رواية خيط الدم كامله وحصريه بقلم زينب طالب
ارد اهج وبلا شور وبلايه منة
زايد نفر حسيت روحي علا اهلنة
........................................
راجعة من المدرسة تعبانة العرگ
ينزل على وجهي من التعب مااعرف
شوكت اخلص من هذا الحال
مريت من نفس الطريق صار مقابيلي البيت
وهم صوت القصيدة عالي چان
بحيث يجذب انتباه المارين
من شدة الصوت، بس محد
يتجرء يوصل للباب
منو يسكن بهالمكان وشنو هالمسجل ميطفة
كل ماامر منا اسمع نفسس القصيدة
وگفت اسمعهاا واني احس بكل كلمة
ينطقها القارئ
ودموعي تنزل على حالي
"عفت النوم وانحب دوم
شبه طير العويدي من يجر
ونات
أريد اشهود عندي ووزود
صفرت لون وجهي ودمعي
والأهات"
فزيت على صوت واحد يصيح
...هييي متسمعين شبيج واگفة بنص
الشارع ومغمضة مثل الثولةة وخررري
_باوعت عليه ابو الستوتة يريد يعبر
واني گاطعة عليه الطريق
بعدت على صفحة واني احچي وياه..
احترم نفسك لاتجاوز لاتخليني اجي اهينك
... لچ هاي عليمن تغلطيين شو تعالي
_يمة أني شفتةة نزل وجاي علية
نسيت الكرامة والقهر مسحت وجهي
وركضت صرت اسرع من سنجوب السريع
طگيتهاا ركضة واسمع بس صوتة يصيح وراية..
وگفت يم بابنة نفسي مگطووع يمةة عبرت شارعين على نفس النفس الله لاينطك
دخلت للبيت واسمع السمفونية مالت كل يووم
امي وهيةة تحچي على جوري وتريد تقنعها
...لچ انتِ متفهميين اگلج خووش زلمة ويريدج ليشش تعاندين افهمي يا مطيةة
جوري_ دكافي عادد والله كرهت نفسي من وراج فوتي حالي
::لاوالله مااجوز منج الا تقبلين برافد غصباً عنج
..نزلت دموع جوري وگامت منتفضة عافتهاا وطلعت،
دخلت شايشة عليهاا اصيح انتِ ليشش ماعندج احساس على بناتج بس گليلي شنوو من ام انتي
شوكت تحنين علينة ترة زهگتينيي
بس كملت كلامي ضربتني كف وصاحت بوجهي
..نچبي كلبةة مابقى عليةة بس انتي تعلميني
امشي فوتي لاوالله اخليج براسي واطين عيشتيج
..شحدجج غير احرك نفسي واحركج وياي وانسة انتي امي
عفتهاا وفتت وهية تغلط علينة وتلووم
بابوية المات وعايفنة على گلبهاا
لگيت هاي الثانية تبجي والخشم احمرر
شگد جبانة لخاطر الله ولچ من تشوفج
هيچ تستقوي عليچ وتنفذ كلامها
لاتصيرين ضعيفةة وتبچين بسرعةة
جوري: اي يعني شسوي والله اني مو مثلج واگدر احچي وياهاا هيچ الله راح يغضب علية
.. والله ماغاضب عليهاا هسةة شنو
لتسوي بعد اكثر من الدتسوي بينةةة
وخري مني خليني اسبح لا تفتحين
جروحي وتخلوني اتسودن عليكم
عفتها تكمل بچي واخذت هدوم ودخلت سبحت
باليل نفس الشي اني نايمة واسمعها تحچي
... ولچ يمة سمعي مني معليج بهاي اختج المسودنة
تزوجي والله يعشجج ملكة متگليلي شعاجبج بگن الدجاج هذا هااا روحي شوفي بيتة لو سيارتة ومرتة متلتلة بالذهب ليش انتي فگر هيج؟
جوري_ ماما اخاف والله هو مزوج ومرتة مبينة شرانيةة شلوون اعيش وياهمم واني ادري ماخذني علمود الاطفال
...وهاي من الزينات اذا جبتيلة الولد ولج يرگع زوجتة نعال وتصيرين انتِ ام البيت عاد نبقى اني واختج يكفينة التقاعد وشغل المدرسة وبيبتج
بلكت الله تودع شو ابنها راح وهية بعدهاا
جوري _هسة متگليلي شمثگلة عليج اني والله حتى اكلي قليل واذا تردين اطلع اشتغل بس لاتزوجيني اله حبابة ماما
...يبووو على حضي انتِ تعبين وعقلج
متمدد بية تيسس اگلها ثوور تگلي حلبة
سمعي لچ والله العظيم اذا ما وافقتي الا اعوفكم واهج بليلة ضلمة محد يندل خبري فاهمةةة
_رجعت غمضت عيوني ماگدرت اناقش النعاس مسيطر علية
گعدت الصبح مثل العادة على صوت بيبي
وهية تگعدني
حجية جمارة: يمة شفق بيبي گعدي
الساعة ب7 لاتتأخرين حبيبتي
::صباح الخير بيبي اي گعدت
رحت غسلت وبدلت سويت
ريوگ الي والها امي وجوري
نايمات ريگتها واطيتها العلاج
وبستها مسحت على راسي
ودعتلي احس من تدعيلي
شكو هم على گلبي ينزاح
حجية جمارة: الله يسترج ويبعد عنج ولد الحرام ويريح بالج يبيبي
:: بستها وطلعت اركض لااتأخر
واحصل رزالة مالي خلگ لگيتهم بعدهم
يصطفون همزين صعدت انضف الفوگ
كنست ولميت النفايات ونزلت اتختل
لحدما دخلوا وصارت المدرسة هدوء
رحت گعدت بنهاية الساحةة صافنة
على حالي الى متى ابقة انتضر وشوكت
اعرف منو القتلة زين ليش كتلوا
ويعرفون شگد احبةة والله ممأذيهم
فزيت من صفنتي على صوت
ضحك فوگ راسي
بثينة_ چججج خطية ...كسرتي خاطري تدرين
هاي ليش تبچين من وياج احجيلي
_باوعت الها ومارديت اعرف بيها تستهزء
بثينة: شوفي وجهج شلون مصلوخ من الشمس
بس ولايهمج باچر اجيبلج واقي ههههه
..كامن يضحكن هية وصديقاتها جاي ارد
عليهن ودگ الجرس راحن يركضن
الله يلعنج الكسولة نفضت ملابسي ورحت اشوف
شعندي بعد شغل اجتي المديرة
ست كوثر. لجج شفق ليش متنضفين الحمامات
يعني تردين ام علي مرة چبيرة هية تنضفهن هاا
...عليج الله ست كلشي اسووي ولا الحمام تلعب نفسي من عندةة مااگدر
ست كوثر_ مو بكيفج منمشي على مزاجج هسة ترحين تنضفين الحمام والا ماالج راتب هذا الشهر
مو زين مخليتج تشتغليين هناا ومعرضة منصبي
للخطر
...ذبت سمهاا وعافتي وراحت بعدني اباوع عليها اجتي ام علي بيدهاا ادوات التنضيف شمرتهن وراحت تركض
خاف اگلها ساعديني گبرر ولاچنها مرة چبيرة
اخذت الأدوات ورحت للحمامات
گطعت النفس من الريحة ولاعبالك
بنات اعدادية شگد وسخات
نضفتهن بسرعة وطلعت
دخلت للادارة اريد اطلع اسبح احس
نفسي قذرة بس ماسمحتلي
بقيت لنهاية الدوام واني اعصابي
تفور مسوية علية منية ب150الف
لتطيهن يارين منها خلف الله
على المدرسات يلمن بينهن وسولي
راتب
خلص الدوام وطلعت انتضرها
اجتني من بعيد السفيهة تتمضحك
مدري شكو
_بلة ماتضحكينة وياج شوية
هدوء: ههههه ماكو شي تذكرت
شغلة قديمة وضحكت انتِ شبيج
وجهج يريد يطگ
_لچ والقران تعبت الى متى ابقى
هيچ حالي ولچ انذليت هواي
هدوء: امچ بربوگ غير لمفروض
هية تطلع للشغل وانتِ تگعدين
بس الله شايل منها الاحساس
::يمعودة هية خلي يكفيها
تقاعد ابوية وتكفيني شرها
من استلم تريد مني عبالك
اقبض مليون
نمشي ونسولف شفتها وگفت
بنص الطريق مبتسمة بحب
اباوع صرنة مقابيل بيت
الشيخ جعفر هذا جيرانة عايش وحدة
هو وأمة ناس طيبة واخلاقهم سابقتهم
بالشارع الورانة بيتهم وهاي العوبة مخيلة
عليه وهو ولايرفع راسة من نفوت من يمة
واگف يرش الزرع لبابهم
وهية تباوع بدون مستحة
_ولج عوبة لايندار ويشوفچ
شيگول عليچ هسةة امشي
سحبتها حيل وهية عبالك
سكرانة وتمشي وياي وتحچي
هدوء: ولج شفتِ شفق
شلون جمال شلون ادب
شلون عطرر اويلي يمة لحگي
بنتج راح تمووت من العشق
_هجم بيتج كون شبسرعة صار
عشق يمفلوكة والله لوتدري بيچ
امج هيج خفيفة حتى من المدرسة
تبطلج
هدوء: ديلة علساس شلون احب
الدراسة اني موزين وصلت للسادس
الله وكيلج ادوام على مودج ولخاطر
عشقييي
_صوتج فضحتينة امشي من هذا الشارع
صوجي افوتج منا على ساعة تسوين مكسورة
هدوء : والله ولااجي وياج مناا شنو
مارايدة روحي يمعودة شلطتشتي
هذا الشارع مسكوون ماادري شبيه
كلما نفوت منة تصيرلنة مصيبة
متشووفين محد يمر من يمةة
_ولج اني احب افوت من البيت
المهجورر حتى اسمع القصيدة
هدوء: لاحبيبتي حجي يفيدج هذا
تعالي نكمل منا راح انزل عيوني ومااباوع
يلةةة
_سحبتني ونمشي سريع وهية كلساع
تلتفت وصلت لبيتهم واني كملت طريقي
هدوء صديقتى ويه روحي
من قبل لانسجل اني وياهاسوية
بيتهم بنفس فرعنة فرق كم بيت
بس هية بالها مو بالدراسة مخلصتها ضحك
وتصنيف ليشوفها يگول شگد هادئة بس لااسمها
ولا شكلهاا يم الهدوء عادت السادس وهم بالدفرات
دخلت وزاري
وصلت للبيت واسمع صوت صياح
امي دخلت اركض لگيتها لازمة
الحزام وتضرب بيبي وجوري
ركضت عليها جريت الحزام وشمرتة
واخذت بيبي بحضني جوري راحت
تركض للحمام واني نزلت عليهاا
الله يكسررر ايدج كوون شنوو من
بشررر انتِ ليش هيچ تسوووين
شلون تمدين ايدج على مرةةة
چبيرة بگد امججج
سهام: اكليي نعل كلبةةة شلون ترفعين
صووتج بوجي بلااا اخلاق
_طالعة عليج غيررر ليش تضربين
بيبي شنوو سوت ليش متحترميها
اذا متحبيهاا لخااطر ابوية
سهام: احترگ ابوج بگبرةة هو شوصلني
لهالحال غيرة ساعة السوودة العرفتة
بيهاا الله ياخذهااا مااطيقهاا ولج مااطيقها
طلعيهاا من بيتي لاوالله تگعدين فديوم
تلگيهااا مذبوحة
_شبيج شترددين والله تعبتيني وحيرتيني
بزماني شتردين من عدنةة من مات ابوية
لليوم وانتِ محنضلتنة على شنو غير اعرف
سهام: گليلها لاتدخل بيچن اني اقنع
بأختج الغمةة وهية تجي تخرب علية
لاتدخلل ترة والله اغضب الله بيهاا
وهسى انتِ بتصرفاتج مغاضبتة يعني
ليش تلحيين عليها تگلج مااريد اتزوج
عوفيها بعدهاا صغيررة خافي ربج احنة
بناتچ ترةة مو عدوانچ
سهام: لو مخلفة چلاب ولامخلفتچن
تفووو عليچن من بين البناات
_عافتنة ودخلت للغرفة بيبي بحضني
تبچي مثل الطفل، كافي يعمري تنكسرر
ايدها ان شاء الله يلة سكتِ لايصير
بيچ شي والله اموت وراچ
حجية جمارة : يمةةة وينك علي يمةة
تعال شوف امك ولك نذليت من بعدك
يمةةة يغالي يوحيدي وكسرة ضهري
_احس عيوني صارت جمر وهية تنعي
وتبچي هديتها و نومتها بمكانها
وغطيتها وهية تشهگ مثل الطفل دگيت الباب
على جوري، فتحي الباب وطلعي بسرعة
طلعت شمرت نفسها بحضني وتبچي بحرگة
گلب وتحچي بشهگة
جوري: ولچ شفق بيبي نضربت من
وراية اني السبب هية اجت تحميني
منها ولگتها فرصة صارت تضرب بيهاا
_بلعت غصتي وحچيت، ليش ضربتچ
جوري: على نفس الموضوع هذاك الكلب
يجي يحشي براسهاا وهية تجيني
شايشة من اعترضت وبقيت اصيح
صارت تضربني
_هذا بعدة يجي عليهاا
جوري: ليش اكوو يوم مااجة يفوت ويطلع
بكيفية ويگعدون ساعات بالغرفة مااعرف
شيسوون
_صعد الدم براسي رحت عليهاا لگيتها
صافنة وادخن، هذا الكلبب شعندة يجي
للبيت هاا ابوية مو تعارك قبل وياه شنو
من راحح لگة فرصة يرجع بيهاا ليش ادخلينة
للبيت ولغرفتج هممم يمة جاي شتسووين
تردين تطينين راسي والله صرت استحي
انتِ امي استحي امشي بالشارع من وراچ
ماخليتي احد يحبنة ولايزورنة من ورة لسانج
سهام: طلعي منا لاتخليني اگطع النعال
على راسج معليج انتِ ماتدخلين بية
عليج بشغلج وبس ومن اليوم وارايح
راتبچ بأيدي لاتخليني انفذ تهديدي
وياچ
_خفت من كلامها وطلعت ادري بيها تسويها
ماجاوبتها رحت تمددت يم بيبي وحضنتها
بقيت ابچي على حالهاا وهية نايمة وتشهك
مثل الطفل غفيت وشفتة واگف وچان يبچي
رحت عليه دار وجها زعلان اصيح عليه
ميرد عليه عافني وراح واني اركض وراه
مالحگت بيه فزيت بيبي ماكو ودنيا
مغرب تعوذت من الشيطان وگمت
واني افكرر
ليش يتكرر هذا الحلم دائما ليش
زعلان مني ليش من تتأذة جوري
لو بيبي يجيني يعاتبني والله موبيدي
لديصير موبيدي
چانت بيبي وجوري يصلن امي ماالها
صوت رحت صبيت اكل وگعدت اكل
من الصبح لهسة مماكلة شي
صاحت بيبي علية
جمارة: ماالله يهديج وتجين يمي تصلين
ولج بيبي انمرد من اشوفج هيج بعيدة
عن ربچ
_بيبي مو هسة عوفيني، استغفرت وبقت
تصلي دائما تنصحني اتحجب واصلي بس
اني احس اكو شي بداخلي يمنعني مااعرف
شنو گطعت الصلاة من ذاك اليوم الأسود
مااعرف شنو احس من سويت هيچ بس
من وقتهاا ماصليت بعدد
ثاني يووم چنت بالمدرسةكالعادة
صعدت للمخزن اسفط الكتب
بأمر من المديرة حسيت الباب نسد درت
وجهي عبالي ام علي باوعت هاي بثينة
وصديقاتها
اهووو عفية انتِ شنوو سالفتج يومية
طالعة بوجهي ترة ميصير هيج
بثينة: احبچ حياتي تعالي اگلج
_تقربت مني خفت من طريقة كلامها
ابتعدت ركضن صديقاتها لزمني
وحدة منا وحدو مناا واني عقلي
وگفت شيردن يسووونن وخرن ولچن
عوووفني شتردن كلبات
بثينة: اششش صوتج خليج هادئة
خليني اريحچ واريح نفسي
_بهت وجهي شنوو قصدج لچج
بثينة: هسةة تعرفين قصدي
_اجت ثبتت وجي بديهاا وتقربت تبوسني
من حلگي لعبت نفسي واني اقاوم بس مااگدر
هنة ثلاثة واني وحدة احس النفس انگطع
دموعي تنزل وهية مستمرة بحركات مقززة
عبال ولدد مو بنية لحدما ذبيت من راسي
ابتعدت لعبانة نفسهاا
بثينة: ايععع لعبتي نفسي غبرة بس يلة تمونين
لنا عودة لانچ تستاهلينن ههههه
_طلعن يضحكن واني مسمترة اتقيء
اجت ام علي شافتني راح صاحت هدوء
اجتي تركض تسودنت من شافت حالتي
اخذتني غسلت الية وتهفي الية واني احس
النفس ضاگ عندي شعوور مقززز حيل
وهية بس تريد تعرف شنوو بية ماگدرت
انطق بس اريد تاخذني للبيت ترخصت
من المديرة وطلعتت امشي بالشارع
ودموعي تجري وهية تهون عليه بدون
متعرف شي
هدوء: شفق حبيبي شبيج بس حاچيني
ولچ والله دموعچ زرفن گلبي شصاير
وياچ الصبح مابيچ شي ولج ماادري بيچ
هيج ضعيفة انتِ
_مارديت عليها استحي من نفسي
عبالك اني مسوية مكسورة ومصدومة
بنفس الوقت وين اكو بنات يسوون هيج
شنو ديصير بالدنيا وصلتني للبيت دخلتني
جوة اجتِ جوري تركض
جوري: شبيهااا هدوء اختي شبيها ليش هيج
حالهاا
هدوء: علمي علمج والله ماادري
شبيها ومتقبل تحچي
غمضت عيوني وهنة عافني وطلعن
احس نفسي بوسط غابة مااعرف شيصير
وشلون صارت حياتي من راح وعافني
غمضت عيني ورجعت على ذاك اليوم
الأسود گعدت على صرخة جوري
چانت تعيط بصوت يرعب نهضت
اركض على مصدر الصوت جاي من
الطرمة باوعت على عيونها شفتها
تباوع للگاع وتصرخ نزلت نضري
لگيت بيبي شاگة الثوب تملخ بشعرها
وامي دموعها تنزل بدون صووت
على شنووو؟!
ركزت زين اي هذا ابوية واگع بدون
نفس والدم مغرگة تقربت منة واني
اچذب عيوني واصواتهم اخذتة بحضني
شبگتة حضنة چان بارد حيللل اني ابوية
حضنة دافي ليش هيج مااحس بيه
احچي وياه اريد يسمعني..
بابا حبيبي لاتسووي هيچ بيه بابا
اگعد والله مااتحمل فراگ يابة
لاتكسرني موگلت باچر اخذچ نقدم
مو ردت تشوف بنتك بالجامعة بابا
لانتضيع فرحتي عليك الله گوووم
يابة ولك ياااااابةةة اصرخ بعلووو
صوتي ومايگعددد الجيران التمت علينة
الزلم اخذوو مني ولكممم ابوووي
عوفوه لاتاخذو والله ماشبعانة منةوو
عاش عمرة متعوووب رجعووو
لاتكسرني يابة امووت ورااك اموووت،
ايام مرت علية واني النووم جافي
عيوني امي وبيبي وجوروي كل وحدة
حزنها شكل امي مصدومة ودموعها تنزل
وجوري تنام بحض بيبي ويبچن سوه
اني احس هاي الدنيا كلهاا ما وسعتني
هدومي العلية ثگال هدوء ماعافتني ابد
جانت تبات يمي وتحاول تطلعني من حزني
بس اني ووين طفيت بعد هاليووم
شفق ماعاشت لحياتها لا
عاشت لخاطر احبابها و
لهذا اليووم ماعرفنة سبب مقتلة
لو منو القاتل نسدت القضية بساع
بدون اهتمام ولاچن الرايح بشرر
تدونت قضيتة قضاء وقدر!
الدنيا صارت سودة بعينها بعد ذاك البياض
رجعت بذاكرتي للواقع واحس ايد دافية
تمسح على راسي هاي ريحتها بيبي
حجية جمارة: شمعتي شبيج يروحي
_بيبي ليش هيج يصير وياي
شنو سويت بحياتي حتى اعيش كل
هذا اني مو هاي حياتي مو هذا الاتمناه
من راح الغالي لليوم اني ماشفت يوم حلو
حجية جمارة: المؤمن مبتلى بيبي وانتِ
قوية راح تعدين كل هذا وتبقى بس
الذكريات
_ليقهرني اكثر مو بس الزمن عليه
لاأمي فوگاه متعبتني بموضوع جوري
وهذا الساقط ليجي للبيت، صدگ انتُ
شلون تسمحيلها ادخلة ليش تسكتين
على سوالفها ليش ضعيفة گدامها ماجنتِ
هيج ابدد
حسيت بيبي خافت من اسألتي باستني
وگامت، احسها ضامة شي وتعرف
هواي اشياء احنة غافلين عنهاا
رحت للحمام اسبح امي جانت
تسوي غدة باوعتت اليةة
سهام: شبيچ اليووم جنج كتكوت
مبلل شصاير وياج
_باوعت عليها بلانفس وعفتها وفتت
للحمام واني اغسل حيل احس نفسي
قذرة واتذكر حركاتهها على جسمي
وتنزل دموعي بغزارة معقولة اني بهالضعف
وعفتها تسووي هيج ؟
بس لاني اني وحدي وهنة ثلاثة وين اگدر
ومنو يصدگني يجوز يفضحني لو تطردني
المديرة وهية تريد حجة علية اذا نطردت
امي شتسوي بيه راح تطلع جوري تشتغل
لو تأذي بيبي تعرفهن نقطة ضعفي
نفضت الافكار من راسي وطلعت مااريد
اشوف احد بدلت ورحت لهدوء چانت
دنيا عصر دگيت الباب طلع ابوهاا
سلم علية بوجه البشوش ودخلني
طلعت تركض حضنتني وباستني
واخذتني فوگ بغرفتهاا وبدت تحقق وياي
هدوء: سمعي لج سوالف الافلام بطليها
احچيلي شبيچ لاتخليني اطلع جبار
لبداخلي واخليج تقرين غصب عنج
ابتسمت لشكلها وهية تهدد وبقيت اسولف
الها كلشي صار ودموعي تنزل مااعرف اضم
عليها شي ابد ولا هية انتفضت من مكانها
وصارت تروح وتجي
هدوء: وداعة امي وابوي وداعة ابو عمامة
بيضة يابثينة الا اشلخچ وصلتين بسيطة
اذا انتِ تخافين من المديرة تطردج اني
وحدة بايعة ومخلصة مااخاف بس من الخلقني
الا اخليها تبطل من المدرسة
ولج شلوون تسكتين صرخي صخميي
شبيج فاهيةة
_لاتگولين فاهية ولچ اني مو گليلة شرر
بس الكثرة تغلب الشجاعة وهنة قيدني والباب
مسدود وچانت فرصة وهوسةة منو يسمعني
هدوء: معليج خليها عليها باچرر اني
اعلمهاا الهايشةة ادوور بنات النگسةة
_ولج هدوء شنوو هاي جديد هسة
لو ولد نگول نفسة دنية بس بنية
شلوون يصير والله اول مرة اشوف واسمع
هدوء: يمعودة انتِ بغير عالم اصلا
هاي السالفة كثرانة خاصة بالمدارس
الشاطرة تحفظ نفسها صايرات عصابات
ذيج من ذيج تلگيها نيتهاا صافية
_صدگ اني عايشة بغير عالم
يلة تأخرت خليني ارووح صار المغرب
عفتها ورجعت للبيت اشوف امي وجوري
يتبسبن من اجيت سكتن شكيت بيهن بس مالي
قابلية احچي تمددت خليت راسي بحضن بيبي چانت تباوع مسلسل هندي
اگلج بيبي شعاجبج بذولي بس يطيرون
فيالة علينة وانت عيونج راحت من وراهم
حجية جمارة: لاولج حلوات لو الله يهديج
وتابعين وياي بس انتِ صايرة تنامين من وقت
جنج دجاجة
_ليش هية الحياة شبيها حلو غير النوم
عاد خلينب اهرب منها بالنوم بلكت يجيني
فارس احلامي على حصانة ويطلعني
مناا واعيش وياه قصة عشق على گولة
هدوء
حجية جمارة: يجي يبيبي يجي بس صبري
_ههههه والله يابيبي ليسمعج يگول كاتلة
نفسي عليه هاي احلام العصر اني احلامي
غيرر عن البنات احلامي چبيرة وصعبة
ماأعرف اذا اگدر احققهن لو لا نبت امي من يمهاا
سهام: وشنو احلامچ بلةة سمعيني
_متعرفين قابل اول واهم حلم اعرف
منو الغدر ابوية منوو قتلة وحرماني منة
اني واختي ولباقي سهل
سهام: انتِ ليش متجوزين عن هذا الموضوع
مو گتلج ابوج موتة قضاء وقدر
_وانتِ شمدريج شنوو چنتِ وياه
سهام: هاا لاوين اني طلعت على عياط بيبيتج
بس مبين دايخ وااگع متشوفين حتى القضية
مالتة مطولت بسرعة نسدت لو قتل
چان نعرف القاتل
_لالا اني مااصدگ شنوو من وگعة تموتة
شبيچ يوووم ترة مبينةة السالفة والاكدلي
اكثر تصرفات جارنة ابو عماد
سهام: اهووو سدي هالموضع وتعالي
حاچي اختچ الغبرة الزلمة باچر يجي
هو وزوجتة وهيةة لهسة مقتنعت
_ومن گلچ اني مقتنعة حتى اقنعهاا
شووكت تسدين هذا الموضوع
لعبتيها لنفسسي ترة
سهام: اهههو صوچي اني احچي
وياچ مثل بيبيتج بومةة
_بيبي دارت وجهها تباوع وهية گامت
استحيت منهاا لان مهما كان تبقى امي
ابتسمت بوجهي ومسحت على راسي
ثاني يوم جاي انضف بالساحة والشمس
تضرب بوجهي اشووف هدوء من بعيد
هية وصديقاتها 3 هدوء عادت السنة
لان نگضيتها تفاهاا ومتقرة وابوهاا هددها هاي
اخر سنة الهاا وهية مگضيتها تسخت
وصلت يمي ابتسمت على منضرهاا
شايلة مسطرة بيدهاا وذابة شالهاا
وصديقاتها وياهاا
هدوء: هييي شبيچ تضحكين لمثلچ
يطم روحة ولچ شوو اني محروگ
گلبي اكثرر منچ غبررة
_يمعودة شسووي متگلليلي اروح
اضربها وبعدين هية عدها ضهر تستند
عليه اني منو الييه الله وكيلج
امي تتشمت بيه شنو متعرفيهاا
بعدنة نحچي واجتي شلة بثينة
درت وجهي اسألهاا هاي شجابهاا
هدوء: ههههه شعبالج بعد افوتهاا
اني صحتهاا وهية مثل الحمارة اجتِ
برجيلهاا للمووت
_وصلت يمنةةة وحچت بعنتكةة
بثينة: خيررر لچ شرادية دزيتِ
علينةة مو تدرين عدنة درسس
هدوء: اوووي عيني يالشاطرة
ولج لوما بالواسطات يلة وصلتِ
وعفنتِ بالسادس صارلچ 3سنين
بثنينة: هسةة شتردين مالي
خلگچ لتخليني احطچ براسي
هدوء: شمسوية لشفق ولچ
_اصفر وجههاا وجاوبت
تنكرر عملتهاا الوسخة
بثينة: شمسوية لشفق
اصلاً مااشوفهاا بعيني
كلها خلگ فراشة شريد اسويلهاا
هدوء: تاج راسج عايقة دتعالي
خليني ابرد گلبي بيچ من زمان
متحملة عليچ...
_سحبتهاا من شعرهاا ودگ بالمسطرة
صاحبات هدوء استلمن صديقاتهاا
وصارت ناس تضرب نااس، واني اتفرج
على صديقتي وهية تاخذ بثاري منهاا
تضرب بيهاا تصيحح
هدوء: ولج عايقةةة سوالف الشوارع
طبقيهن براس صديقاتج لاتجين يمنةة
ادبسسزز صايرة ولددد ولچ ابوچ السگط
يعرررف بسوالف بنتةةة
_تضرب بيهاا وتصيح وذيچ چنهاا جريدي
جواهاا بس تبچي لحدما فاخ گلبهاا يلة
عافتهاا
هدوء: سمعي لچ هاي تحذير مرة
ثانية وحق علي اذا شفتج واصلة
يمهاا الا اهطرچ وصلتين كلبةةة
_اخذت صديقاتها وراحت تبچي
همزين محد سمعنة چان انطردنة
كل احنةة اباوع الهاا كفشتهها وهية
تقربت منها شبگتهاا ولج ماأعرف
شلوون اجازيج وربي اني محضوضة بيچ
دفعتني
هدوء: دوخري خنگتيني شعندي غيرچ
ولج غيرر انتِ اختي احبچ مثل حبي للشيخ
_هههههه نروح ونرجع عالشيخ دروحي
غسلي ورجعي للدرس لاتنشحتين
نهاية الدوام نمشي اني وهية ونسولف
ردت افووت من الشارع المسكون ماقبلت
الا من شارع الشيخ سحبتني من ايدي ووگفنة مقابيل بيتهم ورة الشجرةة تنتضرة يطلع
_شبيج هدوء ترة سيارتة ماكوو يعني
مموجود تخبلتِ لانتاخر وامج ترزلج
هدوء: هسة شعليج اني احصل الرزالة لوانتِ
بعدين ربع ساعة اذا مااجة نروح
_غير اعرف شتردين من عندة
..اريد أسألة سؤال مااعرف اجابتة
اكيد هو يعرف بعد شيخ وعندچ الحساب
_ترة عندج تليفوون وتگدرين تعرف
الشي الغافلة عنةة لاتصيرين لوتية
بعدني احچي وياها طبگ بسيارتة
شافتة نزل وراحت تركض
ولچ تعالي ياااا يمةة ولج هدوء الريشة
ماسمعت مني وگفت مااسمع شتحچي
هدوء...
وصلت يمةة واني گلبي يريد يطلع
من مكانة نسيت الشي الاريد اگول
من شافني سد الباب ووگف بطولة
عيونة بالگاع چانت، طويل وجهاا
ابييض اللحية السودة وية بياض
بشرتة يخبل احلى رجل اشوفة بحياتي
ايدية تلمع والمحبس الزمردي مع السبحة
زايدها جمال گطع صفنتِ وهو يسأل
مستغرب وگفتي يمةة
شيخ جعفر: تفضلي أختي محتاجة شي؟!
_هااا العفو لالا بس هذا ردت منك شسمةة
شيخ جعفر: بس على كيفچ اختي شنو ردتِ
تحبين تتفضلين يم الوالدة اذا محتاجة مساعدة
_ لاشيخ لا اني ردت اسألك سؤال ديني
واكيد تعرف انتَ
شيخ جعفر: شنو سؤالك
_الحب حلال لو حرام، حسيتة نصدم
بسؤالي رفع نضرة عليه عاگد حواجبة
خفت منة دار وجهه ورد
شيخ جعفر: هذا الموضوع يطول شرحة
بس اختصرة لحضرتك
اذا كان الحب طاهر عفيف بنية الزواج
لااشكال فيه شرط الابتعاد عن المحرمات
ولكي نحرص على ذلك الحب الطاهر الافضل
ان يتوج بالزواج اما غير ذلك فهو منافي لرضا
الله ورسوله..
هدوء: نسيت نفسي واني اباوع عليه
شگد حلو يشرح ياالله شنوو هالصوت
العذب تحمم يگطع صفنتي حسيت على روحي
وشكرتة ورجعت اركض لگيت شفق تعض بأصابعها ووجها مزنبر عليةة سحبتني وهية ترزل بيية واني احس نفسي بغيرى عالم، ولچ شفق گلبي يدگ سريع
شفق: شگد شفت جريئات بس مثلچ ماشفت
ولچ الزلمة يحچي وياچ وانتِ عيونچ منكسرت
والله صلفة
هدوء: سكتي عليج الله اريد بس
صوتة يبقى بعقلي راح اطيرينة
_اي موهو شرب دولي، عفتهاا ورحت
وصلت للبيت واني معصبة منهاا فشلتنة
بس لايطلع يعرفهاا عزززة الاابوها
يطيح حضهاا بس هيةة ولافارق وياهاا
تغديت ونمت گعدت العصر احس امي
وجوري مو على بعضهن مسويات مكسورة
گاعدة اضفر شعري واباوع لروحي
واتذكر ابوي من يتغزل بية يگلي
كل حلو بيه لولة بس انتِ ماشفت
بيچ هاي اللولة، نزلت دمعتي من اذكرتة
گصعت صفنتي امي وهية تدخل للغرفة
سهام: شفق امشي روحي للأسواق
جيبي عصير راح يجينة خطارر
_منوو يجي
سهام: خطيب اختج
_من شوكت صار خطيبهاا يعني انتِ
متجوزين من هذا الموضوع
سهام: هسةة امشي وبعدين نلغي راح يوصلون
_اخذت منها الفلوس واني اضحك على
عقلهاا خليها تعيش الاحلام مستحيل اخليها
تحققهن على حسابنةة اشتريت من راس الشارع
چانت دنيا مغرب والشارع فارغ سمعت الصوت
واخذني الفضوول ادخل لذاك الشارع بسبب الصوت
اليصدح منة محد يگدر يدگ الباب ويعرف شنو
كلمن ساد بابة وگاعد تقربت من البيت چان چبير
وحلو بس متروك الزرع نازل على الباب بحيث مغطي
الواجهة كلها وأضلم الگاع كلها تراب تعجبت اول مرة
اشوفة مفتوح شي قليل بس اليتقرب منة يبين
أخذني الفضوول دفعتة على كيف واني اتقدم
اباوع بأرجأ المكان چانت طرمة چبير وحديقة بس
كلها تراب واوارق الاشجار الصفر مغطيتهاا سكراب
وغراض هواي البزازين تلعب والريحة لاتطاق
امتلاء قلبي رعب من المنضر قبل لااا اندار اريد اطلع مناا حسيت الباب نطبگ قوي نداريت وانصدم....
