رواية ضي قلبي الفصل الرابع 4 بقلم رانيا العربي
في طريقها إلى غرفة جدتها تشعر بغصة ودموعها تهدد بالنزول لتذكرها يوم زفافها ومعاملة سليم لها واحساسها بأنها غير مرغوب فيها من الأساس وتلعن نفسها برجوعها لتري عيونه وتصادف قاتلها جارح روحها مرة أخري لتصطدم ب زهرة زوجة والدها
زهرة : واه أمتي جيتي يا بت وأيه الحلاوة دي يا بت والله وربنا سعدك يا بنت نور
ضي : كيفك يا مرات ابوي ان شاء الله بخير
زهرة وهي تربت على كتفها :بخير ياختي بس ايه اللي رماكي علينا يا بت نور كنا ارتحنا منك
ضي :متخافيش دي زيارة وبعدين عندي بيت هنا دلوقت
زهرة برفع الحاجب : كمان بقي ليكي بيت هنا يا ضي
ضي بأبتسامة سمجة :شفتي بقي ارازق امشي انا اشوف الجدة عشان اتوحشتها
زهرة : روحي ياختي ..تتركها وتتجه إلى الأعلي نحو غرفة جدتها
◾◾◾◾◾◾◾◾◾◾◾◾◾
..في مجلس الهواري..
مازن بغضب : انت بتقول ايه يا سليم مين اللي كان عايز يتجوز ضي ناصر ده يوم أمه اسود يعني عايز يشاركني عشان كده انا مش هسيبه
عادل :أهدي كده يا ولدي مفيش حاجة المهم سيبك من الشراكة دي بقي دول عيلة بنت كلب ملهاش امان
سليم :ناوي على ايه يا مازن
مازن :مش عايزة كلام اكيد هفض الشراكة وابلغه دلوقتي انه مش عايز الشراكة دي
زين : واحنا اللي هنشارك في المشروع ده عادل هيكون شريكك
جلال مقاطعا : وليه مش انا يا بوي
زين :انت وعادل واحد وكله بإسمي ولا ايه يا ولاد زين الهواري
عادل :طبعا يا ابويا احنا اخوات ومفيش فرق بينا
يرن هاتف مازن ليعتذر ويذهب
سليم :انا رايح أسلم على جدتي واطمن ع صحتها
عادل :مراتك جت معاك يا ولدي
سليم :أيوة يا ابويا وطلعت ترتاح من السفر
زين بغضب :من غير ما تسلم حتي ايه يا سليم هي اتعلمت التربية فين دي
سليم :حقك عليا يا جدي انا هنزلها تسلم عليك وتبوس ايديك
زين بخيبة أمل :مش مهم يا ولدي المهم انك مرتاح في حياتك وأي حاجه تانية مش مهم
سليم وهو يشعر بما يريد أن يوصله له جده عندما أتي إليه ليتحدث في الزواج و رفضه ل ضي وأنها غير مناسبة لأنها لم تكمل تعليمها ولا تناسب المجتمع الذي يعيش فيه حاليا ويتحرك للخارج يلعن نفسه ويلعن تلك الظروف التي وضعتها أمه في وجه عندما علمت بحبه لها واختياره رضاء أمه عن قلبه الذي أصبح يتهاوي للسقوط
◾◾◾◾◾◾◾◾◾◾◾◾◾◾◾
في غرفة الجدة ..
ضي تقتحم الغرفة بصراخ افزع الجميع وبطريقة مسرحية
ضي :خياااااانة يا جدة بتخونيني يا ورد بعد كل الحب اللي بينا وفين في الأوضة اللي شهدت علي حبنا
و
+
رد بضحك :اه يا بنت جلال شايفين البت
ضي وهي ترتمي في حضنها :وحشتيني اوي
ورد :وانتي يا ضي قلبى كده يا بت سنة ايه ملكيش أهل ولا جده هتموت وتشوفك ايه الجواز قسي قلبك يا بنت جلال
ضي وهي تخرج من حضن جدتها : اول مرة تقولي بنت جلال وقاسية كمان يا جده وأنا شوفت هنا ايه حلو عشان ارجع ده انا اترميت يا جده ومحدش سأل عليا حتي بمكالمة تليفون انا ماشية
ضحي : بت انتي كفاية تمثيل قربت أصدق وها ابكي اها يخرب عقلك يا ضي تعالي في حضني اتوحشتك يا خيتي
ضي وهي بحضنها : بس ايه رأيك بقيت جامدة انا بفكر اقول ل مازن أحضر دورات تمثيل ده انا اخد الأوسكار يا بنتي
شمس وهي تضربها بخفة ع رأسها :يا شيخة اتلهي بقي وتعالي اخد نصيبي منك
بعد مده من الحديث عن الأحوال والأحداث اليومية
ورد تقترب وتضع يديها ع وجه ضي : العشق لسه معشش في عيونك بس يا تري لمين ووجع قلبك ل مين و خوفك ل مين ولا علي مين
ضحي : اي الألغاز دي يا جدة انا عارفة انك بتعرفي تقري الفنجان بس العيون دي حاجة جديدة صراحة
شمس : اسكتي انتي يا هبلة خايفة من ايه يا ضي
ضي تنفجر من البكاء وترتمي في حضن شمس
ضحي :ده الموضوع بجد بقي هو مازن ليعمل معاكي ايه اتكلمي يا ضي
ورد :تعالي في حضني يا بت قلبي
تذهب الى حضن جدتها ورد :احكي يا قلبي ومتخافيش ابدا فاهمة
ضي وهي تهز رأسها بالإيجاب:مش مازن يا جدة انا بس متضايقة من حاجة مش عارفة اقولك ايه يا جده
ضحي :احكي يا ضي احنا كده خفنا عليكي
◾◾◾◾◾◾◾◾◾◾◾◾◾◾◾
سليم وهو يتجه إلى غرفة جدته توقفه صافي
صافي :سليم انا عايزة ارجع الجو حر مش قادرة
سليم :صافي يا حبيبتي التكييف مركزي في القصر مش معقول يعني حرانه
صافي بدلال وهي تمسك ياقة قميصه : انا عايزة أسافر ل ماما عشان بابا تعب شوية
سليم : مش هينفع دلوقتي وانتي عارفة علي الأقل شهرين تكون أمور المستشفى بقت تمام
صافي :عشان خاطري يا سليم أسافر انا وبعدين خلص امورك وتعالي
سليم بحدة : انا معنديش حريم تسافر لوحدها يا هانم وثانيا كلامنا كده مش حلو نتكلم في اوضتنا تعالي نسلم ع الجدة
صافي : لا معلش روح انت انا عندي صداع وعايزة أنام
سليم :براحتك يا صافي
يذهب سريعا الي غرفة الجدة وهو يشعر ان أنفاسها تقترب منه وأنه سيشبع من رؤيته ل ضي قلبه من تنير ذلك القلب المعتم
ضحي : يا نهار مش فايت يا ضي سنة ومتحملة ده كله
ضي :انا مش عايزة مازن يزعل ويتكسر قلبه
شمس : معاكي حق بس لو الموضوع اتكرر مش هيكون كويس ليكي
ورد بحدة : احكي مع جوزك يا بتي غلط الكلام ده اللي بتقوليه ده ملوش غير الصراحة
ضي :حاضر يا جده هتكلم معاه في الوقت المناسب
ورد :لا احكي ع طول متقعيش في الغلط يا بتي
سليم :كيفك يا جدة
ورد :سليم يا عيوني تعالي يا واد اتوحشتك قوي
سليم مقبلا رأسها ويديها : انا اكتر يا جده كيفك زينة
ورد :بخير يا قلب ورد
ضحي وهي تصفق :يلا يا بنات بيتك بيتك الديك الرومي جه والكتاكيت ملهاش مكان
ضي وهي تبتسم وهو ينظر إليها ليسرح في تلك البسمة التي روت قلبه العاشق وهي تنظر وتهرب بعيونها لا تريد الوقوع مرة أخرى في عشقة فتصبح خائنة هي كانت عاشقة والآن عليها ان تكون غريبة بعيدة هو من ابعدها بيده كيف تعشقه او يشغل تفكيرها لثواني حتي لتهرب من الغرفة
ضي :جده انا نازلة اشوف مازن
سليم ينهض ويتكلم بحده : مازن مش تحت راح يشوف ارض المصنع ولا مش قادرة ع بعده
ضي بعناد :جري ايه يا دكتور سليم انا بسال ع جوزي اظن ده من حقي
سليم :والله وطلعلك صوت يا ست ضي
ضي :طول عمري انت باين عليك انك جديد هنا يا دكتور خليك في بلاد بره اللي جاي منها
سليم : قصدك ايه بقي يا ست ضي
ضي :والله اللي ع رأسه بطحه يا دكتور ع الاقل كلنا عارفين احنا منين إنما أنت بقي لا حصلت من هنا ولا من هناك
سليم :وانتي بقي اللي من هنا يا ام عيون كهرمان
ورد : جري ايه يا ولاد اهدوا بقي
سليم :انا نازل يا جده سلام
ضحي بضحك على ابن عمها : شوفتي يا جده بيقولها يا ام عيون كهرمان ده بيعاكس مش بيتخانق
ورد : والله معاكي حق يا بت
شمس :أخويا ضرب كنت اقفي في وشه من زمان كان زمان عيالكم مالين البيت
ضي :اكتمي يا بت انتي وهي انا خارجة نشوف مازن وسكره سلام
ورد بتحذير :بقولكم ايه متتكلموش عن سليم مع ضي حرام يا بنات خلاص كل واحد فيهم خد نصيبه
شمس و ضحي : حاضر يا جده
ستوب 💟💟💟
+
