رواية ضي قلبي الفصل التاسع 9 بقلم رانيا العربي

رواية ضي قلبي الفصل التاسع 9 بقلم رانيا العربي

                                              

يقف الجميع مذهولون من ما يسمعوا ان ضي غارقة في دماءها ولا تتنفس يهرع الجميع إلي الفيلا القاطنه بها ويكون أولهم سليم الذي يركض بدون وعي وقلبه يكاد يفارق الحياة من خوفه على ضي قلبه ليدخل سريعا الي الغرفة يجدها مليئة بالدماء لا يظهر وجهها منه وأثار الاعتداء على جميع جسدها يهوي قلبه من الصدمة 

سليم بصراخ :ضي فوقي يارب متسونيش فيكي فوقي مين عمل كده 

فارس :اتحرك خليني اشيلها 

سليم مانعا يده : شغل العربية انا هشيلها ، دور على ابن الكلب ده يا حضرة الضابط لو جرالها حاجه مش هرحمه

كل هذا تحت صدمة وانظار الجميع ولأول مرة جلال قلبه يكاد يفتك به خوفا على ابنته 

يتحرك الجميع سريعا وراء ذلك العاشق الذي يحمل معشوقته بين ذراعيه شبه فاقدة للحياة تحت أنظار الجميع وبالأخص صافي بالرغم أنها لم تشاهده ولكن لهفته عليها اوجعت قلبها 

❇❇❇❇❇❇❇❇❇❇❇❇❇❇❇❇❇❇❇❇❇

في الإسكندرية في شقة ريهام..

ريهام : ده مرجعش عرفت حاجة يا سيف 

سيف : انا بتصل بيه من وقت ما بعت الصور و موبايله مقفول حتي ضي كمان مش بتستلم الرسايل 

ريهام :تفتكر عرف ان الصور متفبركة 

سيف :مش عارف المهم انا هسافر النهاردة لازم اطمن ع الوضع 

ريهام : قصدك تطمن على الست ضي مش كده

سيف :خايف يكون الحمار ده عمل فيها حاجة مش هسامح نفسي ابدا لو أذاها فاهمة 

ريهام :انت بتحبها يا سيف ولا واحدة نفسك فيها 

سيف : مش عارف مش عارف ، انا ماشي لازم اتحرك بدري اوصل اول الليل 

ريهام : ماشي أبقي طمني 

❇❇❇❇❇❇❇❇❇❇❇❇❇❇❇❇❇❇❇❇❇❇

..عند مازن ...

يكون في مكان بعيد أمام الشاطئ وفي يده زجاجة من الخمر 

مازن بصراخ : ليه يا ضي انا حبيتك اوي انا عملت كل حاجة عشان تبقي مبسوطة انا هقتلك انتي مش هتكوني لحد غيري هتكوني للموت قبل ما حد غيري يلمسك انا ضحيت بحب ريهام عشانك أيوة كنت عارف انها بتحبني بس انتي غير 

❇❇❇❇❇❇❇❇❇❇❇❇❇❇❇❇❇❇❇❇❇❇..في المستشفى ..

تقف عائلة الهواري في جميع أرجاء المستشفى ينتظرون خبر عن تلك التي دخلت امامهم جثة هامدة ليخرج بعد وقت سليم بوجه مبهم الملامح تعس

زين :خير يا سليم قول يا ولدي 

سليم :نزفت كتير يا جدي وفي كسور في الضلع وكمان ارتجاج في المخ و ..

جلال بلهفة :كمل بنتي فيها ايه تاني 

سليم :دخلت غيبوبة يا عمي 

جلال يقع أرضا وسط صدمة الجميع لتدخل صافي لتجد دموع وصراخ شمس وضحي على صديقة دربهم تتحرك لتقف أمام سليم 

صافي وهي تهزه وهو في عالم آخر فمعشوقته بين الحياة والموت :سليم فهمني في ايه مالهم ضي جرالها ايه 

سليم يجلس أرضا :بتموت 

شمس بصراخ وهي تتقدم نحو أخيها :متقولش كده ضي قوية اختي قوية مش هتموت انا عارفة 

يتحرك هاشم سريعا ويحاوطها بين ذراعيه لتصبح بحضنه : أهدي يا شمسي هترجع اختي قوية اتحملت ياما هتقوم يا قلبي 

شمس ببكاء : مش هقدر اتحمل دي روحي يا هاشم روحي قلبي بيوجعني قوي 

يقف فارس وهو يتابع دموع ضحي يريد أن يحتويها ليتفاجئ ب عمار يمسح دموعه امامه :اتحرك يا فارس باشا عايزين اللي عمل كده في حفيده زين الهواري 

فارس بغضب عارم: متخافش انا مش هخليه يشوف الشمس تاني ، عايز حاجة مني يا جدي غير الكلب ده 

صافي مقاطعا لهم : أنتو عارفين مين عمل كده فيها 

ضحي بأندفاع :اكيد جوزها مهي كانت غضبانة اسبوع في القصر 

سليم يقف امامها سريعا : انتي تعرفي ايه يا ضحي اتكلمي 

شمس بدموع : هي اتخانقت معاه من يوم الحفلة وهو اعتذار بس واضح انه يوم الفرح اخدها البيت يكمل عليها بعد ما ضربها بالقلم في الفندق 

يلتفت كلا من عمار و فارس و سليم و هاشم بنظرات غاضبة فهي حفيده زين الهواري خط أحمر كيف لهذا المازن ان يمد يده عليها وليس فقط تلك المرة ولكنها الثانية 

هاشم : كنتي عارفة أنه مد يده على خيتي يا شمس ومقولتيش 

زين مقاطعا له بنبرة تهكم :خيتك من أمتي يا ابن جلال مش دي اللي ما صدقتوا أنها غارت من البيت 

هاشم :جدي انا ..

زين يرفع يده ليتوقف الجميع عن الكلام : حضرة الضابط 

فارس :أمر يا جدي 

زين : عايز الكلب ده متكتف مش حفيده زين الهواري اللي يحصل فيها كده 

فارس : حاضر يا جدي ، عمار يلا بينا 

هاشم : انا جاي معاكم ،شمس أبقي طمنيني 

يتحرك الشباب لخارج المستشفى ليسبق كل من هاشم و عمار نحو سيارتهم لتهتف ضحي بإسم فارس يلتفت لها يأخذها الي أحد الأروقة الجانبية الخالية من المارة وما ان تقابلت عيونهم حتي ارتمت في احضانه ليبث لها الأمان والأمل 

فارس وهو يربت على كتفها : أهدي يا عمري هتكون بخير 

ضحي ببكاء بين شهقاتها : دي اختي يا فارس مش هقدر اتحمل لو حصلها حاجة انا وشمس هنضيع 

فارس وهو يكور وجهها بيديه ويقبل جبينها :انا عارف ضي قوية وهتقولي فارس قال ويلا امشي بقي عشان لو جدي شافنا كده هيطخني عيارين وهبقي انا وهي في عناية واحدة 

ضحي :بعد الشر عن قلبك يارب يقومها بالسلامة 

فارس :امشي يا بت من قدامي بدل ما ارزعك بوسه تجيب اجلك وبعدها يقتلوني انا موافق ،ابقي اتصلي لو حصل جديد 

ضحي :انت كمان طمني عليك ماشي ومتتهورش هاتوه وجدك يتصرف معاه 

فارس :حاضر يا ست ضحي عايزة حاجة تانية 

ضحي :عايزة سلامتك يا غالي 

❇❇❇❇❇❇❇❇❇❇❇❇❇❇❇❇❇❇❇❇❇❇

..في قصر الهواري ..

تجلس ورد في انتظار اي أخبار لتهتف ل شادية

شادية :خير يا امي 

ورد :مفيش خبر من المستشفى 

شادية : ابدا وبتصل عليهم كلهم محدش بيرد عليا الغايب حجته معاه ياما

ورد :خير ان شاء الله 

نواره :خير يا امي في ايه 

ورد بفرحة لاستقبال ابنتها الغائبة : بنت قلبي يا نواره البيت 

+

          

                

زهرة : نورتي البيت يا نوارة 

نوارة بعد ان تسلم ع الجميع وتجلس بجوار والدتها وتري نظرات القلق والتوتر بادية على وجههم تجد صافي تدخل من باب القصر لتقف شادية تنادي عليها بصوت عالي 

ورد بقلق :طمنيني يا بنتي ضي عاملة ايه 

صافي ببرود : دخلت غيبوبة 

شادية :يا مري يا ضي غيبوبة هي للدرجة دي يعني 

نواره :انتوا بتقولوا ايه ضي مالها وغيبوبة ايه 

زهرة بنظرة تشفي : ابدا يا نوارة البيه جوزها اللي من طرف امها ابن خالها قال ضربها وعدمها العافية لقوها مرمية في بيتها قاطعة النفس وباين اكده من يومين لأنها اختفت من يوم فرح البت صفية 

نوارة بدموع : يومين يا حبيبتي يا بنتي انا لازم اشوفها 

صافي : هي في العناية المركزة وكمان عمي جلال تعب شوية 

زهرة وهي تضرب ع صدرها : يا مري يا جلال كله من بنت نور هتجيب أجله 

شادية :اتهدي شوية بقي البت بين الحياة والموت اعقلي عشان ورد مترمكيش بره البيت 

ورد بصوت صارم : اسمعي كلام اختك زين يابت منصور ولو سمعت حس حد بيتكلم علي ضي هعتبره ماجاش الدنيا وانتوا عارفني ولا فاكرين الكرسي ده هيمنعني لا انا لسه ورد الزيني مرات زين الهواري كبير هواره ، قومي يا نواره لازم اشوف ضي دلوقت 

❇❇❇❇❇❇❇❇❇❇❇❇❇❇❇❇❇❇❇❇❇

يدخل فارس إلي السيارة متأخر عليهم بعد ان ذهب الي القسم وقدم اجازة من عمله 

هاشم : كنت فين يا بنى ده كله 

فارس : خلاص بقي هنتحرك ازاي لازم حد يروح بيته اللي في القاهرة والإسكندرية والشركة

عمار  : أيوة وكمان أصحابه وبالأخص سيف الكلب ده 

هاشم : انت تعرف حاجه احنا مش عارفينها 

عمار : لا بس انا مرتحتش للكلب ده لله في لله كده

فارس : دلوقتي احنا هنروح ع شركته اللي في القاهرة وبعت ناس اسكندرية يشوفه في الفيلا وعند سيف 

عمار :طب و مروان 

هاشم : قصدك خال ضي مش كده ما هما مش هنا وبعدين ينسوا ضي دي خالص 

عمار : قصدك ايه 

هاشم : قصدي اللي فهمته ومنه لله اللي كان السبب 

فارس : قصدك ايه يا هاشم

هاشم : قصدي البيه اللي العشق مموته دلوقت و زمان قال لا طبعا دي مش مناسبة ليا و دلوقت منع أي حد حتي يلمسها غيره كأنها ملكه وهو السبب فى أنها تكون لغيره وعيلة امها دول كمان ينسوا ضي خالص 

عمار : وهي وافقت ليه مش عشان الكل بيكرها يا سي هاشم ولا فجأة بقت اختك

هاشم : انا عارف اني غلطان بس لو كان سليم وافق كان لا يمكن يحصل فيها اللي حصل

فارس : ممكن تنسوا الكلام ده دلوقتي ونشوف هنجيبه منين 

❇❇❇❇❇❇❇❇❇❇❇❇❇❇❇❇❇❇❇❇❇❇

..في المستشفى..

تتقدم شمس ترتب على كتف جدها الجالس على أحد الكراسي أمام العناية 

شمس : جدي روح انت كلنا هنا و سليم كمان وهي مش حاسة بالدنيا اصلا خد جدتي اللي من وقت ما جت وهي ماوقفتش بكا هي وعمتي نواره 

زين : عمك جلال عامل اية دلوقت

شمس : سليم بيقول بقي احسن ضغطه كان عالي قوي من الخضة 

زين : دلوقت وقع لما شاف بنته بتموت كان عايزها تموت عشان يحس بيها 

جلال وهو مستند على الحائط : غصب عني يا ابويا بشوف فيها نور و هروبها مني بس بنتي حبيبتى دي ضي عيني والله عارف اني كنت قاسي قوي عليها بس والله بحبها ده يوم ما اتولدت كنت حاسس اني ملكت الدنيا و زاد حب امها في قلبي دي من الست الوحيدة اللي حبيتها واخترتها كيف اكرهها بس يا عالم 

ضحي وهي تقترب منه بدموع ويضمها إليه : هتقوم والله يا ابويا انا عارفة ضي هتبقي بخير بس كفاية قسوة والنبي عليها 

جلال وهو يربت على كتفها : بتحبيها قوي كده يا ضحي وهي اختك من ضرة أمك 

ضحي : دي تؤام روحي أحلي حاجة عملتها يا بابا دي اختي وأمي وحنانها وحبها يكفي الكون 

جلال وهو ينظر إلى السماء : يارب يارب ما توجع قلبي اكده فيها 

❇❇❇❇❇❇❇❇❇❇❇❇❇❇❇❇❇❇❇❇❇❇

داخل العناية يدخل سليم ويجد الممرضة وهي تتابع الحالة 

سليم بصوت باكي : حنان اطلعي دلوقت انا معاها 

حنان :حاضر يا دكتور سليم

سليم يجدها وجهها شاحب ومتصلة بالأجهزة ومعظم جسمها مخفي تحت الجبيرة وارجلها و يديها أيضا ووجهها الجميل مكدوم ويظهر عليه علامات يد ذلك السافل ويتلمسها بخفة وتنزل دموعه ويقترب ويقبل جبينها ومنه الي وجنتيها ويقبل أنفها الصغير ويجلس على المقعد ويمسك يديها و يقبلها من بطن يديها : انا آسف يا ضي قلبى آسف انا السبب في ده كله انتي عارفة ياريتني وقفت في وش امي وقولت ضي دي ملكي ومش هسيبها ابدا بس انا جبان اوي جبان وخاين واستاهل وجع قلبي ده عليكي وعلي بعدك عني انا كنت بموت كل يوم من يوم ما اتجوزتي وانا بفكر اني في حد غيري لمسك وبقيتي ملكه لحد يوم الحفلة لما كنتي في حضني يومها حسيت من عنيكي ان حضنك فاضي وأنا بس اللي سكنه ضي فوقي كفاية وجع يا عمري كفاية بقي عارفه ده ( ويضع يده على قلبه ) مفيش فيه غير ضي ( ويقبل يديها ويدق الباب ويترك يديها ويمسح دموعه وهو بصوت مختنق ) ادخل 

شمس : حبيبى قوم أرتاح وغير هدومك بقالك يومين علي الحال ده كلهم روحوا انا و ضحي هنا امشي انت عشان مراتك كمان 

سليم :مش هقدر اسيبها 

شمس : ما انت سيبتها فعلا 

سليم وهو يبكي و يرتمي في حضن اخته : غبي وجبان مش قادر يا شمس مش قادر 

شمس وهي تربت ع كتفه : كله خد نصيبه يا أخويا روح شوف مراتك عشان حست بوضعك مش عايزين مشاكل في البيت كفاية اللي احنا فيه 

سليم وهو يمسح دموعه : انا هغير هدومي واخد شاور وارجع 

شمس : براحتك يا حبيبي أصلا فارس جاي بعد شوية مع عمتك نوارة 

❇❇❇❇❇❇❇❇❇❇❇❇❇❇❇❇❇❇❇❇❇

..في منزل ناصر الشرقاوي..

الخادمة سامية :هو ده اللي حصل  ولما عرفت أخرج من القصر جيت طوالي 

ناصر :يعني جوزها اللي عمل فيها أكده

سامية :انا دخلت البيت أدور عليها و لقيت أوضة مقفولة الغفير اللي معايا قال نشوفها فيها وقلتله لا بس هو كأن قلبه حاسس وقعد يقولي هي مخرجتش معاه وكسر الباب لقيناها قاطعة النفس ودمها سايل ع الأرض 

ناصر : حالتها ايه دلوقت 

سامية :بيقولوا في غيبوبة 

ناصر : غيبوبة يا ضي والكلب جوزها فين

سامية : البهوات راحوا يدوروا عليه بس بيقولوا فص ملح وداب 

ناصر :يعني ولاد الهواري مش عارفين يجيبوه طيب خدي دول (ويعطيها مبلغ من المال ) 

سامية :من يد ما نعدمها يا بيه وأي أخبار هاجي طوالي 

ناصر :بس خدي بالك لحد يعرف 

❇❇❇❇❇❇❇❇❇❇❇❇❇❇❇❇❇❇❇❇❇

..في فيلا في إيطاليا ..

كانت نور تدور في المنزل ذهابا ايابا بقلق ودموع مختنقة 

مروان :ممكن تهدي شوية هنعرف كل حاجة 

نور :بنتي بقالها كام يوم معرفش عنها حاجة و مازن كمان مش بيرد وسكرتيرته بتقول ان أحفاد الهواري بيدورا عليه والحاج زين مش بيرد عليا 

عايزني أهدي ازاي ، انا مخنوقة وقلبي واجعني بقالي كذا يوم ، ابوس ايدك عايزة انزل مصر 

مروان :حاضر هننزل انا اصلا خليت حد من صحابي يشوف الموضوع وهيرد عليا ع بليل وكمان اخوكي نادر بيدور على ابنه أهدي شوية 

نور : مش قادرة مخنوقة وقلبي بيقولي بنتي فيها حاجة حاسة اني بموت يا مروان 

مروان يضمها الي صدره : بعد الشر عنها وعنك يا حبيبتي أن شاء الله خير 

❇❇❇❇❇❇❇❇❇❇❇❇❇❇❇❇❇❇❇❇❇

في قصر الهواري ...

زين وهو يضرب بعصاه الأرض بغضب : يعني ايه مش لاقينه 

فارس :أهدي يا جدي هو اكيد مستخبي وخصوصا انه عرف أننا بندور عليه 

يدخل عبدالله أحد الغفرة الي القصر : الحق يا حاج واحد بره بيقول أنه صاحب الأستاذ مازن جوز الست ضي 

عمار :أهو جه برجله لحد هنا دخله يا عبدالله 

عبدالله :حاضر يا باشمهندس 

زين : انت تعرفه 

عمار باستهزاء : هو انا اعرف غيره 

يدخل سيف مبتسما :سلام عليكم يا حاج زين 

هاشم مندفعا ويمسكه من تلابيب ملابسه :صاحبك فين ياض 

❇❇❇❇❇❇❇❇❇❇❇❇❇❇❇❇❇❇❇❇❇❇

في غرفة سليم ..

صافي تروي لأمها كل ما حدث خلال هذه المدة 

صافي :يعني اعمل ايه دلوقتي

امها ميرفت : ايه عايزة تخسري جوزك ولا ايه 

صافي : لا طبعا يا ماما لا يمكن اسيبه 

ميرفت : يبقي تعملي اللي قولتلك عليه 

صافي :حاضر يا ماما أما اشوف آخرتها 

في هذا الوقت تشعر بدخول سليم الغرفة 

صافي مطصنعه البكاء والانهيار وتجري عليه تحتضنه : سليم الحقني بابا بيموت لازم نسافر يا حبيبي عايزة اشوفة قبل ما يجراله حاجة 

....ستوب...

عيلة الهواري هتعمل ايه مع سيف ؟ سليم هيسافر ؟ هيلاقوا مازن ؟ ناصر بيدور ليه ورا ضي ايه هدفه ؟ كل ده هنعرفه الحلقة الجاية متنسوش التصويت وتعليقاتكم الحلوة 😘💟💋💘

+

العاشر من هنا 

تعديل المقال