رواية امرأة في الاربعين الفصل التاسع 9 بقلم نورا الرماحي

رواية امرأة في الاربعين الفصل التاسع 9 بقلم نورا الرماحي

بارت٩

كعدنا على القنفة وكعد بصفي اتقرب بكعدته ولف و حط ايده على جتفي واني ارجف من قربه ...

شاورني بهمس هادئ وكال... هيو... ليش انتي هلكد حلوة.. وهو يفتح ويوخر شعري بيده الثانية ورة اذني.

اقترب وطبك نفسه بية ونزل بوس باذني ورگبتي وانفاسه تنفث ولفني بيديه ويقربني اله وهو يبوس...

وظل يبوس ويتغزل لساعة... مرة اتجاوب وياه ومرة اوخره هههههه.

شاورته بهمس.... اوه مثنى عفية وخر شبيك... وهو مستمر ولاعبالك... كمت احاول افلت منه

وادفع بيه حتى اكوم هو زاد بقبضته الي ولزمني انوب من راسي وطبك شفايفه على شفايفي...

وكام يبوسنى بعمق...

شبكني بقوة بعد اقوي من شبكته الاولى كمت ارجف باسنى اكثر من البوسات الاولى وبقي يتفنن بيها ذوبني وبقي يتلمس بجسمي..

حط ايده على صدري وفتح دكمتين من الدشداشة ومد ايده....

وجان نسمع صوت عوجية بيبي تندك بالكاع وهي تمشي الظاهر كعدت

اني كمت وكفت وعدلت نفسي وهو هم عدل نفسه وشال كوشة وحطها بحظنه يخفي بيها ماهو اعظم

مااوصفلكم شكله شلون انكلب وضاج...

وجان تدفع الباب وتفتحه وتدخل بيبي...

كتلها.. هلا بيبي تعاي اكعدي... واني الزم من ايدها واكعدها

كتلها... شعجب مانمتي يابيبي.؟

كالت... لا بس تمددت اريح رجلية وظهري.

وباوعت لمثنى الي كاعد وحاط الكوشة بحظنه ومتجي عليه وحاط ايديه على خده...

كاللتله بيبي....هاي شبيك يمة مغندب وكاعد..

طبعا اني متت ضحك عليه طكيتها ضحكة هو راسا باوعلي بخزرة وشال حاجب...

رجعت بيبي تسأل بتعجب وكالت ..شكو اشبيكم..

التفتت ومثنى بعده مخازرني لبيبي وكتلها... يريدنروح للسوك العصر واكوله تعبانة زعل وغندب علية شوفت عينج .

بيبي... لج كافي ليش اضحكين عليه فوك مايريد يؤنسج ويطلعج...

هو راسا اندفع من مكانه وكال لبيبي... ينصر دينج ياشيخة الله على الكلام اي بيبي اي فوك ماريد اؤنسها تتفيك علية وتتنعوص بس اني الها غصبا ماعليها تجي للدرب واخذها اخذها .

اني وواكفة كدامهم شلت شعري الي فتحه هو وكاعداشيل بيه واسويه كباية كتله.. اي لايطكلك عرج جاية وياك جاية اووي اشكد تلح..

هو وينافت .. اي غصبا ماعليج يلة روحي سويلي چاي ومهيل هم راسي كام يجوعني من وراج امشي للمطبخ يلة..

بيبي وتهدئ بيه... اي ابني على كيفك موهيج التفاهم يصير بينكم سايسها شوية شوية لاتحجي بالغصب بعدكم ع البر لاتعوفك وتفسخ الخطوبة..

مثنى... شنو تفسخ بيبي ليش بكيفها هودخول الحمام زي خروكوه على كولةالمصريين ... يحجي ويغمزلي..

باوعتله وضجت من كلامه مال الغصب رغم هو يتشاقى

وبرطمت حتى ابينله صدك زعلت... وعفتهم ومشيت للمطبخ..

دقايق واجي وراية جنت واكفة واحط بالاستكانات بالصينية حتى اصب چاي... باوعتله وكف كدامي واتخوصرلي...

رفعتله جتف عود بمعنى مامهتمة...ورحت اطلع الكيك الي جابه من الثلاجة

فتحت الثلاجة دنكت اطلعه..

جان يصوفرلي من ورة.. وكال بهدوء.. اووويلي يابة هذا كله الي هنيالي يااابة فديت خلفة اخوك..

التفتت اله... كتله اشكد ماتستحي فدمرة عينك طالعة بلة لو سمعك بابا شنو موقفك يصير بلة... احجي واحط الكيكة ع الميز...

اتقرب مني ووكف وراية ودنك راسه يم رگبتي واني اكطع الكيكة و

وكال...مايصير شي مرتى واتغزل بيها بيها شي ياقطة...

حطيت الكيكة بالمواعين والتفتت اله وكتله هاك وديهن للهول حتى اجيب الچاي وراك وناكل وية الچاي...

مثنى... ماريد اكل اني اريد اكل الكيكاية الي واكفة كدامي الي اطك جمال وانؤثة...

دفعته وكتله دروووح والله خبصتنى ماشايف نسوان؟

مثنى... ولج موشغلة نسوان ولارغبة ولاشهوة ولج حب.. حب.. تفهمين شنو حب لوافهمج بطريقتي وباجر نخلف نونو زغير .

دفعته من كدامي واني خجلانة من كلامه وكتله واني امشي للهول وصينية الجاي بيدي.. تعال

تعال عيني ماراح تخلص وياك اليوم...

مشيت وهو يكولي... اكلج اكلج ياكيكاية.. دخلت للهول وحطيت الصينيةبالكاع وكعدت اصبلهم چاي..

وهو اجي وحط ماعون كيك كدام بيبي وجاب ماعون يمنا وكعد ع القنفة الي وراية واني كاعدة جوة رجليه..

كتله... ساعة ٥ افتح التلفزيون هسة انفتح خلي نشوف شكو... (جان التلفزيون يبدي من الاربعة العصرل١٢بليل ينتهي... وايام العطل الصيفية من ١٠ الصبح ل١الظهر ويرجع العصر يفتح ب٤).

فتح التلفزيون على القناة الاولى... كعدنا نتفرج واحنا ناكل ونشرب الچاي.. طلعت اغنية ل امل خضير...

لوكتلك حبيبي عيني فدوة

ويةاهل الحسد ابتلي بلوه

والله الدنيا من غيرك ماتسوه

فدوة فدوة فدوة ياعزيز العين فدوة...

هو كام يغني وياها ويباوعلي ويصارخ.. فدوه فدوه هههههه

كتله.. بابا نايم هههههه....

لا مانايم... التفتنا لكينا بابا واكف بالباب ويضحك علينا...

خجلت من بابا ومثنى يضحك وبابا وبيبي هم...

كال بابا احميلي الجاي علما اصلي العصر.. كتله من عيوني..

رحت للمطبخ خليت القوري اجانى مثنى كال روحي اتحظري نطلع واني اصب جاي لعمي

كتله... عيب اني اصبله

كال... لا روحي اعرف شكد تتاخرن باللبس من تريدن تطلعن برة..

كتله... لاحبيبي اني غير وتعرفني من كبل بساع ابدل ومالبخ وجي..

كال... لج اني مااقبل تلبخين وجج مابية اظل اتعارك برة هو انتى بدون لبخ سابيتنى سباية اوووف وكام يعظلي اصبع.. واجمالة كلمة حبيبي طالعة عسل من حلكج.

كتله خل اطفر لاتتخبل ويلة صب جاي لبابا اروح ابدل... طفيت الطباخ وركض رحت اصعد لفوك...

دخلت وقفلت الباب خفت لايصعدالمخبل ماكو امان ماطول هويمنا..

لبست نفس البرنسيسة الي جابتها ابتهال لان حاليا ماعندي الوان غيرها ولبست حجابي وحطيت كحلة وحمرة شفافة خفيفة ونزلت...

لكيت بيبي وبابا بس كاعدين وهو رايح للغرفة مال بيبي يبدل...

كعدت الم المواعين والاستكانات وديتهن للمطبخ ووكفت اغسلهن...

اجاني... كال كملتى...

كتله... اي يلة... عاد اترخصنا من بابا وطلعنا للكراج... فتحلي الباب وصعدت وسدالباب وراح يفتح باب الكراج...

واجي صعد وطلع بالسيارة من كراج راح يسدها...

باوعت لشارعنا وجان تطلع جارتنا ام علي وسلمت عليها وشلت بيدي الوح الها..

وهي هم شالت ايدها وظلت تباوعلنا واجي صعدمثنى وطلعنا... واحنا نمشي بالسيارة

كتله... شفت جارتنا شلون تباوعلنا وعمي يكول سري زواجكم بينا محد لازم يعرف ...

شلووون والناس راح تحط عينها علينا... وكمت اتأفف وكملت كلامي وكتله... وباجر عكبة من تجينا ونطلع مايكولون الناس شكو شبيهم هذولة واذا حملت وكبرت بطني شلووون هااا فهمني ... استعجلتوني البارحة وعقدتوا بسرعةبدون تفكير...

مثنى وهو يسحب ايدي ولزمها واخذها وباسها وكال... لج كتلج لاتفكرين بس بينا اني ووياج ومعليج اني اعلنها اعلنها بس نتزوج الخميس الجاي....

كمت اتأفف... وكتله... اوووف اجمالة الخميس الجاي يعني فدمرة مستعجل انطينى مجال اجهز نفسي واشوف شحتاج...

مثنى... اي اي حبيبتى على كيفج على كيفج يمتى تريدين لعد كولي ياعيوني انتي اصبر شسوي حكم القوي المربرب .

كتله خليه للخميس الي وراه... حتى الحك.

كال... صار صار وهو بعده لازم ايدي ويبوس بيه

ابتسمتله..

من فرحته فتح المسجل مال السيارة وكام يغني وية هيثم واغانيه..

لحد ماوصلنا للكرادة ونزلنا نفتر بالاسواق...

هو اخذله قاط حلو ومرتب للزواج... واني اخذلي كوستمات حلوة وفساتين وجنط وتكرمون احذية ومكياج وعطور

والباقي كال تطلعين ويةامي وتشترين اضعاف ذني هدية من ابوية وهذني مني لمرتي الحلوة

دنكت وابتسمتله بخجل... ظلينا بالسوك ٣ساعات..

تعبت ورجلية صارن خيوط كتله كافي تعبت خلي نرجع...

كال... اوكفي انتظريني اهنا بس اجيب السيارة اهنا ونروح

كتله... ماشي..

راح وكفت انتظره وكومة علاليك وياي...

اذكرت يوم عافوني ماجدةوزوجها اهنا بهل شارع ...

بعدين انتبهت....جانوا شباب اثنين يمشون وكفوا وباوعولي وظلوا يعيانون علية...

ارتبكت مااحب احد يباوعلي خاصة اذا شباب..

هم زين

شفت مثنى اجي حمدلله... نزل باوع للشباب وكام ياخذ العلاليك مني ويحطهن بالسيارة

كلي روحي صعدى انتي امشي...

رحت صعدت وهو سدباب الجنطة واجاني وصعد يمي...

الولد من شافوه راحوا كاموا يمشون هوكام يسوق ويحجي..

مثنى بنفاذ صبر واعصاب..... هذولة الولد خوما حجوا شي..

اني بارتباك واضح.. لاا

مثنى بنترة... لعدشبيج مرتبكة احجي

اني بهدوء... مابية شبيك تنتر بية... بس اني ارتبك من اوكف بوحدى بمكان بيه شباب وهم اذكرت يوم عافونى ماجدةوزوجها اهنا.

اتنهد وسحب ايدي وباسها وكال اسف حبيبتي ماجان قصدي اتعصب عليج بس اغار عليج ومن شفت من بعيدذولةواكفين ويعاينون عليج فار دمي... اعذريني احبج ورجع باس ايدي..

سكتت اني...

كال.... شنو تشتهين ناخذ اكل للبيت

اني ساكتةومدى احجي... نغزني بعكسه وكال...

احجي حبي لااظلين تتزعلين ترى هسة اذب نفسي من الجسر المعلق بدجلةوخطيتى بركبتج...

كمت اضحك... كال... اي ضحكي حبي يلة كوليلي شناخذ عشا للبيت..

اني... لا مايحتاج اني اسوي عشا حبيبي.

مثنى... لا لاااا انى ماريدج اتعبين افتهمتي...

انى... بكيفك...

مثنى... لعد اخذ دجاج شوي ويةمقبلاتها

اني... اي براحتك...

وكفنا يم مطعم.. نزل هو وراح جاب دجاجتين ومقبلاتهن وياهن...

كتله... شدعوة منوعدنا اشو٤نفرات احنا.

كال... ميخالف اليوم نسهر اني وانتي يحتاجلنا طاقة مو راح نصرف موبلة

اني... هههههه ده بعدك على كولة المصريين .

مثنى.... شحدج اليوم اليوم وهو يصفك...

اني... كافي عيب احتشم ههههه بيبي تجيك بالعوجية .

مثنى.... اسكتي لااذكريني شلون كطعت علية ليلة عرسي الظهر لو كاصة هذا وهو يأشر على بين رجليه ولا خلوتنا من جنا منسجمين اوووف يتأفف ويظرب بايديه على الاستيرن.

اني درت وجهي عنه اضحك وضامةوجهي بين ايدية شحجي هسةوية هذا.

وصلنا للبيت... كلي كعدي خلي ادخل السيارة جوة...ونزل فتح الباب ورجع صعد ودخلنا للكراج... نزل راح سدالباب...

نزلت واني انزل بالغراض... اجي ساعدني... بيبي جانت بالمطبخ تنتظرنا...

سلمنا عليها... وحطيت غراض بالمطبخ راد يصعدهن الي كتله لا خلي اشوفهن لبيبي بعدين

كال... لعد اني اروح اسبح...

كتله روح...

كال... جيبلي خاولي بعدين..

كتله... زين اجيبلك اخذه هسةوياك..

رحت جبتله وانطيته وراح للحمام...

صعدت فوك بالحمام سبحت بس جسمي وطلعت بدلت بداشدشة حلوة من الي اخذتهن هسةويةمثنى لون وردي طوخ بزخمتين من كدام سحاب بيه وردن طويلة تيترون صينيي الصناعة...

وفتحت شعري مشطته وشلته ذيل حصاني ونزلت..

لكيته كاعدوية بابا وبيبي بالهول.

كتلهم اجيب العشا يمكم اهنا لوبالمطبخ بابا كال لا جيبي اهنا ابرد مبردة تشتغل...

كتله.. صار تدلل... رحت للمطبخ..

اجاني هو كال انطيني الميز اطبكه واخذه اهناك

كتله اي عفية.. هذا هاك اخذه وناوشته الميز بدفع... شاله وطبكه واخذه للهول... وكلي وهو يمشي... عود صيحيني اجي اخذ صينية الاكل ماشي..

كتله... اي صار

حطيت الاكل بالصينية وطلعت فواكه هم وخبز وية الدجاج حاطين وطركت لبن وحطيته هم وصحته لمثنى... اجاني وشال الصينية..

حطها فوك الميز وكعدنا كلنا نتعشي وهو يشيل ويحط كدامي دجاجة الي واله ودجاجة لبابا وبيبي الي ماكملوها وظلت ضميته بثلاجة..

كملنا رحت للمطبخ اسوي چاي... وهوجاب الصينية كمت اغسل بمواعين..

وهو وياي خدر الچاي اخذه للهول... فديته حيل يساعدني ومدى يخليني اتعب. كمت احسد نفسي عليه...

كعدنا نشرب چاي ونسولف وجبت الهدوم وشوفتهن لبيبي... وبابا فرحان دا اشوف الفرحة بعيونه علمودي فدوة اروحله حبيبي.

من صارت الساعة ب ١١ بيبي كامت لغرفتها وصاحتنى..

رحتلها... لزمتنى بيبي من ايدي وكالت...

بنتي لا تخلينا ابن عمج يروح زايدوياج الزمي نفسج لحد يوم عرسكم زين امي..

كتلها... ادري بيبي لاتخافين علية مااخليه يتقربلي لحد يوم عرسنا

بيبي... اي عفيةبنتي صيري سباعية ولاتصيرين رخيصةاله حتى لوانتى ارملة خلي بعرسكم يلة يدخل عليج فهمتى.

اني... اي بيبي فهمت عبالج اخليه ينام وياي من هسة لا والف لا الا اكمل جهازي يلة بيوم عرسنا اكون اله...

بيبي... عفية عفية يلة روحي يمه وخليها خد وعين موكلش تنجرين وياه...

ضحكت اني كتلها ها بيبي لازم شفتينا اليوم .

بيبي وهي تضربني بالعوجية على ظهري... لج روحي ياخايبة بدون مااشوفكم انتو مفضوحين .

بستها من راسها وطلعت من غرفتها وسديت الباب ورحت للهول لكيت بابا غافي وهو كاعد بمكانه...

ومثنى متجى ويتفرج على قناة الشباب.. من شافني دخلت كعد عدل كعدته وباوعلي...

رحت لبابا كعدته.. كتله روح لفراشك بابا... خطية فتح عيونه وكام كال ها ماراح تنامون؟

مثنى كال... لا عمي راح يطلع فلم السهرة نتفرج عليه اني وهيو .

بابا ابتسملنا وكال براحتكم عمي... يلة تصبحون على خير.

اني ومثنى... وانت من اهله...

طلع بابا رحت كعدت مقابيله ع القنفة وحطيت كوشة على رجلية وخليت ايدي على خدي وكعدت اتفرج ع تيفي...

مثنى كام يحمحم... احم احم... اشو هناك كعدتي بعد روحي ابعد هاي مترين بينا قليلة .

طكيتها ضحكة... وكتله... هههههه لعد تريدني اكعد بحظنك.

مثنى وهو فتحلي عيونه بفرح... اي ياريت والله .

اني... هههههه اعقل اثكل ترى بعدهم ماناموا....

مثنى... واذا انتي مرتي لج مرتى مامسوين شي غلط... ويلة كومي روحي حطيلي مكياج خلي اشوفه عليج...

اني باستغراب... مكياج شنو بهل ليل!!

مثنى... لج رجلج ويريد مكياج وتتزوكين بس اله بيها شي... يلةروحي حبابة حطي ولبسي شي حلو دلع وتعاي .

اني... شلبس يامجنون دلع شنووو انوووب

مثنى... ثوب ربع ردن ياخته دلع موكاعدةبهل دشداشةالخنكة عبالك كاعدوية اختي .

سكتت وكمت اباوعله واضحك... اتعصب هو واتقرب يمي وحجي وياي وهو صاك على سنونه... كومي يلة روحي بدلي ومكيجي وتعاي يلة.

خفت لايتهور... كتله ماشي... رحت صعدت بدلت لبست دشداشة فانيلة بربع ردن دلعته وسط وحطيت مكياج بودرة وجه تاج ريحته تجنن وخدود وكحلت عيني وحطيت حمرة وردية طوخ.. وشعري فتحته وخليته مفتوح ونزلت...

رحت للهول.. جان صافن على الفلم الاجنبي من سمع خطواتى التفتلي..

وكام على حيله وتقرب مني لزمني من ايدي وكام يفرني وهو يضحك كال... هسةتمام فدوة لله ملكة مرتي الحلوة .

وكعدني يمه وكام يلعب بشعري ويشتم بيه... غمضت عيوني منه...

وماحسيت الا على انفاسه قريبةمن وجي..

وطبع شفايفه على شفايفي وكام يبوسنى اتجاوبت وياه......

وخر وكام يشبكني ويحضني واحنا كاعدين ويتنفس انفاسي...

بعدين ايديه كامت تتلمس جسمي كله...

كال.... احبج احبج احبج اتصدكين بالله افراح عمري ماكدرت ابوسها من كل كلبي ولااتقربتلها بلهفة كله غصب...

لج بيوم عرسنا مااخذتها وثاني يوم شكتنى لامي... وابويةة بيومها رزلني وكلي اليوم الليلة تاخذها لا اتصرف وياك غير تصرف..

اتعصبت وصعدتلها وضربتها لان تحجي الادبسزز باسرارنا... واخذتها بشكل اغتصاب مو زواج حتى انتقم منها وعفتها وهي تنزف... وراها ماعرف امي اخذتها للدكتورة... ومااتقربتلها وراها... وصادف صارت حامل اقسم بالله مثل مااحجيلج هيج صار... ومن ضربتها يوم سمعت بخطوبتج... اجهضت... وراها ماصار عدها رغم جبرتني امي اتقربلها... ومن اتزوجتى انتي انجبرت اعيش وياها بعد كمت اخذها بس من اريد اطفي رغبتي وراها مااحب اشوفها.. ومرت سنتين وثلاث... ماكو طفل.. راجعنا الدكتورة كالت خلي زوجج هم سوة نفحصكم وفعلا فحصنا طلعت سليم بس هي صاير انسداد بمبايضها ومقلصها اخذت علاج اشكد ومافاد... ذاك المرة رايحين للمراجعة دكتورة كايلتلها صعب تحبلين اجت لامتنى لان بسببي صاربيها هلشي..

كتلها... لابسببج لوما جبرتي امي وقنعتيها تاخذج الي جان هسةمزوجةغيري ومخلفةولا جان شفتي ظلمي الج...

كالت... جنت احبك.. احبك ومااشوف غيرك واريدك بس الي..

كتلها... مواني جنت ماريدج ماريدج جنت اريدهيام واهلي جبروني عليج..

كالت... ها وهسة بعدك تريدها .

كتلها... اي لوترضي هيام من باجر اتزوجها بس هي قافلةحتى وجي ماتباوعله... بوكتها جنتى مااطيقينى انتي.

كالت.... مااخليك ولااسمحلك تتزوج علية...

كتلها... اطلكج واخلص منج اختاري بعد انتي..

وراها سدينا الموضوع لان انتي جنتى قافلة... وبعدين اجت امي بيوم وكالت راح ازوجك هيام ساعتها فرحتى ماساعتنى بس بالسر ضجت كتلها ليش كالت افراح خطية ماريد اظلمها وانت ماريدبعداظلمك ودااشوف حبك لهيام بعده...

عاد كامت امي ترتب لزواجنا واتفقنا بيوم زواج ابتهال من تروح افراح وياها ابويةيفاتحكم ونعقد قبل رجعتهم من ديالي وبارحةفرحت امي من كتلها عقدنا.. وكالت من ارجع اجهزهيام لزواجكم ...

كتله اني... زين شلون راح نعقد محكمةوزوجتك ماموافقة..من اخلف منك شلون نضمن حقوق جهالنا.

كال... ماعليج اني ادبرها بوكتها... لادوخين راسج بهل سوالف هسة وثم ضمنتى بيت اليوم انكتب باسمج بارقى منطقةببغداد بعدشكو.

سكتت... وهو يتلمس بخدودي كال... لااضوجين حبيبي وداعتج زواجنا راح يكون مثل ماتريدين واني خادم الج طول عمرج واوعدج حبج يبقي بگلبي لمماتي..

من كال مماتي حطيت ايدي على حلكه كتله لاتنطقها ابد فدوة مابية اتحمل هلكلام .

لزم ايدية ثنيتاهن وكام يبوس بيهن... وكال.... تخافين علية؟

كتله... شلون مااخاف عليك... موزوجي

كال... صدقةلكلمةزوجي الطالعةمن حلكج وكمش شفايفي باصابعه وباسنى بيها...

ورجع يحضن ويشبك...

دنكت من خجلي...

وكال شلون بيج ويةخجلج هذا تدرين شتسوين بية بهلمستحة

هزيت راسي بس لا

كال اذوب اذوب... اموت... روحي تشوغ وجان ينزل بوس اقوي عبالك يريد ياكلني...

واختلطت انفاسه السريعةوالحارة ويةانفاسي الخايفة اخاف يفقد ويصير المحظور...

جان يدفعني ويمددني على القنفة و

مد ايده وشال طرف ثوبي...

وهو مستمر يبوس بية ويكولي اريدج اريدج

اتخبلت لان شفته منسجم ويريدني بجنون... وكام مايسيطر على نفسه...

دفعته مادري منين اجتنى القوة وفلتت منه وركض لغرفتي لفوك...

دخلت سديت الباب وانفاسي تتكطع من الربكة والركض.

جان اسمع طرق خفيف على بابي..

وسمعت صوته وهو يكولي بهمس.. فتحي الباب هيو حبيبي احبج.

اني... لا روح انزل نام كافي مثنى... عيب لايحسون بينا مو وكته خلينا من نعرس.

مثنى... لعد تعاي فرشيلي وين انام... اذكرت مافرشتله اشكد عيب...

كتله.... انزل هسة اجيك...

كال ماشى نازل اني يلة...

وكفت عدلت نفسي ومسحت الحمرة الي موزعها بوجي ومخربطها من بوساته..

وعدلت ثوبي ود........ وطلعت من الغرفة.. وردت انزل جان يطلع من وراية ويلزمني... ردت اصرخ حط ايده على حلكي...

ودارني عليه وكال بهمس... ليش تحركين بية وتشلعين كلبي ولج مدي اتحمل بعدج احبج.

ونزل بوس وحظن... كتله مثنى لاتخليني اتصرف غير تصرف كافي...

اتغيرت ملامحه من شوك لغضب وكال... شنوتقصدين لج... هم اضربيني راشدي وتفلينمثل ذاك اليوم مو.

ضحكتله... كتله.... هههه لابس راشدى بدون رطوبة ههههه.

دفعني ولزمني من ايدي وكال وهو يهزني... اكسرايدج بعد اذاتسويه ذاك اليوم مشيتها الج لانج ماجنتى حلالي وحقج جان .

بس هسة تفرق انتي مرتي واكسرايدج اني رجلج تحترميني يلة وخري من طريقي وفرشيلي خلي اتمدد... عافني ونزل...

خجلت من نفسي ومن تصرفي وياه ونزلت واني ماكدراشيل عيوني واحطها بعيونه وفرشت اله واعتذرت منه بس مارد عليه وعفته وصعدت...

مانمت ابد للصبح ظليت الوم بنفسي واندب حظي.

الصبح... كعدت اسوي ريوك لباب يروح للدوام لكيته كاعد ولابس...

وبابا توه كعد... كتله صباح الخير...

كال بثكل... صباح النور...

واجي بابا كله اش وكاعد ومبدل كال عندي شغل عمي اروح اكمله واليوم اهلي يجون...

بابا... اي اتريك عمي وروح..

مثنى... لاماكدر عمي اتريك بليل شبعتنى هيام كيك وحبشكلات مااشتهي... وباوعلي بطرف عينه وكال.. يلة مع السلامة

ضجت اني من سمعته... استأذن من بابا وراح ودعه بابا للباب...

واني حظرت ريوك لبابا اتريك وطلع للدوام... كعدت اني بالمطبخ وكمت افكر بمثنى وشلون زعلته... و

شلون هسة مرته تجيه وكمت اغار عليه منها واجمالة زعلان منى هو ...

هسة ياخذ مرته بالاحظان وكمت ادك على راسي واكول تستاهلين ياثولة ياغبية

العاشر من هنا

تعديل المقال