رواية امرأة في الاربعين الفصل الثالث عشر 13 بقلم نورا الرماحي

رواية امرأة في الاربعين الفصل الثالث عشر 13 بقلم نورا الرماحي

بارت13

الاهتمام والاحترام ...

سر الحب الذي لا يموت ..

اذا أردت الحب ...،

ف تعلم الاهتمام ... اولآ

سلامأ...

لأول نظرة بينا...

لأول حديث بينا...

لأول مساء الخير..

لأول اغنية اهديتني اياها..

لأول ضحكة عفوية جعلت الورد ينحني خجلا

لعينيك الجميلتين اللتين يطل منهما خامس الفصول واجمل الحقول...

لأول كلمة حب بيننا نطقناها...

لأول طريق مشيناه سوية...

لأول قبلة...

لأول ساعة جمعتنا مع بعض...

.

.

.

هلو حبيايبي... بارت لعيونكم اليوم وانتظرونى الجمعة مساءا ببارت... احبكم

.

.

.

وصلنا لكركوك الظهر ب١ ساعدت بيبي و نزلتها وجان عمو بانتظارنابسيارته

نزل ياسين غراضنا طبعا غراضي يرادلها سيارة وباقي غراضي اهلي يجيبوها من يجوني اني وبيبي ويسو صعدنا بتكسي

وبسيارةعمو صعدوا خالة وزمن وحمودي لان ماتكفينا سيارة وحدة...

وصلنا لبيت عمو نزلنا ودخلنا جوة بعتبة الباب الجوة خالة كامت تهلهل من حطيت رجلي بعتبتهم...

جان الجو حار كعدنا جابولنا ماي شربنا وراه كومتنا خالة لغرفةنرتاح بيها اني وبيبي يسو ماشفته راح مااعرف وين

طلعت هدوم الي وطلبت من زمن توديني للحمام اسبح واخذتنى ..

سبحت طلعت رحت يم بيبي وسمعت صوت يسو يكلم خالة بالمطبخ...

رحت اني للغرفةيم بيبي لكيتها تصلي واني هم طلعت سجادةصلاتى والربطة وكعدت اصلي بصف بيبي من كملنا سمعنا صوت خالةتكوللنا... تقبل الله

ردينا اني وبيبي... مناومنكم..

كالت... كومن الغدةجاهز عمة وانتي هيومة يلة يوم تعالي ولزمت خالةايدبيبي وكومتها وكمنا نتمشي للهول..

لكيت فارشين سفرة تشرح النفس كباب على تكة على ظلوع وسمجةجبيرة مسكوفةوطرشي وخضرة ولبن وبيبسي مبين الاكل جاهزجايبه يسو.

كعدت بصف بيبي اجي ياسين هم كعد بصفي الثانى ..

وكمنا ناكل بس اني حيل مستحية كوة اكل ويسو يجيب ويحط كدامي اني وبيبي .

ورة ماكملنا كمت اساعدهم نلم السفرة خالةماقبلت ابد كالت روحي غسلي ايدج وكعدي..

رحنا اني وبيبي نغسل ايدينا غسلت بيبي وراحت تكعديم عمو..

وكفت اغسل اجي يسو وكف يمي وشاورني انتى مااكلتى تعاي نكعد سوة وناكل...

اني.. لاحمدلله شبعت

باوعلي بعيونه وهوعاقج حواجبه

اني... والله شبعت صدكني.

يسو... ماشي موهسةبعدين اوكلج بيدي

ابتسمتله ورحت يم بيبي كعدت جابوا الچاي شربنا وبعدين عمو كال لبيبي... حجية روحوا ارتاحوا تعبتوا اليوم من الطريق.

بيبي... اي والله ياابني تعبت من رخصتكم كمت وية بيبي ورحناللغرفة وسديت الباب و اتمددنا بس حطت بيبي راسها نامت..

اما اني ظليت اتكلب بمكانى باوعت للساعة ب٣اذكرت بابا هسةيرجع من الدوام ومايلكانى طفرت دمعة والثانية من عيونى

وكمت ابجي بابا حيل عزيز عندي حنين علينا مثل بيبي وراح اشتاقله حيييل.

وراه غفيت ماحسيت على نفسي ودموعي على خدي.

كعدت لكيتنى وحدى بالغرفة وبيبي ماكو..

كمت رحت غسلت وجهي وسمعت صوت بيبي وخالة وعمو بالحديقة كاعدين..

شافتنى زمن كالت صح النوم عروستنا انتي وخطيبج خليكم بس نايمين عفيةنوم ههههههه تعاي للحديقة نشرب چاي.

والله رحنا كعدنا جابولنا چاي وكيك وكعك ابوالسمسم وكعدنا حديقتهم حلوة كلش ومرتبة مثل مال بيت اهلي ومرجوحة بيها من كملنا چاي شلت استكانات ويةزمن اخذناها للمطبخ ...

كالت زمن...ماتروحين تكعدين خطيبج كافي نوم

اني جاوبتها بخجل منها... لا هسةهويكعد خليه تعبان.

بهل لحظة دخلت خالة سمعتنى كالت.. روحي كعديه هو رجلج بعد ليش تستحين يوم خلي يكوم يشرب چاي..

كتلها...ماشي بيا غرفة هو؟

كالت زمن... تعاي اشوفج. صعدنا دلتنى على غرفته رحت فتحت الباب وزمن نزلت دخلت شفته نايم ولابس دشداشة ...

رحت هزيته بيدي من كتفه على الخفيف كتله بهمس... يسو... ياسين... اكعدحبيبي... راح يصير المغرب.

ماكعد كمت اهز اقوى شوي حطيت ايدي على وجهه واكعد بيه واتلمس خده فجأة لزم ايدي وسحبني ونومني عليه وبعدين كلبني على الجربايةوصار فوكاية بحركات سريعة خطف.

قرب وجهه من وجهي وكال بهمس... احلى كعدة بحياتى تكعدني بيها حبيبتى ومرتى وام جهالي

طبعا اني مصدومة بحركته السريعة هاي ولسانى انربط عبالك

كوة طلع صوتى كتله واني ادفع بيه.. اوي وخر يسو عيب لحديشوفنا وشنو هلجنون وخر حباب.

يسو وهو يقرب وجهه من وجهي يريد يبوسنى وعينه بعيني...

كال... اي مجنون بحبج.

راد يحط شفايفه على شفايفي حلفته بالله يوخر عني وخر وكعد على طرف الجرباية.

وكال... شبيج حبي ليش خايفة مني يعني متثقين بية...

اني.. لاحبيبي اثق بيك بس عيب من اهلك لاتخجلني كدامهم. احبك وبوسته بخده

التفت عليه وكال... اموت عليج

اني... اسم الله بعدالشر كوم يلة خلي ننزل

كال... انزلي واني الحكج.

كمت نزلت ورة ٥دقائق نزل هو... اني جنت كاعدة يم بيبي..

عاد خالة حجت وياي.... عمي وياسين مايسمعونا كالت راح اخذج هيام للصالون ميشي شعرج

اني...لاخالة فدوةلكلبج مااحب الميش

خالة...لعد سويه پرمنات يطلع يخبل عليج.

اني... ماعرف خلي اسأل ياسين...

خالة... اني راح اكوله التفتت لياسين وكالت.. ياسين يوم تقبل هيو تسوي شعرها پرمنات.

يسو باستغراب.. شنو پرمنات؟

خالة... ههههه يعني ملفلف ناعم مثل شعر سمر موسوته..

يسو وهو يضحك... على بختج يوم ليش تريدين تخربين شعرمرتي اني عاجبني سرح وعلى لونه الاسود لا اصباغ ولاهم يحزنون. هواني سمر ظليت اشكد اقلد عليها ام شعر سيم مواعين من كل عقلجن تسون هلشغلات بشعرجن والتفتلي...

اني... لا اني مااحبه لاهو ولا الميش.

يسوكدام خالةوعمو وبيبي وزمن وهو فاتح حلكه ويسوي نفسه زعلان... هو منو لج

اني وبخجل... قصدي الميش والله

يسو.... عبالي اني

الكل كام يضحك واني بنص هدومي منه عاد كال...اذابيج حيل كومي نروح للسوك عاجبني اخذلج شغلات منا هم

باوعت لبيبي... فهمتنى بيبي عود اشوفها موافقة... كالت بيبي... كومي بيبي اذاماتعبانة روحي للسوك وياه.

اني... لاماتعبانة

يسو... لعدكومي وياية..

اني...ماشي اروح ابدل لعد...

كمنا سوة هو صعد واني رحت للغرفة غرفتنا جوة اني وبيبي...

بدلت وطلعت لكيته ينتظرني بباب المطبخ الي يطلع للكراج... سلمت على اهله وبيبي..

كال يلة تعاي صعدي... فتحلي الباب وصعدت واندار هو هم راح صعد...

صعدنا السيارة مال ابوه وفتحلي اغاني هيثم...

وطلعنا كام يسوق بيد يسوق وبيد سحب ايدي ولزمها كمت اضحك كتله.... يسو حبيبي كافي فدوة ورمت ايدي من الصبح من كدمافركت بيه وهسة تريد هم تورمه الي... شال ايدي وقربه لشفايفه وباسها وكال.... ايدج تورم ولاغير شي

اني... شتقتصد؟؟

يسو... هااا لا هيج انتي ظلي مطفية من الرئيسي... اسألج سؤال

اني... اي اسأل

يسو...انتي شتعرفين عن علاقة الرجل بالمرأة.؟

اني... يعني شلون؟

يسو وهو يضرب كصته بيده... خرب بحظي اكولله علاقة تكول شلون

اني... اي غير افهم سؤالك

يسو.... لج بابا الرجال والمرة شيسون من يتزوجون؟؟

اني... غير تروح لبيته وتنام وياه بغرفته

يسو وهو فرح لجوابي وكال... اي اي كملي حبابة وشيسون من ينامون بغرفة وحدة هااا؟؟؟

.... شمدرينى غير يبوسون بعض وبعدمااعرف

يسو.... يبوسون وبعدين يدخل بيها زوجها وياخذ عذريتها وتصير مرته للدهر ويخلفون وراها جهال...وان شاءالله هم كولي شنو العذرية حتى اضرب راسي بالجامة مال الباب

اني واحجي بتمتمت... اااااي لاااا ااااااعرف شنو العذرية قارية عنها بالاحياء بس ماجنت اعرف هيج الزواج يصير

يسو.... اي بس تصير بحب وبهدوء و رومانسية

اني.... كااافي شوف طريقك لاتنكلب السيارة بينا

يسو... اااااااحبج لج صدقة لربج اشكد احبج.

وعلى صوت المسجل بالسيارة يسوق ويغني ويةهيثم واني ساكتة ومستحية..

ووصلنا للسوك وكف سيارته بكراج ونزلنا نتمشي...

رحنا للسوك وهو لازمني من ايدي اخذني رحنا لسوك كركوك الجبير..

دخلني محلات جوة مثل السرداب كال هاي يسموها القيصرية بيها محلات هواية لدرجة اضيع بيها كلشي بيها من ملابس جاهزةواقمشة وكماليات شي حلو وغريب بالنسبة الي..

عاد فأجيني يسو من كام ياخذ هدايا لاهلي اخذنا لماما وبيبي عبايات راس فاخرة نوعيةجانوا يسموها شبح.

وهم لاخواتي اخذلهن قطع اقمشة فاخرة ولماجدة كاللي يسو.....الها مكانة خاصة عندي اعتبرها اختى الي اكبر مني راح اخذلها محبس ذهب.

اتفأجت كتله لاماراح تقبل كال لا تقبل معليج انتي.. اششش سكتى سحبنى ودخلني محل صاغة وكمنا نختار الها محبس تالي عجبني محبس ناعم على شكل وردة وبيها شذر احمر اخذناها لمجو...

كمت اتشكر منه وكتله ويسألوني ليش أحبك.

كال يسو.... اموت عليج..

اني.... اهووو هم عدتها موكتلك لاتكولها... فدوةاروحلك...

سكت وبعدين حجي وكال... اشكد تحبيني.؟

اني... بكد رحمة الله

يسو... صرت اتنفسج اني وعصر ايدي بيده...

واتمشينا بعد اخذت فرشةحلوة لغرفتنا وملابس نوم الي اصر الا اخذ على ذوقه..

وراها رادياخذني مطعم ماقبلت بس هو اصر

كال... ظهر مااتغديتى زين يلة كدامي دخلي للمطعم

فديته الحنين فدوةلطوله ابو عيون حلوة

واخذني وكعدنا تعشينا وكملنا.

صعدناللسيارة الدنيا ليل وطلع بيه للبيت وصلنا ب٨لكينا خالة وزمن يسون عشا.

كللهم يسو لاتسوون حسابنا احنا تعشينا برة

رحت ضميت بجنطتي غراض اهلي وبدلت ورحت كعدت يم بيبي تالي كعدوا يتعشون كعدنا على طرف اني ويسو وكمنا نسولف اتفقنا باجرصبح يودينا نحجز صالون وبدلة للعرس والحنة...

ورة العشا كالت خالة.. هيو ماما خلي يصعد يسو جنطج لفوك خلي نرتب غراضج بالكنتور وحتى تشوفين غرفتج .

رديت وكتلها... صار خالة...

وفعلا يسو طلع جنطى هو وحمودي للغرفة وصعدنا اني وزمن وخالة واتفأجات بالغرفة الحلوة الي ماخذها الي يسو تجنن ابيض مطعم باحمر مقذف راسية الجرباية شغل نازك وحلو كلش

كال يسو...هاي تواصية خاصة على كتلوك ايطالي.. عجبج حبيبتي؟

اني.... كلش عجبتنى تخبل عاش ذوقك .. ماكدرت كدام اهله اغازله واكوله حبيبي ههههه

خالة كالت... يلةماما رتبي غراضج انتي وزمن

والتفتت لياسين وكالت...وياسين انت انزل عوفهن خلي يرتبن...

يسو... صار يلة حمودى تعال ننزل...

نزلوا وخالةوياهم راحت تكعد ويةبيبي... وظلينا لساعتين اني وزمن نرتب كملنا ونزلنا لكيت يسو يحجي بالتليفون وراه شال التليفون وانطى السماعةلبيبي طلع مخابر اهلي وحجت بيبي وياهم بعدين انطتنى السماعة جانت ماما.... سلمت عليها وهي هم سلمت وكامت توصينى للمرةالالف مااختلي وية يسو.

وراه سلمت على مجو وبابا وماهر والعبرة غانكتنى اول مرة افاركهم بحياتى .

لساعةكاملة حجينا وياهم ونتشاقي ويةمجو وماهر اني ويسو وانكطع الاتصال فجأة

راد يرجع يخابر ماخليته صارت الساعة ب١٠بيبي نعست راحت تنام ووصتنى لا اسهر حدي ل١٢

زمن كالت نكعد بالحديقة بيبي كالت بيبي اي لاتسهرن...

اخذت بيبي لفراشها ونومتها ورجعت يم زمن يسو جان طالع برة يم جيرانهم.

كعدنا بالحديقة... عمو وخالة هم ناموا وحمودى على التلفزيون جوة كاعد.

كمنا نحجي اني وزمن على منطقتهم وجوارينهم... اجي دخل يسو قفل باب الشارع واجي وهو يحرك ايده لزمن عود كومي وخري اني اكعد يم هيام

كامت زمن الي تفهم حركات اخوها وكعدت على كرسي وهو كعدبصفي بالمرجوحة..

كمنا نسولف شوية تالي ورةنص ساعةنعست زمن وكالت اروح انام..

كتلها... اوكفي جايةوياج ردت اكوم سحبني كعدني هو كال.... كعدي نص ساعةوندخل ننام

كعدت لزم ايدي وكام يحجي... كال

تدرين شكدفرحان وانتي وياية والله احس نفسي اسعدانسان..

هويحجي واني اباوع على وجهه وجماله وعيونه الي ماخذة عقلي... وعطره يجنن... كلشي بيه حلو صفنت عليه...

كال.. اشبيج صافنةعلية.

اني... هاي ليش عيونك هيج حلوات؟

يسو... ههههههه حبيبي يروحن فدوة الج ولعيونج الي اموت عليهن.

اني... اني اروحلك فدوة..

سحبني وحط راسي لصدره وكام يلعب بشعري شلت راسي باوعتله عيونى صارت قريبة من عيونه..

كتله... يسو نعست والله خلي نروح ننام ورانا كعدة الصبح.

يسو... ماشي حبيبي يلة كومى روحي واتغطي زين.

اني... ههههههه اوكي حبيبي يلة تصبح على خير اشوفك الصبح .

كمت جر ايدي وباسها وكال... وانتى من اهل الخير.

دخلت جوة ورحت للغرفة سديت الباب ونمت...

ثاني يوم الصبح كعدنا رحنا للسوك اني ويسو وزمن حتى اختار بدلات واحجز.

اختاريت بدلة حلوة منفشة بربع ردن وياخة على شكل مربع كله مطرز بلولي ابيض.

وللحنة اختاريت وحدة حنية لونها بس فاتح موطوخ طويلة وكلش حلوة.

ورا السوك رحنا لصالون راقي كلش بكركوك بوكتها وحجزنا يمهم للحنةوالعرس.

وطلبت ام الصالون اروحلها الثلاثاء حتى تحفلي وتسويلي تنظيف بشرة.

هاي الايام مشت بسرعة ويسو حبيبي فدوة اروحله انشغل بحجزالقاعة هو واخوه الي جاب عائلته واجي لكركوك وباقي الترتيبات وتوزيع بطايق العرس لدرجة كمت مااشوفه ولايشوفنى واجي يوم الاربعاء اليوم اهلي يجون امي وخواتى واخوانى باهروساهر وزوجاتهم بثينةوسمر خوات يسو...

جنت انتظرهم على نار من وصلوا استقبلتهم بلهفةوشوك وجنت مستحيةمن ماما الي جانت تسلم علية وتبوس وتكولي بهمس يمتى حفيتى

كتلها البارحةماما ام الصالون كالت لازم قبل العرس حتى اخاف يتحسس وجهج نعالجه حمدلله مابي شي ماتحسس.

خواتي تخبلن علية حتى فائزةاجت كالن كلش محلوة على الحف والحواجب ومجو اويلي عليج مجو استقبالها غير جان حظنتها اني ابجي وهي تبجي لاول مرةنتفارك ونبعد عن بعض هيج الكل كامت دموعهم تصب حتى ماما شفتها تمسح دموعها..

بعدين صعدن لغرفتى وشافوها وباركولي خواتي وماما جانت راضية على كلشي من نظراتها فهمت...

بعدين اجي يسو من برة وشاف اهلي جاين راح سلم على ماما وباسها من من ايديها وراسها وهي هم باسته وباركتله وتمنت النا الحياةالسعيدة..

شفت الفرحةبعيون حبيبي وهويباوعلي ويحرك براسه ومامصدك هاي امي الي متغيرة حقه حتى اني جنت مصدومة بتغيرها.

وصارت لمة شكبرها على الغدة والظهر اجي عمو من السوك وفرح بجية اهلي ورحب بيهم وجانت بهاى اليومين الفرحة سيدةالموقف..

العصر رحت للصالون وية زمن ومجو اويلي طلعت كلش حلوة.

اجي اخو يسو الجبير واخذنا للبيت وصارت حفلة الحنة من اجمل الحفلات اصدقاء يسو وجوارينهم وخواله سوو ليلة كلش حلوة برة بالحديقة الجبيرة الي عدهم

واني النسوان جوة والهلاهل والركص لل٢بليل استمرت حنتنا وبليلتها شفت يسو بس من دخلوه عليةحتى يحنيني وبعد ماشفته.

بيوم العرس كعدت الصبح ماشفته هم كالوا رايح للحمام مال السوك..

واني اتفقوا ورة الصالون ياخذونى لبيت خاله الي قريبين على بيتنا بنفس المنطقة ومناك يزفونى..

رحنا للصالون شلة اني ومجو وخوات يسو وطلعت بعد احلى من الحنة..

ومن كملنا اجي اخو يسو واخذنا للبيت (بيت خاله) وظلينا ننتظرهم لحد مااجت الزفة بن وزفونا ورحنا للمصور وللقاعة بعدين وفعلا جان عرسنا احلى من عرس اخواني ووفي يسو بوعده الي وسوالي عرس يخبل..

بس افتقدنا وجود ماهر ويانا بيومها مااجي رغم حاول وياه يسو حبيبي فدوة اعرف ضايج على فراكي اخويةحبيبي الحنين.

زفونا للفندق وماقبل احديسوك سيارة العرس الي هي جانت سيارةخاله اولدز ابيض وخالة والبنات وماما هم ويانا بس بغير سيارة

كل ساعة يلزم ايدي ويبوس ويعض

وصلونا للفندق وماما فهمتنى على وصلة النيشان وراحوا...

اول مادخلنا.. رحت كعدت ع الجرباية ومدنكة راسي وخجلانة ومرتبكة حيل وارجف.

اجي وشال راسي وكال...مبروك عليج اني حبيبتى

كتله...يبارك بيك حبيبي وباسنى من كصتي ونزل على خدودي واني ارجف لزمنى من خصري قربني عليه

وكال... شبيج ترجفين حبيبتى لاتخافين ماكو شي يخوف تعاي نزعي وغسلي خلي نتوضأ ونصلي اتقرب مني حتى ينزعني البدلة ماقبلت من شاف خوفي كال بس افتحلج سحاب بدلتج وروحي للحمام بدلي..

وفعلا بس فتحها الي اخذت سيت النوم و رحت للحمام بدلت وطلعت.

جنت لابسة سيت ابيض طويل مو دلع كلش وعليه روب مستور..

باوعلي هو ودخل للحمام وغسل وطلع وفرش سجادات الصلاة ولبست جادرالصلاة وصلينا وهو كدامي..

من خلصنا... اجى حظنى وباسنى وكال تعاي نتعشي

كعدنا نتعشي ونسولف على العرس وشسوينا اليوم وبعدين كلي اشتاقيتلح بهل يومين الي ماشفتج بيه زين .. ابتسمتله كملنا عشا وغسلنا ايدينا...

اتقرب مني واني واكفةاعدل شعري كدام المراية وحظني من ورة وكال احبج احبج احبج ممصدك انتي الي وحلالي وجسمج وهذاك راح يصير الي..

يمة بوقتها متت خجل والتفتت وضربته على صدره وابتعدت عنه...

اجي لزمني ونزعني الروب وكعدني على رجليه بحظنه...

وتخربطت احوالي ردت اوخر بس بلحظة اختفي كلشي من بالي وكلت مااخرب ليلتنا واحلى يوم بحياتى وحياة يسو وخلي اعيشه احلى ليلة

اباوع عليه يخبل يسو ومامزين لحيته خفيفة وحلوة عليه ماقبل يزينها يكول علمود يجكجكج

كام يبوسني وخدرني ببوساته وخلانى اذوب واخرب وماحسيت شلون منزعني ونازع الا لما سألنى وين وصلةالنيشان فتحت عيني واني جواه واشرت على المجر طفر جابه وحطيناه...

ربع ساعة شفت الموت

بعيوني...

الالم فضيع مدى اتحمله وهويصبرني ويبوسنى ويهديني

بوقتها جان طبعه حلو وهادئ موهمجي اومجنون كل همه انو مااتأذي بس مجبور يكمل رغم عياطي وبجيتي حتى يريحني ويطمنئ على انتهاء العملية..

من كمل احسه فرحان ويبوسنى ويشمنى وكال... هسة بعدارتاحي ارتاحيتى اني دموعي تجري جانت بهذا الوقت وفرحانة بنفسي وبنفس الوقت الالم موتنى...

ويسو يحجي.. احبج.. احبج... هيو... مرتى... حبي... حلالي... ام محمد... احببببج.. وحظني حظنة كلش قوية...

كتله محمد منو؟

كال وهو يضحك... محمد ابنا الي هسة خليته جوة.

اني هم سديت حلكى وضحكت وياه..

كام باسنى وراد ندخل سوة للحمام..

كمت اني لميت نفسي واخذت نيشانى وضميته ودخلت للحمام وياه

وعشت احلى ليلة بحياتى كلها وماشفت مثلها بعد.. طلعنا وظلينا نسولف ل٣الفجر وبقي حاضنى ونمنا ل١١كعدنا بدلنا ورحنا للبيت...

.

.

..

. يتبع

الرابع عشر من هنا

تعديل المقال