رواية لعنة ما قبل العشق الجزء الثاني الفصل التاسع عشر 19 بقلم سندريلا انوش
الجزء الثاني(الفصل التاسع عشر):
من رواية لعنة ما قبل العشق بقلمي سندريلا
..
..آيات:انا مش فاهمه حااجه.
ظلت تحدق في سقف الغرفه الذي يوجد به مراءة تعكس صورتها لها..فنظرت آيات الي نفسها بحزن شديد..
آيات:هي دي آيات بتاعت زمان..هي دي البنت اللي كانت بتلعب وتهزر وتضحك..فين خدودي وفين ابتسامتي..خسيت وبقيت حاجه ترعب بجد..هو مش خايفين مني؟!
ثم وضعت يدها علي بطنها وقالت:وانتم ماكنش وقته انكم تيجوا بس ماكنش بايدي دي ارادة ربنا.
ظلت آيات تحدث نفسها حتي نامت مجددا من ارهاق الحمل...
علي الجانب الاخري في القاهره...
امجد:كله تمام كدا الاجتماع انتهي.
نهض جميع الموظفين واتجهوا الي اعمالهم...
عدي:انا تعبت وعاوز اناااام.
امجد:انشف كدا التقيل ج...قاطع حديثهم دخول سالي المفاجئ..
سالي بدلع:امجد عاوزك.
امجد بضيق:كام مره اقولك امجد بيه انا مش بلعب معاكي في الشارع.
سالي:انا اسفه يا اكجد بيه ممكن اكلمك علي انفراد.
امجد:قولي هنا عدي مش غريب.
سالي بضيق:بالنسبالي غريب.
عدي بهدوء:طيب انا استاذن انا بقي.
نهض عدي وخرج من غرفه الاجتماعات..
اقتربت سالي من امجد وقالت بدلع وخبث:عامل اي يا امجد بيه.
امجد بضيق من قربها:كنت كويس لحد ما جيتي.
سالي بحزن مصطنع:لي كدا بس..دا انا بحبك في حد يقول لواحده بتحبه كدا.
امجد:ايوا انا لانك عارفه اني عمري ما فكرت فيكي اصلا.
سالي بضيق:لي يا امجد لي هاه آيات فيها اي زياده عني.
نهض امجد وقال بخبث:ومين جاب سيرة آيات دلوقت.
سالي:مش فاهمه.
امجد:انا طلقت آيات ومشتها من القصر امبارح.
سالي بفرحه:اي؟!بجدد.
امجد بمكر:انا ماكنتش عارف دماغي كانت فين لما اتجوزتها.
سالي:بصراحه دي بنت بيئه ومتستهلكش.
امجد لنفسه:دا انا هعمل من لحم كتافك دا شاورما علي اللي انت قولتيه دا.
سالي بمكر:طيب مش ناوي تتجوز تاني.
امجد:بدور علي عروسه حاليا.
سالي بلهفه:طب وانا طيب.
امجد:انت اي؟!
سالي:انا موجوده بتدور لي.
امجد بتفكير:سبيني افكر جايز اغير رائي فيكي.
سالي بفرحه:اوعدك هخليك اسعد انسان يلا سلام.
امجد بسخريه:سلام.
خرجت سالي الابتسامه لا تفارق وجهها وقابلت عدي في دخوله لامجد..
دلف عدي وقال بقلق:انا مش مطمن.
امجد:لي؟!
عدي:سالي طلعه الفرحه ناطه من وشها دي بتخطط لحاجه.
قهقه امجد بصوت عالي وحكى لعدي عما قاله لها..
عدي بصدمه:يخربيتك..قصدي اي اللي انت عملته دا.
امجد:دا الصح.
عدي:صح اي آيات لو عرفت دي بكتير تموت فيها.
امجد:بعد الشر طبعا ولو حصل كدا انا هروحلخا افهمها.
عدي:طب عملت لي كدا من الاساس.
امجد:سالي صحبت همس..لما هوقع سالي..همس هتعرف هتولع نار اكتر..ساعتها هقدر استغل سالي في ان اعرف اخبار همس واعرف مكانها كمان..بمجرد اعرف مكانها هعرف اوصل لماجد..انا كدا ضربت 3عصافير بحجر.
عدي:الدماغ دي استحاله تكون عاديه..بس سليم هنعمل فيه اي.
امجد بغرور:لا دا بقي تسبهولي انا اللي هموته بأيدي.
اليوم التالي في الاسكندريه...
استيقظت آيات علي يد والدتها التي تمسد علي شعرها بحنو..
آيات:امممم.
سهر:اصحي يا آيات كولي حاجه.
آيات:ماليش نفس يا ماما.
سهر:لا مالكيش نفس ازاي قوم يا بت بلاش دلع دا انت حامل حرام عليكي نفسك.
نهضت آيات وجلست وارجعت ظهرها علي السرير بتألم..
سهر:يلا افتحي بوقك.
آيات:ماما انا مش صغيره.
سهر:لا صغيره وعيله كمان.
آيات:حاضر اهو.
اطعمتها والدتها وجلست بجانبها لكي تحكي لها آيات ما بداخلها من هموم..
سهر:احكيلي بقي.
آيات:احكي لي؟!
سهر:فضفضيلي يا آيات انا بعرفك من عينك..وعارفه انك تعبانه ومخنوقه.
بدءت كلمات والدتها تلمس قلبها وفاضت دموعها في اعينها..
سهر:اهدي واحكيلي اللي جواكي.
آيات بدموع:امجد سابني لي يا ماما..مش عاوزني اكلمه لي.
سهر:يا حببتي جوزك بيحبك اكتر من نفسه وباين عليه من لمعة عينه لما بيجيب سيرتك..كل الحمايه انه خايف عليكي وبعدك عن الشر.
آيات:يقوم باعدني عنه هو دا الصح!؟
سهر بتنهيده:ماهو بعدك عنك بردو انت مفكره انه مرتاح من غيرك.
نزل دموعها بغزاره فاحتضنها والدتها وقالت:اهدي يا بنتي عشان ولادك وعشان اللي في بطنك فكري كويس واظن انت اول واحده عارفه ان امجد بيحبك وميقدرش يستغني عنك.
آيات:عارفه يا ماما عارفه.
يتبع...
*من البدايه قولتلك ان مش ديما يكون الحب كافي..والحياه ليها حسبه تانيه يومها نزلت دمعه منك فوق كتاافي*
