رواية شمس الجاسر الفصل الثالث والعشرين 23 بقلم حنين مراد
وعَيناكِ نَجمتِي و مُحيطَ تَأمُلي
وقَلبُكِ قَلبي و رُوحُكِ موطِني.
+
الـكـاتـبة:- حـنـيـن
+
فضلاً لتنسوون التصويت + التعليق بين الفقرات +المتابعة لطفاً
+
بـسـم الله الـرحـمـن الـرحـيـم
+
__________________________.♡
____________________.♡
صعدت من ماقتنعت دكيت الباب ماكو دكيتة مرة ثانية هم ماكو فتحت الباب ودخلت شفتة ديلبس بالغترة
+
غسق: صارلي ساعه ادك بالباب تكدر ترد
+
معتز: ردت تفوتين
+
غسق: هاا
+
عدل الغترة وتقرب علية رجعت ؏ الباب بسرعة في حال يسوي شي اشرد توني فتحت الباب ورجع سدة بسرعة وجرني حيل شهكت واني انركع بصدرة وبالي يم المكياج مد ايدة فتح الحجاب جنت شامرتة بس هيج
+
وفتح الصاية بأيدة وكعت الصاية وضهر الفستان جان طويل قماشة فيزون بيجي وصلوخ وحرفياً الصدر مبين منة انضارة تخترقني لزم ايدي ورفعني ودنك الركبتي باسهة بهدوء رفع راسة وانضارة ذايبة بعيوني
+
غسق: مـ.. معتز
+
معتز: همم
+
غسق: لتبوسني
+
مهتم الكلامي رفع راسي وباسني بوسة خفيفه على شفايفي وبتعدت بسرعة ردت اوخر بس حاضني بقوة ولازم ايدية، جرني على صدرة يهمس بأذني
+
معتز: تعودي علية من هسة
+
باسني بخفة ووخر عدل الغترة ومدلي ايدة لزمتهة ردت البس الصاية والحجاب بس مخلاني كال محد منهم هنا لأن يدرون بالبنات يردن يبدلن وراحو عدلت حمرتي
+
نزلت اني ويا وجان لازم ايدي تونة نزلنة وهلهلت امة ضحك وباسهة
+
كريمه: يوم الاشوفكم تنزلون بصباحية عرسكم
+
دنكت راسي ومسمعت معتز شكال العمة رحت ؏ السريع للستقبال شفت البنات يركصن جيتت وياهن بالنص
+
بقينة نركص لحد مكالو اجو اهل العريس لبسنة عبينة والحجابات ومالاتي بغرفة معتز اخذت من عمة لبست طبو وكعد بصفهة مدت ايدهة يحنيهة بس ترجف لزم ايدهة بقوة حتة تهدء وحط الحنة جابت ايات بسرعة وردة وبيهة شريط شدتهة عليهة وحنينة حتة احنة وشدينة وردة وبيهة شريط
+
سويناهن قبل الحنة وجلبت ايات الة يركصون وهية تخزر بايات وايات ولا عبالك خربنة ضحك اني ونغم عليهن
+
نغم: شوفي شوفي شلون تخزرهة
+
غسق: ههههه انوب هاي ممهتمة
+
________________________.♡
__________________.♡
شمس
+
جلبت ايات الة نركص سوا واني استحي لزم ايدي وكام كمت ويا شغلو اغنية رومانسيه وايديهه على خصري وايدية محاوطة ركبتة ونركص شوي ورفعني فرني بيدية نصدمت من حركتة بس حبيتهة نزلني صار وجهي قريب كلش على وجهة وعيونة بعيوني فرني ورجعني بحضنة كلهة صاحت بوسهة وبوسهة
+
باوعتلة بهدوء باسني براسي ومشت الليلة وراحو اهل العريس بعد ما جاسر لكف عمو ادهم يبوس ايات هنا خربت ضحك واني اذكر صعدت لبست دشداشة لأن البدلة موتتنيي ونزلت شفت جاسر حاير وعيونة قلقة رحت وكفت يمة
+
شمس: شبيك جاسر
+
جاسر: وين ايات
+
شمس ما ادري توهة جانت هنا
جاسر: ماكوو هل بنت وين اختفـ...
+
سكت من باوع بغرفة بيبي جانت غرفة بيبي معزولة عنة بالحوش تصير والباب جان مفتوح شوي اشرلي اسكت واني مفاهمة شي تقرب ع الغرفة ودفر الباب شفت عمو ادهم توة ديبوس ايات ودفعهة كعدت بالكاع من الضحك وجاسر ايدية على خصرة يباوعلهم
+
جاسر: ولك انتة متوب
+
ادهم: ووجععع من نهد معقدت اني مبايسهة نكلع برا شوي
+
اباوع الـ ايات وجهة احمرر ومتعرف شتسوي واني واكفة ورا جاسر وخربانة ضحك على منضرهم دار علية جاسر وخزرني سكتت من خزرني كلت ليحطني ويكتلني وياهم
+
جاسر: ايات يلا
+
ادهم: باااي حياتي
+
دفرة جاسر وطلع وعمو ادهم يضحك علية يكدر يستفزة بايات باقل من الثانية وكفت ورا الباب سلمت عليهم وطلعو وجاسر كل شوي يلتفت يباوعلي اخر شي من صعد بالسيارة حرك سيارتة وصارت عيني بعينة بتسمت وهوة بتسملي سديت الباب بسرعة ممصدكة ابتسملي
+
شمس: ابتسمليي
+
ادهم: ايي بتسملج
+
شمس: يمااا عمووو
+
درت بفزع علية متوقعتة وراية ضحك وحط ايدة على كتفي
ادهم: ههههه تعاااي نفوت
+
______________________________.♡
________________________.♡
غـسـق
+
صعدت اجيب غراضي بغرفة معتز فتت للغرفة شفتة كاعد ؏ الاريكة وعيونة بموبايلة رفع راسة وبتسم
+
غسق: لتسويي شي
+
معتز: ممسوي شي
+
غسق: نطيني غراضي
+
معتز: دتعاي اريد احجي وياج
+
غسق: بدون متلزمني وتسوي شي
+
معتز: لا والله تعاي
+
كعدت ؏ السرير كبالة وهوة يحجي
+
معتز: اعرف صارت هواي اشياء وجان المفروض نتعرف ع بعض اكثر بس مصارت فرصة وزواجنة قرب ورا زواج جاسر وشمس فقررت نطلع اني وياج باجر بليل اخذج نتعشة ونفتر وهم نتعرف على بعض شرايج
+
غسق: ماعندي مشكلة بس معتز بلا بوس ولوس
+
معتز: هههههه مااشيي
+
غسق: نطيني غراضي
+
مدلي الغراض دا اخذهن وجرني علية وكعت بحضنة منطاقني مجال احجي كبل باسني بتعد واني مغمضة حيل ركع راسي براسة بخفة وضحك
+
Queen
Sponsored by LORD
أغلي منتج هديه لما تشتري
Read More
معتز: اسفف والله ما اكدر اشوفج كدامي وما اسوي شي
+
غسق: انتة وعدتنيي
+
معتز: اسف ام عيون
+
غسق: كذااب
+
معتز: شلون راح تخليني ابوسهة مره ثانيه
+
غسق: لااااا
+
معتز..هههههههههه ماشي
+
كمت بسرعة اخذت الصاية لبستهة والحجاب وهوة شال السويج
+
غسق: شنو خابرت بابا يجيني
+
معتز: واني خابرتة ليجي كتلة اني اجيبج
+
جر ايدي ونزلنة سلمت على شمس والبنات وطلعت صعدت بالسيارة وهوة صعد ديمشي ووكف على محل حلويات نزل ورجع جايب علاكتين وحدة جبيرك ووحدة وسط حط الحبيرة ورا والوسط بحضني
+
غسق: شنو هاي
+
معتز: مميات وكذا يعني شنو حلويات
+
غسق: شسوي بيهن
+
معتز: بكيفج اخذي وياهن صور نامي وياهم يعني الواحد يجيب حلويات شيسوي
+
غسق: ياكلهن
+
معتز..الحمدلله تعرفين
+
كلبت عيوني بملل شوي ووصلنة اخذت العلاكة ونزلت وهوة نزل
+
غسق: هاا ليش نزلت
+
معتز: اريد احجي ويه ابوج
+
غسق: شتحجون
+
معتز: معليج
+
غسق: عليك الله كولي
+
معتز: بعدين تعرفين روحي يلا
+
فتت جوك وهوة وكف بالباب كتلة وطلع المعتز صعدت فوك ابدل لبست برمودة وبدي وضفرت شعري ومسحت المكياج بس حطيت مسكارا ونزلت كعدت بالصالة شوي منتضرة بابا يجي اريد اعرف شحجة ويا طب بابا قبل لا احجي كال
+
ابو غسق: زوجج يريدج بالستقبال كومي
+
غسق:ماشي
+
صعد فوك واني رحت للستقبال فتت شفتة كاعد كعدت كبالة
+
غسق: ايي شحجيتو
+
معتز: جبت فلوس الجهاز الج واذا ميكفن كوليلي اجيبلج بعد باجر اريدج اطلعين وتجهزين نص الغراض حتلو تكمليهن ثاني يوم والذهب نطلع اني وياج نشتري غير يوم
+
غسق: ماشي عيني
+
معتز.يلا اني اروح
+
ندار عليه يباوع
+
معتز: غسق
+
غسق: هاا
+
سكت شوي يتنفس بس ميحجي وكل شوي يغمض عيونة ويفتحهن يحاول يكوول شي بس ميكدر نزلني وبتعد
+
معتز: اروح اني
+
غسق: ماشي
+
فتح الباب وطلع وصلنة لباب الشارع دار علية
+
معتز: بااي
+
غسق: الله وياك
+
حرك سيارتة وهوة يأشرلي افوت واسد الباب من راح سديت الباب وفتت ركض وايدية على وجهي صعدت الغرفتي ركض فتت وسديت الباب
+
ركضت للسرير والحلويات لعلية جايبلي شكدد حلويات كمت اعدل شعري عود ضفرتة كصيبة بس تخربط رجعت حليتة ووكفت اضفرة شوي
ضميت الحلويات ونمت
+
_____________________________.♡
______________________.♡
شـمـس
+
كعدت من الصبح ورحت للصالون ووياي بس ايات وجمانة محد راحت وياي واني كاعدة ضايجة ومتوترة سمعت ام الصالون تحجي وياي
+
ام الصالون: زواجج غصب
+
شمس: هاا
+
ام الصالون: زواجج غصب
+
شمس: لا ليش
+
ام الصالون: لعد ليش هيج ضايجة البارحة تضحكين
+
شمس: لا مابيه شي بس تعرفين اليوم الزفة واكيد اتوترر
+
ام الصالون: ههههه حقج كلنة مرينة بهل موقف وعدت سلامات زين زواجج عن حب
+
شمس: لا تقليدي
+
ام الصالون: يقربلج
+
شمس: لاا يصير صديق عمامي واختة صديقتة من شافني خطبني
+
ام الصالون: الصراحة التقليدي حلوو كلش احبة هسة اني تزوجت عن حب وطلكت تزوجت ثاني مرة تقليد وهسة اعشقة وعندي اطفال منة بس مو دوم الحظ ويانة
+
شمس: هههه فدوه
+
بقت تحجيلي عليهم وشلون زوجهة يعاملهة وحنيتة عليهة حبيتت كيووتين خلصت كلشي لبست البدلة وتحضرت شوي واجة ياسر اخذني وطول الطريق يبسمر اليوم ليلة جاسر وليلة جاسر متت لحد موصلنة للبيت نزلت
+
والبنات شايلات البدلة لأن جان الذيل مالتهة طويلل كعدت بالاستقبال تقريباً ورا نص ساعة كالو اجو اهل العريس طفو الديجي البناتت ووكفن سمعت صوت الهلاهل وهوسات الزلم اصدقائهم لعبو لعب فرحانين اكثر من جاسر شوي وطب جاسر وكل كرايبة بس عائلتهم والله جبيرة كلش الله يحفظهم كعد بصفي وسلم علية رديت السلام وذني حتركن يردن يعرفن شحجة
+
اجت ديار تشاورن خربت ضحك تكلي عفية شكالج بنفسنة نعرف شيحجون وعناد محجيت شكلي وهوة بس سلم عليه وايات ممصدكة بس تركص وتهلهل وامهة تهوس هنة وخالاتة مدري عماتة شوي وكالو يلا هنا تحولت الضحكة لدمعة جاهدت حتة متنزل دمعتي بقت معلكة بعيوني بس فات عمو ادهم نزلت وحدهة حسيت بابا ديمشي بصفة ومبتسم ودمعتة بطرف عينة تقدم علية عمو وباسني براسي واشوف عيونة لمدمعة
+
ادهم: انتي بنتي قيل لتصيرين بنت اخوي وصديقتي واختي كلهن انتي عسى ايامج كلهن سعادة وفرح ومتشوفين حزن بحياتج
هوة سكت ونفرت بالبجي اريد اسكت ما اكدر نزلت دمعه من عينة مسحهة بسرعة وبتسم ومسح دموعي
+
ادهم: كافي ولج شهل عيارة هوة بيتج يبعد نص ساعة اكثر عن بيتي شوكت ما اريد اجيج وجاسر يجيبج
+
بتسمنة اني وجاسر هم ندار على جاسر وخلة ايدة بايدي
+
ادهم: جاسر اني لو ما واثق بيك واعرف محد يستاهل شمس مثلك فلا انطيهة ابقيهة ابيتي معززة مكرمة بس اعرف انتة ادللهة ويمكن اكثر مني ادللهة اليوم انطيك بنتي شوف هاي بنتي اذا تسويلهة شي لو تزعلهة اموتك
+
جاسر: ههههه لااا يابة ما ازعلهةة
+
عدلت بركع البدلة وطلعنة صعدنة بالسيارة وياسر يسوق وفاتح الجامة ويهلهل هوة واصدقائة جاسر حتة وجهة احمر من ورا احسة يكول ما اعرفة ما اعرفة ضحكت ع سوالف ياسر وشلون يبسمر كل شوي وجاسر يضربة بالاخير كال
+
ياسر: ايي اليوم جاسر يشوف وجه الله
+
جاسر: اكل خـ.. كافي ولك
+
هنا حرفياً متت خجل مدنكة واضحك
+
ياسر: ديلا هسة شكلنة قابل جذب بعدين شكو منزل هذا الما اعرف اسمة هيج على وجه البنية خنكتهة خليهة تشوف الحلوين كبر طمك
+
جاسر: يا ادبسززز شعلي اني حتة ما معدلة هنة عدلنة
+
ياسر: ايي عدلة الهة البنية اختنكت
+
جاسر: وانه اعرف
+
ياسر: اي تعرف بس ارفعة شوي
+
مد ايدية جاسر وقرب حيل رفعة عن وجهي شوي تلاكت عيونة سوة باوعت بعيونة ثوااني وبتعد باوعت من الجامة على اصدقائهم واكثريتهم ضباط وعساكر مبينين من شواربهم كمت اعرف الضابط من شاربة
+
وصلنة لاستوديو تصوير نزلنة ناخذ صور نفس المصورة واخذتلنة نفس اللقطة من باسني بالخطبة بس مجرد شفايفة لامست شفايفي بس متعمق ابد واخذتلنة كم وضعية وحد منهة خلصنة وصعدنة بالسيارة
+
شوي ووصلنة للبيت نزل جاسر وساعدني انزل لازم ايدي فتت توني وذبحو دجاجة جوة رجلنة فتنة جوة وراسي احسة صار طبلل ميتعبن من الهلاهل والهوسات احنة فتنة وشلتحن كرايب جاسر اشلتح
+
باوعت الجاسر ممهتم ومركز وي ايات يضحك وهية تتحرك تحاول تثبت للكل هية اخت العريس وصديقه العروس وكل شوي تضرب بوحدة وتعصب ندار علية جاسر يضحك
+
جاسر: ههه فرحانة بزواجي اكثر مني
+
شمس: ههههه ايات بعدد تدري شكد حاولت بهل موضوع
+
جاسر: هههه اعررف وكم يوم صرعتني ويبست راسي وهية تكلي شمس شمس شمس
+
شمس: هههههههه
+
نتبهتلها تباوعلنة مبتسمة وممصدكة اجت يمنة تهفي بوجهه وتضحك
+
ايات: عزااا ممصدكةةةة
+
جاسر: ههههه لالا صدكي
+
ايات: بديت اصدك والله
+
شمس: صدكي صدكي
+
راحت وهية فرحانة شوي وطلع جاسر لليل كالو حيودوني للغرفة نتضرت شوي واجن البنات كومني صعدني للغرفة توني فتت
+
ايات: يلا نطلع حيزفون جاسر
+
شمس: هاااا شبسرعةةة خل اخذ نفس
+
جمانة: دنجبي شتاخذين قابل جنتي بسباق
+
ايات: تبقين بالبدلة لو اطلعلج فستان مال الحنة شتريانا الج
+
شمس: لالا خل ابدل لأن البدلة موتتننييي
+
طلعت الفستان يجنن طويل وبي فتحة طويلة وابيض والصدر مالتة بي كرستال ابيض يجنن ساعدني البنات انزع البدلة ولبست الفستان
+
نغم: يلا يلا نطلع ديزفوو
+
شمس: عفية خل وحدة تبقة يمي
+
غسق: شوو نجبي يعني يريد يبوسج يسوي شي
+
ايات: هلاو هلاوو هاي غسق
+
زينب: هههه تلكين عمو معتز بايسهة وتحجي هيج
+
غسق: اشس نجبن
+
بعز خوفي ضحكت على غسق وشلون خجلت وخنست طلعن البنات واسمع هوساتهم بمعنى وصل واصدقائة استلمو يهوسولة من الشارع ضليت اكمز بالغرفة اخاف واستحي ولو ادري ميكدر يسوي شي بس يشوفني شوي لأن مسوي حنة نفتح الباب وجمدت ماكدرت اتحرك فات للغرفة وسد الباب وعيونة علية
+
جاسر: مبروك
+
شمس: الله يبارك بيك
+
جاسر: كعدي كعدي ادري بيج خايفة وتوني طبيت المفروض ما احجي كبل بس اريد اطمنج
+
شمس: تفضل
+
كعدت ؏ الاريكة وهوة جر الطابورية كعد كبالي
+
جاسر: شوفي شمس اعرف انتي خايفة ومن حقج تخافين بالنهاية انتي حتة متعرفيني مجرد صديق عمامج بس واعرف متردين اتقربلج لأن منعرف بعض ومنعرف الله شضاملنة
+
دنكت راسي بدون ما احجي
+
جاسر: لهل سبب ما اريد اتقربلج هسة خلينة نعرف بعض ونتفاهم يلا واذا متراهمنة لاسامح الله تعرفين شيصير
+
فرحت حيل من كال هيج ومن الحماس كمت افتر بالغرفة وما اعرف شجاي اخبص
+
شمس: هههه ايي زينن ؏ الاقل اذا حبيت واحد اطلق واتزوجة وياخذ القبلة الاولى مني يعتبار انتة مبستني بالخطبة يعني متعتبر هههه
+
ثواني بس واشوف نفسي بحضنة توتررت كلش رفع راسي من حنجي وهمس
+
جاسر: ماكلت هيج
+
اخذ شفايفي بين شفايفه وايدة محاوطة خصري ماعرفت شسوي وشحجي من حسيت الهوى ختفة ضربتة يلا وخر وهوة يلهث حط راسه على راسي وغمض
+
جاسر: اني ماكلت ما ابوسج اعتبري ذني شي يومي منج وعلى كل خطأ تسوي ابوسج
+
بقيت واكفة بصدمة وين اكو هيج شي، دنك ودفن راسه بركبتي كزبر جسمي كله لأن ممتعودة احد يسوي هيج اجيت ادفعة بس ادري يعاند وميوخر شوي ووخر هوة بتعد باوعلي بنضرة غريبة وطلع كعدت ؏ السرير استوعب الصار والبنات فاتن ركض شافني كاعدة وما اعرف شديصيرر
+
ايات: روز شبيج
+
غسق: شمس احجي عيني
+
شمس: ها لا مابيه شي
+
نغم: احجي كال شي يزعلج
+
شمس: لا والله اصلاً كلامه حلو بس باسني
+
اني كلت هيج وكعدن بالكاع من الضحك اني اباوعلهن بأستغراب
+
شمس: شبيجننن
+
نغم: ههههههه ثوللل عبالي مدري شبيج طلعت ؏ البوسةة متدري صارلي شكد منتضرة ادم يبوسني ولهسة بعدنة
+
ايات: بطرااانة ترا كلنة مخطوبين ونبسنة ؏ الاقل انتي تزوجتيي
+
غسق: ايي طبيعي اني نباسيت اول وحدة ونسيت كم مره باسني لأن هواي صح ضجت بالبداية بس تعودت
+
جمانة: اوووووو هاي غسق دتحجي هيج
+
غسق: ههههه ايي
+
زينب: شنييي هاااااي بس اني بقيت منباسيت
+
نورا: واني
+
نغم: ترا اني هم وياجن
+
شمس: يعني اتعود ع هل وضع
+
غسق: تتعودين دادة تتعودين
+
ايات: يلا يلا كومن حتة ننزل فوك ما حنة اخوي كاعدة هنا يلا كومن يلا
+
نزلنة كلنة جوة شفنة كرايب جاسر يركصن راحن البنات يركصن وجرني انوب استحي اركص وجلبن الة مصري اجت وحدة ما اعرفهة نطتني خرخاشة مثل الشال وبي ذني الصفر ليخرخشن شديتة على خصري وهية شدت طلعت تعرف مصري تكابلنة اني وياها وضلينة نركص وايات تصور خلصت الاغنية لو رجلية راحت طفينة الديجي شوية وطلعنة بالحوش نباوع من الباب يركصون الجوبي وكلهم لبسو دشاديش حتة جاسر وكلهم نفس اللون بس جاسر لون غترتة جوزي مدري بالون ويدبجون
+
ايات: اووي فدوة شوفي ادهم حبيبي فديتةة
+
شمس: هههه شفتة شفتة
+
غسق: دشوفن معتز يجننن
+
شمس: ههههههه
+
نغم: ادم احلاهم
+
جمانة: حيدر احلا فديتة يخبل
+
زينب: الحايط هم حلو فديتة تعاي نورا نتغزل بالحايط احسن
+
خربنة ضحك من كالت هيج محسينة غير نفتح الباب فاتن البنات يركضن بقينة بس اني وايات برا لأن شفت جاسر وعمو ادهم فاتو يضحكون نتبهولنة بالحوش وسكتو
+
ادهم: ياهلااا
+
شمس: هلا بيك عمو
+
شفت نضرات عمو الـ ايات ونضراتهة الة باوعت الجاسر واشرتلة نخليهم سوة كلب عيونة ودفع عمو على ايات
+
جاسر: دروحو بالحديقة فضونة لاتفضحونة
+
شمس: هههههه
+
ضحكت من جر عمو ايات بسرعة وراحو بالحديقة ورا الورد حتة ميبينون نتبهت الجاسر يباوعلي لزم ايدي وفتنة صعد فوك سديت باب الاستقبال حتة ميبينن البنات وصعدنة فوك فتنة للغرفة نزع الغترة وحطهة ع الميز
+
جاسر: تلكين بالكنتور غترة حمرة نطينياهة
+
طلعت غترة حمرة ونطيتة نتبهتلة شلون يلفهة صعبة والله نتبهلي اباوعلة وبتسم
+
جاسر: شبيج
+
شمس: هاا
+
جاسر: شبيج صافنة
+
شمس: لا بي لفة الغترة صعبة حلوة
+
جاسر: لا سهلة بس انتي متعرفين تحسيهة صعبة
+
شمس: علمني
+
جاسر: ههههه بعدين اعلمج
+
شمس: ماشي
+
خلص لف الغترة وسفط الغترة ونطاني احطهة بمكانهة خليتة ورجع لزم ايدي ونزلنة جنت لازمة الفستان لأن مفتوح واستحيي وكفنة بالمطبخ طلع من الثلاجة كلاص مي معلب وشرب اجت وحدة ما اعرفهة سلمت على جاسر وباركتلة وبقت تحجي ويا وعبالك اني حايط ولا لتفتت اصلاً الحد مخلصت طبت جوة تقدمت على جاسر
+
شمس: جاسر
+
جاسر: همم
+
شمس: منو هاي
+
جاسر: زوجة عمي
+
شمس: زين شبيهة حتة مسلمت شنو بايكة ورث ابوهة
+
جاسر: ههههه عاادي هنة هيج بدون سبب حتة ويه ايات تعاي نشوف ذولي
+
جرني وطلعني بالحديقة فتنة مشينة بهدوء شفنة عمو حاضن ايات غطى جاسر عيوني وحمحم وخرت ايدة بسرعة اريد اعرف شيسوون دفعتة ايات بسرعة ودارت وجهة عنة تستحي من جاسر
+
ادهم: شتعلو الخلفوك شتخسر لو تجي ورا خمس دقايق ابن الـ...
+
جاسر: اكل... ادبسززز بعدين انتو تختلون بأماكن مكشوفة
+
ادهم: ايي امااكن بـ..
+
هنا اجيت اوكع من الضحك عود فشر عمو فشورة خفيفة ودفرة جاسر وايات منزلة راسهة الهسة جرهة جاسر علية وباسهة براسهة حضنتة وهية خجلانة بقو شوي وطلعو واني اضحك عليهن وكل شوي تضربني
+
مر وقت والكل راح حتة بيت جدو وشبعت بجي اريد اسكت ما اكدر والكل راح بقو بس اهل أروى جنت كاعدة بالغرفة اني وايات
+
ايات: وج كافيي كافيي عليج الله هوة يبعد شوية عن بيتنة وكت متردين يجون وترحين
+
شمس: ما اكدر والله
+
بقيت ابجي شوي وطب جاسر طلعت ايات وطلع تراك طب الحمام يبدل واني جنت لابسة دشداشة قصيرة شوي طلع وشافني بعدني ابجي كعد بصفي وكال
+
جاسر: كافي تبجين مو كلنة اخذج الهم ويجون وورا السابع اصلاً نروحلهم
+
شمس: بس ابات يمهم
+
جاسر: شتباتين بت الحلال بعدج عروسة
+
شمس: عليك الله جاسر
+
جاسر: ماشي ماشي بس كافي تبجين
+
ردت اسكت عود حبست دموعي تحول الشهكات كمت بس اشهك واحاول اسكت مااكدر ضرب كصتة وجرني علية باسني بقوة حاولت اتملص من ايدية بس ما اكدر نايم فوكاية رجع باسهة بخفة رفع راسة وكال
+
جاسر: تسكتين لو ابوسج بعدد
+
شمس: سكتت سكتت والله كافي
+
جاسر: هههههه
+
ضحك من كلت هيج بسرعة نام بصفي بس متقرب مجردد بقة لازم ايدي ونمنة
+
__________________________.♡
____________________.♡
غـسـق
+
رجعت للبيت بواسطة معتزز بس هل مره ولا شي اصلاً بااارد كلش ومحجيت شي ويا لا انوب عباالة اريد ابوسة
+
نزلت من السيارة وطبيت للبيت حتة هادئ بس كال باجر تجي امي والبنات ياخذنج تشترين غراض وبس نزلت صعدت للغرفة لبست دشداشة قصيرة وضفرت شعري توني حطيت راسي ردت انام ودك موبايلي باوعت معتز متصل كامرا عدلت نفسي بسرعة وجريت الحمرة سحرية حطيت شوية ولخدودي وفتحت الموبايل شفتة نايم ؏ السرير وصدرة عاري بس الغطة علية
+
معتز: الوو
+
غسق: الوو
+
معتز: شلونج
+
غسق: زينة الحمدلله وانته
+
معتز: الحمدلله
+
بقينة ساكتين شوي اجيت اسد المكالمة وحجة
معتز: ليش مبينة ضايجة
+
غسق: انتة الضايج مو اني
+
معتز: ايي صح اليوم واحد ضوجني
+
غس: اذا واني شعلية تضوج عليةة
+
معتز: ههههه اسف مو قصدي بس ضوجني حيلل وكلبت وجهي عليج
+
غسق: ايي مرة الثانية لاا تضوج علية شعلية اني
+
معتز: تدلليين
+
بتسمت من كال هيج وهوة ضحك بقينة نحجي للصبح يلا نمنة
____________________________.♡
______________________.♡
شـمـس
+
كعدت الصبح لبست قفطان ابيض وبي ذهبي طلعت كذلتي وشعري اسود طبعاً مقبل اصبغة بس والله الة اصبغة طلعت كذلة وحطيت مكياج شوي طوختة وكعدت اصبغ اضافري اسود طلع جاسر من الحمام بس بالداخليات نزلت عيوني راساً شبي ميستحي لبس تراك اسود كمت طلعت ذهبي لبستة لأن هنا العادات العروس بصباحية عرسهة تلبس الذهب واني ما احب الذهب بس مضطرة احب البرازيلي اكثر
+
جاسر: خلصتي
+
شمس: ايي
+
جاسر: يلاا
+
لزم ايدي وطلعنة من الغرفة تونة طلعنة ونطرشت اذني من الهلاهل ياسر جان يذبح ذبيحة وموزعهة ع الفقرة طب لغرفتة يسبح واحنة كعدنة جاسر كاعد وحاط ايدة على خدة لأن ماكو شي يسويي اجت ايات كعدت يمي وأروى كبالنة بلحظة اني صمت ام أروى حجت كبال الك
+
ام أروى: ايي وين نيشانج
+
شمس: شنوو
+
ام أروى: نيشانج
+
فد خجلت انوب كدامهم كلهم وصارت وي طلعة ياسر من الغرفة وسمع سمعت صوت جاسر ودرت علية
+
جاسر: شهل عادات القديمه
+
ام أروى: عادات قديمه بس عاداتنة
+
جاسر: وميعجبني اطبق هل عادات السخيفة شي خاص بيني وبين زوجتي مالة اي شخص حق يجي ويسأل عن خصوصيتنة
+
ام أروى: بسـ...
+
جاسر: بلا بس بلا بطيخ عمة اني ميعجبني هل عادات ممضطر انفذهن شي خاص بينة ومو من حق اي احد يدخل
+
نلصمت لصم بعد مسمعت صوتهة ونزلت راسي حتة ما اضحك
__________________________.♡
_____________________.♡
هلا ان شاء الله ما اكون متأخرة هم عاد اعوضكم عن الفترة ذيج +++ملاحظين مبقة شي والمشاهدات تدخل الألف؟ 🌝🫶
+
عااااا احبكم بجد والله 😔✨✨✨✨
+
