رواية سهام الحب الفصل السادس عشر 16 بقلم ريهام اسماعيل
فى صباح يوم جديد وبالتحديد فى غرفه شريف وسارا
+
سارا قامت من نومها بدرى للتحدث الى شريف
+
وهو مازال فى الحمام وبعد دقائق خرج ونظر اليها فى دهشه
+
شريف : غريبه اليه اللى مصحيكى بدرى كده النهارده
+
سارا بغضب: اعمل ايه عايزه اكملك
+
شريف بنظره عين : ياسلام طب ما تستنى لحد لما ارجع من الشغل
+
سارا بسخريه : هههههههه اه انتى بتيجى من الشغل تعبان وبتنام ولما تصحي من النوم بتنزل على طول ومابتجيش اللى الساعه 12 بالليل وبكون انا نمت
+
شريف بتفكير فقال : مممممممم يا خبر ابيض انا كل ده بعمله .... راح ناحيه دولابه وطلع منه طقم ليرتديه وقال : طيب ياستى قوليلى عايزاني فى ايه
+
سارا بتنهيده قالت : انا عايزه اروح اشترى لبس انت عارف ان الجامعه هابتدى كمان اسبوعين
+
شريف: هههههههه بقه صاحيه من بدرى وشكلك عاوزه تتخانقى وفى الاخر عايزه تجيبى هدوم انا قولت انك عايزه ترشحى نفسك لانتخابات الرئاسه يا سارا
+
سارا: يعنى انت بتريق عليا لا يا سيدى انا كبيرى ارشح نفسى فى انتخابات الطلبه بس دا مش موضوعنا دلوقتى قولت ايه
+
شريف بهزار: اه فى انتخابات الطلبه شى ممتاز اكيد
+
سارا بنرفزه: لو سمحت يا شريف انا مش بهزر دلوقتى
+
شريف: طيب ماشى جهزى نفسك بالليل لماارجع هاوديكى ان شاء الله ,,, رجع وفكر شويه وبعدين قال : لا استنى استنى النهارده ماينفعش
+
سارا ربعت ذراعيها علي صدرها وقالت بضجر: ليه عندك شغل برضه؟
+
شريف بيقفل زراير القميص وقال : لا يا سوسو جايلنا ضيوف مهمين بالليل وما ينفعش اسيبهم ونخرج
+
سارا: مين دول عشان يباركولنا؟
+
شريف: لا يا ستى خلاص ما احنا قدمنا خلاص ... دول جاين بخصوص يارا
+
سارا: قدمنا !!! طيب اه عرفت بخصوص العريس اللى متقدم ليها ؟
+
شريف: الله ينور عليكى مانتى معانا على الخط اهو
+
سارا بهزار: لا انا بقيت دلوقتى كارت مش خط
+
شريف اقترب منها ولمس خدها وقال : اصدقى وحشنى كلامك ولماضتك دى
+
سارا: اكيد ما انت على طول مش معايا اكيد وحشتك زى ما (وسكتت)
+
وهنا شعر بيها شريف من عدم التكمله وهو عارف انه هو كمان وحشها بس مش بايده اى شى لانه دايما فى الشغل ولما بيسهر اهو بيرتاح شويه من الشغل والتعب
+
صفيه: ايه ده انتى صاحيه يا رهف ؟
+
رهف نازله من علي السلم : اه يا ماما صباح الخير
+
صفيه: صباحك عسل حبيبتى فين يارا
+
رهف: مش عارفه تلاقيها فى المرسم ولا حاجه
+
صفيه: طيب هاروحلها
+
رهف: اوك ثوانى يا ماما ممكن اروح النادى النهارده
+
صفيه: ليه
+
رهف: ها اصل منه صحبتى هناك مع اهلها واحنا فى اجازه فقولت اهو اغير جو شويه
+
صفيه: ما ينفعش اصلنا جايلنا ضيوف النهارده وعايزه الكل يكون موجود
+
رهف: ما انا عارفه يا ست الكل ان فيه عريس جاى عشان يارا بس ده بالليل مش دلوقتى انا هاروح وساعه بالظبط واجاى
+
صفيه باصرار : لا يعنى لا وكمان عشان ترتبوا مع سعاد البيت
+
رهف بزهق : يى يى كل يوم ترويق وتنفيض انا زهقت وكمان احنا اغنيا المفروض تجيبوا بدل الوحده عشره
+
صفيه: رهف بقولك ايه انتى كده هاتعطلينى وانا واريا يوم طويل
+
رهف برجاء طفولي : طب عشان خاطرى والله ما هاتأخر هما كلهم ساعه واجاى على طول وكمان ما تخافيش هاخد معايا ملك
+
صفيه: يابنتى ما ينفعش انتى بنت ازاى هاتروحى لوحدك نادى عام انا عايزه افهم استنى لما حد من اخواتك يكون فاضى وياخدك ويوديكي النادى بتاعك ده
+
وهنا جاءت اليهم سارا على صوتهم
+
سارا: صباح الخير
+
صفيه: يسعد صباحك يا سوسو عامله ايه ياحبيبتى
+
سارا: الحمد لله يا ماما مالك يا هوفه
+
صفيه: ما تردى على مراتك اخوكى .. ولا مش فالحه الا فى الرغي معايا وبس
+
رهف بنرفزه : انا قولت حاجه دلوقتي .. صباح الخير يا سارا انا كويسه
+
سارا: ههههه مااهو باين من شكلك
+
رهف: ماما يا ستى مش راضيه تودينى النادى اقابل منه واصحابى
+
سارا: ما صح يا رهف كده عيب ازاى تروحى لوحدك
+
رهف ضربتها فى رجلها بغيظ
+
سارا: اه قصدى ماشى ماشى انا كمان عايزه اروح يبقى نروح مع بعض
+
صفيه: تروحوا فين يا سارا لوحدكم
+
رهف: يالهوى مش حضرتك ياماما من شويه كنتى قلقانه انى اروح لوحدى اهو سارا هاتيجى معايا
+
صفيه: انا مش قلقانه بس انتم عيب تروحوا لوحدكم للنادى ده كله شباب
+
سارا: ما احنا مش هنكون لوحدنا ياماما اخويا احمد هيجى معانا
+
رهف قلبها دق من كلام سارا على اخوها احمد
+
صفيه: يا سارا مايصحش النهارده جايلنا ضيوف ولازم كلنا نكون هنا فى استقبالهم
+
سارا: ما انا عارفه ياماما احنا هانروح ساعه ساعتين ومش هانتأخر ان شاء الله ... وكمان اخويا جايب ليا حاجات وعايزه اخدها منه
+
صفيه: طيب بس مش تتأخروا ماشى وكمان انتى قولتلى لشريف ليقلق ولا حاجه
+
رهف بفرحه وذهبت لتقبلها : يا حبيبتى يا ماما انتى احلى واحن ام فى الدنيا
+
سارا: لا طبعا استئذنت منه الصبح
+
صفيه: ههههههههههه شوفى البت من شويه كنت دقه قديمه ودلوقتى بقيت احن ام ربنا يهديكى
+
وصعدوا سارا ورهف الى غرفهم ليرتدوا ملابسهم
+
يارا: ايه ده رايحه فين يا ست رهف هانم
+
رهف: رايحه النادى مع سارا وملك
+
يارا: طيب ما تاخدونى معاكم
+
رهف: ما ينفعش يا ناصحه امك مش هاتوافق اذ كان انا مش العروسه وعملتلى تقرير تحت وانى ما اتأخرش اومال انتى بقه هاتعمل ايه معاكى
+
يارا قاعدت علي السرير وقالت بنرفزه : انا مش عارفه كمان ايه لازمه العريس ده واقول لها مش موافقه دلوقتى على الجواز تقولى اقعدى معاه بس وشوفى وهى اكيد هاتحطنى امام الامر الواقع انا عارفه
+
رهف:طيب انتى ليه مش موافقه دى ماما قالتلى انه شاب كويس وكمان محامى شاطر ومشهور
+
ياار: اه عارفه كل ده بس مش نازلى من زور اعمل ايه
+
رهف بمرح قالت : ما تخافيش هافكرلك فى فوكاره ولما ارجع هاقولك عليها
+
يارا بابتسامه: بجد يا هوفه تكونى خدمتينى خدمه العمر
+
رهف: هههههههه لا ياختى كفايه عليا خدمه فى البيت ده
+
ده اكنى انا الشغاله اللى اشترتوها
+
وبعد ما ارتديت ملابسها خرجت من الغرفه وجدت سارا فى وجهها
+
سارا: كويس انك خلصتى
+
رهف: اكيد من بدرى كمان بس يارا هى اللى اخرتنى
+
سارا وهي واخدها علي جراش العربيات : ربنا يسترها على العريس ده النهادره انا خايفه والله منها عليه يلا تعالى اركبى العربيه
+
رهف: لا هاركب عربيتى انا اومال جتلى هديه ليه عشان اصور معاها
+
سارا: ما ينفعش يا رهف تكونى لوحدك واكون لوحدى لو عرف شريف هايدبحنى
+
رهف: ومين اللى هايقوله يا فيقه هانم
+
سارا: يعنى مصممه
+
رهف وبصت علي ملك اللي كانت ماسكه ايد سارا فانحت وقالت : كوكي اوعى تجيبى سيره لحد انى ركبت العربيه لوحدى ماشى
+
ملك دبت رجلها فى الارض وقالت: ماشى يلا بقه عشان مش نتأخر على طنط بثينه
+
رهف :هى مالها ملك شكلها اتعلقت ببثينه اوى
+
سارا: فعلا وكمان بثينه اتعلقت بيها ده هى اللى قالتلى انى اجيبها ليها فى النادى
+
رهف: طيب يلا بقه سلام ونتقابل قدام النادى
+
سارا: رهف عشان خاطرى امشى براحه ماشى بلاش السرعه بتاعتك دى
+
رهف: اوكيه يلا بقه الساعه قربت تخلص
+
سارا: ههههههه ماشى يا هوفه سلام
+
وانطلقوا كل من سارا ورهف كل واحده منهم بسياره ووصلت سارا قبل رهف الى النادى وكانت قلقانه عليها
+
انا اللى غلطانه ماكانش المفروض اسبها تيجى وتسوق لوحدها
+
وهنا جاءت رهف بسيارتها ونزلت منها وهى سعيده
+
سارا: لا والله وكمان بتضحكى ومبسوطه
+
رهف: هههههه وليه مابقاش مبسوطه يعنى
+
سارا: اتاخرتى ليه كده
+
رهف: اعمل ايه مش قولتلى امشى براحه انا عملت كده ... ايه ده مش ده العريس المنتظر ليارا اختى
+
سارا: هو فين ايه ده ... لالالا مش هو بس اصدقى شكله بالظبط (ودخلوا النادى)
+
رهف: هههههههه ياريتك كنتى جيتى يا يارا معانا وطفشتيه من هنا اسهل
+
سارا: ههههههه هي ناويه تطفشه !!
+
رهف: ههههههههه اه والله كانت عماله جوه فى الاوضه تفكر هاتعمل ايه عشان تطفشه
+
سارا بعفويه : ههههههههه كان غيرها اشطر يا هوفه
+
رهف بتسائل: قصدك ايه انك كنتى عايزه تطفشى شريف اخويا؟
+
سارا: احم لا طبعا مش قصدى كده انا بقصد على ناس تانين
+
رهف: ااااه بحسب بس تعالى قوليلى انتي بجد كنتى هاتروحى النادى
+
سارا: اه يا ستى بجد اصل بثينه كانت عايزه تشوف ملك وانا قولت لشريف وكان فى الاول رافض ولما عرف ان احمد هايكون هناك وافق
+
رهف بفرحه : بجد احمد قصدى اخوكى احمد هنا
+
سارا: اه هو كل يوم هنا انتى عارفه انه فاضى بقه ومش واره شغل ولا اى حاجه
+
رهف: ايه ده مش دى بثينه قربتك
+
سارا: اه هى تعالى نروح لها
+
وهنا ملك اول ما سمعت انهم شافوها تركتهم وذهبت اليها مسرعا
+
بثينه وفى حضنها ملك: اهلا بحبيبه قلبى كوكى وحشتينى
+
ملك: انتى كمان يا انطى وحشتينى خالص
+
سارا: احم احم نحن هنا يا مس بثينه
+
بثينه: معلش يا سارا اصلها وحشتنى اوى ازيك ازيك يا رهف عاملين ايه
+
رهف وسارا: الحمد لله بخير
+
سارا: اومال الواد احمد فين لسه ماجاش
+
بثينه: لا جه بس راح مع وليد يلعبوا تنس وزمانهم جاين
+
رهف بزعل: طيب اسبكم واروح اشوف منه ماشى
+
سارا: طيب ما تتأخريش عايزين نروح بدرى
+
رهف وهى ذاهبه والتفت لسارا وبتتكلم معها فجاه خبطت فى شخص
+
الشخصكان علي اخره بسبب باباه مش مش راضى علي السفر : ايه مش تحسبى
+
رهف اندهشت وبقت عصبيه: مين اللى يحاسب انا ولا انت
+
الشخص: لا والله ليه انا اللى كنت ماشى بدور ورايا
+
رهف: لو سمحت انا ما اسمحلكش تتكلم معايا بالاسلوب ده
+
وهنا جاءت اليهم سارا : فيه ايه يا رهف عملتلها ايه يا احمد
+
احمد: انا جيت جمبها هى اللى خبطت فيا وكمان مش عجبها
+
رهف: لو سمحت لحد دلوقتى عامله اعتبار انك اخو مرات اخويا بس فلوسمحت تحترم نفسك
+
احمد بعصبيه: مين اللى يحترم نفسه انا ولا انتى ها
+
وكانت سارا وافقه عماله تهدى فى الاتنين وهما مش راضين ينهوا الشجار بينهم
+
سارا : لالالا بقولكم ايه اهدو بقه النادى كله بدا بيبص علينا احمد شوف كنت هاتروح فين رهف روحى يلا لمنه وماتتأخريش
+
احمد بنرفزه وينظر الى رهف :حاضر
+
رهف وبنفس النظره والغضب: طيب
+
سارا رجعت لمكانها وجلست بجوار احمد
+
سارا: ممكن اعرف بقه ايه اللى حصل لده كله
+
احمد بعصبيه : هايكون حصل ايه انتى كمان مافيش حاجه
+
سارا: احمد متنرفزنيش ازاى تكلم رهف بالطريقه دى انت ناسى تبقى مين وبنت واخت مين
+
احمد: يووووووو كل شويه تقولولى انهى بنت صديق بابا وكمان اخت جوز اختى انا عارف ده كله يا سارا بقولك احسن ليا وليكى انا هاقوم اشوف وليد صح فين بثينه
+
سارا: راحت مع ملك تلعبها بالمرجيح اللى هناك دى صح احمد ايه اخر حكايتك ببثينه ؟
+
احمد: كمان هاتسميها حكايه يا ست سارا مفيش اى حاجه بينى وبينها انتى عارفه انى بعزها زيك لا اكتر من كده ولا اقل
+
سارا بتفكير شديد لحاجه فى دماغها : طيب طمنتى يا ابو حميد
+
احمد: طيب هاروح اشوف وليد سلام
+
*********ريهام*********
+
فى مكان اخر
+
صفيه بتدور علي يارا : يارا روحتي فين
+
يارا خرجت من اوضتها وقالت: انا هنا هاكون روحت فين يعنى
+
صفيه: أيه ده بحسبك روحتى للكوافير
+
يارا: ليه ان شاء الله هو انا هابين له شعرى ولا ايه
+
صفيه:وفيها ايه يجوز واخوكى راح وسأل شيخ فى الجامع وقاله يجوز لمره واحده لانها رؤيه شرعيه
+
يارا بعصبيه واصرار: لا يمكن ابدا ابين شعرى لراجل ابدا
+
صفيه: بت بطلى دلع بقه ويلا شوفى وجهزى هاتلبسى ايه وانجزى شويه
+
يارا بعد ما مامتها مشيت قالت فى نرفزه : انا بس ايه اللى بعمله ده انا مش عايزه اتجوز يا ناس
+
******************
+
منه: ياخبر ابيض يعنى كلمك كده
+
رهف: اه ومش كده بس لا ده على صوته اوى وبيزعقلى
+
منه: طيب وانتى اكيد ما تتوصيش اكيد احرجتيه بكلامك
+
رهف: طبعا يا خفه اومال اسكتله بعد الموشح ده
+
منه: يا حرام يا بنتى مش انتى بتقولى انك حبتيه فاليه بقه العنف ده كله معاه
+
رهف: بقولك ايه انا مش قايله لحد على انى بحبه حتى ليارا ماشي
+
منه: يعنى شوفتينى روحت وقولت بس والله صعب عليا وحرام بجد
+
رهف بشرود : مش عارفه يا منه بجد والله مش انا حكاتلك امبارح انى فكرت انى اجاى هنا عشان اشوفه واعتذر منه بس لقيته اول ما شافنى هازقنى فاقولت لا بقه
+
منه:طبعا ياختى طيب هاتعملى ايه دلوقتى يا ذكيه هانم وهو زى ما قولتلى انه مسافر كمان يومين هاتكلميه النهارده
+
رهف: مش عارفه اعمل ايه بس اكلمه النهادره لا انسى خالص
+
منه وهي بتلتفت لقيت شاب جاى عليهم فقالت : مين الواد الحليوه اللى جاى ده انا شفته قبل كده
+
رهف: بس يا منه عيب كده وكمان ده مش حليوه ولا حاجه
+
منه بخوف : يالهوى ده جاء علينا هو ممكن يكون سمعنى
+
رهف: هههههه لا يا ذكيه ده يبقى قريب احمد اكيد جاء يرزل زى عاويده ... اياكي تضحكى خالص انتى فاهمه
+
منه بهيام : اضحك ايه ده انا هاقوم واقعدوا مكانى عشان يرتاح
+
رهف: ههههههه انتى مصبيه والله
+
وهنا جاء اليهم وليد مبتسم : مساء الخير ازيك يا رهف اخبارك
+
رهف بغضب: مساء الخير ليه احنا بالليل ولا ايه
+
كويسه نعم عايز حاجه
+
وليد مندهش: نعم !! لا ابدا كنت عايز اسألك عن بثينه اختى وسارا هما مش معاكى
+
رهف بضجر: اظن انت شايف انى قاعده مع صحبتى ولوحدى يبقى مش معايا ولا ايه ... وكمان ما اسمهاش سارا اسمها مدام سارا
+
وليد بسخريه : مدام سارا !! طيب سلام ... ولبس نضارته ومشى
+
منه بتوبيخ : ليه كده يا معكننه هانم لالالا انتى اكيد جر لمخك حاجه انهارده نازله خناق مع الكل
+
رهف: جر ايه يا منه هو اللى مش مظبوط ماانتش شايفه بيتكلم ازاى
+
منه بهيام: ماله ده حتى ماقالش اى كلمه وحشه كل كلامه هادى وكميل زيه
+
رهف: كميل اه شكلك وقعتى يا حلوه انتي بس بقولك نصيحه الواد ده مش بتاع حب وجواز ماشى انا هاقوم اروح لسارا عشان نروح
+
منه: طيب ما تخدينى معاكى
+
رهف: خدك ربنا كل ده عشان سى وليد هناك لا بقولك مامتك بتنادى اهى روحى ليها احسن
+
منه: طيب ماشى بس امانه يا هوفتي لو شوفتيه قللي العنف معاه علشان خاطر صاحبتك انتمتك اتفقنا
+
رهف: ههههههههههه مجنونه والله سلام
+
سارا: طيب اقعد واكيد هايجى دلوقتى يا وليد
+
وليد جر كرسى وقعد علي نفس الطاوله وقال : ماهو قالى انه هنا معاكو هايكون راح فين وكمان بثينه اتاخرت
+
سارا: لا مش اتاخرت اهى جايه اهى خلاص ارتحت
+
وليد: اه استنى بقه احمد افندى
+
بثينه: السلام عليكم
+
كلهم: وعليكم السلام
+
وليد: ايه يا بثينه كل ده تاخي
+
بثينه: معلش يا ليدو اصل ملك كانت عايزه حاجات حلوه فاجبتلها
+
وليد : طيب هاروح اشوف احمد واجاى معاه اوك
+
سارا: اوك بس ما تتأخروش عشان ماشين
+
رهف جت ليهم وقالت بمرح : اتأخرت ولا موش
+
سارا: لا جيتى فى ميعادك احنا هانمشى بس يجي احمد ونمشى على طول
+
رهف: طب وليه نستنى اخوكى مانمشى على طول احسن
+
سارا: اصل ما ينفعش نسيب بثينه لوحدها
+
رهف باستغراب: ليه بثينه هاتقعد معاه لوحدهم ؟
+
سارا: لا اصل وليد اخوها جاى معاه وهايخدها اشربى بقه العصير
+
رهف: اممممممممم اوك (وبدات تشرب العصير)
+
واحمد ووليد جاين من بعيد واحمد شعر بدقات قلبه لما شاهد رهف جالسه معاهم
+
وليد مبتسم : مساء الخير لالالا بلاش مساء اصل فى ناس بيزعلوا من الكلمه دى
+
سارا: ههههههههه مين ياترى اللى بيزعلوا يا وليد
+
وليد بينظر لرهف بنظره: اسكتى يا سارا مش برضه قالتلى انى ماقولكيش سارا حاف واقولك مدام سارا
+
هنا احمد شعر بان رهف كلمت وليد قبل كده ونظر لها بحده
+
رهف بغيظ: سارا مش يلا اصلى اتخانقت
+
وليد: ههههههههه اوعى يكون منى حتى انا لطيف
+
رهف بسخريه: جدا جدا على فكره
+
احمد بغضب: انا هاقوم امشى احسنلى
+
سارا: ليه يابنى ما تخليك قاعد معاهم انا ورهف اللى هانمشى
+
احمد بنظره لرهف: اه ماهو باين انكم ماشين
+
رهف نظرت له وادارت وجهها على الناحيه الاخرى وهى بتنفخ
+
سارا: بثينه انتى روحتى فين مش معانا يعنى
+
بثينه: لا معاكو بس بأكل ملك البسكويت
+
سارا: يا بختك يا ست كوكي بتلاقى اللى يدلعك
+
رهف: ها مش يلا ولا اروح انا لوحدى
+
احمد بحده: تروحى لوحدك ليه وازاى يعنى
+
رهف: وانت مالك اروح لوحدى ولا ماروحش دى حاجه ما تخضكش
+
احمد: يا سلام بقه حاجه ما تخصنيش ماشى هانشوف فى الاخر مين هيخص مين
+
سارا: فيه ايه يا اخوانا انا اخلص من بثينه واحمد هناك فى البيت تطلعولى هنا رهف واحمد ولا ايه هدو شويه
+
رهف مستغربه وفى نفسها بثينه واحمد يعنى بيكلم بثينه كمان اااه عشان كده كان بيضحك معاها فى الحفله طيب يا سى احمد انا وانت والزمن طويل
+
سارا: يلا يا ملك سلمى على طنط بثينه
+
بثينه:باى يا كوكى وخلى بالك من نفسك اتفقنا
+
ملك: حاضر اتفقنا باى
+
سارا: يالا يا هوفه طب يا جماعه سلام
+
كلهم : سلام
+
بثينه مصطنعه الزعل: ممكن اعرف بقه انت مالك ومال اللى اسمها رهف دى
+
احمد: بثينه بقولك ايه ومن الاخر انتى زى اختى وبس فابلاش دور الغيره ده ما يمشيش علينا ماشى وليد انا اروح لايمن عند الجولف اوك
+
وليد: استنى بس رايح فين مش كنا هانتغدى مع بعض
+
احمد: لا مش جعان دلوقتى مليش نفس سلام
+
وليد: سلام.... ايه يا بثينه مالك ومال احمد مش قولتلك من زمان احمد ده بيعتبرك زى اخته
+
بثينه: طب ما انا عارفه بس بحب انقره شويه وكمان باين عليه بيحب رهف وشكلها كمان بتحبه
+
وليد: وانتى ايش عرفك
+
بثينه: باين عليها وعليه يا ليدو افهم بقه
+
وليد: اااااااااااه وانا اقول اتغير ليه معايا دلوقتى عشان كده
+
وخارج النادى
+
سارا: مش هاوصيكى تخلى بالك من نفسك ماشى وتسوقى براحه بس ياريت بسرعه اكثر من المره اللى فاتت
+
رهف: طيب خلاص عرفت وكمان استنينى بره عند بوابه الفيلا عشان مايلاحظوش اننا ماكناش مع بعض
+
سارا: اوك سلام
+
وسارا انطلقت بالسياره وبعديها رهف بثوانى
+
ورهف فى الطريق سيارتها توقفت فى مكان يبعد عن النادى ولا يسكن بجواره احد
+
رهف: كملت اعمل ايه دلوقتى امممممم اتصل بسارا ترجعلى
+
واخرجت موبايلها لكنه مغلق اه ههههه نكته صحيح والله كمان موبايلى فصل شحن هاعمل ايه دلوقت
+
لنحت بوق سيارتان جنب منها فيها شباب وبدأو يعاكسوها بكلمات مخجله
+
رهف بخوف : يالهوى يالهوى اعمل ايه دلوقتى
+
نزلوا من عربيتهم وراحو ليها : اش اش اش بنت وعربيه مره واحده لالالالا اكيد احنا بنحلم
+
رهف اغلقت جميع ابواب السياره واغلقت الزجاج وجلست تبحث عن اى شى موجود ليحميها منهم لكنها فشلت فى العثور على شى
+
الشباب ذهبوا الى السياره ويريدون تكسير زجاج السياره لتنزل لهم
+
وفعلا احد الشباب كسر الزجاج بسلاح كان معه
+
فا ياترى ايه اللى هايحصل
+
