رواية ضي قلبي الفصل الثلاثون 30 بقلم رانيا العربي
داخل شقة نوارة كانت تقف بالمطبخ تقوم بتحضير الفطار لزوجها و أسرة أخيه جابر ليدخل صلاح عليها مبتسما وهو يداعب خصلات شعرها :صباح الخير يا نوارة كده تنامي امبارح و تسبيني ، يادوب خلصت كلام مع جابر ودخلت الاوضة لقيتك في سابع نومه
+
نوارة بإبتسامة مغتصبة : حقك عليا بس انت عارف تعبت من السفر وكنت محتاجة أنام
+
صلاح وهو يقبل رأسها ويردف بنبرة حانية : عارف يا حبيبتي ، علي فكرة هما هيمشوا النهاردة ونكون في بيتنا لوحدنا ، وعايز ليلة ولا ألف ليلة من نوارة قلبي
+
نوارة بغصة وهي تتذكر ذلك اللقب من ما ملك قلبها وسكنه منذ زمن بعيد وذهب بلا عودة وترك وجع و ألم لم يهدأ ابداً لتنتبه وتفيق من دوامة ذكرياتها علي يد صلاح وهي تضم كتفها لتستغفر ربها كثيراً فهي مخطئة بحق زوجها تفكر بغيره تشعر بالحنين لغيرة ولكن هي زوجة مراعية تخرج نبرتها مهزوزة مرتبكة : حااااضر يا صلاح ، اروح بس اطمن علي ورد وبعدها هعمل اللي انت عايزه
2
صلاح بتأفف وهو يضرب بيده طاولة المطبخ : ماشي يا نوارة روحي اطمني علي ورد وبعدين يطلع ألف قصه في بيت الهواري و ترجعي تعبانة وعايزة تنامي
3
نوارة وهي تربت ع صدره برفق : ممكن تهدي طيب ، انا مش فاهمة انت متعصب ليه
+
لتدخل هند علي صوته العالي وتردف بلهفة وراءها خبث و مكر كبير : جري ايه يا جماعة صوتكم عالي ليه ، لتكوني متضايقة من وجودنا يا نوارة ، احنا اصلا بنحضر الشنط
2
نوارة بإعتراض وهي تتقدم نحوها : لا طبعا يا هند ، البيت بيتكم واصلا انا زعلانه انكم هتمشوا انتي عارفة نرمين و رغدة بعتبرهم بناتي ، ده صلاح مضايق من حاجة في الشغل وكان بيكلمني فيها بس كده
+
هند بإبتسامة وهي تلوي فمها بخبث : بقي كده ، انتي طول عمرك ذوق يا نوارة والبنات بيموتوا فيكي دول مش عايزين يمشوا خالص من عندك وخصوصا نرمين
6
نوارة بإيمائه رأسها وتردف بطيبه وحنان : من القلب للقلب رسول ، المهم ساعديني نطلع الفطار عشان البنات تأكل قبل ما تنزل
+
ليتناولوا الأطباق ويتحركوا للخارج تحت نظرات نوارة المعاتبة ليزفر بضيق من الوضع لتفاجئه نرمين بقبلة علي خده وهي تردف بغنج ودلال : صباح الخير يا عموووو
+
صلاح بحدة وهو يبعدها عنه : انتي مجنونة يا نرمين بتهببي ايه
+
لتقترب منه مرة أخري وبأناملها تداعب وجهه وتقبل شفايفه بدلال و جراءة شديدة مردفة : حبيبي وحشتيني من بليل للصبح ، انا هنزل دلوقتي واستناك علي اول الشارع النهاردة اليوم كله لينا
2
صلاح بإرتباك وبصوت هامس متأثر من ماتفعله تلك الملعونة : نيرمين امشي دلوقتي
+
نيرمين وهي تحتك بجسده لتثيره لأنها عرفت نقطه ضعفه وتعلم تأثيرها عليه لتردف بنبرة حانية وبغمزة : ماشي يا قلب نيرو بس متتأخرش عليا
+
لتقبله من شفايفه قبلة سطحية وتخرج ليزفر بحدة وهو يمسح علي جبينه :الله يخربيتك يا نرمين هتوقفي قلبي ، دي طلعت أجمد من أمها بمراحل
( اشتموا براحتكم هما عيلة زبالة اصلا ربنا يخلصنا منهم 😡😡)
6
🌑⚡🌑⚡🌑⚡🌑⚡🌑
+
في حديقة قصر الهواري يخرج عمار ليجد فارس مقبل عليه
+
عمار بتساؤل : كنت فين ياض علي الصبح مش انت في أجازة عشان الأصابة
+
فارس بإيجاب : ايوة أجازة ، بس غيرت مكان البلاوي عشان جدك مش مطمن
+
عمار بتعجب : هو جدك عرف
+
فارس وهو يلوي فمه ويربت علي كتف عمار ويردف ببكاء مصطنع : احنا ضهرنا مكشوف ، جدك مغمضش عينه الأ لما عرف كل حاجة حصلت في البيت وهو مش موجود وشكلي هتعلق علي بوابة القصر والكيلو مني هيكون بجنيه
+
عمار بضحك : تستاهل بعدين جنيه ايه يا واد انت جته هناخد جنيه ونص يا دوب شفت انت غالي علينا ازاي
+
فارس بإيمائه رأسه : ايوة اتريق ليك يوم يابن الناس الكويسة
+
عمار بإستفسار : فارس هي ندي حصل معاها حاجة وانا مش موجود غير حوار صحبتها اللي ماتت في الحادثة ده
+
فارس بإبتسامة مصطنعة يداري ما يوجع صاحبه وأخيه : لا يا حبيبي مفيش حاجة ، بعدين هو سهل اللي حصل ده
+
عمار بنبرة حزينة : معاك حق صعب قوي اللي شافته ، يلا اسيبك انا الحق خطيبتي
+
فارس برفع الحاجب ويردف بمشاكسة : الله يسهلك يا عمنا ، انا مش بحسد انا بَقر بس
+
عمار بإبتسامة صفراء : مش عارف ياواد حاسس ان عينك هتجيب الجوازة الأرض
+
فارس وهو يربت علي كتفه : قول يارب
+
عمار بحدة مصطنعة : ربنا ياخدك يا شيخ ، سلام
ليتحرك عمار نحو الأسطبل و فارس لداخل القصر
+
🌑⚡🌑⚡🌑⚡🌑⚡🌑
+
في داخل مكتب زين الهواري يجلس كلاً من زين منكس رأسه ويسندها علي عصاه العاجي و أمامه أحمد بنظرات تائهة و سليم الذي يتأكل من الداخل علي بكاء تلك الجالسة علي الأريكة تنتفض داخل أحضان زينة التي تحاول تهدئتها
+
ليرفع زين رأسه وينظر نحو أحمد و سليم ويردف بتساؤل : والحل ايه يا ولدي
+
سليم بجدية : جدي احنا ممكن نكون غلطنا في التشخيص ، الأول يعمل الفحوصات وبعدين هيكون القرار
+
زين وهو ينظر نحو ابنه : وانت يا أحمد
+
أحمد بهدوء : كلام سليم هو الصح ، نعمل التحاليل و الأشعة و أن شاء الله خير يا ابويا
+
سليم وهو يتحرك نحو ضي ويركع أمامها فلم يطاوعه قلبه علي بكاءها الحاد ويمسك يديها ويربت عليها برفق ويمسح دموعها بأنامله ويردف بنبرة حانية : ممكن تهدي شوية هيكون بخير ، كفاية بكا بقي
+
ضي ببكاء و شهقاتها عالية وتردف بكلمات غير مترابطة : انا...خايفة ...طب ..ليه ..هو ..هاشم ..كويس شمس ..اااااااااعااااااا
+
لتزيح زينة نفسها ويجلس مكانها سليم وهو مازال متمسك بيديها ويردف برجاء : ابوس ايد اهلك نفر نفر كفاية بكا ، وحياتك عندي هاشم كويس
2
لتنظر له نظرة ترجي بقول الحقيقة ليجيب بإيمائه رأسه ويردف بمرح : يا بت عيب عليك دي عيلتك فيها تلات دكاترة من أشهر الدكاترة ،ده حتي تبقي عيبه في حقنا يا حبيبتشي
+
لتبتسم وسط دموعها لتردف بهدوء : توعدني
+
سليم وهو ينظر لها بحب ويرفع يديها يقبلها لتصرخ : جدوووووووو
+
زين بيأس من تصرفات سليم : يا بني احترمنا بقي
+
سليم برفع الحاجب ويردف بتعجب : طب انا عملت ايه طااااه
+
ليدق الباب وتدخل صفية تردف : سليم بيه الست صافي بره هي وأبوها و أمها
2
ضي بإبتسامة شامته : شكل ابو وردة هيترفع النهاردة يا دكتره
+
زين بهيبته وهو يتحرك للخارج : دخليهم يا بنتي المضيفة واحنا جايين ، تعالي يا أحمد معايا نرحب بالضيوف ، تعالي يا سليم
+
🌑⚡🌑⚡🌑⚡🌑⚡🌑
+
في مطبخ قصر الهواري تقف سامية تُلقي علي مسامع شادية ما حدث منذ أمس فهي كانت بزيارة صباحية لمنزل والدها تطمئن علي صحة والدها لتردف بدهشة : كان بايت عندها يابت
+
سامية بإيجاب : ايوة يا ستي انا طلعت لفوق انادم عليها لقيت الدكتور نايم حدها
3
شادية بنفسهابإبتسامة : بطنك اللي هتشيل يا بت نور ، وانا ميهمنيش غير أن ولدي ولاده يكونوا حواليه ده اكبر حفيد و لدلوقت معندوش عزوة بس خلاص باين الخير فيكي يا بت نور ما انتي مالكة قلبه من زمان يبقي نشيل بنت الجندي من حسابتنا مشفناش منيها إلا القنعرة الكدابة
3
لتهتف بصوت عالي : بت يا صفية
+
صفية : أمري يا ست شادية
+
شادية بصوت خافت وهي تشير لها للخارج : بت يا صفية رايداكي تروحي لدكتورة الصحة و قوليلها الست شمس بتقولك اكتبلها علي العلاج عشان الورقة ضاعت اللي فيها أسمه وبعدها تجيبه وتيجي بسرعة يا بت
+
صفية وهي تشير لعيونها : من عيوني يا ست شادية ..واتجهت راكضة نحو خارج القصر
+
شادية وهي تتمتم بالدعاء : ربنا يرزقك بالذرية الصالحة يا ولدي يارب
+
🌑⚡🌑⚡🌑⚡🌑⚡🌑
+
..في الأسطبل كانت هنا مع يوسف يشاهدون الأحصنة وهي تمرح معاهم وتجد هاتفها يرن لتجيب بهدوء : ألو
+
....: مسا مسا يا رؤوف
+
هنا بعبوس : مين بيتكلم ..
+
يوسف وهو ينظر لها بإستفسار تمط شفايفها بعدم المعرفة ليسحب الهاتف ليجيب ليجد علي الجهة الأخري : صباح الأناناس علي أغلي الناس
+
يوسف بأستغراب : مين معايا
+
زمردة : كده تخضني أخص عليك يا ببلاوي
+
يوسف بضحك :يخربيت سنينك أهلا بالمجنونة
زمردة : أهلا يا هندسة بترد ليه علي تلافون البت ، حدش قالك انه عيب كأنك دخلت عليها الحمام خصوصيات يا أفندينا
+
يوسف بضحك : تلافون ، حدش ، الحمام انت جاية منين يا بت
5
زمردة بغناء : انا اكيد من عالم تاني من عالم تاني
+
يوسف : علي فكرة المفروض تتقالك مش تقوليها لنفسك هيخووووووو
3
زمردة بإستعلاء : فصلتني ، هات البت بقي
+
يوسف وهو يعطي الموبايل ل هنا : خدي كلمي المجنونة
+
هنا بهتاف مرح : صباح الخير يا انتيخي
2
زمردة بمشاكسة : صباحك مانجا يا موزتي ، بتعملي ايه و هتعملي ايه بصي شوفي هتعملي ايه وانا دايسه معاكي في اي نيلة ، صحيح ده رقمي وبعدين فزعتيني علي الصبح كده تصبحيني بنوتيلا الفستق نفسي هتجزع
+
هنا بضحك : يا بت افصلي ، المهم هشوف هعمل ايه، علي موبايلات بقي
+
زمردة : اشطا ياموزتي سلاموززززز
+
لتغلق الخط وتتطلع علي يوسف الذي يداعب أحد الأحصنة ليردف بتساؤل : خلصتي كلام مع المجنونة
+
هنا بعبوس :متقولش عليها كده ، دي صاحبتي
+
يوسف بتعجب : انتي لسه عارفاها امبارح
+
هنا بإستفهام : وإذا ، انا اعتبرتها انتيمي وهي كمان
+
يوسف وهو يرفع طرف شفايفه : اشبعي بيها ، يلا ناخد العربية نتمشي بيها في البلد
+
ويتحركوا سويا ليهتف عمار بصوت عالي مناديا يوسف
+
ليتحركوا نحو بعضهم ليردف بتساؤل : علي فين العزم يا چو
+
يوسف : ابدا الست هنا عايزة تتفرج علي البلد قلت أخدها و نتمشي شوية
+
ليربت علي كتفه : طب بالسلامة انت يا چو ، سكتك خضرا يا اسطا
+
هنا بتعجب : ليه بقي
+
عمار بغيظ : اكتمي يا بت صوتك عالي
+
هنا بحدة وهي تقف أمامه : مش هكتم هتعمل ايه بقي
+
عمار وهو يمسكها من يديها ويدخلها للسيارة قصراً : هعمل كده يا هنايا ( ويلوح ل يوسف مكملاً حديثه معه ) بالسلامة انت بقي ، انا بقي مسئول عن خطيبتي يا هندسة سلام
+
هنا وهي تنزع يديها وتفركها من الألم بسبب شدة مسكته لمعصمها لينتبه عمار ويردف بنبرة حانية : وجعتك
+
هنا بإيمائه رأسها وتردف بدموع : ايوة وجعتني
+
عمار وهو يمسك يديها ويقبلها مكان الألم : حقك علي قلبي يا هنايا ، متزعليش والله انط في الترعة و ذنبي يبقي في رقبتك
+
هنا بإبتسامة وسط دموعها وتردف بمشاكسة : علي ايه خلي الترعة نضيفة يا عم
4
عمار وهو يمسك أذانها ويردف بعصبيه مصطنعة : يا بت لسانك ،ده انا هكون قرة عينك احترميني شوية
+
هنا وهي ترقص حواجبها : هحاول يا باشمهندس بس ماوعدكش ، المهم اخدتني ليه
+
عمار بمرح وهو يغمز : عايزين نصبح علي السنافر ولا مليش حق ، انا لسه مفطرتش عايز افطر مع سنفورتي ومتقلقيش هتصل ب خالي واعرفه اشطا
هنا بإبتسامة : اشطااات يا خطيبتشي
+
🌑⚡🌑⚡🌑⚡🌑⚡🌑
+
...داخل جناح نور بالفندق ...
خرجت من الحمام نظرت عليه لتجده ينام نوم عميق بإبتسامة لتحرك طاولة الطعام الي الشرفة وتتحرك نحوه و تجلس بجانبه وهي تملس علي شعره وتقبل جبينه وتقبل وجنتيه بعمق وهي تهمس : جلال حبيبي اصحي ، صباح الخير
1
ليبتسم و يفتح عيونه ويضع ذراعه ويحاوط خصرها لتصبح فوقه ويقبل وجنتيها بعمق : صباح النور و الهنا والجمال يا نوري
+
نور : يلا بقي عشان تفطر
+
جلال مداعباً أنفه بأنفها : هنفطر يا بنت قلبي
+
نور وهي تداعب وجنتيه بأناملها : مش مصدقة أني رجعت لحضنك يا جلال حاسة اني في حلم
3
جلال وهو يقبل باطن يديها التي علي خده : طب انا اقول ايه كان حلم مستحيل يا نور ، بس ربك كريم قوي رجعك ليا تنوري حياتي و تحي قلبي اللي كان مات في بعدك يا بنت قلبي
+
نور وهي تهمس امام شفايفه : بحبك اوي يا جلال
+
جلال بنفس الطريقة : و جلال بيموت في التراب اللي ها تمشي عليه يا نوري
+
ويميل عليها ليقتطف قبلة جامحة ليجد رنين الهاتف يمنعه من مواصلة جنونه مع نور ليتأفف بغيظ تحت ضحكاتها الجميلة
+
جلال بتأفف وهو يعتدل وهي أيضاً ليردف بغضب مكتوم : ابايا علي اكده مقدرينش يستنوا هبابه
نور بإبتسامة : ادام اتكلمت صعيدي يبقي علي اخرك ، رد رد يا حبيبي
+
جلال بأستغراب وهو ينظر لهاتفه : ده محمود ، الواد ده عمره ما عملها ده اسمه مبيظهرش علي الشاشة إلا لما اكون انا اللي بكلمه
+
نور بقلق : طيب رد ليكون ضي ولا ضحي فيهم حاجة رد بسرعة
+
جلال وقد ثاوره القلق ليرد سريعا : محمود في ايه يا ولدي
+
....: صباحية مباركة يا واد عمي
+
جلال بتأفف وهو يرتاح بجلسته : زهرة بتتصلي من تليفون ابنك ليه
+
زهرة بغيظ : عشان ترد يابن عمي ، المهم ابنك تعبان
+
جلال بفزع : محمود
+
زهرة بنفي : لا يا اخويا هاشم محموم طول الليل وهينقلوه المستشفي
+
جلال بزفرة حادة و بضيق : اقفلي يا زهرة هكلم أحمد ولا سليم استفهم منهم ..يغلق سريعا ويعاود الاتصال ب أحمد
+
نور بتساؤل : جلال في ايه
+
جلال وهو يربت ع وجنتها برفق : ده هاشم تعبان شوية
+
نور بخوف عليه فهو له مكانه لديها : ماله تعبان ازاي ، فهمني
+
جلال بضيق : هو مش بيرد ليه
+
نور : بتكلم مين
+
جلال : أحمد ولا سليم عشان افهم
+
نور وهي تنهض من ع الفراش وتتحرك بلهفة نحو خزانه الملابس لتحضر ثيابها وثيابه : تفهم ايه قوم نلبس ونطمن عليه ، بسرعة يا جلال
+
جلال وهو يتحرك نحوها ويديرها نحوه لتقابل وجهه ليقبل جبينها ويردف بحب : انا مش بحبك من شوية يا نور ، ده ابن ضرتك يا حبيبتي
+
نور وهي تهز رأسها بالنفي : لا ده ابن حبيبي جوزي يعني ليه حته في قلبه جنبي وجنب باقي حبايبه وكل حبايب قلبك بيحبوا بعض ، وبعدين يا راجل انت انا حبيتك بعيالك عارف زمان لو كنت قابلتهم وقولتلي هتجوزك بيهم وانتي ربيهم هقولك من عيوني عشان بيجري فيهم دمك يا جلال فاهم
+
جلال بإيمائه رأسه ويردف بنبرة حانية: فاهم يا قلب جلال و روحه و دنيته كلها
+
🌑⚡🌑⚡🌑⚡🌑⚡🌑
+
..في مكتب مروان يجلس في مقابلته خالد ويردف بتساؤل : نور فين اتصلت عليها مش بترد وعرفت انها خرجت من شوية
+
مروان وهو يقف ليجلس علي الآريكة ليريح ظهره : خرجت مع جلال انت عارف عودة العشاق
+
خالد بإبتسامة حزينة : اه قالتلي انهم رجعوا لبعض ، صحيح عايز اشوف ضي انا انشغلت في حاجات مهمة ومعرفتش اشوفها
+
مروان وهو ينظر له : حاضر هتصل بيها اشوفها فين ونروح لها
+
خالد وهو يهم بالوقوف : طيب انا هطلع ارتاح شوية لما تعرف توصل ل ضي كلمني عشان اجهز
+
🌑⚡🌑⚡🌑⚡🌑⚡🌑
+
داخل مضيفة الحاج زين يجلس ضيوفه ومعهم أحمد و عادل و سليم الذي اصبحت عيونه شديدة الاحمرار من عصبيته وأخذ يضرب علي ارجله ليكتم غضبه من كلام ذلك الرجل المفلس
+
شاهر الجندي بإنكسار مصطنع : يرضيك يا حاج زين
+
حفيدك يبيع و يشتري في بنتي وهي حامل
لتوكزه زوجته
+
زين بإبتسامة تهكمية : لكن اللي اعرفة يا شاهر بيه ان بنتكم مش حامل وانها اتطلقت من سليم ، يعني القصة منتهية ولا ايه
+
شاهر بإعتراض : لا مش منتهية يا حاج زين ، صافي متمسكة بحياتها مع جوزها وبعدين دول بينهم سنين خطوبة و جواز وهي موافقة علي وجود بنت عمه دي في حياته ( ويقولها بإستهزاء)
+
سليم وقد ثار غضبه ليهتف بعصبية وصوت عالي : هي مين دي اللي بتتكلم عنها كده ، اللي بتتكلم عنها دي ضي الهواري فاهم يعني ايه وبنتك دي كانت غلطة عمري اللي بضرب نفسي ميت جذمه بسببها
4
زين بحدة وهو يضرب بعصاه الأرض بغضب ويوجه حديثه ل سليم : فاكرني كبرت اياك ، لما مقدرش اجيب حق اللي غلط في حفيدتي ابقي اتكلم و زعق يابن عادل
+
أحمد وهو يضغط علي كتف سليم ليجلس : اهدي يا بني مش كده
+
يجلس سليم متحفزا لينظر لجده بنظرة أسف وينظر نحو صافي و أهلها نظرة نارية تكاد تحرقهم لتهتف كاميليا بصوت يشوبه التوتر والخوف : احنا أسفين يا حاج ، هو شاهر خانه التعبير مش اكتر ، خلينا في موضوعنا بنتنا حقوقها فين دلوقتي
3
سليم بسخرية : اه قولوا كده ، ليه كل اللي خدته مني مش كفاية يا كاميليا هانم
+
كاميليا بصوت عالي وهي تقف لمواجهته : لا طبعا مش كفاية ، دول عشر سنين معاك صابرة علي كل حاجة ومستحملة اظن من حقها كتير وكتير اوي كمان
+
سليم بإبتسامة تهكمية وهو يسحب من دفتر الشيكات احد ورقاته ليعيطيها لها بإستعلاء : اكتبي تمن بنتك يا كاميليا هانم
+
صافي وهي تقاطعهم بصراخ مصطنع : بابي ، مامي انتو بتعملوا ايه عايزين ترخصوني كده ليه
6
سليم وهو يصفق بيده و بقهقات عالية : الممثلة العظيمة صافي حضرت ، اومال يا ناس معقول القاعدة دي و ميكونش ليها دور حرام صراحة
+
صافي بإنكسار مصطنع وتردف بنبرة معترضة : لا يا سليم انا فعلا متمسكة بيك وجدا انت اللي مش شايف
+
سليم بجدية : لا شايف يا صافي ، بس حرام عليكي نفسك يا بنت الحلال انا قلبي ملكها هي وتعبت وقلبي وجعني ولو رجعتي مش هقدر أعدل بينكم ، افهميني
+
لتفقد وعيها بين يديه وتكون ضي تهم بالدخول لمناداة سليم لتتابع حمله لها وهو يريحها علي الأريكة
+
كاميليا بصوت عالي : انتي يا شاطرة هاتي ميه بسرعة
+
سليم وهو يتابع نبضها ويلتفت : هاتي يا صفية اي حاجة نفوق....ضي
+
ضي بإيمائه رأسها وعيونها منكسرة مترقرقة بالدموع : حاضر يا دكتور
4
🌑⚡🌑⚡🌑⚡🌑⚡🌑
+
يتحرك عمار وهما متشابكي الأيد لداخل أحد المطاعم المطلة علي النيل ليردف بتساؤل بعد أن يجلسوا مقابل بعضهم : سنفورتي تفطر ايه
+
هنا بإبتسامة خجولة : اي حاجة ، المكان تحفة يا ع..لتجد فتاة تقف امامهم طويلة شعرها طويل بني اللون وبه بعض الخصل الشقراء وتضع مستحضرات تجميلية بغزارة لتردف بإبتسامة و دلال وهي تميل نحو عمار : حمد لله ع سلامتك يا باشمهندس
5
عمار وهو يبتلع ريقه بإرتباك خوفا من رد فعل مجنونته : اهلا يا مدام هاجر ، اعرفك خطيبتي هنا
+
هاجر بدهشة وهي تتظر نحو هنا سريعا وتعود لتركز أنظارها نحوه : بالسرعة دي معقولة
+
هنا بعبوس وهي تحرك أرجلها بتوتر وتردف بغيظ : عمار احنا مش هنفطر ولا عندك شغل مع المدام
+
عمار وهو ينظر نحو هنا : أسف يا قلبي ، بعد أذنك يا هاجر عايز اقعد مع خطيبتي علي انفراد
+
هاجر بإحراج وهي تنسحب : فرصة سعيدة يا عمار ، باي
+
عمار مستأذنا : هنا هدخل الحمام ثواني ، بعد أذنك يا حبي
+
ليتحرك سريعا نحو تلك التي جاءت لتخرب تلك اللحظة ليمسك معصمها قبل خروجها من المطعم ليسندها علي احد الحوائط وهو يدفعها بعنف : عايزة ايه يا هاجر
+
هاجر وهي تلمس وجنته ليدفعها بغضب : مش عايزة حاجة ، انت اللي جيت المكان اللي كنا بنتقابل فيه كأنك بتعرفني أن بقي في حياتك حد وأنك نسيتني بس اللي عملته دلوقتي بيثبت حاجة واحدة
+
عمار بسخرية : يا تري ايه الحاجة دي
+
هاجر بنظرة ثقة وثبات : أن قلبك لسه ملك هاجر وعامل الكتكوته دي خطيبتك عشان تثبت لنفسك أنك تقدر من بعدي ، بس بان في عيونك أنها محبتش غيري ( ترفع عيونها لتواجه هنا المتابعة للموقف تكتم فمها بدموع لتكمل ) حرام عليك تاخد البنت سلم عشان تنساني او عشان أغير عليك ، بس تعرف انا فعلا غرت
7
وقبل ان ينطق عمار كانت هنا تديره نحوها وهي تمسك ذراعه و ترفع يديها وتصفعه وتردف بإستنكار : شكرا يا باشمهندس علي العرض كان يجنن ..و تفر هاربه من المكان للخارج وتركب اول سيارة تقابلها وبعد وصلة بكاء ترفع هاتفها
+
هنا بدموع : زمردة
+
زمردة بقلق : في اي مالك يا هنا ، انتي فين
+
هنا ببكاء حاد : مش عارفة انا فين ، انا ركبت اول تاكسي مش عارفة اعمل حاجة
+
زمردة بهدوء : طيب أهدي ، اديني سواق التاكسي وانا اكلمه اقوله يجيبك عندي ..لتفعل ما قالت
+
ليتجه السائق نحو المستشفي التي تعمل بها زمردة
+
🌑⚡🌑⚡🌑⚡🌑⚡🌑
+
في غرفة هاشم كان المسعفين يقومون بنقله لسيارة الأسعاف وسط بكاء الفتيات وخوف البعض ليذهب خلفه معظم من بقصر الهواري
+
🌑⚡🌑⚡🌑⚡🌑⚡🌑
+
بالفندق كان خالد يتجه نحو الاستقبال ليقف مذهولا وهو يري صديقه بين يديه فتاة في العشرين تتدلل عليه بطريقة قذرة وهو يديه تتلمس جسدها بجراءة شديدة ليهتف بنبرة إشمئزاز لنفسه : طول عمرك قذر يا صلاح دي بنت قد عيالك يا شيخ ، كل السنين دي ولسه وساختك زي ما هي ، صحيح ديل الكلب عمره ما يتعدل
2
🌑⚡🌑⚡🌑⚡🌑⚡🌑
+
بغرفة ندي تدخل أمها بغضب عارم بعد أن علمت أنها استيقظت تسحبها من شعرها من علي الفراش وهي تضربها بكل ما اوتيت من هاتفه : ضيعتي نفسك يا مفضوحة ها اخرة مشيك مع بنت الداية ، هو ده يا بهيمة و ربي وما اعبد لأقتلك يا ندي الكلب
4
ندي تفقد الوعي لتدخل نوارة عليها تصرخ بأختها : حرام عليكي ، منك لله ، انتي أم كنتي فين بتحاكمي مين ، روحي حاكمي نفسك اللي بتجري علي الفلوس و الشوبنج والسفر يا بنت ابويا ..لتصرخ ب صفية لتساعدها
+
تمسك نوارة هاتفها تحاكي ماسة وتطلب منها الحضور
+
ماسة وهي تتحرك لخارج المستشفي تجد مراد أمامها
+
مراد وهو ينزع نظاراته الشمسية ويردف بثقة : حضري نفسك عشان ترجعي جحيمي يا ماسة لقيت المحلل يا حبيبتي كام يوم والحدوته تخلص وترجعي ل مراد حبيبك
+
لتتجاهل ماسة وجوده وتتحرك الي السيارة التي أرسلتها نوارة لتحضرها لقصر الهواري
ماسة وهي تحدث نفسها : ما هو انا مش هكون في الجحيم ده تاني يابن النجار
+
🌑⚡🌑⚡🌑⚡🌑⚡🌑
ستوب
نوارة هتعرف بخيانة جوزها ؟ هل كان فعلا علي علاقة بمرات اخوه ؟
علاقة يوسف و زمردة هيكون فيها تطور ولا هو هبل و خلاص ومتنسوش ساندي ستالايت ؟
شادية هتعمل ايه ؟
عمار و هنا 😢😢💔💔؟
ضي هتعمل ايه مع سليم رجعنا للصفر 💔؟
متنسوش التصويت والتعليقات يا حلوين ❤❤😘
+
الحادي والثلاثون من هنا
