رواية الشيطان اختي الفصل الثاني 2 بقلم انين الليل

رواية الشيطان اختي الفصل الثاني 2 بقلم انين الليل

الثاني

ايها المسافر رفقا بقلبي فانه قد شاخ قبل اوانه

وها انا باق بروح خاويه لا تعلم لها مصير

فمهلا ايها القادم مهلا لا تاتي بت اخاف حتى دموعي

حتى نفسي اخاف ان تخونني بعدما اعطتني الامان

/////////////////////////////////

صحت على أبو منتظر

:: مهدي افتح السيارة

وشلت هاي المره وهي غايبه عن الوعي ودخلتها للسيارة جانت ظلمه فتحت الكلوب الضوه مو هلكد

قوي اجه أبو منتظر يريد يحرك انا كتله

:: مهدي انزل وافتح ضوه الموبايل شوف إذا اكو شي ايخصها جيبه

نزل أبو منتظر وانا اباوع الها وهي غايبه عن الوعي اخذت معطر السياره ورشيت على ايدي وشممتها وضربت على

وجهه هي ونت ونفسها عالي اجه مهدي وجايب عبايه وجنطه أيد سوده وانطاهن إلي وحرك گلي

وين أبو نور

انا صافن ماجاوبته هو رجع سالني

أبو نور نوديها للشرطه

حسيت بايد ترجف تضغط على ايدي حيل من جبنه طاري الشرطه

كتله :: مهدي ودينا للبيت

اهنا اندار عليه وسالني مستغرب //يابيت استاذ

:: يابيت البيت الزغير

جاوبني مهدي //أبو نور خاف وراها مصيبه مسؤوليه توكع على راسنا والقانون يحاسبنا

انا اتكلمت بكل برود //هاي شنو مهدي خفت نسيت شنو احنا

ابو منتظر جاوبني //لا ما نسيت بس تدري اخاف عليك

حاجيته //أتوكل بالله ولاتخاف تصفى ابحدها

ومشت السيارة واحنا ساكتين بس احس بنفسها انتظم وانا احجي ويه نفسي

......شنو الي خلاج تطلعين بهالليل ابحدج وشلي صاير وتردين تنتحرين

بقيت ساكت قبل لأنوصل كلت المهدي

:: أبو منتظر هاك هاي المفاتيح ودخل السيارة للكراج وفهم الحرس ما الي خلك عود بأجر ارتاح واشوفهم

......صار وعلى امرك

وهنا اتصل جعفر انا كلت لأبو منتظر يوكف السيارة ورديت

:: ها بابا

الو بابا الله يساعدك

:: هلا يأبه هلا بيك

شنو اليوم ما راح تجي

:: لا بابا عندي شغل بلكت إذا أكدر بأجر امر الكم ليش صاير شي

- - لا حجي ما صاير أي شي بس لان اليوم أنت لا اتصلت لا بلغتنا

:: جعفر بابا مو اول مره دائما يصير عندي شغل شنو قابل اول مره هاي شبيكم

- - والله بابا ما بينا شي بس هاي ايه خطيه خلصتها بواچي من عرفت بست هيفاء اتوفت

انا نفخت باسف وحجيت :: الله يرحمها انا گلت النور بأجر تروح هي وياها للفاتحه وانا إذا يصير عندي

مجال هم اروح

جعفر جاوبني //أي يأبه بأجر اخذهن وأروح

:: جعفر بابا السايق ياخذهن وانا اروح بعد انت عليمن تجي

- - أو كي مثل ما تشوف يالله مع السلامة

:: مع السلامة ودير بالك على أخواتك وأخوك ايجوز أتأخر يومين تلاثه

- - صار أبو جعفر لا توصي حريص

وسديت التلفون وصلنا للبيت وأبو منتظر نزل وحجى ويه الحرس وراح فتح الكراج ودخلنه السيارة وبعدين فتح باب

الصاله انا حجيت ويا أبو منتظر :: تعال ساعدني خلي انزلها

ونزلناها ودخلناها للصاله نيمتها ع القنفه وأبو منتظر فتح الضوه

أبو منتظر كلي //ابو نور انا رايح بره رايد اسويلك شي

باوعتله :: روح للبيت مهدي أنت تعبت اليوم

- - - والله ولا اروح أبو نور انا بره

رديت علي //ليش تلح كتلك روح روح

هز راسه #ذ وانا حلفت ما اروح هسه لو تجيبلي كرين يشيلني هم ما اتزحزح من مكاني

اعرف بمهدي ما يروح لان يعرف بيه تعبان وحزين طلع وانا اقتربت اباوع الهاي الي جبتها منو هي وشنو وراها من سالفه

باوعتلها شفتها مره يجي عمرها أربعين سنه او اكثر اشوف وجهها شلون متعب وشفايفها بيض انا بالسيارة ما انتبهت الوجهه

يعني مره وبهذا العمر ليش تحاول الانتحار شلي مار بيها ؟

اباوع لابسه دشداشه سوده وعباية الرأس الي بالجنطه جانت متمددة وأشوف جواريبها شلون متمزقات يمكن من الطين

والحصو الي براك الشط رحت للغرفة جبت عطر وشممته الها هي انتبهت وفتحت عيونها چانت ترجف عبالك سعفه

انا كمت جبتلها كلاص ماي وأنطيته الها وهي بدون ما تحجي أخذته ودنته على حلكها وأيدها ترجف

باوعت الها وصعدت فوك نزلت الها جودليه ومخده وبطانيه ورحت يمها لكيتها شبه متمدده ومغمضه عيونها

اتقربت منها هي حست عليه انا كتلها

:: جاي تسمعيني يعني تفهمين كلامي

هي هزت راسها يعني اي

حاچيتها بدون ما اباوع الها وانا واكف :: روحي الذيج الغرفة ......اشرت بايدي ......نامي وارتاحي وبأجر نحجي

يمج حمام والثلاجه بيها اكل أكيد جوعانه انا أبقى بالصالة إذا تحتاجين شي

هي ما جاوبتني بس جانت شبه المصكوكه من المفاجآت الي مرت بيها ما جاوبتني وبس فاتحه عيونها

انا عندي بيتين بيتي الچبير الي بي أولادي اثنين وبناتي وأمي وزوجتي أم جعفر الله يرحمهن

بيتي بي ديوان براني وحديقه جبيره وصاله جبيره وصاله داخليه كلش كبيره ومطبخ واسع وغرفتين جوه

وحده مكتب الي والثاني

غرفتي انا وزوجتي نهايه

والطابق الفوك خمس غرف وصاله ومخزن جعفر ونائل كل واحد غرفه ونور ايه بغرفه وغرفتين اذا يجن اخواتي

وجهالهن

الحديقة كبيره وكراج يتسع السيارتين وغرفه للحرس

بيتنا ادايما يجن اخواتي واقاربنا خوالي واولادهم وبناتهم وعماتي الي هنه يصيرن بنات عم ابوي كانو يجون للبيت

وسط ترحيب امي بيهم وفرحها من تشوف اخواتي ملتمات حواليه

لكن من توفت أمي وبعدها أم جعفر صارن بس اخواتي يجن كل شهر عدا سكينه دائما تجي تشوف احتياجات البنات كانت

اقرب وحده النه لان سمر من يوم الي تزوجت فريد صار فتور بيناتنا لكن هذا الشي ما ابينه امام زوجها

ودلال الي تزوجت ابن خالي والي دائما يشكيلي من عصبيتها لكن بطبيعة الحال هيه طيبه

اما بيتي الثاني اشتريته من خطبت هيفاء اثثته وسكنا انا وهي بي محد يعرف بزواجي بس أمي وسكينه اختي

لكن هيفاء كلتلي انو نهايه أجت للبيت وهددتها وحتى ضربتها تدرون يمته كلتلي وره ما اتوفت نهايه بخمس

سنين او قبل وفاة هيفاءبشهر هي ما رادت تضوجني ااه ياهيفاء حتى ضمت مرضها جانت تريد تعيش كل لحظه وياي

بعد ما شفت المره دخلت للغرفه انا صعدت الغرفتي انا وهيفاء وانا احس بروحها تراقبني وأحس بإنفاسهابالمكان

رحت كعدت بالكاع على الزوليه وانتجيت ع الجربايه الي يمها المصلايه والسبحة اتذكر شلون جانت تصلي وتدعي

كمت دخلت للحمام سبحت واتوضيت وصليت الوحشه وصرت ابچي بصوت مسموع

بعدين لزمت القران وظليت اقرأ هدأت نفسي وانا يتراوالي هيفا جاي تباوعلي وتبتسم

احجي وياها //هيفاء حبيبتي هنت عليج تعوفيني

اتذكرت هاي المره وجنطتها الي بالسيارة رحت نزلت جان البيت هدوء وطلعت بره للكراج وأخذت الجنطه

وصعدتها فوك كعدت وفتحت الجنطه لكيت جنسيه وشهادة الجنسية ولكيت مبلغ 125الف وخرده بسيطه ومبايل

فتحته بعدين سديته وأخذت الجنطه وطلعت خليتها بالسياره وخابرت أبو منتظر جاوبني والنعاس مبين علي يمكن

جان نايم اجه كتله

:: مهدي أخذ السيارة وين لكيناها للمره رجع الجنطه النفس المكان

جاوبني باستغراب //هسه أستاذ

:: أي هسه ومن تكمل أخذ السيارة وروح البيتكم نام وارتاح والصبح اخذها للغسل لان تدري هواي صار بيها طين

- - صار أبو نور بعد محتاج شي

:: لا وصيت الولد ؟

- - أي وصيتهم

:: زين كل المهند الصبح يجيب صمون حار وكيمر من نجاة

- - صار أبو نور تصبح على خير

:: وانت من اهل الخير

وراح أبو منتظر وانا دخلت للبيت صعدت فوك الغرفتي وبقيت متمدد افكر بهاي الي جوه منو وليش هيج سووت

يمكن غفيت شويه كعدت على صوت اذان الفجر توضيت وصليت قريب الساعة خمسه الفجر اتصلت عليه اختي

سكينه انا رديت

صباح الخير اعرف هيج وكت ما تنام

انا بتعب :: هلا أم احمد

- - هلا بيك ضياء البقية بحياتك ما اعرف شكول بعد هذا امر الله

جريت حسره :: والنعم بالله

اليوم تجي للفاتحه

:: أي بعد شويه واجي

شد حيلك أبو جعفر

:: الحمد لله على كل حال

خويه وداعتك حاسه بنار گلبك ...وحسيت تريد تبجي...بعد أنت ما قصرت

انا جاوبتها والعبره متكسره بداخلي :: لا سكينه قصرت وقصرت وانتي چان لازم تكليلي مو تخليني مثل الغبي

ما اعرف شكو

سكينه بصوت مكسر //وداعتك ضياء وروح أمي هي حلفتني بيك وبامي ما أكول

جاوبتها بعتب :: بس يا سكينه انا مقهور وضميري يانبني يعني مرتي وعايشه وياي وماعرفت بيها مريضه الا

قبل اسبوع من وفاتها

- - أي هي هيفاء گالت اعرف ما مني رجا وضياء يتأذى ويحاول يسوي المستحيل واعرف بعد ماكو فايده ......

وصارت اختي تبجي وهي تكلي...

- - ضياء بعمري ما شفت حب مثل حب هيفاء ولا وفاء مثل وفائها وصبرها

رديت بعصبيه :: أي سكينه كله من ابوج الله لا ......استغفر الله ......

- - ضياء يا عمري إلصار صار بعد ما ينفع العتب

:: سكينه بس لو اعرف ليش أبوي هلكد يكرهني ليش حطمني وحرمني من اجمل سنين حياتي ويه الأحبها

- - مو هو مو منه أبو جعفر من هاي الحيه مرته

:: من مرته منه انا ما اسامحه

سكينه // يا ما تسامحه لعد بناته منو كايم بيهن وبمصرفهن

:: مي خالف ذني ضلع قاصر وهنه بكل الاحوال ما الهن ذنب

قاطعتني سكينه // ضياء أبو گلب الطيب ربي يخليك ويصبر گلبك انا شويه بعد وأروح للفاتحه

:: أي روحي وانا هم أجي

سكينه هي اقرب وحده الي من اخواتي يمكن لان بيناتنا فرق قليل بالعمر أو لان هي كملت دراسه وما اتزوجت من وكت

أو يجوز لان تدري بعلاقتي بهيفاء وزواجي منها

هيفاء الي حلفت سكينه ما تكلي على مرضها على مود ما انقهر لو أتضايق شكد جان يهمها تشوفني مرتاح وسعيد

رغم خجلها بس كانت تحبني وتموت عليه ومستعده أي شي تسوي على مود ترضيني

هيفاء عمرها ما طلبت مني شي ولا لحت كان كل همها تعيش وياي لو يوم واحد ما يهمها بيت ولا منصب

ولا سياره ولا فلوس تريد بس حضني وأنفاسي وكانت تريد بس تسمع صوتي

ماكلفتني شي حتى من اخذتها بايدي لطبيبه النسائية تتمنى طفل مني والطبيبة كالت الها

ما يصير لان اتزوجتي متأخره هي ما زعلت رغم انا ضجت عليها من وصلت صارت تضحك وتسولف وتكلي

- — أصلا شلي بالطفل احسن تصير تغار منه وأنت تشوفني ادللا وابوسه مو صرت تغار من ليث ابن

المرحومة خطيه لمن تروح يالله يجي وانا مربيته

وانا اعرف هي بداخلها متاذيه بس هي هاي هيفاء الحنونة الي أبوي حرمني منها واجه يتشفى بيه وخلاني أخذ نهايه

بت خالي والي عمري ما حسيت ولا حسستها بالحب أبوي الي من سمع اريد اخطب هيفاء راح الأبوها وكله لا يزوجها

الي ماراح تعيش سعيده. راح تتعذب وأبوها رفضني هذا الشئ عرفته بعدين من أبوي

أتوفى جدي وره ما اتزوجت نهايه بست اشهر وانا سويتله الفاتحه واجو هواي ناس من طرفي ومن يجون

المعزين انا الاكيهم واعرفهم بخوالي لمن ما ابوي أخذ خالي على صفحه وگله

تقبل عايش ابن أختك من تجي الناس من طرفه يعرفكم عليهم وانا ولا چني أبو

خالي گله /لطيف ما آلك حق تعتب على ضياء الي ما عرفت عنه شي وتركته

أبوي //عايش شبيك هاي عود أنت صديقي وأنت ادرى بظروفي

عايش //صحيح أنت صديقي بس ضياء ابن اختي وأنت ظلمته وظلمت امه الي هي اختي وظلمت بناتك

أبوي //اهو لو ادري ما محاجيك

كان عندي نور وجعفر لمن ما اتصلو عليه بالمكتب رفعت التلفون سمعت صوت ابنيه تتكلم بهدوء وخوف

الو ضياء

:: اي نعم منو وياي

اني اني حنان

:: العفو منو حنان

اني حنان اختك

اتفاجئت وحمحمت :: هاا اي وشرايده

حسيت بكلامها تريد تبجي //ضياء بابا اتخربط ونقلنا للمستشفى وگلت اخبرك على مود تجي للمستشفى

جاوبتها بامتعاض :... حنان اني هسه مشغول ان شالله من افضى امر

وسديت التلفون وانا متضايق وما اعرف شنو السبب بيومها سكينه اتصلت

الو ضياء

:: هلا سكينه اشلونج يابه

الحمد لله أكلك ضياء أبوي بالمستشفى

:... توها خابرتني حنان

أي ضياء وانت

:: انا انا شنو

سكينه بدون نفس /بكيفك ضياء الي تشوفه انا كلت أكلك انا هسه يمه بالمستشفى

ما جاوبتها سديت التلفون نسيت أكلكم كان ارضي بعد ما داخله الموبايلات بقيت بالمكتب ما طلعت ولهيت نفسي بالشغل

واناا مو يم الشغل لمن ما اتصلت عليه نهايه

الو ضياء

انا بدون نفس :: ها نهايه خيير شكو ليش متصله

نهايه //على كيفك عيني هاي عمتي تكول خلي ضياء يجيني بسرعه

انا بتساؤل :: نهايه أمي شبيها كليلي

والله ما بيها كول شي هاي كاعده يمي ......اسمعها تكول ......مابيه شي يمه رايدتك

نهايه//ها سمعت عمتي ما بيها شي

ركبت سيارتي واجيت للبيت وصلت ودخلت للصاله لكيت أمي تصلي كعدت يمها من كملت بست رأسها

:: ها يمه خير بيج شي قلقتيني

امي//لا يروحي مابيه شي الله يساعدك يمه

:: هلا يووم سلامات ظل بالي

وكفت أمي وراحت للغرفة وانا رحت وراها كعدت على جربايتها والسبحة بيدها باوعتلي وكالت

—- يمه ضاوي رووح لابوك للمستشفى

جريت حسره وباوعت الها :: أنتي تكولين روح الابوك ليش انا شنو اتذكر منه

هزت راسها // ادري بيك بس هذا ابوك يابني

انا جاوبتها :... تدرين ساعات أنسى هو عدل وأكثر أصدقائي عبالهم متوفي

امي كلتلي //مي خالف يبقى ابوك ضياء يمه روحله الخاطري

انا من شفتها شفت كسره وخوف وكوه حابسه دموعها

انا اقتربت منها وبست أيدها وكلتلها //اتامرين امر هسه رايح

وفعلا رحت دخلت للمستشفى وصلت للغرفة الي هو بيها قبل ما ادخل شفت سكينه تحجي ويه الطبيب

بمجرد ماشافتني أجت تمشي احس بيها فرحت بيه وعرفتني بالطبيب وانا سالت عن حالة أبوي الدكتور كلي

- - استاذ الوالد عنده جلطه وان شالله تعدي انتو ادعوله

اتنفست وهزيت راسي ورحت يم أبوي وشفته نايم ويمه زوجته گاعده انا سلمت زوجته ردت وهي كاعده بس جان

اكو بنيه يجي عمرها 12 سنه أتقربت عليه وهي تكلي

- - اشلونك ضياء ...وباستني بخدي...انا باوعت السكينه الي كالت

- - ضياء هاي ...الهام ...اختنا الزغيره

انا باوعت الها جانت حلوه وهادئة ابتسمت بوجها وهي هم ابتسمتلي ابراءه حبيتها

أبوي فتح عيونه شافني يم راسه هو باوعلي شفايفه صارن يرجفن وطاحن دموعه

مرته كالتله //لطيف لا تبجي ان شالله تكوم بالسلامة

انا واكف واباوع اله ذاك ابوي القوي هيج مكسور ودمعته على خده كتله

:: سلامات ما بيك الا العافيه

انتبه الكلامي وصار يبجي ودموعه يكتن اقتربت وأخذت كلنسه ومسحت خده قربت أيدي اله وصلت يم حلكه

حسيت بي هو بأسها انا باوعتله وأتساءلت بعيوني هو كلي بصوت متعب ويرجف

ضياء سامحني بابا انا ظلمتك وظلمت أمك وأخواتك

انا جاوبته :: ارتاح لا تعب نفسك

هو باوع السكينه وگوه يحجي //روحي بابا اريد اشوف أمج وأخواتج

سكينه باوعتلي وطلعت من الغرفة انا لحكتها هي كلتلي

- - ضياء أبوي مو زين الأطباء ما طمنوني وهو يريد أمي واخواتي

انا جريت نفس وعضيت على شفايفي :: روحي كلي الأمي والبنات بكيفهن

وراحت سكينه هي وزوجها وراحت تجيب أمي واخواتي انا رجعت للغرفة زوجته طلعت وهي تكلي

- - خاله ابو نور ابوك يريدك ابحده

تدرون اول مره تحجي وياي واسمع صوتها مرت ابوي الي سوت كل شي على مود بس تبعده عنه

اجيت كعدت يمه وهو يباوعلي ويگلي //بابا ضياء سامحني

ابتسمت بهدوء :: حجي مابيك الا العافيه شنو هالحجي

هو يبچي ويگول //ضياء عذبتك هواي وحقدت عليك تدري من يمته من لويت أيدي تمنيت اموتك أو ياريت تكون

ما صرت جنت أتمنى اعذبك بس أنت عذبتني اكثر

انا بعتب وبهدوء :: انا بيش عذبتك

اتنفس بعمق // عذبتني من ما سمعتني كلمة بابا ولا سمعتها منك ومن نجحت بحياتك وشفت شلون بفاتحة

جدك شلون اجو الناس وانت ما قدمتني الهم وحتى من اتزوجت ما دزيت عليه

هزيت راسي :: أي بس أنت ما عذبتني أنت كل ما بالأمر عفتنا وما سألت عنا

صار نفسه قوي //لا ياضاوي عذبتك واذيتك ......وصار ينحب حيل ...

:: كافي حجي كافي مو زين عليك هسه تكوم على حيلك

ابوي گلي //لا ياضياء بعد ما منها انا مو صاحبكم بهالدنيا

انا بصراحه انكسر خاطري اهنأ أجت أمي وأختي سمره وصلت سمره باسته وكالت //بابا الحمد لله على سلامتك

هو باوع وشاف أمي كلها //هلا أم ضياء شلونج

أمي كالتله بقوه //شنو هاي لطيف تبجي أفه عليك هسه تكوم البيتك وبناتك كلنا محتاجينك لاتبجي

أبو البيت وعموده

اتعجبت واتفاجات أمي هيج تحجي أبوي كلها // حولليني ليلى حولليني

هي سكتت وكالتله //شد حيلك لطيف النومه مو آلك

بهاي الأثناء أجت مرته وسلمت على أمي والهام هم سلمت عليها أبواشر السكينه جانت واكفه يمه اتقربت هو شاورها

كلتلهم // اطلعو خلو بس ضياء يمه وامي

وفعلا سكينه طلعتهم وبقيت انا وامي باوعلي وكلي

- - - ضياء بابا انا ظلمتك وما عاتب عليك لان ما تكلي بابا بالعكس أنت من تعرف شنو سويت حتى تكره اللحظة

الي صرت بيها ابوك

انا جاوبته. :: حجي لا تحجي ارتاح

اوي يبلع بريگه //ارتاح اني من احجي ناسي هاي اول مره احنا ابحدنا وانا احجي وياك حتى ما أصيح

انا گتله :: حجي شتريد تكول إذا عليه انا مسامحك أنت ما سويتلي شي

- - لا بابا سويتلك وسويتلك هواي

:: شسويت لا تحجي انت زين وهسه تتعافى وتكوم على حيلك

صار يبجي ونفسه امي حچت // لطيف لا تاذي نفسك كافي

جاوبها //لا ليلى عذبتج وعذبت ابني وعفتكم عبالك انتي وابنج الي موتو ابني الي صار عمره يومين

حقدت عليكم ما اعرف ليش

امي //مي خالف ابو ضياء احنا والله ما زعلانين عليك هم الله يساعدك عندك بنات وحملك ثگيل

بصراحه تعجبت من كلام امي امي الي عذبها واذاها رغم الي سووا بيها بس ما عاتبته

ابوي باوع الامي //ليلى ابريني الذمه

امي //عمرك طويل لا تحجي هيج شنو ابنادم ما يتمرض متعجب

ابوي //ليلى تدرين بيه احبج ودوم احاسب نفسي واگول اجي اتسامح منج لكن فجاه اكرهج واصير

ما اشوفج كدامي مره عبالك عدو

امي //ابو ضياء اذكر الله لا تحجي الفات مات

ابوي //يعني سامحتيني

امي سكتت وبعدين كالت //الله يسامحنا كلنا

ابوي //ليلى خليني بس انا وضياء

طلعت امي ابوي باوعلي //ضياء يابه سامحني خليني اقابل ربي وانا مرتاح وانت مسامحني

:: حجي عمرك طويل شنو شمسويلي الحمد لله عشنا وصرنا وصدگني ما زعلانين عليك يجوز عدنا عتب وياك

ابوي //صحيح والفخر الامك وخوالك بس لازم تعرف حتى لو ما تسامحني المهم تعرف

:: حجي شعرف

ابوي // انا بابا انا الي رحت لأبو محمد وكتله لا تزوج هيفاء الضياء انا الي موتت فرحتك كبل لا تنولد

وخليتك حزين انا الي حرمتك من حلمك انا ......

بعد الي سمعته ما خليته يكمل قاطعته وانا ارجف واحجي بعصبيه

:: أنت شنو يعني أنت الي ما خليت الرجال يقبل يزوجني بنته ليش يابه يعني انت الي حطمتني

وحطمت حلمي

ابوي يبلع ريگه //. سامحني

جاوبته بعصبيه :: شسامح كلي شسامح انت موتتني ياريتك ذاك الوكت رميتني ولا خليتني هيج اتعذب

ومعذب البنية وياي تدري الهسه ما متزوجه منتظرتني تكلي للموت ما اعوفك تدري لو لا ليش حرام

عليك وهسه تريدني أسامحك

صرت الهث عبالك جنت اركض كوه اجر النفس طلعت الكل من شافوني عبالهم مات راحو بسرعه

علي بس امي بقت وسألتني

- - شبيك يمه ضياء ابوك شگلك

انا جاوبتها بعصبيه //ما بيه شي بس تعبان وأريد ارجع للبيت تبقين لو ترجعين

امي //لا يمه اروح وياك

واجت سكينه وزوجها نادر دكتور اختصاصه كلى سكينه گالت

- - ضياء تره أبوي وضعه مو تمام

أمي //ماما سكينه اخوج اجه بوجهه حتى ما غير ملابسه يروح يرتاح ويرجع وانا تعبت ما اكدر أبقى اهنأ

سكينه //أي مي خالف روحو احنا باقيين يمه

ولزمتني سكينه وكالت

- - - ضياء اعرف معاناتك بس كدام الناس أنت ابنه الوحيد لازم تكون موجود

انا اتحسرت وكتلها //بس أوصل للبيت أغير ملابسي وارجع

ورحت طول الدرب واحنا ساكتين وانا اعض اصبعي السبابه وصلنه أخذت حمام وغيرت ملابسي أمي گالت

- - روح يمه روح گدام الناس الله يكون بعونك

امي بقت وصلت لكيت اخواتي رايحات بس سكينه وزوجته وأخوها الي هو ابن عم أبوي انا كتلهم

:: روحو ارتاحو انا باقي

سكينه كالت أبقى بالمستشفى وزوجته كالت //ابقى يمه

رجل سكينه گلها //روحي گعدتج اهنا ما منها فائده احنا يمه باقيين

هي ما قبلت تروح بس انا خزرتها هي راحت وره شويه اجت دلال لان جانت بالزياره جابها رجلها هي

دخلت على ابوي وطلعت اجت باستني وبجت كالت

- - ضاوي يابعد روحي انت ابونا والله لو ما العيب ما اجيت

انا ما جاوبتها بس بست راسها ودخلت يمه شفته نايم ما اعرف احس بروحي مقهور على مهضوم على محطم

احجي ويه نفسي :: ليش سويت هذا الشئ شنو السبب بشنو اذيتك بشنو كلفتك وهالشكل عذبتني

بقيت اباوعله والأطباء ياداخلين يا طالعين الصبح الساعة 7 كعد نفسه عالي اجه الطبيب فحصه كله

- - حجي شلونك

هو كوه يحجي // الله يسلمك

- - الله يخليك شد حيلك الدكتوره وابنك تعبو

هو انتبه كال // وين ابني

الطبيب بحركه لا اراديه لزم أيدي وخلاها بايده وهو يكله

- - هذا حجي من البارحة وهو يمك ولا نام ادعيله الله يوفقه

أبوي لزم أيدي حيل وحاول يدنيها يريد يبوسها أجت سكينه وزوجته وإخوانها وهو لازم أيدي ويباوع شفت

اخواتي البنات اجن انا ما شايفهن ادنن يمه وظلن يبوسن بي هو گلي بصوت متقطع ويبجي

- - ضياء راح يصير حملك ثگيل أخواتك أمانتك ......وشهك ...

- - ظلمتك وانت زغير وشيلتك حمل وانت جبير

اجه اخو زوجته وكله // أبو ضياء ارتاح ما بيك شي

هو ما انتبه بس نفسه كلش علا سكينه كالت الواحد صيح الطبيب وانا اقتربت منه لان هو صار يگول

ضياء ضياء بصوت متقطع

اقتربت منه كتله

:: ها يأبه

انا بست رأسه حسيت بي فرح ما اعرف احساس هولازم أيدي حيل دناها وبأسها وسكت

عرفت أبوي مات أبوي الي ما عرفته والي تركني بأصعب لحظات حياتي مات وهو يبوس بايدي توفه وايدي بايده

وشفايفه على أيدي

صارت سكينه تبجي وأجن اخواتي البنات بعدهن ازغار صارن يصرخن حيل انا غمضت عيون أبوي وأجيت يمهن

حضنتهن الصراحه الموقف مؤذي حيل وهنه حاضناتني ويعيطن ويكللي

ضياء نريد بابا

بعدها سوينا الفاتحه ابيتي لان ابنه الجبير اجت مرته واخواتي وشفت أمي شلون حزنت علي وشلون تبجي وزوجته والبنات

من كملنه يوم الثالث وقبل لا تروح انا خابرت اخوها واجه كتلها گدام اخوها

:: خاله لا تهمين بشي واي شي تحتاجي تكليلي علي لان انتي والبنات هسه مسؤليتي وانتن

......اجيت يم البنات اخواتي وحضنتهن ...... :: هذا بيتجن بيت اخوجن بيتجن يمته ما يعجبجن تجن وتكعدن

وشنو تحتاجن تكولن بدون مستحى

هنه صارن يبوسن بيه خصوصا الهام اما امهن ظلت تبجي حسيت بچيها ندم وهيه رافعه ايدها بالدعاء وتكول

الله يطول عمرك ويخليك خيمه فوك راسهن

وراحو بعدها سوينا السابعه وره اسبوعين من وفاة ابوي اجه ااخو زوجة ابوي وگال على محل أبوي وانو احنه

النه بي لان هو باسم ابوي انا كان ردي

:: لا المحل يبقى مثل ماهو يندار باسم البنات تلاثتهن اما حق اخواتي الكبار اني ادفعه

ورحت يم أمي شفتها شكد حزينه معقوله تحبه رغم كل الي سووا بيها كعدت يمها وهي كلتلي

- - عفيه بابني ما خيبت ظني رفعت راسي ما خليت الناس تگول ليلى ما عرفت تربي

انا جريت حسره وسالتها. :: يووم تحبينه ؟

هي صفنت وباوعتلي باستغراب رديت عدت عليها

:: تحبينه رغم كل الي سوا

هي جاوبتني //چنت احبه وعاندت امي لان كلتلي يعذبج وانا اصريت علي وجدك اقصد ابوي چان يحبه

بس ياضياء من راد يرميك كرهته بگد ما حبيته وحقدت علي ولا عديته رجل الي ومن عافنا وأخذ البيت

كرهته بالزايد

انا جاوبتها. :: لعد ليش تبجين وعمري ما شفتج حزينه مثل هسه

امي//والله يمه ابجي علي وانا اشوفه شلون حس بذنبه

::أنت بريتي ذمه مو

هي صفنت وجرت حسره انا سالتها

:: ها يووم اشو صفنتي كليلي

ضاوي چنك زعلان عليه

::لا يوم بس سألتج جاوبيني

يمه هذا شي بيني ما بين الله

هزيت راسي ::أي اعرف

امي سالتني//وانت يمه

رديت بحزم :: اني اني شنو

- - بريت ابوك الذمة

انا حطيت أيدي على ركبتي وكتلها

:: يوم تدرين أبوي طعني طعنة خاين

أمي فزت وكالت // ياستار ليش هيج تكول

انا ما اتحملت حضنت أمي وبچيت لان جنت محتاج ابجي وكتلها

:: أي يووم أبوي موتني كتلني تدرين بي هو الي راح لأبو هيفاء وكايله لا تزوج بتك الابني انا ما اضمنه

تعرفين شنو اب هيج يسوي بابنه تعرفين اب هالشكل يحجي على ابنه يعني شنو

أمي بقت حاضنتني وساكته وهي تكول //حسبي الله ونعم الوكيل

انتبهت على صوت الموبايل يتصل عرفت هذا مهند

::ها

أستاذ هذا الريوك

:: أي هسه افتح الباب

ورحت فتحت الباب مهند كلي

صبحكم الله بالخير

:: صبحك الله بالخير

اتفضل أستاذ تأمرني بشي ثاني

هزيت راسي :: لا شكرا اگلك جبتلكم ريوك

ابتسم // أي أستاذ جبنه كثر الله خيرك

وأخذت الكيمر والصمون ورحت للمطبخ وسويت جاي كعدت أكلت شويه وشربت جاي وصعدت الغرفتي

الثالث من هنا

تعديل المقال