رواية انا والغريب الفصل التاسع 9 بقلم هبة حمزة
.........................................من قريت رساله ياسر والمكتوب بيهة.......
ياسر"......***افتحي الباب اني جوة واذا مفتحتي اكسره واسويهة ترة ***
نزلت جوة يم بيبي وحايرة شسوي افتحه لو اعوفه
...اخاف افتحه ويتخبل عليه ، واذا اعوفه يتخبل اكثر....
دخت ونسطرت ورحت فتحت باب غرفه بيبي شفتهة نايمه
سديت باب وطلعت للباب البرة بس حطيت ايدي عله اليده فتحتهة شويه ويندفع باب من قوة الدفعة رجعت ليورة
باوعت هوة ياسر دفعه بس شكله يخوف عيونه حمر ولابس اسود مبين حرامي
من خوف ركضت جوة اريد اروح اكعد بيبي بس لزمني من شعري وحط ايده عله حلكي ويحجي بهمس
ياسر"......اذا اسمع صوتج اكتلج انتي وبيبيتج ، فوك بسرعه كدامي
منار ........ من خوف ضليت اباوع عليه وجه مكلوب مو نفسه ياسر" حتة شكيت سكران*
ضل يجر بيه بسرعه وصعدنه فوك ، طب للغرفه ودفعني جوة شفتة إجه ولزمني من ايدي وكال
ياسر".......اي وأخيرا وكعتي بيدي منو راح يخلصج اليوم
منار"......والله ردت اجاوب بس رفضتك بالغلط
ياسر".... قنعي نفسج
منار".......والله العضيم احجي صدك بس هدني ايدي تأذيني
ياسر "...... بعدج مشفتي شي من الاذيه
مشفته غير دفعني وضربني راشدي ، بديت ابجي مقهورة منه
شفته كام يشرب جكاير وجاب كرسي وكعد كبالي وكال
ياسر"........ليششششش مجاوبيني عايفتني مثل مط*ي أدك ومجاوبين ادك وتغلقين جهاز ليشش
منار...... اسمعه وابجي حتة اخاف ارد عليه خاف يضربني
ياسر"............احجي بت ...* ما اسويلج شي
منار".....................
ياسر ".......إذا ضليت ساكته صدك راح اسوي لبالي واخليج انتي تركضين ورايه مو اني
منار".........جاوبته بشهكه ..... ردتتت اجاوبك بس توترت واطيتك رفض وبالمره ثانيه خفت وسديته
شفته ضل يباوعلي ويدخن ويصغر بعيونه
...........إجه ابالي حجي وكلت لازم اكوله ما اضل ساكته اله
منار"........ما اكول الك بس حسبي الله ونعم الوكيل فجأه دخلت حياتي ودمرتهة واني يتيمةة لا ام
ولا اب الي يدافع عليه ولا اخ ليسندي ويحميني منك ومن امثالك اني اعرف انته ليش تسوي هيج تشوفني ضعيفه
بدون ام ولا أب تكول استغفلهة انته متعرف اني هسة شدا احس شنو من شعور بس هم ارجع
واكول حسبي الله ونعم الوكيل.
|الي يكول هيج دائما تنتقل قضيته من الارض إلى السماء ، فاذا حسيتو احد ضلمكم بس اتحسبو عليه وخلو هوة وربه|♡
شفته ضل يباوعلي واجه ابتجاهي. .. ، وراد يكومني من كاع دفعته واني ابجي شفته ونصدمت بنفس
الوقت من ردة فعله ، نزل بمستوايه و
حضني وبقوة ، ضليت ادفع بي اريدة يوخر ماكو بقه حاضني واني ابجي
ياسر".........اششش كافي حبيبتي كافي اسف
منار"...... شيفيد الاسف وانته عيشتني برعب وخر مني
ضليت اوخر بي ماكو لزك
ياسر".......منار الله يخليج لتتحسبين عليه والله ما عايز دنيا كلهة صارت عليه لا انتي هم
منار".......اي وخر هاهية
ياسر"........كولي تصالحنه ياله اوخر
منار"....... ما اكول وخر يلةةة
شفته كام يحط راسه بركبتي !!
دفعته قوي
باوعلي وكال
ياسر"..........اويلللللييي عمي اقدم اعتذاري الج انسه منار
منار"........وخر واعتذارك ممقبول
ياسر".........اني اعرف شلون اخلي مقبول
مشفته غير تقرب مني ! وباسني بخدي وابتعد
ضليت اباوع مصدومه اول مرة واحد يتقرب مني هيج
ياسر".......ها هسة مقبول
منار "..............................
ياسر".......هاي يمعودة وين صفنتي هاي بوسه بالخد هيج صفنتج لعد لو لبالي اسوي شلون
منار"....هااا
ياسر ".......ههههههههههه خرب يومج شنو ها ؟ لا والله ضاهر انتي ناقصج حنان هواي يمعودة شبيج
صحصحي وياي
منار"........ شنو شبيك مفتهمت ؟
ياسر "......لا حبيبتي ماكو شي بس مشتاقلج
منار".....شنو!
ياسر ".......هههههههه مو كتلج خبله انتي ، اكو وحدة زوجهة يكلهة مشتاقلج تكله شنو
منار"..........عفته وردت اروح انام هذة راح زايد عن لزوم.
رحت نمت بمكاني
مشفته غير دحس روحه بفراشي وتغطى ونام
منار"........ يمعود كوووووم لتجي بيبي اطلع منا
ياسر ".......اششش كافي وبيبيتج نايمه متدري بالدنيا اصلن
...........باوعت عليه وضجت من تصرفه. شفته اجه وحضني من ضهري ووكال
ياسر".........نامي بدون أي كلمه
منار"........ضليت ادفع بي اريد يوخر ماكو حجارة وحاطتهة مليت من مقاومه ومدري شلون نمت
كعدت الصبح لكيته ماكو ، حته ضليت صافنه هواي عبالي حلمي بس من دك موبايلي باوعت اسم مكتوب عليه
(حبيبي
) !
) !ضليت اباوع عله رقم احس عقلي ضرب اني وين عندي حبيب !!!
جاوبت
منار".......الو
........هله بهل صوت
منار".......انته ياسر
.......ليش هوة اكو غيرة حبيبج
منار"....... ومنو كال
ياسر ".......اني ليش اكو غيري وصدك مكلتي الاسم شلونةة
منار "........ههه حلو ومبين عايش الدور يعني فاتح جهازي وكاعد تسمي روحك حبيبي !؟
ياسر".....اي
منار"... راح اروح اكعد بيبي باي
ياسر"......اي ومن ترجعين خابريني عندي حجي وياج هواي يله مع سلامه وذير بالج عله نفسج
.....وسد حتة مخلاني اجاوب
نزلت كعدتهة لبيبي وشفتهة راح نوب اجت وكالت
......بنتي ترة خابرت ياسر وردت الموافقه وكال الاحد اليجي الخطبه
منار"......شنوووو؟؟؟
بيبي"......اي بنتي واطيته رقمج ترة من زمان كال حتة نحدد موعد سوة توقعت كلج
منار".....لا محجه اساسا ويله تعاي نتريك راح اروح للدوام
بيبي".....اي واني اوديج وياسر كال اني ارجعهة
منار".....ليش خليتي ما اريد اني راح اخلي اسجل و الخط يوصلني
بيبي".....ميرضه الولد كال حته اني اوديهة وارجعهة بس مرضيت اني
....هاهية عوفي شتسويله
خلصنه اكل وكمت اريد ابدل ودك جهاز بيبي كالت
....هذة ياسر
....هلا ابني شلونك
....لا عادي هية اساسا كملت تعال لا لا عادي مصار شي ، مع سلامه
منار".... ها بيبي شكو؟
.......راح هوة ياخذج ويرجعج يكول انتي متكدرين حاليا خليهة اني اوصلهة
عفتهة تحجي وصعدت ابدل واني كارهة نفسي من وراى
ورة شويه سمعت الجرس ندك ، نزلت اني وجنطه وطلعت بيبي اله بس مرضه يفوت كال مستعجل
صعدت ويا
طبكت باب واني انافخ حته صباح الخير مكتله
مشه شويه وجان يلتفت الي
تقرب وباسني بخدي وكال
ياسر".......صباح الخير يا عسل
منار".....خجلت منه وكتله ....صباح نور
ياسر"......اسف مرة ثانيه عله صار البارحه
منار "...هاهية سامحتك
ياسر".....وشحدج متسامحيني مسويه فضل هية ام كفشه
منار".......صرت عصبيه / منو ام كفشه احترم لضوج خلكي من صبح
ياسر"...ايبااااااخ عمي نعتذر اني أبو كفشه
منار"......وين كفشه بالموضوع شو اكرع انته !
ياسر"......هههههه مو اكرع اني اخفففه شعري ترة
منار"......لا بعد عوفه اريد اشوفك شعرك طويل
ياسر".....مو تدللين .
..منار ...خرب مدري شلون فلتتهة شعليه بي اني
وصلني للمدرسه وراح
بدة دوام وكلهة تتحمدللي بالسلامه عبالهم مريضه جنت
خلص الدوام وطلعت وشفته نفس اول مرة من شفته وبنفس سيارة سبحان الصدفه هسه صرت مرته لكيته ينتضرني
صعدت وكال
......الله بالخير
منار"..... باوعت عليه وضحكت
ياسر"...... شلونه الدوام
منار ".....حمدلله زين
ياسر"............. توة ديحجي
وسمعنه صوت ضربه كلش قويه نركع راسي بالجامه ودخت
