بس صوت نفخات جكاره فارس ينسمع كمل جكارته والكل يترقب ينتظرون شراح يسوي واني منهم
3
شبك ايديه وباوع لداليا بقرف:- انتي منو السمح الج تحجين ويه مرتي ؟ وشلون تجرأتي ومنو انطاج الصلاحيه تحاجيها
+
قبل لا تفتح حلكها وتجاوب تدخل خالي
+
ابو سراج:- چا داليا مو مرتك لو بس ذيج ..
1
دار راسه على خالي وهمس بهدوء:- ذيج اسمها العلويه .. وبالنسبه لبتك خالي ليش تخليني افتح دفاتر عتك غير دافنينه سوة
1
عيون خالي صارن بكصته ووجهه احتقن وباوع لداليا بنظره لوم رجع باوع لفارس :- وشني تظل هيج لا هي متزوجه ولا هي مطلكه الناس اكلت وجوهنه شوكت فارس ياخذها..
+
ابتسم فارس بشر وباوع لداليا :- اي احنه بيها اطلكها وتروح تتزوج مدام ميته عالزواج ..
+
اصفر وجه داليا وهزت راسهه ب(لا) تتوسل بي بعيونها ..
1
ابو سراج:- وشكول للعالم بتي العاقده من ٨ سنين وشوي رجلها ما يقبل يتزوجها وتطلكت والعالم تاكل وجهي وتحجي بعرضي ترا العيبه تطولك گبل لا تطولها والحجي يلحك رجولتك...
+
استراح بفارس بكعدته ورجع ظهره ليورا وحط رجل فوك رجل مترهي:- خليك ببتك ورجولتي اني احير بيها لا تشيل همي خالي . انه سويت زين ويه بتك لخاطر امي وحتى ما يخيسون ولدك بالسجون تالي بتك تروح لمرتي تكللها متزوج . شوكت متزوجها انه
+
كام خالي من مكانه وكعد بصف فارس وحط ايده على كتفه:- وليدي انت ابني السبع الاتنومس بي يشهد علي والله انه معتبرك چبيري مو سراج وداليا بت خالك وعرضك ماخليتنه نذبحها استرها يا ابني وتزوجها ومحد يلومك تزوج عسى ما تتزوج عشرة كمل جميلك با ابني مو انت هم صعبتها علينه صارلك سنين عاقد عليها بدون زواج
2
فارس بملامح جامدة:- صارلهه سنين مچبوبه يمك شنهو التغير وصرتو تردوني اتزوجها؟
+
ابو سراج:- خطبتك وزواجك فتحت عيون العالم الجانت ناسيه العشيرة كلها تحجي وتكول بتك شني ضلتها هيج وفارس يريد يتزوج وحدة ثانيه
+
فارس:- خالي انه عنده مرة وحدة وهذيج هناك ببيت اهلها وماتريدني بسبب بتك المصون واذا تريد تگلي اختار ومن هالسوالف انه مختار العندي ما ابدل اظفرها بنسوان الدنيا كلها مو بهاي واشر على داليا بقرف
2
انفعل خالي وكام وكف:-اذا تطلك داليا اعتبر ريم مطلكه وابنها يم ابو لو تتزوجها وتخصم الموضوع السالفه طولت هواي
3
اثنينهن انتفضن ريم تبجي بصوت وداليا تتراجف
فارس يحاول يبقى هادىء بس صوته عالي ويرجف يريد يكوم يدفنهن اثنينهن:- اختي ما سوت العيبه حتى تتحمل اثم بنتك هو انه صوجي انطيتها لسجاد
+
ابو سراج:- داليا تنكتل وريم تطلك
+
وداليا بدل ما تكون خايفه ومكسورة تتوسل حتى تنحل بهدوء وكفت تباوع بتعالي
1
داليا:- يعني انت تريد تهجمها علمود وحدة عرفتها ذاك اليوم ؟
+
فارس جان منتبه ويه خالي من سمعها هيج شال النفاضه وشمرها عليها وهي تفادتها وركضت تريد تطلع وخالي كام يصيح
1
ابو سراج:- فاررس كدامي تسوي هيج شبيك تهرفلت روح تزوج ياهو الكاضك
+
فارس بصياح متجاهل خالي:- تعاي هنا تعاي خل اعدمج يا عار لا تجيبين طاريها على لسانج تسوة راسج الج عين تفكين حلكج والحسين اسويج وصلتين داليا صارلي سنين ساكت عنج عبالي تعرفين غلطتج بس الظاهر شفتي استخطيتج وتماديتي لو عايفهم يدفنوج بس اخخ وصفك ايد بيد وعض اصبعه اخ منج يمه كله منج
+
ابو سراج؛- اكعد ولا تظل تصيح اتفاقنه واضح فارس داليا ما تطلك كبل ما اتمم زواجك منها ورايتها تكون بيضه كدام كل الناس
+
اشرلي بيده انطلع:- صخم الله وجهها ورايتها لو يحتيي ابوي اكله ارجع لكبرك بويه وما اسويها هذا اتفاقك صار ويه نسوان مو وياي ما اخذ بي واندار لريم انتي لو عندج كرامه تلمين هدومج وتجين وياي الي يساوم بيج ويبيعج برخص ما تبقين يمه ربيتج على الكرامه والكبرياء من طاح حظ تربيتي اذا انتي تربيتي
1
غطت وجهها وصارت تبجي بصوت واكتافهه تهتز بقهر عفناهه وطلعنه
+
صعد السياره وحط راسه عالستيرن انقهرت عليه منين ما يلتفت مسدودة بوجهه همس بصوت مقهور
3
فارس:- ماترجعلي اعرفها . اعرفها راحت مني
+
طبطبت على كتفه :- ياقوت تحبك والله بس مقهورة منك بمرور الوقت تعرف وتصدك داليا مو مرتك متعيش بدونك
+
رفع راسه وهز راسه بنفي:- كرامتها انجرحت وثقتها بيه انعدمت واهلها كلهم بظهرها ويشجعوها تعوفني
+
دك تليفوني وشفته باسم اول ما فتحت الخط استلمني تحقيق
1
باسم:- مو چن تأخرتي مدام واخوج كال شغله ساعه والدنيا صارت غروب وانتي ماكو شنو صرتي عزيزه من تزوجتي
+
تنهدت باسى وهمست :- شويه واجي بس اجيب دوايه مسافه الطريق.
+
باسم:- ديله حبابه اعصابي بدت تعلك.. سد المكالمه وعصرت التليفون بيدي
1
فارس:- شلونه وياج ؟
+
هزيت راسي وابتسمت:- الحمدلله زين حباب.
+
فارس:- اذا بيوم ضوجج احجي وانتي شني شوكت تردين لشغلج حلتلج كعده البيت ؟
+
:- يمكن آجلها هالسنه احس مالي واهس .
+
باوعلي بشك وتهربت من نظراته :- حبيبي ولو اتعبك وانت مالك خلك بس بخاخي خلصان
+
رغم تعبه ابتسم واشر على عيونه :- تشلعيهن نوارتي ولج بس انتي على كلبي .. حرك السياره اباوعله مهموم وحاير ماريد ازيدها عليه وهو بيا حال زعل ياقوت مأذي ومبين على وجهه وكفنه يم الصيدليه الاخذ منها علاجي كل مرة ونزل جابه واجه ماخذلي اربعه انطاني ٣ وواحد اخذه كال ابقي الج بالبيت خاف بيوم تنسين من تجين علينه ورجعني لبيت عيالي .
+
بعد مرور اكثر من اسبوعين جان غدانه اني وباسم ببيت اهلي اتجمعنه حول مائدة الطعام احاديث غير مهمه تبادلناهه واحنه ناكل
+
باسم:- صدك اتذكرت البارحه شفت استاذ محمد ومرتك ويا تفتر بالمحكمه
1
ذب فارس خاشوكته بماعونه ببعض الحده ووجه لباسم نظره سكتته لان راد يكمل بالحجي
+
ندست باسم برجله جوة الميز وباوعتله حتى يسكت
+
فارس:- مرتي تطبق بالمحكمه مو تفتر بالمحكمه
+
باسم:- اي هو هذا قصدي . سلمت عليهم وراحو
+
انسدت نفس فارس وظل كاعد بدون ما يكمل اكله وورا شويه كال بالعافيه وكام راح للصاله.. رحت ورا لكيته متمدد ويكلب بصور ياقوت بتليفونه كعدت بصفه اشاقي:- حلوة عمي حلوة متشبع من صورها
+
ابتسم بحزن:- مشتاقلها ما ظنيتها بهالقسوة توقعت حبها الي اكبر تزعل وبعدين تسامحني وتفهمني بس قافله تريد الطلاك
+
سألته بحيرة :- والحل؟
+
هز راسه بعجز:-ماعرف بس الاعرفه مستحيل انه اطلكها باجر اروحلها للجامعه بلكي هدت شوي.
+
دخلت امي شايله صينيه بيها استكاين چاي سالتها عن باسم كالت بالحمام وزعت الچاي علينه وكعدت تباوع لفارس وهزت ايدها
+
ام فارس:- صارلك سنين اتاني بيها وباعتك باول فرصه ظل ظل احلم بيها عمي حتى لو مسويتلك سحر اسود مو هيج ما تريدك شني تظل هيج
لشوكت اتاني حلم مبيوك البكدك بزرتهم تارسه الحوش شمتاني الشيب يغزي راسك والعمر يركض بيك...
+
فارس- مايحلالي غيرها يمه عمر بدونها خل يكضي ويريحني بزره هي مو امهم ما اريدهم .. ارحميني يرحم والديج وخليني عايش بأمل ليش انت اول شماتي......مو لعبتي بحالي لعب لخاطر بت اخوج اريد افهم انه ابنج لو داليا هي بتج
2
باوعت لامي اشرلها تسكت صاحت بيه
ام فارس:-كله من جوة راسج انتي ام الفواين خليتي يعرفها وسطرته كون يسطرها العباس موكفه حياه ابني راح اموت وانه بحسرة بزرته
+
فارس تخبل وشمر استكان الچاي من ايده بالصينيه الكدامه :- انتي عليمن تدعين يمه عليمن شتردين منها تشكرني وتبوس ايدي واني ضام عليها سالفه مثل هاي چا لو جايه وعايشه هنا شتسوين بيها بعدها ما اجت تدعين عليها كدامي
+
ام فارس:- بعد كوم يمه كوم واضرب امك زلم اخر وكت علمود النسوان تبيعون امهاتكم چا بعدك لا ضكت ولا شفت منها شي وفرتك على امك
1
باوعلي مقهور فرك وجهه وكام:- وين اولي مادري واحد يجي للبيت يرتاح من الدوام هذا الي يلكاه
+
صاحت بي امي:- وين رايح رجل اختك هنا.
+
هتف بنفاذ صبر:- انطمر بللكبور السود حتى يرتاحون اخوج وبته وعلي انه لو زلمه چا خليتهم يذبحوها ويطمون عارهم بس انه مو زلمه حوك ...عافنه وصعد لغرفته
+
كمت من مكاني :- يمه انتي ليش هيج مدتشوفي روحه طافره يعني شوكت تقتنعين يحبها مايريد غيرها ليش تحجين عليها هيج وتحركين كلبه شمسويه البنيه كافي لخاطر الله مستعده تضحين بسعاده ابنج لخاطر اخوج..
+
ام فارس:- صمي حلكج ساس البله تعلميني بمصلحه ابني
+
اقتربت منها وهمست من بين اسناني:- ووين مصلحته؟ ويه داليا الماعدها شرف تردين تطمطمين عارها براس فارس.
+
ام فارس:- حلفت وتكفرت ما واصلها وبعدها بنيه بيت وشريفه .
+
ابتسمت بأستهزاء :- كلش تنكط شرف .. عفتها وطلعت ادور باسم شو تأخر بالحمام مالكيته طلعت لكيته برا يدخن ويحجي بالتليفون ويه عمه ...صعد وياي لغرفتي القديمه حتى يمدد الظهريه ....
+
— ياقوت—-
+
احس روحي داخله حرب وصراع ماله نهايه ويه فارس بابا حجه ويا اكثر من مرة ورافض يطلك بصورة غير قابله للنقاش مديفهم احنه انتهينا والي بيننا اتدمر ومستحيل ارجع اثق بي مرة ثانيه
وتحولت حرب الصدامات والمواجهات بينا لحرب باردة ناعمه هو يتجاهل مطالبي بالانفصال وانا اتجاهل مطالباته بالوصل وقطعت كل الحبال والجسور الممدودة بيننا
كل الي مر بحياتي من صعوبات والالام بكفه والي قاسيته من فارس بكفه اخرى ضربه عنيفه لگلبي خلتني احقد اقسى على الدنيا قبل الاشخاص واتيقنت الدنيا متريديني اعيش سعيده اذاقتني السعاده لبرهه صغيره من الزمن وبعد ما ادمنت عليها خطفتها مني وها انا ذا اعاني من اثار الادمان المرير الي اطاح بيه ولازم اعالج نفسي واتخلص منه باقرب وقت
+
شلت جنطه اللابتوب ونزلت متوجهه لسياره محمد اليوم عندي تطبيق واروح ويا للمحكمه وبحكم علاقاته رتب ايام تطبيقي ويا الايام العنده بيها شغل بالمحكمه لكيته واكف برا بالحوش صافن كعادته اشوف نورهان بعيونه بس ما حجه ولا ذكرها بعد حمحمت انبهه لوجودي ما انتبه اقتربت منه وحطيت ايدي على كتفه من الخلف استدار وابتسم
+
محمد:- يلا كملتي
+
هزيت راسي بأي وصعدنه السياره توجهنه للمحكمة واثنينه ساكتين كلمن صافن بهمه
+
كسر محمد الصمت بذكر قضيه اليوم
محمد:- اليوم اخوج راح يلعب بيهم جوله والبيت اظلم
+
ضحكت على تشبيهه محمد يتحول شخص اخر بشغله شخصيته الرزنه تختفي ويحل محلها ثعلب ماكر دخلنه المحكمه وجانت مرافعه محمد هي اول مرافعه بالجدول دخلنه وكعدت بالخلف صدري مملوء بفخر واني اشوفه شلون يتمكن منهم
+
محمد المحامي الي يعرف بدهاليز القانون مثل كف ايده ماكر في حججه لكن مكره شريف سخره للحق صوته ما ارتفع الا لينادي بالحق ولسانه الحاد الا يجرح الا من باع ضميره يرد على حجج الخصم بدهاء اثار اعجاب كل المستمعين ما مر الكثير من الوقت واطرق القاضي مطرقته بقراره لصالح موكل محمد ابتسم بأنتصار وتبادلو هو ومحامي الخصم نظرات التقدير وابتسموا وسلموا على بعض يضحكون استاذ امير رغم كونه محامي الطرف الاخر الا انه من الاصدقاء الجيدين لمحمد طلعنه من القاعه واشرلي اقترب منهم
+
حط ايده خلف ظهري يعرفني عليه بفخر
+
محمد:- استاذ امير الست ياقوت اختي العزيزة ومحاميه المستقبل الشاطرة
+
استاذ امير:- اهلا وسهلًا اتشرفنا ست يعني شلون استاذ محمد نريد نخلص منك انوب تجيب العائله للمهنه صعبتها علينه شنو ماخذيها فلاحه ملاچه
ضحكوا اثنينهم بصوت عالي واكتفيت بالابتسام
1
محمد:- بعد عدنه محاميه ثالثه بيت سيد حسن نعزل سوك المحامين وناخذ الساحه النه
+
استاذ امير:- ما شاء الله للاسف عيلتي ماعدهم رغبه بالقانون ماعندي حظك ابو هاشم
+
محمد:- ها حطيت عينك روح عمي روح انوب خسران قضيته راح يكسحنا كسح ..
+
تسالموا وافترقنه كملنه شغلنه وطلبت منه يذبني بالكليه وقبل خروجنا من باب المحكمه اجانه صوت رجل يصيح محمد بالحاح ... اندارينه اثنينه عالصوت وتفاجأنه بباسم زوج نورهان . كبل باوعت لمحمد الي حاول يسيطر على ملامحه اقترب من عدنه وتصافح ويه محمد
+
باسم:- شلونك استاذ محمد ان شاءالله بخير
+
محمد :- بخير الله يسلمك
+
باسم:- شلونج ست ياقوت
+
ابتسمت مجامله :- الحمدلله تسلم
+
باسم:- اشوفكم هنا خير شنو بخصوص فارس؟
2
اباوع لمحمد عيونه طارن بكصته بس التزم بهدوء صوته وحك جبينه يهدي نفسه:- عندي مرافعه والعلويه تطبيق محتاج شي حبيبي ..
+
شفته شلون وجهه يبهت بفشله
باسم:- ها خير ان شاءالله استاذ بخصوص نورهان بعد متداوم بالمكتب حابه تأجل وترتاح لان ما ارتاحت ورا التخرج واذا تطلبك اي اتعاب فهي متنازله عنهن
+
هز محمد راسه بتفهم وهمس:- براحتكم يلا حبيبي محتاج شي
+
باسم وهو يمد ايده يتسالم مرة اخرى ويه محمد:- سلامتك يلا اخذو راحتكم.
+
طلعنه واشوف محمد يكابد حتى يخفي وجع كلبه حبها بصمت وغذاء حبه كان نظرات عابره واحاديث عاديه جمعتهم ماجانت تعرف خلف كل ابتسامه منه اكو حب مكتوم حرص بشده على اخفاءه حرت بين جرحي وجرحه القدر لعب لعبه قاسيه وحقيرة عيشني مراره الخيانه وعيش محمد مرارة الحرمان دعيت ربي يغسل قلوبنا منهم ونرتاح ....
+
*********
في يوم اخر
+
متكدر تعرف هاي مواجهه خصام لو لقاء عشاك ....الخصومة موجودة والعشك طاغي بلع ريگه يباوعلها من بعيد تمشي بهدوء نظراتهه مثبته عالارض بضياع وحاضنه ملزمتها على صدرها باثنين ايديها كعدت على مصطبه تحت شجرة وراسهه هادل بين اكتافهه .. المسافه ما خلته يشوف دموعها لكن ايدها الي تمسح عيونها بسرعه دليل بچيتها .. شمر جكارته باهمال واتمشى ناحيتها صارله اكثر من ساعه مكابل قسمها ينتظر تطلع ..خطواته بطيئه بس كلبه ركض وراح ملهوف كدامه راحلها قبله وحضنها .... وكف مقابيلها بمسافه جدا قريبه ...حست بظله الحجب عنها الشمس رمشت برموش مبلوله وجفون حمرة همست بصوت بلكوة ينسمع:- شتريد....جاي فرحان تريد تشوف اثر انتصارك اخذت انتقامك مني وجرعتني نفس الجرعته الك ....خلصت الحرب وانت الفايز ....
- انه مافزت بشي ..ماعندي شي ينخسر هو گلب بس الجنت املكه وانتي لزمتي بين ايدج مردتي مرد بدون رحمه ورافضه تسمعين ...كومي ارد احاجيج خل نروح للكافتريا الدنيا حاره وشربي شي بارد نفسج مكطوع.....
نهضت واعصابهه منهاره تحجي بنبره خافته ماتريد تثير انتباه احد:- ماعندي حجي وياك .. روح روحلها ....
مسح وجهه بتعب ومسد على لحيته وحلكه يمنع نفسه يكول كلام يجرحها اكثر من الجرح الجاي تعيشه :- امشي كدامي لا وحق الحق اجرجرج كدام خلگ الله وافضح روحي وافضحج ...
بهتت ملامحها وينه حبه وين خوفه على سمعتها وين هدوئه بلعت غصه تشكلت ببلعومها ونبضات حزينه استثارت بصدرها :- اذا اكو ذرة الي بگلبك عوفني بحالي لخاطر العشره الجانت بينا كافي .. احجي وياك بغير مرة اني تعبانه واحس روحي معلوله مو حمل چويات فوك الموجودات بگلبي ..... ذبلت عيونه المشتاقه فرق شفايفه يريد ينطق يكوللها فراكج مر علگم انه دمرت روحي قبل دمارج بس حتى ما اخسرج بس غركت روحي ...سكت ابتعد كم خطوة ومشى يجر بروحه المتلوعه بيها.......
27
✨✨✨✨✨✨✨✨✨✨✨✨✨✨✨✨✨✨
الحادي والعشرين من هنا
