رواية سهام الحب الفصل السابع والعشرين 27 بقلم ريهام اسماعيل
صفيه: سلم يا عمر على هند بنت طنتك بهيجه
+
عمر ونظر لوالدته بنرفزه وبدون ان يمد يداه لهم قال: اهلا وسهلا بعد اذنكم
+
بهيجه: باين على ابنك انه متدين اوي
+
صفيه: الحمد لله على عيالى كلهم كده اتفضلوا هند تعالى معايا عشان تسلمى على يارا
+
هند: اوكيه بعد اذنك يا ماما
+
صفيه واخذه بيدها هند وذهبت الى يارا وسلمت عليها وقامت بعد ذلك بالذهاب الى والد عمر وتعرفه بها
+
صفيه: سلمى على عمك محمد
+
هند: ازيك يا انكل
+
محمد بينظر لزوجته : الحمد لله يا بنتى عقبال فرحك
+
هند: ميرسى يا انكل
+
ومن ناحيه اخرى
+
شريف:عمر مين البنت اللى امك سحباها معاها دى وعماله تعرفها بكل الناس
+
عمر متغاظ: ال يعني انت تايه عن امك
+
شريف: ههههههههه افهم من كده انها عروستك يا عمره
+
عمر: شريف بقولك ايه الله يخليك بلاش الكلام ده انا مش عارف انا تعبهم فى ايه
+
شريف: يابنى برضه عايزين نفرح بيك وما تقوليش ان انت مبسوط كده
+
انا بقه بقولك لا انت مش مبسوط وانا حاسس بيك يا عمر فكر مش هاتخسر حاجه , بلاش حتي عشانك عشان خاطر ملك بنتك
+
عمر: ربنا يسهل بس مش دلوقتى خالص بقولك هاروح اشوف ملك فين
+
فى الوقت هذا كانت رهف بتبحث على احمد فاوجدته بيضحك مع بثينه بطريقه شعرتها بالغيره واتعصبت وذهبت مسرعا الى ان جلست بجوار والدها بغيظ
+
احمد لاحظ رهف بانها شاهدته فابتسم على شكلها وترك بثينه واتجه نحو الدى جى
+
فاغمز للدى جى بشى وذهب بعدها لوالد عمر
+
احمد ينظر ويبتسم لرهف التى كانت بجوار والدها وغضبانه: ازيك يا عمى
+
محمد بص عليه باندهاش لانه كان لسه قاعد معاه وقال : الله يخليك يا احمد عقبالك ياابنى ان شاء الله لما تفرح ابوك وامك كده بقه
+
احمد يبتسم: ان شاء الله ادعيلى انت بس ياعمى
+
محمد: من غير ما تقول يا احمد انت عارف معزتك من معزه عيالى بالظبط
+
احمد ينظر الى رهف ويبتسم: وانت كمان والله ياعمى ما تعرفش معزتك فى قلبى قد ايه
+
محمد: ربنا يديم المحبه يااحمد ما تقعد واقف ليه
+
احمد: ثوانى بس اصل فى اغنيه هاتشتغل دلوقتى وعايز اسمعها لوحدى
+
محمد: هههههههه اغانى ايه بس يابنى يعنى عجبك تنطيط العيال بالطريقه دى ولا حتى الاغانى فين اغانى زمان فريد الاطرشى ولا عبد الحليم و عبد المطلب دول الجيل الجميل مش تقولى ماعرفش هيفا ولا اللى اسمه حسنى دا
+
احمد: ههههههههه طيب ممكن بس يا عمى(وبينظر لرهف ويغمز) تسمع الاغنيه دى لعمرو دياب وانا بهدهالك انت وبس ماشى ياعمى
+
محمد: نعم يااخويا انت فكرنى البت بتاعتك ولا ايه انا عمك محمد ياسى احمد
+
احمد مازال يرمي الكلام لرهف : ههههههه والله انت عندى احلى مخلوق فى العالم يا عمى بعد اذنك دلوقتى عشان تسمع الاغنيه بهدوء
+
وبعد ذهاب احمد رهف ابتسمت واتحرجت لانها عارفه انه بيوجه كلامه ليها فسحرت شويه فى كلام احمد وافاقت على صوت والدها
+
محمد: روحتى فين يا رهف
+
رهف: ها معلش يابابا اصلى مش سمعاك من الدوشه فى حاجه
+
محمد: اصلى بقولك الواد احمد ده شكله اتجن اغنيه ايه اللى بيهدهالى دى
+
رهف: هههههه شكله بيحبك اوى يابابا بقولك انا استئذنك اروح عند يارا
+
محمد: روحى يا رهف يا بنتى
+
وذهب احمد لمكان ما ينظر لرهف من خلاله حيث قام الدي جى باشغال اغنيه
+
انت الوحيد اللي في قلبي وبقولها مش ممكن اخبي
+
مقدرش اداري عليك حبي مقدرش اغيب عنك ثانية
+
انت الوحيد اللي لقيتوه اجمل من اللي اتمنيته
+
كل اللي فيك انا حبيته وبقيت بحبك حاجة تانية
+
يا حبيبي وانت هنا معايا الدنيا مش فارقة معايا
+
انت حبيبي وده كفاية وانا قولتها لكل الدنيا
+
انت الوحيد اللي في قلبي وبقولها مش ممكن اخبي
+
مقدرش اداري عليك حبي مقدرش اغيب عنك ثانية
+
انت الأمان الا انا عمري ما عرفته قبلك طول عمري
+
دلوقتي انت حبيب عمري والحب ده مش بإيديه
+
ياحبيبي مقدرش اسيبك مقدرش اكون الأ حبيبك
+
تبعد بعيد عني حجيلك ترجع حشيلك في عنيه
+
يا حبيبي وانت هنا معايا الدنيا مش فارقة معايا
+
انت حبيبي وده كفاية وانا قولتها لكل الدنيا
+
انت الوحيد اللي في قلبي وبقولها مش ممكن اخبي
+
مقدرش اداري عليك حبي مقدرش اغيب عنك ثانية
+
ياحبيبي مقدرش اسيبك مقدرش اكون الأ حبيبك
+
تبعد بعيد عني حجيلك ترجع حشيلك في عنيه
+
يا حبيبي وانت هنا معايا الدنيا مش فارقة معايا
+
انت حبيبي وده كفاية وانا قولتها لكل الدنيا
+
والاغنيه شغاله واحمد ما نزلش عينه من على رهف وهى كانت مكسوفه وكل شويه بتنظر له من تحت لتحت
+
كلما تخلص يشغلها تانى لحد لما المعازيم زهقوا وبدوا فى الذهاب
+
سارا ولاحظت نظرات احمد لرهف وذهبت اليه
+
سارا: احمد انا قلتلك ايه بس
+
احمد فرحان: ايه يا سارا فى ايه
+
سارا: يعنى منتش عارف فيه ايه الناس كلهم مشيوا
+
احمد:هههههه وانا مالى هو انا اللى قلتلهم امشوا والله حاجه غريبه
+
سارا: احمد ما تهزرش انا شايفاك كل شويه تغمز للادى جى ويعيد الاغنيه لحد لما زهقوا المعازيم
+
احمد: طيب والمطلوب ايه ما انتى عارفه انى بحب عمرو دياب والاغنيه دى بذات
+
سارا: احمد ما تستعبطش انت عارف كويس ايه اللى بقصده
+
وهنا جاء على صوتهم شريف
+
شريف: فى ايه يا جماعه مالك يا سارا الواد دا ضايقك ولا حاجه قوليلى وانا اعرف شغلى معاه
+
احمد : يا حلاوه يعنى كلكم عليا
+
سارا: مافيش حاجه يا شريف يالا عشان عايزه ارتاح شويه
+
احمد:طيب انا هاروح اشوف ماما عشان نمشى
+
شريف وسارا ذهبوا عند والدتها لتسلم عليهم وبعد ذلك صعدو الى اعلى
+
سهير: الف مبروك يا ام عمر ويارب يتتم ليها على خير
+
صفيه: الله يبارك فيكى وعقبال لما تفرحى بالواد دى عن قريب
+
سهير: انا وانتى يارب كمان تفرحى بعمر ده كمان
+
احمد: هههههههه والله انتم امهات ايه نكته عايزين تخلصوا منا ها عشان يخلكم الجو
+
عمر: ههههههه اه والله يا احمد ماما دى خنقتنى جامد يا شيخ
+
احمد: ههههههههه اخدت بالى يا عمر وهى ساحبه هند معاها وعماله تعرفها علي الناس
+
عمر: ههههههههه انت لاحظت انت كمان ربنا يصبرنى بقه
+
احمد:ههههههههه ويصبرنى انا كمان
+
صفيه: بقه كده ياعمر يعنى عشان نفسى افرح بيك تقولى انى خنقاك طيب ماشى يا سى عمر
+
سهير: اه شوفتى يا صفيه يااختى العيال والله دول عيال اخر زمن صحيح
+
احمد: عمر الحق نفسك لاحسن نضيع انا وانت
+
عمر: اه اتصدق معلش يا امى والله بهزر معاكى اذ كان علي الجواز فاربنا يسهل ان شاء الله وافكر
+
صفيه: بجد ياعمر يابنى اه الله يسعدك فكر والله ما هاتندم ابدا
+
عمر: ان شاء الله
+
سهير: وانت مش هاتلحق نفسك وتتعذر ليا وتقولى انك هاتفكر انت كمان
+
عمر: هههههههههه انتم اللحقون ياابوحميد
+
احمد: ههههههههههه طيب يا ماما انا اسف يالا بقه عشان نروح الوقت اتاخر وعندى شغل بدرى الصبح
+
سهير: شغل بكره الجمعه يااخر صبرى
+
احمد: اه اصلى مسافر السويس عشان الشحنه
+
سهير: السويس ما انت كنت لسه هنالك من يومين
+
عمر: ياطنط لازم يروح يشوف البضاعه الى وصلت هناك عشان يحولها على هنا
+
احمدك:قول ليها يا عمر اصلها فاكرانى بروح العب هناك
+
عمر: لا اطمنى يا طنط احمد اتغير خالص مابقاش اللى نعرفه زمان
+
وهنا جاءت اليهم رهف وهى مبسوطه
+
عمر: سبتى يارا ليه
+
رهف : هو انا سيباها لوحدها مهي مع خطبها اهى
+
عمر: اصلك عارفاها يا رهف ممكن تزعل
+
رهف: لا اطمن مش هاتزعل يا سيدى وكمان تامر قالى انى اسبهم ثوانى شكله كده عايز يقول لها حاجه
+
عمر: حاجه ايه دى
+
احمد: هههههههههه والله انت فظيع ياعمر هايقول لها حاجه بعيد عن الناس مثلا اكيد كلام من اللى انت قولته قبل كده لام ملك الله يرحمها
+
عمر افتكر زوجته واستئذنهم للذهاب الى ملك ليراها
+
سهير: مالكش حق انك تفكره يا احمد
+
صفيه: ياختى اللى يسمعك يقول انه نسيها اطمنى ياختى هو فاكرها على طول اومال رافض فكره الجواز ليه
+
احمد ينظر الى رهف: اه والله يا طنط اصلك عارفه الحب بقه بيعمل ايه فى البنى ادم ممكن يغيره كتير للاحسن طبعا ولا ايه رايك يااااااااااااا طنط
+
صفيه: هههههههههه والله مافهمه حاجه من كلامك ده
+
احمد: هههههههه احسن برضه لاحسن نروح فى داهيه
+
رهف ابتسمت بكسوف : ماما هى سارا راحت فين
+
احمد ينظر لها بحب: طلعوا فى اوضتهم فوق يا انسه رهف من شويه اكيد يارتاحوا بقه
+
رهف: احم طيب
+
سهير: مش يالا بقه مش انت وراك سفر بكره وعايز تمشى
+
احمد: ها اه طيب يالا بينا
+
رهف بلهفه بدون شعور: سفر سفر ايه
+
احمد ينظر لها بحب وغيظ : اصلى مهاجر
+
رهف شهقت بدون صوت وقالت : مهاجر ليه رايح فين ؟
+
احمد حب يغيظها : اصل اللى هنا مش عايزنى فقلت اريحهم منى شويه
+
صفيه بطيبه: هو ابنك بيقول ايه هو صحيح مهاجر
+
سهير: انا عارفه ياختى وله يااحمد مش قلت انك مسافر السويس
+
رهف ارتاح قلبها من دفاته وقالت : هههههههه يمكن تكون دوله بعيده واحنا مانعرفش يا طنط بعد اذنكم ماما انا هاطلع اوضتى
+
صفيه: طيب يا حبيبتى
+
احمد: وانتى من اهله يا انسه رهف
+
رهف نظرت له انها اساسا ما وجهتش سلام ليهم: طيب اصبحوا على خير يا طنط
+
سهير: وانتى من اهله ويارب يا رهف يابنتى نجليك المره الجايه هنا وتكون فرحتك
+
احمد بفرحه ونظره لها: امين ياامى
+
سهير: هو انا وجهت ليك الدعوه يا واد بقولك يالا نمشى احسن هايجيلى الهسس على ايدك
+
احمد: طيب يالا الف مبروك ليارا يا طنط وعقبالك يا انسه رهف
+
صفيه: الله يبارك فيك وعقبالك يا احمد يارب انت كمان
+
وبعد انتهاء الفرح كل لاهل ذهبوا الى منازلهم بينما الكل فى بيت يارا ناموا فوار من التعب الشديد
+
لكن رهف كانت صاحيه وجالها مكالمه صوتيه من احمد فتحتها فاوجدت اغنيه انت الوحيد تانى وكلام حب من احمد اليها
+
فافرحت من داخلها فاذهبت لنوم طويل بعدها
+
وبعد مرور يومين جاء اول يوم فى الدراسه
+
صفيه: صباح الخير يا عمر ملك فين
+
عمر: فوق مع يارا بتلبسها
+
صفيه:طب تعالى افطر يالا
+
عمر: شريف صحى من نومه
+
صفيه: لسه اكيد هايصحى دلوقتى
+
ومن ناحيه اخرى
+
شريف خارج من الحمام وجد سارا فايقه من نومها: صباح الخير يا رورو ايه اللى مصاحيكى دلوقتى
+
سارا: قلت عشان اشوف ملك بلبس المدرسه
+
شريف اقترب منها ومبتسم: وانا اللى قلت انك صاحيه عشانى انا اتاريكى صاحيه عشان ضرتى
+
سارا: ههههههههه ضرتك هى ملك بقت ضره
+
شريف: اكيد مش وخده كل يومك معاها وسيبانى لوحدى
+
سارا: انا اقدر برضه انت عارف انت اللى فى قلبى بلا منازع
+
شريف اقترب منها اكثر: بجد يا رورو
+
سارا: اوى اوى يا روفه
+
شريف: اموت انا فى روفه دى من شفايفك اللى عايزه ــــ
+
سارا قاطعته ووضعت يدها على شفايفه قبل حاجه تانيه : كده هاتاخر على شغلك يا احلى ما عندى
+
شريف: ههههههههه طيب هاسيبك دلوقتى اما ارجع ليا كلام معاكى
+
سارا بدلع: ههههههههه وانا منتظراك
+
وخرج شريف بعد ان ارتدى ملابسه ونزل لاسفل بينما سارا ذهبت الى غرفه ملك فاوجدت يارا عندها
+
سارا: صباح الخير على احلى بنوته رايحه النهارده المدرسه
+
ملك ابتسمت لسارا وذهبت الى حضنها: حبيبتى يا انطى سارا
+
يارا: كده يا ست ملك بقه انا اتعب معاكى من الصبح واول ما تشوفى سارا تجرى فى حضنها ماكنش الفسح اللى بفسحك فيها
+
سارا: ههههههههه يالهوى انتى هاتقرى علينا ولا ايه دى كوكى حبيبتى
+
يارا: طيب يا ست سارا سبتهالك ياختى خدى سرحى ليها ولبسيها انتى عشانها مش راضيه
+
سارا: بس كده طيب روحى انتى كملى نومك وانا هاكملها لبسها تعالى يا كوكى
+
يارا بالفعل تركتهم وذهبت الى غرفتها وبجانب رهف وذهبت فى نوم عميق
+
بينما سارا انهت لملك لبسها وكانت ملك بالملابس المدرسيه ملاك فعلا من برائتها
+
صفيه: عمر ورح شوف بنتك اتاخرت ليه الساعه خلاص قربت على 7 ونصف
+
شريف: اطمنى يا ماما سارا راحت عندها وزمانها نازله اهى نزلت القمره اهى
+
عمر نظر لابنته بسعاده وافتكر فيها صحكه والدتها وانها بالفعل تشبها بالجمال الهادى
+
سارا: ايه رايكم بقه فى الملاك ده
+
صفيه: ماشاء الله عليكى يا ملك ربنا يحفظك لابوكى يارب
+
شريف: تسلم ايدك يا سارا فعلا ملك جميله اوى عقبال عيالنا ان شاء الله
+
صفيه: يارب ان شاء الله يا سارا ربنا يرزوقك بالذريه الصالحه يارب
+
كلهم: يارب
+
عمر ينظر لزوجته اخاه: متشكر جدا
+
سارا: على ايه انا معملتش اى حاجه ملك فعلا ماشاء الله عليها جميله
+
شريف: طب يالا بقه عشان نلحق نوصلها
+
ملك: بابا انطى سارا جايه معانا
+
عمر: ياحبيبتى ما ينفعش ممكن تكون وارها حاجه
+
شريف : ايه يابنى اللى بتقولو ده سارا فعلا رايحه معانا اصلها بتحب ملك اوى (وغمز لسارا)
+
سارا اتخلجت من شريف وغمزته لها) انا ماواريش اى حاجه صح ياكوكى
+
ملك: صح يا انطى
+
عمر: طب يالا بينا
+
صفيه: مش هاتفطرو حتى سارا وملك لسه ما فطروش
+
سارا: لا فطرنا فوق ياماما وكمان انا عملت لملك سندوتشات على السريع كده وحططتهم فى شنطتها
+
صفيه: والله مش عارفه اقولك ايه بجد احنا محظوظين انك معانا يا سارا
+
سارا: ماتقوليش حاجه ياماما انا بنتكم برضه
+
وبالفعل خرجوا من المنزل منتجهين الى مدرسه ملك وهناك
+
شريف: خليك انت يا عمر وخلى سارا تدخلها لجوه فى الكلاس
+
عمر: طيب ملك مش عايز شقاوه جوه وتسمعى كلام الميس بتاعتك اوكيه
+
ملك وعيونها مليئه بالدموع: بابا مش تسبنى لوحدى
+
شريف: الله فى ايه يا ملك انتى بقيتى كبيره بلاش الدموع دى عمر يالا بينا احنا عشان الشغل وكمان عشان ما تتعلقش بيك اكتر وتعيط
+
عمر: طيب ملك ما تزعليش انا هاروح اجيب حاجه ومش هاتاخر عليكى ماشى
+
سارا: اتفضلوا انتم وانا معاها مش هاسيبها اللى لما تبطل عياط
+
ملك نظرت لسارا وعيونها ملئيه بالدموع: انا عايزه اروح
+
سارا: لا ملك انا قولت ايه ودلوقتى انا مش عايزه الدموع دى عارفه ليه
+
ملك: ليه
+
سارا: بصى كده هناك وانتى تعرفى انك هاتتبسطى اوى
+
ملك بفرحه : ايه ده مش معقول ::::::::
+
ياترى شافت مين وراحت ليها
+
