رواية عروس الهور الفصل الحادي والعشرين 21 بقلم هيلانا
مساء الخير
7
#عروس الهـور
2
لا تنسون تصـويت وتعليق
على الفقـرات لطفأ ومتابعة للحساب
12
لـ أنستكـرام 22_mc.al
+
__________________________
5
السيارة حمـل چانت قديمة لونها باهت ومغبر
يشتغل محرّكها بصوت مزعج
1
صعدنه بالبـدي وأنا حاضنة رجلين شمس وماما مغطية وجهها بشالها
1
وبابا كعد بصفنـة.. كـال السايق بتحـذير
+
:-لا طلعـون صوت الطريق بيه نقاط تفتيش وما نريد مشاكل.
4
سالم:-اتيسـر يله
+
هز راسـة ودفع مثل الستارة مخليها لباب
وقفل الباب وراح شغل سيارة وحرك... مشينـة مسافة ما جنت طويلة ووگفت السيارة
+
بابا أشرلنـا ما نطلع صوت
اكيد وگف يم نقطـة نقطـة تفتيش
+
بلعت ريكي وأني أسمع صوت شوشرة وحجـي وخطوات جاية من بعيد
+
طگ قفـل البـاب .. عصرت أدية بتوتر وبابا يباوع بترقب لباب
+
لحـد ما انزاحت البـردة چفلت بمكاني وأني أشوف عصـام وياه شاب ثاني
63
ابتسم بخباثة وكال:-لا ما أتفقنـة هيج
137
.
+
.
+
أربع سيارات دفع رباعي مصبوغات بدون أرقام
وأگفين يمهن وشمس أخذها عصام خلاها بسيارتة وهي أصلا فاقدة ما واعية
10
وأحنا وأگفين عبالك قصاص موگفنة
+
جنت صايرة بسد ماما واكل بظافري
خاف يگتلنة بالهيمة هنا منو يدري بينا
5
سالم :-شترييددد موگفنة بالطريق
+
عصام:-شريـد..؟ لا مو خوش سؤال.. وين ماخذين مـرت أخونـة وياكم
19
سالم:-هاي بتي وين ما اريد أخذها بكيفي شني تحاسبني أنـت
+
باوعلـي بنظرة ما ترحم ورجع عيونة لبابا
2
-أنة مو علي يعني مو نسيبك وأحط خاطر لبتك
هسه هنا أشگك حلكك وأطمكك وأطم ازاد الزفت الداكلي صدرك بي ومتنومس فصير عاقل وحافظ على حياتك
31
هزني الموقف وبجيت من حسيتـة هان بابا كدامنا شگد جلب بس شنو بابا بقى شامخ ولا أهتز يباوعلة بغـرور
42
أشر لصاحبـة الي ويا وحجـة
+
:- أخذة وعبروا الحدود
2
التفت لبابا وكالـة بتهديد
+
:-هسه راح تعبـر وتخابر ابن اخوك الطلي
وطمنئة
4
:-واذا ما سويت هااا..؟ تهددني ما تخوف أجلابي بعدك أصغير وليدي ابعد عن هالسوالف
6
حجة برود:-أخـذووا
1
وهمة أخذووا وهو يحاول يفلت نفسه منهم
ارتعدت وصطفيت بمكانـي وماما تخبلت
+
تضرب بيهم و دكلهم:-عوووف وين مااااخذييين ابوووو شمس ووووين مااااخذي
6
رحت گمشتهة كوة هديتها ورجعنا للسيارة وبابا اخذوا وكملووا طريقهم بسيارة اللحمـل
+
ماعرف اذا راح يعبرون او لا بس كملوا الطريق
رجع علينا
+
عصام:-أصعدن
3
ما حس غير ماما طگتة راشدي.. عضيت طرفت شفتي أباوعلهم وهو حرگ فگة وغمض عيونه مثل الي يصبـر روحة
11
نهال:-عفتوا الزلم وگدرتوا على النسوان وعلى ابو شمس الرجال الجبير جبناء
15
:-ديلا أصعدن
11
صعدنة وماما جابت الطريق تسب بيهم وتهدد وأشتگي عليكم وأسوي هيج وأسوي هيج
7
لحد ما تعبت وسكتت يمكن ضغطه هبط
جنت ساكتة ما بدر مني اي ردة فعل
+
وكل ما ارفع راسـي أطيح عيني بعينة باالمراية وأدير وجهي اخر شي بقيت أباوع للشارع
22
ابد ما التفتت حتى للاختي ما التفتت
گطعنـة مسافة كلش طويلة وطريق اول مره نجي بي
+
لحد ما وگفت السيارة يم بيت ما ادري مزرعة
جبيرة نزلنـة وهو لف شمس بالغطـة مثل الجرجف
+
هو لافة عليها من نزلها من سيارة واخذها
كدامنا واحنا وراه وكل هذا ماما تمشي وتدعـي عليهم
+
دخلنة للبيت جان واسع بي صالة ومطبخ واربع غرف جوة وطابق ثاني فوك
+
واكو طابق ارضي اعتقد لان شفت درج من جهه المطبخ ينزل ليجوة
6
خلاها على السرير بوحدة من الغرف واني كعدت يمه وماما تفتر وتبجي وتتحسب عليهم
+
گمت فتت للحمام غسلت وجهي چانت إدية ترعش وعيوني متورّمة من البچي
2
ضلّيت واگفة گبال المراية
أباوع بملامحي عبالك مو أني كبرت سنين بهالكم يوم.
11
بقيت بالحمام أسمع صوت ماما بعده مستمر صوتها مثل المراثي دعاوي وشتم وسب وبچي ممزوج بحسرة
4
:-الله لا يوفقهم الله ياخذ حقنه ضيعـوا أبوجن
11
طلعت ببطء، مشيت للقنفة كعدت
عيني عليها تتنفس بصعوبة وجهها أصفر وتمسح على صدرها حجت
3
:-وييين اخذووا ابوج وين ذولة المايخافون الله
1
:-مادري
2
شمس بعده نايمة وجهها شاحب وجسمها يرجف عبالك بردانة أو تحلم بكابوس گمت غطيتهـة
+
وتمددت بصفها... ونمت احس تعبت وجسمي باد نمت بملابسي يمهة
2
.
+
فزيت لگيت محد باالغرفة بس أني باوعت للجهـة الشباك دنيا الليل
+
وخرت الغطـة وگمت طلعت.. لگيت ماما كاعدة وحدها وأيدهة على خدها والسفرة ممدودة العشة جاهز
+
:-ماما
+
:-ها حبيبتي كعدتي
1
:-اي.. شلون صرتي
1
:-مو بخير ابد بالي يم أبوجن
+
كعدت يمها وسالتها:-وين شمس
+
:-راحت لمستشفى.. تأففتت وكالت بشك
:-معقولة أني جبت شمس ولكم ولا عبالك أحنا اهلها مطابگة الغرب علينا
13
:-ماما الي سويتوا مو سهل
+
:-شمسووين غير علمودها
+
:-هي أدرى بنفسها غلط الي صار
1
رجعت سالته
+
:-زين شوكت راحت
+
:-ما صار هواي حجووا براسها وتخبلت عليا وانوب مشت
1
أنوب أخذتهة وصعـدنة فوك محد الة نفس ياكل
.. شوية وأجت البنية الي تشتغل بالبيت
+
بيدهـة ملابس كالت
+
:-مدام الملابس دزتـهم ست رغد الكم
8
نهال:-ما انريد منكم شي
+
شجن:-خليهم بالكنتـور حبيبتي
+
فتحت الكنتور جان فارغ وسفطت الملابس بي
الظاهر محد جان ساكن هنا
+
كلشي جديد ومرتب بعد ما ادري
3
سمعت صوت سيارة برة كمت باوعت من الشباك
ما شفت شي تحركت اريد أنزل
+
صاحت عليه ماما التفتت
1
:-وين نازلة
+
:-أريد أشوف عصام
2
:-أكعدي واسكتي شجن
1
:-ماما لازم أحجي وياه غير أفهم وين أخذوا بابا
2
:-چلاب ملاعين دهرونا ما شفنا الخير من شفناهم
2
عفتها تحجي وطلعت للصالة فارغة باوعت من شباك البيت كله حمايات
+
شفت عصام بره توة جاي واكف يم سيارته ويسولف وي الحماية ويعد ويسفط بأصابعه
1
انتظرته دخل وأني واكفتله شافني توترت مرهوبة صراحة كلش كمت أخاف منه كتله بتردد
1
:-أريد أحجي وياك
+
نزع نظارته ورمقني بنظرات غريبة ولبسـني
ونزل جوه
18
جان اكو درج ينزل لطابق الجوه
دكيت رجلي بالگاع بعصبية
1
بقيت أفتر بالصالة وهو أبد
ما صعد مرت ربع ساعة وهو ماكو
+
مليت كلش فشجعت نفسي وقررت أنزل وراه ليش أخاف شيسويلي ما يگدر يسوي شي
4
ولا يگدر يضربني ماما هنا خلي يولي شنو أخاف منه وشنو أخذ بابا ما ندري وين هيته شنو
14
نزلت وراه وأني أحسب خطواتي مترددة كل شوي أفكر أرجع
6
جان بنهاية الدرج غرفة والباب
مفتوح تقربت دكيت الباب عود
ما ردت أدخل چفت گلت أحترمه
4
بس هو جلب ما رد عاد دخلت بلعت ريگي وأني أشوف صور أقاربي كلها معلگة
9
وعليها علامة X باللون الأحمر بابا وأزاد أول صورتين وأجهزة وأسلحة جان مدنگ وبإيده قطعة صغيرة مثل رام الموبايل
3
من شافني عافهن من إيده
وخلى إيده بجيبه ارتبكت
واستحيت منه بعد ما ركز بيه
13
جان لابس بنطرون أسود وكيمونة سودة ونازع قميصه وشامرة على الكرسي يمه
5
ومخلي سلاحه بخصره فزيت
من صفنتي على صـوتة
+
كـال:- خير
1
:-بـ.. بـ.. ا ا
2
:-شبي
3
:-وين وين بابا
+
:-بجيبي
15
:-وين أخذتوا
+
:-لمكان يليق بيه
6
:-ليش هيج تسوي ويانا ترا علي إذا عرف أكيد ما يقبل وبعدين بابا شعلي ذاك أزاد وروحله
1
جان إجاني بخطوات سريعة رجعت طخيت بالباب لازمة المقبض بخوف
+
كال بسخرية:- أووي بابا شعلي
34
تصنعت القوة ورديت عليه:- إي بابا ما عليه وينه وين أخذته
+
:-دفنته
7
صفنت بوجهه بدون رد ما أريد أصدگ
رفع عيونه إلي عصرت إدية حيل بعدني بالباب جامدة وهو واكف كدامي بينه سنتيمات يمشط ملامحي تمشيط بعيونه
+
حجيت ما مصدكة وعيوني دمعن
:- يعني قتلوا بابا
3
سحبني من إيدي بحرگة سريعة
ودفع الباب برجله أنسـد
11
صفني على باب صار ظهري على الباب وإيدة فوگ الحايط شهكت حيل مرعوبة حجيت برجفة:-عـ...
10
كال بجمود:- چا تغدرون أخوي وأخليكم عايشين
5
مسح دمعتي بطرف إصبعه وكمل
:- لا تبچين هم ألحگج بيهم
16
:-دا أجذب عليه أكيد
2
:-ماكو شيء يخليني أجذب
+
:-لا بس يعني ما يصير تسوي هيج
2
:-منو يمنعني أنتي..؟ لو ابن عمج النثية
6
حجيت بتعثلم:- شنو هي هيته اكو دولة اكو قانون
5
:-والله إحنا ناس نحترم القانون بس ما كاعد نشوفه
2
أحس الدم جمد بعروگي ودموعي وگعن جان لازم إيدي وعاصر عليها حيل من خوف نسيت حتى إيدي والوجع لزماتـة قوية هاي مرتين إيدة كلش ثگيلة الحقير يأذي
10
:-الله موجود هو ياخذ حقنا منكم
2
هد إيدي جريت نفس رفعت إدية
بينه خفت يقرب أكثر:- بابا وين هسه مدكلي
+
:-مو كتلچ دفنته
+
:- خوش تمام گلي وين دفنته أريد أزوره
5
تقرب مني حيل صارن إدية
على صدره وهو باقي بس بالكيمونة گش جسمي سحبت إدية خليتهن وراي
17
:-وإذا ما گتلچ
+
:-أنت شنو مشكلتك عصام شبيك وياي
+
:-شبيـة وياج
3
:-إي شبيك أوكي أني غدرت ومو خوش وما أسوى نعال مثل ما گتلي بس أني ما أغدرت بيك أني غدرت علي تمام وهو إله حق يحاسبني وأنت ما عليك ومالك حق وهو بس يصير زين ويگوم بالسلامة راح أگله عليك والله أريد أشوفه يقبل هيج تسوي بيه
15
:-تشگـيني لعلي
6
:-إي والله وأمداني إذا أسكت
+
ابتسم تك خـد وباوعلي بنظرة ما عرفت أفسرها حط إدي اثنينهن على خصري گشيت ورجعت طخيت بالباب انحصرت بينه وبين الباب
43
حجيت بتعثلم:-ش س ووي
+
عصام:-أريدج تضيفين هاي لشكوة مالتچ
10
:-ش ن و
+
ما حس غير طبعت شفته على شفتي من الصدمة جمد الدم بعروگي فكيت عيوني على وسعهن
134
رمشت أحاول أستوعب انذهلت
كل جسمي لزگ بجسمه ورطوبة بشفايفي مقززة حسيت برودة فضيعة احتلتني
55
دفعته جان أقوى مني ما گدرت نبتت أظافري بصدره حيل بحيث وخر مبتسم ويضحك
+
طبعاً وخر من كيفه
+
أني ما صدگت فلتتـت نفسي منه ما لحگت أتنفس أصلاً فتحـت الباب وطگيتها ركض سويت درج شبختين
+
وأنا صاعدة انضربت برغد باوعتلي متفاجئة قبل لا تحجي عفتها ورحت ركض للغرفة
1
دخلت للحمام وگفت على المغسلة أغسل بوجهي وأفرك بحلگي
6
مصدومة أني لا مو مصدومة أني مفجوعة بحياتي ما محد قرب مني هيج
+
وهذا المنحط السافل تقرب حطيت إيدي على حلگي وگعدت بالحمام أريد أتنفس أحس أخذ نفسي وياه غمضت عيوني حيل وهزيت راسي
20
غصيت خنكتني العبرة يعني هو هيج شايفني رخيصة لهل درجة
20
طلعت گعدت بالغرفة حطيت إدية
على وجهي گلبي يدك بقوة عبالك جنت أركض
5
نفتح الباب ودخلت رغد كالت:-شبيج
1
حسبالك جنت منتظرة أحد يسألني شبيّه انهديت بالبچي
+
حضنتني و ارتبـكت من حالتـي
گعدت بالگاع وهي گعدت وياي لازمة إدية
:- أحد وياج
2
شهكت أبچي:- ما بيه شيء أختي وين خلتجي أريد نروح ما أريد أبقى خلتجي شمس فدوة خابريها
3
صفنت بوجهي مستغربة وخرت من حضنها گمت للكنتور أخذت ملابس وهي فاكة حلگها تباوعلي
+
دخلت للحمام سبحت وأفرك بشفتي أريد أشلعه من مكانها يا منحط يا عديم تربية شلون هيج يسوي بيه شنو أني تايهتله
4
شبعت بچي جوه الدوش حتى راسي ثگل من البچي طلعت بوجهي كعدت يم الشباك
1
الجان ماخذ نص من الحايط
غمضت عيوني وإيدي على حلگي
+
ما دا يروح من بالي اللي صار حتى شفتي كامت تحرگني من كثر ما فرگتها
10
___________
+
:-شمـس
+
صعدت للغرفة.. فتحت الباب وفتت.
لگيت شجن گاعدة يم شباك لامة رجليها لصدرها ومنزلة راسها وتبچي.
+
إجيت يمها حطيت إيدي على متنها، فزت بخوف
:- شجن شكو؟
+
مسحت دموعها:- إجيتي؟
2
شمس:- إي... شبيج تبچين؟
+
شجن:- ما بيه شي بس بس خايفة على بابا.
+
شمس:- زين لا تفكرين.
+
شجن:- شمعرفج؟
+
شمس:- عصام.
+
شجن:- وصدگتي؟
+
شمس:- إي عصام ما يجذب.
+
شجن:- شنو نبي؟
8
شمس:- لا بس أني عاشرتهم وعرفت أطباعهم. وبعد اللي صار بصراحة أني ما أثق باهلـي أحس حاقدة عليهم. ما أدري منين ما أجيبها ما ترهم. همـة ولا فكروا بيه. أني إذا صار شيء لعلي مستحيل أسامحهم. والله كلش كارهتهم.
10
گالت بتوتر:- شنو بابا شعليه؟
4
صفگت إديـة بحسرة
:-طلع بابا ورا السالفة هو وأزاد وحتى ماما تدري.
2
:-شلون دريتي؟
+
:-عصام گالي.
+
:-وبعد شگالج؟
1
:- ما گال
+
:-يعني بس همـة ما كال أكـو بعد
+
:-لا
+
فرگت وجهها بفتور ورجعت حجت:- خلي نمشي منا.
+
:-عصام ما يقبل
+
حجت بحدة:- كله عصام شگال عصام شحجه
عصام منو ولي أمرنا شنو ضالين تحت رحمتهم
+
:- شجن صوتج شبيج انفعلتي وأكيد راح نمشي وراهم أني أثق بيهم.
+
بچت بحـزن
+
:-ما أريد أبقى هنا.
+
:- ليش؟
+
:- ما مرتاحة.. أنتي مو عندج بيت أخذينا نروح لبيتج أحسن.
+
:- خطر علينا لأن عصام گال محد يدري إحنا بالعراق.
3
:- شوفيلنا أي حل لا تبقينا هنا فدوة شمس.
+
:-فهميني شكو منو وياج أنتي
+
:-محد بس ما أريد أبقى مختنگة.
+
تأففت وهي سكتت
+
:- كومي ننزل جوه شدگولين
+
:- وين للحديقـة
+
-لا للمطبـخ . أني ما يجيني نوم أسوي جاي نگعد نحجي
11
طلعنا من الغرفة وإحنا نازلين على الدرج
لاگانا عصام صاعد. هي بس شافته صارت وراي ضامة نفسها من عيونه. هو باوعلها ورجع عيونه إلي.
19
- بشرني عصام شنو الأخبار
+
-إن شاء الله الاثنين العملية
18
- تمام بس باچر أروح وياك.
+
- لا شمس صعبة
22
- لا لا عصام، لازم أروح والله گلبي طاگ ماگدر أبقى بالبيت
33
- أشوفلج تدبيرة بالليل مو بالنهار.
+
- أي وقت موافقة المهم نروح.
19
هو خلى وصعد وإحنا نزلنا جوه بس حسيت شجن ما مرتاحة لازمة كوب جاي بيدها وعيونها على الباب تتلفت
10
:-منتظرة أحد
+
:-أني...؟ للا
1
:-عيونج للباب
+
سكتت..
+
:-شكو
+
:-شكو
15
:- أني دا أسألج.
+
:-ماكو شي.
+
:-وعصام
1
:- شنو
+
:- مسويلج شي
38
:- لا
+
-: شجن!
31
-: أهوو گتلج ماكو شي. بس أني أني ما أحبهم ذوله جماعة رجلج وما أرتاح الهم
1
-: لأن ما معاشرتهم هسه بس تعرفيهم أكثر راح تشوفيهم شگد حبابين
5
-: لا مو حبابين وهذا عصام كلش ساقط وما يحترم.
6
-: شنو المشكلة بينكم مسمعج كلام
+
-: ما أدري روحي أسألي هو شنو مشكلته وياي ديضايقني بتصرفاته.
1
حجتهـة وگامت تبچي عبالك واحد ضاربها
شهگة تطلع من صدرها تناشغ
+
حيل استغربت منها.. تدنيت حضنتها وهي تبچي.
+
شجن:- حبابة حاچي خلي يبقى بعيد عني أو أو خلي نروح منا لا تبقينا يمه
4
ضلينـة كاعدين لوقت متأخر نسولف ردت أفهم شكو ما حجـت بس مبينة مغثوثة وضايجة
+
لازم أكعد وي عصام وأحجي ويا شنو شبي
وي شجن
6
.
+
.
+
.
+
ثـاني يـوم
8
تمر الأيام وتختفي باللحظات..
وكل يوم يكشف لك حقيقة شخص مرة.
+
جنت متوقعة الطعنة تجي
من الغريب، بس مو الأهل
مو العائلة سند. وأني عائلتي غدروا بزوجي.
2
جنت أتوقع علي هو اليغدرني
مو يگولون الغريب ذيب وما يتأمن.
طلعوا أهلي همة الي ما يتأمنون.
+
علي، ورغم العداوة والكره الي بينه، ما آذاني، ما يجذب عليه.
2
من أسأله لو يحجي الحقيقة لو يگلي بعدين، ومرات أصلاً ما يجاوبني.
+
بس أبد ما سواها وباوع بعيوني وجذب.
هو أصدق وأنقى من كل الناس الي عرفتهم بحياتي.
3
المصيبة بابا قدوتي بالحياة سوى هالشيء.
لا وچان يباوع بعيوني ويحجي، چان يخدعني.
+
إذا أهلي هيج أني بعد بمنو أثق
إيدي على خدي وصافنة..
+
ماما كاعدة گبالي وتبچي.
سحبت إيدي منها.
+
وگمت مشيت للشباك وهي إجت وراي.
:- شموسة ماما اسمعيني.
+
:- شسمع ها شلون اتفقتوا على علي شلون غدرتوا؟ زين أني أني ما فكرتوا بيه؟
+
:- لج يا أمي ابن هاشم واحد مجرم وأبوج ديسوي كلشي علمودج أنتي المفروض تفتخرين بأبوج مو زعلانة وضاربة فج علينا. يعني هيج تجازينا فوگ ما خايفين عليج ونفكر بيج
6
:- وليششش تفكرون بيه اااإجيت أني شكيت الكم؟ گلت الكم علي ما مأذيني والله هو چان يخاف عليه أكثر منكم.
2
سكتت.. درت وجهي عنها ضليت أباوع من الشباك والدمعة أطيح من عيني گبل لا أحس بيها.
1
صوت ماما وراي يرجف
بس ما دا أتحمل بعد أسمع تبرير. تعبت.
+
حطت إيدها على ظهري
سحبت روحي منها، حتى لمستها صارت توجعني.
+
:- ماما شموسة مو إحنا نحبچ ونخاف عليچ
8
لفيت بوجهي عليها ودموعي بعيني.
+
:- هو هذا حبكم مقتنعة ماما بحجيچ والله الكم عين وتحجون المفروض تسكتين.. بابا.
جنت أظنه سند، جنت أشوفه جبل… تالي شسويتوا؟
2
عضّت شفتها وسكتت، تبچي.
شتحجي شدافع بعد
2
:-علي لو مثل ما دگولين ما يحبني چان آذاني چان استغلني چان باعني مثل ما أنتو بعتوه. هو الوحيد الي ما جذب عليّ بس أنتو شنو غدر. خيانة لا والعذر أقبح من فعل "نخاف عليّچ" لا تخافون عليه بعد لا تخافون. ابعدوا عن حياتي.
11
سكتت ما گدرت تحچي… وأنا چنت حايرة.
ما أدري شنو أتصرف وياهم همة أهلي.
صح الثقة انكسرت… بس ما أكدر أسمح لأحد يأذيهم.
+
عفتها جوه وطلعت لعصام بره يريد يروح.
صحت عليه وگف.
+
:- عصام بابا شنـو أخبارة
2
:- لا يضل بالج أبوج بخيـر
+
باوعتله بشك تأفف وكال
:- أنا ما أحاسبهم. علي من يصير زين هو يحاسبهم فلا ينشغل بالج. هو بمكان آمن.
+
:- أثق بيك عصام
+
هز راسه... فتح باب سيارته رجعت كتله
:- أخذني وياك لعلي.
+
:- محد يدري بيكم هنا والمستشفى مراقب ما نريد نخاطر.
+
:- عصام بداعة علي أخذني أريد أشوفة. مو گلبي خلص. ارحموا بيه. دا أموت أني. دا أموت.
1
تنهد ومسح على شعره بحيـرة
:- بالليل تمام. انتظريني أرجع وآخذج
1
رجعت گعدت عالعتبة إيدي على وجهي وصدري يوجعني نار وشاعلة بيه.
+
صوت باب السيارة بأذني
عيوني على عصام راح... وأنا، ظلّيت
+
گمت من مكاني وفتت جوه أحس البيت سجن صارلي. أريد أروح يمه، ما أريد أسمع أخباره من الناس.
1
ماما گاعدة بزاوية على القنفة
وجهها منتفخ من البچي.
+
صعدت لغرفتي و سديت الباب
چنت أحس بجسمي يرتعش عبالك بردانة من الوجع من الخذلان من خوف الفقد.
+
ذبيت نفسي على أفراشي وأني أفكر: "علي، ليش صار أقرب من أهلي"
12
عيوني گامن يأذني من كد ما دا أبچي. تمنيت لو أكدر أروحله هسه، أشوفه، أطمن عليه بيدي.
2
ليلة ثگيلة، ما مريت بهيج ليلة من قبل
ظليت سهرانة
النوم ما زارني رغم التعب والخمول العندي.
+
كل شوي أباوع للساعة
لحد ما صارت 2 الفجر
+
گمت نزلت بدون صوت
گعدت بالحديقة وأنتظر.
+
وراه شوية صوت السيارة هدّأ أعصابي. عصام
نزل من السيارة لمحني وگال
:- يلا تعاي.
+
ركضت فتحت الباب وگعدت يمه
عقلي بيه ضجيج وهوسه.
+
شوارع صنطة
بس گلبي يضج بالهوسة.
4
:-گلي راح يعيش
+
هز راسه وبصوت حنون گال
:-علي قوي… إن شاء الله يعيش.
+
ما گدرت أرد گعدت بس أباوع من الشباك. چنت رايحة لأكثر شخص أصدگ بي وهو بكل بساطة… ما خاني ولا ضحك عليّ.
+
:- أم علي موجودة
+
-: لا قبل شوية عزيز رجعها للبيت.
+
:- وين كاعدة هي؟
+
:-بيت مهاد.
12
رجعت راسي على جامة وسكتت.
+
وصلنا المستشفى ودخل بسيارته للكراج. قبل لا ننزل أنطاني كمامة ومريول أبيض
+
كـال:- البسيهن
+
لبستهن ونزلت أمشي وراه وأحس أمشي بدون روح. بوجهنا لغرفة علي. قبل لا أدخل گلي
+
:-خمس دقايق لا أطولين حتى أرجعج.
+
:-تمام.
+
فتحلي الباب ودخلت وحدي. الغرفة باردة
وصوت الأجهزة وي سكون الغرفة يفزز الموتـة طاحت عيوني عليه وجهه مصفر.
+
جهاز التنفس يغطي نص وجهه… وإيده مربوطة بمغذي.
2
قربت على طرف السرير يمه
حسيت صارلي هواي ما شفته.
+
حضنت جف إيده ودموعي نزلن. همست بصوت خافت:-علي.
+
ما جاوبني. جنت متعودة من أگله "علي" يگلي "عيونه" لو يگلي "روحه لعلي".
17
هسه بارد ولا صوت. يمكن حتى ما حس بيه.
گعدت أبچي ودموعي نزلت على إيده. ضغطت على إيده حيل عبالك دا أعاتبـة أريدو ما يعوفني وحدي.
5
:-تدري أني ما گدريت أكرهك. حتى لما چنت خاطفنـي هم ما كرهتك أبد. أحسك روحي وكل دنيا لا تعوفني أني شلون أعيش من دونك ما توقعت بيوم أحبك
11
ضميت إدية على وجهي وبچيت
گلبي ديوجعني عليك علي
+
:-شمس يلا
+
التفت عصام مسحت دموعي ودنگت خليت بوسة على خدة
2
وگمت رجعت الكمامة على وجهي وطلعت وراه
+
جنت مدنگة راسي وعيوني يهملن
. أمشي ورا عصام للسيارة.
+
وصلنا للكراج. والدكتورة الشگرة لاگتنا
جاية هي وياها حماية لابسين أسود ومقنعين.
5
سلمت على عصام ومدري شتمسلت وتحجي وياه. وكفت على جهة أباوعله.
+
ما أحبها كلش أضوج من أشوفها يم علي. أنوب حلوة المدهورة كلش حلوة.
14
صعدت بالسيارة وعصام شوية وإجه. تحركنا وكتله باستفهام
+
:-هاي البنية شنو شغلها وياكم؟
+
:-منو
+
:-الدكتورة الشگرة.
+
:-صديقة.
1
:-وتريد أصدگ
+
ضحك وحجه
+
:-جا شسوي لا تصدگين.
+
أدري ما يطلـع منهم حجـي فسگتت
4
____________________
+
:-شجن
11
حاولت أقنع شمس
حتى نروح منا بس ماكو ما قبلت
+
بهاي الأيام جنت ما أطلع من أدري بي بالبيت أبقى ساجنة نفسي بالغرفة ماما شگد تحاول وياي أنزل
2
بس أبد ما أنزل
+
يوم على يوم مرت الأيام باهتة إحساس الذنب مرافگني مستحقرة نفسي حيل
5
أني صح هواي غلطت بس ما وصلت لهل مرحلة بيوم أبد ما خليت أحد يتقرب مني
7
أحس فقدت احترامي لنفسي وهو ديشوفني رخيصة لهذا السبب هيج سوى وياي وما خلى أي حاجز ولا احترام بينا
+
طلعت للحديقة أتمشى. هنا المكان هيمة
ما أدري وين جايبنا.
+
البيت محاط بسياج كامل من الأسلاك
بس من تباوع ليبرا راح تشوفها منطقة زراعية.
+
بعيدة عن المدينة.
+
ضامـة ادية لصدري
وأعد خطوات وحدي. افتريت
داير مداير البيت.
2
جنت بالجهة الخلفية للبيت
وانداريت للجهة الأمامية
+
اكو كراج يمه ست سيارات صافات.
لمحت عصام ورغد وأخ عزيز الموؤدب
15
وبعد يمهم اثنين شباب يم السيارات. وگفت من بعيد أباوع بس ما أشوف شيء.
+
تقربت بهدوء. عبرت أول سيارتين وصرت ورا الثالثة. وگفت قريب گمت أشوفهم.
+
جان اكو واحد كلش مگتول
بحيث دم تارس قميصه. كاعد كعدة بالگاع ومرجع ظهره على سيارة ويتنفس سريع مهدود حيلة
+
ورغد فاتحة باب سيارة ومرتكية عليه وعصام مثني ركبته ومنصي يسولف وياه.
+
لاهو مـو يسولف. دا يهدد. هاي مو سوالف
. كالـه
1
حامد:- شتريد مني عصام
1
:- وسأف وين أختفى
+
رجع حجه ذاك بحدة
:- نصيحة مني طلعوا من السالفة هو ابن هاشم وطاح ترا كلكم ناوين عليكم نية گشرة وأنتم بتصفيات
2
عصام:- خراااا بعرضككك حشاش يا تصفيات هاي تصفيات آسيا!
6
رغد:- اگلك حامد اسمع النصيحة مني وأحجيي
أحسلك ترا ما بينا حيل نحفر گبور ساعة بالوحدة.
30
رجع حجه وعيونه على عصام
:-ترى زودتهـة عن حدها. لا عبالكم مرجلة منكم جاي تلعبون بعداد حياتكم.
+
رغد:-يعني هسه أنت بريك بريك حامد شنو لازم نسوي انصحنا ياله.
2
حامد-: صيروا بصف القوي وكسـبوا حياتكم
+
عصام أشر لعزيز وكاله
+
:-دلـل حـمودي شويـة
4
وهذاك ما گال لا. سحله من ياخته ورگعه كلـة
ورجع دفرة ببطنه. ما عرف حسيت خطية گام يون من الوجع واستلمه دفرات جنزة تجنز.
4
وأنوب وخر عنه وجر نفس
- فحطنييي الجججحش!
2
طاح على وجهه، يون ومدمى من كل جهة.
+
رجعله عصام وبيده جكارة. طفى الجكارة بعينه وذاك انصهر صهر. حط إيدة على وجهه ويصيح بعلو صوته
11
:- شتريدون مني أنا مو وياهم والعباس
2
أرتعـدت من المشهد يالله شنو ذولة مجرميـن
بعد ما أحجي وي عصام أصلا شنو جنت أسوي أني
لا نوب هم يطفي جگارة بعيني
6
عصام-: وساف وين شرد بيا نگرة ضام روحه
هو جان متفق وي ازاد ااححجيييي لكككك اااحجييي
+
عزيز:- اعترف! لا تحمي غيرك جحش!
3
حامد:- يعني اعترف بشيء ما مسوي
+
لزمه من فگه
عصام:-شووووف لككك تحجي خيررر ما تحجي هسه أطلعععع ببروووحك وأضيع صخطگگ وعود خلي وساف يفيدك.
4
رد عليه برعب
:-ما أكدر أخون العشرة وساف أخوي
+
عصام:- شگگگ العشره واستر على رويحتك يبعد روحي
10
حامد:- لو تسترون على نفسكم أحسن ترا علي ميت ميت بكل الأحوال.
+
عصام:- ما نعترض على حكم ربك بس أكيد قبل لا أشيل جنازة علي أشيلكم قبلـة
4
حامد:-عصام كاعد تلعب بالنار
+
عصام:-وأنة ماالعـب اذا مو كدهة
4
بهـل أثناء اجت سيارة سودة
وعزيز أستقبلـهم جابوا واحد مجتفـي
+
نزلوا وكعد على اركبة راكع كدامهم
ومبين مو بوعية يحجي شيش بيش يخربط ويصيح وكوة مفتح عيونة
4
وحامد أول ما شافة خاف وگام يبالع عبالك شاف ملك الموت مو واحد سكران ومسحول
1
كالهم عصام بستفهام:-شبـي...؟
+
رد عليه الرجال:-شارب
+
عصام:-سهلـة هسه أصلخـة بنعـال أطشر الشـرب من راسـة
5
يالله شنو تجمعات المجرمين هاي
3
رجع حجـة الرجاال
+
:-بعـد تأمر بشي
+
التفت على حامد وكالـهم
+
:-شيلـوا
+
كبـل أخذوا وهو صاح برعب
:-لا لا عصام نتفاهم بس أفهمك
+
عصام:-شغلي أشكك أحلوووك مو أتفاهم كلش مو صحبـة وي لغـة التفاهم
13
عزيز:- نتفاهم بالاخـرة لا تـضوج
12
أخـذوا ومشوا... أجيت دا أرجع والصوت فـززني
1
- شسويين هنا؟
+
التفت بسرعة رجال صخم ومعضل اسمراني شكله يخوف منيـن هذا العفطي النوب
32
رجفت شفتي. وصوت إجه من وراي
+
:- شجن
+
انداريت رغد إجتني صرت بنص. يربي باع الفشلة!
صارت عيوني على عصام. باوعلي بنظرة هيج ما راضي.
+
حجيت بتوتر:- أني أني جنت دا دا أتمشى.
+
عصام:-بس أنتي تتمشين بالوحدة
2
شجن-: بكيفي شعليك أنت
10
عزيز ضحك وكال
+
- ردها إذا تگدر.
19
وهو عض طرف شفته و عگف وجهه. مرض. ما متربي. عديم الأخلاق. أهله ولا ذرة أخلاق صارفين عليه هو منيلـة الاهـل هذا المنحط
5
رجعت جوة وأني أسب بيهم ناس يدورون الشر
واحد يكتل الثاني حسيت عايشين بغابة
+
ووحوش صار عندي خوف ورعب منهم والله حتى اختي اذا بقت على ذمت علي هم أتصير مثلهم
+
وأني أكول رغد شخصيته قوية طبعا مرافگة ذولة شتتطلـع
21
ويلـموني لان معجبـة بـ استاذ بيرس
على أقل رجـال نظيـف ومرتب وهادي مو مثلـهم همج وما يعـرفون غير لغة السلاح والضرب والتهديد
43
دخت وراسي گام يوجعني ماكدريت أحلل وأفهم شدا يسون باالضبـط
+
سمعت صوت سياراتهم طلعوا ركضت لشباك
وخرت البـردة
+
جان الجوء ظلام بس مبينن دا المحهـم
طلعوا كلهم بسيـارة وحدة
+
شنو هالناس الوحوش من جهة ولد عمو وبابا ومن جهه رجل شمس وجماعتة ما ينعاش وياهم
1
صعـدت أنام بصف ماما ولو هو وين اكو نوم
بس أحـاول
+
.
.
+
يوم الاثنين
+
عملية الـزرع على اساس اليوم وشمس خبصتهم خبيصة لحد ما أخذها عزيز ويا لمستشفى
5
سويت جاي ولازمة كوبي وأفتر بالبيت أستگشفة
من الملل وأنتظر الاخبار عن علي
+
وهم دخت من ورة دعاوي ماما على
علي بلكي يموت من الصبح تدعي عليه
25
ما ادري،شبيه يمكن ماما شخطت رسمي
هو منو يىبقى صاحي على هل حالة
5
أخذت الكوب وطلعت أفتر برا الجوء هادي
بس صوت الطيور
+
عيوني طاحت على سيارة جايه من بعيد
ووكفت ونزلوا منها اثنين
+
وياهم واحد ثالث.
ذاك الثالث شكله مو طبيعي
+
مجتفين إدي ورأبطيـن عيونه بخرچة سودة
ويمشي ويتعثـر ما يعرف شيدوس گدامة
+
ما افتهمت شدا يصير بس هذا
المسكين مدري شمسوي بس واضح هم ما يطلع سالم منا
7
هذا البيت صاير مال كتل ودفن بسگتة محد. يدري
3
أكو بصف البيت مخزن أخذوا الـة شوي وطلعوا بعد ما قفلـووا الباب
+
وظل واحد منهم واگف مثل صنم
يراقب
+
كملت الكوب بس الطعم صار مالح
أو يمكن هذا ريگ الخوف
+
ظلّيت أراقب وهذا الصنم يمشي خطوتين ويرجع،
لباب يروح ويرد
+
ما خذني صبر وفضولي شيصبرة
مو سالفة فضول بس همه ساجنينـة هنا هم
+
على أقل أعرف شكوو
5
خليت الكوب على سور الحديقة ومشيت
وعقلي يكلي
+
ارجعي هذا مو شغلچ
+
بس الفضول... فضولي أووف
6
التفيت من جهة ثانية وين ماكو شباك
لان هو واكف بالباب صعب يشوفني
+
والشباك عالي ما أكـدر أشوف شي
رجعت للحديقـة شلت الكرسـي
1
جان صاح عليه واحد من الحماية
:-تحتاجين مساعدة ست
+
ابتسمت بوجه:-لا شكرا
+
بس هو صعد عندة احترام المراة واجاني
ما خلاني أشيلة جان هو شالة وكال
4
:-وين أخلي الج
+
:-ها اريد تخلي ورة المخزن ذاك المنظر الاشجار كلش حلو
3
شالة ومشة كدامي... مرض هسه أني عاتبة عليك
خفت ودرست اي والله
11
حط الكرسي:-تفضلـي ست
+
كعدت مجبورة وهو ضل واكف فوك راسـي
:-عفوا بس اريد أختلي بروحي وأتامل المنظر
+
:-أخذي راحتج ست
14
:-شاخذ راحتي وانت واكف فوك راسي ما ارتاح هيج
1
:-لا أومر الاستاذ ما تغيبون عن عيني
2
من عمة بعينك وعين أستاذك هاي اكيد أسوالف عصام منو غيرة
2
بقيت احوس وعيوني على مخزن وهو يمي مشتول
:-اكلك بيه مجال تجيبلي جاي
+
:-تامرين
4
جان مشة وأني گمت بسرعة شلت الكرسي وركضت لشباك حطيت الكرسـي وصعدت عليه
+
أكو مثل صعدات حديد وي الحايط خليت رجلي عليهن ورفعت نفسي كلش مجلبة بشباك دا أشوف
+
مديت راسـي شفتـة رفعت نفسي اكثر
دا اركز حتى أشوفة عـدل
+
أجت عيوني بعيونة شافني فگ عيونة وأني متاكدة عرفنـي شهككت حيل
196
عزززززااااا أندهررررنة أصخام شلون جابواااا هذااا
لا هاهيه راح نموت كلنا
169
______________ نهاية البارت
5
لـ تليگرام https://t.me/alia_243
نتناقش هناك
حساب تيك توك ما عندي أبد أبد
23
كونوا بخير مثل ما متفقين دائمًا وأبدًا
39
#الهيلانا
3
