رواية سهام الحب الفصل الخامس والعشرين 25 بقلم ريهام اسماعيل
وهنا هاتف رهف رن بنغمه انت الوحيد اللى فى قلبى
+
سارا ويارا بصو عليها فراحت لها سارا وقالت :مين يا رهف
+
رهف ابتلعت ريقها : ها
+
سارا بشك وبنظره: بقولك مين اللي بيتصل
+
يارا: فى ايه يا سارا مالك ومال البت دى سبيها وتعالى اختارى معايا طقم لانى زهقت
+
سارا وعيونها علي رهف: طيب جايه معاكى
+
رهف شعرت بالاحراج من نظرات سارا لها فاحاولت تبعد عنها لتفتح الاتصال
+
رهف: السلام عليكم
+
احمد: وعليكم السلام ايه مشغوله
+
رهف بتلتفت تشوف حد شايفها ولا لا : اوى
+
احمد: طيب مش هاطول عليكى بقولك انا هاقول لعمر اخوكى انى عايز اطلب ايدك ايه رايك
+
رهف بخوف: لالالا بلاش الله يخليك يااحمد لو حد من اخواتى عرف هاتبقى كارثه
+
احمد:كارثه ليه بس هو احنا بنعمل حاجه غلط !!
+
رهف: لا غلط كلامى معاك فى الموبايل طبعا يااحمد لانى مش عايزه احرج اهلى بثقتهم فيا
+
احمد بحده : يعنى افهم من كلامك انك ندمانه انك كلمتيني
+
رهف: مش كده بالظبط يااحمد بس حاسه انى بعمل حاجه وحشه وانا مش عايزه كده
+
احمد بغضب قال: خلاص خلاص يارهف انا فهمت قصدك واسف انى احرجتك من غير قصد وبعد اذنك مضطر اقفل عشان مشغول سلام
+
(وقفل احمد الخط وهو غضبان ومتنرفز منها ومن كلامها معه وقال فى نفسه
+
يعنى انا غلطان انى حبتها طب الحب ده مش بايد الانسان ده انا بشتغل عشانها وبقيت انسان تانى بسببها هى تقوم تقولى الكلام ده اكيد هى ماحبتنيش بس تصرفتها معايا بيقول غير كده اعمل ايه بس يارب اقف بجانبى
+
رهف بعد ما اغلق احمد الهاتف ذهبت الى غرفه ملك لشعورها بالبكاء ومقدرتش تمسك نفسها والقت بنفسها على السرير واشتدت بالبكاء
+
ومن ناحيه اخرى
+
يارا كانت مرتديه طقم وبتوريه لسارا : ها ايه رايك كده
+
سارا مشغوله على رهف: ها جميل يا يارا بصراحه ده احلى حاجه عندك
+
يارا: يعنى اتوكل على الله
+
سارا:ونعم بالله اكيد
+
يارا: طيب والطرحه لايقه عليه ولا اغيرها بواحده تانى
+
سارا قالت وهي بتقوم من علي السرير: لا جميله جدا
+
يارا: اوكيه ايه ده انتى رايحه فين
+
سارا: رايحه اشوف حاجه وجايه مش هاتأخر عليكى
+
يارا:اوكيه
+
وخرجت سارا من غرفه يارا وهى بتبحث على رهف وسمعت صوت بكاء ظاهر من غرفه ملك ذهبت وفتحت الباب فاوجدت رهف نائمه على السرير وبتبكى بشده
+
سارا جلست بجوارها: رهف مالك بتعيطى كده ليه
+
رهف ببكا: انا غبيه يا سارا ومستحقش اى حاجه
+
سارا:ليه بتقولى كده فى ايه حصل هو احمد اللى كان على الموبايل
+
رهف ببكاء :اه هو وزعل مني اوي
+
سارا: لا حول ولا قوه الا بالله طب اهدى بس يا رهف وبطلى عياط
+
رهف: ده كان عايز يقول لعمر وانا قولتله لا مش دلوقتي فقالى احنا مش بنعمل حاجه غلط اعمل ايه بس انا ياسارا بحبه وماقدرش ابعد عنه
+
سارا اخدتها فى حضنها : طب اهدى بس عشان خاطرى
+
رهف: انا مش عارفه كلامى معاه صح ولا غلط احنا مش بنتكلم فى ايه حاجه عيب والله بنكلم فى كلام عادى خالص جدا يعنى مش كلام حرام يتقال
+
سارا: انا عارفه يا رهف انك مش بتعملى حاجه غلط او حشه وانك مودبه جدا ومتربيه كمان بس تقدرى تقوليلى دلوقتى بعد الكلام , انتى لسه واركى هم كبير وهى كليه الهندسه يعنى 5 سنين واكيد حتى لو وافقوا عليه مش هايكون فى جواز الا بعد ما تخلصى دارسه فهماني
+
رهف تمسح بقايا دموعها وتقول: يبقى خلاص انا مش عايزه ادخل الكليه واكتفى بثانوى يعنى هاعمل بالكليه ايه
+
سارا: لا ازاى دى كليه يعنى مستقبل ليكي وكمان حتى لو مش هاتشتغلى برضه هاتبقى سلاح فى ايدك
+
رهف: امممممم
+
سارا: يالا بقه عشان اختك ماتجيش تاكلنا هنا وبصراحه هايكون عندها حق لاننا سيبنها لوحدها
+
رهف بابتسامه: طيب يالا
+
ومن ناحيه اخرى
+
شوقى بيكلم السكرتيره بالتليفون : نجاه ناديلى على البشمهندس احمد من فضلك
+
نجاه(سكرتيره) ماشى يا شوقى بيه
+
جمال: ايه الاخبار يا احمد كله تمام فى المخازن
+
احمد شارد الذهن وبيفكر
+
جمال: احمد انت سامعنى
+
احمد: فى ايه يا جمال , بتعلي صوتك وانا واقف جنبك يااخي
+
جمال ساخرا قال : لا اصله مش معايا وشكله نام ولا ايه
+
عمر يرد عليه : نايم وهو وافق جديده دى احمد انت يابنى ايه روحت فين
+
احمد: بقولكم ايه مش ناقصه ظرافتكم علي الصبح
+
جمال : فيه ايه مالك متعصب كده
+
احمد : مفيش انا بس كنت سرحان شويه
+
عمر يلكزه : طبعا ياعم اكيد الموزه عروستك صح شاغله تفكيرك
+
احمد: والله انت فايق يا عمر
+
جمال: مزه مين وعروسه ايه ما تفهمونى يا بشر
+
عمر: اخوك يا جمال بيحب وشكله ايه دايب فى كمان
+
جمال: وانت عرفت منين انت كمان ولا يمكن حكالك وانا لا
+
عمر: لالالا اطمن ياعم ماحكاش ليا حاجه بس باين من عيونه اهو
+
جمال: طبعا ما حضرتك دكتور قديم وحبيب اكيد
+
عمر بتفكير حزين: اه حبيب قديم يالا قدر الله وماشاء فعل
+
وهنا جاءت نجاه : بشمهندس احمد شوقى بيه طالب حضرتك
+
احمد:طيب ثوانى وجاى بعد اذنكم هاروح اشوف بابا وذهب وقبل ما يذهب فكر فى عقله بشى هاقولكم عليه بعدين
+
شوقى جالس على مكتبه: ادخل يااحمد
+
احمد: خير يابابا
+
شوقى: ايه اخبار الشحنه الجديده اعبئت في المخازن ولا لسه
+
احمد: لا وصلت من ساعه وكله تمام وبنحضر اهو فى الشحنه اللي طالعه اليابان
+
شوقى: طب تمام اوى بقولك كنت عايزك تسافر السويس تشوف الشحنه اللى جايه من تركيا وتعاينها بنفسك
+
احمد: وهى امتى هاتوصل
+
شوقى: بعد بكره ان شاء الله والمفروض تكون هناك بكره علي الاقل
+
احمد يقول لنفسه : ماشى هاسافر واهو اغير جو شويه
+
شوقى: مالك يااحمد فيك حاجه شكلك مش عجبنى
+
احمد: لا ابدا هايكون فى ايه يا بابا
+
شوقى: طيب انت ماقولتليش على العروسه اللى اختارتها
+
احمد: لسه شويه يابابا
+
شوقى: بس احنا عايزين نفرح بيك انت خلاص مبقتش صغير والعمر كمان بيجرى
+
احمد: ربنا يسهل يابابا انا استئذنك عشان اروح اشوف الطلبيه كملت ولا لسه
+
شوقى: طيب اتفضل وابقى فكر فى الكلام اللى قلتهولك
+
احمد: ان شاء الله
+
********ريهام*******
+
وبعد مرور الوقت
+
اهل تامر وصلوا الى فيلا ابو العروسه وجالسوا وبعد الاتفاق على كل شىء قرأو الفاتحه وحدده موعد الخطوبه قبل بدايه الدراسه بيومين
+
وعدى ايام وفاضل يوم على يوم الخطوبه
+
عمر: ماما
+
صفيه: خير حبيبى عايز حاجه ياعمر
+
عمر: اومال يارا ورهف فين مش فى اوضهم يعنى
+
صفيه: خرجوا يا عمر يارا راحت تعمل البروفه على الفستان وتجيبه هى ورهف , كنت عاوز حاجه
+
عمر: اه كنت عايز اخد واحده فيهم تنزل وتشوف هدوم المدرسه بتاعه ملك انتى عارفه المدراس علي الابواب وكمان انا ماعرفش اجيب الحاجات دى لوحدى
+
صفيه:اممم طيب ما تاخد سارا مرات اخوك معاك دى برضه زوقها حلو
+
عمر بنظره: نعم مرات اخويا لا طبعا ياامى ماينفعش خالص خلاص انا هاتصرف ياامى
+
صفيه: وفيها ايه ياحبيبى بس وكمان انت مش هاتعرف تقيس ملك لوحدك يعنى لو كنت اتجوزت مش كان زمانها نازله معاك دلوقتى
+
عمر: ماما الله يخليكى بلاش الموضوع ده نفتحه تانى واذ كان على اللبس انا قلتلك هاتصرف
+
وهنا نزلت سارا هى وشريف من غرفتهم
+
شريف وسارا: السلام عليكم
+
عمر ووالدته: وعليكم السلام
+
صفيه: اهى جت سارا بقولك يا سارا ممكن تروحى مع عمر وملك تجيبى لملك لبس المدرسه اصل انتى عارفه البنات مش فاضين
+
سارا اتحرجت ونظرت لشريف : اكيد طبعا عادى يعنى
+
عمر: ماما خلاص قولتك انا هاتصرف
+
شريف: فى ايه يابنى مالك , سارا هاتروح مع ملك مافيهاش اى حاجه
+
عمر وينظر لشريف: لا بس مش عايز حد يتعب عشانا
+
شريف: تعب ايه يا عمر افندى انت ملك دى بنتى زى ماهى بنتك
+
وكمان انا كنت نازل مع سارا دلوقتى ناخدها معانا ونجيب لها اللى هى عايزيه ولا ايه يا كوكي
+
ملك: صح يا عمو شريف بس تجبلى شوكولاته
+
سارا: بس كده انتى تؤمرى يا كوكى هانم
+
عمر: طيب روحى معاهم يا ملك وماتتشقيش اتقفنا
+
ملك: اوكيه يا بابا
+
شريف: خلاص بقى يابنى روح شوف كنت هاتعمل ايه
+
عمر: كنت مع احمد عايزنى فى موضوع مهم
+
سارا واستغربت وشكت وقلقلت: موضوع ايه ياابو ملك فى حاجه
+
عمر: مش عارف والله هو اتصل بيا من شويه وقالى تعالى على الكافيه وانا هاروح يالا سلام
+
كلهم: مع الف سلامه
+
شريف: ها مش يالا يا سارا
+
سارا: ها اه يالا بس ممكن اروح اجيب حاجه من اوضتى نسيتها
+
شريف: اوكيه بس بسرعه
+
صفيه: شريف ابقى كلم اخوك تانى فى موضوع العروسه يابنى انا خلاص تعبت منه
+
شريف: ياامى سيبه على راحته وهو اكيد هايحس بنفسه بعد كده
+
صفيه: يابنى النهارده انا عايشه مين عالم بكره هاعيش ولا لا
+
شريف وقبل يد والدته: ربنا يحفظك لينا يا ست الحبايب
+
ومن ناحيه اخرى
+
سارا ذهبت الى غرفتها لتتصل باخاها مش لانها نسيت شى فيها
+
سارا: الو احمد ازيك عامل ايه بقولك عشان مستعجله انت كنت عايز عمر فى ايه
+
احمد:مافيش يا سارا موضوع عادى عشان الشغل بس
+
سارا: احمد اوعى هاتكون تكلمه بخصوص رهف
+
احمد: لا خلاص اطمنى انا ما بفكرشى فى الموضوع ده وشلته من دماغى نهائى
+
احمد شرد فى يومين كان مع اصحابه فى النادي ورهف كانت موجوده وعاوزه تتكلم معاه وهو لسه زعلان منها بس من جواه عاوز يكلمها ويطمن عليها بس مش كرامته مش هتقبل مدام هي ما سمعتهوش للاخر
+
فاق لما سمع صوت اخته بيقول: ريحتنى يا احمد هاقفل معاك عشان نزله مع شريف عايز حاجه
+
احمد: سلامتك يا سارا سلام
+
سارا: سلام
+
وبالفعل انهوا الاتصال ونزلت سارا وذهبت مع شريف وملك الى الخارج
+
ومن ناحيه اخرى فى احد المولات
+
يارا: ايه يا رهف اختارتى ايه ده لا ده
+
رهف : مش عارفه بس عايزه حاجه احلى
+
يارا: هههههههههه حلوه ايه ياامى انتى كده هاتدارى عليا
+
رهف: ادارى عليكى هههههههه اللى يسمعك يقول انك فرحانه عشان هاتتخطبى
+
يارا: اعمل ايه بس مش عايزه ازعل ماما منى وكمان بقول يمكن يتغير تامر لللاحسن
+
رهف: هههههههه ابقى قابلينى ياختى ال يتغير ال
+
يارا: ياسلام ليه بقه ما اهو تنكرى ان احمد اخو سارا اتغير انتى مش بتسمعى عمر وهو بيتكلم عليه وبيقول الشغل اللى بيعمله والربح اللى حققه من اول ما مسك الشغل فى الشركه
+
رهف شردت فيه وانه بيحاول يبعد عنها وزعلانه منه لانه ما بيردش عليها لما بتتصل بيه
+
يارا: ايه يا بنتى روحتى فين تانى لا انتى مش طبيعيه
+
رهف: فى ايه بس يا يارا
+
يارا: يا بنتى عماله اكلمك واقولك حلو الفستان دا وانتى مش معايا خالص
+
رهف: ايه ده بقولك عايزه فستان جنان تقوليلى ده لالالا ده وحش جدا
+
يارا: والله مش عارفه ليه حاسكى انك العروسه مش انا وكمان بتتأمرى عليا
+
رهف: هههههههههه لاياختى انا مش هاتجوز زى تامر ده خلاص انا عايزه واحد يبحبنى واحبه واعيش معاه فى قصه حب
+
اااااااااااااه مش تحاسب
+
الشخص اللي خبط فيها قال وهو بيبص عليها : احاسب اوى اوى تعالى معايا وانا احاسب بعدين
+
يارا شدت رهف ناحيتها وقالت بصوت عالي : لا انتى قليل الادب على فكره
+
رهف: يالا يا يارا ده اكيد مش محترم
+
وهنا الشخص مسك ايدها بشده وبيجرها معاه
+
رهف: ااااااه سيب ايدى يا بنى ادم انت
+
يارا بصوت عالي: الحقوناااااااااااااااا
+
وهنا لاحظ شخص كان جالس فى كافيه بالقرب منهم واتفاجاه لما لقى يارا بتصوت فجرى عليها
+
ياراببكاء وهي بتحاول تنقذ اختها : احمد الحق رهف
+
احمد جرى ومسك الشخص وجلس يضربه بشده لحد ما امن المول وصل وقام باخذ الشخص
+
احمد بصوت عالى: ممكن اعرف حضرتك ايه اللى نزلك ولوحدك
+
رهف منعت البكاء وكانت بتفرق فى ايدها وبصوت عالي قالت : اولا انا مش لوحدى معايا يارا وكمان مسمحلكش تكلمنى بالطريقه دى
+
يارا: خلاص يا رهف اهدى
+
احمد بصوت عالى : يعنى مش عجبك يا ست رهف هانم كلامى
+
رهف بكل ثقه: اه , وبعد كده تلزم حدودك معايا
+
يارا: معلش يااحمد هى اكيد ماتقصدش
+
وهنا جاء اليهم وعلى صوتهم عمر
+
عمر: فى ايه يارا رهف انتم بتعملو ايه هنا !!
+
احمد بتحدى وبنظره لها: ما تتفضلى جاوبى ولا مش فالحه غير مع اهلي انا وبس
+
وتركهم وذهب الى الكافيه
+
عمر بص لعي احمد بعد ما مشى وعلي اخته رهف اللي كانت بتبص عليه وبتبكي فقال ليارا بحده : فى ايه يا يارا ما تفهمونى ايه اللى حصل
+
يارا حكت لعمر على كل شى حصل وكلام رهف مع احمد وانها كلمته بطريقه وحشه بدل ما تشكره
+
عمر: تانى يا رهف انا نفسى افهم اشمعنى احمد بذات اللى بتعملى معاه كده
+
يارا: ليه هو حصل حاجه قبل كده
+
عمر: اه بس مش وقته دلوقتى اتفضلو بقه روحوا انتم معاكم السواق
+
يارا: اه وقاعد هناك فى الكافيه بس معرفش ليه ماجاش لينا لولا احمد بصراحه كانت رهف هاتتخطف قصدنا وللا يزعلك ان مفيش حد خلاص من الرجاله دول عمل حاجه دول جم وقاعدو يتفرجوا اكنه مسلسل عربى
+
عمر: اكيد انتى مش بتشوفى ايه اللى بيحصل دول خلاص اتفترو ومابقاش هاممهم ولا شرطه ولا حتى جيش منه لله بقه
+
اللى عمل ده كله
+
يارا: بس والله الحق يتقال احمد ده طلع راجل بجد انا مكنتش فكراه كده
+
عمر وبينظر لرهف: يعنى نشكره بقه على اللى عمله مش نعلى صوتنا ونتعصب
+
رهف وغضبت من طريقه كلامهم معاها بنفس الاسلوب
+
انا عايزه امشى دلوقتي
+
يارا: مش هاتجيبى الفستان بتاعك الاول
+
رهف: لا هالبس اى حاجه عندى مش اشكال
+
عمر: طب يالا تعالوا اطلعكم بره واشوف عم منعم راح فين
+
ومن ناحيه اخرى
+
جلس فى الكافيه على اخره من كلام وتصرفات رهف معاه
+
وجاء اليه عمر
+
عمر: انا اسف لتانى مره يا احمد معلش اصلها كانت غضبانه من اللى حصل
+
احمد: محصلش حاجه يا عمر
+
عمر:طيب قولى بقه ايه الموضوع اللى كنت عايزنى فيه
+
احمد: قولى بس الاول هم راوحو
+
عمر بنظره جانبيه نظر اليه وقال بشرود : اه وصلتهم لحد العربيه , ها قول بقه واشجينى
+
