رواية عروس الهور الفصل السادس والعشرين 26 بقلم هيلانا
مساء الخير
+
#عروس الهـور
+
لا تنسون تصـويت وتعليق
على الفقـرات لطفأ ومتابعة للحساب
5
لـ أنستكـرام 22_mc.al
+
بَلكِي نموت ؟
خلصنا العُمر لچمَات
محَد يفهَم شبينه
ألوجَع لاحِگنا مِن كل صوب
حَافظ حَتى أسامِينا ..
+
_____________________________
+
:-لا ااا تتـحرك!
1
صوتي رجف… بس إيدي جانت ثابتة
السلاح موجه على ضهره بالضبط.
+
هو جمّد بمكانه وبعد لحظة همس بصوت خافت
:-شمس.؟
+
تجمدت رجلي يعرف اسمي
1
:-منو إنت؟
+
ظل ساكت وبعدين التفت شوي بس مو كافي أشوف وجهه
+
:-جاوبني قبل لا أفرغ السلاح براسك.
+
گام والتفت ببطء… من شفت وجهه أحس روحي طاحت گدامـي كتلـة بصـدمة
+
:-مهـااااد
64
ضغط على الاوراق بيـدة وضيـق عيـونة بشـر
حجيـت بحـدة
+
:- إنت شتسوي هنا؟
+
:-البـاشا دزنـي
4
جنت خايفـة أسألة منـو وأني ادري هو صديق علي ومن جماعتـة
+
:-منو الباشا
+
:-علـي ال هاشـم
+
:-جـذاب
+
:-لتصـدگين براحتـج بس هو دزنـي أكـو أوراق مهمـة لازم ناخذهـة
+
:-شنو هي
+
:-ماكدر أحجي
+
:-ليش
+
:-يكتلنـي
+
:-منـو
+
:-علي
+
_ليش يكتلك
+
السؤال مو "منو"… السؤال: ليش؟
+
أنا بعدني مو مستوعبة نزلت السلاح شوي بس بعدني شاكة
+
_شـدور بمكتـب بابا
+
_ما أكـدر أحجي
+
_أنت مو بوضـع تمسلت ترى السلاح بيدي جاوبنـي
+
رفـع الاوراق بيـدة وحجـة:-هـاي أوراق تخـص موت ال هاشم وعلي يردهن
+
:-بابا شعلـي
+
:-أبوج جان سببب وعلي كاعد ينتقـم
3
:-خوش تألف عبالك أصدك مو
+
:-ادري ما تصدكـين ولتصدكيـن مو مشكلتـي أني عبد مأمور
2
_خوش خوش راح أصدگـك بس خلا أخابـر علي يجي حتى نتاكـد أكثـر
+
ابتسم بسخرية وشال يديه ببطء فوك راسـة
أشرتلـة بطـرف المسدس وأني أبتعـد عن الـباب
:-أطلـع كدامـي لصـالة وطلع مبايلـك خابـر علي
3
مد إيدة وطلع مبايلـة مشة بهيدة كدامـي
وأني وراة
+
نزلنـة لصالـة أشرتلـة يكعد.. صدك كعـد خابر على علي مبايلـة مغلق كـال
1
:-مغلق
+
:-ليش
+
:-ما أدري
+
طلعـت مبايلـي وخابـرت يدك مو مغلق بس ما يرد
:-ليش أجذب مو مغلق
+
:-عنـدي يطلع مغلق
+
:-وتريد أصدكك
+
:-هـاج شوفـي
+
:-مدلـي المبايل وهو كاعد طبعاً ما قربت منه من بعيد باوعت ماخذة أحتيـاطي
+
وما شفـت الشـاشة زين.. عفت علي وأتصلت على عصـام هم ما رد
+
وينـهم ذولـة اليوم..؟
+
رجعـت أتصـلت على رغد.. فتحت خط
+
:-رغد تعالي بسرعةة
+
:-شكو شمس
+
:-تعالي شغلـة حياة او موت لحكيلـي
+
قفلت الخط منه طبعاً حجيـت هيج حتـى تجي بسـرعة بقينـة نص ساعه
+
هو كاعد وأني وأكفة فوك راسـة ومبتعد على جهة واكفة من جهة المطبخ
+
خاف أصيـر قريبـة ولأنة ساطرنـي لو لازمنـي مبين مدرب ومعضـل ويني وين جروخـي أني
5
بس بالسلاح ومن بعيـد أسيطـر عاد أطگة جيلـة من بعيـد ما يلـحگ يشـرد
2
وهو جان يحـرك عيونـة ويفتلهن بالبيـت بفتـور ويطگطك بصابعـة وبيدة الاوراق
+
:-أشمرهن
+
:-شنو
+
:-الاوراق
+
:-أخذيهن
+
:-لا تشمرهن
+
:-بعيد عليج قربـي وأخذيهن
+
:-هم جـربت وجع جيلـة من قبـل
1
:-لا
+
:-تحـب أتجـرب..؟
7
عگف وجهه وشمرهن الـية دنكت أخذتهم خليتـهم بجـيب بعدين أقراهن خلا أركز ويا هسه
+
وتجـي رغد وتخابـر علي حتى أفهم شكو على الاكيد الافنـدي ما يرد حاقد عليه لان رحت لنجف وي ازاد
+
أنا بعدني واكفة والسلاح بيدي. ما أطيّت ظهري ولا خطوة.
+
مهاد يهز رجله وهو كاعد، عيونه تتفتل بكل زاوية وحركاته توترني أكثر.
+
صوت طرق خفيف عالباب.
رغد! همست لنفسي وگلت بصوت واضح
شبسـرعة وصلـت
+
– لاتتحرك راح أفتح بس إيدي عالسلاح، لا تفكر دگوم أو تسوي شي حتى ما أفجـر راسـك
3
وصراحة جذب ما أسويها اكيد ما عندي نيـة أدخل سجن بس أكسـرة بجيلـة برجلـة او أيـدة
+
ما رد بس كمل يهز راسه عبالك مختـل عقلـي
مشيت للباب وفتحت بحذر
+
ماكـو أحد بالـباب أستغـربت لعـد منـو دكـة
+
تونـي دا أنـدار و أسـدة
والبـاب أندفـر دفرة قوية
+
بحيث رجع عليه بقوة وگعت على ظهـري صارت عيونـي على المسحليـن الي دخلـوا ملثميـن
7
واحد بثوانـي طلع بخـاخ ورش على وجهي بعـدني واعيـة ومهاد دنك عليه أخذ الاوراق
+
وسوالي حركة ساقطـة بصابعـة وكالـهم
11
:-أخذوها لباشا راح يفرح بهيج غنيمـة تسوا
14
.
.
+
ظلمة وضربات خفيفـة على وجهي صوت بعيد يتردد ببطء وأصوات حجي وهوسـة قوية
+
:-مدام شمس يا مدام شمس كومـي لتخوفيني عليج
+
فتحـت عيـوني بثكـل شفت رجال وأگف فوك راسـي ومتمددة على القنفـة ورابطيـن أدية ورجلية
+
ومخليـن مخدة جوة راسـي.. دورت عيوني باالمكان دايخـة
+
:-أني وين بعدني عايشة
+
:-ي والله عايشة الحمدلله ترى خبلتينـي حسبالـي ميتـة من جابوج بعدين يزعل ابو مصطفى وزعلة ثكيل واحنا ما يهون علينا أنزعلـة
5
صفنت بوجهه أني شايفتـة بس ما أعرف وين رجال ضخم وجبيـر بالعمـر
1
حرك أصابعـة كدام عيونـي:-مدام شمس ويانـة
+
حركت نفسي اريـد أكعد وهو حرك طرف أصبعة لوحدة من البنات الواكفات تساعدني
+
أستعـدلت بكعـدتي وهي ساعدتنـي خلت المخدة ورة ظهـري راسـي يوجعنـي من الوگعة و حسيت برطوبـة
بشعـري
+
:-شلونچ خوما الوليدات تواگحوا وياچ
1
- أنت منو
+
- إي إي ما تعرفنا أني وسّاف صديق علاوي أكيد مار عليچ اسمي
14
تذكرته يا ربي شوف الحظ المخيّس
هزيت راسي وابتسمت بوجهه ما أريد أبيّن خايفة.
+
- أعرفك.
+
فرّ سبحته وگال:-طبعاً تعرفيني ليش اكو واحد ما يعرف وسّاف
+
-: لا أكيد الكح معروفة
20
ابتسم بشر وهمس:-معاشرة علي توقعت لسانچ نگس
2
-: هسه بس يدري بيك خاطفني يطيح حظك
+
گال بنبرة كلها مكر:-چنچ مزعوجة يابه احچيلج
نكتـة تضحكچ
+
:-لا ضم نگاتك لعلـي من يجي سولفـهن الـة حتى يكسر أسنونك
8
مخلي رجل ع رجل يباوع على سبحته يلعب بيها
:-خـايفـة مدام شمس وتهددني بأابن هاشم
+
:-لاءء مو خايفة بس دا أفكر اذا لزمك شراح يسوي بيك
+
ضحك بتهـكم:-حلـوة الثقـة
4
:-كلش وما راح يهزني واحد جبان كدرتـة على نسوان أتخاف تواجه علي
1
:-شلون ما سمعتج عيدي اللي حجيتي
5
:-سمعت وسمعت زين وانت أكبر جبان على وجه الأرض
1
صاح بصوت عالي وهو يلف على وحدة من الجهة الثانية:-ميـاررر
5
البنية تنتفض تمشي اله وهي شايلة عصير تقدمه بهدوء:-: أمرك باشاا
+
أخذ العصير شرب منه ورجعـة ألهـا وكالـها
ـ:جيبي الجَداحة
3
هزت راسها وراحت ركض بعد لحظات رجعت بيدها جَداحة أم الهيتر الطويلة وهو أبتسم مثل شيطان نايم وانفتحت عينه
+
لزم الجَداحة ونزل على ركبته يمي يحچي بصوت ناعم شيطاني
+
ـ: تعرفين شنو أسوأ نوع من الألم مو الطعن ولا الضرب... الألم اللي البطـي ويمشي بجسمچ شوي شوي مثل النار تمشي على جلدج
1
بقيت ساكتـة بس بداخلي متتت خوف ما اعرف شيريد يسوي هالمريض العار
1
طلع من جيبه نايلون أسود مثل مال كيس الزبالة كصة بشفرة سوة منه شريط وشدة على يدي
+
:-هسه راح نسوي تجربة علمية بسيطة نشوف چم ثانية تتحملين قبل ما تصرخين
9
شغّل الجَداحة وقربها على طرف النايلون الملفوف على يدي بخباثة يتأمل النار تبدي تاكـل بالنايلون
+
يذوب شوي شوي كلبـي رجف وأني أشوف النار توصل للحم أيدي عضيت على شفتـي بوجع
+
بس كابـرت وما صرخت لان هو جان منتظرني اعيط ويستلذ جان يشوف الوجع بعيوني المدمعة
1
:-بعدج ساكته تدرين هذا يخليني أحترمج بس هم يخليني أستمتع أكثر
+
:-والله ما أطلع شمس اذا ما خليت علي يطيح حظك
+
:-هاي اذا أجة ولحگ عليج علي هسه بعداد الاموات يأأمورة
4
ضحك وطفة النايلون بيدة وطلع وحدة ثانية حرگهة وخلاها تنگط على جف ايدي
+
ويحجي بستمتاع:-مو حرامات الجسم الناعم يحترك وياكلة النايلون أوف علي خوش يصيد صيدات تدرين شمس احجيلج سالوفـة قديمة
7
وخر النايلون وأني روحي شاطت لسماء ما مركزة وي كلامة روحي متلوعة من الحرك بيدي
+
صارت حمرة أشر الهم يجيبـون الـة
عصارة وفعلا جابوا خلا على مكان الحرك
لميت أيدي منه
+
كــال :-تعرفين شمس إذا أكو شي أكره بحياتي فهو الغباء والناس اللي تعيش بوهم
+
:-شنو اللي تريد توصله
+
أبتسم وضم الجَداحة بجيبـة
:- علي جان صديقي وأخوي وشريكي جان الوفي المطيع وأيدي اليمين وبسببچ تمرد وتكبـر على زعيمة الوصلة للي هو عليه اليـوم
2
فهيت بوجهـة بفزع ما مصدكة شدا يحجي
ويمسلت هذا
+
كمـل بهتمـام مخلي عيونة بعيوني ويحجي بثقـة
:-جانت الخطة من البداية ننتقم من أزاد ندمّر حياته ناخذ كلشي عنده بس أنتي جنتي ورقة ورقة مهمة بس مو أكثر
+
رجفن أشفايفي حجيت بخنگة:-تتوقع اصدك دا تجذب عليه ما أثق بواحد مثلك
+
:-أنطينا دور البطل الحبيب المنقذ خلى نفسـه قديس بعينچ بس هو جان جزء من كلشي حتى خطفچ جان مخطط إلنا أنتي فخ أداة جسر نعبر من خلاله وأنطيح بزاد من العمق بس للأسف حبچ وجان ضعيف ولهذا فشلت الخطة صح أستفادينـة بغير جوانـب بس أهم جانب ما أستفادينة أزاد بعدة وأكف على حيلـة ومسيطر وأيدة طويلة وكل الايجارات تمر بسلاسة ويسرح ويمرح
17
دار عيونـة عني يشرب من العصيـر ويحجي
وما أتوقع هذا عصير كل ما يشرب يغمض عيونة
16
وساف:-هو جان وفي إي وأكثر من وفي جان مثل ظلي بس أنتي أنتي خربتي كلشي وصوج من أيدي دخلتج ضمن الاهداف ما حسبت أحساب يحبج
+
رجع يباوعلي بحقـد
:- أتوقعت يحبچ إي بس يختارچ على حسابنا لا
+
شهكت حيل ما أريد أصدك كلامـة
:-يعني جان يمثل من البداية كلشي جان خطة
وبابا منو قتلـة هو هم جان مستهـدف
+
ضحك بسخريـة
:-جان يمثل وبعدها انسى النص وحبچ الكـ **
6
رجع كمـل وهو يمسح على وجهه:- لا أبوج ما جان ضمن الاهداف بس علي حاقد عليه لان هو جان شاهد زور على أهل علي وجان الة أيد بموتهم
وتره بعدج ما شفتي شي الـ..
+
سكت.. رفعت راسـي سهاد طبت تتبختر بمشيتها ولابسه بنطرون أسود وقميص هم أسود
6
كعدت أكبالي وحجت مستمتعـة
+
:-خوما قصرو الشباب وياج بالضيافة
1
ما رديت مالي خلق وراسي بدة يضرب خماسي سداسي كارهة نفسي وكارهة حجيهم ولعبت نفسي منههم
+
سهاد:-جنهـة نهايتـهم قربت
4
وساف :-أن شاءلله بحق العلي العظيم
12
سهاد:-بعد ما تخلص هل شوشرة ربحي مصطفى لا تنسى وساف
+
وساف:-وساف كلمتة ما تصير أثنين كتلج أرجعة لحضنج بس هسه اريدج أدارين الشيـخ مرداس ترى شغلنا كله يمة
3
ضحكت بدلع وطلعت علج تعلج:-ليلة سويلـة أجواء تخبل
9
عرفتهم من تلميحات بينهم يعني شي قـذر لعد حقة علي مطلگها ولو هو هم طلع نفس قذارتهم
+
جانت عيوني تتنقـل بينهم بجمود وكلبي يرجف
وعقلي ما دا يصدك الي يسمعـة
+
معقولة كل لحظة جانت ويا جذب ولهفة والحب وخوفة عليه كل هالشي جذب وخطـة شلون يكدر يمثل عليه يعني هو هيج ممثل شاطر لو أني جنت غبيـة
15
أنتبهت على وساف يحجي
:-أهم شي الرهان لا تنسيـن
+
سهاد:-أطگة بتعويذة أنسي حليب أمة يدخل على الرهان مغمض يمي
4
كام لباب وهي وراة وحجة بصوت متلاعب
:-خلوا مدام شمس ترتاح تعبت اليوم هواي
+
خلـوا وطلعوا بقيت وحدي بس هاي البنية جابتلي اكـل كالت الباشا دازة وما أكلت
+
ما گدرت أتنفس حرفيًا
حسّيت الهوا ثكيل بصدري
+
گلبي چان يدك بسرعة مثل الطبل مو خوف لا مو خوف اكو شي أعمق الي هو الخذلان
+
بس يمكن أني الغلط هو مابي كل صوج هو من البداية خاطفنـي وجان واضـح
+
ضليت أركض وراة حتى من رجعني للاهلي ما تبت ورجعتلة برضاتي
+
بجيت حاقدة على نفسي رحت برجلية الة
هو جان ذيب متربص بأهلي وناسي وأني جنت غبية حبيتـة ووثقت بي وسلمتة نفسي
+
الله ياخذني شسويت بروحي أني
2
ما بقا شي صافـي حتى ذكرياتي صارت مشوشة حتى الأمان اللي چنت أحسّه وياه صار خوف وشك وقلق
+
_________
+
نادي ليلي ببغداد الطابق العلوي غرف VIP
إنارة خافتة طاولة جلد سودة
5
نركيلة عالجنب موسيقى صاخبـة تغطي على خططهم الخبيثة والحقد الخفي ثلاثتهم
+
كل واحد ناوية نية يطيح بالثاني القاسم المشترك بينهم حاليا هو شلون يطيحون علي ال هاشم
+
وساف:-گتلكم أول نقطة حتى نطيحه هي نزرع نار الفتنة بينهم
+
أزاد:-وكاعد يصير اللي نريدة مهاد ورغد صاروا بصفي
69
سهاد:-بس انتبه ماكو ضمان برغد
+
أزاد:-أثق بيها بس راح أسويلها بعد اختبار هم
خليها تلعب بعقل شمس وهم أشوف صدقها ووفائها
2
وساف:-ما أظن علي تعبر عليه وما يكشفها
+
سهاد:-جداً ذكي ما يستهان بي وما تمر عليه هيچ سوالف مرور الكرام. أني ما مرتاحة لدخلهم بينا
+
أزاد:-كافي تطبيل وتعظيم للابن هاشم ترى كله أجريذي وصدگوني يدرون بطيحته قريبة فصاروا بصفنا. ورغد تحبني أول وتالي راح تخضعلي أعرف شلون أجيبها للطريق
38
وساف:-أهم شي المهدئات لگلب الأنثى
+
سهاد:-إذا عبرت مثل ما دا دگولون معناه الحظ حليفنا
+
أزاد:-تعبر تعبر لا تفكرون. بس المهم هسة بعد عدنا نفرين نتخلص منهم عصام وعزيز
+
وساف:-عصام أعتبره انتهى هسة يومين ويجي خبر تصفيته بس عزيز بقى عليك
+
أزاد:-سهل
+
وساف:-ما علينا المهم رايدك بطلب
+
أزاد:-ما يردك غير لسانك
+
وساف:-أريد أناسبك
+
ضحك بصوت عالي ورد:-ما عندي أخوات بشني تنـاسبني بأمي؟
+
وساف:-هههههه لا بوية أريد بت عمك سالم الجبيرة
+
أزاد:-شجن أعتبرها صارت الك
55
وساف:-والله وكفو ما عليك زود شوكت أجي أمشي عليكم
3
أزاد:-بهالأيام من نتخلص من علي
1
وساف:-مهرها موت ابن هاشم شرايك؟
1
أزاد:-أحلى خبر ينزفلي وانت بكيفك بعد
+
سهاد:-هاهيه لعد نجهز نفسنا للعرس لأن وساف إذا حط أحد براسه معناه طاح
+
بهالاثناء اختفى صوت الضحك بدخول رغد.
ابتسم أزاد وگام وگف رحب بيها بحرارة.
4
وساف وسهاد خلوا ومشوا بعد ما وساف أخذلي نظرة شك من فوگ ليجوه.
+
بقينا وحدنا أني وأزاد چان مستبشر بوجودي بس ما مطمئن وما مرتاح أدري ما عنده ثقة بيه
2
بس لازم يوثق بيه لازم أكسبه وأصيرله أقرب من زهراء وأعرف كلشي.
20
حچيت بثقة:-راح أكون موالية الك.
+
- شنو اللي يثبت
+
- رجعت الأراضي الك بعد ما علي أخذهن.
+
- مو كافي
+
-لعد
+
-تقنعين شمس علي هو گاتل أبوه.
+
-وإذا ما اقتنعت
+
-: ا تقتنع هي بدت تشك وأنتي أريدچ تثبتين صحة شكوگها
+
-تمام بس شلون أروحلها للبيت
+
-ما يحتاج هي عدنا
2
- شلووون ..؟ شمس عدكم
+
-إي جبناها... راح أدزلها موبايل هسة بيد وحدة من البنات وأريد أسمع يعني تخابرينها وتحچين وياها گدامي وتحچيلها
+
وفعلاً انطى موبايل لوحدة من البنات وگالها
-گلي لشمس الباشا دزه الچ افتحي خط واسمعي الحقيقة
+
وهو رجع خابـر وساف وكالـة
:-قبـل لا نخابـر مهد الطريق
+
لزمت الموبايل وانتظرت شوية مثل ما هو كال
و بين ما راحت وإجت البنية حچة بأمر
-يلا گبل لا أغيّر رأيي
+
- هسّه؟
+
-أيي هسّه
+
ضغطت على الاسم دگ...أنفتح الخط
-شمس أني رغد
+
ما جاوبت بس أسمع صوت أنفاسها هي وياي بالخط بس ما تحچي ساكتة.
+
چان مركز وياي منتظرني أحچي حچيت بدون تردد
-محتاجة أحچي وياچ بموضوع مهم
+
-أسمع گولي رغد
+
سكتت وجريت نفس... گالت
- شنو صاير صحيح اللي نحچى والي ديكولوا
+
أباوعله يلعب بخاتم بأصبعه وأشرلي بعيونه بمعنى جيد كملي.
+
-الحچي اللي أحچي هسة يبقى بينه ما يوصل علي
+
-احچي
+
-باعي والدچ مو انقتل الله يرحمه
+
-إيي
+
-هم سألتي نفسچ منو وره موته؟
+
حسيت صوتها رجف حچت بهدوء
-منو؟
+
-أني أعرف وأنتي صديقتي والذنب دا ياكل بيه أكل لأن كل يوم أشوفچ تتعذبين على موت والدچ وما أگدر أگلچ
+
ردت بعصبية:-هسه غير تحچي دحچي
+
-متأكدة تردين تعرفين
+
- إي بس احچي
+
-علي
+
سمعت بس صوت شهگتها گتلها بسرعة
-شمس أعرف صعبة عليچ بس الـ...
2
قبل لا أكمل قفلت الخط بوجهي تنهدت والتفتت عليه گام على حيله وصفگلي
+
-خوش تمثلين
1
- سويت اللي طلبته كافي لو بعد
+
- كافي بطلة
+
-أريد آخذ مكان زهراء وأصير إيدك اليمين
+
تقرّب وگف گبالي كرص خدي وحچى
- شنو السبب ضايجة من زهراء
+
-لا بيش الكيلو وأضوج منها بس أحب أكون بالواجهة ما أحب الذيول بعد أنت تعرف
+
-اعتبري نفسچ اليد اليمين وكلشي
+
-شلون يعني كل شي
+
-يعني الحبيبة والزوجة والصديقة
12
تدنيت منه حيل خليت إيدي على سترته أمسح عليه حچيت بتساؤل
-اممم يعني شنو ناوي تزوجني
1
- لا طبعاً
1
-لعد شنو قصدك بالزوجة والحبيبة
+
-چا مو شرط الحبيبة والزوجة زواج
+
-يعني شلون أزاد
+
-نگدر نسوي هالامور بدون زواج
20
وخرت إيدي عنه ودرت وجهي حچيت بزعل
-حسبالي تزوجني ونرجع للأيام قبل وحبنا
13
-براحتچ بس زهراء تاخذ مكانچ بحضني
6
- اووف أزاد وزهراء شـمقدمة الك شو مناقصة وأخذناها بسهولة منها وفاهية ما تعرف تشتغل.
+
-بس بالليل خوش تشتغل
10
- أروح أحسن من هاالحچي.
+
درت وجهي أمشي لزمني وسحبني لحضنه
حجيت بستفهام
+
:-وشمس
+
:-شبيها
+
:-تحبها
+
:-تعرفين ماكو داعي اكلج
+
:-ازاد هواي عليه هيج عوفني أمشي
+
-ماكو داعي للغيرة أني مو چنت أشوفچ وي ابن هاشم حچيت شي حاسبتچ لا
2
-بس أني وعلي أصدقاء وچان فقط شغل... اكو فرق أنت تحب شمس وهي حبك من الطفولة وكلشي دسوي بدافع حبك الها هسه
+
-شفتي شلون هي من الطفولة بگلبي يعني صعبة تاخذين مكانها بس تگدرين تسويلچ مكان
7
-اممم شنو
+
-يعني إذا سويتي كلشي أطلبه أخليچ بالگلب ومكانتچ تزود
+
-متفقين وأني أنفذ أي شي تطلبه المهم نرجع للأيام قبل
+
حضن وجهي بين إديه وحچة
-مطلوب منچ بعد دگليلي وين مكان شجن
+
-لا هاي صعبة عليّ يگشفني
+
-أنتي معليچ أنطيني العنوان وأني أدز الشباب يداهمونكم وياخذون البنات
+
-لعد وصيهم يضربوني حتى علي يصدگ
+
-أخاف عليچ ملامحچ الحلوة ما أريد تتعور
2
-هيچ أضمن أزاد
+
هز راسه برضى مبتسم
8
_______________________________
+
:-شجن
+
تحط حمرة على المراية ولابسة الفستان الاسود وأني مرتگية على حافة الجرباية.
+
أفكر شلون نخدع عزيز أحسه فاهي نگدر عليه.
3
شجن:-نبوگ المفتاح من عزيز
+
مرام:-آخر بوگة بسببچ چان رحت شهيدة إلا شوي هالمرة أنتي بوگي أني معلية
+
شجن:-ويطيچ گلبچ تعوفيني وحدي
+
مرام:-ولي ما تأثرين بيه بعد وتقشمريني
5
باوعتلها مبرطمة عود زعلانة بلكي ينكسر خاطرها عليّ حچت متأففة
+
-: اهوو ضاع وجهچ ما ترتاحين لحد ما تشوفيني مجلوطة ومشمورة
1
-: اسم الله عليچ بعدين عصام مو هنا وعزيز بس يباوعلج يشرد هاي فرصتنا
1
هزت راسها بـ "لا". شلون أقنعها
مدري شبيه قفلت.
+
حچيت بتوسل:-شنو موافقة من يجي غمزيله وعلي ينخلس
1
-: لا عوع أحس ما طايقـني هسة بگلبه يگول هاي ذابة نفسها عليّ ما يدري أني مرام ناس تتمناني بس شنو أني ما عاجبني أحد
9
-: إي فديتچ لعد شكو خيولي عزيز هسة نطلع منا ونشوفلچ أعمارچي
+
طگت علچها ونفخته مرة ثانية:-بس تدرين يموت هو وشواربه عاجبني أوووي دماغسوزز ليش ما يلتفت يشوف الجمال الخلقة شماله چنّه حجارة شثگله
7
-: ماكو واحد ثگيل كلهم يجون للدرب
+
التفتتلي وغمزت حچت بضحكة
-: ومديرچ مو شايل طن حصو وحجار بجيوبـة
3
-:وين رجعتيني چنت ناسية شذكرچ بي
+
-: أووو ناسية الحب مو چنتي خابصتني بي
4
-: قبل مو هسة المهم نترك بيرس أنفكر بعزيز وشلون نشرد
+
بعدنا دا نحچي وسمعنا صوت الباب يعني إجى.
عاد مرام رشّت العطر ونفخت نفسها
1
وطلعت مديت راسي أشوفهم
چان بإيده مسواك
+
ومرام أخذته من إيده وگالتله
-: شتحب أطبخلك على العشا
7
-: رحمة والديچ بس أني ماشي عندي شغل
+
-: ياااه والمسواك هذا المن إذا ما تتعشى ويانا
+
-: هو الچن ألف عافية، أني رايح
+
خلّى ومشى. اندارتلي ما لزمت نفسي طگيتها ضحكة. هزت إيدها ومشت للمطبخ
2
وهي منزعجة فردشت المسواك جايب لحم
حچت بضوجة:-أنعل أبويه إذا آكله بعد أسويلك عشا ياكل زقوم
+
-: اهدي، يجوز رجال مو جوعان
+
رفعت لحمة بإيدها وحچت بتحذير:-والله يا شجن بعد أموتچ وشعفتچ أگطعها إذا گتيلي شي أني محد مدوهرني غيرچ
2
سكتت كاتمة ضحكتي خاف تكتلني لأن تعصبت من وره عزيز عديم الذوق
+
وره العشا بالليل ومحد جاي لا عزيز ولا رغد
چان عصام يفتر علينا چنّه ططوة هسة بس إحنا يگول بومات
5
صارت بالثمانية ورغد إجت سلمت علينا وگعدت چنّه مطلعين مسلسل نباوعله.
+
وهي حسيتها متوترة
وكل شوي تروح عيونها على الساعة.
+
آخر شي موبايلها دگ أخذته وراحت للحمام تخابر.
ما أدري خفت
+
خاف صاير شي أنوب وما دا تگول
همّه البارحة چانوا مخبوصين.
+
رجعت گعدت يمنا ساكتة وتلعب بشعرها القصير
وعيونها مركزة على التلفزيون.
+
فززنا على دگة الباب گامت هي مرتبكة.
گالت:-أني أفتح
+
شجن:-منو يجي هسة
+
رغد:-يجوز عزيز
+
مرام:-قبل شوي چان هنا ليش حتى يرجع
+
رغد:-ما أدري بس أتوقع هو
4
راحت توها فتحت الباب والضربة إجت على وجهها تگومت بالگاع فاقدة
+
فزّينا وطفرنا اثنينة أني ومرام
وحدة مجلبة بالثانية من الخوف جمدنا.
+
دخلوا مسلحين لابسين أسود وياهم واحد مبين هو القائد أشرلهم على رغد
+
سحلوها لوحدة من الغرف
ركضت عليها وصحت بصوت مرعوب:
-: عوفوها منو أنتم شدا تسوون
+
-: اخذوا البنات
+
لزموا مرام وهي تحاول تفلت نفسها ماكو. وأني لزمني واحد ثاني
+
حطوا أكياس براسنا وربطـوا أدينـة
+
وطلعونا ما نشوف گدامنا بس دا نتحرك بالظلمة.
لحد ما دنّگ راسي وصعدني بسيارة.
+
حسيت مرام بصفي لأن دا تسب بيهم وتعيط
وگلبي بقى عند رغد خطية شصار بيها هسة
28
ما أعرف شگد مشت مسافة السيارة لحد ما وگفنا ونزلنا يمشونا على كيف.
+
وگفنا والصوت چان مألوف گالهم بأمر: "فگوا الحبل من إيديهن أني هيچ گلتلكم تسوون زمايل
+
أول ما فگوا الحبل واني وخرت الكيس من راسي مختنگة إجت عيني بعين ماما وأزاد.
+
وين إحنا....؟
+
بيت عمو هذا بيت أعمامي
حجيت متفاجئة:-أزااااد
+
-: الحمد لله على السلامة بت عمي
+
بقيت جامدة بمكاني تقرّب طبطب على چتوفي وحچى بابتسامة
-: شلونچ؟ خوما أذوچ
+
متفاجئة وما طلع مني أي صوت ما حچيت شي رحت لماما حضنتني وگامت تبچي چانت مرعوبة وخايفة.
+
بحيث بقت تباوس بيه وتحضني حسستني راجعة من الحرب
+
ما تدري چنا متونسين وناكل كلة دولمة وعزيز يعلف عليناحتى مرام أم علص صارت بيها لحمة.
11
التفتت على أزاد وحچت بدموع
-: رجعتلي وحدة وبعد الثانية
+
-: ولا يهمچ هم أجيبها إلچ
+
استغربت منو الثانية معقولة شمس
+
-: ليش شمس وين ماما
+
شهگت وهي تمسح بدموعها:- خطفها ابن هاشم الله ياخذ حقنا منهم بجاه ليل الله الهادي
16
أزاد:-عمتي لا تبچين، اصبري عليّ باچر عگبة يمچ بنتچ
+
-: إي يعمة فدوة لعينك أريد أخذهن وأمشي منا بعد ما بيه هبطات ولوعات
+
ضيق عيونه باستفهام:-وين تاخذين البنات
+
-: لبغداد ويجوز نطلع للخارج
1
حسيته ضاج وجهه احتقن
:-خوش تفكير أني هم أريدكم تبعدون عن المشاكل ودوخة الراس
+
فتنا جوه والكل تحمدوا النا بالسلامة وجهزوا غرفة النا أني ومرام
+
وأزاد گال لماما تبقون يمنا لحد ما أرجع شمس وأسفركم جوه حمايتي تبقون
+
.
.
+
باللـيل
+
كاعـدين بالغـرفة مرام متلفلفة
بالحاف وتنفخ ضايجة وأني هم
+
مادري على شنو ضايجين لعد أحنا مو كتلنة نفسنا حتى نشىرد أوف
4
انفتـح الباب ودخلت مـرت صادق جايبـة صينيـة بيه أكل وفاكهة ومليانة خلتها على ميز وحجت
1
:-سويتلجن عشة
+
شجن :-حبيبتي مو جوعانين ليش تعبتي نفسج
+
:-تعبجن راحـة
+
ابتسمت مجاملة بوجهه ومرام ساكتـة
حسبالي راح تمشي شو هاي جرت الكرسي
+
وكابلتنـة وكعدت حجت بضحكة
+
:-اي شلونجن ما لونجن يمة هاي معجزة ورجعتن خفنا عليجن
+
مرام:-عليمن خايفين مابينه شي مثل الورد
+
:-اي هم صدك مبين منشنشات ولا عبالك مخطوفات أستغفرالله راح بالي لبعيد
7
شجن:-وين راح مثلا
+
:-لا ماكو شي بس أقصد الي ينخطف يكون ملوع مرعوب وشوي انتن ما بيجن شي
+
مرام:-مو أحنا نجرات ما نخاف
2
:-المهم اذا تردن جاي تلگنة على طباخ حمنه وأشربن أني رايحة أنام
+
خلت ومشت ومرام غمتهة وتربعت تاكل إجيت گابلتها
+
-: أني ضايجة اختي ماخذها علي
+
-: وشراح يسويلها ترى رجلها بعدين علي وجماعته فديتهم خوش ناس
5
-: غزر بيچ اللحم والدولمة
4
-: أحسن منچ أني كلشي يغزر بيه حتى ستـ**الوردي غزر بيه إن شاء الله أردها الهم بالأفراح
16
-: شلون ترديها تجيبين لمرت عزيز ستـ** وردي
5
-: لعد شبيها أهم شي الهدية وإذا تزوجني فأني هديته بعد ما يحتاج
2
نكتت إيديها وگامت
-: أگلچ رايحة أخابر أهلي وأطمنهم هسة عبالهم نهبت وبعد ما أرجع يا ريت لو صدگ ناهبة عاد الموضوع يسوى
4
مشت بقيت آكل وأفكر بلكي أزاد يرجع شمس
حتى نمشي منا لأن بعد ماكو طاقة تحمل خلصت.
+
شوية وإجت مرام گعدت تاكل
گالت بضحكة
-: ولچ أمي رزلتني دگولي شوكت تجين ضالة أدحمين هناك گتلها أجيب نسيبچ وأجي انوب هي صدگت حسبالها صدگ
3
-: ميخالف من توصلين هناك گليليها چان اكو مشروع نسيب بس ما صار شنسوي
+
-: والله هسة حتى خلقتي نادرة وأخبّل أرجع لبغداد أدور بغدادي
+
-: إن شاء الله تلگين وإذا ما لگيتي أخذي واحد من ولد عمي همّه طليان وسوّگي عليهم بالبيت همّه ونسوانهم
1
-: أوووف جوييي شبيها وإذا أخذت على ضرة راح أصير أني الصغيرة العزيزة شتگولين
+
هزيت راسي بتأيد رجعت حچت بملل
-:ابطلت بعد ما أزوج شنو قحط ما أريدهم
+
-: فدوة اثبتي على رأي
+
ضحكت وبقينا نسولف للـ صنعش
بعد ما كملنا عشا ما نمنا.
6
قلقت على شمس ما أدري ما مرتاحة.
تغطيت وحاولت أنام بس گلبي يلوب.
+
حسيت بالباب انفتح
وخرت الغطا شفت مرام طلعت وين ولت هاي
+
رجعت غطيت راسي دا أنام
بين واعية بين نايمة بعدني ما غافية كلش والبنية كمزت يمي
+
على الجرباية رعبتني فزيت بسرعة وخرت الغطا
-: عززاا خوفتيني شبيچ ما تگولين أحد نايم
+
أباوع على البنية وجهها مخطوف وتدگ على خدها بخوف حچت بصوت خافت
-: شجن شجن شفت ابن عمچ گتل واحد جوه
8
-: شنو... شنوووو
+
-: ونبييي تعاااالي اااانززززلي بسرعة
+
سحلتني من أيدي ونزلنة لطابق الاول
طلعنـة لحديقـة بوجهنه للبيـت مال الحدقجي
+
جان اكو بيت حدقجي يصير من جهة الخلفية للبيت هذا متروك مرات يبقى يبات بي الحدقجي
+
اذا مالحك يروح للاهلهة هو هذا باقي
الهم
+
جرتني نباوع من جهة الثانية جهة الشباك.
فتحت عيوني أتنفس سريع.
+
وأني أشوفهم شالوا الجثة خلوها بكيس نايلون أسود رفعت عيوني لمرام
+
مخلية إيدها على حلگها وفاكة عيونها برعب
واحد من الحماية جاب ماسحة ووصلة يمسح بدم من الگاع
+
وأزاد واگف ويمسح الدم من إيده بالكلنس يا الله باع المجرم
4
ضليت صافنة على منظر لحد ما جرتني مرام رجعنا ركض رجلينا وحدة تطگ بالثانية
+
قفلنا الباب وگعدت وهي تفتر وتمسح على صدرها
+
مرام:-أگلچ أني لازم أشرد لأهلي يمه هنا ناس تذبح ناس
+
شجن:-أني هم خايفة أريد ننهزم من هالمدينة والله دمرونا دمار
+
مرام:-هسة شنو العمل
+
شجن:-تسكتين ونسوي روحنا ما ندري بشي لحد ما نطلع منا
+
مرام:-وأني
+
شجن:-باچر نحاچي عمي حتى يوصلچ واحد من الولد لأهلچ ومن توصلين هناك غيروا بيتكم للاحتياط
+
مرام:-خوش فكرة بس راح يبقى بالي يمچ أنتي وشمس يمه عايشات بين وحوش الله يساعدچن
2
-: النا الله.
+
بليتها كوة نمنا وثاني يوم من الصبح مرام لبست
ونزلنا حتى نحاچي عمي
+
وإحنا نازلين على الدرج لاگانة أزاد صاعد گال
-: صباح الخير
+
شجن:-صباح النور
+
أزاد:-خير وين رايحات من الصبح
+
شجن:-ما رايحـين لمكان دا نريد ننـزل جوة
+
باوع لمرام وأكفة بصفي وساكتـة
:-أريد أحجي وياج شوية أنتي شجونة أنزلي صديقتج تلحگج
+
باوعتلها هزت راسها بورطة ومشت ويا نزلت لصالة بقيت أحوس منتظرتها طولـت ربع ساعة
+
وأجتني مدخنـة وعصبيـة
+
:-هاااا شيريد
+
-: لچ هذااااا القندرة مالوم رجل شمس ويا بس هو دواة ولچ هدددني يگلي أدري بيچ البارحة شنو شفتي وماكو روحة لأي مكان تبقين هنا حالياً
7
-: شنو يعني عنده نية يبقيچ هنا دوم
+
-: ماااا أدري چلب خنيث مطلع مراجله على مرام ابن العاهرة
+
حطيت إيدي على حلگها لأن گامت تخرط وخاف أحد يسمعنا
+
-: لچ صوتچ مرام
+
-: والله لعد مجذبة هذا نغل بس النغل يسوي هيچ سواية وأمه ما حافظته مو بذرة غطة وفراش
+
-: اسكتي واهدي هسه نفكر بحل
+
-: اوووف چان رجل شمس خاطفنا هو وربعه شمحلاتهم بس الونسة والأكل إجى القندرة ابن عمچ وطاح حظنا بعد ما منه شردة وعلي هنا صدگ الله يرحمنا أنوب أخذ موبايلي القندرة ابن القندرة
5
-: لا عمو خطية
+
-: ها صح عمچ خطية يلا أمه قندرة
+
-: إي أمه حية تستاهل هسة خلي نفكر لازم ندبر طريقة ونشرد
+
-: وشلون نشرد اختچ ماكو وأمچ ما تدري بهالسوالف
+
گعدت وإيدي على خدي.. شفتـة نزل من فوك وبوجه طالـع ويخابـر
+
مرام:-ما تخلينا نصعد ندور الغرفة مادام مشة القندرة لازم نأمن حياتنا
+
:-شندور؟ ازاد اذا عندة شي مهم يخلي هنا
+
:-اكيد يخلي هنا أمن مكان بالنسبة الة بيتة وهي فرصتنة لأن الظاهر ابن عمج وراة هواي سوالف
+
:-زين شلون نصعد لغرفته خاف نلـزم
+
-: ما أدري... لازم نفكر بطريقة
+
فكرنة هواي بس ما أجت أبالنة اي فكرة أخر شي قررنة نصعـد وفعلا صعـدنة للغرفتة
+
هي بـدت أدور بالكنتـور وأني برف والميز حتى أجنط جوة الجربايـة هم دورتها
+
بس ماكو شي واوراق ومستندات ماله علاقة بشي مفيد النا
+
فجأة سمعنا صوت أزاد يصيح من جوه:-عندي أجتماع وي ست زهراء ياريت محد يزعجنـة يوم "
+
ديحجـي وي أمة وصوتـة يجي من جوة
مرام شهگت:-يااا هذا رجع
+
-: لازم نلبـد بسـرعة
+
باوعت للغرفة بسرعة شفت الجـرباية والكنتور
گلت لمـرام:-أنتي جوة الجرباية وأني بالكنتور
10
ركضت مرام فاتت جوة الجربايـة
وأني ركضت للكنتور فتحت الباب دخلت جوه وسديت الباب على كيف
+
الكنتور چان ضيق ومتروس ملابس وريحته العطر بالملابس قوية بقيت واگفة بمكاني وأتنفس بهدوء وأسمع صوت أزاد يقترب
+
سمعت الباب انفتح
وصوت أزاد گال:-فـوتي
+
بعدين سمعت صوت خطواته بالغرفة وهو يفتر گلبي چان يدگ سريع وخايفة كلش.
+
جمدت بمكاني وما گدريت أتحرك
حسيت إيده على باب الكنتور يريد يفتحه.
+
بس فجأة سمعت صوت ثاني صوت بنية
گالت: "أزاد حبيبي ليش مدخل رغد بينـة
3
:-أضحك عليها أكمـل شغلي وادعبلهـا
لا تهتمين بيها تعالي يمي
1
بعدين سمعت صوت خطواتهم يبتعدون عن الكنتور وراحوا لجهة الجرباية.
9
بقيت بالكنتور أسمع أصواتهم تهمس وتضحك وصـوت حركة الجربايـة وأصواتهم المستمتعـة كمية رخص فضيعة لبعد حد
37
ما گدريت أصدّگ اللي دا أسمعه أزاد اللي چان مسوي نفسه خوش ولد لا هو ولا غيرة شكد رخيص
+
كعدت كعدة بالكنتور وخليت أدية على أذاني نقرفت كلش من صوتـهم وهاي السافلة الويا ضحكتهه ترن
+
مرت ساعـة وكملوا
بعدين سمعت صوت الباب ينسد عرفت همة بالحمام
3
بقيت بالكنتور شوية حتى أتأكد همة صدك بالحمام بعدين فتحت الباب على كيف وطلعت.
+
الغرفة چانت فارغة بس الجو چان مكهرب. رحت للجربايـة وخرت الجرجف وباوعت مرام
+
:-تعالي
+
زحفت من جوة الجربايـة وطلعنـة ركض نزلنة جوة لمطبخ طلعت ماي من ثلاجة
+
تشرب وأني وكفت أخذ نفس أحس أنفاسي راحت ومرام وجهه أحمـر
+
شجن:-سمعتي كل شي
3
هزت راسها بـ "إي"
+
شجن:-يعع حقير و سافل ورخيص
+
مرام-: هسة مو وكت هالحچي. لازم نطلع منا
+
شجن:-شلون أحنا حتى مالگينة شي بالغرفة
+
مرام:-ما دورنة كل الغرفة
+
شجن-: لازم نرجع ندورها مرة ثانية
+
مرت ربع ساعه ونزل ازاد وهي هاي البنية الي أسمها زهراء لابسة تنورة قصيرة وقميص وسترة وبيدها جنطـة
+
هو طلع وهي كالتلة:-اريد أشرب مي بارد
+
غمزلها وحجة:-حميتي
2
ضحكـت وأجت دخلت للمطبخ، وباوعت علينا بتعب:-هلو بنات أريد مي بلا زحمة عليجن
+
طلعت بطل من ثلاجة ومديتـة الها شربت منه
+
ومرام باوعتلها بنظرة غريبة
زهراء:-تعبانة كلش وعطشانة ما أدري ليش
2
مرام باوعتلي وغمزت
وأني عرفت شنو تقصد.
+
مرام:- ليش تعبانة خاف أكو أحد متعبج لو الاجتماع متعـب
7
زهراء :-شنو قصدچ
+
مرام:-لا ماكو شي بس أستغربت ليش تعبانة مو المفروض تكونين مرتاحة هو أجتماع معقولة الاجتماع يتعب هيج
2
زهراء:-أنتي شدا تحچين
+
مرام:-ما دا أحچي شي بس دا أسأل حرام الواحد يسأل
+
شجن:-مرام كافي عوفي البنية
+
باوعتلي ورفعت حاجبها:-ليش خايفة عليها هاي ما ينخاف عليها نسرة والجرباية تشهد
12
كرصتها من أيدها راح تفضحنة والبنية البطل بيدهة وتباوع لمرام بعصبيـة
+
شجن:- ما يصير هيچ نحچي وي الناس
+
همست بصوت خافت:-ولي هي تستاهل. مو هي اللي...
+
حطيت أيدي على حلگها وحجيت بضحكة
:-حبيبتي مرام تحب تشاقة وتلطف جوء تكدرين تاخذين البطل وتمشيـن
+
زهراء:-لا خلى تكمـل شتريد دگول
+
مرام:-ما أريد أگول شي بس كل واحد يعرف نفسه
+
زهراء عصبت كلش وحجت
:-أنتي وحدة قليلة أدب وراح أگول لأزاد عليچ يقبل واحد هيج يحجي وي محاميتة
11
مرام:-روحي گليله
+
باوعت علينا بغضب وطلعت من المطبخ
مرام:-شفتي وجهها صار طماطة والله فضحتها
+
-: مرام كافي ليش هيچ تسوين
+
مرام:-تستاهل هاي وحدة فاسدة لازم تعرف قيمتها
مساع لعبـوا نفسي
8
-:زين هسة شراح يصير خاف تروح دگول لأزاد ولا أنوب يشك بشي
+
مرام:-خل دگول ما يهمني المهم عرفت شلون أحرگ دمها
+
عفتـها وطلعت كعـدت برا أحس تورطنة ورطة جبيرة وي بيت عمي وين جابنة بابا وين خلانة وراح
3
بيد منو واهلة شنو زين عمي يدري بزاد هيج
وصخ وغارك بهيج مستنقعات
+
______________________نهـاية البارت
18
كونوا بخير مثل ما متفقين دائمًا وأبدًا
+
#الهيلانا
2
#احبكم
15
