رواية قانون القلب اقوي الفصل السادس عشر 16 بقلم رسل احمد
1
ولاتلعب خشن بعدك طري العود
ولحيمي و غشيم شجابك لذني؟!
+
عطا السعيدي
✨✨✨✨✨✨✨✨✨✨✨✨✨✨✨
+
حسيت على صوت مو غريب يصيح اسمي فتحت عيني بنعاس وشفته كدامي مبتسم ابتسامته الحقيرة فزيت اباوع حوالين نفسي بعدني بسياره فارس بس طابكين ببانزين خانه وفارس ماكو
+
سيف بخبث:- صح النوم علويه ....
1
انكمشت على روحي وتراجعت فاتح الباب الي بصفي مدنك عليه حاله من الذعر استولت عليه واني اذكر اخر لقاء بينا بغرفتي
مد ايده وجرني من ذراعي بعنف حسيت كتفي انخلع عبايه راسي الي لابستها وكعت و سحلني سحل من السياره واني ابچي واتلاوة ويا الناس تباوع بس محد يتجرأ يقترب اتهسترت وظليت اضرب واشتم بي بس هيهات ايده مقفوله على ذراعي ولا اني بمستوى قوته
4
:- عوفني الله لا يوفقك شجابك عوفني .
+
وكف بمكانه واندار عليه مقربني منه عصرني بقوة من اكتافي بأثنين ايديه وحسيت عظامي تهشمت نظراته مليانه شر وغل هسهس من بين اسنانه بغضب:- كل عقلج اعوفج اله غبيه انتي غبيه
2
بصقت بنص وجهه وثار جنونه صار يوجه الي صفعات متتاليه بكل ما اوتي من قوة طرحني بالارض صرخت برعب الله ياخذك وصرت ارددها مرارا وتكرارا
2
انهزيت وضربات خفيفه على وجهي حسيت على روحي اون بخوف وقبل لا افتح عيني حاولت ادفع الشخص المنكفي فوكي فتحت واذا هو فارس يباوعلي بقلق محاوطني بيديه يهز بيه نزلت دموعي وصرت ابچي اكثر
الحسيته حقيقه مو حلم مو حلم حقيقه جاي احس بصفعاته على وجهي احس بالم بذراعي
4
فارس :- بسم الله حبيبه كابوس لا تخافين اهدي.
اخذتي بين ايديه يمسد على راسي وظهري بحنو واني احس الرجفه مسيطره عليه اتنفس وكأني كنت اركض لفترة طويله تمسكت بي مثل طوق نجاة اردد بداخلي هذاك كابوس وهنا الحقيقه هياته يمج ابتعدت عنه بخفه واني استذكر الكابوس مسحت وجهي بأيد راجفه وباوعت حواليه واكفين بنص الطريق ظلمه والكرسي مالتي راجع ليورة شبه متمددة وفارس فاتح بابي واكف ومنحني فوكي رفع الكرسي وساعدني اعدل كعدتي ودموعي بعدها تجري مسح دموعي وعاكد حواجبه بقلق
3
فارس:- ياقوت تعبانه؟ شبيج احجي لا تخوفيني عليج حبيبي
+
صكت اسناني احس روحي بردانه اردد بداخلي الله ينتقم منك سيف حتى بالاحلام لاحكني
+
فتح بطل مي شربني منه وبلل ايده مسح وجهي وسحب كلينكس من الباكيت الموجود بين المقعدين اخذتهن منه امسح وجهي وكفت سياره كدامنه ومن ركزت كانت سياره حيدر نزل يمشي سريع متقدم علينه صار كبالي وشكله قلق على وكفتنه
+
لزمني من ايديه:- شبيج توته ليش دتبجين وباوع لفارس
+
فارس:- جانت نايمه وكعدت خايفه كابوس اضطريت اطبك
+
جاوبته بضياع:- ماعرف كابوس مبيه شي بس خفت حتى ماتذكر شحلمت بس احس بالخوفه.
+
رص حيدر ايديه:- ايديج ثلج يمكن هبوط عندج شي حلو بجنطتج ؟
+
هزيت راسي بايجاب وشلت جنطتي فتحتها اخذت قطعه كاكاو فتحتها ابتسمت بضعف:- يلا روح للبنات خطيه هسه خافن صحيت مبيه شي
+
هز راسه بأيجاب بس عيونه قلقه وراح لسيارته لزم ايدي فارس يباوعلي :- انتي زينه ؟
+
ابتسمت هازه راسي:- زينه والله ..
رفع ايدي باسهه وسد بابي والتف حول السياره وصعد بمكان السايق
حطيت ايدي على صدري اضغط اريد كلبي يهدأ باوعت لفارس
- شكد ونوصل؟
+
جذب ايدي لايده:- نص ساعه هيج شي.
+
- نعسانه.
+
ابتسم يلقي عليه نظرات خاطفه ويرجع لطريق:- تمبل شفتهمت منج اول ما طلعنه نمتي
+
ابتسمت باحراج:- منايمه صار يومين تعبانه.
+
رفع ايدي وعضها بخفه:- يخسى التعب هسه نوصل ونرتاح انه هم نعسان
+
طردت الكابوس من راسي قدر المستطاع وركزت انظاري على فارسي الكاعدة بصفه
ابتسم بدون ميباوعلي مستشعر انظاري المتسلطه عليه
+
همس بتلاعب:- دخذيلج بوسه يحظي بس تباوعين..
4
ضحكت وضربته على زنده:- لا تتسوفل رايحين نزور
2
فارس:- عمي بوسه بوسه الزياره شعليها ؟
1
رفعت اكتافي رافضه:- مااا مااا
1
ضحك هامس:- زعطوطه
+
عبست بوجهه مستنكرة:- اني؟ شجابك عليه مدام زعطوطه
+
اندارلي غمز بخبث:- اموت عالزعاطيط الكتاكيت الحلوين
اخرب عليهم
1
:- متستحي طلع وجهك الحقيقي الفاسق
2
ضحك بصوت عالي يقلد عليه ويحجي فصحى:- يا فاسق يا فاجر يا عدو الله تبا لك..قويه مال فاسق حبيتها
3
باوعتله بطرف عيني ودرت وجهي ليكدام وابتسمت
+
باوعلي بنظره حنونه:- ادري تعبتي اليوم عذريني حبيبه بس لازم اوفي هالنذر
+
سألته بفضول :- شنو نذرك؟
+
فارس:- طلبتج .
بيوم الشفتج بباب اهل ليالي اجه كلبي يوكف رحتي وصار حجي وليالي كالت فاسخه دب الامل بيه من جديد چن ردت روحي رديت اهلي للبيت وبوجهي اجيت للامير كتله مولاي جيتها وشوفتي الها مو صدفه هيج بلا سبب بعد كل هذا الغياب
مولاي اريدها اذا الي قسمه وياهه قربها الي واذا لا شيل حبها من كلبي
رايد بنتك مولاي طالبها منك قبل لا اطلبها من اهلها واذا صارت الي ما يمر عليه ليل اجيبها واجيك
6
بلعت ريگي بتأثر وسحابه من الدموع تجمعت بعيني يوم عن يوم اشوف هالانسان شكد يحبني بطريقه عظيمه ومخيفه مشاعره ظاهرة دايما من عرفته لليوم ما يخجل منها ولا يتردد باظهارها
همست بدون وعي:- احبك.
4
برقت عيونه ببريق سعاده:- حبيني اكثر يا نور العين انه طماع
+
وصلنه المكان المنشود وشفنا كراج حتى نترك بي السيارات
نزلنه نمشي الجو حلو نهايه الصيف والازدحام خفيف لان نص الليل
نورهان بصفي وهو ورانه كل شويه يحط ايده على كتفي
+
سألتني نورهان:- شوكت اخر مرة اجيتي للنجف؟
+
همست بخفوت واني اتذكر اخر مرة انقبض گلبي :- من زمان فوك السنه ماجيت للنجف ولا كربلاء
+
عكدت حواجبهه مستغربه:- هاي ليش الاعرفه انتو هواي تجون
+
هزيت راسي بدون ما اجاوب متعرف اني رجلي ما دخلت كربلاء ونجف من يوم الصار بيني وبين سيف حتى عمتي بعد ماشفتها
+
عبرنه التفتيش والنسوان تبارك الي مبين عروس من ملابسي اخجل من اكون محط انظار الله يسامحج ماما تفرقنا عند الصحن واتفقنه نلتقي بمكان معين بعد نص ساعه
3
حبي للامام علي وزيارته تختلف عن كل مكان مقدس ازورة رابط عميق وغريب احس روحي اعرفه واحبه كأنه واحد من اهلي مثال للرجوله الشجاعه والتضحيه
توضينا ودخلنا رفعت ايدي المس الشباك ابتسمت براحه وسقطت دموع قلبي قبل عيني اردد مقشعرة
1
السلام عليك ياجدي ومولاي يا امير المؤمنين
السلام عليك يا وصي رسول الله وحجه الله على خلقه
+
اللهم بحق علي وليّك،احفظ لي أهلي،
واسترهم بسترك، وابعِد عنهم كل هم ووجع ومكروه
اللهم احفظ ابي وامي واخوتي ولا تريني فيهم الا الخير
واحفظ الي من احب وباركلي به واجمعنا على خير وطاعة،
اللهم احفظه بعينك التي لا تنام اللهم اني استودعتك عمره وصحته وحفظه كن معه حيث ذهب
اجعل عمله في سبيل الوطن طاعه لك
البسه درع سترك وامانك وارعاه من كل سوء
اجمعنا على الخير في الدنيا
واجعلنا من اهل الشفاعه في الاخرة
اللهم لا تحوجني لغيرك
وافتحلي أبواب الرزق والفرج والسعاده
واجعلني قريبة من رضاك،
ومخلصة لولاية جدي أمير المؤمنين.
5
صلينا ركعتين لوجه الله وقرينا ما تيسر من كتب الزياره وطلعنه للصحن لكيناهم ينتظرونه ابتسم وهو يشوفني عيونه حمر وتعبان
1
حيدر:- تقبل الله مأجورات تأخرتن
+
باوعتلي زهراء :- اذا علويه ياقوت نامت عالشباك بلكوة شلعناهه منه
1
خزرتهه اتوعدلها هامسه:- بسيطه زهراء اني الج
1
ضحك فارس منزل راسه :- يابه تركوها لا تضوجوها خليها براحتها
1
باوعله حيدر عابس :- لا ياخذك الواهس ترا اختي
2
باوعله فارس بخبث:- عمي شحجينا مو هاي اخيتي يمك ما حجيت تعاي بويه ليالي وياي نردج النه وكلمن ياخذ اخته
2
لزمت ليالي ايد حيدر:- اسكتوا اثنينكم كلمن ياخذ مرته ويسكت يلا حياتي خل نتمشى لسوك ناخذ صوغه للحبايب خاله وصتني على دهينه
همسلها حيدر بمزاح:- حسابج بعدين تدارين لابن عمتج بسيطه
1
باوع لفارس:- تجون؟
+
فرك فارس كصته:- تعبان وداعتك اريد اكعد ارتاح البنات اذا يردن يروحن وياكم خل يروحن
+
وجهلي نظره بمعناته ظلي يمي
تالي راحو ليالي وحيدر وبقينا احنه كعدنه على السجاد المفروش نورهان وزهراء اخذن زاويه بمسافه عنا نص العالم الموجوده متمددة ونايمه والي كاعدين يصلون
اشرلي كعدي كعدت متربعه مدد وراسه صار كدام رجليه حط ايده جوا راسه يباوعلي مبتسم همس :- هسه الواحد ينام رغد ومرتاح
3
غمض عيونه وما طول دقايق انتضمت انفاسه وانحلت العكدة البين حواجبه ونام صافنه عليه اتمعن بملامحه بشرته القمحيه عيونه واسعه رموشه سوادهن حالك وجسر انفه المستقيم وواضح منطي لملامحه شويه حده اتذكر من شفته اول مرة شكله اوحى الي هو واحد ملعب وابو بنات عكس شخصيته من تعرفت عليه وعرفت شخصيته
5
تجرأت ومررت ايدي على كصته وشعره بحركه خفيفه وسريعه وبعدت ايدي بسرعه المكان مو مناسب اني شبيه اليوم تصرفت هوايه تصرفات مو من طبيعتي
صمتي حجاله هوايه حجيتله كل المر عليه بدونه كل مخاوفي كل حزني كل شوكي حجيته اله بدون ما انبس بحرف طلبت منه يكون اماني وسعادتي وما يخذلني ابدا ودعيت حبه الي ما ينقص ولا يبرد واظل اشوف النظره المشتعله بعيونه من يباوعلي
حسيت الوكت يمشي بوتيرة اسرع من المعتاد مادري الوكت وياه هيج سريع بعز افكاري تنهد بصوت واضح وفتح بسرعه عيونه حمر ابتسم يفرك عيونه هامس بصوت ناعس مكتوم وهو يباوع لساعته:- احلى نص ساعه نمتها بحياتي
3
كلتله بحب:- صح النوم
+
نهض يفرد ظهره مبتسم براحه :- اروح اغسل واجي . اندار للبنات اشرلهن يقتربن اجن بسرعه
+
فارس:- دقيقتين اغسل واجي مو تتحركن منا . راح يغسل وقبل لا يجي اجوي ليالي وحيدر يسولفون ويضحكون اباوعلهم من بعيد شكد احبهم واحب حبهم دعيت الله يعوضهم طفلهم الخسروا وتكمل فرحتهم
3
اجه فارس منكع روحه وشعره مبلل ابتسم وغمزلي بتلاعب خزرته وابتسمت
+
فارس:- ما جوعانين إني معوز ترا
1
حيدر:- اي والله ها بنات شنو الوجبه؟
+
ليالي وزهراء:- جوعانين
+
نورهان:- نعسانه
+
فارس صار بيني وبين نورهان حط ايده على كتفها ويسالني:- مشتهيه شي؟
+
رفعت اكتافي بعدم اهتمام:- لا عادي اي شي خفيف
+
زهراء:- حيدر بشرفك اريد من هذا مطعم الكباب التودينه عليه كل مرة
+
باوعتلها اتذكرته:- عزا ايي
+
حيدر:- يل امشونه هذا يفتح هيج وكت عادي
+
توجهنه للمطعم اكلنه وطلعنه نرجع نورهان صعدت ويانه هلمرة لان قفلت نعسانه مددت بالمقاعد الورا ونامت اول ماصعدنه فارس يسوق بيد والثانيه شايل كلاص چاي سفري يشرب منه حتى يظل مصحصح
+
حط الكلاص بيني وبينه بالمكان مالت الكلاص وورث جكارة وباوعلي بنظره غريبه ورجع اندار لطريق
+
سالته بصوت خافت:- بشنو تفكر؟
+
سحب نفس طويل من الجكارة وذبها من الجامه زفر الدخان للخارج وسد الجامه :- اريد اعرف كلشي من يوم الانسد الخط وياي فجاة من جنتي ببيت عمج وتخربطتي لحد هاي اللحظه بدون نقص بحرف واحد.
5
باوعتله مصدومه وعكدت حواجبي بأستغراب:- شكو ؟
+
القى عليه نظره جانبيه وشكله منزعج حيل:- من يومها المد والجزر بينا ما وكف من يومها تقتربين يوم وتبتعدين شهر احسبلج كم مرة تعوفيني وترجعيلي؟ لحدما .. وسكت راد يكول لحدما انخطبتي لسيف واستصعب يكولها
+
- ماكو شي يستحق الذكر حتى احجي احنه ولد اليوم وتونه قبل كم ساعه خطوبتنه لويش دتحجي بهيج موضوع يضوج وشذكرك بي؟
+
همس ونبره صوته جانت خافته وبيها حزن:- ليش انه نسيت حتى اذكر
+
حسيت بصداع التوتر يزحف لجمجمتي وكشت روحي ماريد اذكر ذيج الفترة يوميه احاول اتناسى الاذى الي صابني بلعت غصتي الي توجعني وهمست:- ممكن نسد الموضوع .
+
بين انزعاجه اكثر وكال بدون ميباوعلي:- براحتج هسه بس لازم اعرف اول وتالي اعرف ويا ويلج اذا ضامه عليه شي جبير
7
دب صمت بينا ودرت وجهي للجامه اخفي ملامحي وضغطت على روحي حتى ما ابچي لشوكت ذيج الفتره تظل تلاحقني بأشباحها
+
بعد مرور وقت من الصمت المزعج جر ايدي واصابعه دخلت بين اصابعي وضغطها بقوة ما باوعت اله ولا درت راسي ناحيته ظليت موجهه انظاري ليكدام
+
فارس:- فكيها علويه
1
عبست وجهي اكثر
+
ضحك بخفوت:- ها طباكات الساده صعدن ؟
1
خزرته رافعه حاجبي :- لا تحجي علينا ترا نشور.
2
ضحك اكثر عض شفته:- دخيل جدهم وبتهم شوري بيه راضي
2
- لا تضوجني بعد.
+
فارس:- حقج علي تعاي اخلي ابوسج واراضيج
1
جريت ايدي من ايده وضربته على ظهر ايده:- فاسق
1
فارس:- مو بيدي اموت عالفسوق وياك حبيبي.
4
ضحكت هازة راسي بيأس قبل حجتي حرام تحجي هسه شعندي حجه القيها علي ماكو. بلشت اغفي الساعه عبرت ٢ بالليل وكل شويه افرك عيوني حتى اصحصح
+
دك تليفون فارس وكبل جاوب
+
فارس:- نعم سيدي؟
+
الله يبارك بيك اي بعد ما منها كبرنه هههه الله يسلمك
شو هسه بهالوكت ؟ تمام لا بس توقعت عكب باجر
راجع من النجف ساعه واجي لا هاهيه عليها اصلا اني لازم اطلع بيها قتيبه ميدبرها تحياتي سيدي وغلق الخط
+
باوعتله مستغربه:- هم تداوم بالليل؟
+
فارس:- اي وكت وكل وكت .
+
:- وين تريد تطلع؟
+
:- شغل لا تدوخين روحج بي
+
باوعتله بخوف:- مثل هذيج المرة ؟
+
ابتسم بحنو:- لا هلمرة رايح اكطع تين وضحك واردف حبيبي دوامي هيج وانتي تعرفي وتعرفين خطورته ومالوم سيد محمد من جان ما راضي بس بعد الله الحافظ.
4
:- خوفني بعد خوفني .
2
مد ايده يكرص خدي:- لا تخافين رجلج ذيب مايكدرله غير الي خلقه
2
قشعر جسمي بخوف وظليت ادعي بداخلي ربي يحفظه ويچفي الشر دخلنه بغداد ودك على حيدر
+
فارس:- ها سيد الحمدلله عالسلامه
+
حيدر:- الله يسلمك حبيبي
+
فارس:- سيد شوفلك مكان اطبك حتى تاخذ العلويه خابروني بالدوام لازم اطلع واجب مو مال اروح لمنطقتكم وارجع اوصل اختي .
+
حيدر:- يلا تمام كدامك هسه اطبك
+
فارس:- خوش..
+
سده وباوعلي بنظرة اعتذار:- اسف يا ماي عيني بس ماعندي وكت ولازم اروح
+
ابتسمت :- لا حبيبي قابل شكو عادي روح الله يحفظك ويسهل عليك
+
اتسعت ابتسامته وبرزت اسنانه البيض:- يا كلمه حبيبي طالعه منك مثل تغريده بلبل لحد يكولها بعدك يا ضواي
3
ابتسمت وراحه غمرت گلبي واحس كلبي يركص من الفرح ويا
شفنه حيدر يركن على جانب الشارع وفارس ركن خلفه نزلنه اثنينه يمشيني كدامه ايده على خصري من الخلف ضغط عليه بخفه خلاني اقشعر
+
فتح الباب الخلفي صعدني سلم على حيدر والبنات وابتسم بوجهي:- يلا استودعتج الله
3
همست خجلانه من حيدر:- مع السلامه .
سد الباب وراح لسيارته واحنه تحركنه متوجهين للبيت الكل مطفي وتعبانين
وصلنه البيت اخر حلقه من تعب افترقنه بدون كلام كلمن لغرفته ذبيت حجابي ونمت بدون ما ابدل
فتحت جفوني الشمس محتله الغرفه باوعت لساعه متجاوزة ال١٢ الظهر اتذكرت البارحه وكلبي خفق وارتجف بتلذذ واني استذكر كل لحظه رفعت ايدي كدامي اباوع لحلقتي والفرحه ماليه كل خل خليه بجسمي مو بس كلبي
جريت تليفوني شفته داك عليه مرتين بوقتين مختلفين وقبل نص ساعه دازلي رساله
1
( التمبل مالتي بعدها نايمه؟)
ابتسمت ودكيت عليه مجاوبني دزيتله رساله
( صباح الخير توني كعدت انت زين رجعت للبيت؟)
بعثتها وتركت تليفوني كمت غيرت ملابسي وغسلت ونزلت لكيت هاجر بالمطبخ لازمه تليفونهه وتكتب بأنفعال عرفتها جاي تنقل الاخبار لعمتي وجهتلي نظرة حاده تجاهلتها كالعاده توجهت للبراد اشرب مي سنطه والبيت هدوء
اجاني صوتها تحجي بغل:- البارحه المحاضن بفلس ومن سيف اجه يقرب منج بعتي شرف براسه وشهرتي
2
زفرت بنفاذ صبر وانداريت الها مبتسمه:- فرق بين الي يحضنك بحب وبين الي فارض نفسه عليك اقتربت منها اهمس ببطيء
لا تقارنين بين قذارة سيف ورجوله فارس فرق بين الثرى والثريا فارس ما استغل عدم وجود اهلي حتى يجبرني على شي
1
رفعت ايدها تريد تضربني ولزمتها امنعها باوعت ناحيه باب المطبخ الداخلي تتاكد محد موجود وهمست بخبث:- متقويه بي مو وفرحانه بي بعد ما خربتي حياتنه الله ينتقم منج وعساج تشوفي ميت بيوم عرسج ولا تتهنين مثلما دمرتي اخوي
3
رجفت على دعائها وكميه الشر البي:- لا تخافين الله ماياخذ دعاء باطل والداعي اله ثلثين دعائه بس ان شاءالله مايطولج منه شي اخاف على اخوي ووجهال اخوي من سمج وشرج يأذيهم
+
نترت ايدها بثبات عكس الرجفه الي سيطرت عليه تركتها اريد اصعد غرفتي صعدت الدرج واحس حيلي راح كعدت بنصه كلبي انعصر من دعائها طلعت زهراء من غرفتها تفرك عيونها مبين توهه كاعده شافتني عالدرج استغربت واجتني بسرعه
1
زهراء:- شبيج ليش كاعده هنا توته.
+
صفنت بوجهها اذا احجيلها هسه تنزل تتعارك ابتسمت بزيف:- دخت من الجوع يلا غسلي حتى ننزل نتريك سوة راحت غسلت واجت نزلنه سوة حميت الچاي وزهراء طلعت صمونتين حطت بيهن جبن مو مال نكعد نسوي مائدة ريوك وبعد ساعتين يجون الكل من الدوامات ويصير الغده
+
كعدنه اني وزهراء نشوف الصور والفيدوهات الي مصورتها البارحه اباوعلهن هاي احنه اني ويا فاصلين حقها ماما تشك
2
زهراء:- حتى الاعمى يعرف عن حب باعي فارس حلكه مشرع خو من راد يبوسج وانتي وخرتي متت ضحك يمه لو ماما منتبهه جان انجلطت بمكانهه
غطيت وجهي احس حرارة وجهي صارت الف :- شسويله اشو هو نسى روحه
6
اجو الكل من الدوامات وانجمعنه وصبينه غده ونظفنه المطبخ كل شوي اباوع لتليفوني ماكو ماعنده نت ولا شايف رسالتي قلقت وظل بالي
+
دكيت على نورهان كالت الضحى خابر امي كال ورا الظهر احتمال اجي انوب بدل ما اخذ منها خبر يريح خفت بزايد
صعدت غرفتي وبزحمه افكاري والقلق اتنشلني اتصاله
جاوبته بلهفه :- انت وينك؟
+
من صوته واضح نگضان تعب:- توني راجع للبيت ميت نعس يامن يكضضني فراشي
+
-ظل بالي عليك
+
فارس:- حكج علي يا ماي العين وداعتج اول ما فضيت دكيت عليج مشتاق انه
+
اتسعت ابتسامتي ومددت العب بشعري واحجي ويا:- واني هم
+
- انتي شنو .
+
تحمحمت اشجع روحي صوتي انخفض خجلانه:- مشتاقتلك.
3
تنهدت بحسرة:- شدعيلك سيد محمد الا تتخرج يلا تاخذها والحسين جا خليت العرس الاسبوع الجاي.
4
ضحكت واتذكرت:- تدري اني مستغربه شلون وافق محمد جان رافض كلش.
+
فارس:- غير مدري كم ساعه احجي ويا وكعت وذرة من لساني
+
جاوبته متفاجئه:- حاجي ويا شوكت؟
+
فارس:-قبل الموافقه باسبوع هيج اتصلت بي والتقينه وكلمن طلع الي بگلبه تدرين احترمته اكثر تمسكه وخوفه عليج خلاه يكبر بعيني والظاهر قنعته لان السيد الله يسلمه ما كال لا اي ولا وجعي كلت اييه يفارس تطين راسك راحت البت منك اثاري جاي يشتغلني عالبارد
3
:- ليش مگلتلي؟
+
فارس:- حتى ردة فعلج تكون طبيعيه ترا سيد محمد ذكي وجان شاك اكو شي بينا لو كايلج جان درس كل حركه وتصرف منج وعاند بزايد وهالشي حقه محد يتقبل اخته عندها علاقه وتحب وانت يا ضواي ماتعرف تجذب ولا تمثل عيونك شفافه وكاشفتك
مراح يخفى عليه هالشي وتخرب كل سالفتنه
5
:- همممم
+
فارس:- ها المايع ترا اجيك .
2
ضحكت:- هاي شبيك شلون يعني اسكت .
+
فارس:-حتى سكوتك نغم .. حظري روحج اريد اشوفج نطلع سوة بس اخلص شغلي هالايام..
+
:- عزااا
+
ضحك بنبره احبها تاخذ عقلي:- ليش بويه ليش
+
:- شنو وين اطلع وياك؟
+
نتر بيه بنبره مزاح:- ولج رجلج انه مو صاحبج شبيج صارلي شهور ما شايفج البارحه كلشي ما افتهمت منج نص الوكت كدام النسوان والنص الثاني كدام الامام واحد حتى يستحي يحجي حجايه
3
:- مم اي صحيح جنت تخرخر مستحى بحيث ماما بس خلص العقد صعدتلي لغرفتي تگلي شعندج ويا
2
ضحك متفاجئ:- اهه شني هاي شمسوي عمي والله جنت حباب
1
:-فارس بداعت امك لا تتسوفل كدام احد استحي من اهلي والله ماما رزلتني ماما تتخبل من هالحركات
+
ضحك وكال:- عمي البارحه انه مكبسل مو بعقلي بعدين هو اليشوفك يبقى براسه عقل يالماخذ عقلي
تعاي هنا شو ما كلتي احبك مغلسه ؟
2
بغنج همست :- ااحبك.
+
فارس بهيام:- يبعد الحب واهله وانه ذايب بيك با ماي العين وسواجيها
+
—— زهراء——-
+
كلما احاول ابطل هجوميه على حر الكه روحي اندفع واسمعه كلام يعبر عن غضبي اتجاهه كلما احاول ابين لطيفه ولينه يفيض الي بداخلي ويفضحني وهالشي يثبت شكد الانسان اسير لمشاعره شكد ما يحاول يتحكم بيها لابد يفقد السيطرة في حلقه ما وبعد المشاده الصارت بينا بالسياره بطريقنا لمركز التجميل حبيت اصحح مساري وارجع للطريق الراسمته ادعيت نسياني لجنطتي بسيارته عند نزولنا وفي الحقيقه اني تركتها متعمده شافني اطلع رفع حواجبه مستغرب وملامحه منزعجه مني نزل جامته يحجي من ورا خشمه
+
حر:- خير شعندج طالعه.
+
جاوبته بهدوء:- نسيت جنطتي ليورة
+
اشر براسه:- صعدي اخذيها ان شاء الله تردين انزلها الج
+
:- لا عادي فتحت الباب وصعدت لان صايره من الصفحه الثانيه ذبيتها بالكاع مد ايده من الجامه ودفع الباب سده وقفل السياره
+
رفعت راسي اله اباوعله ببراءة:- حر اني اسفه مو قصدي اضوجك بس احب اداهرك مثلما انت تحب تداهرني
+
رفع تك حاجب ما مصدك:- ارسيلج على بر لا تظلين تتخبطين بين الشخصيتين.
3
نزلت عيني وعبست بدلال انثوي:- اذا اكلك ماعرف شريد تصدكني مرات احس اضوج منك ومرات .. سكتت اخلي عقله يرسمله خيالات تعجبه
2
حثني اكمل:- ومرات شنو؟
+
حركت اكتافي بحيرة:- مادري احس يعني ماضوج منك واشوفك حباب
1
بلع ريگه وشكله حاير بين يصدكني او يكذبني حقه حيرته بتصرفاتي :- زهراء كل الي رايده منج انه تشوفين حبي ليش صعب عليج
+
همست بصوت خافت:- اسلوبك يضوجني ماشوف حب الي يحب يدلل يغنج يغازل انت ولا شي منهن مطبق تزعلني تتنمر عليه تقهرني تعصب عليه وين الحب بالموضوع حر فهمني
عالاقل احترمني اني شنو الي جذبني لحمزة ....
3
بعدني ما مكمله جفصتني اندار بكل جسمه فاتح عينه واقترب مني من بين الكشنات انكمشت ولزكت بالباب وهو شويه وينچفي فوكي
2
همس بغضب مكتوم من بين اسنانه:- عيديها وجيبي طاري رجال على لسانج يا زهراء لا ابقي عيب ولا حرام وبيدي هاي اكسر رگبتج ولج انتي شنو من جرئه شايله تحجين وماخذه راحتج بالوقاحه
+
ملامحه صارت بركان من الغضب والغيره واني انخلست همست بصوت راجف:- اسفه مو قصدي عفيه وخر احنه بالشارع
+
حر:- انعل ابو الشارع لج زهراء جري عدل هواي جريت خلك وياج بعلي اموتج
+
غورگت عيوني بدموع:- انت مخليتني اكمل مخليتني اكمل وخر عني خل انزل
+
ضرب كصته بنفاذ صبر :- ياعلي فوكاهه هي التبچي فوك شينج كوات عينج ولج شتردين مني فهميني .
5
هزيت راسي ودموعي خانني ونزلن:- ماريد ماريد بس عوفني
1
ابتعد عني وكعد ورا الستيرن فتح قفل السياره:- انزلي ولي انزلي لا اجرم بيج..
+
نزلت امشي سريع ودخلت الصالون وضعي ما خفي عن ياقوت واحسها عرفت شبيه بس ماضغطت عليه واني هم حاولت اكون طبيعيه اختي فرحانه وهذا يومها الي تنتظره من زمان اباوعلها وفرحتي بيها بكد الدنيا طالعه فراشه فستانها الابيض مكياجهه الخفيف شعرها الاشكر كلشي بيها حلو والاحلى بيها گلبها وشخصيتها الناعمه امشي واقرا عليها معوذات اخاف عليها من عين البشر صار وقت رجعتنا للبيت وهلمرة اجانه مجتبى حمدت ربي مو حر عالموقف الاخير ماريد اشوفه ولا المحه
+
عقد القران جان يجنن حلاوتهم وحلاوة لقائهم الشوك واللهفه والحب طاغي عيني متشبع من منظرهم توته وخجلها ورقتها وابتسامتها المشرقه وفارس ووسامته وفرحته الي حار شلون يعبر عنها الكل حس بالمشاعر البينهم خاصه ماما جانت متفاجئه
+
بعدما خلص العقد جنت واكفه بالمطبخ بعدها الحفله براسي واردد باحد هوسات الملايه واحط شكر بالاستكاين واتمايل
+
حر:- هيي هييي اثكلي الباب مفتوح مسويه عرض
3
انداريت خازرته:- طلع صوت طكطك كول جاي شمدريني
+
حر:- لج بنتي الباب مفتوح والولد فايتين طالعين يشوفوج انتي ليش ماعندج مستحى انطيني زقنبوت مي اتسمم
+
طلعت كلاص مي سفري وحطيته عالسنك :- تفضل تسمم ورجعت ارتب بالاستكاين منطيته ظهري
+
فتح عينه :- ايا متستحين
2
حطيت علبه الشكر بعنف عالكاونتر وانداريت:- ترا انت گلت اتسمم وكررت كلامك .
+
دخل المطبخ واقترب مني صار مقابيلي كلش همس بصوت مترجي:- كافي لخاطر الله زهراء كافي بالحسين تعبت من تصرفاتج .
+
:- لا تضوجني ما اضوجك
+
حر:- شمسويلج لج انتي تجفصين ببطني تردين اسكتلج انعل ابو الحب الذلني الج انعل ابو كلبي اذا يرف عليج بعد عبالج اذا احبج تدوسين واسكتلج من هاللحظه خيالج ماريد المحه اهلج يجون لبيتنا لا تجين من انه موجود واذا اجي للولد اكتمي حتى نفسج ماريد اسمعه
1
جاوبته :- بعد احسن خفه وراحه.... شفت الالم بعيونه واتمنى اذيي اكثر اندار وطلع وورا شويه اخذ كل اهله وراح
1
وفعلا من يومها اتجنبه ويتجنبي ما التقينه ولا احتكينا صرت اتجنب الروحه لبيت عمي واذا اضطر اختل بغرفه بنين واذا يجي للولد ما انزل من غرفتي بس هالشي ما ريحني بالعكس ارق نومي احس ديرتاح واني ماريده يرتاح اريد اقهره مثلما قاهرني استمر هالشي لاكثر من اسبوعين الدوام الاسبوع الجاي طلعنه اني وتوته وماما نجهز لدوام لاحظت اختي اعصابهه مشدودة بسبب فارس ودوامه من يوم الزياره مشايفته وتواصله مرات يختفي طول اليوم وهو يتعذر الها هالفتره مشغول هواي وعليه ضغوطات مكثفه
1
نتمشى بسوك وعقلها مو ويانه وكل شويه تتفحص تليفونها بعبوس بلكوة اختارت كم قطعه ملابس بس حتى تجاري ماما ومتحجي عليها
+
اقتربت منها اشاورها:- عوفي التليفون عاد يعني اكيد راح تسمعي اذا اتصل او دز رساله
+
باوعتلي بوجه قلق وحزين:- دمرني زهراء ولج كلشي ممفتهمه منه قبل جنه نحجي اكثر والله اعصابي تعبت من دوامه شوكت اشوفه شوكت احجي ويا نورهان تكول امه ضغطها معلك من ورا هسه لو يبطل منه وكلبي يرتاح مدتشوفين الوضع
+
جاوبتهه احاول اطمنها:- لتخافين لو اكو شي يوصل الخبر بساع وفارس مبين سبع وذكي يعرف بتصرف بعدين اذا هو بطل وغيره بطل منو يوكف بوجه الار.هاب منو يحمي البلد
1
زفرت حسره جبيرة:- كلوبنا خلصت اني عقلي مديتحمل ماعرف بمنو افكر بكرار بمجتبى بفارس كل واحد ماخذله جهه
3
كملنه تسوقنا ورجعنا للبيت دخلنه باب البيت واذا بي كاعد هو ومصطفى يدخنون نركيله بالحديقه ما باوعت ناحيته ودخلت بسرعه بدون ما اسلم وصعدت لغرفتي لسبب مجهول حسيت نفسي اريد ابجي شمرت العلاليك بالكاع وكعدت على سريري واطلقت العنان لدموعي هدأت نفسي بسرعه وكمت غسلت ورجعت اعلك الملابس الجديدة وارتبهن
صاحت ماما من جوا علينه اني وتوته وليالي
+
نزلنا كلنا لكيناهه محضرة لحم وعده شوي يمنه وجهت كلامها النه:- يادوب نلحك يلا كلجن حطن ايدجن الولد مشتهين شوي وبيت عمجن عشاهم يمنه هبينه كل وحده اخذت مهمه
زفرت بضيق واني احضر الزلايط وتوته كالعاده هي عليها تعجن لحم الكباب وليالي تتبل الاجنحه وماما تسوي التكه ..
+
اجانه صوت حر من باب المطبخ
حر:- ياقوت بلكي مي رحمه لموتاج
+
ابتسمت اله ورفعت ايدها:- ايدي كلها زفره لحم زهراء انتي انطي مي ايدج نظيفه
+
باوعتله بنظره خاطفه ملامحه انكمشت اجيت انطي مي ونطق:- يلا عادي مايحتاج ورجع للحديقه
+
ليالي وياقوت باوعن لبعض وباوعن الي حسيت دخان كام يطلع من اذاني تعمد يفشلني
+
دخل محمد جاي من المكتب انطاني جنطته اوديها جوة هاجر صارلها كم يوم يم عمتي بكربلاء ومرتاحين منها
+
باوعتله ياقوت تحاجي
+
ياقوت:- شلونه المكتب بدوني اليوم؟
+
ابتسم هامس:- يخبل محد يخربط الملفات ويخبصنا.
+
عبست تسوي نفسها زعلت:- بعد ما ادوام وحتى نورهان اخليها تترك الشغل وخليك وحدك انت وملفاتك مرتبه
+
محمد:- لا انتن الخير والبركه حبيبتي غير انتن ممشيات المكتب قبل كاتلنه الظيم وضحك
عينه بتليفونه يكتب وياقوت وجهتله نظره غريبه ماعرفت افسرها ورجعت اندارت تكمل شغلها وسألته
4
ياقوت:- محمد شنو رأيك بنورهان .
3
رفع راسه عاكد حواجبه:- من اي ناحيه؟
+
ياقوت:- من كل النواحي.
+
وجه نظره للفراغ وابتسم:-حبابه مؤدبه وتحب شغلها شاطره
4
تدخلت هنا اشاركهم الحديث:- الحمدلله عشت وشفت محمدنا يمدح وحدة بركاتج ست نورهان
5
ملامحه رجعت جديه ووكف يدخل جوة:- يلا اروح ابدل وانزل يم الولد وراح اختفى جوة وياقوت عينها وراه
+
اشرتلها شكو
همستلي:- ماكو شي شبيج اغمض؟
+
نزل ورا شويه واندمج ويه الولد اجو بيت عمي وبلشوا شوي بالطرمه فرشنا سفره بالحديقه الجو حلو سوالف وضحك
الا ياقوت منعزله وصفنه تجيبها وصفنه توديها لا كرار يمها بالدوام ولا فارس فاضي الهه هم بالدوام اختي شكد عاطفيه ومشاعرها تبين عليها بسرعه متكدر تضم او تدفن وهالشي عندي اعتبره نعمه مهما اعاني من صراعات داخليه قناعي جاهز ومحد يكدر يعرف شبيه
اتجاهلنه بعض عن تعمد او يمكن العكس منتبهين لبعض بالسر بس كل واحد نيته تختلف عن الثاني صفنت شكد بينا فوراق وفجوات قاطع شرودي صوت محمد
+
محمد:- هسه علويه زهراء تخدرلنه ذاك الچاي المعدل عالفحم
+
ابتسمت مأشره على عيوني:- من عيوني چنك على چاي كمت للمطبخ اطلع كتلي چبير نخدر بي عالفحم غسلته واحط بي مي دخل منتظر للمطبخ غسل ايديه
+
منتظر:- چنكم متزاعلين ؟
+
باوعتله بملل:- ياريت نبقى هيج ابرد راسي اخوك ماينجرع.
+
ضحك هاز راسه:- والله اثنينكم تستمعون بالنگرة مالتكم
+
انطيته الكتلي اقاطعه:- دهاك حط الچاي عالفحم سويلك شغله بيها فايده وعوفنه من هالسيره اخذه مني وطلع طلعت صينينه اسفط بيها كلاصات
+
حر:- ما شاء الله سوالف وضحك ويه منتظر .
7
مجاوبته غسل ايديه ونشفها شمر الخاولي على ظهري:- مو احاجيج. تركت الخاولي يوكع بالكاع ما شلته
+
شلت الصينيه وعبرته طلعت من المطبخ حطيتها بصف المنقله على طبله بلاستك لوتي حضرته عباله شوكت ما يعجبه يتجاهلني ومن يطخ مزاجه يحاجيني
خدرت الچاي وصبيت عيني اجت بعينه خاف عباله انطي چاي واكله تفضل
صحت منتظر:- تعال منتظر عفيه وزع الچاي الصينيه ثگيله
4
اجه اخذها مني وحر وجهه انگلب اني الك اعديها الك لا والله
شلنه السفره وغسلنه مواعين عفتهم وصعدت لغرفتي الا اعذبه
3
صدك ماطول ودزلي رساله:- نزلي جوة يلا صالحتج .
شفتها ومجاوبته رجع دز( تعاي نزلي مو جاي احاجيج)
ظليت اقرة وما اجاوب( زهراء لا تفورين دمي كلت نزلي)
( عمي اسفين نعتذر لان انتي تجفصين وانتي الغلطانه نزلي)
(ولج نزلي مو طكت روحي)
( بسيطه ولي خفت هالوجه لا تنزلين طبج طوب هو انه ماعرف ليش مكبر راسج)
5
ابتسمت بأستهزاء اني وين وانت وين وشكد فرق بين الاثنين
2
—-نورهان——
اليوم اول يوم اشتغل يم استاذ محمد ومتحمسه وباسم اصر يروح ويتعرف عليه ماعرف شبي معاجبه اشتغل ولوما فارس ميقتنع هواي يحترم فارس ويهابه اجه اخذني وتوجهنه للمكتب
3
باسم:-يعني انتي محتاجه شغل مجاي افهم؟
2
:- الموضوع مو موضوع فلوس اريد خبرة واني احب المحاماه انت ليش ضايج من نكدر نفتح مكتب ونشتغل سوة غير احتاج تدريب علمود الاجازه
+
باسم:- ماحب بنيه تفتر بالمحاكم مو مناسب هالشغل
3
تنهدت بخيبه:- باسم ترا انت تعرف اني محاميه من خطبتني شنو الي اختلف ورأ الخطوبه واخوي شرط عليك وانت وافقت
+
باوعلي بنظره جانبيه:- الله كريم
+
وصلنه ودكيت على ياقوت :- ها حب اني جوة انتي وصلتي
+
ياقوت:- توني دخلت الشارع انتظريني
+
:- يلا ماشي كاعدين بسياره مقابيل البنايه انتظرج
+
باوعت لباسم:- بس تجي ياقوت ونفوت سوة احسن
+
باسم:- خطيبته لفارس مو؟
+
-اي هي .
+
وصلت ودكت عليه شفتها يم باب البنايه حثيت باسم:- يلا حياتي هياتهه بباب العمارة نزلنه ورحنه عليها سلمت وعرفتها على باسم وصعدنا
3
نورهان:- دخلي انتي لاستاذ محمد انطي خبر باسم يريد يتعرف عليه
+
ابتسمت ياقوت ابتسامه رقيقه هامسه باذاني:- يغار عليج يريد يشوف منو مديرج بالشغل خاف يشوف اخوي ويبطلج ترا اخوي حلو
1
ضحكت على سوالفها:- والله شكلج كلشي يطلع منه استاذ باسم كل شوي برأي بس لا لتخافين فارس ضابه...
+
دخلت قبلنه ورجعت طلعت مبتسمه تأشرلي:- تعالو نورهان
+
تعرف باسم عليه بس ماعرف ليش حسيت استاذ محمد متضايق ماعرف شبي وكلامه جان جدا مختصر عكس طبيعته يتناقش ويسولف وياي بس استنتجت ممكن بسبب باسم حب يحط حدود كدامه احتراما اله وهالشي ريحني بصراحه حتى اخلص من غيرة باسم وتحكمه الزايد لاحظت هالشي بي بعد الخطوبه ومو مرتاحه لغيرته احسها بشك بس بنفس الوقت اسلوبه وياي مبي شي ومشفت منه تجاوز لطيف وكريم وعنده مستقبل بصورة عامه يعجبني ماكو بشر كامل لابد كل انسان عنده اخطاء وبي عيوب ماعندي عقده الرجل المثالي
+
راح باسم وظلينه اني وياقوت تدليني على كلشي يخص الشغل الملفات الورقيه وحتى الي عالحاسبه برا بمكتب المساعد الي صار مكتبي استاذ محمد ابد ماطلع من المكتب ولا شفناه لحدما اجته مكالمة وطلع مستعجل مجان عدنه شغل المحامي الاخر شريكه مجان مداوم اليوم لا هو ولا فريقه ماخذين عطله اجه باسم اخذني للبيت وياقوت راحت
وهيج استمرت الايام ومر اسبوعين ياقوت ما دوامت اليوم وبقيت وحدي صعدت للمكتب واخذت مكاني اگلب باوراق احد القضايا صافنه بيها دك التليفون الي عالمكتب
+
محمد:- ست نورهان بلكي توصيلنه على چاي
+
:-حاضر استاذ تأمر بشي ثاني؟
+
محمد:- ملفات علي كلهن جيبيهن
+
:- تمام استاذ دقايق..
+
سديته وحضرتهن طرقت الباب ودخلت لازم راسه بأثنين ايديه دليل على شعورة بآلم الصداع حطيت الملفات عالطاوله وردت اطلع لان هيج تعلمت خلال هالمدة الراحت تعامله وياي اختلف جذريا صار رسمي بس محترم وابد ما زعجني
3
محمد:- بلكي تساعديني بيهن صداع مراح اكدر اشتغل بنفس النشاط رجعت مبتسمه وكعدت كدامه مد ايده وقسم الملفات قسمين وصرنه نتبادل المعلومات وهو يسجل على لابتوبه
+
جنت ارددله معلومات احد الشهود المذكورين :- هيثم عبد علي سلمان تولد ١٩٧٠ السائق الشخصي لزوجه المتهم... رفعت راسي اشوفه اذا منتبه ويايه وينقل اول باول لكيته صافن بوجهي وعاكد حواجبه
2
باوعتله مستغربه:- خير استاذ بيك شي شكلك تعبان ..
+
سد لابتوبه وضغط بين عيونه مغمضهن هامس:- شنو رأيج نعوف الشغل مطاير؟
3
حكيت جبيني مستغربه لان الي عرفته هو مدمن عمل:- براحتك استاذ تحتاج براسيتول عندي بجنطتي
+
فتح عينه بأبتسامه الم:- ياريت محتاج علاجج؟
10
::هاا؟
+
محمد:-قصدي محتاج البراسيتول؟
+
كمت وكفت:- بس اروح اجيبه واجي.. طلعت اخذت الشريط من جنطتي ودخلت مديته اله طك حبايتين من الشريط وبلعهن
+
اشرلي اكعد:- كعدي ست نورهان ليش واكفه.. ابتسمت بتوتر وكعدت
+
محمد:- اي نورهان شلونج مرتاحه يمنه ان شاءالله
+
ابتسمت براحه وهزيت راسي بأيجاب:- الحمدلله كلش مرتاحه
+
محمد:- اكو احد يزعجج شي.
+
هزيت راسي بالنفي هالمرة:-لا الحمدلله الكل محترم واتذكرت ست سجى الغثيثه .. بس شسمه..
+
باوعلي بأهتمام:- بس شنو..
2
ضحكت محرجه:- ست سجى استاذ ابد ما حبتني كلما تجي عليك تلزمني تحقيق وتحجي معلك سوأل استاذ هي جانت تريد تشتغل يمك واني ماخذه مكانهه
+
ضحك هاز راسه بيأس:- معليج بيها سجى خبله
باوعتله متفاجئه اول مرة يحجي بهالطريقه على احد
اكدلي:- شبيج والله طباكات هلكد ما تطلك نسوان بالمحاكم عقلها شخط ..
5
ضحكت على وصفه:- صدك احسها هيج لان اول شي سألتني انتي متزوجه لو لا الظاهر تفكر تطلكني...
+
تلاشت ابتسامته وسألني بجديه:- خطيبج شلونه ؟
1
حمحمت بخجل:- زين الحمدلله
+
محمد:- شلونه وياج
+
استغربت سواله بس استحيت وجاوبته:- الحمدلله باسم انسان محترم .
+
سكت لثواني وكال:- ماتوقعتج ترتبطين بهالوقت.
+
عكدت حواجبي بعدهم فهم:- شلون يعني؟
+
محمد:- شفتج شغوفه بالعمل والمحاماه الزواج ياخر تقدم المراءة عن تحقيق بعض الطموح
1
:- كلشي قسمه ونصيب بعد بالنسبه الي ماكو شي يوكف بطموحي
+
هز راسه شارد بدون ما ينطق
+
— ياقوت—
+
انشغال فارس دمر اعصابي حتى مكالماته سريعه وصوته تعبان دايما صافنه افكر بي وبدوامه اسأل نفسي بعد الزواج هم هيج حسرة عليه شوفته والكعده ويا واظل بقلق دائم عليه
بعدما راحو بيت عمي اتجهت لغرفتي بعدني عالدرج وصدحت نغمه تليفوني تبشرني بأتصاله ركضت لغرفتي كلي لهفه وشوك وفتحت الخط بصوت لاهث
:-الو
+
فارس:- هلا حبيبي شلونج شبي صوتج
+
ضحكت فرحانه:- لا مبيه بس ركضت لغرفتي حتى اجاوبك ماعرف احجي كدام احد.
+
:- مشتاقلك بكد مي دجله يا ضوة عيوني وادري مقصر ولخاطرج مجاز يومين اتفرغ بيهن الك يا حلو.
+
هتفت بغبطه فرح:-كذاب!!
+
فارس:- وعيونك يالحبيب. اريد اشوفج هسه ماصبر لباجر
+
همست بحيرة:- ساعه ١٢ شلون؟
+
فارس:- دبريلي روحج حتى لو دقيقه رايد منج شغله
+
سألته بفضول:- شنوو هي؟
+
ضحك على فضولي وقله صبري:- اجي وتعرفين باعي بدون اعذار توني طالع من الدوام وتعبان ميت تعب محتاج احضنج لو ثواني
+
:- تعال انتظرك ..
+
سديته منه ودخلت على زهراء افرك ايديه بتوتر طلعت السماعات من اذانهه تباوع للمسلسل:- شبيج؟
+
كعدت على حافه سريرها :- فارس جاي هسه يريد يشوفني شوي قبل ليروح للبيت
+
كمزت من مكانهه وهتفت بحماس:- الله . لقاءات تالي الليل وكذا جرتني اكوم
1
زهراء:- كومي لج كومي بدلي تعطري فتحي شعرج جرتني لغرفتي فتحت كنتوري وتدور بالملابس
+
لزمتها:- ولج حايرة اني شلون اشوفه بهالوكت وين يدخل ابوي والولد
+
مستمرة تگلب بهدومي :- بابا وماما بعاشر نومه الولد كلمن بغرفته كعدي بالحديقه لو بصاله ويا غرفتج وغرفه كرار وغرفه مجتبى شباكهن ليكدام وذوله الزوج مو بالبيت
حيدر وليالي لو بالعسل لو نايمين عدهم دوام مايسهرون
وتعرفين محمد موعد نومه مقدس واني راح اراقب الدرج اذا احد طلع من غرفته ادزلج رساله
1
طلعتلي نفنوف بيت لونه حبري ربع ردن وعالجسم رفعته كدامي:- هذا يجنن ويه لون عيونج
عجبني ولبسته رشيت عطري وضفرت شعري ضفيره راخيه بدون ما اشدها ورتبت وجهي بشي خفيف اقل من نص ساعه دزلي اني بالباب من شوكي نزلت اركض حافيه اخاف البس شي برجلي يطلع صوت
+
فتحت الباب وصار كدامي ابتسم واندفع ناحيتي انحنى عليه حاضني ورد باب البيت برجله بدون ما يسده
+
بادلته الحضن متشبثه بي بقوة مشتاقتله كلبي يدك بسرعه رهيبه رفع نفسه ورفعني عن الارض بدون ما يفصل الحضن همس باذاني:- فدوة لريحتج يا روح الروح
+
ابتعدت عنه نزلني وايديه محاوطه خصري باوعتله مبتسمه :-
اشتاقيتلك بعد لا تغيب هلكد عليه
+
عيونه مبتسمه وتتمشى بشوق حارق على شكلي وطولي :- ابد والله بس تحملي علما تعدي هالاوضاع النصر قريب ان شاءالله
+
جريته من ايده ندخل لصاله من الباب الخارجي وقفلت الباب الداخلي اخاف احد يدخل
رجعت عليه حضنته حيل بعده بملابس الدوام كعد وجرني كعدني على رجله باسني من زندي:- شو خل اضوك من هذا الكيمر نشوف ياهو الاطيب هو لو كيمر السده
6
ضحكت بخفوت اخاف احد يسمعني :- لا اني اطيب .
+
باوعلي بتلاعب :- لا تتحرشين بناري يبنيه ماريدها تلوحج.
1
خليت ايديه بجرائه حوالين رقبته هامسه بغنج:- شگلت اني
+
بلع ريكه وأنفاسه اضطربت مد ايده لشعري يفتح ظفيرتي ببطىء وصار يرتب شعري وجابه منا ومنا على وجهي
:-كايلج كبل انه انت حيل حلوة.
+
ابتسمت :- تؤ. مگايلي.
+
جاوبني بصوت متخدر:- ست الحلوات والحلوة يمج تطفى
+
:- هلكد تشوفني حلوة؟
هز راسه بأي وعيونه مثبته على شفايفي عرفت نيته وشفت الي يدور بباله لعقت شفتي بتوتر وهالشي اثار جنونه وقبل لا استوعب شي دس ايده بمؤخره راسي يقربني اله قبله مجنونه جمعتنا ما بادلته بس ما منعته وتمسكت بي مشاعر غريبه اجتاحتني لاول مرة ارتجف جسمي بين ايديه تفنن بالتعبير وصار يتمادى والغريب اني مرحبه بهالشي ابتعد عني واستوعبت أني مستلقيه على التخم وهو منحني عليه
انفاسنه لاهبه ومضطربه لهثت اريد انهض بس اعاد قبلته بشغف اكبر غيب عقلي فصل قبلته هامس بصوت راجف:- اريدج بعد ما اتحمل
10
هالجمله رجعتني لارض الواقع دفعته عني وتراجعت للخلف الملم خصل شعري صوتي خرج ضعيف ومهزوز :- فارس كافي عفيه كوم روح ...عرفته انجرف والي يريده اكثر من مجرد قبلات
عدل كعدته يمسح وجهه :- استغفر الله طيرتي عقلي شجابني بهالليل انه
+
كام وكف ينفض راسه :- وكفت بصفه وضعي ميقل توتر عنه اول مرة اجرب هيج شي وهيج مشاعر وويه انسان اعشقه مو بس احبه
باوعلي وعيونه بعدها خدرانه:- شيكضي الايام وتنامين ليلج بحضني اقتربت منه مبتسمه
مد ايده ومسح شفتي بأبهامه ببطىء هامس:- ما ينشبع منهن
+
نصيت راسي خجلانه من الوضع الجنت بي ويا قبل شويه جذبني وحضني بأثنين ايديه:- احبج مريتي والصار مو غلط
لا تتدمين وتكعدين الصبح تلومين بنفسج وبيه
+
همست :- بس اني مو ندمانه.
+
تنهدت بعمق:- شوطيني بعد اكثر .
+
بعدني عنه ومد ايده على احد جيوب بنطرونه فتحه وطلع منه رتب جديده رفعهن يحركهن بفخر كدام وجهي
+
فارس:- جيتي كلها علمود اشوفج ذني تكونين اول وحدة تشوف الرتبه الجديده اليوم استلمتها رسميا
خطفتها من ايده والفخر ملى گلبي مسدتها وبستها
:- مبروك حبيبي تستاهلها فخورة بيك اني
كعد وجذبني كعدني بحضنه
واشرلي على رتبته :- بدليها الي علويتي بركات ايديك الحلوة
4
اتسعت ابتسامتي وفتحت اول جهه شلت الرتبه القديمه وشكلت الجديده ونفس الشي سويته ويه الجهه الاخرى وهو عينه على وجهي يراقبني لزمت رتبه النقيب بيدي بوست نجماتها:- بهاي الرتبه حبيتك الها معزه بگلبي
ورجعت بست الي على كتفه:- وبهاي الرتبه صرت مرتك
+
لثم خدي :- ويلوموني ليش احبج
+
رديت شعري ليورا بحركه غرور:- الله يلوم الي يلومك شنو البيه ما ينحب
3
قهقه بصوت رجولي يسحلني خليت ايدي على حلكه بسرعه:- اشش لا يسمعوك بالعباس كتلتي تصير عمل شعبي
باس بطن ايدي الي على شفايفه مرات متتاليه ووخرها
+
بعدني عن حضنه وكام وكف :- يلا حبيبه خل اروح لا اسويلي كارثه ورا تسع اشهر تلكيها بحضنج
6
اخذ مني الموضوع ثواني حتى استوعب وشهكت اضربه على صدره:- فاسق والله فاسق ومتستحي
+
فارس:- عمي رجال محروم وتطلعله حوريه بنص الليل تتماوع بحضنه تراوده عن نفسه احد كلج انه يوسف وما اضعف
1
حطيت ايدي على شفايفي اكتم ضحكتي :- روح هاي اخر مرة تجي هيج وقت انت مو راحه اخاف منك
+
رفع حاجبه بخبث ونزل راسه يهمس يم اذاني وانفاسه الدافيه خلت جسمي يقشعر:- چا منو الماعت وسلمتها تراب نفسها التخاف مني ؟ عمي انتي الينخاف منج فتنه انتي اكبر فتنه انه الفقير الي لازم يلزم روحه
+
دفعته ناحيه الباب احس تبخرت من الخجل:- روح لاهلك يلا ماعدكم بيت روح امك ما تريدك مسيبتك علينه بنصاص الليالي
1
طلع وهو يهز راسه مبتسم:- اهلج يدرون بيج تتختلين وياي وو...... سكت يباوعلي بخبث دفعته اكثر للباب اندار عليه مبتسم لزم حنجي بحركه عنيفه ولثم سفايفي بقبله سطحيه :- طبي يلا استودعتج الله
طلع وسد الباب واني رجعت ادخل للبيت ايدي على شفايفي طايره من الفرح سديت باب المطبخ وصعدت لكيت زهراء بباب غرفتها
دخلت غرفتي ودخلت وراي تهز بيدها:- اييه الشعر متخربط والشفه مورمه خير ان شاءالله عود انتي العفيفه الثگيله
3
باوعت لروحي بالمرايه وغطيت شفتي:- انجبي رجلي حبيبتي بعد متمشي عليه سوالفج
1
ضحكت وحضنتني:- الله يسعدكم توته شكلكم يخبل سوة احلى من كبلات المسلسلات على طاري المسلسلات اروح اكمل المسلسل وانتي ظلي حلمي بفارسج
1
تركتني وطلعت ذبيت روحي عالفراش اتلمس شفتي واسترجع كل لحظه صارت بينا والم حلو اصاب معدتي وظليت اسيرة عاللحظات لحدما غلبني النعاس ونمت
كعدت الصبح ولكيت رساله من رقم عرفت صاحبه بمجرد قريت محتواهه
+
( سياده الرائد من يتزوجج هم يهوسوله جبنالك برنو ما ملعوب بسركيها ؟ اذا يعرف بيج جنتي بين ايديه بوقت سابق راح يريدج لو تلعب نفسه منج؟))
3
جفلت ورميت التليفون عبالك حيه وكرصتني رجفت واطرافي خدرت كمت بحذر التقط تليفوني ودك عليه بنفس اللحظه رفضته بسرعه وحضرته ومسحت الرساله حسيت روحي بدت تنسحب مني طلعت من غرفتي بسرعه اريد احد يساعدني شفت مصطفى يطلع من الحمام ينشف بشعره تمشيت ناحيته بخطوات مترنحه واشوفه بلش يصير اثنين
همست بتعب:- عفيه مصطفى الحكلي . حيلي راح وقشعر جسمي واسودت الدنيا بعيني شفته يتقدم عليه بفزع ارتفع صفير اذاني وكل جسمي باد وفقدت قدره التحكم بعضلاتي
بعد ماعرف شنو صار واني وين طايفه بسواد وتعب وكل جسمي متخدر وثكيل ماكدر احركه
1
فتحت عيني بتعب ورجعت غمضت بأسف كالعاده بالمستشفى حتى عرفوني هلكد ما ازورها صداع ينبض براسي وحيلي يرجف ممرضه بصفي تبدل المغذي تشيل الفارغ وتحط جديد
+
سألتها بوهن:- اهلي وين؟
+
ابتسمتلي وهي تكمل شغلتها:- صح النوم يحلوة سلامات يمعودة
+
عكدت حواجبي احس جفوني تريد تنسد انوب:- هبط سكري مو؟
+
هزت راسهه باسف:- مصفر حبيبتي مو هابط حتى ضغطج اقتربت مني وباوعت للباب تتاكد محد يفوت انحت تشاورني:- انتي مخروعه اهلج مأذيج مبين الموضوع نفسي لان صغيره وصحتج زينه ليش هيج مجبورة على زوجج لان مبين عصبي وما يتحاچى ظل يعارك حتى نطلعج من ردهه الطوارى وندخلج غرفه خاصه مبين يغار
1
باوعتلها فاتحه عيوني:- فارس هنا؟
+
:-ماعرف اسمه بس هو زوجج هنا اجه ورا اهلج انتي زعلانه؟
+
عرفتها تحب تحجي هواي وفضوليه واني بلكوة تطلع حجايه من حلكي:- عفيه صيحي اهلي اريدهم
+
لوت شفتها معاجبهه عبالها اكعد اقص وياهه واحجيلها قصه حياتي واشبع فضولها
+
الممرضه:- ماشي عيني هسه اصيحهم
+
فتحت الباب وطلعت ثواني واندفعو كلهم
بابا ماما مصطفى وزهراء وفارس الي يباوعلي بعيون قلقه وخايفه.
+
حضنتني زهراء تبجي:- ولج ليش هيج تسوين بينا ليش
+
مصطفى:- قابل بكيفها الحمدلله على سلامتج خويه شلقضيه توته شدي حيلج شوي
+
فارس واكف يم رجليه منتچي بيده على حافه السرير مانطق
+
ماما جرت كرسي ولمت عبايتها وكعدت :-گليلي شجاج ولج يمه علعلتي كلبي
+
دنك بابا باس راسي يمسد بشعري ليورا :- سلامه حيلج يبعد حيلي
+
ابتسمت بدون ما احجي ماعندي حيل وغمضت تعبانه اريد انام غفيت مدري شكد يمكن دقايق ورجعت فتحت احس نفسي احسن رفعت راسي شفت فارس كاعد على كرسي ومكتف ايديه ومغمض والغرفه فارغه
صحته بصوت منخفض:- فارس.. فتح بسرعه الظاهر مجان نايم واقترب مني بسرعه وقبل جبيني :- سلامتج يروح الروح
شجاج يا ماي العين ؟
+
ابتسمت :- ماعرف مبيه هيج حسيت من النوم تعبانه شوي
2
فارس:- شوي؟ الا هواي ياقوت انتي تدرين بروحج لو لا ولج اجيت انجن لكيتج بالطوارى وروحج رايحه منج ما تدرين بالدنيا شصاير. نشيل ونحط بيج وانتي ماكو ورده وذبلانه احد مضوجج زعلانه؟ ضجتي مني من البارحه بالليل تماديت وياج؟
1
هزيت راسي نافيه:- لا والله لا ،هيج هي كل فتره مو تدري بيه حجيتلك اني
+
فارس:- ما توقعت هيج كل ظني دوخه شوي مو توصلين الموت وتردين.
+
ابتسمت اطمنه وخليت ايدي على خده:- وداعتك مبيه شي يلا خل نطلع وين امي واهلي،
+
فارس:- توهم طلعو هسه اصيحهم موجودين
+
اجت امي وزهراء عاونوني لبست حجابي وطلعت وياهم للبيت چلب بابا بفارس يجي ويانه يتغده اعتذر وافترقنه بباب المستشفى
+
رجعت للبيت ودخلت غرفتي حتى انام وفارس كل شويه يدزلي رساله يتطمن
+
دخلت زهراء عليه كتفت ايديها :- سيف متواصل وياج؟؟؟؟؟
8
✨✨✨✨✨✨✨✨✨✨✨✨✨✨✨✨✨✨
1
اعتذر عن التأخير وانتم خير من يعذر
5
