رواية أنا كاملة الفصل الثاني 2 بقلم ندا الشرقاوي
– القلم دا كان المفروض ياخده من زمان يا أميرة ،أنا كده اتاكدت إنك فعلا معتش ليه مكان في قلبك ،أميرة أنتِ عُمرك ما كُنتي ناقصة ،أميرة أنتِ أجمل ست أنا شوفتها أنتِ كاملة يا أميرة
مسكت أميرة ايده وباستها بحب وضمتها لحضنها
-فعلا العوض حلو أوي يا مصطفى ،أنت عوض ربنا ليا يا مصطفى
قرب منها وخلاها في حضنه وغمز ليها وقال
-طب ما تيجي اخطفك حبه يا قلب معتصم
ضحكت بصوت عالي وقالت
-من غير ما اسال هروح البس
قامت على طول تلبس لكن لفت ليه لما سمعت صوته بيقولها
-البسي بنطلون وبلوزه بلاش فستان
ضحكت وهزت راسها ليه ومشيت للاوضة خرجت وهيا لابسه بنطلون اسود واسع وبلوزه خفيفه باللون الرصاصي
دخل مصطفى غير هدومه وخرج ونزلوا
إضاءة خفيفة مبهجة، ألوان، أصوات ألعاب وضحك حواليهم. مصطفى وأميرة ماشيين جنب بعض، إيديهم في إيد بعض. هي بتضحك من قلبها، شعرها بيتحرك مع الهوا، وهو بيبص لها بحب.
قالت بمرح
-يلا نركب اللعبه دي… عايزة أشوف الدنيا من فوق
رد وهو يضحك
-وإنتِ فوق أصلاً يا أميرة… من غير لعبه
ضربته اميره في كتفه بخفه
-بس بقا يا مصطفى
رد عليها
-ماشي يلا بس على مسؤليتك
راكبوا العجلة الدوارة الهوا بيعدي، القاهرة بتنور تحتهم، وأميرة ساكتة ووشها متأمل
كلمها بصوت عالي علشان الصوت يكون واضح
-بتفكري في اي
ردت عليه
-ولا حاجة… بس بحس وأنا جنبك… إن مفيش حاجة تخوف
رد بصوت مليان حب
-وأنا كمان… وأنتِ ف حضني، الدنيا كلها بتسكت
العجلة تبدأ تنزل ببطء، لعبوا لعبه تانية هما بيرموا كرات في لعبة، أميرة تخسر وتضحك، مصطفى يكسب دبدوب كبير ويحطه في حضنها.
ردت بمزح
-يااه! شكله شبهك
رد بضحك
-آه بس الدبدوب مش هيحبك قدّي
ضحكت وشدت وشها ليها،تبوسه على خده
ينتقلوا للعبة السيارات المتصادمة، هما بيخبطوا في بعض وبيضحكوا بجنون. بعدين يوقفوا ياكلوا آيس كريم، قاعدين على كراسي بلاستيك، رجلها على رجلُه
خدها ف حضنه وقالها
-عارفة؟ دي أحلى ليلة عدت عليّا من سنين.
رد عليه بطمأنينة
-ولسه الجاي أحلى ..طول ما احنا مع بعض
بص لها بحب، يلمس شعرها بحنية، وشوشهم الضاحكة، وتسمع صوت ألعاب خلفهم… شوية وتبدا اميره تحس بوجع شديد في بطنها وتصرخ من الوجع
-اااااه
الثالث من هنا
