رواية عروس الهور الفصل الثلاثون 30 بقلم هيلانا
مساء الخير
+
#عروس الهـور
+
لا تنسون تصـويت وتعليق
على الفقـرات لطفأ ومتابعة للحساب
+
لـ أنستكـرام 22_mc.al
10
انت لو غلطة بحياتي هم أعيدك أدري إستاهل الاحسن بس أريدك "محبس اني وما الوك الا إعله أيدك "
5
________________________
+
:-شجن
+
أول ما أنفتـح البـاب وهو فات يدور عليه عصام ما أنطاهم مجال كبل ركعة بطرف المسدس
10
التفت علينا متفاجئ
أيده على راسه طاح بالكاع زحف على المغسـلة من شاف عصام عبالك أتگهرب
7
عيونه چانت دا تباوع لعصام برعب مطلق كأنما شاف ملك الموت
14
الرجال الي جاي يعقـد النـا رجع شارد يريد يطلع. عصام لحگه بسرعة
3
توه فتح الباب وعزيز لاگا وجه بوجه بالباب
رجع ليورة خطوات عيونه تتنقل بينهم بخوف كأنما انحصر بين نارين
11
عزيز سد الباب وارتگى عليه بريحيـة سد كل طريق للشردة عصام تقدم خطوة باتجاه الرجال
4
عصـام:-لا مع الأسف عليك وين رايح؟
6
واكفة أعصر بدية برعـب صافـة وي الحايط وعزيز سحل وساف من الحمام للغرفة صفـهم سوة
3
هو والشيـخ مدري السيد الجايبـة حتى وجه مابي رحمة رجع عليه عصام دفعنـي لحمام وسد الباب
5
جان عصبي خوفني.. نزل الكبوس على راسـي
وهو يلملم بشعري جوة الكبوس ويضمة
15
جنت جامدة ماعرف شسـوي هو ديحرگني على كيفـة
+
لفة عليه كلش خنگني ورجع لعزيز كالة روح شوف مرام جبلي عباء الهـة
13
وصدك عزيز راح ورجع ويا مرام أطگة بعلجها وتغمز لوساف مشمتـة
29
تباوعلي وتضحك لبسني العباء فوك البدلة ونزل عزيز ويانة وهو بقى يمهم
3
ومرام كل شوي دكل لعزيز لو عايفني شوية أمتع نظري صدوك عصام قليل ذوق
+
:-جان خلانة نشـوف المسرحية
+
رد عليه بأدب:-لا نخاف عليكم
14
ضحكت بكلبي شتخاف هو ضل شي ما شفنا أني ومرام
9
ومرام بقت تلح حتى بلكي يخليها ترجع تشوف
تخرب على المشاكل
+
اجيت اكلها أنجـبي بس ادري بيها ما تسكت وتنجب
بقينـة كاعدين بسيارة عصـام
+
أني كاعدة ورة وست مرام كدام ماخذة الصدر
التفتلي وهي تضحك
+
:-الله عليج شلون مفأجاة حلوة
15
:-جنتي تدرين مو
+
:-لا والله وين ادري
+
:-لعد ليش نزلتي وعفتيـني
3
:-اكو شرطـة جوة عود ردت أغتنم الفرصة وتدرين أني ما أضيع فرص وأگلهم بس ماشاءالله المزموز حبيبج لاگني هو وعزيز ووياهم بعد حماية
11
ترسوا الفندق ااووف من شفت عزيزو تيهت وكلبي
طاح بس كالعادة حجارة ما يتحرك أنوب عيونة على عصام كبر لعدد أني حبيبتك لو عصام ما يعرف شلون يحب النساء ذولة زلم ابد ما يتعاملون برقة وي الجنس لطيف
31
:-لا تضوجين هسه المهم نخلص من هالسالفة ونلگة حل لعزيز بعدين
3
:-بس أرجع لبغداد أخلي أمي تسويلة سحر بس فدوة أنتي جيبلي اسم أمة حتى أسويلي سحر بعشرة الاف
14
:-وأني منين أجيب اسم امة صدك تحجين
+
:-اخذي من عصام شبيج هسه هاي هم صعبـة
+
:-لا ما علية
+
:-اووع تفوو ولا يغزر بيج صار ايام مسحولة وياج هسه استكثرتي عليه أسم عمتي ام رجلي وحبيبي
28
:-ترى هو مو حبيبيج لا تعشين الدور زايد
+
:-لعد انتي عصام هم مو حبيبج
+
:-ليش شوكت كلت هو حبيبي
+
لمـت أديهـا وغمتنـي ضحـكت بقينـا منتظرين
مرت نص ساعه وشفتـهم طالعين
4
من الفنـدق.. عزيز والشباب ويا بسيـارتهم وعصام أجة بتجاهنا
3
صعد وباوعلـي أبتسـم براحـة.. دنكت راسـي
ساكتـة بس مرام أستلمتة بالاسئلة
+
قاطعتـهم وحجيت :-عصام ماما بالمستشفى ممكن تاخذنة الها
+
كـال:-شلون أخذج هيج على باجر أخذج
+
:-بس كلبي عد ماما خايفة عليها
+
:-دزيتلها عزيز لا تخافين وأنة بس أوصلـجن أروحلها
11
خجلنـي بتصرفة النبيـل طلـع ورة هالشخصيـة المشگلجية واحد لطيف شوي مو كلش شوي بس
34
طول الطـريق عيوني چانت على عصام بالمراية
چان دا يسوق بهدوء
+
ومرام چانت يمه بالصدر دا تسولف وياه
وهو بس يهز راسه ما دا يباوعلها
3
كل شوي يرفع عيونه بالمراية يباوعلي. أحس كلبي يرجف
10
تدنيت للجامـة حاولت أتلافة نظراتـة ولزيت
نفسي يم الجامة بقيت عيوني على الشارع
+
أني مو شمس اللي حبت علي وباعتنا كلنا وراحت وياه. وتالي حتى بابا خسرنا
30
ما أريد أوصل لهل مرحلة
شنو راح أحصل من محبته اذا حبيتـة
+
شمس شحصلت من علي حتى أني أحصل من صديقه حياتهم عبارة عن مشاكل
8
تنهدت بضوجة وهزيت راسي أبعد هالافكار
من راسـي ما أريد أفكر بشي
+
أهم شي أشوف ماما وتكون بخيـر
خايفـة من أزاد الخبيث يسويلها شي
3
وصلنا للبيت اللي چانوا مخلينّا بيه من رجعونا من الحدود. بيت عصام
3
صف عصام السيارة ونزل فتحلي الباب
وهالمرة مرام نلگفت فاتّت قبلي بسرعة، عافتني وحدي حايرة بالفستان الأبيض
+
الثگيل اللي چان دا يجرجر على الأرض. أحس بيها متقصـدة تعوفني وحدي ويا أو يمكن دا تنطينا مجال ينفرد بيه وحدة
6
وهي هم من نوع الي ماخذة راحتها عبالك بيتـها والله
+
مد إيده لزم الفستان رفعه من الارض و بعدين مد إيده الثاني لزم إيدي. لمسته چانت دافية
11
ضغط على أيدي الضايعة بيدة
أحس بگلبي يدك أطبـول شعور مادري غريب
21
مشينا بخطوات ثابتة باتجاه باب البيت صوت خطواتنا چان دا يتردد بالهدوء دخلنا للبيت
+
صعدنا للغرفة القديمة اللي چانت على حطتها مثل ما هي التفتت لعصام
+
چان بعده واگف يم الباب أيديه بجيوبه دا يباوعلي نظرة خلتني أحس روحي عريانة گدامه
9
عيونه چانت دا تأكلني بشراهة
نظراته چانت حادة
+
عصرت أدية على فستاني الأبيض أحس بيه دا يخنكني مرتبكة بللت شفتي بتوتر أحاول أجمع شجاعتي
+
:-شنو... ليش بعدك واگف؟ أريد أنزع البدلة
3
ما تحرك بس ابتسم شوي وميل راسـة
تقدم بتجاهي رجعت خطوة صار قريب مني
6
حجـة بخبث:-ما تردين مساعدة
25
باوعتله بنظرة. أحس بالدموع دا تتجمع بعيوني
كتلـة بصوت يرجف
+
:-فـدوة عصـام لا تسوي هيج وياي أطلع
10
عض على شفتـة وضحك:-يلـة طالع لا تبجيـن
+
همزين الله هداة طلع وسد الباب وراه.
أخذت نفس عميق چنت كاتمته طول ما هو موجود
+
أخذت ملابس ومشيت للحمام باوعت على نفسي بالمراية وجهي متلخبط كلش
5
مديت إيدي بديت أفتح أزرار الفستان الأبيض
كل زر چان ينفتح أحس بيه دا أتحرر من كابوس چان مزعج
+
سحبته من على چتافي وخليته يوگع على الأرض بهدوء أنتعشت حسيت بالراحة
+
فتحت الماي الحار بالحمام أحس بالبخار دا يلف جسمي، ريحة الصابون چانت منعشة
+
كأنما دا أغسل كل شي صار اليوم
كل الخوف والقرف.. التعب
+
الماي دا يغسل روحي بعد ما خلصت طلعت نشفت شعري ولبست الدشداشة
2
حسيت دا أرجع لنفسي
+
رجعت گعدت على السرير والتعب مسيطر علية. بس عقلي چان بعده دا يفكر ماما... شنو صار بيها
ما مرتاحـة
+
وشمس شنو وضعهـا هي صح ضاربتنـة عرض الحايط وما مفكرة بينة
6
بس أني كلبي عليها أتمنى ترجع ويلتـم شملنا
ونطلع من العراق ونخلص من هالضيم
+
سمعت صوت عصام ومرام تسولف وياه وتضحك
أصـواتهم توصلني
2
أنفتـح الباب ودخلت
سابحة ومغيرة ملابسها وبيدها صينية أكل
دجاجة جاهزة وصمون وتتمضحك
3
حجت بمرح :-الحب مالتج راح يشوف أمج هسه
+
:-الله عليج
+
:-وااالله لعد غير ولد ذايب بيج عندة أستعداد يحب العشيرة كله علمودج
7
باوعتلها صفح.. حطت الصينية بينه على الجرباية
وكعدت
+
:-صدك مساع ليش عفتيني حقيرة
+
:-اووع دولي وين عفتج بعدين رحت سبحت يمة
متت هسه شوي ارتاحيت
1
باوعت على شعري مبلل وكـالت
:-نعيمااا ... خلي ناكل
+
:-ماريد
+
:-ليش... خاف تردين عصام يوگلج ترى مايقصر هسه أصيحة الج
5
:-ااانجبي مرام
+
:-والله أشبيج يگيف
14
سكتت وتمددت ما أكلت بس هي تاكـل
حجـت مستمتعـة
+
:-هذا البيت حلـو.. اكو غرفة جوة سبحت بيها تخبـل
بيتج المستقبلي هذا
4
:-خاب مرام شتحجيـن يا بيتي
+
:-لعد خطية عصام المزموز تعوفي عايش وحدة هنا
3
:-واني شعلية بي امة..؟ واحير بي
5
:-لا لا مو أمه بس هو اللي طلعچ من حلك الموت مو كافي؟
+
شجن:-مـرام كافـي
+
مرام:-ياااا ليش ضجتي ترى عصام خوش ولد ومو أي واحد يگدر يسوي اللي سواه وبعدين عيونه عليچ
9
شجن:-ماكو شي أنتِ دا تتخيلين
3
مرام:- أتخيل جووؤ شفت شلون چان دا يباوعلچ وشلون لزم إيدچ وشلون چان دا يحچي وياچ هذا مو بس طلعچ من حلك الموت هذا طلعچ من حلك الموت... وحطچ بگلبة
10
شجن:-مرام ذا ما سكتي راح أگوم أگفخچ
1
حجت بنزعاج:- ترى أني دا أگول الحقيقة وبعدين... مو أحسن من وساف الشايب لو أزاد اللي باعچ لج عصام خوشييي يفيدج يالثولة
8
مسحت على وجهي بضوجة:-ما أريد أصير مثل أختي شوفي حتى ما نعرف شي عنها وهواي تعبت وحتى تمرضت من ازوجت علي وحبتـة أني ما أريد أكون سجينة لأحد
+
كالت بجدية وهي تعوف الاكـل
:-أنتي مو شمس و عصام مو علي عصام يحبچ وهذا الشي يختلف لا تقارنين بين حياتج وحياة اختج
26
سكتت ما حجيـت وهي كملـت اكـل وراحت غسلت وأجت ... كوة قنعتـهـا أنام هنا تريد تنزل تنام جوة
+
تنهدت تنهيدة طويلة أحس بيها تعب الدنيا كله. حطت راسها على المخدة وغمضت عيونها. ما مرت دقيقة
+
وسمعت صوت نفسها المنتظم نامت نامت بسرعة كأنما چانت دا تنتظر هاي اللحظة طول اليوم
10
بقيت وحدي كاعدة ما نمت كلبي عد ماما منتظرة الاخبار من عصام
+
أحس بالتعب يسيطر عليّة بس النوم ما دا يجيني عقلي چان دا يفكر. ماما... شنو صار بيها
7
گمت من الجرباية بهدوء حتى ما أگعد مرام
رحت يم الشباك وخرت البردة
+
الليل چان دا يلف المكان ضوء القمر چان خافت، أحس بالهوا البارد دا يضرب وجهي أحس روحي دا أختنگ بنص هاي الغرفة لازم أطلع لازم أشم هوا
+
نزلت الدرج بهدوء خطوة بخطوة وصلت للباب الخلفي اللي يودي للحديقة
+
فتحته وطلعت ريحة التراب المبلل چانت منعشة. الجو چان بارد،
4
مشييت بالحديقة الأشجار چانت دا تتحرك بهدوء بنص الهوا حسيت بالوحدة
+
بقيت لـ 2 كاعـدة
+
عيوني چانت مثبتة على باب البيت الرئيسي دا أنتظر عصام لازم يجي لازم أسأله عن ماما
3
. أتأكد بنفسي. أحس بالخوف يرجع يتسلل خوف على أمي خوف على نفسي وعلى اختي الي ماعرف شي عنها
3
سمعت صوت سيارة دا يقترب أحس گلبي دگ بقوة إجى عصام
+
صف السيارة يم باب البيت ضوء السيارة الأمامية چان دا يضرب على الحديقة
+
انفتح باب السيارة ونزل منها چان لابس أسود ملامحه چانت حادة بس أحس بيها تعب
3
أول ما نزل رفع راسه عيونه چانت دا تدور بالحديقة وشافني
1
تقدم باتجاهي احس بگلبي دا يدگ مشيت خطوة باتجاهه ما گدرت أسيطر على نفسي قلقانة على ماما
+
حجـة بستغـراب:- كـاعدة
+
:-ييي... چنت منتظرتك
+
:-أويلي... منتظرتني؟
25
خجلت من نظـراتة حجيت بصوت خافت مليان ارتباك وأني أباوع للأرض
+
:-أقصد... يعني حتى أسألك عن ماما
+
أبتسم وكـال:-أدري أدري بيچ منتظرتني علمودها
+
:-أني... أني بس..
+
قاطعنـي وحجة بهدوء
:-أمج بخير هسه جنت يمها وعزيز يمها لا تخافين عليها
1
:-وشوكت تاخذني الها
+
:-باجـر أن شاءلله
+
جريت نفس براحة أحس بالامتنان يملي گلبي الة
:-شكراً... شكراً عصام
+
:-يله الجو بارد ندخل جوه
1
فتنـة جوة وهو كـال بعـدني ما متعشي سويلي عشة فكلت خطيـة خلة أسويلي
8
هو صعد وأني جهزتلـة عشة نوعا ما أعرف
كلشي بهل بيت على كد الفترة البقينة بيه هنا
+
حفظت كل الزوايـة
+
شوية وأجة جـر الكرسي وكعد.. كعدت أكبالة أيدي على خدي أباوعلة كالي أكل وياي وما أكلت
+
:-عصام اريد أطلب منك طلب
+
حجـة ببتسـامة:-أطلبـي يبعـد روحـي
33
:-ممكن بأجر توصلنـا لبغداد أني وماما لان أخاف من بيت عمو لو أزاد يعترضونـة
1
أرتخت بتسـامتـة وكـال
:-ترجعيـن لبـغداد تردين
3
:-اييي
+
هز راسـة وأخذ رشفـة من كلاص الماي وگام حتى أكلـة ما كملة
+
نزل للطابق الجوة.. كمت لميت المطبـخ وأجيت أصعد وكفت يم درج
+
شفت الضوء جاي من جوة يعني بعدة كاعد
أجيت أنزل وأنوب أنجبيت وصعدت
5
اخر مره نزلت بيها أنحصرت هو أدبسزز
ما يتأمن... دحست نفسي بصف مرام ونمت
3
ثاني يوم الصبح فـزيت وأني أحس بثگل فوكي
فتحت عيوني
1
شفت رجلـين مرام مصعدتهن فوكي
دفعتـه كوة عني
7
وگمت مدري شلون تنام شنو هاالنومة مال المخابيل
رحت غسلت ولبست
+
طلعت من الغرفة
+
نزلت الدرج خطوة بخطوة. ريحة الچاي چانت دا تملي البيت أحس بيها دا توصلني من المطبخ
+
دخلت شفتـة مرتكي على الكاونتر والجكارة بيدة والاستكان
+
أول ما شافني أبتسامة خفيفة أنرسمت على طرف شفته
6
كـال:-صباح الخير
+
:- صباح النور
+
عاف الاستكان وخلة القوري على طباخ دا يحمي الجاي وطلع جبـن وزبد خلة على الميز
+
رحت باتجاه الكاونتر أحاول أكون طبيعية شفت الاستكاين محطوطة. مديت إيدي بديت أحطها على الميز
+
شجن :-أساعدك
+
عصام:-شلون تساعدينـي
9
بلعت ريكي مادري حسيتـة يقصد غير شي
كلامة ملقم
5
حطيت الاستكاين على الميز وهو مد إيده طلع جكارة من جيبه ثانية وشعلها
+
التفتلة بللت شفتي برتباك:-ممكن أطفي جكارتك تلعب نفسي من ريحتهم واريد أتريك
4
:-طفيـها أنتـي
10
:-أنـي.. شنو أطفيهـا أني
1
طفـة جكـارتـة وكـال
:-چايچ صار حار گعدي تريگي
1
كعدت أكل جذب لان هو كاعد أكبالي يشـرب جاي ماكدر أكل مع أنو أني جوعانة
+
البارحة ما متعشيـة فكلش جوعانة بس أستحـي
منه أنوب هو صافن عليه
4
من أباوعلة يدير وجهه عني
+
:-أحم شوكت أنروح لماما
+
:-كملـي وأنروح
+
رفعت عيوني الـة ميل جسمة ليكدام مرتكي
على الميـز
+
:-أنت ليش دسوي كل هذا
5
:-ليـش ما عاجبـچ
2
:-لا مو هيچ بس ما أريد أكـون عبء عليك
+
:-"شوكـت ما تحتاجيـني أجيـج أبد مو عـبء "
طلع ورقة وكتب رقمة وخلة الورقة بيدي
:-" بس أتصال واحد يمج أنة "
13
كام دا يريد يطلع حجيت بسرعة
:-بس يعني ما أفهم ليش دسوي هيج
+
وكف وأندارلي رجع عليه أرتبكت أنحنى مخلي أيدة على الكرسي وايد على ميز ساند جسمه عليهم
+
عيونة بعيوني كـال بخبث:-شتـردين أسمعـچ
9
:-ما اريـ..د. بـ..
12
:-خوش چا كملي ريوگچ وأگعدي مرام نمشي
1
هزيـت راسـي وهو طلع أخذت نفس أجيت اموت كتمت نفسي كلش من قـربة
+
كملت وصعدت كعدت مرام هم علما لبست وتريكت وهو منتظرنة
+
مشينـة لـ لماما ولگينة عزيز يمها حضنتـها وجنت طايرة من الفرحة
+
وهي شوي جانت زينة مو هلكد ضعفانة وجهه
رايح وگاضيـة
+
وسألت عصام عن شمس كالهـا وي علي بناصرية وهي بخير لا تخافين عليها
1
ما جانت مطمنئة بس ما بيدنـة شي وحسيتها أكو شي أبالها مادري تصرفاتها غريبـة
+
وتصفـن هواي... طلعن من المستشفى على مسوؤليتنا
لان دكتور كال متعرضة لجلطة خفيفة ولازم تضل تحت المراقبة فتتطلع على مسوليتكم
+
فـ طلعنـا المهم نشىرد منا نوصل بغـداد ونشوف شنـسوي
1
وعصام أخذنة بسيارتة وبالطريق
علي خابرة مادري شگالة بس عصام ضحك وكالة لا تخاف راح أوصلهم بيدي بخدمتك أنت ونسابتـك
4
حجاها وغمزلي بالمراية شگد سافل حتى من ماما ما يستحي همزين هي مريضة وما مركزة ويانـة
5
ورة ما سد الخط كال لماما:-بيتكم علي أشترى الكم من صاحب البيت يعني رجع الكم بس الاسبوع جاي توقعون ويتحول رسمي ملك الكم
+
شوي أرتاحيت همزين رجعنا يالله فرحتي
ما تنوصف وأني أشوف شوارع بغداد رجعت لمحافظتي
+
وصلنا وماما تشگرت منا وكفنـة كدام بيتنا
لحظت صمت طويـلة
+
جنت فرحانة على حزينـة رحنا أربع نفـرات رجعنة بس أثنين لا شمس ولا بابا
3
أتفرقنـة وتشتتنـة الله لا يوفق الجان السبب
بخراب بيتنا وعائلتنا
15
_____________________
+
:-شمس
+
چان گاعد دا يشرب چاي بهدوء
أني چنت گاعدة گدامه أتريك
+
وصدك أخذ سيارتة صلحـها وحتى الحايط جاب عمال سوا النا
7
همزين ما طلعني أني عمـالة على عملتي
وهم جابلـي ملابس ما بقيت على ملابسة الحمدالله
4
:-أنـة رايح لبغداد جم يوم
1
:-شنوو...وأني راح تعوفني وحدي هنا لااااا
+
:-جا شعليج أخليلج حماية بالباب
+
:-ماااريد حماية علي أني مالة شنو وي منو أحجي وي الحياطين لا معلية لو تاخذني وياك لو توديني للاهلي لو لو مثلا اخذني يم حبوبتك مشتاقتلها مادام أحنا هنا
6
گام ورد عليه برود:-تبقين هنا
+
فكيت حلگي وهو صعد يلبس.. صعدت وراة
جان دا يلبس بقميصة وأني أفتر يمة ومدخنة من العصبية
+
:-علييي ماااابقى هناااا اخذني يم حبوبة أصلا أخاف أبقى بهل بيت وحدي
+
:-شنو اللي يخوفچ
+
:-باع لا تضوجني ما اريد نتعارك مالي خلك
أني حامل ما أگدر أبقى وحدي يمكن أجيب ويجيني أطلوك فجاة
19
طگهة ضحكـة قوية من جذبتـي طبعاً يضحك بس عادي شنـو يعني
+
رفع حاجبه يباوعلي عاض باطن خدة
.. راح باتجاه الكنتور فتح الدرج طلع منه ساعة
دا يلبسهـا
+
أخذتها من أيدة وحجيت وأني البسـها الـة
+
:-حباب ابن ناصرية أني وحدي أحس بالوحشة وبعدين أني حامل أحتاج أحد يمي أنتَ دائماً مشغول عاد أروح يم حبوبة او رجعني للعمارة
2
:-خطر هنا أمن عليج
+
تأففت بملل ما نخلص من سالفـة الخطـر
تقـرب خلة بوسة على خشمي
+
وخرت أباوعلة بكرهه
:-وخر بعد ما اريدك والله اذا ما خليتني أروح تحلم بعد تقرب مني وأنت بكيفك
6
:-عادي
3
كالها وطلع يربي شگد حقير افف
نزلت وراه وكفت على اخر باية وهو دا يلبس بحذائة
+
صحت بنزعاج:-علي والله ترى أبجي
5
رجع علية لزم راسـي بين أدي وبأسني حجة بضحكـة
:-البسـي أنتظرج ام دميعـة
16
عفتـة وصعدت ركض لبسـت لو ادري كايلة من زمان راح أبجي
1
نزلت الدرج بسرعة وأني دا أعدل حجابي
چان واگف يم الباب
7
أحس بيه دا يضحك عليّة بكلبـة بس ما اهتميت المهم راح أطلع وأروح هناك أريد أتاكد من شي
1
شمس:-يله جاهزة
+
هز راسه فتح الباب وطلعنا...
+
الطريق چان طويل چان دا يسوق بهدوء عيونه مثبتة على الشارع ما حچى ولا كلمة وأني هم ساكتة
كل واحد بينة يفكـر بشي
+
فترة السيارة وگفت بمنطقة خلاها وكملنة مشي
أتذكر هذا الطريـق أول ما خطفنـي وجابني
هنا أشلون ذكريات مرة من جنت مريضة
+
جنت أمشي وراة وهو شامر سترتة على متنة ويمشي كدامي
+
باوعتلة وأبتسمت "أحبـة " كلش أحبة وهالكلمة ما توصف حبي الـة
11
رجولتة الطاغية.. هيبتـة.. شخصيتـة كلشي بي حلو
رغم عصبيتـة وأطباعة الحادة بس وياي يكون حنون وهادي ومطول خلك وياي كلش
3
ما اريد أخسرة بيوم ولا أرجع أجر بذيال الخيبـة
للاهلي بس بنفس الوقت ما اريد أبقى مغمضة
لازم أعرف شنو وراة
4
وصلنا يم حافة الماي ماكو طريق بعد بس ماي وگصب
+
جان على ضفة اكو مشحوف خشبي
مربوط بحبل على حافة الماي وعوچية طويلة چانت محطوطة بيه
+
أطاني أيدة وصعـدني قبلـة كعدت بالنص وهو صعد وراي
+
جان المشحوف چان دا يهتز بخفة على سطح الماي
وهو لزم العوچية الطويلة وبدأ يدفع بيها الماي.
+
المشحوف بدأ يتحرك وينزلق على سطح الماي. صوت الماي چان دا يلامسـة
+
الهوا البارد دا يضرب وجهي الگصب چان عالي
كأنما دا يحيط بينا من كل مكان وصوب
+
الماي چان صافي دا يعكس السما الزرگة
طيور الحلوة چانت دا تطير فوگ راسنا
+
المكان مليان بالسلام الي يريح نفسيتك
2
بعد فترة وصلنـا نزل قبلي وشد الحبل بالشجرة الجانت قريبة من الماي ورجع
+
علية لزم أيدي ونزلني كلش اخاف من المشحوف
بذات من يوكف وتريد تنزل يضل يركص
5
خطية حبوبة چانت واگفة يم باب البيت دا تباوع على الجاموسات الي يرعن برا
+
وشافتنـة لو ضحگة شگت حلگها أجت باتجاهنا أطك بعوجيتها
2
رحت ركض باتجاهها حضنتها بقوة
:-مشتاقتلچ حبوبة
3
حضنتني بقوة بحضنها دافي وهي تبوس بيه أنوب حضنت علي وهو باس راسـها و دنك باس أيدهة
+
جانت فرحانة بينة:-هلا بيكم يدة البيت نور
+
دخلنة جوة وكاظم هم اجة سلمنا علينا أنوب علي وصاهم عليه ومشة بقيت بس أني يمهم
+
بيـومها باللـيل تونست على سوالف حبـوبة ما نمت وحاولت أسالها عن حياة علي
+
بشگل غير مباشـر بس هي ما فهمت عليه
فـثاني يوم الصبـح
+
قـررت أروح للمكان الي أندفن بي أيهاب وأحفرة
اريد أتاكد الجثـة موجودة أو لا
24
كل هالشي بسببك علي لو حاجيلي ما جان
أسوي هيج بس مادامك تضم عليـه راح أعرف كلشـي وحدي
+
لازم أوصـل لرأس الخيط مابيها اي مجال
+
ثـاني يوم الغـروب كلش خليت حبـوبـة تلتهي بالعشـة وراحت للبيت أقاربـهم يمة حتى أجيب
+
روبة منهم كالت همة يفـورون الها مادري بهاي سوالف أني ماعرف بيها يخثرون الحليب ويسونة روب
+
المهم جانت فرصتـي رحت باتجاه المخزن الصغير اللي جان عبارة عن غرفة طين
+
فتحت بابه عيوني چانت أدور على شي شفت مسحاة قديمة إيدها خشبية ورأسها حديدي لزمتها. أحس بيها ثگيلة بإيدي
+
بس أخـذتهـة
+
طلعت من المخزن أمشي وأتلفت وسديت الباب وراي حتى محد يحس
+
مشيت باتجاه البحيرة الطريق چان ترابي مليان حفر ووگصب مسافة عن االبيت
4
والغروب كلش بس أصوات الطيور وحمام الطوبان تزيد وحشة المكان شوي يخوف الجوء
+
أحس بشي دا يتحرك بين الگصب صوت خفيف
كأنما خطوات حيوان
14
قشعريرة سرت بجسمي الهور يخوف بيه أضباع وخنازير هيج كالوا بس لازم أكمل لازم أعرف
4
وصلت للبحيرة الماي چان ساكن
والشمس چانت دا تغيب الضوء چان دا يختفي بسرعة
1
أحس بالبرد يلف جسمي رحت باتجاه المكان اللي شفت علي بي دفن إيهاب
+
حطيت المسحاة على الأرض وأخذت نفس عميق. بديت أحفر.. أحفر.. وأحفر أحس إيدي گامت توجعني وتعب سيطر علية
2
ماعرف شگد مر وقت بس نسيت نفسي وأني
أحفر تفأجاة
+
الكبر فارغ جمدت بمكاني عيوني توسعت بصدمة. المسحاة وگعت من إيدي
12
شهكت حيل معقولة الكبـر فارغ فارغ وين جثـة إيهاب...
8
خاف علي دفنة بغير مكان
لو هو أصلا عايش وما مات يالله
+
طلعت من الحفرة ومسحاتي بيدي كعدت على اركبي منهگة وعيوني على حفرة فارغة
+
عقلي يجيـب ويودي خاف أني مضيعة المكان
بس لا مستحيـل أتذكر المكان هنا شفتـة بعينـي
2
الظلام بدأ يلف المنطقـة وأصوات غريب جايـة من بعيد صوت يشبه عواء
1
لازم أرجع للبيـت صوت نباح يشبه صوت الكـلاب صار أقرب مو صوت واحد أكثر من صوت
2
أحس بگلبي دا يدك بسرعة
كأنما دا يريد يطلع من مكانه
+
گمت بسرعة المسحاة چانت بعدهي بإيدي
بديت أركض بكل قوتي
+
الطريق چان ترابي مليان حفر ورجلي گامت توجعني بس ما أوكفت
+
ظلمة صارت كلش وأني غبية أتاخرت
والليل أخذني بحيث اذا تحط أصبعك ما تشوفة كدامك
8
تيهت طريقي وماعرف منين أجيت ومن الخوف گمت اركض بدون ما أوكف ومادري
4
بيأ أتجاه دا أركض بالضبط
ما دا أشوف شي گدامي بس أحس بالگصب دا يضرب وجهي
1
صوت صار كلش قريب التفتت بسرعة شفت عيون دا تلمع بالظلام جيوان چبير دا يركض وراي
12
بس ما ميزتـة شنـو بالظلمـة
+
صرخت صرخة قوية مليانة رعب شمرت المسحاة من إيدي
4
بديت أركض بكل حيل عندي بالهوا دا يصفگ بوجهي والهـث كلبي راح يوگف
2
صوت خطوات چان دا يلحگني. أحس بيه دا يقترب. ريحة غريبة ريحة حيوان مفترس
+
مادري ريحة الخوف ترست خشمي ترس
معقول أموت هنا راح أصير فريسة
3
تعبت گمت أجر بنفسي جر ما أگدر أركض بعد
+
شفـت ضوء من بعيد يالله
يعني وصلت بس هذا مو بيتنا
2
رحت بتجاها اركض وأعيط بصوت عالي وصلت قريب من البيت وجلاب مالتـهم لاگني وجه بوجه
6
عثـرت وكعت على وجهي كزبر جلدي
وأني أحس بأنفاسه الحارة على رگبتي. صرخت مرة ثانية مليانة صرخة مليانة رعب وأستغاثـة
+
حاولت أدافع عن نفسي وأشاگف بدية بس هنه هواي وااحد سحلنـي من رجلي عاض الحذائة والثاني يجرجر بقميصي
14
وأني أصرخ بينـهم اريد بس واحد يسمع صوتـي ويطلعلي يساعدني
+
حسيت نفسي راح أموت وأني ارفس بيهن شاقت روحي من طبعن أسنونة بمتني وصرخت بفزع
4
يالله راح أموت هنا
+
وبنفس اللحظة اللي صرخت بيها انفتح باب البيت اللي چنت دا أركض باتجاهه
+
وسمعت صوت رجل قوي وهو يصيح على الجلاب جان مسميـهن أسماء
3
واحد منهن سمعت يگلة هدو ولك عنهااا طوكوا
2
شفت خيالة رجل چبير جسمه قوي
دا يركض باتجاهي
1
چان شايل بيده عصا غليظة
بدون تردد هجم على عليهن يضرب ويصيح عليهن
+
ضرب واحد منها بقوة والثاني اللي چان عاض حذائي رفسه برجله
2
وبعدين شردن بالظلام
جسمي كله چان يرجف الدم چان دا ينزل من متني ورجلي ما گدرت أتحرك
+
بقيت متمددة على الأرض، ألهث أحاول أتنفس
الرجل صاح على مرتـة أجتي تركض
+
تقرب مني چان لابس دشداشة غامقة وملامحه چانت حادة، بس عيونه چانت مليانة قلق. نزل على ركبه يمة بس ما لزمني
5
مرتة هي لزمتنـي وكومتني دخلوني جوة وهمة يسألون بيه بت منو وشجابنـي عليهم وشنو صاير وياي
+
جنت أبجي من الوجع وهي شدت متني ورجلي
وعقمتهن الية
+
كتلهم على بيت حبوبة فطلعوا يعرفوهم أصلا
فرجال كال رايح أوديلهم خبر عنج
4
أنوب أجة كاظم أخـذني وحبـوبة شبعتني رزايل
فوك ما نعضيت وتبهذلت وجان متت حبوبة هم رزلتني وحلفت دكول لعلي عليه
+
دكلي أنتي مستهترة وين أكو وحدة تولي الغروب للبحيرة كتلها أشهم هوء أنهدت عليه بزايد
11
ثـاني يوم الصبـح جنت بفراشي أون من ألم
وكاظم راح للمدينة كال أخابـر علي وأجيبلج علاج
+
جنت مصخنـة كلش وحبـوبة يمي أسويلي كمادات
وتمتم بكلمات ما أعرفها
+
رجـع قاسم العصر جايبلي علاج وكال ما حصلت
علي خابرت عليه من دكان ابو حسيـن ومبايلة مغلق
2
وراهـا بكم يوم خف الم على العلاج
بس متني شوي يأذيني
+
وراسي هم بذات الجهة الي محلوق منها شعري
من جنت بالمختبـر
+
كلش أذتني وأحس بيها تبـزني على الخفيف
ماعرف ليش لعلم ما تعرضت للعضة براسي
13
هي وكعت بس ما نعضيت غير بمتني
ورجلي
+
بقيـت أفرك بوجهي وأحك بشعـري ماعرف خوف شك قلق وترقب فضيـع
+
فـزيت وأني أباوع لحبوبة مخليـة أيدها على أيدي
:-شمالج يدة موش أسولف وياج
+
مسحت على وجهي ولزمت أيدة حبوبـة كتلها
بتشتتت
+
:-أسفـة ما منتبـه..كملت بحـزن:-ضايجة والدنيا طالعة من عيني حبوبة أني كلش تعبانة
+
ردت بحـزم :-ياهوو وياج يـدة خافن علاوي
5
:-لا حبوبة بس نفسيتي شوي مو زينـة
+
جان گامت وهي تلبس عباتها وبيدها العوچيـة
:-خل أروحن أعلف الدوابات وأشويلج سمتيـة وجهج أصفر
2
هزيت راسـي بـ اي وگمت وياها
:-اروح وياج
+
:-خاف تزگطج الدوابة ما متعودات على الغرب
4
:-لا أبقى بعيدة المهم شوي أتتنفس
2
عاد هي، قبلت جنت أمشي وراها ولازمة سعفـة بيدي أفر بيها.. الاجواء هنا حلوة وهي تصيح على الجاموسات وتنطيهـن علف
+
ريحة الطين والماي... صوت الطيور كلشي چان دا يريح الأعصاب
6
چانت دا تصيح على الجاموسات بصوت عالي وتنطيهن علف أحس بيها قوية حكيمة تعرف شلون تتعامل وي الحياة
+
بقيت واگفة بعيد أباوع على الجاموسات
چانن ياكلن بهدوء أصواتها چانت غريبة بس أحس بيها جزء من هذا المكان
+
هي چانت دا تحچي وياهن كأنما دا تسولف وي أطفالها ضحكـت بتسـاع شگد حلو هيج ناس
+
تعيش بساطة بعيد عن خبث العالم وشرهة
خلصت علف الجاموسات التفتت عليّة ابتسامة دافية على وجهها تقدمت باتجاهي
1
:-ها يدة ارتاحيتي..
+
:-ييي كلش حبوبة الأجواء هنا كلش حلوة
+
:-أدري بيچ.. الهور يداوي
8
ابتسمـت وهزيت راسـي
+
:-يله يدة نروح أشويلـچ سمچة
6
مشيت وياها .. دخلنا جوة
وهي ملحت السمجة وخلت بهارات وكالت لقاسم يشويهـا
+
واجت تمددت يمي...
+
جنت صافنـة أفكـر شسـوي ودا أفكر
اروح للبيتنا أجيب القرص
3
لازم أوجهه علي بي لازم أجبـرة يحجي
هالمـرة لـو أني لو هو
+
فزيت من صفنتي وأني أباوع لحبوبة مخليّة إيدها على إيدي عيونها چانت دا تباوعلي بنظرة شك
+
مسحت على وجهي ولزمت إيد حبوبة چانت إيدها دافية گتلها بتشتت
+
:-حبوبة عندي سؤال
+
هزت راسها بمعنى أحجي:- علي هم جان مريض يعني أحس مرات بي شي غريب مو طبيعي واني خايفة عليه ومايقبل يحجيلي شي
2
سكتت للحظة عيونها چانت دا تباوع بعيد كأنما دا تذكـر شي قديم كالت بهـدوء
+
:-شبي علاوي
+
:-مااعرف حبوبة هو يكعد ويسولف وحدة وي الفراغ
او اكو شي ثاني ماادري واني اكولة نروح للسيد مايقبل
1
أني أتقصدت أحجـي هيج كلت بلكي أطلع فد معلومة منها فهي ردت بيأس
+
:-ما يفيدة السيد
3
:-زين ليش..
+
:- علي من زمان مريض من أسنين ما يفيدة سيد احنا هواي راجعنة بي سادة
3
:-يعني هو من شنو يعني بالضبط
+
:- ما ادري يدة بس هو جان مسافر للسعودية
ومن رجع من السعودية حالته ما چانت زينة
21
أحس بالتوتر گرضت شفي بسنوني والفضول شدني
:-ييي شنو صار بيه
+
غمضت عيونها للحظة كأنما دا تتذكر ألم قديم
:-چان يطيح و جسمه يتشنج مرات يگعد ويسولف وحده ما نعرف شبي أخذنا لأكثر من سيد قرينا عليه وديناه للنجف... للمراقد بس ماماش فايدة ما طاب
3
نصدمت گلبي دگ بقوة
+
:-يعني... شنو
+
:- حالته ادهورت هواي چنا خايفين عليه لا يروح من إيدينا وبعدين فجأة طاب ما نعرف شلون بيوم وليلة رجع طبيعي
12
طاب بيوم وليلة.. ما يعرفون شلون معقولة هذا شي مو طبيعي
+
أحس بالخوف يسيطر عليّة بلعت ريكي
:-وبعد حبوبة
+
جان كامـت وكـالت
+
:-أشوف السمجة وين راحت
8
خلت ومشت أحسها ماتريد تحجي وتكمل
بس هي تعرف هواي أشياء متأكدة
+
أكو وراهم سـر لازم أعرفـة
لازم أبقى هنا وأسحب الكلام منها ماكو غير
حل كدامي
1
وهم أعـرف أهل علي شلـون ماتـوا
أكيـد حبوبـة بيه أمل تحجـي بس أسايسـه
30
_______________________
+
صوت الموسيقى الخافتة
ورنين الكؤوس همس الناس چان دا يملي النادي
5
ريحة الدخان والويسكي و أزاد الچان گاعد على طاولة منعزلة
+
گدامه گلاص ويسكي وأني چانت گاعدة گدامه
+
كـال وهو يحرك الكاس بيدة
:-الشبكة فشلت وعلي بعده عايش شلون؟
5
رغد:- ما أدري الخطة قوية بس علي... ذكي شبكته أعمق مما نتصور و عنده عيون بكل مكان لهذا السبب فشل الاغتيـال
2
ضـرب الميز بيدة متعصب
:-عيون لو حظ لو أكو بينة مندس
3
كالها وباوعلـي حسيتـة شاك بيـة
7
مديـت إيدي لزمت الكلاص عيونـي عليه أدري
أزاد ما يرحم لازم أكون حذرة
+
رغد :-لازم نغير الخطة والشبكة فشلت فشل تـام
+
ازاد:-راح أضربة ضربـة مباشرة ضربة ما بيها مجال يگوم منها
3
رغد:-شراح تسـوي؟
+
ازاد:- شمس هي نقطة ضعفه راح نضرب نقاط ضعفه
5
رغد:- لا قرارك غير موفق
+
باوعلـي وكـال:-شنو تقترحيـن
+
رغد:-أني أكول علي... نقاط قوته هي نقاط ضعفه هو يحب السيطرة يحب يكون هو اللي دا يخطط. لازم نخليه يوگع بفخ ما يتوقعه بس مو شمس
+
ردت أشيل شمس من بالة لان الظاهر جن وراح يستخدم كل الاوراق في سبيل يوگع علي لأن علي ذگي مو بسهولة يتـقلب عليه
+
أخذ رشفـة من الوسگي:-علي شيطان و كل شيطان عنده نقطة ضعف واني راح ألگاها
2
رغد:-مو لازم نفكـر بالاوراق الي جابهـا مهاد أحتمال علي واصلتة نسخة منهن
+
زاد:-لا هاي الاوراق بس يم عمي وأني ادري بيها فلاتفكرين ما يدري
1
رغد:-يعني هسه شنو الخطـة الجديدة
+
ازاد:-الخطة الجديدة... راح تكون مباشرة ماكو شبكة. راح نضربه بمكان عام حتى يكون عبرة لكل واحد يفكر يعادينـي
3
رغد:-وين بالضبط وشلون راح نضمن ما تفشل هالمرة
+
ازاد:-بعدين تعرفـين وماكو مفر هالمرة ثقـي
+
أحسـاسي يكلي هو شاك بيه ماكاعد يشاركني
شنو يفكـر
1
بهـل أثناءاندفع باب مكتب بقوة فأت وسـاف وجهه كله دم ويمشـي كوة يترنح بمشيتـة جنة واحد مطهـر
21
وجهه أصفر عيونه حمرة.... أزاد چان گاعد بهدوء على كرسيه
+
وسأف:-ازاد دمرني دمرني هالكـلب
+
رفع حاجبه ببرود وابتسامة سخرية على طرف شفته
ما تحرك أبد حجة بملل
+
:-منو اللي دمرك هالمرة؟
+
حجـة منهار عبالك مرة جاية تشتگي لرجلها
:-عصام هذا الكلب أخذها مني أخذ مرتـي
9
أزاد رتشف من گلاصه بهدوءعيونه مثبتة على وساف كأنما دا يباوع على حشرة
+
:- چا وأنت وين چنت
+
وساف:-أخذني غدر وزلمة هواي اني عريس شدراني راح يصير هيج جنت واثق بيك تحميني
8
:-جااا شمالك واحميك منين احميك من عصام الزعطوط طاحظك اي والله روح مو فارغلك هسه
2
صرخ بي بصوت عالي
:-أنتَ وعدتني بيهـا گلت شجن إليّ لازم ترجعها لازم ترجعها إليّ هي حقي
4
كام من مكانة بغضب ولزمة من ياختة هزة بيدة وحجة بغضب
+
:-صوتك لا يعلى عليه أنت فشلت ومابيك خير تحميها شجن صارت ورقة محروگة أنساها
2
رد عليه راص أسنونة بحقـد
:-لا ما أنساها هي إليّ حقي أنتَ لازم ترجعها هذا اتفاقنا خطة الشبكة فشلت بس شجن لا
دفعت أفلوسي كله علمودها غصباااا عنك تساعددني وترجعهااااااا ما اااااسكتتتت ولا اتركهاااا
+
ازاد:-خطة الشبكة فشلت... بسبب غبائك
مشكلتك هاي... مشكلة تافهة مشكلتي الحقيقية علي وهذا اللي راح أركز عليه حاليا
4
رجع خطوة وحجة:-بس... بس أني أريد شجن أريدها
8
ازاد:-أنتَ ما تريد شي. أنتَ راح تسوي اللي أگلك عليه لو أدفنك هنا وما يعرف بيك حتى الشيطان شجن أنساها أنساها للأبد لو تريد أدفنك
+
بلع ريگه بصعوبة رجع ليورة خطوات عيونه مليانة رعب
+
و أزاد رجع لمكانه گعد على كرسيه بهدوء
:-اطلع برا هسه وبعدين راح يكون عندي شغل جديد إلك
+
وساف:-ومرتي
30
ازاد:-افكـر
2
.
.
+
عفتـهم وطلعت برا شفت زهراء تفتـر بنادي وتتأمر والكل تحت طوعها لان يدرون المفضلة مال ازاد
4
واليوم جايبـين دفعـة جديدة من البنات لنادي
كلهن ما يجاوزن العشرين
+
واگفة زهراء گدامهن وتسـال واحد من الحماية عنهن وهي تباوعلهن بتقزز
+
لان حالتهن جان يرثى لها
+
كالت للحمايـة الي أسمه" أسر "هذا أسر هو مسؤل عن هالسوالف عرفته خلال مدة قصيرة
+
زهراء:-مـن وين محافظات لو بغـداد
+
أسر:-محافظات
+
زهراء:-شمعنـى جبتهن لهنا ليش مو لنادي وساف
+
أسر:-ست سهاد دزتـهم هدية
4
زهراء:-مناسبة الهـدية شنـو
+
أسر:-أساليه
+
زهراء:-بلا لغوة زايدة داسلك انت جاوب لا تعصبني
+
سكـت... باوعتلهن نظرة أخيرة ما مقتنعـة وحجت
:-أخذهن هسه ونشوف شنسوي من أحجـي وي ازاد
+
هـز راسـة وأخذهم... التفت لگتني واگفـة
كالت بضحكة
+
:-جاية من وكت اليوم
+
:-اجيت أشوف ازاد
+
تقربت مني وحجت بحقد:-لا عبالج عود تاخذي مني القبلج حاولن وماكدرن مو أنتي أصلا هو ماعندة ثقـة بيج ولو تقدمين دم كلبج هم ما راح يثق
1
:-أنتي ليش خايفه وشعليج لو خايفة تروح مكانتج
+
:-من شنو أخاف منج لا غلطانة بيبي.. اعرفة
أزاد عندة أني بگفة والعالم كله بگفة
1
كملـت بحقد ومبينة غيـرانة عبالها اخذ ازاد منها
ما تدري الي حسبـة حلوة وياها هي وازاد
+
:-لا تحسبين ازاد راح يغامر على واحده مثلج أني ويا من زمان نعرف كلشي عن بعض حتى جروحه أني داويتهم مو مثلج جنتي بغير صف ومن شمروج رجعتي مذلولة النا
1
رغد:-راح أخليج عـايشة بحلامج الوردية كم يوم وازاد راح اخذة منج وأطردج منا واصير أني الكل بالكلية
+
لزمت خصلـة من شعرها وحجيت بمرح
:-او اذا تحبيـن أشغلج رقاصة هم تسترزقيـن وأكسب بيج أجر
3
:-وثقــة...؟
+
:-صراحة اي لان تدرين هو جان يحبني ولا زال
وازاد كلبة هو اللي يقرر مو عقلة واني مو داخلة بحرب وياج عليه لأن الحرب أساسًا محسومة
3
ضحكت چانت تضحكة منقهره وضربت أيد بيد
گالت
+
:-انتي لازم تتربّين والله الا اخلي يربيج
+
:-جربي وشوفي منو اللي راح يتربّى بالأخير
+
بهاي اللحظة طلـع أزاد صارت عيونة عليه كال
+
:-جهزيلي فريق نتحرك... الليلة الكل يتحرك
3
رغد :-وين رايحين؟
+
ابتسم گال
+
:-نلعب بميدان أبن هاشم
3
:-بس وين
+
:-بالطريق تعرفين جهزي الشباب وخابري عساف اريدة موجود
+
أتاكدت مليون بالمية هو شاك بيه بحيث ما كالي
وين خاف أوصـل المعلومات
+
وما ادري شنـو ابالة بس راح أكمل وأشوف وين يوصل
+
رغد :-وإذا فشلنا هالمرة هم
+
استدار وگال بكل ثقة
+
:-ماكو فشل... لأن اللي يهاجم شيطان لازم يكون وحش.
+
طلعنـة وزهراء صاحت وراة التفتت
:-واني ما تاخذني وياك
+
:-عينج على نادي.. رغد كافية وياي
3
غمزتلها حسيتهـا راح تنفجـر من العصبيـة
لو ماخذينها عاد مگفختها بحجة الي راح يصير منو ينتـبه
29
____________________نهـاية البارت
+
كونوا بخير مثل ما متفقين دائمًا وأبدًا
+
#هيلانـا
+
#أحبكم
42
الحادي والثلاثون من هنا
