رواية ويبقي الامل الفصل الثامن 8 بقلم رنا عبود والاء المنشاوي
داخــل شركـه المنشـاوي
...
فـي مكـتب عاصم طرقت السكرتيره باب المكتب ثم دلفت للداخـل
عاصم:في ايه ياهاجـر
عاصم: ميــن ده هو مقالش اسمـه طـيب
هاجـر: لا هو مش حب يقول
عاصم:طب دخليـه خلينـا نشوف ميـن ده
هاجـر: اتفضـل يافنـدم
عاصـم: وهو مندهش مش معقـوله ياسيـن الشافعـي
ياسيـن:وهو يحضتنه بحـب لا معقولـه ياباشـا ليـك وحشـه واللـه
عاصم: ااه فعـلا ده انت بقالك5سنين مسافـر يازفت ومحـدش يعرف عنـك حاجه
ياسيـن:اعمـل ايـه طيـب الشغـل والدنيـا كانت شغلاني ياعاصم باشا
المـهم سيبـك منـي انا
انت لسـه ما دخلتش القفص الذهبي ولا ايـه وهو يغمـز له
عـاصم: لا يابرنس لسـه وانت
ياسيـن:واللـه ياصاحبي كان فيـه مشوار خطوبه وبتـاع بس النصيب بقا كل واحد راح لحاله
عاصم: ربنـا يكرمك بالاحسـن ان شاء اللـه
المـهم قوم معايا دلوقتـي هنروح نتغدا ف البيت عندي ونقضي باقي اليـوم مع بعض ونكلم الواد خالد يجي هو كمـان
ياسيـن: ياربي هو خالـد لسه عايش وهو يضحك واحشني جداا الجدع ده واللـه
عاصم: هنكلمه واحنا ف الطريق يجيلنا ع البيت
ياسين: ماشي يابرنس يلا بينـا
**********
ياسين الشافعي..
هو صديق لعاصم وخالد منذ الصغر وفي نفس سنـهم م ويمتـلك قدر متوسط من الجمـال ولا يوجـد له اي اهـل لان والديه توفا منذ سنوات ....
*******
وهما في طريقهما لخارج الشركه
وجد عاصم موظف يجلس ويتحدث علي الهاتف
عاصم بعصبيه:والله كويس سايب الشغل وقاعد تتكلم علي التليفون قوم شوف شغلك يلا وخصم يومين بحالهم
الموظف:انا اسف والله يا عاصم بيه مش هعمل كده تاني بس بنتي تعبت جامد ولازم ابقي جنبها ممكن بس استاذن انهارده
عاصم:فاضل علي اليوم ويخلص ساعتين مش هيحصل حاجه لبنتك يعني في الساعتين دول
الموظف والدموع مترقرقه في عينيه:بس يا بيه
عاصم:من غير بس
اخرج ياسين من جيبه اموال واعطاها للموظف وقال موجها حديثه اليه:روح شوف بنتك واجازه بكره كمان متجيش وخلي الفلوس دي معاك
عاصم معترضا بعصبيه:بس ده مش نظام شغل يا ياسين
ياسين:هنزل اشتغل انا مكانه لو معترض
وجه نظره نحو الموظف ثم اكمل:يلا روح شوف بنتك مستني ايه
ذهب الموظف وهو يدعو لياسين ويشكره
عاصم بجديه:ايه ال انت عملته ده
ياسين:انا ال المفروض اقولك كده الراحل بيقولك بنته تعبانه والثانيه الواحده بتفرق مش الساعتين يا بيه لسه زي ما انت متغيريتش هموت واعرف جايب القسوه دي كلها منين
عاصم :طب يلا عشان ناكل
ياسين:لا خلاص مليش نفس اكل
عاصم:يلا يا ابني انا كلمت كوثر يعني لو مجتش معايا احتمال انام في الشارع انهارده يرضيك
ياسين:ايوه يرضيني بس يلا عشان طنط كوثر بس
......
اتصل اسامه باسراء
اسراء :ازيك يا حبيبي عامل ايه
اسامه:الحمد لله اخدتي الفيزا من مرام انا خلاص محتاج الفلوس
اسراء بحزن:ايوه اخدتها نبقي نروح بكره نسحب الفلوس
اسامه :ونستني بكره ليه انا هعدي عليكي انهارده يلا سلام عشان ورايا شغل
وضع اسامه هاتفه علي المنضده
فريال:ايه يا حبيبي البنت المشلوله دي هتجيب الفلوس امتي
اسامه:خلاص يا فوفو هاخد الفلوس انهارده
فريال:متنساش تبقي تضحك عليها بكلمتين
اسامه:مش طايق ابص في وشها هضحك عليها بكلمتين هبقي اجبلخا شيكولاته ولا حاجه اضحك عليها بيهم
فريال:ده ال ناقص تصرف عليها وتجبلها شيكولاته
اسامه:معاكي حق والله يا فوفو
......نسي اسامه ان يغلق المكالمه والمسكينه استمعت لكل المحادثه
القت اسراء هاتف وقع علي الارض وانكسر
وانهمرت في البكاء بنحيب عالي
اسراء :كان بيضحك عليا ....انا زي ما مرام قالت انا بالنسبه لي مجرد بنك ...حتي خالتو بتقول عليه مشلوله
قضت اسراء اليوم في غرفتها تبكي لا تعرف ماذا تفعل حتي جاء اسامه
جميله :اتفضل يا اسامه انا هروح اجيب اسراء
اسامه:متتعبيش نفسك يا خالتو هروح اجيبها انا
ذهب اسامه الي غرفه اسراء
حاولت اسراء التماسك
اسراء :اتفضل يا اسامه
اسامه:يلا عشان نسحب الفلوس
اسراء :للاسف مفيش فلوس
اسامه بعصبيه وصوت عال:يعني ايه
اسراء :زي ما سمعت ومتعليش صوتك عليا انت فاهم
امسكت اسراء دبلتها واعطتها اياه :اتفضل كل واحد يروح لحاله انا سمعت كل حاجه انا فعلا زي ما قلت مشلوله ومش طايق تبص في وشي يبقي خلاص من غير شوشره كل واحد يروح لحاله وا
اخذ اسامه يدور وحولها ويقول:انتِ فاكره نفسك مين،اقولك انا انتِ واحده مشلوله مش قادره ختي تقومي وتوجهيني تقريبا كده انتِ والكرسي بتاعك ده بقيتوا واحد اقولك حاجه كمان ،انتِ بنك فلوس لولا فلوسك دي مكنش حد بصلك اصلا ،انتِ حتي مش حلوه اي بنت احلي منك علي فكره شعر بني عادي يعني وعيون سودا زي الطين بالظبط
وانخفض لمستواها واكمل : مجرد بنك فلوس لاي حد ولا جمال ولا حلاوه ولا حتي بتعرفي تمشي
الدموع تنهمر بغزاره من عيني اسراء كادت ان تضربه علي وجه ولكنه قام واعتدل
اسامه مكملا:حتي بصي مش عارفه تضربيني لانك ببساطه قعيده
واخذ يضحك بصوت عالي
اسراء بصوت متحشرج:اطلع بره اطلع
اسامه:انا فعلا طالع بس مش عشان اوامرك
بس مش قبل ما اقولك الكلمتين اللي ع قلبـي
هو انتـي كنتـي مفكـرة أن فيـه حد هيبصلك ده أنتـي واحده مشلوله عارفه يعني ايـه مشلولـه يعني كوباية الميه مش بتعرفي تجبيـها لنفسـك انتي اصلا واحده عاله ع المجتمع والـناس
ده انا قولت اخد فيكي ثواب واخطبك وافرحك شويه وافرح انا كمـان بفلوسك بس اديكي عرفتي اللي فيـها ياقطـه
ثـم اقترب منـها أنتي كنتي مفكره اني ممـكن اتجوزك ده انا كنت بخرج معاكي لحد الكافيه اللي بره ع عيني لاني بكون مكسوف منـك ومن شكلك ده وكنت بخاف حد من معارفي او اصحابي يشفوني معاكي شكلي وقتها كان هيبقا ازاي
واطمـني محدش هيبصلك اصلا لان محدش هيفـكر ياخد واحده مشلوله قاعده ع كرسـي مش بتعرف تخدم نفسها يبقا تخدمي جوزك ازاي ولو فكر ف الخلفه دي هتبقا حاجه اصعب طبعـا
واحب اعرفك حاجه ف دنيتك اوعي تصدقي اي حد يقولك ياحبيبتي ولا بحـبك لان انتـي محدش هيفكر فيكي من الاساس واي حد هيقولك الكلمتين دول هيبقا بيضحك عليكي عشان فلوسك بقا او عشان حاجه تاني وهو يغمز لها بأستفزاز
انحني والتقط الدبله من علي الارض
اسامه باستهزاء:بس للاسف هاخد دي محتاج فلوس يا سوسو
صمت قليلا ثم اكمل :ايه القطه اكلت لسانك ولا ايه وعلي فكره حبتين العياط بتوعك دول مش هيدخلوا عليا يا اسراء
اسراء وانفاسها متقطعه :متجبش سيرتي علي لسانك يا ....
وصمتت لا تستطيع ان تخرج اي شيء مازالت تحبه الحمقاء
اسامه:يا ايه قولي
وانخفض لمستواها مره اخره
اسامه :متقولي ولا ايه
صمت طال قطعه صفعه مدويه من اسراء علي وجه اسامه
اسامه:انتِ بتضربيني والله لدفعك تمن القلم ده غالي اوي
اسراء بصوت خفيض:اطلع بره اطلع
اسامه:انا طالع بس جهزلهم بقي كذبه تقوليهالهم
وتظاهر بالبكاء وخرج
جميله:مالك يا اسامه بتعيط ليه ايه ال حصل
اسامه:اسئلي بنتك يا خالتو انا مش هتهان اكتر من كده في البيت ده
وخرج من المنزل
