رواية شمس الجاسر الفصل الثلاثون 30 بقلم حنين مراد
ليضحك وجهك دائماً فهي مجرد دنيا .
+
الـكـاتـبة :- حـنـيـن
+
فضلاً لتنسوون التصويت + التعليق بين الفقرات +المتابعة لطفاً
+
ملاحضين دخلنة 300 واكثر 🌝🤍✨
+
بـسـم الله الـرحـمـن الـرحـيـم
+
__________________________.♡
____________________.♡
بالليل طلعنة بالحديقة الخلفية كلنة وجبنة حلويات ادهم ومعتز جابوهن فات حيدر وادم مشغلين الديجي وشادين الوصل المصريات كامت زينب متفاجئة لأن ذني مالاتهة
+
زينب: هاي وين لكيتهة
+
حيدر: بغرفتج
+
زينب: وليش اخذتوهن
+
حيدر: حبينة نركص
+
ضربتة وهوة ولا عبالك راح يركص ونوب ركصهم يضحك
+
معتز: نقدملكم صفيناز وابن اخوهة
+
ادهم: هههه
+
فاتت خالة تركض
+
كريمة: كومو اجو خطار
+
معتز: ذول نسردو ؏ الجيات قبل العرس بأسبوع اجو دكااافي
+
كريمة:لاتخليني اركعك كوم
+
كامو واحنة طبينة جوه لأن نسوان هم اجن لليل راح الكل صفة البيت هدوء صعدت للغرفة لبست تراك شوي واجة معتز جنت كاعدة ؏ السرير مدد على رجلي حطيت ايدي بشعرة واحرك بي ما احس الة دفعني وصار فوكاية
+
معتز: عوفج من شعري وتعاي الي
+
غسق: هههه شنوو تـ...
+
مخلاني احجي بسرعة باسني
____________________________.♡
________________________.♡
شـمـس
رجعت لبست تراك وسويت شعري كبة شوي وتصل جاسر فزيت ؏ حيلي ورديت
+
شمس: الوو
+
جاسر: هلا
+
شمس: هلا بيك شلونك
+
جاسر: الحمدلله وانتي
+
شمس: زينة وصلت؟
+
جاسر: اي وصلت رجعتي من بيت جدج
+
شمس: اي قبل شويه رجعنة
+
جاسر: غضب
+
فهيت على نطقة الـ اسم غضب وشكد حلو بصوتة فجأة تخيلت يبوسني فزيت على صوتة بأذني
+
جاسر: شمس وين رحتي
+
هفيت على وجهي وحجيت بلا وعي
+
شمس: ماكو شي بس انتة بستني
2
جاسر: شنووو!!؟؟
+
حطيت ايدي على حلكي وسديتة بسرعة
+
شمس: عزاا بعيني عزااا عزاااا شحجيتتتتت يمةةة انووب جاسرر لو بعد عشرين سنه ميفوتهة الي
+
شوي واجت رسالة منة فتحتة كاتبة
+
جاسر: هههههههه لتخافين بس ارجع وتدللينن
+
لطمت على وجهي من الفشلة لهسة ممستوعبة شحجيت اني شوية ودز
+
جاسر: بس مو تكضيهة علية ادبسزز وعيب و***
+
فتحت عيوني متفاجأة بسبب كلامة راح يم جماعتة وتسخف كتبتلة بسرعة
+
شمس: لا تتساخف
+
جاسر: برائيي انتي لا تتساخفين وين اكو وحدة تكول الزوجهة بووسني متستحيننن كلتي بنفسج حتة احققهة الج
+
غميت نفسي الف مره ورجعت كتبت
+
شمس: موو قصديي ترااا
+
جاسر: بس ادلليي من ارجع يجرالج التردي
+
شمس: جاااسررر
+
جاسر: هههههههه دزيلي صورتج
+
شمس: شتسوي بيهة
+
جاسر: هيج يعجبني ادرب بصورتج
+
شمس: جاااسررر كاافيي
+
جاسر: هههههه ماشي دزيلي
+
اخذت صوره ودزيتهة بس شافهة بسرعة رد
+
جاسر: شعجبب لابسة تراك
+
شمس: عجبني
+
جاسر: دصوري ؏ المراية خلي نتمعننن
+
شمس: جاااسرررر عيببببب
+
جاسر: هسة اني شحاجي؟
+
شمس: لا يابة ابداااً اني اتبلة عليك
+
جاسر: مو والله
+
شمس: روح روح اكرهك
+
جاسر: ههههههه وانه هم
+
شمس: ننننننن
+
جاسر: دنجبي وكومي يلا
+
شمس: وين؟
+
جاسر: صوري نفسج ؏ المراية
+
تأفأفت وكمت عرضت التراك وصورت شافهن بقة دقايق وتصل جاوبتة واني اتماوع
+
شمس: الوو
+
جاسر: شتعل عمج والخلفوو
+
شمس: ليش
+
جاسر: لتحجين هيج
+
شمس: اووي ليش
+
جاسر: استغفرلله لا اني بالدوام ومحصل شي ولا من ارجع
+
شمس: لاتصير ادبسزز
+
جاسر: والله ليشوفج ميكدر يبقة كاعد
+
شمس: ليش كمت؟
+
جاسر: ايي كمت بـ***
+
شمس: جاااسررر اشو رحت وصرت ادبسزز من صدك
+
جاسر: عدوني الـ..
+
شمس: اكرهك
+
جاسر: اني هم
+
مددت ؏ السرير وبقيت احجي ويا لحد مغفيت كلش
+
غسق
كعدت لكيتة سابح وواكف ؏ ميز المراية يعدل بنفسة كمت
معتز: صباح الخير
غير: صباح النور
+
وكفت يمة دنك باسني بخدي ورجع يعدل بنفسة واني منتجية ؏ صدرة نايمة وكفة
+
معتز: اذا تنعسين رجعي نامي
+
اتجهت للكنتور طلعت ملابس وطبيت اسبح طلعت لكيتة امدد مددت بصفة وحضنتك لأن انعس طفة جهازة ورجع نام شدني علية وثنينة نمنة
+
☽︎بـعـد مُـرور شـهـر☾︎♡︎
+
هل شهر كلة جاسر مو يمي ووللان ماكو خبر متى يجي لأن الوضع خطر صارلنة شهر من بدت الكلية جاسر خلالنة خط مأمن علينة كال من ارجع ابطلجن واخذجن انه لأن ياسر عندة شغل وميكدر بهل شهر نخطبو عمو ادم ونغم وسافرو وية عمو ادهم ينقلون غراضهم هنا وجمانة وحيدر قربت خطبتهم يردون يسوونهة بيناتنة وجمانة متقبل الة تسويهة خطبة تركية مثل الاتراك وماكدر حيدر الة يوافق
+
ديار بعدهة بعذابهة بخصوص الحب خاصتن من تشوف ياسر وأروى الكاهة خاتلة وتبجي وايات ماااتتتت لأن عمو صارلة سبوعين مسافر ومشايفتة، رجعت من الكلية فتت لبست دشداشة قصيرة وكعدت اقرة بدون غدة خلصت وكمت بدلت وطلعت نضفت الشغل العلية لأن أروى مستحيل تجيسة الة ارجع انضف اني خلصت ورجعت لغرفتي لبست دشداشة زيتونية مخصرة ؏ الجسم وشعري تركتة نازل شوي واجت ايات
+
ايات: اكلج اجت جيرانة تريد تشوفج
+
شمس: هسة اجي بس ابدل
+
ايات: دتعاي هيج ياسر مموجود
+
طلعت وراهة سمعت البنت تسولف وية خالة
+
البنت: خالة والله يريدني اهتملة واهتم بنفسي يعني ليش اهتمم بنفسي على مودة
+
سلمت عليهة وكعدت ايات كالت اسمهة فتون وحلوة، كامت خالة الغرفتهة لأن صدعت
+
شمس: شنو شبيج انتي وزوجج
+
فتون: زعلانة عد اهلي لأن لكيتة يخوني وية وحدة ومن عاتبتة يكلي متهتمين بروحج يعني ليش اهتم بروحي علمودة خو على مود نفسي
+
بقيت صافنة على تفكيرهة
+
فتون: مبينة علاقتج بـ جاسر حلوة لأن تهتمين بنفسج
+
شمس: شدخل؟ لالا والله شدخل يعني اذا هتميت بروحي يعني علمودة؟ لا اني على مود نفسي يعني اخرب بشرتي ونفسي حتة ما يضن اهتملة ترا بشرتج هاية تخررب كلش بعدين شوفي ايات ممتزوجة وشوفيهة شلون معتنية بنفسنة ترا احنة من نعتني بنفسنة ترا النفسنة مو الغيرنة لذا شرايجن باجر نروح للصالون
+
فتون: ايي قنعتيني والله
+
ايات: واني هم
+
أروى: واني
+
شمس: ماشي نطيني رقمج
تبادلانة الارقام وراحت طلعنة وراهة، التفتت علية أروى وشهكت
+
أروى: شمس
+
شمس: شنو
+
باوعتلي ايات وركضت جابت كلنكس حطيت ايدي على خشمي لكيتة يجري دم وذني للغرفة بسرعة نومني ورفعن راسي شوي وسكت النزيف وموبايلي بس يرن اخذتة ايات ترد على جاسر محسيت الة واني نايمة فزيت بالثنتين بالليل شبعانة نوم كمت غسلت وكعدت حايرة شسوي الكل نايم فجأة طلعت دشداشة قصيرة زيتونية وبيهة فتحة صغيرة حيل توني مشتريتهة لبستهة وجانت ضيقة ؏ الجسم ودلعة من الصدر كعدت اتمكيج سويت مكياج خنفشاري الة بشدة لأن فرحانه باجر عطلة خلصت ورشيت عطر كعدت اخذ صور ما احس الة الباب نفتح درت وجهي برعب ؏ الباب شفتة جاسر فات وسدة من الصدمة والفرحة نسيت شمسوية ركضتلة بسرعة حضنتة حضني بأيد وحدة وباس راسي بتعد مبتسمة بس ختفت ابتسامتي واني اشوف
+
شمس: جاسر ايدك عزااااا
+
سد حلكي وخزرني
+
جاسر: لتكعد امي لو اياات سكتي
+
بتعدت وتجمعت الدموع بعيوني واني اشوف ايدة ملفوفة ومعلكة بركبتة حجيت بهمس
+
شمس: شبيهة
+
جاسر: مابية شي شهل مبالغة بس تصاوبتت
+
شمس: ليش تحسسني دغدغوك بالطلقة ولكك طلقة متصااوب
+
جاسر: الطلقة الهنا اقوة
+
سكتت من شفت نضراتة اكلتني جريت الشال وحطيتة على صدري صح البس قصير كبالة بس مو هيج ولا دلع جريتة للسرير حتة يمدد واني انزع بالبسطال والجواريب
+
كعدت بصفة واني اشوف ايدة شوي وكال
+
جاسر: راح اركعج اذا نزلت دمعة مو نسواان تنكر مال ميي بعيونهن
+
شمس: لا تتساخف يعني تريدني اهلهل واركصلك لأن تصاوبت
+
جاسر: اي اقبل تركصيلي شو كومي
+
شمس: ههههه جااسرر
+
جاسر: شلاعبة بروحج؟
+
شمس: شلاعبة
+
جاسر: جنج بزونة ملطخة روحة تلطخ
+
شمس: هفف جاسر صارلي ساعتين اسوي بي وتالي تكول هيج
+
جاسر: لا جذب حلوة طالعة تعاي نامي بصفي
+
شمس: خل ابدل واجي
+
كمت دا اروح بس لزم ايدي وكال
+
جاسر: لتبدلين
+
شمس: بس ممتـ...
+
جاسر: غضب تعاي
+
مددت بصفة والتوتر الف بسبب الدشداشة حيل قصيرة ما احس الة جر الشال من صدري وشمرة
+
شمس: جـ.. جااسرر شسويت
+
جاسر: خلينة نمتع نضرنة
+
باوعتلة بصدمة شبي جنة سكران مد ايدة السليمة على رجلية العارية لان دشداشة قصيرة ونص رجلي طالعة دفعت ايدة وحجيت
+
شمس: لا تصيرر ادبسززز
+
كلب عيونة وكعدني كعدت بأستغراب محسيت الة جرني من شعري علية واخذ شفايفي وگلبي ببوسة متواصلة، يخليني بس اخذ نفس ويرجع يبوسني وخر ونزل انضارة على صدري رفعت الغطة بسرعة وتغطيت شوي ما احس الة بأيدة تريد ترفع الدشداشة فتحت عيوني بصدمةة بيد نزلتخة وبيدي الثانية من الصدمة ضربتة راشدي بدون وعي باوعلي بصدمة حطيت ايدي على حلكي وحجيت بسرعة
+
شمس: مو قصدي مو قصدي والله مو قصدي بس انتة رفعتهة وتوترت بعديننن ميصيررر
+
جاسر: غضببب
+
عضيت شفايفي اريدة يهدئ بس بسبب حركتي هدئ ما احس الة جرني بيدي واخذ شفايفي بعنف اريدة يهدني ماكو حسيت طلع عصبيتة بيهة من حسيت بطعم الدم يلا بتعد جر كلنكس ومسحهة
+
جاسر: هذا عقاب
+
شمس: كول تريد تبوسني وفضنة
+
جاسر: لا والله
+
جرني علية، ردت اكوم
+
شمس: وخر وخر انتة مو أمان
+
جاسر: خاب دنجبي ونامي خل تصير ايدي زينة وشوفي شلون العب بيـچ لعب
+
تأفأفت وكمت غسلت وجهي ورجعت يمة ما بطل تحرشات رغم ايدة ميكدر يحركهة يستعمل الثانية كانة متعود نمت بالكوة من ورا وتندمت لبستهةة كعدت الصبح لكيت نايمة ؏ الجهة الثانية صاير ضهري على صدرة بس اجسامنة حيلل قريبة لدرجة حسيت بكل جسمه توني دا اكوم
جاسر:.....
+
فزيت اباوعلة
+
شمس: انته شكد واحد متستحي وممتربي تربية خالة رااحت هيج خطية ربت وتعبت وتالي يطلع ابنهة واحد ادبسزز و...** وسرسري وسربوت وهيلك و...
+
جاسر: واذا تحجين بعد اكطع الحزام على ضهرج
+
شمس: لااا والله
+
جاسر: مو كتلج اذا تخلين شال اسوي شي
+
تذكرت اني بليل حطيت شال على صدري ونبهني يسوي شي بس مهتميت
+
شمس: اي وهسه شتريد
+
جاسر: بوسيني واوخر
+
شمس: عادي اكلك دروح
+
جاسر: لتمضرطين
+
شمس: ماشي وخر
+
جاسر: بوسي
+
درت علية بعصبية وبستة بتعدت وكال
+
جاسر: هية هاي بوسة؟ حتة جافةة
+
شمس: شعلية بستك بعد
+
جاسر: بوسيي وخليهة تكون نار شوي
+
درت علية بعصبية جريتة من قميصة وبستة بقوة كمت فوكا ورجع باسني
+
شمس: اكرهككك
+
جاسر: نشوف بعدين
+
مفهمت كلامة كمت بدلت وطلعت شفتة ديحاول ينزع قميصة رحت يمة نزعتة بالكوة لأن توجعة ولبستة بدي اسود بقة هوة يلبس البجامة واني طلعت صبحت عليهم ورحت للمطبخ سمعت عيطة خالة مبين طلع جاسر سمعتة يهدي بيهة بس اني ملتهي يرزلني ويتحارش بيه سمعتهم يحجون وايات تبجي وهوة يمهن اجت أروى يمي تسوي بالريوك
+
أروى: خطية جاسر صارلة شهرين مشايف الخيرر مدري ليش
+
شمس: وليش مشايف خير بالعكس يكولي ذني احلا شهرين من عمري
+
درت وجهي وعقجتة ؏ الكلام الحجيتة لأن جذب باوعتلهة تعوج بحلكهة والله حقهة لأن بنفسي مدا اصدك جاسر هيج يكول خلصنة الريوك وكعدنة ناكل سوة خلصنة كامت أروى تغسل المواعين واني رحت للغرفة مددت ردت انام غفيت كلش ونفتح الباب ورجع نسد نام بصفي بس متقرب يمي ولا شي مهتميت خليت ونمت فزيت على صوت ايات
+
ايات: شمس شمس كعديي
+
شمس: هلاا
+
ايات: يلا كومي اجو خطار
+
شمس: منو؟
+
ايات: ريناد وخالة سارة
+
شمس: منو منو منو؟؟ وجاسرر ويننن
+
ايات: يمهننن يلااا كومي عود اجن يشوفنة قلقانات علية
+
شمس: ايي كلش اني عوبة اذا خليتهة تحصل نضرة من جاسر
+
كمت سبحت بسرعه وبدلت لبست دشداشة توني مخيطتهة وحجاب حطيت مكياج وطلعت سلمت عليهن ام ريناد سلامهة حلو الة ريناد من وره خشمهة كعدت بصف جاسر وهوة ممهتم يحجي وياهن كلبت عيوني بغضب اريدة ينتبهلي ماكووو
+
سارة: ايي للان ماكو شي؟
+
اجيت اكلهة شعليج بس جاسر حجة
+
جاسر: شمس عدهة جامعة وممفكرين بالاطفال
+
سارة: ايي بس احنة نتزوج واحنة صغار حتة اطفالنة ميبينون اطفالنة يعني انتي جبيرة على عمرج وتجيبين
+
رفعت حاجبي وعوجت حلكي
+
شمس: ليش عمري 30سنة لو29سنة حتة ما اكدر احبل ولو الي فوك الـ30تحبل ترا عادي وعمري 23بس بعدني صغيرة ؏ الاطفال من اخلص جامعة عود نفكر اني وجاسرر اذا نريد او لا
+
حجيت اخر شي بمعنى ما الكم دخل اني وجاسر نقرر بس سكتت معاجبهة ردي وياسر من وراهن يسويلي كفوو هوة وايات كتمت ضحكتي عليهم وجاسر يخزر بيهم كمت للغرفة واجت بنت ريناد الصغيرة بتسمتلهةوطلعت ككو من الثلاجة نطيتهة ما احس الة نشال من ايد البنت ورجعت نطتنييا رفعت راسي الـ ريناد على تصرفهة
+
ريناد: اسفة بس ما احب احد غريب ينطي شي البنتي
+
شمس: ترا بنتج اجت لغرفتي ونطيتهة
+
ريناد: اي ما احب
+
شمس: ماشي تفضلي برة
+
باوعتلي بغضب وحجت
+
ريناد: ومنو انتي حتة تطرديني
+
شمس: اني صاحبة هل غرفة
+
ريناد: غرفة ابن خالتي
+
شمس: وابن خالتج يصير زوجي يعني غرفتة غرفتي وكلشي يخصة ملكي الي
+
ريناد: لا والله انوب علينة الزعاطيط يتفيكون
+
شمس: اثبتي منو الزعطوط بتفكيرج تفضلي برا يلا ما احب احد غريب يدخل لغرفتي
+
ريناد: اننييي تطردينيييي
+
اجو الكل ؏ صوتهة
+
ياسر: شكو
+
ريناد: تطردني من الغرفة تحسسني راح اكلهة
+
شمس: لو ما تصرفج ما اطردج جان احترمتي وخليتيني محترمتج
+
جاسر: شمسس
+
شمس: هاا
+
درت علية بغضب لأن نرفزتني فعلاً اشو اباوعلهة سوت نفسهة تبجي وطلعت لزمني من ايدي حيل وكال
+
جاسر: ومو عيب تطرديهةة
+
شمس: بس مو عيب تقلل مني وتكلي زعطوطة وغريبة ومدري شنو
+
جاسر: ششمسس لتخليني اتجاوز عليج
+
شمس: ههه لا لا والله تجاوز شو تجاوز يلا اني غبيه اذا بقيت هنا خايفة عليك واهتم بيك وانتة تكلي عيب هيج تسوين بس هية مو عيب تصرفهة
+
جاسر: شمس لتلحيننن متطلعين
+
شمس: والله اطلع مادامك تحبهة ليش تتزوجنيي
+
جاسر: وانتي شلون عرفتي احبهة؟ يعني اكلج عيب تحجين هيج وياهة تكليلي تحبهة
+
شمس: ايي تحبهة انتة ليش تغشم روحك جاسر انتة بعدك تحبهة ومتعلق بيهة
+
قوة لزمتة على ايدي وحجة بنتر
+
جاسر: لتمضرطين ماا احبهةةة
+
شمس: اولاً لتجاوز ثانياً عوف ايدي وجعتني وراح اخابر حيدر يجي ياخذني اروح لبيت عمو
+
جاسر: وليش ترحيننن ليش مشكلة صغيرة واصلاً ما احسبهة مشكلة
+
شمس: اروح ايام وافكر اذا ارجع او لا
+
وخرت ايدي من ايدة وطلعت جنطة وسط حطيت غراضي بيهة وبدلت خابرت حيدر يجيني ونتضرتهن يرحن يلا اروح ما اريدهن يكيفنن لأن رحت اجة حيدر كال راحن سلمت عليهم وهوة فات للغرفة حتة مطلع شافني ولا شي بس اني اعلمة فتت للغرفة اخذت موبايلي وطلعت بدون ما اباوعلة اصلاً سمعت صوت تكسير بالغرفة
+
ايات: شمس لاترحيننن
+
شمس: شبيج والله ايام وارجع بس لاتكولين الاخوج
+
ياسر: اي بس مو تطولين البيت يصيرر كئيب لازم نتحضر الجاسر راح يطلع حركتة بينة
+
شمس: هههههه
+
ايات: اي والله هسة من اقل شي يسوي طلابة
+
ياسر: جاسر بعد اذا شخص يحبة يزعل علية تقيم القيامة
+
نتبهت من كال شخص يحبة اذا يحبني والله ما اعتقد سلمت وطلعت صعدت بسيارة سلمت على حيدر وراح لبيت عمو نطاني مفتاحة الاحتياطي وطلبت منة ميكول الـ احد اني هنا وصلت للبيت وفتحتة اني ادري اليوم يرجع عمو رحت لغرفتي حطيت غراضي بيهة دخلت ؏ الواتساب شفتة ناشر اغنية بصوتة يكول
+
جاسر
: لا تسولف علينة من يسألونن عيون الناس لا تحسد عشگنا واذا طلعت شمس فوت انته للبيت لأن شمسين معناهة حترگنا من احضنك احضن الدنيا بديه حبيبي وغالية عيوني علية بسرعة الوگت صاير يخلص ويااك هوه انته واذا رحت اختنگنااا
+
كلبت عيوني مبتسمة
+
شمس: شبسرعة لحك يصور وينشر
+
سمعت صوت الباب ينفتح طفيتة بسرعة وكمت شفتة عمو كبل ركضتلة
+
شمس ٕ: عموو
+
ادهم: ياهلا شوكت اجيتي؟
+
شمس: قبل شوي
+
ادهم: شعجب هنا مو بيت جدج
+
شمس: تعاركت وية جاسر
+
ادهم: ليش
+
شمس: اكعد
+
كعد وسولفتلة
+
ادهم: يعني كلج تعتذرين
+
شمس: اي عمو تصدك المفروض هية تعتذر والله
+
ادهم: يعني لازم اسمع من الطرفين حتة احكم
+
شمس: قصدك اني اكذب
+
ادهم: لاا عوبة بس خاف ميقصد جاسر بعدين ميصير هيج ؏ اقل شي تطلعين شلون تعيشين حياتج الزواج هيج يوم تتصالحونن وعشرة تتعاركون الى ان تتعودون على بعض وتقل المشاكل تدريجياً بيناتكم لأن بالنهاية انتو مختلفين
+
شمس: اي بس مو يكلي عتذري منهة
+
ادهم: شممس الاعتذار ميقلل منج
+
شمس: اعررف والله بس لو اني غلطانه اعتذر بدون ميحجي بس اني مغلطانة يعني تكلي منو انتي حتة تطرديني غرفة ابن خالتي
+
ادهم: غير انتي طاردتهة
+
شمس: لعد ليش تودي بنتهة الي اني اعرف هية ودتهة حتة تفوت للغرفة وتاخذهة مااعرف سوالفهة عبالهة اني عوبةةة بس والله اندمهم ثنينهم اذا بعدة يحبهة ليش تزوجني
+
ادهم: شنو شنو
+
عضيت شفتي ؏ الجفصة الجفصتهة
+
ادهم: احجي شنو يحبهة
+
شمس: قبل سنين جانت حبيبتة ببداية العشرين وجانو مقررين يتزوجون بس هية عايفتة ورايحة الواحد زنگيل وجبير بالعمر ومخلفة منة بنت
+
ادهم: بس مو معقولة يحبهة للأن خاصتن جاسر واعرفة الميريدة لو يموت ميحاجي حتة لو ينسة بس اذا حجة ويا يحجي ببرود
+
شمس: ادري وهوة اصلاً يحجي ببرود وياهة بس احس يحبهة
+
ادهم: وانتي تحبي
+
رفعت راسي افكر بجاسر اني فعلاً احبة باوعتلة بخجل وهزيت راسي ضحك وحضني
+
ادهم: كبراانة روز
+
شمس: والله نسيت اسمي من وراكم
+
ادهم: ههههه ليش
+
شمس: انته وايات والبنات يسموني روز وجاسر غضب لو ما ياسر يصيحلي شمس جان نسيت اسمي
+
ادهم: ههههه دكومي نامي واني اصعد انام والعصر اروح الـ جاسر
+
هزيت راسي بمعنى اي وكمت للغرفة نمت
__________________________.♡
____________________.♡
ايـات
رحت لغرفة جاسر اني وياسر فتحنة الباب بهدوء شفنا منتجي ؏ السرير يدخن طبينة بهدوء كعدنة كبالة وبتسمنة
+
جاسر: شكو
+
ايات: سلامتك
+
ياسر: الة سلامتك منريد غيرهة
+
جاسر: نجبو وحجوو
+
ايات: اي شلون صرت
+
جاسر: شبيه يعني
+
ياسر: قصدهة الدخاان الطلع من الجكارة بعدة حار لو صار بارد
+
كتمت ضحكتي على كلامة باوعلة جاسر ببرود ودار وجهة طلعت موبايلي ودخلت على ستوري شمس
+
حاطة مقطع صغير
لا وعيونك ماراضي ضل بزعلك هل مرة ؏ النار تگلب خليكك لخلي بگلبك حسرة
+
طك اصبع ياسر وكال
+
ياسر: راح تصير عركة بالستوريات
2
جاسر: نجب بعدين شعدكم هنانة نكلعو
+
ياسر: اووووي جايين بغرفتك الله يا الله
+
جاسر: ياعيني چـا بغرفتمن
+
ياسر: بغرفة جنتنة شمس
+
جاسر: ترا غرفتي قبل لتصير غرفة غضب
+
ياسر: اويلييي غضبب
+
ايات: ههههههههه
+
جاسر: راح اركعك
+
ايات: زين ليش تسميهة غضب
+
ياسر: هسة يطلع اسم حبيبتة السابقة ويصيح بي الشمس حتة مينساهة وتطلع جنهة مطي اخس من ريناد
+
ايات: لا بس ترا ريناد حلوة
+
ياسر: ايععع لتخليني اتقيء حرف الحاء مموجود اصلاً شلون حبهة الاثول ما ادري ماعندة ذوق زين اخذ شمس ؏ الاقل يحسن النسل منتفشل
+
جاسر: صباح الخير بعدني هنا ترا
+
ياسر: ادري، تدرون بهل كعدة يحتاجلهة بس شمس
+
شال جاسر باكيت الگلينگس وشمرة على ياسر
+
جاسر: ابن الـ... مشتاقلهة اكثر مني
+
باوعلة ياسر وكال
+
ياسر: شوفي كال اكثر مني يعني مشتاقلهةة
+
ايات: ععاااااا صحححح توني نتبهتتتتتت
+
ضربت ايدي بأيد ياسر شمر علينة باكيت الجكاير وكال
+
جاسر: نجبو بس نجبو
+
ياسر: شفتي ماعندة رد مبين مشتاقلهة
+
جاسر: سمعتتت
+
اياتت: اوكفو اوكفو خل اتصل على شمس
+
اتصلت عليهة وجان مبينة توهة كاعدة
+
ايات: الوو
+
شمس: هلا
+
ايات: شوكتتت ترجعينن
+
شمس: ترا اليوم رحت
+
ايات: يمكن يجيج جاسر بليل يرجعج
+
شمس: توني كاعده ليش تذكريني باخوج الغوريلا
+
عضيت شفايفي ؏ جفصتهة باوعلنة جاسر مبتسم بعصبية راد يحجي وطفر علية ياسر سد حلكة واشرلي اكمل
+
ايات: ليش
+
شمس: ببساطة لأن اخوج واحد كـ** ونذلل وحقير
+
ايات: اكول لاتتعمقين بالكلام لا يرجع عليج
+
شمس: خفتتتت كلش
+
جاسر يتمرغل يريد يحجي وياسر ميخلي ساد حلكة وخربان ضحك
+
ايات: زين ليش تكرهين ريناد
+
شمس: ليش؟ تحجين صدك؟ يعني حبيبه زوجج السابقة تحاجيج بلا احتراام ابوسهة لو اخذهة بالاحضان بعدين تعااي
+
ايات: ها
+
شمس: ريناد حية واخوج حقيررر ليش متراهمو
+
رفع جاسر ايدة ركع ياسر ووخرة عدل نفسة وكال
+
جاسر: لأن اخذت الحية الاحسن منهة
+
صفك ياسر وكال وشمس خنست
+
ياسر: الله حتة بالعرك رومنسية هية تغلط ومسحت بيك الكاع وانتة ترد برومنسية
+
جاسر: وين الرومنسية
+
ياسر: غير كلت الاحسن منهة
+
جاسر: قصدي حية بهل سوالف اكثر من ريناد
+
ركعة ياسر وكال
+
ياسر: نجب ما اسمحلك
+
شمس: اني اعلمج ايااات
+
حجتهة وسدت المكالمة وكع ياسر من الضحك ثواني وكعد باوع الجاسر بجدية نصدمت من التغير حجة ببرود
+
ياسر: بالليل تروح تجيبهة
+
جاسر: مااا اجيبهةةة شسوووييي
+
ياسر:**** لاتخلينيي احجي كدام ايااات
+
ايات: ابدد محجيت
+
جاسر: ما اجيبهةة هية راحت بنفسهة
+
ياسر: لأن اني لو بمكانهة اسوي هيج هم انتة تقبل ادهم يكل الـ ايات اعتذري من حبيبتة السابقة فوك هذا حبيبتة متحترمهة
+
بقة ساكت جاسر حجة ياسر بنتر
+
ياسر: جاااسررر احجيي
+
جاسر: لا
+
ياسر: اذاً اني بصفتي اخوهة وحماهة ما اسمحلك تسوي هيج بشمس تروح بليل تعتذر منهة انتة وتجيبهة وتجي
+
جاسر: لااااا تريدني ابوسهة بعد
+
كام ياسر وكومني ويا توجهنة للباب قبل لنطلع لتفت علية وكال
+
ياسر: بيناتكم هل سوالف معلينة بس انصحك يعني
+
شال جاسر كلاص الجاي راد يشمرة وشرد ياسر يضحك لليل بدل جاسر وطلع هوة وياسر يجيبون شمس
____________________________.♡
_______________________.♡
شـمـس
بقيت لليل نايمه كل شي يجي عمو يشوفني بـ10 تقريباً وكف فوك راسي
+
ادهم: شبيج ابوية
+
شمس: مابية عمو بس برداانة
+
ادهم: ما اكدر اغطيج
+
لزم كصتي وحجة
+
ادهم: روزتي مصخنةة وهسة كلهة معزلة
+
شمس: عمو بلاعيمي وراسي ذبحني
+
راح جابلي علاج واجة بس ولا خف الألم جبرت روحي انام فزيت اباوع الغرفة ضواهة خفيف وشي يمي فتحت عيوني حتة اركز شفتة حاضني ونايمة على صدرة بتسمت ورجعت نمت
______________________________.♡
________________________.♡
جـاسـر
+
وصلت لبيت ادهم انه وياسر فتنة سلمنة وكعدنة بالحديقة
+
جاسر: وين شمس
+
ادهم: نايمة
+
جاسر: كعدهة خل نروح
+
ادهم: ما اكدر والله
+
ياسر: ليش ندري بخوي غبي وزعلهة
+
جاسر: يااسررر
+
ياسر: ووجععع قابل جذب
+
ادهم: ههههه لاا مو هذا الموضوع
+
جاسر: چـا شنو؟
+
ادهم: والله مريضة
+
ياسر: لهل درجة متحملت تبتعد عنة
+
ضحك ادهم وخزرتة حتة يسكت حتة الوادم ميصدكون من اكلهم هذا اخوي الغبير
+
جاسر: ووينهة
+
ادهم: نايمة بغرفتهة من العصر
+
جاسر: اني ابااات يمهة
+
باوعلي ياسر عوج حلكة ورفع حاجبة
+
ياسر: منو قبل شويه راد يركع راسة بالحايط لأن ردتة يعتذرر ابووووي؟
+
جاسر: يااسررر
+
ياسر: وقز القرط عمهة ميصير نجذب علية حرام وعيب انا خشى دخول الناااار
+
ادهم: اويلي يخشى الـ... يدخل النار
+
ياسر: لالاا عيب عيب استغفرلله واتوووب اليه اللهم ابعد عني اصحاااب السوء والمواقف الحلوة اا اقصد السيئة وابعد عني ولد الحلال خرب قصدي ولد الحرااام وبنات الحلال والحرام ميهم اي وحدة بيهن نعمة ونشكر الله
+
ركعة ادهم وهوة يضحك راح ياسر وفتت لغرفة غضب هسة هذا سرير ابو النفر شلون يكفيني اوكع منة حتة لو وحدي انام تقربت لزمت جسمهة حاار نزعت قميصي ورفعت الغطة دحست روحي يمهة ورفعتهة فوكاي صارت حتة يكفي نص ساعة ورفعت راسهة بتسمت مثل السكرانة ورجعت نامت ضحكت عليها ثواني ورفعت راسهة ممستوعبة قبل لتحجي دنكت راسي بستهة بسرعة وكلت
+
جاسر: اسف
+
فتحت عيونهة تريد تستوعب شديصير
+
جاسر: هلاا بمريتي العافتنة واني متصاووب
+
شمس: شوكت اجيتن
1
جاسر: هووب بس اني محد اجة وياي سويتينة اناث شوكت اجيتن
+
شمس: قصدي شوكت اجيت
+
جاسر: قبل شوي ساعتين هيج
+
شمس: بعدين شتسوي هنا اني زعلانه منك
+
جاسر: ايي ماشي ماشي ادري بالغتت
والمفروض ريناد تعتذر لأن قللت ادب وياج اسف
+
دنكت راسهة تخفي ابتسامتهة رجعت رفعتة الية وباوعت بعيونهة توتررت وحجت بشكل متقطع
+
شمس: جـ.. جاسرر و.. وخر ااءء لا اعديك
+
جاسر: لاتخافين ما امرض بسهولة
+
حجيتهة ودنكت اكثر قربت شفايفي لشفايفهة وهية وكعت بين ادية حتة عيونهة بالكوة تفتحهن توني دا ابوسهة قرربت كلش خشومنة طخت صرت اتنفس الهوى لتذبة قربت اكثر وبوووم ندك الباب بتعدت بملل وهية نزلت راسهة خجلانة منين اجة الخجل ما ادري
+
جاسر: هناك ايات وهنا ادهم الله تععال تعاال
+
فات ادهم وهوة يضحك عبالك يدري بالصار
+
ازهم: نجب خل اشوفهة شلون صارت
+
كلبت عيوني بملل وهوة يتحسس حرارتهة
+
ادهم: نفسهة نفسهة لانخفضت ولا صعدت
+
جاسر: الصبح تصير زينه والله وناخذهة للدكتور روح نااام يلا
+
باوعلي وحجة بتهديد
+
ادهم: لاااتسوي شيي البنية مريضة
+
جاسر: ؏ اساس اكدر اسوي شي لو اكدر جان سويت من زماااان
+
ضحك ادهم وطلع برا وسد الباب فجأة حسيت بكرصة قوية ببطني عطت بسرعة وضربتهة
+
جاسر: ثولل
____________________________.♡
________________________.♡
ولللجنججنننننن ولكم ولجن احبكم احبكممم عااااااا 😭✨✨✨✨
دخلنة 332 متخيلين!!!
+
زين شوفوووو المدرسة بعد شهر تخيلو ونص🥹
واني اريد اختمها قبل المدرسة خـووش؟
+
بس احداثها هواي ما اعتقد 💔💔😭
+
ولهسة دا اكتب بيها
+
