رواية قانون القلب اقوي الفصل الثامن عشر 18 بقلم رسل احمد
1
لسان حال سيد محمد
+
تهموني بـ محبتك والله لو يدرون
على ضيم العلية يظل يواسوني
مَا يدرون عايفني بـ مهب الريح
وانا وياك عفت المايعوفوني
اليحبوني شكثر والجيتي يتانون
واخجل من كِثر ماكام يتنوني
وانتَ الما تحبني شلون بلة وياك ؟
امرن بيك ما امر باليحبوني
عِفت الي شروني ومن ارد شلون
هم اسوه بعد ونوب يشروني ؟
حبيتك شجاني وما حسبت احساب
خيعونك علي مو اني خيعوني
مَتحبني احبك والمصيبه نوب
اريدك وانهزم من اليريدوني
- جبار رشيد
4
✨✨✨✨✨✨✨✨✨✨✨✨✨✨✨✨
+
— ياقوت—
1
گاعده بالمحكمه على احد الكراسي بصفي ماما وبابا وكرار واشوف محمد وفارس يطبون من غرفه ويطلعون من ثانيه ابتسمت واني اباوع عليهم محمد الي ما جان يطيقه لفارس ديفتر بالمحكمه حتى يكمل اوراق عقدنه دولاب الدنيا عجيب شلون يغير الاحوال والنفوس
اقتربوا من عدنه اثنينهم ويحجون بينهم ويضحكون فارس وكف كدامي ومحمد اخذ منه الاوراق وطب للقاضي دقايق وطلع منها اشرلنه تعالوا
1
رفع فارس تليفونه يتصل بأمجد ويباوع يمنه ويسره يدور عليه لان جان موجود ويانه واختفى
+
فارس:- وين وليت تعال راح نعقد ..
ثواني واجه امجد يركض دخلنه ردد القاضي صيغه العقد بصمنه والشهود الي هم امجد ومحمد وطلعنه بباب غرفه القاضي
راح محمد حتى يصدق اكثر من نسخه اندار عليه فارس وعيونه فايضه بفرح عارم لثم جبيني بقبلات ورا بعض وعصر ايديه بين ايديه
فارس:- مبروك علويتي تسجلتي بأسمي كدام الله وكدام العالم
1
ابتسمت فرحانه:- مبروك علينا اثنينا
+
طلعنه لاهلي واجه محمد جايب نسخ العقد مصدقه انطاني نسخه والباقيات انطاهن لفارس الي باوع للعقد ورفعه يهز كدامي بأنتصار
+
محمد:- الف مبروك شايفين كل الخير.
1
فارس:- يبارك بيك ماقصرت تعبناك ..
+
طلعنه من المحكمه نزلت امه من سيارته هي ونورهان بقن برة وطشت علينه جكليت وهلهلت الكل صار يباركلنه
+
اقتربت مني نورهان حضنتني عيونها تلمع همست بأذاني:- صرتي مرت اخوي شرعا وقانونا فرحتي بيكم بكد الدنيا صبرتو ونلتو
1
صعدنه السيارات واتجهنا للمطعم كلنا دخلنه كعدنه
+
وفارس صار مقابيلي الكل مخبوص بالمنيو شيطلبون وامجد وكرار اصواتهم عاليه يتشاقون
+
باوعنه لبعض واثنينه ابتسمنه حرك شفايفه ببطىء بدون ما يطلع صوت:- احبج.. وغمزلي بتلاعب
ابتسمت برضا ونصيت راسي العب بأصابيعي بحضني
نزل الاكل والكل صار ياكل بين سالفه وضحكه
1
ونورهان تنتاقش بين فتره واخرى ويه محمد على قضيه مهمه يشتغلون عليها باوعت لمحمد عيونه تضحك ومندمج وياهه بالكلام وكلبي اذاني اباوع لخاله ام فارس معاجبها نقاشهم رغم مبي شي وهم يشتغلون سوة حتى فارس مشفته انزعج بكد خاله
2
رنه الرسايل علنت وصول رساله فتحتها وايدي جوا الطاوله تلاشت ابتسامتي واني اقرأ كلمات التهديد
( انه الج انطيتج فرصه ودفرتيها الا ابچي عيونج دم بدل الدموع قريبا جايج)
2
رفعت راسي لفارس الي مندمج بالكلام ويه بابا بلعت ريگي وكلبي احسه راح ينفجر مسوي ثورة بصدري مسحت الرساله بأيد ترجف دلكت كصتي وعيوني تنتقل بينهم الكل ملتهي . احس روحي دايخه وعيوني غوشت هزيت راسي اصحي روحي اردد ويه نفسي. مو وكتها. مو وكتها هسه تتخربطين
+
شربت العصير الكدامي وحاولت اهدي نفسي واقنع روحي تهديداته فارغه كلشي ميكدر يسوي اني هسه متزوجه ميكدر يأذيني .
+
الكل كمل اكله وطلعنه اتقرب مني فارس يتمشى بصفي
سألني بصوت منخفض:- شبيج حبيبي حتى اكل ما اكلتي ماعجبج الاكل اجيبلج شي ثاني؟
1
ابتسمت اهتمامه يذوبني:- مابيه بس مجوعانه .
+
فارس:- متأكدة؟
+
هزيت راسي بأيجاب:- اي حياتي لا يظل بالك
+
بنبره اعتذار وتبرير گلي
فارس:- والله الود ودي نكضي اليوم سوة بس اذب اهلي وطالع لدوام عندي شغل مهم ماكدر ابقى
+
هزيت راسي بتفهم:- ولا يهمك حبيبي العمر كدامنه .
+
فارس:- اروح فدوة لمريتي العاقله.
+
الايام البعدها كانت حافله دوام امتحانات وتحضيرات لعرس مجتبى فارس مرات اشوفه بعطل نهايه الاسبوع ومرات يمر اكثر من اسبوعين ما اشوفه
ودوامه متعب وماخذ هواي من وقته ولقاءنه صاير قليل واشتاقله هوايه
+
سيف اختفى ورسايله توقفت وهالشي ريح بالي كلت مل وفقد الامل الوكت صار يجري بسرعه غريبه مرات امر للمكتب وتجي اوقات اكون تعبانه من الدراسه وما اوصل لعده ايام
+
وبهيج مر الوقت بسرعه واجت عطله نص السنه والتحضيرات على قدم وساق صرت سايق اقضي مشاوير العروس وتجهيزات الحنه تعب بس تعب حلو مصحوب بفرح
+
رحنا اني وزهراء قبل الحنه بيوم لبيت عمي رتبنا الكوشه والزينه وساعدنا بتحضير البيت لاستقبال المناسبه
+
ام حر:- توته شوكت عرسج ؟
+
ابتسمت وخفق گلبي :- ورا التخرج عمه.
+
ام حر:- بعدهم اخوتج قافلين الا ورا التخرج چا شيضر اذا تتزوجين وتتخرجين ؟
+
:- محمد يكول تهملين دراستج وبعد وكت
+
زهراء:- عمه يغارون ما يردوها تتزوج خو من يجي فارس تصير عدهم طلوكه وولاده متعسره
1
ضحكت على تشبيهاتها هازه راسي بيأس من لسانهه سمعت صوت حر بالحوش ووجه زهراء انعقج وتوترت وبس مد راسه من باب الصاله الخارجي ابتسمت وتبادلوا نظرات هي وحر بطريقه غريبه .
صدت عيني بعينها ورفعت حواجبي بمعنى شنو الديصير هزت راسهه بعدم اهتمام تريد تقنعني الصار هسه طبيعي شنو هالابتسامات والنظرات ورا شويه صعدت لغرفه بنين وعافتنه نملي بالتوزيعات..عرفت وراهه شي واليوم ماعوفهه الا افتهم شدتسوي ...
1
—— زهراء—-
+
فصل جديد بلش بيني وبينه صرنه نتواصل كل يوم تقريبا ما تجاوز حدودة بس واضح عليه شكد يحبني ومشاعره قديمه وحقيقيه ورفضت هالشي يأثر عليه واضعف صرت اصنع الحجج حتى ارجع ويه بنين للبيت و التقي بي الاحظ الحذر والاستغراب الي يحطيه من هدوئي ولطافتي بعيونه بس ما يتجرأ يحجي ويغامر ويخسرني صرت ادس الكلام الي يأثر بي بين طيات الجمل رغم اتفاقنه نكون اصدقاء ونفهم بعض قبل لا نخطي خطوة اكبر احجيله عن يومي بالدوام ادزله صباح الخير يوميه واخذ رأيه بلبسي
+
اسأله عن شغله وابدي اهتمامي بي امدح قصه شعره قميص جديد اضحك بأنوثه على اي دعابه يلقيها على مسامعي اكون شقيه واداهره بطريقه حلوه عرفت شلون اتلاعب بمشاعره واستولي عليه تسربت لروتين حياته واصبحت عاده صعب التخلي عنها بالنسبه اله صرت ادمان رافض الاقلاع عنه
عيد ميلاده قرب وهاي اول مرة بحياتي اهتم لعيد ميلاده اصلا ماجنت اعرف شوكت ولا همني قبل اعرف
اخذت قطعه كب كيك من الجامعه وشمعه اشتريتله ساعه ماركه لان اعرف شكد يحب الساعات الحلوة ونقشت على ظهرها حرفي وقلب
اتصلت بي اطلب منه يجيني
:- الوووو
1
حر:- همزين ذكرتينه اليوم حتى صباح الخير ماكو الا اني دزيت
+
همست بغنج:- شكو بيها اذا انت تدزلي لو ما استاهل.
+
حر:- تستاهلين ونص بزوني.
2
هتفت منزعجة:- هم رجعنه لبزوني لا تضوجني
+
انخفض صوته:- انتي بزونتي الحلوة اليفه بس تخرمش بنفس الوقت
وعيونها حلوة مكاره بوجه بريء
+
ضحكت بخفوت:- اني مكاره اشكرك.
+
حر:- زهرتي واعرفها المكر يسري بدمك العسل بس عاجبني..
+
بلعت ريكي وحسيت بحراره بمعدتي :- عوفنه من سوالفك المتخلص تكدر تجي ماعندي شي واريد ارجع
+
هتف مستغرب:- ساعه دعش شو من وكت؟
+
:- محاضرة وحده عندي الدكتور مال المحاضره الثانيه اليوم ما مداوم وتوته محاظراتهه لراسها حتى بالبريك ماشوفها . عندك شغل متكدر تجي؟
+
حر:- لا يابه يولي الشغل هسه مسافه الطريق.
+
:- انتظرك .
+
سديته منه اباوع لبوكس المربع الصغيرون على كد كب كيك وحده حسيت روحي جاي اتمادى زايد وجاي ادخل بشي اكبر مني ظليت سارحه بأفكاري لحدما اتصل يكلي هو ينتظرني
+
طلعت مستعجله ولازمه الكارتونه مالت الكيكه بحذر خاف اتلفها فتحت باب الصدر وصعدت ادردم:- هذا المي التارس الشارع عدم كل أحذيتي شوكت تصير عدنه شوارع بيها خير مادري
+
حر بأبتسامه عريضه:- وعليكم السلام والرحمه.
+
عضيت شفتي بأحراج:- ماتفوت فرصه تفشلني السلام عليكم..
+
حر:- غير انتي صعدتي تصلين صلي جنج بيكيسي..
+
رفعت حاجبي بتلاعب:- اني بيكيسي
+
غمزلي وهز راسه :- انتي صاروخ مو بس بيكيسي ..
1
فلت وجهي واشحت بنظري بعيد عنه :- ممكن ننتبه لكلامنا بلا زحمه
+
تحمحم وعدل كعدته يريد يشغل السياره استوقفته:- اوكف لا تحرك السياره مديت ايدي فارغه اطلب منه:- ممكن جداحه؟
+
حر:- ها ناويه تحرگيني؟
4
عبست بوجهه وهتفت بأنزعاج:- انطيناهه بدون تعليقاتك التحفه لو متكدر ؟
+
ابتسم :- تؤ ماكدر اذا ما اداهر بزوني ما ارتاح الليل ما انامه
+
طلع جداحته من جيبه وحطها بيدي ابتسمت وفتحت العلبه مالت الكيكه وحطيت بيها الشمعه :- هبي بيرث دي تو يو سنه حلوة يا گميل
+
رفع حواجبه مصدوم وعينه تتنقل بيني وبين الشمعه تفرقت شفايفه راد يكول شي وبطل ما گالها
+
:- كل عام وانت بخير اول عيد ميلاد الك واحنه اصدقاء واني احب احتفل بأصدقائي الاحبهم.. كل عام وانت بخير يارب تحقيق الامنيات
قدمت الكيكه كدامه احثه:- اتمنى وانفخ للشمعه طفيها
لسانه مانطق بس وجه نطق هواي شغلات باوع بعيوني ونفخ عالشمعه
+
سألته بفضول:- شنو امنيتك؟
+
جاوبني بهدوء وعينه بعيني:- انتي هي كل امنياتي..
6
رمشت افصل التواصل البصري البيني وبينه متجاهله تصريحه حطيت الكيكه بيني وبينه فوك حامله الاكواب وفتحت جنطتي طلعلته هديه مغلفه وقدمتها اله:- هديتك يا باشمهندس
+
حر:- كيكه وشمعه وهديه البزون مصخن اليوم لو شنو
1
:- لا بس كلت عيد ميلاده ما اضوجه افتحها يلا
+
اخذها مني وفتحها ابتسم بأعجاب وطلع الساعه من مكانهه
حر:- عاش ذوق الي مختارها
+
رفعت راسي بغرور:- طبعا اني ...
+
طلعها من العلبه وشال عنها الغلاف نزع ساعته الي لابسها وشمرها باهمال عالدشبول حتى يلبس الجديده
+
:- اگلبها شوف عليها حفر..
+
كلبها واتسعت ابتسامته وهو يمرر ابهامه على حرفي المحفور همس وعينه عالحرف:- ما مكفيج اسمج المحفور بكلبي حتى الساعه حفرتي عليها
3
:- حتى كلما تباوع عليها تذكرني
+
لبسها واندار عليه عيونه تباوعلي بعشك مفضوح:- غير تطلعين من بالي حتى اذكرج انتي سوله لدماغي..
1
اكتفيت بأبتسامه وانداريت اباوع كدامي:- يلا نروح للبيت ..
+
وفعلا حرك السياره ووصلني للبيت ..
الايام البعدها قطعت عنه شوي حتى يتحرق بنار الشوق ويشعر بحاجته الملحه الي اتصل بيه كم مرة واتعذر منه بالدراسه وانهي المكالمه يجي لبيتنه ماطلع كدامه وتجنبت روحه بيتهم خليته يشتاقلي لحدما رحنه نحضر للحنه
برقت عيونه بشوق وهو يسلم ودزلي رساله صعدي لغرفه بنين وقررت أنطي جرعه انتعاش تخلي يظل متعطش
صعدت ونبضات كلبي بيها اختلال تجاهلته ماردت اتراجع لكيته وواكف باب غرفته ينتظرني اشرلي اقترب منه واقتربت
1
:- هلو
+
حر:- هلا بالكاطعه. شدعوة يابه ماعندج وكت النه..
+
باوعتله ببراءه :- وداعتك دراسه تدوخ .مالحك احك راسي..
لزم حزام صايتي وجرني منه لداخل غرفته وسد الباب انهبطت ورجفه استولت عليه همست من بين اسناني وهو محاصرني بزوايه خلف الباب بدون ما يلمسني :- شدسوي حر تخبلت
1
هز راسه بأيجاب:- اي انه متخبل من يوم الحبيتج مشتاقلج ولج صار شكد شاحه عليه بشوفتج..
+
:- خليني اطلع لا احد يصعد عفيه وتصير سالفه.
+
حر:- محد يصعد امي وابوي ما يصعدون دوم بنين عادي ومنتظر طالع
+
همست بخوف:- توته.. توته اذا صعدت والقران تخبزني
+
ضحك بخفوت:- توته الفاهيه ايباااه شلون خبازه هي
2
:- الا بهيج امور انت متعرفها تتخبل من هالحركات عفيه خل اطلع .
+
نزل لمستواي يقترب مني واني لزكت روحي بالحايط الدمع ترس عيني وفاض منها:- عليك الله لا تسويلي شي حرام والله الدتسوي..
+
باوعلي متفاجىء وابتعد بسرعه :- شبيج شمسويلج بس ردت شوي نبقى وحدنه ..
+
فتحت الباب وطلعت منه ركض نزلت ودخلت بالحمام الجوة..
بچيت لحدما عيوني انفخن غسلت وجهي اكثر من مرة حسيت روحي داخله بمتاهه ما اكدرلها وورطت نفسي رخصت نفسي لدرجه اتجرأ وسحبني لغرفته وجان ممكن يتمادى اكثر صوجي اني انطيته مجال طلعت من الحمام ورحت لياقوت حاطه الكلينكس على خشمي وامسحه
+
:- توته هاجت عليه فلاونزه عفيه خل نرجع
+
باوعتلي بشك :- شبيج شجاج .
+
:- هو اني عندي اعراض من صبح بس شو هسه زادت
+
كامت تنفض صايتهه وطلعت تليفونهه دكت على كرار واجه اخذنه
+
صعدت لغرفتي وهي طبت ورايه مكتفه ايديها على صدرها
:- انتي شنو سالفتج؟
+
هزيت راسي :- مبيه شي كتلج فلاونزه
+
كعدت على حافه سريري وضربتني بخفه على صفحه راسي:- دماغج المتروس طين راح يوديج للتهلكه ولج شوكت تظلين بهالاسلوب عبالج ماشفت النظرات البينكم عبالج ما منتبهه للمراسلات ورجوعج المستمر ويا للبيت زهراء كافي لخاطر الله الدتسوي حرام انتظرتج تحجيلي بس انتي مغلسه
+
همست بغصه حاشرة بزردومي:- والسواه هو مو حرام؟
3
ياقوت:- هذا الدتسوي يأذيج انتي مو بس يأذي هو ؟ احنه البشر كتله عواطف ولابد نتأثر بيوم ضميرج صاحي لا تموتي غلط تردين الاساءه بالاساءه ما اختلفتي عنه وحقج ضاع
+
جاوبتها بيأس:- شسوي فهميني شسوي وارتاح؟
+
ياقوت:- عوفي بحاله اتجنبي ياختي محد راح يجبرج عليه لا تظنين ابوي يزوجج اله ادا ماتردي مجرد ما يكدر يحصلج هذا اكبر عقاب اله حر يحبج زهراء والي يحب يتمنى محبوبه ومن يكون صعب يحصله هذا اكبر عذاب وعقاب ...
انتي انقى من سوالف الانتقام لا تتجردين من حقيقتج الطيبه لا تخسرين احترامج لنفسج مرات السكوت عن حقكك هو الطريقه الوحيده حتى تحصل الانصاف والعدل الالهي موجود
1
باوعتلها بعيون دامعه:- شلون تكدرين تسكتين فهميني
+
ابتسمت بحزن:- حتى ما ازيد الخراب حواليه اتاذة وحدي احسن ما اشوف الاحبهم متأذين نطلع بأقل الأضرار احسن ما كلشي يتضرر زهراء انتي عبالج اني ناسيه المر عليه مدتشوفيني كدامج جسمي يخذلني وينهار بين فتره وفتره بس اباوع للجزء المليان من الكاس اهلي مرتاحين ماكو مشاكل وصرت ملك للشخص الي احبه ويحبني شي مقابل شي
+
لا تعلمين گلبج عالحقد والانتقام صدكي داخلج يتأكل ومراح ترتاحين ..
2
زفرت حسره بكبر الغرفه :- اتمنى امتلك تسامحج ؟
+
ياقوت:- مو تسامح تعايش حتى العمر يمشي ..
+
كامت وكفت انحنت فوكي وباستني من راسي :- فكري زين وانطي لنفسج فرصه تعيشين بسلام ..
+
طلعت من الغرفه حتى تعوفني بمعركه بين ضميري وعقلي وكلبي وحقدي وغضبي دخلن معركه ضاريه الكل يريد يفوز بيها ظليت اتشضى بينهن لحدما نمت
+
كعدت الصبح اليوم الحنه رحنا لصالون ويه بنين طلعت حلوة ببدلتها الذهبيه كلشي جان حلو والكل اتونس عدا توته جانت ضايجه شويه لان فارس ما اجه وحضر حنه الولد ماكدر يعوف الدوام حتى نورهان ماكدرت تجي لان جاي تحضر لعرسها بعد كم يوم اني اتجنبت حر قدر الامكان رغم حاول يقترب مني ويحجي ويايه بس اني اتجنبته احس تعبت من المراوغه تعبت من كلشي يخصه ،وجودة حواليه يتعب نفسيتي
+
لبست صايتي والحجاب وكعدت بالمطبخ ببيت عمي انتظر اني وماما والبنات يجي واحد من الولد يرجعنا للبيت حتى تنظيف نظفنه مخلينه هوسه تظل ولازمه تليفوني افتر بالفيس والانستا واشوف ستوريات البنات مالت الحنه اجتني رساله
عالواتساب نزلت من الاشعارات فتحتها
+
حر:- زعلانه؟
+
:- لا
+
حر:-جا ليش تتجنبيني
+
:- حر هيج احسن الديصير غلط ميصير احنه نسولف هيج حرام
+
حر:- نسويها حلال؟
+
مجاوبته رجع دز
+
حر:- جاوبي نسويها حلال؟
+
:- لا .
+
حر:- سبب؟
+
؛- مامفكرة وسد الموضوع .
+
مجاوبني واني هم سديت تليفوني احس هوسه براسي ماعرف شيحلها
+
فات منتظر:- بيت عمي حسن يلا طلع اسمكم للبيت ..
+
كمت اصيح البنات وطلعنه لگيت حر واكف يم سيارته الظاهر نرجع ويا ماما كعدت بالصدر واني وياقوت وليالي وهاجر كعدنه ليورة ورقيه بت محمد بلكوة اندحست بصفي انوب صايره شكبرها الي يشوفها يكول عمرها ١٨ مو ١٣ سنه صايره شابه وعليها علامات الانوثه وتخبل تشبه محمد هواي
3
شاورتني رقيه وعينها على ياقوت:- زهراء باعي توته كضتها ساكته الحب ماكو..
+
كفختها على راسهه حيل:- شوكت تحترمين عماتج ادبسزز وعوفي سوالف الكبار..
+
فركت مكان الضربه:- فوك ما اصغرجن بعدين ماحب كلمه عمه احسها مال مسمومات
+
لويت شفتي:- والله محد مسموم غير امج..
+
عبست بوجهي مهما يكون امها وتضوج عليها ابتسمت وبوستها:- لا تصيرين نفسيه نتشاقه هاي هاجر مرت الجبير عيني من الميانه احجي عليها..
+
ابتسمت برضى ورجعت عكدت حواجبها تسالني:- هو بابا ليش ينام بغرفه المكتب مو بغرفه ماما مثل عمو حيدر وعمه ليالي؟
+
صفنت بوجهها شريد اجاوبها انوب صارت جبيرة وتفهم مو مال اضحك على عقلها بأي حجه انقذني عن الجواب وصولنه للبيت نزلنه حنه الزلم هم مخلصه وكلهم جوة بس محمد كاعد برا يدخن نركيله وصافن عالسمه ركضت رقيه عليه وباسته من خدة ابتسم وباسهه من خدودها
+
رقيه:- بابا تونسنه كلش.
+
محمد بأبتسامه عطوفه:- بالعافيه بابا شلونها اميرتي ؟
+
ابتسمت بدلال وكعدت على ايد الكرسي مالته:- زينه الحمدلله
+
ابتسم وسحب كلينكس من الطاوله البلاستك الكدامه ومسح كحله عينها:- البنات الصغيرونات حلوات ما يحتاج يحطن شي يخرب جمالهم بعدج صغيره بابا على هاي السوالف وعيونج حلوة ما تحتاج
+
احمرت خجلانه اصرت احطلها كحل رغم تعرف محد يقبل وبعدها صغيره تالي حطيتلها حتى اطلعها من كلبها ومتروح تسوي شي من ورانه
سألت ابوها بفضول طفولي:- يعني لان عيوني خضرة مثلك تكول حلوة ما احتاج ؟
+
ابتسم:- مو شرط لان عينج خضرة مرات عيون سود بس الله حاط بيهن جمال الدنيا لا تقيسين الجمال باللون بس انتي صغيرونه متحتاجين هالشغلات
2
برقت عيونها بأمل :- مثل عيون ماما؟
+
تلاشت ابتسامته وهز راسه بايجاب بس حتى يسكتها:- يلا روحي لغرفتج بدلي ملابسج وصيحيلي اخوج جوة وصيته على ماي من زمان وما اجه
+
كامت بسرعه واجت بأتجاهي تأبطت ذراعي وتهمس بفرح:-
شفتي بابا كال على عيون ماما حلوة يعني هو يحبها مو؟
+
دفعتها لباب غرفتها :- شكد تلغين امشي بدلي يلا وشوفي هاشم وين
+
—-نورهان——
1
كلما يقترب موعد العرس اتوتر ماعرف شبيه مدري هو طبيعي هذا التوتر طكطكت اصابعي باعصاب مرهقه هاي ثالث مرة امسح واكتب معلومات غلط فات استاذ محمد يمشي وشكله متحمس جدا
+
باوعتله بأبتسامه فضوليه:- ربحت مو؟
+
هز راسه بفخر وذب فايل كدامي:- افا عليج طيحتلج حظه
+
هتفت باعجاب:- عليك الله يعني البيت رجع للام ؟
+
هز راسه بأيجاب:- رجعلها بامر من القاضي محد يكدر يطردها منه
+
:- وبرأيك راح تطلع ابنها من البيت بعدما هو طردها وهجولها بشوارع؟
+
هز راسه بأسف:- من خلال المده القصيره الي عرفت بيها حجه ام سامي لا ما تطرده مثلما هو سوة تدرين گلب والده ماتكدر تأذي مثلما اذاهه
+
ابتسمت بأسف :- مهم بعد ميكدر يطردها حرام تالي عمرها يصير بيها هيج من ابنها الوحيد شلون الانسان يكدر يأذي امه ماعرف
+
ضحك بخبث:- البركه بيجن انتن النسوان تگلبن اكبر واحد طنطل هو هذا لوما مرته تحش براسه يسوي هيج لا بالله
2
فتحت عيني بصدمه:- حرام عليك مو كل النسوان ليش متكول ماعنده شخصيه وسمع كلامها واذى امه
+
ضحك ضحكه عاليه :- اسفين بويه ما نعمم .. باوع للملفات الكدامي :- جيبيهن ولحكيني بلكي الحك ادزهن اليوم
+
شلت الملفات ودخلت ورا قضايا جديده بس ما يستلمها كلها خاصه قضايا الطلاق ابد ما مايأخذها ودايما يمررها لست سجى
+
اقراله موجز وهو يكتب ملصق بأسم المحامي ويلزكه عالفايل حتى ندزهن
+
استوقفتني قضيه طلاق رافعتها الزوجه على زوجها هتفت منزعجه:- مدافتهم ليش اكو رجال مرتاح يخرب حياته بيده
+
محمد:- شنو القضيه؟
+
كشرت بأنزعاج:- حضرته متزوج من اكثر من عشر سنوات مشاكلهم بسيطه ماكو تعنيف وضعهم زين وبينهم اطفال بس راح حب وحده وتزوجها بالسر شنو هالبطر مادري
1
عكد حواجبه :- معقوله بدون سبب؟
+
رفعت احد الاوراق الي هي نسخه من سكرينات محادثه بين الزوجه وزوجها :- بلسانه يكول مابيج عيب بس حبيت .
+
فرك جبينه بحيرة:- ممكن فعلا حب.
+
رفعت حواجبي بأستهجان:- ولازم الزوجه تتقبل تقلبات الاخ ومراهقته ؟
+
محمد:- لا طبعا اني اصلا ضد تعدد الزوجات بس الانسان ماعنده سلطه على مشاعره.
+
:- يعني انت هسه متزوج وعندك اولاد عادي تحب وتتزوج على زوجتك؟
2
زم شفايفه وسرح لثواني بوجهي كأنه يحضر جواب :- ماكدر اتحكم بگلبي بس اكدر اتحكم بتصرفاتي ممكن اكون احب بس مو على حساب استقرار اطفالي .
+
فغر فمي مبهوته:- بهالبساطه تحب على زوجتك وشريكه حياتك؟
+
عينه صارت بعيني وابتسم :- تحجين عني لو عالقضيه؟
+
:- الاثنين انت رجل واحب اسمع منك.
+
سند ايديه على مكتبه :- احجيلج عني مثلا؟ اني وزوجتي مثلا علاقتنه منتهيه راح يصير سنتين نعيش بنفس البيت بس اكثر من غرباء
+
انصدمت من تصريحه وشلون فتحلي گلبه وحجالي امر خاص لهلدرجه واكتفيت بالصمت خفت احجي شي جارح واتفشل
+
تراجع ليورا مريح ظهره على كرسييه:- اني مو ناسك متعبد ممكن احب بس هذا الحب مراح يتجاوز كلبي لانني افكر باولادي بس اكو رجال عاطفتهم تغلب رجولتهم ..والنتيجه كدامج واشر على الملف البيدي كتب ملصق وناولته الملف ابتسم وهو يكول. هيج قضايا تفيد سجى ..
+
شلت الملفات وطلعت حطيتهن على مكتبي ورجعت طرقت الباب وفتت بلعت ريكي اصفي صوتي :- استاذ ممكن طلب؟
+
محمد:- تفضلي!!
+
توترت وحسيت حرارتي ارتفعت من الخجل:- استاذ محتاجه اجازه..
+
عكد حواجبه مستغرب:- سبب؟
+
عضيت شفتي من الداخل والله استحي منه شخصيته تخليني اخجل:- علمود شسمه.. علمود زواجي بعد كم يوم واحتاج اجازه شويه طويله ..
+
التزم الصمت وفتح ملف كدامه وصار يكتب ملاحظات عليه وبصوت منخفض باركلي:- مبروك وبالتوفيق بحياتج الجديدة تكدرين تاخذين اجازه شكد ما تردين اجازتج مفتوحه ..
2
ابتسمت بأمتنان:- تسلم استاذ ان شاءالله ماطول هوايه..
+
هز راسه وانكب على ملفاته استأذنت وطلعت ونهايه الدوام سلمت عليه ورجعت للبيت ما جنت اظن هاي اخر مرة ادخل هذا المكتب كمساعده استاذ محمد والقدر كاتبلي طريق اخر ماجنت اعرف راح اسلكه
1
انشغلت بالتحضيرات والتجهيز حتى عرس اخو ياقوت ماكدرت احضره وامي هم مقبلت تكول مو زين عرايس يدخلن على بعض ينچبسن ومن هالخرافات السائده بالمجتمع
+
حبيت الحنه والعرس يكونن نفس اليوم بالقاعه اختصارا للتعب وماردت اهوس البيت واروح ريم ميطلع منها شغل وامي تتبهذل وحدها
+
واجه يوم العرس مشاعري منتاقضه بين طفله تريد تبقى بحضن امها واخوها وبين امراءه راشده تريد تبلش حياة جديده مع شريك حياتها
+
انزفيت من بيت اهلي وكانت لحظات عاطفيه مليئه بمشاعر جياشه من سلمني فارس لزوجي محاجر عيونه امتلئت بدمع قبل جبيني وراسي بقبلات اب يزف ابنته الغاليه
1
فارس:- حتى اذا تزوجتي وصار عندج فيلق جهال هذا يبقى بيتج الي يحويج بكل وكت وابقى انه دركه وسيف بظهرج
+
ابتسمت وبست كتفه ودموعي نزلت بسخاء وحسدت نفسي علو اخ مثله
+
القى على باسم العديد من التوصيات وطلعت ويا ،،طلعت من البيت الي احتضني لاكثر من ٢١ سنه حامله معي امال وأمنيات بحياة سعيده وهادئه توجهنه للقاعه وبلشت مراسيم الحنه حنتني امي وام باسم والبنات حواليه فرحانين لفرحي ياقوت جانت موجودة ابتسامتها مشرقه وجمالها طاغي الي اثار انتباهي اختفائها هي وليالي وزهراء قبل نهايه العرس وما شفتهن من انزفيت لبيت عريسي
+
كلبي يدك سريع متوترة واني شايله بدلتي واصعد الدرج كايدني باسم متقدم عني يتسلق الدرج سريع لدرجه ردت اعثر منا بدلتي منا خطواته السريعه ومنا هلاهل نسوانهم وهوساتهم الي تشتت الانتباه دخلت غرفتي الي ريحتها تشبه ريحه العروس كلشي بيها جديد ريحه اخشاب الغرفه العطر التارسهه الاضويه الخافته دخل الغرفه ويايه هو وامه وخالته وامي
+
اقترب مني هامس باذاني:- راح اطلع اني شويه وارجع اخذي راحتج ...
+
باوعتلي امه بابتسامه :- يلا اخذي راحتج واذا تردين ادزلج وحدة من البنات تساعدج بالبدله والحمام بصف غرفتج تندلي شويه انوب نزف العريس ويجي للغرفه بوستني وباركتلي وطلعت هي وخالته
بقت امي ويايه توصيني وتعلمني خجلت لدرجه نص الكلام ما سمعته وبالاخير باركتلي تمسح دموعها وودعتني وطلعت
+
باوعت لروحي بمرايه الزوايه طالعه حلوة بدلتي المنفوشه شعري وتسريحتي نازكه مكياجي الوردي اندك الباب صحت اتفضل دخلت اخت باسم اسمها رجاء اصغر من عندي بسنتين ابتسمت بخجل وهمست:- اساعدج؟
+
هزيت راسي بأيجاب:- ياريت ..
اقتربت مني وبلشت تفتحلي الطرحه بخفه شالتهه وعلكتها بتعلاكه وحطتها بالزاويه وطلعت الماشات من شعري حسيت جبل وانزاح من راسي فتحت الشريط مال البدله
كلتلها هاهيه اني انزعها طلعت وعافتني نزعت البدله بسهوله وشلتها على صفحه وفتحت الكنتور ادور على البرنص والمنشفه اخذتهم وشلت السله الي محضرتها من بيت اهلي الي بيها احتياجات الحمام ترددت افتح الباب خفت لا احد موجود بس تذكرت الطابق الفوك بس النه طلعت للحمام مسحت مكياجي وسبحت وطلعت نشفت روحي ولبست سيت النوم الابيض الطويل حسب التوصيات لفيت الروب عليه جسمي مقشعر من لبسي والتوتر عندي بدا يزيد نشفت شعري وحطيت مكياج بسيط وتعطرت
بلشت اسمع صوت الهلاهل عرفته راح يصعد لا ارادي ارتعشت من ساسي لراسي وحسيت ريگي نشف انفتح باب الغرفه ودخل وسده واني كاعده على طرف السرير لامه رجليه لبعضهن بتوتر واحس ببرد مو طبيعي بعظامي رغم التدفئه مشتغله
نزع سترته ذبها بأهمال عالطابوريه خلع حذائه وطفه الاضويه وصار كدامي لزمني بخفه من اكتافي يحثني اوكف
+
وكفت مقابيله صدري يعلو ويهبط بانفاس سريعه
+
باسم:- مبروك عروستي..
+
ابتسمت بتوتر ورمشت رمشات سريعه دفعني ناحيه السرير همست متوترة:- نصلي بالاول
+
ضحك بخفوت وعيونه تلمع برغبه:- هي مال نصلي حبيبه بعدين عود
+
:- بس لازم... قاطع كلامي بقبله عنيفه المتني دفعته عني اريد اتنفس ماكدر اظل قاطعه انفاسي خاصه واني عندي ربو ..
+
:- باسم بس اوكف خلي شويه اتعود ....
+
باسم:- هشش حبيبي لتخافين ماكو شي يخوف...
+
فتح روبي بحركه سريعه وازاحه عني قشعرت بخوف وخجل حملني بخفه وحطني على السرير وبلش يخلع ملابسه ،،
كالي ماكو شي يخوف بس الي صار العكس الي صار يخوف المني جدا واذاني جسدي رفض الاستجابه وتشنجت بسبب الالم الي اصابني ما استجاب لدموعي ولا محاولاتي حتى افلت من بين ايديه ما تركني حتى كمل الي بداه ابتعد عني لاهث وشغل التيبل لامب الي بصف السرير يحبث عن دليل عذريتي تحتي ورجع طفاه بعد ما تأكد وشاف الجرجف الابيض مزين بدمي
ومدد بصفي جذبني بين ايديه وباس راسي معتذر
2
باسم:- اسف حبيبتي بس هي اول مرة تأذي وراهه عادي مبروك حبيبتي ..
1
دخلت نوبه هلع مصحوبه بخيبه وحشيه مو هذا الي جنت متخيلته جنت متخيله ليله حب مو ليله اثبات عذريه بطريقه مجحفه بحقي بهالطريقه ما سمعت كلمات حب ولا لمسات وديه كلشي صار بسرعه وبطريقه مؤلمه ارتجفت بين ايديه ودموعي رافضه تتوقف لدرجه حسيت روحي اختنكت والنفس انحصر بصدري
شعور الخذلان استولى عليه كان من المفترض اعيش لحظات حب وحنان بس جانت جافه ومليئه بالقسوة والانانيه
4
جذبت نفسي من بين ايديه وايدي تبحث عن الروب اريد استر روحي وبلكي البرد الي اصابني يخف التقطته من حافه السرير ولبسته بحركه سريعه وجسمي يرجف مثل السعفه نهضت من السرير
احس بنوبه ربو راح تداهمني مشيت بوهن للميز تواليت والم بطني وظهري استفحل
+
شلت البخاخ واخذت منه جرعه انداريت لباسم متمدد وايده على عيونه مو منتبه لوضعي ارجف دايخه وانفاسي مضطربه ايدي تضغط على صدري حتى اهدأ
+
ومدري ليش اتذكرت استاذ محمد من تصير عندي نوبه ربو يجيبلي مي ويظل يسوي شهيق وزفير ويايه حتى تنتظم انفاسي
5
اهتمام مفروض احصله من زوجي بأول يوم لزواجنه حسيت بسائل دافي ينساب بين رجليه نزلت راسي اباوع لمسار الدم الي جاي يسيل على فخذي من فتحه الروب شهكت مرعوبه ورفعت راسي همست بوهن استنجد بي :- باسم دخت..
رفع راسه يباوعلي وبنفس الوقت داهمني ظلام وتهاويت وارتطم جسمي بالكاع..
وبعد ما حسيت بشي.........
2
—- ياقوت—-
+
اجواء الفرح غامرتنه هالايام ضحكات هلاهل ايام حلوة كعدت بصباح يوم عرس مجتبى فرحانه رغم زعلي لان فارس ماكو غيابه تعبني طلعت من غرفتي على صوت ديجي عالي ساعه تسعه شنو هالصوت الكل طلعو من غرفهم يتثاوبون كرار واكف بنص الصاله الوسطانيه فوك ومشغل ديجي
ويركص ويردد ويه القصيده يخاف يشغل اغاني وبابا يطيح حظه
+
اجيت اليوم اطشن بمولدك هيل
اجيت اليوم اطشن بمولدك هيل
بعيوني دمعه وافراح
والحزن زعلته وراح
واجيت اليوم اطشن بمولدك هيل
+
ضحكت لحدما دمعت عيوني جرني من ايدي يركصني ويا ويأشرلي بيده هلهلي .. طلع مجتبى يفرك عيونه ومبتسم طكيتها بهلهوله طويله انكطعت بيها انفاسي وزهراء تصور وتركص صعدت ماما تضحك وتعض اصبعها
+
علويه نهله:- ولك شهرتنه نصي العالم نايمه راح تكعد حتى الجيران
+
لزمها من ايديها يريد يركصها وهي تضحك وتكفخ بي تالي طفاه ونزلنه نتريك ومخبوصين بالخطار الحمدلله ماكو علينه طبخ
يجيبون طباخ لغده العرس وهم الولد يغسلون صواني الاكل طلعنا للصالون وكالعاده ميخلوني اروح بسيارتي على شيرجعجن وانتن لابسات ومكياج وهوسه
+
اتصل عليه فارس واني بالصالون فتحت خط :- الوو
+
فارس:- هلا بحبيب الروح وماي العين
+
جاوبته بزعل:- هلا
+
فارس:- اهه زعلانه علويتي ليش يبه..
+
:- لا مزعلانه شلونك.
+
فارس بأصرار:- لا بالله زعلانه ..
+
زفرت حسرة :- مشتاقتلك انت ماكو .
+
فارس:-حگگ عليه يا ضواي وداعت سمه عيونك الماعندي اغلى منهن غركان بالواجبات ...
+
:- ادري بس مو بيدي زعلانه عبالي تجي للعرس تكون ويايه كدام الكل . لشوكت تظل هيج مو حتى بيان النصر قرو من زمان وفرحنه ودوامك ما خف ولا قل
+
فارس:- حبيبي بيان النصر صح انعلن بس بعده الوضع تعبان مو كلشي صفى
+
هتفت اعاتبه:- وتظل بنص الخطر مو الله كلبي خلص لا انت موجود ولا انت بأمان حتى ارتاح عوف هذا الدوام
+
هتف بأنزعاج:- هم ردينه لنفس السالفه بنتي شني عوف الدوام لعب جهال هو بعد خليني البس دشداشه وعباه واكعد بصف امي ياقوت اخر مرة تگليلي عوف وبطل
عبالج رتبه وزي اكشخ بي وانفخ روحي لا حبيبتي دوام وخطر وواجبات وسهر وجوع وعطش ماكو شي يجي بساهل هذا انه وهذا دوامي تقبلي الوضع
+
:- واذا ما تقبلته؟
+
ارتفع صوته واحتددت نبرته:- غصبا عنج ترضين رجلج انه علويه شتردين مثلا ؟
+
زميت شفايفي بقوة امنع روحي ابجي رجف صوتي وهمست بخفوت:- رايده سلامتك . خل اروح يصيحوني .
+
فارس:- ما سمعت احد صاحج تعاي احاجيج.
+
فركت عيوني المغوركه بدموعها :- اريد اروح اتجهز ورايه عرس يلا مع السلامه .. سديته قبل انطي فرصه يجاوبني سويت تليفوني صامت وحطيته بجنطتي بعد ما فتحته ابد ولا باوعت
+
بدلت ولبست فستان ذهبي طويل مال محجبات كله شغل ناعم مخصر ومن جوة بي كلوش خفيف خليت مكياج خفيف وكملت حجابي رسمت ابتسامه على وجهي رغم غصه شكبرها بكلبي اول مرة يتعامل ويايه هيج ويصيح عليه بهالطريقة قهرني متعوده على حنيته ماشايفه قسوته اثاريني ماعرف شي عن القسوة الي يمتلكها وراح اشوفها بعدين ..
2
راحو العرسان لجلسه التصوير واحنه رجعنه ويه كرار للبيت حتى نتوجه لبيت عمي مناك ناخذ العروس للقاعه
+
زفيناهم للقاعه والاجواء حلوة اديت واجبي كأخت رحبت وهليت صفكت تمايلت هلهلت بس عقلي بغير عالم لحدما صارت زفه مجتبى ودخلو كل الولد وبابا اجت زهراء بصفي هتفت بحماس:- توته هذا فارس !!!
+
رفعت راسي ادورة ولكيته من اول نظره عيوني شافته ما احتاجيت ادورة احساس عيوني جرني اله لمعت عيونه وابتسملي بعذوبه
عبست وبرطمت بزعل ودرت وجهي ادعيت الزعل بس اني فرحانه وطايرة لان اجه علمودي تراجع ليورا واشرلي اروحله .. رحتله امشي بخفه مرر عيونه على طولي ولمعن بأعجاب غازلني بعيونه هواي
اول ما صرت كدامه اخذ ايدي وفرني حوالين نفسي مستغل انشغال الكل بالهوسه والركص محد منتبه علينا
+
فارس:- هلكد ما خطواتك ناعمه الكاع تفرش روحها جواك وترضخلك ياضوة.
+
باوعتله بزعل بدون ما احجي رفع ايديه اثنينن وباسهن :- كلشي ولا زعلك يالحبيب .. شلعتي گلبي ادك عليج وما تجاوبين ليش هيج بويه ما تكولين بالدوام واحرك كلبه
+
:- يعني تكدر تجي بس تعرف تغثني.
+
فارس:- ماعاش الي يغثج وداعتج بلكوة فلتت جم ساعه وراد للضيم .. شطالعه اليوم حلوة مثل شمس الغبشه بهاللون .
+
ابتسمت هامسه:- لايكتلك اللحيه ..
+
فرك لحيته مبتسم:- عجبتج؟
+
هزيت راسي بأيجاب:- تخبل بس شعجب يقبلون بالدوام..
+
زفر بتعب:- مرات نحتاجهه بالدوام عادي ..
5
عكدت حواجبي بعدم فهم ..مسد بين حواجبي بأبهامه:- لا تعكدين النونه وضحكي اسف يا ضوه عيوني مو قصدي اصيحن بيج
+
اكتفيت بأبتسامه رضى بدون ما اجاوبه
وكفت بصفه اباوع لطوله قاطه الاسود الي جاي عليه مثل المحبس مفصل تفصال ويه عرض اكتافه وسامته تذوب گلبي
وتأسرني تمنيت ارتمي بين ايديه يطحني بين ضلوعه بحضنه من حضناته الي احبهن بس لا الزمان ولا المكان مناسب
+
فارس:- گليلي احبك..
+
:- احبك..
+
ذبلن عيونه على شفتي وصوته انخفض :- اموت على ربج الخلقج الي..
اجتي زهراء سلمت على فارس واخذتلنه صور سوة
+
زهراء:- توته هلهوله بشرفج..
فتحت عيوني عليها اريدها تسكت وهي مستمرة هلهوله وهلهوله تورطت اعرف..
+
درت وجهي عن فارس انطيته ظهري وطكيتها هلهوله ورجعت انداريت لكيته صافن وفاتح حلكه ضحكت غصب عني على منظره المصدوم
+
فارس:- هذا صوتج المايع الساحني بالتنعوص تطلع منه هاي الهلهوله ؟؟؟
+
هزيت راسي وبعدني اضحك:- تخيل؟؟
+
فارس:- يوميه اكتشف عندج موهبه جديده بلكي تصدميني بموهبه الرقص الشرقي غربي عراقي كلشي الچان نعمه استقبل كل الثقافات...
2
فتحت عيني ووجهي صخن:- فاسق وفاجر..
+
فارس بتلاعب:- صدكيني الفسوق والفجور العندي راح يعجبج وانتي الراح تطلبي..
1
وجهي اشتعل خجل وثبتت نظري اباوع ليكدام وهو يضحك
+
خلص العرس وزفيناهم للفندق اخذني فارس بسيارته ورجعني للبيت ماخلى الطريق من سوالفه انتعشت روحي بشوفته صارلي اكثر من اسبوعين مشايفته وعدني يكون موجود بعرس نورهان وورا العرس نكضي نهار كامل سوة
+
نمت يومها فرحانه لان شفته وهو رجع للدوام
مر الاسبوع بسرعه واليوم عرس نورهان كعدت اصلي الفجر ونزلت اشرب مي لمحت محمد كاعد بهالبرد برا بملابس خفيفه جريت غطوة من الصاله مشمورة عالتخم وطلعت عليه لفيتها على اكتافه انتفض من مكانه ومن شافني رجع كعد وبعد الغطوة عن اكتافه
+
كعدت بصفه افرك ايديه ببعض ادفيهن :- شعندك كاعد بهالبرد ؟
+
عيونه حمر مبين ما نايم دقيقه ونظراته للفراغ همس:- ماكدرت انام
4
سكتت ثواني وشجعت نفسي ارمي الي بگلبي:- نورهان ؟؟
+
بلع ريكه وصدره ارتفع ونزل بغصه بدون ميحجي
+
رجعت سألته بإصرار:- نورهان الي تحبها مو؟
+
باوعلي واطلق الي بصدره مثل بحر هايج يلفض اكبر حوت نافق على حافه الشط:- اي هي .. هي .. هي الضيم الي حاركني
1
حطيت ايدي على حلكي ودموعي صارت شلال وبعز هذا البرد بچيت دموع حارة ماكدر اخوي يبچيها.
+
لم شفايفه للداخل وارتجفن بحزن فرك وجهه وصوته يشرح الالم الي يحسه وكسرة گلبه:- تسللت لگلبي غصبا عني هيج جبر هزتني وهي ما تدري ،،تضحكلي ببراءه ماتدري چم طعنه انزرعت بگلبي بسببها وانه بس اباوع لا باعدها ولا حاويها
وهاي انه اليوم ليلي ما جاي انامه نار تسعر بصدري حبي مكتول كبل لا ينولد مثل جنين فقد حياته بأحشاء امه ياقوت ،
دورت بحياتي ردت ذنب انه مسوي استاهل اتعاقب عليه هيج عقاب مالكيت احس الكون ما يوسع الذبحه الي بصدري
1
اختنكت بدموعي ماعرفت اواسيه شكد اكول حبي مستحيل هسه شفت المستحيل بمحمد
+
فرك جبينه بألم :- الله يسعدها ويوفقها بكد الي بگلبي الها مسحي دموعج خويه وانسي انه زين عايش لا تخافين
+
مسحت وجهي وكفكفت دموعي ونهضنه اثنينه ندخل للمطبخ اخذ مسكن من سله الادويه وبلع حبايتين
+
محمد:- متسويلي چاي راسي راح ينفجر..
+
:- هسه اسويلك ريوك وچاي
+
هز راسه ووجهه كاش بألم:- بس چاي ...
+
سويت چاي وصبيتله اخذة مني وطلع برا عفته خليه يمارس المه لوحده محمد ما يحب يبوح واليوم افشى سر مأذي وتصرف على غير عادته
+
رجعت لغرفتي افكر بي من دون كل البنات محمد حب نورهان الي عرسها اليوم انحكم عليه يعيش ويه زوجه مايريدها ويشوف الي يحبها تتزوج كدامه وميكدر يسوي اي شي دعيت ربي يريحه ويشيل حبها من گلبه حاولت ارجع انام ماكدرت الوجعه الي بگلب محمد تحفر بگلبي محمد الي بحياته ما كال اخ شفته منهار وشفت خلف عينه دمع خجل يبچيه وشهكه دافنها بصدره وترددت براسي جملته (حبي مكتول كبل لا ينولد مثل جنين فقد حياته بأحشاء امه)
1
ظليت على كعدتي لحد الضحى سمعت الكل كعد نزلت ادور محمد بعيوني ماشفته باوعت من شباك المطبخ سيارته ماكو طالع عرفته هج ويريد يلعق جرحه وحده..
+
صعدت اجيب موبايلي شفت ليالي طلعت من الحمام ومدمعه اقتربت منها :- شبيج ليالي؟
+
برطمت عيونها حمر ومبين باچيه غمضت ورفعت اختبار الحمل كدامي:- هم ماكو..
+
ابتسمت واخذته من ايدها:- توكم متزوجين بعد كدامكم وكت اذا مو هالشهر الوراه..
+
ليالي بحزن:- صار كم شهر راح يصير ست اشهر ليش مديصير.
+
:- كلشي رزق ليلو شبيج مستعجله يجي واق ويق تكومين تشوفين حيدر بالعطل والمناسبات ..
+
حضنتها اطبطب على ظهرها موضوع الحمل مأرقها وكل شهر نفس البچي والخيبه مجاي تنطي روحها فرصه
+
همست بألم:- تمنيت افرحه لحيدر اعرفه يريد طفل حتى اذا ميحجي توته اني يمكن بعد ما احبل مثلما كالت منتهى..
+
نهرتها وبعدتها عني هزيتها:- انجبي شبيج شهالحجي ليالي صدك تحجين ترا صار عندج اجهاض متعب طبيعي جسمج يحتاج فتره حتى يكون جاهز كافي تفكرين هيج بس شيلي الفكرة من راسج وربج هو يدبرها بالوقت المناسب..
يلا غسلي وجهج ونزلي حيدر ينتظرج تدرين بي ما يتريك بدونج راحت غسلت ونزلت واني اخذت تليفوني وكعدت زهراء ونزلنه تريكنه نظفنه البيت وماما سوت غده ومحمد ماكو هاجر تلوب اليوم عطله محمد وين هو ميطلع بالعطله واذا يطلع ياخذ رقيه وهاشم ويطلعهم ..
+
واكفه اغسل مواعين الطبخ الي استخدمتهم ماما اجت هاجو وكفت بصفي :- ماتدرين محمد وين طالع؟
+
هزيت راسي :- لا مادري نزلت ماشفته..
+
باوعتلي بشك رافعه حواجبها:- شعجب متعرفين وانتو صايرين ربع كلش وسوالف واحاديث صباحيه ..
+
عرفتها شايفتنه الصبح ياترى سمعت الحديث الدار بينا لو لا اذا سمعته كارثه.
+
:- شفته الصبح بس اكيد ما كالي ولا ياخذ اذني حتى يطلع يعني متعرفين محمد ياخذ اذن لو ينطي خبر؟ واني رجعت لغرفتي ونزلت عالريوك مالكيته ..
+
ماعجبها كلامي وعافتني وراحت اني هم تجاهلتها مالي خلكها تخابرنه اني وفارس جان مزعوج وضايك خلكه على نورهان لان راح تتزوج وتروح ادري بي شكد يحبها ومتعلق بيها ومشاعره اليوم متحسسه وبنص حديثنا همس
+
فارس:-توبه بعد اذا افك حلكي من اخوتج اشوفهم يغارون عليج واغار عليج من غيرتهم واليوم ودي احط طلقه براس باسم ولا انطي نواره ودي اهج كبل زفتها
3
ضحكت على غيرته :- اي شعبالك الاخت توجع ..
+
فارس:- اي وعلي من انطيت ريم ما انهضمت بكد هضمه نواره بنيتي مو اخيتي .
+
:- ادعيلها تنسعد وتتوفق لا تعرضلها .
+
فارس:- ترافكها السعاده طول العمر لانها تستاهل وكلبها يسوة كل عشيرتي مرات احسها هي امي من نظره تعرف النايم بگلبي
+
هتفت بغيرة مكتومه:-هنيالها عيني..
+
فارس بخبث:- اشم ريحه حليوة تغار .
+
:- لا عيني قابل اغار من اختك؟
+
فارس:- اي عادي انه هسه اتشعوط من اخوتج خو سيد كرار يا بويه من يحضن بيج كدامي ودي اكله بسنوني ..
+
:- عشتوو ياكله بسنونه هو ،كلشي الا كرار هذا روحي
+
فارس:- مو اجي اطلعها لروحج علويه انه روحج .. انه شجاني وحبيت وحده عدها خمس فحوله واكفيلي مثل عظم بالزردوم
+
:- لا ليش بعدنه بيها عوفني وروح شوفلك وحده ماعدها اخوان وحب بيها براحتك ..
+
فارس:- دير بالج تعيديها وتكولين عوفني حتى بالشقه
الموت نفسه ما يجبرني اعوفج بعدين انه وين الكه مثلك يا حلو يا اشكر يبو عيون السمه
+
:- مم اضحك عليه بسوالفك
+
ذبلت نبره صوته وهمس :- بالعباس طكت روحي ولكم جيبولي مرتي اريد اتزوج عطبت
3
ضحكت بغنج:- اصبر مبقه شي ترا كم شهر .
+
همهم بتعب:- تعبت وحق الله تعبت اريدج يمي اصبح وامسي بوجهج الچنه ليرة ذهب ..
+
للعصر بدلنه اني وليالي وزهراء واخذنه حيدر للقاعه مباشر وصلنه ويه العروس الي بدلت قبل لا تدخل ولبست بدله حمرة قصيره وبلشت مراسيم الحنه جانت طالعه اميرة جمالها الهادىء وعيونها الحلوه الواسعه الكحيله تلمع وابتسامتها الرقيقه تنكط انوثه
باوعتلها وحسيتها تلوك لمحمد تعوذت الشيطان واستغفرت ربي فرحانه الها بس كلبي مقهور على اخوي الي وكع بفخ الحب من طرف واحد وهو متزوج وجهاله بطوله
+
بعد ما خلصت مراسيم الحنه راحت بدلت ولبست بدلتها البيضه ودخلت هي وعريسها . مشاعري اتجاه زوجها مختلطه شكله من ذوله الهادئين بس بخبث كان مبتسم بس يتجهم بين الحين والاخر ماشفته اقترب منها وضحكها ولا رفع ايدها وباسهه عكس حيدر عكس مجتبى عكس فارس الي بوسه الايد والجبين من الواجبات عنده
دعيت يكون رجال ويحتويها ويسعدها وتعيش مرتاحه ويا لان تستاهل كلبها صافي وتحب الخير للكل وماشفتها يوم اذت بشر
+
التزمنه كراسينه اني والبنات لان العريس موجود ماكدرنه نتحرك او نركص وزهراء تحوس تريد تكعد تردح واكرص بيها
ريم جانت متوتره وتليفونها ماوكع من ايدها ولا چنها اخت العروس الخلقه مگلوبه مدري شبيها دكت عليه ماما وطلعت برا اجاوبها
+
علويه نهله:- صارت بثمانيه توته شوكت تجون؟
+
:- ماما منا لساعه يخلص العرس عود فارس يجي يرجعنه للبيت
+
علويه نهله:- والمن فارس حيدر موجود يجي ياخذجن لو الا يحط روحه..
+
:- ماما شدعوة عليج لوما بالسنه حسنه اشوفه مدتشوفي طامس بالداوم لو يوميه يجي شجان سويتي..
+
علويه نهله:- دهر صابج عود انتي الفقيرة اكلتيني الادبسزز عليمن حجيت على ابوج ودمج احترك هيج؟
+
ضحكت:- لا اسفه مو قصدي والله اتحمست؟
+
علويه نهله:- ديله خاتون منا لساعه حدجن تردن للبيت وعود مو يمشي على بيض من يجيبجن اعرف دوالغه خل يثكل؟
1
هتفت معترضه:- ماماا شدعوة عليج بس تحجين عليه ما ارضى ترة.
+
جاوبتني بضحكه :- ماترضى ام عطوب الصفر على كولت كرار
+
:- ها علويه صارن عطوب عليمن طالعه غير عليج .
+
علويه نهله:- ديلا روحي لسانج صاير شطوله مطلع عينج هالفارس جنتي گمله ومفوركه ما نسمع حسج..
+
ضحكت واني اسده منها لكيت واحد واكف وراي وكل انتباهه وياي ارتبكت وردت ارجع للقاعه عارض طريقي:- انتي خطيبه فارس مو
+
هزيت راسي بأيجاب بدون ما احجي وردت اكمل طريقي ستوقفني:- اوكفي مو احجي وياج؟
+
رفعت عيني باوعتله اسمراني وطويل وملامحه شرانيه
+
:- تفضل خويه رايد شي؟
+
:- لا ردنه نتعرف.
+
رفعت حاجبي معاجبني الي كاله صحح كلامه:- قصدي اتعرف على مرت اخوي وأسلم عليها واباركلها .
+
:- الله يبارك بيك ويسلمك بس من المفروض هالشي بحضورة الاخوك وكدامه تسلم على مرته مو بهالطريقه..
+
ابتسم بخبث:- اسفين يحلوة شسوينه اجيت اخذ اهلي مادريت اشوف هالشوفه هنا ..
+
بهالاثناء طلعت ليالي وجنها تدور عليه شافت الرجال ووجهها انطعن وكشرت بأنزعاج اجتي جرتني ورفعت اصبعها بوجهه
+
ليالي بتحذير:- سراج احترم نفسك وخليك بعيد والقرآن احطك بحلك فارس وتعرفه شيسوي بيك
+
باوع لليالي من فوك ليجوة:- شيسوي يعني تخوفيني بي؟
+
ابتسمت ليالي بأستهزاء:- اي اخوفك بي صكاركك هذا لو نسيت؟
+
احتقن وجهه بغضب جرتني ليالي وطبينه وسألتني بأهتمام مبالغ:- شحجه وياج هذا الناقص گالج شي ؟
+
:- محجه شي شيريد يگلي مثلا بس سلم مادري شلونه ماعجبني نظراته سخيفه.
+
وصتني واكدت عليه:- ابد لا تجيبين طاري لفارس تصير مشكله هذا سراج واحد نكس ..
+
رفعت حواجبي استوعب:- هذا سراج ابن عمج الجان يريدج
+
هزت راسهه بعبوس:- بشرفج لا تحجين كدام حيدر يتخبل عليه
+
:- لا شحجي يمعودة احنه عايزين خلي يولي.
+
كعدت بمكاني وليالي صاحتها امها تسلم على احد اقاربها
اخذنه صور اني وزهراء وليالي اشوفها التهت تسولف ويه مرة جبيرة وتضحك دزيت رساله لفارس تعال اخذنه
حسيت روحي محتاجه تواليت وتوجهت للحمامات دخلت وغسلت ايديه وجددت ملمع الشفه الحاطته والعطر باوعت لفستاني لونه سمائي ومنفوش ساده بي حزام كرستال واطراف الردن هم كرستال رتبت حجابي ويه طلعتي من الحمام استوقفتني بنيه
+
باوعتلها لابسه قاط مناسبات اسود لافه حجاب مطلعه نص شعرها طويله ورشيقه جميله لونها جنطاوي كعبها عالي حمرتها حمرة حسيتها تشبه ليالي شويه
+
ابتسمت الي ووكفت كدامي:- مرحبا حبيبتي شلونج
+
حطت ايدها على اكتافي وجرتني وبوستني وكأنها تعرفني من زمان
+
جاوبتها بارتباك لان ماعرفها:- اهلا بيج اني زينه..
+
:- والله من زمان ردت اتعرف عليج بس فارس ميقبل
+
عكدت حواجبي بأستغراب:- لويش ميقبل يعني؟
+
ضحكت ضحكه رفيعه وعاليه تشبه ضحكه المصريات وحطت ايدها على حلكها رجعت باوعتلي تتلمس اطراف اظافرها الطويله المطليه بالاحمر:- كالولي حلوة چنها اجنبيه وشفتج بالصور بس بالحقيقه شكلج انعم واحلى خوش يعرف يختار .
+
هتفت بنفاذ صبر؛- حبيبتي اعرفج اني؟ تعرفيني محتاجه شي
+
اني وياهه واكفين بالباب الخارجي للقاعه باوعت ليبره وابتسمت:- اني داليا. اصير بنت خاله لفارس ووو
+
سكتت ضحكت بخفوت :-اني ضرتج حبيبتي
23
✨✨✨✨✨✨✨✨✨✨✨✨✨✨✨✨✨
+
