رواية انتقام وعشق الفصل السابع عشر 17 بقلم أميرة محمود
فرح نزلت لبسه دريس طويل اوف وايت وفرده شعرها ورا ضهرها ونزلت لسليم
سليم ، طب ماشي سلام دي الوقت وفضل واقف سرحان في جمال فرح
فرح ، أنا خلصت
سليم ، أممم أنا طالع اغير هدومي خمس دقايق بقولك ماتطلعي تنقيلي طقم علي مزاجك
فرح ،. اوك ماشي ياللا
وطلعوا الغرفه بتاعتهم
فرح ، خد التيشيرت ده وبتلف تعطيهوله
فرح ، انت لحقت تقلع خد وجايه تخرج
سليم شدها لزقها في الدولاب وراح مقرب منها حتي التصق فيها
سليم فضل سرحان في عينيها وطبع قبله علي شفايفها الي ان انسجمت فرح معاه
فرح افتكرت اللي عمله فيها زقته بسرعه عنها
فرح ، أنا هنزل استناك تحت ونزلت جرى
سليم ، اوووف وراح ممشي أيده علي شعره
سليم نزل لفرح
سليم ، ياللا بينا
فرح ، ممكن اطلب طلب
سليم ، ده انتي تؤمرى
فرح ، أنا مش عايزه حراسه ولا سواق
سليم ، لاونه صعب بس ماشي ياللا بينا
،،،،،،رؤؤؤؤؤ،،،،،،،،
رائد وساره ومنال
منال ، فين فرح مجبتهاش ليه يا رائد
رائد ، فرح مع سليم وسليم اتغير جامد عشانها اول مره اشوف صاحبي عنيه بتلمع كده كانت دايما عنيه حزينه
ساره ، مش يمكن بيضحك عليك وهيرجع يعذب فيها
رائد ، استحاله وانا هددته لو عمل فيها حاجه مش هسكتله
منال ، بس انا خايفه عليها اوي
رائد ، كلميها علي موبايل سليم
منال ، تصدق راحت من بالي الفكره دي خالص انا هتصل بيه اهو
سليم ، الو ايوه يا قمر والله وحشتيني موووت
منال ، والله وانت يا حبيبي فرح عامله ايه
فرح بتبصله بغيظ هتموت وتعرف بيكلم مين وقالت لنفسها ممكن تكون نرمين اخته
سليم ، كويسه متنسيش تيجي فرح نرمين بعد بكره
فرح بصت له جامد وعنيها كلها دموع وفجأه بصوت عالي ، انت بتكلم مين
سليم ، في ايه يا بنتي خضتيني بكلم الموزه بتاعتي
منال ، دي فرح هي مفكراك بتكلم واحده
سليم ، اه يا حبيبتي المهم اخبارك انتي ايه أنا فرحان موت انك انتي اللي كلمتيني من نفسك
منال ، هههههه مش قادره ربنا يهديكم
فرح شدت منه الموبايل ، ايوه مين معايا
سليم وقف العربيه مره واحده ،وفضل يضحك بصوت عالي
منال ، أنا الميلامين
فرح شالت الموبايل من علي ودنها وبصت فيه لقت اسم منال بصت لسليم بغيظ وهو هيموت علي نفسه من الضحك عليها
فرح ، ماما حبيبتي عامله ايه
منال ، كويسه ياقلبي انتي اللي عامله ايه
فرح ، والله كويسه ماما معلش هقفل دي الوقت عشان خارجه مع سليم وأما اروح هكلمك
منال ، ماشي يا حبيبتي انا كنت بطمن عليكي سلام يا قلبي
سليم ، بتغير عليا يعني لسه بتحبني
فرح ، بس بقي امشي ياللا
سليم ، يعني لسه بتحبني
فرح ، بس بقي يا عم هاني شاكر ياللا امشي
سليم بضحك ، ماشي ماشي يا ستي احنا خلاص قربنا نوصل
فرح ، ماشي
سليم بصلها وهو سايق وراح بيسها في خدها
فرح ، الله بقي
سليم ، ايه بابوس مراتي عندك مانع
فرح ، معدش يحصل عشان مزعلكش
سليم ، ماشي يا معلم انزل ياللا يا سيد المعلمين وصلنا
فرح ، هههههه ماشي وراحت نازله ودخلت معاه المطعم دخلو وقعدوا
سليم ، هتاكلي ايه
فرح ، مش قولنا ايس كريم
سليم ، هتتغدي ايس كريم
فرح ، اه
سليم بهمس ، بس البيبي حرام لازم ياكل اكل
فرح برقه ، تفتكر
سليم ، يخربيت جمال رقتك دي مش وقتها خالص
فرح ، خلاص بص هاتلي واحد شاورما
سليم ، يعني أنا جايبك المطعم الجامد ده عشان واحد شاورما
فرح ، مانا بجد مليش نفس
سليم ، خلاص هطلبلك أنا علي مزاجي ونده للشيف وطلب الاكل
فرح ، فضلت تاكل خلصت اكلها كله واخدت اكل سليم أكلته
سليم ، من الواضح انك ملكيش نفس اومال لو ليكي نفس كنت هتاكلي المحل كله
فرح ، الاكل طعمه حلو اوى
سليم ،. بالف هنا يا حبيبتي
فرح ، الحمد لله خلصت فين الايس كريم بقي
سليم بصدمه ، هو لسه في مكان جوه
فرح ، مالك يا سليم بتبصلي في الاكل كده ليه
سليم ، انتي حامل في بني ادم واللا ديناصور
فرح ، اتنين
سليم ، هههه بني ادم وديناصور
فرح ، تؤتؤ ولدين
سليم بفرحه ، لا لا بجد
فرح ، اه والله
سليم ، اومال مقولتليش ليه
فرح ، مفيش خفت لتحسدهم
سليم ، انتي هبله هحسد ولادي
فرح ، اه
سليم ، هههه ماشي المتر اجه اهو اجبلك الايس كريم نوعه ايه
فرح ، عارف البوله الكبيره
المتر ، اه
فرح ، حطلي فيها من جميع الانواع وهاتها
المتر بصدمه ، العائليه
سليم ، هههه اه وهمس في ودن المتر روح ياللا لحسن تاكلك
فرح ، كنت بتقوله ايه
سليم ، مفيش بقوله بسرعه عشان مرفدكش
فرح ، طب وانت ترفده ليه هو مطعم ابوك
سليم ، اه مطعم ابويا هههههه
فرح ، بجد خلاص نبقي نيجي هنا كل يوم واكل براحتي
سليم ، وماله يا حبيبتي علي ماتيجي تولدي يكون المطعم اشهر إفلاسه هههههه
فرح ، ماشي يا سليم مانت مش حامل عشان تحس بالجوع اللي بحسه
سليم ، لا أنا هحافظ علي جسمي حمل ايه وبتاع ايه يا اختي بلا قرف
فرح ،هههههه اسكت بقي وربنا هولد
سليم ، اهو الايس كريم وصل
