رواية ضي قلبي الفصل السادس 6 بقلم رانيا العربي
..في الاسطبل..
+
بجد عمار سليم يمسد ع شعر سكره (فرسه ضي )
عمار : ايه مالك فيك ايه يا سليم
+
سليم بصوت خافت :ضي
+
يتفاجيءعمار قائلا :ضي من ساعة ما اتجوزت وانت مش بتجيب سيرتها ايه اللي جاب السيرة دلوقتي
+
اعتدل سليم وهو ينظر له يقول بنبرة متألمة :ضي هنا مع جوزها
+
تحدث عمار بتعجب:ايه هنا ازاي دي بقالها سنه من ساعة ما اتجوزت ماجتش وبعدين ايه حوار ناصر الشرقاوي وإيه اللي حصل في السرايا الصبح
رد سليم مسترسلا : ضي رجعت وهتقعد مع مازن وحوار ناصر ليه علاقة ب مازن كان هيكون شريكه ومازن مكنش يعرف العداوة ولما عرف لغي الشراكة وناصر جه يعمل نمرة قدام القصر
+
تسأل عمار بفضول:عايز تفهمني ان ضي هتفضل هنا
+
تهكم سليم علي حاله يردف باستهزاء :شفت بقي رجعت في نفس الوقت اللي رجعت فيه كأن القدر بيعذبني بوجودها بيعذبني وانا شايفها في حضن واحد تاني غيري انا بتقطع وان شايف مازن بيلمسها فاهم يا عمار جوايا نار
+
قاطعه عمار بتعقل : انت كمان مع مراتك وقدامها انت عايز ايه يا سليم عايز ايه يا صاحبي
+
سليم وهو يجلس على الأرض ويضع يده ع قلبه ينتهد بأسي : عايز ضي قلبي ترجعلي مش قادر يا عمار كنت فاكر اني هقدر بس خلاص مش قادر قلبي مش قادر يبعد تاني انا عارف اني غلط بس اعمل ايه (أخذ يضرب ع قلبه) بس ده مش مش عايز يسكت
+
عمار وهو يجلس بجواره ويربت ع كتفه بمؤازرة: أهدي يا سليم اللي بتعمله ده مش صح يا صاحبي انت اخترت وبعدت سلمت حياتك وقلبك لغيرها
+
غمغم سليم بصدق :كنت فاكر اني لغيرها بس عرفت اني ليها بس قلبي ل ضي بس يا عمار
+
✒✒✒✒✒✒✒✒✒✒✒✒✒✒✒✒
+
..في غرفة الضيوف ..
+
كانت ضي تقف شاردة من تلك الرسالة و تجد مازن يضمها من الخلف ويقبل رقبتها
+
تسأل مازن منتبها لحالتها : سرحانة في ايه يا قلبي
اردفت ضي بتساؤل:ابدا مش سرحانة هو سيف و ريهام جايين
+
مازن : هي الرسالة كانت من سيف
+
ردت ضي :أيوة كانت منه و سهر ايه بقي
+
عقب مازن متحدثا بلين : حبيبى نسي انه النهارده رأس السنة ولا ايه و هنسهر للصبح في الفندق الجديد بتاع صاحب ريهام
+
تذمرت ضي قائلة : بس انت مقلتش يا مازن
+
تأفف مازن يردف : انا أهو بقول يا ستي انا اشتريت فستان يجنن عشان الحفلة وكمان هنسهر في الفندق عشان جو القصر الكئيب ده
+
رضخت ضي لحديثه تهتف بتهرب : ماشى يا مازن هشوف سكره تكون انت رجعت و نمشي صحيح هلبس هنا ولا هناك
+
ابتسم مازن يردف برضا : لا الفستان وصل ع الفندق هو وبدلتي هنلبس هناك عشان لو لبستي الفستان ده هنا احتمال تقوم الحرب العالمية الثالثه
ضي تقف بتوجس : ليه بقي ماله الفستان اوعي يكون عريان يا مازن
+
مازن وهو يداري وشه يردف بمراوغة : عريان ايه لا طبعا المهم عايز مصر كلها تحسدني علي جمالك يا ضي
+
أمأت ضي رأسها تقول : ننزل بقي ولا ايه
+
✒✒✒✒✒✒✒✒✒✒✒✒✒✒✒✒✒
+
يقابل مازن فارس ويذهب معه الي الفيلا وتذهب ضي نحو الاسطبل
+
الغفير : ست ضي يا مرحب يا ست البنات ليكي وحشه كبيرة قوي
+
ضي وهي تسلم عليه : تسلم يا عم عبدالله عامل ايه وأهل بيتك بخير
+
عبدالله :تعيشي يا بنتي كلهم بخير
+
ضي :سكره عاملة ايه
+
عبدالله : كانت زعلانه على فراقك بس الدكتور سليم كان بيراعيها مع جميلة و برق
+
ضي بأبتسامة هادئة :ربنا يكرمه طلعها اشوفها
تخرج سكره .كأنها تحتضن ضي وهي تربت على شعرها وتقبلها
+
اقتربت ضي وهي تربت ع شعرها هامسه بشوق لفرسها المحبب لقلبها : وحشتيني يا سكره انا وحشتك مش كده ريحتك كلها سليم هو ايه هياخدك مني محدش يقدر يسكن قلبك غيري حتي لو كان سليم فاهمه
+
سليم وهو يدخل ويصبح خلفها ويخفض رأسه ع اذنها : وماله سليم بقي يا ست ضي
+
ضي بفزع وارتباك تضع يديها ع صدرها وتحتمي في سكره : ابدا يا دكتور سليم هو حرام اكلم الفرس بتاعي كمان
+
قاطعها سليم هاتفا بمشاكسة : لا يا ضي مش قصدي انا سمعت بس حد بيجيب في سيرتي
رفرفت ضي رموشها ببراءة قائلة بمرح مماثل : مش انا دي سكره
+
تبسم سليم يهتف بمكر : لا والله سكره وكانت بتقول ايه بقي
+
هربت ضي بعيونها وهي تفرك يديها وتنظر إلى الأرض تهتف بخجل : كانت بتشكرك عشان اهتميت بيها وأنا مش موجودة
+
تنهد سليم هاتفا بحب : لازم اهتم مش بنت برق يعني بنت قلبي
+
ضي وهي ترتبك من نبرة صوته وتتحرك للخارج : انا لازم امشي وشكرا مرة تانية
+
سليم وهو يراقب خروجها :ضي انتي سعيدة في حياتك مع مازن
+
ضي بدون ان تتحرك او تلتفت له : زي ما انت سعيد مع صافي انا كمان زيك بالضبط
+
ضي وهي تركض نحو القصر وتكلم نفسها : ايه اللي انا قولته ده ازاي اقول كده ..
+
تصتدم ب عمار
+
عمار :ضي كيفك يا بنت خالي
+
ضي بترحيب مقتضب :عمار أقصد البشمهندس عمار
+
رفع عمار حاجبه بتعجب يقول : جري ايه يا ضي انا عمار واد عمتك يا بت
+
رفعت ضي رأسها تحدثه ببرود :المقامات محفوظة يا واد عمتي
+
عمار وهو يقترب يضرب ع رأسها : تعالي يا بت قال المقامات محفوظة قال ويقبل رأسها
غمزت ضي بعيونها تحدثه بضحكة مشاكسة :عجبتك فظيعة وحشتني يا عمور
+
رمقها عمار بحنق وهو يصفق :هايل يا فنانه وحشتيني يا رفيقة الدرب أنتي
+
ضي وهي تضع يديها ع كتفه تتحدث بكبرياء مصطنع :يلا مش عارفة انا ازاي سايبة الساحة الفنية من غيري
+
تحدث عمار بتأييد مرح: معاكي حق والله انتي خسارة للفن
+
ويتحرك الركض وهي تركض وراءه تهتف بوعيد :بقي كده وربنا مانا سيباك
+
يجدهم زين يركضون في حديقة القصر يخرج وهو يضحك عليهم
+
تحدث زين بإبتسامة حانية :مش هتكبروا بقي ولا ايه
عمار وهو يتحرك نحو جده يقبل يده ورأسه : هو في أحلي،من أننا نفضل صغار يا جدي
+
صاحت ضي لجدها : خد حقي بقي من عمار يا جدي
+
عمار وهو يرفع حاجبه ويشاكسها : الحق يا جد عايزة حقها من عمار تصدق دي
+
زين وهو يجلس على مقعده هاتفا بتأييد لحديثه: معاك حق عايزة حقك من اللي كان دايما بيجب حقك يا بنت جلال
+
ضي بأبتسامة حانية :ماشي يا جدي سماح عشانك وعشان خاطر زمان وحبيبي عمار أخويا اللي بتحامي فيه من الدنيا اللي من اول يوم حسيت انه أخويا اكتر من محمود و عاصم اللي كان بيسأل عليا حتي لو مش موجود
+
احتضنها عمار من أكتافها يهتف بإستنكار مرح:ايه يا بت الكلام الكبير ده هبكي يا بت حرام عليكي
+
ضي وهي تضربه ع كتفه بغيظ :دايما مضيع اللحظة المؤثرة اللي في حياتي
+
زين وهو يضحك عليهم :ربنا يهديكم مجانين اللي يشوفكم يقول انكم بجد اخوات
+
ليقاطعه عمار قائلا بإقرار:طب ما هي اختي أكتر من ندي و قمر
+
تحدث زين بتفهم :عارف يا ولدي أنها اختك اللي روحك دلتك عليها ما هي الأخوة مش بس دم و رضاعة في أخوة قلب و روح ودي اللي بينكم انتوا الاتنين
+
ضي وهي تصفق بإعجاب :أيوة يا حجوج يا بتاع القلب انت
+
زمجر زين متحدثا : بت انتي اتهدي بقي
+
اردفت ضي بإذعان :حاضر يا جدي عايزة استأذن انا و مازن عندنا عزومة على العشا مع صحابه وهنام في فندق صاحبه
+
عمار مقاطعا بإعتراض: نعم ياختي رايحة فين يا خاينة اومال مين اللي هيقولي بليل كل سنة وانت في حياتي يا حبي
+
تعجب زين قائلا بإستنكار : انت اهبل ياض بتقول للبت كده وهي متجوزة
+
هتف عمار بإصرار : عارف يا جدي لو معاها خمس عيال هعمل كده دي حبيبتى ( وهو يغمز لها )
+
تبسم زين يهتف بحنو : ربنا يخليكم لبعض وتكونوا سند بعض دايما
+
غمغمت ضي :إن شاء الله يا جدي ، جدو انت متأكد اني مش أخت عمار
+
تحدث زين بتعقل :قولنا يا بنت جلال الأخوة بالروح وانتوا ربنا اختار ارواحكم للإخوة طول عمره عمار حاسس انه اخوكي الكبير وأنك مسئولة منه مشاعر مشوفتهاش من اخواتك اللي من دمك
+
تنهدت ضي قائلة:ربنا يهدي يا جدي انا هتصل ب مازن بقي اشوفه فين بعد إذنك يا جدي
+
تبسم زين يردف :روحي يا قلب جدك ربنا يسعدك
تقدمت ضي وهي تقبل رأسه : ربنا يديمك فوق رؤوسنا يا جدي
+
شاكسها عمار قائلا : وانا يا بت انا اخوكي الكبير
+
ذهبت ضي تقبل رأسه قائلة : يخليك ليا يا كبير
+
سليم يدخل يرأها وهي تقبل رأس عمار يشعر ان نيران الغيرة تقتله كيف تكون قريبة منه لهذه الدرجة تلك الابتسامة والضحك ل عمار تخصه هو لما ليس له
+
تحدث سليم بحده وانفعال : ايه يا سي عمار انا بدور عليك وانت مقاضيها ضحك مع الست ضي
+
صاح زين بإستهجان :جري ايه يا سليم ايه اللي بتقوله ده
+
حمحم سليم بحرج: مفيش بس ميصحش يا جدي يعني عمار لا اخوها ولا أبوها عشان تبوس رأسه
+
رمقته ضي بغضب تصيح: هو في ايه يا دكتور سليم عمار أخويا وبعدين جدي موجود ومحدش ليه انه يحاكمني غير جوزي و جدي وبس
+
عاند سليم يقف أمامها يهتف بغيره : لا والله مش عارف المفروض كنت دخلت في دور البوس ع الرأس ده مانا زي عمار بالنسبة لك
+
رمقته ضي بسخرية تقول :وانت ايه بقي انت طول عمرك غريب عننا لا كنت مننا ولا هتكون بعد إذنك يا جدي ، هكلمك يا عمار سلام تتحرك للداخل سريعا
+
صاح زين بحدة : جري ايه يا دكتور سليم كيف تحكي اكده مع ضي طول عمرها هي وعمار كده
+
تحدث سليم باعتذار :اسف يا جدي
+
تحدث زين بانفعال : انا قايم عمار أبقي هات ورق المصنع الجديد معاك بكرة
+
عمار وهو ينظر إلى سليم نظرات ذات مغذي ويضحك
+
تقدم سليم منه يهتف بإنفعال:ايه انت كمان هتزعق وتقول اني مليش حق
+
تحدث عمار وهو يقترب و يربت على كتفه : فعلا ماكس حق بس حاسس بيك الغيرة ياجدع
+
رد عليه سليم وهو يوكزه في صدره يهتف بتساؤل ممزوج بغيرة قاتلة : انت ازاي تخليها تبوسك
+
عقب عليه عمار بإندفاع :انت اهبل يا سليم دي اختي
+
قاطعه سليم بعيون محتده و غيرة تقتله: لا مش اختك لا بالدم ولا بالرضاعة
+
ابتسم عمار بإستفزاز :جدي قال بده (وهو يشير إلى قلبه)
+
صاح سليم بغضب :نعم يا اخويا
+
تفهم عمار حالته يردف بتعقل:أصبر انا هفهمك يا غبي يا عدو نفسك انت متعرفش علاقتي ب ضي لأني مكنتش بحب أجيب سيرتها معاك عشان عارفك انا علاقتي ب ضي أخوة من اول يوم انت بعدت لكن انا لا فضلت موجود عشان عندي احساس بالمسئولية حاسس انها اختي فاهم اختي وبتفهمني اكتر من ندي وقمر فهمت
+
طالعه سليم بدهشه يقول :يعني كنت مخبي عليا علاقتك بيها شوفت قالت ايه اني غريب وهفضل كده دي شيفاني بعيد اوي يا عمار
+
اندفع عمار يقول : حقها تقول كده وتديك بالجزمة كمان مش دي اللي قولت عليها مش مناسبة ليك فاهم هي سمعت ايه لما انت رفضتها فاهم يعني ايه معروف أنها كاتبه ان قلبها ملك ل سليم بس وانت تحرق كل ده
+
هتف سليم بصدمة : عمار هي ضي كانت بتحبني
+
رمقه عمار بارتباك : انا مقولتش كده
+
استنكر سليم كذبه يقول: انت بتكدب ليه يا عمار
+
قاطعة عمار بصرامة يرد : انا مش بكدب الموضوع خلص وانت انسي ومش كل شويه تظهر قدامها انسي يا صاحبي وعيش حياتك اللي انت اخترتها
+
✒✒✒✒✒✒✒✒✒✒✒✒✒✒✒✒
+
..في المساء ...
+
في غرفة الفندق تكون ضي تغير ثيابها بالداخل وينتظرها مازن ع الباب
+
هتفت ضي بتذمر : الفستان قصير اوي يا مازن وعريان كمان
+
بلل مازن شفايفه يرد ببرود :يا حبيبتي اخرجي بقي هنتاخر
+
رفضت ضي تقول :لا يا مازن مقدرش أخرج كده
+
تكلم مازن بلين :اطلعي طيب اشوفه الأول
+
ضي تخرج وهي تشد الفستان للأسفل وتضع يديها ع صدر الفستان
+
مازن مبهور من جمالها وهي كتله مثيرة في هذا الفستان :ايه الجمال ده يا ناس كل اللي تحت دول هيقعدوا سنين نتكلم علي جمال مرات مازن الانصاري
+
هتفت ضي بإزدراء : الفستان قصير اوي انا مش مرتاحة
+
مازن وهو يمسك يديها و يقبلها ويخرج من الغرفة سريعا ولا يسمح لها بتغيره وهي تحاول ان تداري نفسها بيديها وينزل بها الي قاعة الإحتفال وبالفعل ينبهر الجميع من جمالها الصارخ والمثير في ذلك الفستان يتقدم سيف ببلاهة وهي تنظر له باشمئزاز
سيف مبتسما : ايه القمر ده يا ضي
+
ضي باشمئزاز : مازن انا مش مرتاحة
+
مازن وهو يحيط خصرها ويهمس : انتي هتزعليني ليه دي هدية رأس السنة بتاعتك ..ويقبل خدها
+
وسط نيران الحاقدين حولهم يتقدم أصدقاء مازن منهم ويثنون على جمال و رقة ضي الشئ الذي جعلها تشعر بقهر أحست ان مازن يعرضها على اصدقائه كأنها سلعة للبيع او للمشاهدة شعرت بالضيق من تفكيره ومن نظرات الجميع لها كأنها سلعة مباحة بأمر مالكها
+
يدخل في ذلك الوقت سليم ومعه صافي للاحتفال برأس السنة في هذا الفندق الجديد لتتفاجئ
صافي تتحدث :سليم مش ده مازن جوز ضي ، مش معقول شايف ضي لابسه ايه الفستان يجنن عليها جسمها تحفة بنت الاية كانت مخبية الجمال ده فين هي اه حلوة بس مش كده انت عارف يا سليم ده بتاع مصمم عالمي نازل في تشكيلته الجديدة
+
سليم في صدمة وهو يرأها تحاول ان تداري بيديها جسمها
+
..ستوب..
سليم هيعمل ايه مع ضي ؟؟💙💙
+
