رواية القبطان الفصل الثامن عشر 18 بقلم أسما السيد
الفصل 18 الثامن عشر 
روايه/القبطان.
بقلم/أسما السيد..
ـــــــــــــــــــــــــــــــــ
يوسف ولارا بصدمه..
انت..
عاصم وهو ينظر لهم باستنكار..
اه في مانع. ولا كنتو عاوزين تخلعوا من غيري..
يوسف بغيظ منه..
نخلع منك انت.. مظنش..
ودفعه بيده للوراء.. قائلا..
واوعي كدا.. مترميش ودنك ياجدع..
لارا بصعبنه..
حراام ياسوفا عاصم دا جميل..
عاصم بببلاهه..شوف اجدع..ايه يابت البراءه دي..
مش لايق عليكي..
لارا بغيظ..تصدق انا غلطانه ذوقه يايوسف..
يوسف بحده..
اخرسي انتي وهو..وانت ايه اللي نزلك ياعم مش وراك شغل..
عاصم وهو يرتب ثيابه..
لا مانا خلاص قررت استقر في مصر..واكمل نص ديني..
لارا..بحماسه..شطور ياعاصم..
يوسف..بغيظ..اخرسي انتي..متكليمهوش.
لارا برفعه حاجب..الله..اومال اخاصمه..
يوسف بتأفف منهم..
قاعد في مورستان وانت ياجدع انت عرفت ان احنا متنيلين مسافرين منين؟
عاصم وهو يغمز للارا..فرآهم يوسف..
يوسف بغيظ..انتم..انتم..
اصبروا عليا..
عاصم..ياشيخ روح بقي دا انت بقالك سنه مطلع عين امي في الجلسات واول ماجت وثبتتك بكلمتين..
نخيت في ثانيه..
يوسف..وهو يدفعه بوجهه..
طب غور بقي مش عاوز اسمع صوتك..
عيل اتم.. اما نشوفك انت يااخويا وغمز له..
اما تشوفها هتعمل ايه..
عاصم بتأتاه..هعمل ايه يعني..
يوسف بمكر..هنشوف ياكشي متنخش من اول نظره..
واستدار لها..مكملا..
وانتي..يامضيعه هيبتي..
وقله بقيمتي..مسمعش صوتك..لحد منوصل.
لارا بلا مبالاه..ياشيخ بقي..
يوسف..ماشي ياسافله..اصبري عليا..
لارا...وهي تضع العصابه علي عينها..
اغلط ياسوفا..اغلط..وعلم علي غلطاتك..
لينا بيت نتعاتب فيه..
ـــــــــــــــــــــــــــــــــــــــ
يقف مستندا علي سيارته ينتظرها أمام سنتر دروسها كالعاده..
يعد الايام لكي تتم ال 18 يريدها ببيته بداخل احضانه تلك اللعنه التي حطتت عليه لم يكن يوما معترفا بالعشق والعشاق..
كان يسخر منهم..الا ان سخر القدر منه وأوقعه بعشق طفله متمرده تعشق عصيانه وتمردها يصيبه بمقتل..
لمحها قادمه بسرعه كعادتها..
سالي. بتوتر وقلق لمحه...ميجو وحشتني أووي..
ماجد..عيون ميجو وانتي كمان وحشتيني..
بس ايه دا ياقلب ماجد اول مره متعندنيش وتلبسي محتشم.
سالي..بحب وقلق..
..خلاص ياماجد مانا قررت اسمع كلامك..
ومعندكش ابدا ابدا..خالص نهائي..
ماجد وهو يرفع حاجبه..
والله...مش مرتاحلك..
في ايه ياسوسو..
عملتي نصيبه ايه..
سالي باستنكار..الله ياماجد هو كله كدا مش عجبك..
ماجد..لا ياقلب ماجد عجبني وعجبني اوي كمان..
ربنا يهديكي ياسالي يارب..
دا يوم المني..
سالي ببراءه. وتوتر..
.طب يالا بقي روحني..انا جعانه.
ماجد..يالا ياقلب ماجد..
ركبت بجواره بسرعه وادار السياره باتجاه العوده..
ماجد..سالي ياقلبي في ورا كيس هاتيه..
استدارت تجلبه ففوجأت بوجبه كنتاكي المفضله لديها..
سالي بسعاده..الله كنتاكي...دانا جعانه جدا..
ماجد..جبتهالك مخصوص
عارف انك علطول جعانه
سالي بغيظ..
اوف منك..بطل رخامه....
بس برده هاكل عاااا. وتناست ماحظث منذ قليل..
وخرجت له لسانها بغيظ..
ماجد..طفسه..أكليني معاكي..
سالي..وهي تضع الاكل بفمه..أحلي ماجد دا ولا ايه..
وأكلت ماتبقي من قضمته..بسعاده..
وهي تغمز له..هاكل وراك عشان اجري وراك دايما..
ماجد بضحك..بس انتي كدا هتتعبي..
سالي..وهي تطعمه قطعه اخري..
ماانت هتشلني..
ماجد..بحب..دانا أشيلك العمر كله ياقلبي..
ــــــــــــــــــــ
بعد فتره وهو ينظر لها بغيظ..
والله كنت عارف..قلبي كان حاسس..
انتي مصيبتي وبلوتي السوده في الحياه..
أعمل فيكي ايه..هااا.
سالي وهي تضرب الارض بقدمها..
يوووه ياماجد اومال يعني كنت أسيبه من غير ماأربيه..
ماجد وهو يفرك وجهه..
قوليلي كدا عملتي ايه بالظبط يامصيبه..انتي..
سالي ببراءه ماشي..
بص ياسيدي..
ماجد..بغيظ..بصيت.
انا كنت قاعده بأمان الله في السنتر فجأه دخل عيل سيس كدا في نفسه اسمه محمود..
عاكسني أسكتله..
ماجد بحده....قالك ايه..
سالي...قالي..وسكتت.
ماجد..انطقي يازفته..فجأه لمح خلخالها..
من تحت عباءتها..
فأشار له..ايه دا..
سالي..لنفسها..يافضحتك ياسالي..
أعمل ايه انا..
سالي..هاااا.
ماجد..ها ايه..ونيله ايه..
أقسم بالله لو مقلتي الحقيقه لطين عيشتك..ومحدش هيقولي بتعمل ايه..وانتي عارفه..
سالي..ماجد..
ماجد..بلا ماجد بلا زفت جننتيني..اقولك..انا هعرف بطريقتي..
ادخلي قدامي..
سالي..مش هدخل..
ماجد..هتدخلي برضاكي او غصب عنك..دا تحقيق ياهانم..ولا انتي مش واخده بالك..
وانا هعرف اخلي الكلب اللي جوا دا يعترف ازاي..
سالي..بهم..يالهوي يااني..
خلاص..خلاص هقولك..
ماجد..ماكان من الاول..
سالي..اوف..مانا خايفه منك..
ماجد بهدوء..متخفيش..يالا احكيلي..
بص هقولك..
انا كنت واقفه انا وبنتين صحابي وفجأه جه الولد دا عليا كأنه مسطول وشدني من ايدي وحاول يعني..
ماجد.بصبر وهدوء..كملي..
حاول يعني يبوسني غصب عني وانا والله ضربته تحت الحزام..
وحاولت ابعد عنه وامشي لقيته شدني اكتر فانا معرفتش اعمل ايه فقمت ساحبه خشبه كانت جنبي وضربته علي رأسه..
فجأه أغمي عليه..والدم غرق المكان..
أخدوه صحابه..وجريو بيه..
بس والله ياماجد هو دا اللي حصل..
ماجد بهدوء ما قبل العاصفه..
السنتر دا في كاميرات..
سالي..اه فيه وكمان اللي معانا كلهم شافو اللي حصل..
ماجد..وهو يسحبها للداخل..خلاص اهدي وانا هتصرف..
بعد ساعه كان يجلس يفرغ كاميرات السنتر والتي أكدت علي ماقالته وانه بالفعل اعتدي عليها اولا..
ولكنها كذبت بشئ وسيؤدبها عليه..
رمقها بغيظ بعينه..عرفت من نظرته ماذا يعني..
سالي..يالهووي..دانا نسيت. خالص..
ماجد بهمس لها..لبسالي عبايه ياطاهره.
تصدقي دخلت عليا..
سالي بهدوء..توبت الي الله..
ماجد..بغيظ..هنشوف..
ـــــــــــــــــــــــ
انتهي التحقيق بتنازل والد الشاب بعدما شاهد الكاميرات وما فعله ابنه..ومع اعتذاراتهم المتتاليه وضرب والده له..
اضطر أن ينهي التحقيق علي ان يبدأ تحقيقه معها هي..
سالي بعدما أغلق باب مكتبه عليهم..بالقفل..
سالي..ايه دا..انت بتقفل ليه انا عاوزه اروح بقي..
ماجد بهدوء..وهو يشير لعباءتها..
هتقلعيها بالذوق ولا اقطعها..
رمشت بعينها عده مرات بخوف من جنانه..هي جنت علي نفسها بنفسها..
لقد حذرها مرارا وتكرارا من لبسها الضيق وخلخالها..
رفعت رأسها له ببراءه..
بص أنا غلطانه واوعدك مش هعمل كدا تاني..عااا
متبصليش كدا..أنا خايفه منك
ماجد بغيظ..منها..وهو انتي لو خايفه مني ولا علي زعلي..كنتي نزلتي بالمنظر دي..
افتحي افتحي..وريني الجمال..
فتحت سوسته عباءتها فظهر بنطالها الجينز وبلوزتها الورديه..
ماجد وهو يستغفر منها..فقد يأس منها ومن اصلاحها..
ومن لملمه مشاكلها التي لا تنتهي..
ماجد بهدوء وحزن منها..ولاول مره يشعر أنه فشل معها..
البسي ياسالي..يالا عشان أوصلك..
سالي بحزن لحزنه..فهو لاول مره لا يثور عليها..
هي بالاساس تعانده لتستمتع بغيرته ومشاكسته يوميا..
لا لشئ أخر ويبدو أنها بالفعل زادتها وكثيرا..
سالي بأسف..ماجد..أنا اسفه..متزعلش مني..
ماجد بحزن..ببساطه كدا..
انتي شايفه كدا..
سالي وقد انهمرت دموعها..وهزت رأسها..بلا..
ماجد..وهو يزفر..طب بتعيطي ليه.دلوقت.
سالي وهي تمسح أنفها..عشان انت زعلان مني..
أدار ظهره لها...ومسح علي رأسه بتعب..في حركه اعتادها دائما عند التوتر..
دقيقه..اثنتان..ومازالت تبكي..ومازال علي وقفته.
قلبه ينفطر لبكاءها ان استدار لها سيزرعها بين احضانه وهو لا يريد ان يضعف معها..
هي تريد الشده لكي تستقيم..
فزع علي يدها تحاوط خصره...
ماجد..سالي..
سالي بهدوء..أنا اسفه..مش عاوزاك تزعل مني ياميجو..
ماجد لنفسه..خربيت ميجو واللي بتعمليه في ميجو..
اف..مقدرش انا.
ماجد.وهو يديرها لوجهه..
زافرا بتعب..متعيطيش..شوفي جنانك وصلك لايه..
ووصلنا معاكي..
خليتي عيل ميسواش يمد ايده عليكي..
سالي وهي تمد شفتيها بزعل كالاطفال..
مش هعمل كدا تاني..
ماجد..والله..ماكل نصيبه بتقولي كدا..
سالي بغيظ..وهي تدفن نفسها بأحضانه..مش هعمل كدا تاني..صالحني بقي..
ماجد بحب..وانا بإيدي ايه يعني غير اني اصالحك.
انتي بلائي..
سالي..بسعاده..بحبك والله..
ماجد بصدمه..انتي قولتي ايه..؟
سالي بربكه..هااا..مقلتش..
ماجد..بحده..سالي عيدي تاني..احسنلك..
سالي..خلاص.خلاص.. وبمكر أكملت
قولت بحبك..
ماجد..قلبي انتي والله وانا بعشقك ياقلب ماجد..
خطفها بين أحضانه صارخا بحبها..
بحبك والله بحبك..
بس ان ماانظبطيش انتي عارفه..
سالي..خلاص والله أخر مره..
ماجد..بحده..اخر مره..
سالي بحب..اخر مره..اخر مره..
ــــــــــــــــــــــــــــــ
يالا ياأكرم وصلني بطريقك لبيت ادهم عاوزه اروح اطمن عليه..
أكرم بحده..بيت مين ياماما..
فاطمه برفعه حاجب..هيكون بيت مين..
بيت جوزي..
أكرم بغيظ..لا معندناش ستات تتخطب وتروح بيت خطيبها الا بعد الفرح..انسي الكلام..دا..
فاطمه بغيظ..نعم..خطوبه ايه ياكرمله انت نسيت اني اجوزته امبارح..
اكرم..بغيظ..والله هو دا اللي عندي..مفيش مرواح ولا مجي الا بعد الفرح..
بطاطا..فرح ايه يابن الهبله..هو احنا لسه عيال..
وبعدين الراجل طلع امبارح من المستشفي..
وعاوزه اروح اطمن عليه..
اكرم ببرود..والله ماجد قالي ان بنته معاه وبقوا زي السمنه عالعسل مفيش مرواح يعني مفيش مرواح..
وابقي اكسري كلمتي يابطاطا وروحي..
ولا في جيم..الا بعد الفرح...
ماهو مش هتقرطسوني وانا عايش..
بطاطا..بدهشه..ولا انت اتجننت..انا امك يالا..
اكرم..ولو..مفيش مرواح برده...عجبه مش عجبه كل واحد يروح لحاله بقي..
فاطمه..لا دا انت هربانه منك علي الاخر..وتركته ودخلت..
فريده لاكرم..متخف شويه ياكرمله مش كدا..
دي مراته وبعدين ماانت اللي قعدت تزن عليها انها تعيش حياتها مالك بقي مضايق وغيران ليه..
اكرم باستنكار..غيران..
فريده..أيوه غيران.وباين أووي..
يا حبيبي حراام عليك سيبها بقي تعيش حياتها..
بلاش تبقي أناني..هيا اساسا متردده وخايفه..
متزودهاش انت بقي..
أكرم بهدوء..مش عارف انا فعلا غيران واووي كمان..مش متخيل ان امي تتجوز وتسيبني حاسس اني في حاجه بتروح مني..
مش عارف هتأقلم ازاي بعيد عنها..
فريده..بحب..له..ياقلبي افرح
عشان خاطري ماما بفاطمه تستاهل بعد التعب والبعد..
وانكل ادهم كمان..فمتحبكهاش بقي..
اكرم وهو يحاوط خصرها بتملك..طب وانا مستحقش تدلعيني شويه..
فريده بسعاده..وعشق له..طبعا تستحق..
وتستحق اوي كمان..
أكرم..طب ايه..موحشكيش أوضه كرمله..
فريده بضحك..وحشتني اوي .
وفي لحظه كان اختطفها لغرفته ..
عازفا لها اجمل الالحان..
ــــــــــــــــــــــــــــ
فاطمه..
نعم ياأدهم..
أدهم بتنهيده.ياااه أخيرا سمعت اسمي منك..
فاطمه..بهدوء..ياسلام مانا علطول بناديلك باسمك..
أدهم..بهمس..بس طريقه عن طريقه تفرق..
فاطمه بهمس أيضا..ازااي..
أدهم..ازاي دي عاوزه شرح كبير وبعدين مش قولتي هتيجي..
كنت حابب اعرفك علي داليدا بنتي انا طول النهار احكيلها عنك..
فاطمه بهدوء..فرحانه ليك ان ربنا ردهالك علي خير..
أدهم بحب..من يوم مدخلتي حياتي من تاني..وحياتي اتغيرت للاحسن..
كان نفسي اشوفك انهاردا..
فاطمه بهدوء..حكت له ماحدث مع اكرم..
ادهم..بغيظ..ماشي ياأكرم..ماشي..
بس ولا يهمك ياقلبي هاجيلك انا...انا مقدر غيرته..
اي حد مكانه لازم يغير عليكي يافاطمه..
فاطمه بضحك..لسه بكاش ياادهم..
أدهم..انا..
انا بقول الحقيقه..
واستمرا يتحدثان كالمراهقين..طوال النهار..
ـــــــــــــــــــــــــــــــــــ
اف اخيرا وصلنا..خد ابنك دا دراعي وجعني..
يوسف بغيظ..شيل ياعاصم بيه..اعملك مصلحه..
عاصم وهو يأخذ ريان منه..
هات ياأخويا ناس تخلف وناس تشيل..
بعد ساعه أخري.. بعدما تركو عاصم بالمطار..
رافضا ان يقلوه معهم..لذهابه لوجهه ما..
كانو يدخلون المنزل..
اقترب حارس القصر بترحيب..
ياأهلا يأأهلا يايوسف بيه نورتنا والله..
والله وليك وحشه انت والست لارا..
يوسف بحب..اهلا ياعم سعيد..دا نورك يارب..
لارا بحب لهذا الرجل..
عمو سعيد ازيك اومال فين...وكادت ان تسأل عن صديقها الا ان يد يوسف التي ضغطت علي يدها بحده اسكتتها..
يوسف مسرعا. وهو ينظر لها .اومال فين جدي..
عم سعيد..ايوا اتفضلو اتفضلوا..
دخلوا..معا وهو يتمتم لها..
مفيش فايده فيكي اعمل فيكي ايه هااا..
عارفه لو شفتك مع ابن عم سعيد تاني
هعمل فيكي اايه.
لارا بتأفف..يووه يايوسف.. خلاص خلاص.
يوسف..ماشي اما نشوف..
الجد مسرعا...ايه المفاجأة دي وحشتوني ياولاد..
يوسف واخيرا يابني..
يوسف وهو يقترب منه بعدما وضع الاولاد بعربتهم المخصصه لهم..
وحشتني اوي ياجدي..
الجد..بعتاب..طالت الغيبه المره دي ياقبطان..ومتعودش منك علي كدا..
يوسف بحزن..اسف ياجدي..
الجد..يشفعلك عندي قطعتين
السكر اللي سبتهوملي ذكرح منك..مسامحك عشانهم..
لارا..بحزن مصطنع..وانا ياجدو نسيتني..
فتح الجد ذراعيه لها..
فاسرعت ترتمي به الا ان يده التي حاوطتتها كانت اسرع..
وبغيظ اكمل..والله محدش يحضنك غيري..
الجد بغيظ..ولااا دي حفيدتي..سيبها..
يوسف بحده..ولو..دي مراتي ومفيش غيري يحضنها..
انتبهو لصوتا حادا..
فريال..أهلا انت شرفت..
وشرفت الزباله دي معاك
مش كنا خلصنا من القرف دا..
لارا بغيظ..انتي..
نظره عينيه لها اخرستها..
التفت لوالدته..قائلا..بحده..أول وأخر مره اسمعك بتهينيها..فهماني ولا لا..
فريال باستنكار..بتزعقلي انا عشان خاطر دي..واشارت بيدها عليها..
يوسف بحده..دي تبقي مراتي واي حد هيتعدي حدوده هيواجهني انا وبعدين استحملينا كام يوم علي ما بيتنا يجهز وننتقل فيه..انا اساسا ميشرفنيش اقعد مع واحده زيك في مكان واحد..
فريال..بحده..يوسف..انت اتجننت ازاي تكلمني انا كدا..
يوسف بهمس لها بعدما اقترب من اذنها..
ايوه بكلمك انتي كدا يافريال هانم يامحترمه.يامخلصه..مخلصه اوي يعني..اظن كلامي واضح..
فريال وهي تبتلع ريقها بخوف..
يعني ايه..
تقصد ايه..
يوسف..اللي علي راسه بطحه بقي..
وسحب زوجته وحمل اطفاله لغرفته..
بهدوء..تحت نظرات لارا المتعجبه من وجه فريال الذي لا يفسر..
ـــــــــــــــــــــــــــــ
عاصم..
انت..
عاصم بشوق..أيوا انا..
جيتلك ولاخر مره..بقولك بحبك..ومحبتش غيرك..
بعدت سنين..وسنين..وعرفت ستات بعدد شعر راسي ومحبتش غيرك..
بسألك لاخر مره..تتجوزيني انا ابن عم حمزه الطباخ..
ومراته الست البسيطه..
هي..بتوتر..بس انا..
عاصم..بحب..انتي ايه..ها..
اوعي تقولي محبتكش...طب قوليلي انتي متجوزتيش ليه..
مستنيه ايه..لو محبتنيش..
هي بدموع..ايوا حبيتك انت..محبتش غيرك بس مينفعش..
عاصم بحزن..لييه.ليه ياداليدا..
داليدا..بحزن..انا خايفه عليك ارجوك ابعد..
عاصم وهو يختطفها لاحضانه يملس علي ظهرها بحب..
طب احضنيني..احضنيني ياقلب عاصم
وحشني حضنك قووي..
داليدا..أنا خايفه اوي ياعاصم..ماما بتهددني بيك..
عاصم..بحده داليدا..انتي شيفاني مش راجل واقدر احمي نفسي..
داليدا..لا لا طبعا..بس.
عاصم وهو يجلس ويجلسها بجانبه..
بس ايه ياقلب عاصم..احكيلي ومتخافيش
تنهدت قائله..
هحكيلك بس احضني أووي..
عشان انت وحشتني اووي
عاصم وهي يشدد من احتضانها..
وانتي وحشتيني اووي اووي ياوجع عاصم..
هدأت وبدأت تسرد عليه ماحصل..
