رواية امتلكني الغول الفصل الخامس 5 بقلم أميرة محمد
اتفاعلو ياحبايب قلبي بنجمه وكومنت حلو منكم لاختكم أميره بحبكم في الله يااحلي اخوات في دنيا
**************************************
+
وافقت سمر انها تجرب وتتعلم وتتطور في شغالها وفعلا بعد ما عدي ٣ أسابيع من بعد طلاقها وهي اتعلمت الشغل بسرعه وفهمته وده عرفو هاشم هو مسافر بره من عم مسعود ان سمر مسكت المصنع من أيد من حديد واتعلمت بسرعه مافيش حاجه تطلع غير لما تتسجل ويكون معها ورق كل طلبيه تطلع اتبسط هاشم للي سافر يبعد عنها هو يهرب من قلبه للي وقع من أول نظره
+
بعد ماعدي شهر من طلاقها اتفاجات من فاتن للي طلعت تخبط علي باب مكتبها ودخلت والغل والحقد ونار ولعت اكتر لما شافت سمر قاعده علي مكتب بصتلها سمر من فوق
+
لتحت اتكلمت فاتن وفاكره انها كده هتغيظها لسمر او هتوجعها متعرفش ان سمر الجديده : انا قولت بردو انتي صاحبتي لازم اول واحده تحضرلي وتفرحلي جايبلك كرت دعوه فرحي اتفضلي مش هتفتحي الدعوه وتعرفي مين العريس
+
سمر بكل هدوء مسكت الدعوة وفتحها متفاجائتش كتير لما عرفت إن للي هيتجوزها ثروت طليقها بصتلها وضحكت سمر واتكلمت : ههههههه يألف الف مليون مبروك ياقلبي ياحبيبتي ده انتي عملتي الصح لما هتتجوزيه عارفه لانكم انتو الاثنين تستاهلو بعض لكن للأسف أنا لا زايو ولاه زايك
+
يعني كنت غبيه لما صبرت وسكت كل سنين دي ومطلقتش من واحد ابن امه فاشل واحد صايع بتاع قهوي ياحبيبتي انا ربنا نجدني منه مبروك عليكي ياقلبي غير انه انتي كمان ربنا حب يثبتلي حقيقتك كويس ياريت بقي تتفضلي عشان مشغوله وعندي شغل فاتن اتخنقت كانت فاكره انها لما تطلع هضيق سمر لما تعرف انها هتتجوز طليقها لكن اتفاجات بفرحه سمر بجوزها من ثروت الغل جواها زاد اكتر لسمر
+
روحت سمر البيت عند ابوها ودخلت لقيت عيالها قاعدين بيذاكر الاثنين قعدت مع اختها وابوها وحكت لابوها للي حصل من فاتن
+
ابوها بتنهيده حزن : سامحيني ياسمر يابنتي زمان للي دوست عليكي وخليتك وافقتي تتجوزيه كل ده عشان كان ليه قولت ده ابوه كان صاحبي وابنه هيكون زايه طيب غلبان والله يابنتي افتكر زمان كان ليه ابنه الكبير كان من صغره شاب طوع ابوه ورجوله فعلا رغم انه كان طفل لكن كان في قمه الاحترم والادب معرفش ان لما تتجوزي اخوه كل ده هيحصلك حقك علي قلب ابوكي يا بنتي
+
سمر بهدوء :متقولش كده يابابا ده نصيب ياحبيبي ومكتوبلي اشوفه المكتوب علي الجبين لازم تشوفه العين يابابا الحمدالله بدر وحنين هما عوضي وفرحتي في دنيا يابابا اقفلو سيره دي بقي بالله عليك يابابا احنا عايزين نتغدي يارورو ده دلع مرفت للي بتقوبه ليها سمر
+
اتجوز ثروت وفاتن وليهم اسبوعين وام ثروت كانت فاكره إنها هتقدر تمشي كلامها علي فاتن زاي سمر وتخليها تعمل كل للي هي عايزه اتكلمت أم ثروت : بقولك ايه ياحلوه خالص خلص فرحكم من بكره تشوفي بقي مصلحه البيت
+
للي بقي يقرف ده طليقه جوازك لما كانت مراته كنت ماشيه علي عجين متلخبطوش وكانت نظيفه كانت دائما بيت ده كان بيلمع من نظافتها يلا ياحلوه قومي نظفي البيت وجهزيلي التسالي بتاعتي اتفاجات ام ثروت لما مسكتها فاتن من هدومها واتكلمت بنبره خوفت ام ثروت منها : بقولك ايه يا وليه يا قرشانه انتي انتي فاكرني هاكون زاي
+
للي ما تتسمي للي اسمها سمر لاه يا عنيا انا هانم ست البيت قعد وانا حطه رجل علي راجل وانت هتشوفي مصحله البيت من تنظيف لاكل للغسيل لكله لو جيت من شغلي للي هنزله تاني من بكره لقيت حاجه ناقصه هتشوفي مني للي عمرك ما شوفتيه ياوليه انتي فاهمه اما طليقته لجوزي حبيبي انا هعرف زاي اقهر قلبها علي اغلي ما عندها بس صبر عليا
+
عدي كده ٣ شهور ونص وسمر خلصت عدتها وبقت حره نفسها وفي يوم وهي في شغلها اتفاجات من مرفت اختها بتتصل عليها فتحت عليها سمر واتكلمت لكن اتفزعت من عياط مرفت : ف ف في ايه ياميرفت اهدي وفاهميني في ايه
+
ميرفت اختها بعياط : طليقك ياسمر استغل اني تحت في سوق بجيب طلبات للبيت وطلع هو واثنين معها ضرب وابوكي وقعه وانتي عارفه ابوكي راجل كبير وصاحب مرض واخد بدر وحنين من البيت غصب عنهم حاوله الجيران
+
يمنعه لكن زعق للناس وقالهم انه عياله هياخدهم واحد من للي معها فتح علي ناس المطوي سمر اتصدمت وطلعت تجري من شغلها وشافتها فاتن للي ضحكت بنتصار انها اخيرا قدرت وعرفت ازاي هتقهر قلبها لسمر هما عيالها هتوريها هي هتعمل ايه فيهم
+
اما عند هاشم للي بقي مش قادر ينسي سمر ولاه يطلعها من دماغه ولاه قلبه من اول نظره عيونه وقعت عليها وهي امتلكت قلبه حاول بكل الطرق يبعد تفكيرو فيها وانها ست متجوزه لكن بقي مش قادر عايز يشوفها ويملي نظره بيها لكن غلط وحرام فضل مانع نفسه انه ينزل لمده ٣ونص
+
لكن لازم ينزل عشان في شغل لازم هو للي يعملو وكمان الجد كان بعتلو من فتره انه عايزة
+
إما عند سمر جريت علي بيت ثروت وخبطت باب البيت بعنف بكل قوتها واخدت معها الشرطه : فين اولادي حنين بدر طلعو تعالو انا هنا ياحبايب قلب ماما اتفاجات من ثروت للي واقف بكل شماته ومش همو الشرطه للي واقفه : بتدوري علي ايه العيال بقو مع ابوهم خالص للي هيربيهم
+
الظابط اتكلم : وباي حق تاخد العيال من حضن امهم غير ان إنت تعتبر خطفتهم اقدم ناس
+
ثروت اتكلم بثقه : خطفتهم هو في اب يخطف عيالو بردو ياباشا غير اني انا كسبت الحضانه بتاعت العيال والحكم أهو لو مش مصدقني والعيال جوه اقدر أجيبهم هما هيقولولك انهم عايزين يفضلو مع أبوهم حبيبهم
+
مسك الظابط الورق الحكم وشافها وطلعت حقيقه بص لسمر : للاسف يا المدام أبوهم واخد حكم بحضانتهم ليه لكن أقوال العيال هي للي هتعرفنا عايزين يفضلو مع مين فيكم
+
طلعهم ثروت من الاوضه شافت دموع في عيون حنين للي منزله عيونها في الارض وشافت بدر بيبص لأبوه بكره
الظابط : قولولي ياحبايبي انتو عايزين تفضلو مع بابا ولاه تحبو ترجعو مع ماما
+
بدر اتكلم بشجاعه : انا عايزه أفضل مع ماما لكن بابا مهددني انا وأختي لو قالنا اننا عايزين ماما هيموتها لينا وإنت ياعمو ظابط تقدر تحمي ماما
+
الظابط بنظره غضب لثروت:بقي إنت تهدد ابنك وبنتك انك هتقتل امهم هاتوه يا عسكري في البوكس لف بص لسمر تقدري تاخدي عيالك لكن نصيحه الحكم للي معها يقدر ياخدهم منك في أي وقت فحاولي تتصرفي اخدتهم سمر
+
في حضنها ورجعت بيهم بيت أبوها ودخلت اتطمنت علي ابوها انه بخير واخدت عيالها في حضنها بخوف وزعل انه ياخدهم منها هي متعرفش حاجه عن الحكم دي اتصلت علي محامي هو من منطقتهم وكلمته: يا استاذ حسن انا طليقي اخد حكم بحضانه عيالي وانا معرفش ومجاليش اشعار بل القضيه
+
اتكلم المحامي حسن : بيقي يامدام الاشعار طلع بس هو رشي المخبر الاشعارت بفلوس انه ما يوصلش ليكي اشعار من المحكمه واكيد المحكمه عطت مره وتانيه فرصه وبعتو ليكي اشعار وعدم حضورك للمحكمه اخد هو الحكم بل الحضانه أولادك .................
+
بقلم أميره محمد
+
انتظروني نعرف مع بعض للي هيحصل يا احلي اخوات في دنيا مستنايا تعليقاتكم ورايكم وتوقعتكم للي بجد بتفرحني ياحبايب قلبي وشكرا لكل للي قراء ليا ومتابعني وبيشجاعني اكمل واستمر بجد شكرا ليكم يااحلى بنات بحبكم في الله يااحلي اخوات في دنيا
+
البارت ٦ نزل ادخلو اقرءؤه فصلين أهو عشان منزلتش إمبارح
+
