رواية ويبقي الامل الفصل السادس 6 بقلم رنا عبود والاء المنشاوي
دقت مرام علي باب غرفه اسراء
مرام:دق دق
اسراء :ادخلي يا هبله
دخلت مرام:انا هبله لا انا كده ازعل واجيب ناس تزعل كمان
جلست مرام علي السرير
مرام:عارفاني انتِ وعارفه ان انا مش بعرف ازعل منك احكيلي بقي يا ستي عملتوا ايه انهارده
اسراء :عملنا ايه في ايه
غمزه لها مرام
مرام بمرح:فهماني وفهماكي بلاش مقاوحه بقي يا سوسو
بدات الدموع تتجمع بأعين اسراء
حاولت ان تخبأ عينيها بالنظر بعيدا
اسراء بصوت متهدج :امممم اكلنا ومشينا
امسكت مرام يد اسراء بحنان
مرام: في ايه يا اسراء؟ احكيلي انا اختك؟
لو محكتيش ليه يعني هتحكي لمين
قصت اسراء ما حصل
زفرت مرام بعنف
مرام:هو سي اسامه ده مش ناوي يبطل هو انتِ بنك ولا ايه معلش يا اسراء محتاج فلوس وهردهملك تاني ومبنشوفش منه حاجه هو اصلل معتبرك البنك المتحرك بتاعه مخليكي مركونه علي الرف بس لما يعوز فلوس يجي ياخدها هو ايه ده
لم تسطع اسراء حبس دموعها اكثر من هذا
وبدات في البكاء
احتضنتها مرام:معلش يا اسراء مكنش قصدي حاجه انتِ عارفاني مسحوبه من لساني
اسراء:انتِ مقولتيش حاجه غلط يا مرام
وابتعدت عن مرام
اسراء:بس ممكن تسيبيني لوحدي شويه
مرام:لا...
-لو سمحتي
قالتها اسراء قاطعه لجمله مرام
خرجت مرام وتركت اسراء بمفردها دون ان تزيد حرف واحد تشعر وكانها زادت الطين بله
******
في فيلا المنشاوي
بالتحديد بغرفه خلود
جالسه علي سريرها ممسكه بقلم وورقه تريد ان تكتب شيئاً ولكن افكارها مشتته
باب غرفتها يدق
خلود :اتفضل
دخل عاصم الغرفه
عاصم:الجميل بيعمل ايه
خلود بمرح:ايه ده عاصم مره واحده ده انا كنت قربت انسي ان انا عندي اخ
امسك عاصم الوساده والقاها عليها
عاصم:نعم تنسي ان عندك اخ وبعدين تعالي هنا هو انا اتنسي اصلا
خلود:ايوه بقي واثق من نفسه
وغمزت له
امسك ساقه قميصه ورفعها
عاصم:ايوه طبعا يا بنتي
خلود:مش عارفه والله يابني امتي تتجوز ونخلص منك انت قربت تعجز جنبي
عاصم:قربت اعجز ايه بس يا شيخه حرام عليكي هما كلهم 32سنه وبعدين انا لسه صغير علي موضوع الجواز ده
خلود:انا بقول تتجوز وانت عندك 64سنه تبقي حتي كونت نفسك
عاصم:ايوه حلو السن ده يا دوب اكون كده استعديت
خلود:انا اقولك علي حاجه عيش راهب احسن لك
صمت عاصم قليلا ثم استطرد قائلا :بقولك ايه يا خلود هو انتي ليكي في تفسير الاحلام
خلود:الحمد لله بس مش اوي بردو احكي الحلم كده
عاصم:"ماشي في طريق ضلمه خالص بس في اخر الطريق نور نور صغير خالص يكاد ميتشافش يعني وكان جانبي حاجه شكلها وحش اوي شكلها مرعب اصلا الغريب ان انا مكنتش خايف منها منت حاسهها صاحبي وبعدين النور ده اختفي والحاجه دي وقعتني علي الارض وبعدين كانت هتاذيني وفجاه النور ظهر تاني بس قوي قوي جامد والوحش بعد بس من بعدها مبقتش شايف حاجه خالص بقيت سامع صوت بس مش واضح ومش عارف بيقول ايه "
كان عاصم يحكي بانفعال شديد يتفاعل مع احداث الحلم
عاصم:ها عرفتي نفسيره
خلود:مش اوي يعني في جزء في الحلم مش عارفه افسره بس من امتي والحلم ده بيجيلك؟
عاصم:من مده وبيتكرر كل يوم
خلود :حاجه تقلق بردو
******
في صباح يوم جديد
وفي كليه حقوق
كانت مرام واقفه منتظره خلود
رات مرام عادل قادم من بعيد
مرام بقلق:عادل ايه ال جابك
عادل:جاي كليتي عادي جدا يعني
مرام:طب امشي ادخل الكليه يلا
عادل:بقولك ايه وحشتيني بقالك يومين مبتكلمنيش وانا زهقت
مرام:مش وقته لو حد شافنا هيبقي منظري ايه
عادل:زميلتي وباخد منها المحاضره خلصنا انا اصلا ماشي بس هستني مكالمتك
غمز لها ثم غادر
*****
في بيت خالد واماني
مدت اماني يدها لخالد بورقه طويله
اماني:خالد احنا عايزين الطلبات دي في البيت
خالد:كل دي طلباا هو احنا بنجيب طلبات لنفسنا ولا للمنطقه كلها يا اماني
اماني:اعمل ايه بس يا حبيبي محمود طلباته كتير وغير كده البيت اصلا بيحتاج طلبات كتير
تناول خالد منها الورقه
خالد:أمري لله هجيب الطلبات بس هموت واعرف كل ده بيروح فين
قرأ خالد ما في الورقه
ثم نظر لها بتعجب
اماني:في ايه يا خلودي
خالد:خلودك انتي كاتبه ب.... جنيه شيكولاته ليه عازمين الجيران علي شيكولاته ولا ايه
-عشاني يا خلودي بحبها
قالتها اماني بدلع
تنحنح خالد ثم استطرد :اذا كان كده ماشي
خرج محمود من غرفته وجري علي خالد
محمود:بابا بابا
خالد:نعم يا قلب بابا
محمود:كنت عاوز حاجه
خالد بقله حيله:عايز ايه انت كمان
محمود:وطي عشان اقولك في ودانك
اماني:لا مليش في انا عايزه اعرف
محمود بتهته تليق علي عمره :ده كلام رداله ده يا مامه ملتيش دعوه بيه
اماني بتذمر:لا انا مليش دعوه عايزه اعرف
خالد :الصبر يا رب انا عايش وسط طفلين والله يلا يا حبيبي قول عايز ايه
محمود:في ودنك
حمله خالد
همس له محمود بعده طلبات ثم ابتسم
خالد:بس كده من عيوني
اماني:كان عايز ايه
خالد مخرجا لسانه:كلام رجاله
وخرج ليحضر الطلبات
