رواية لعنة ما قبل العشق الفصل السابع والثلاثون 37 بقلم سندريلا

(اغنية روحت لفين للفنان فضل شاكر)

امجد بصوت عذب وهادئ:رووحت لفين..وسايبني لمين..دااناا كلي حنين وفي قلبي غراام..نفسي اللقيك بقي..وافرح بيك..داانا مستنيك ترجعلي قوااام...

انتهي امجد من ذلك المقطع الصغير ولكن آيات كانت في ذهول بسبب عذوبة صوته كيف يكون هذا صوت امجد فهي اعدادت علي صوته العالي الغاضب..

اطلق امجد تنهيده طويله لتخرج ما بداخله من ألالم وقال:انا مابقتش عارف انا عاوز اي يا آيات.

سكت آيات ولم تجيبه..

امجد:انا عارف انك سمعاني من ساعة ما غنيت وعارف انك صاحيه بس مش عارفه تعملي اي.

رفعت آيات وجهها له وكانت عيونها تملئها الدموع وهربت منها دمعه فمد امجد يده ومسحها...

امجد:بتعيطي لي؟!

آيات بصوت مهزوز:معرفش.

امجد:ولا انا عارف ولا فاهم اي حاجه.

آيات:لي.

امجد:ساعات ببقي محتاج حد يفهمني..مش عاوز اكتر من ان حد يفهمني..حد بس يحتويني في عصبيتي حد يستحملني..انا عارف ان محدش هيستحمل اني ازعج او اشخط فيه..بس انتم لو عرفتوا سبب كدا هتعذروني..وفي نفس الوقت مش عاوز احس من اللي قدامي انه بيشفق عليا..او يحسيني اني ضعيف.

ثم ابعد وجهه عنها ونظر للمدفئه فرفعت آيات يدها ووضعتها علي خده الاملس وجذبته نحوها فنظر لعيناها..

آيات:انا هستحملك يا امجد بيه..انا هحتويك في عصبيتك ومش هسيبك.

تنهد امجد وقال:خايف لما نقرب اكتر أذيكي.

آيات:مايهمش.

امجد:مش خايفه علي نفسك مني..هاتسمحيني لو اذيتك في يوم.

آيات:اه هسامحك لاني عارفه وواثقه ان قلبك طيب بس انت عديت بضغوط و فتره صعبه غيرتك.

امجد:صعبه بس دا كابوس.

مدت آيات يدها الثانيه واحضتنت وجهه بالكامل وقالت:انا معاك لحد ما ارجعك زي زمان واحسن كمان.

ابتسم امجد لها ثم قال:لما ببقي معاكي ببقي امجد بتاع زمان..بمجرد انك تبعدي بحس ان ماليش نفس لإي حاجه.

انزلت آيات يدها وحاولت ان تنهض فمنعها امجد وقال:لا ماتخرجيش من حضني خاليكي نايمه فيه لحد الصبح.

آيات:بس انا كدا هتعب حضرتك.

مسك امجد كف يدها ووضعه عند قلبه وقال:مفيش تعب في وجودك.

ابتسمت آيات ثم تحولت ملامحها لحزن مفاجئ..

امجد:كنتي بتعيطي لي الصبح.

آيات:هو حضرتك لاحظت؟!

امجد:من غير ما الاحظ وشك بان عليه وكمان قاعده تحت الشجرة اللي امي لما كانت تزعل تقعد تحتها فعرفت انك زعلانه.

صدمت آيات وقالت:ا..انا معرفش انها شجرتها او انها لما بتزعل بتقعد تحتها.

امجد:عاارف ماتوهنيش قولي كان مالك.

ابعدت آيات نظرها عنه وقالت:رنيم صحبتي كل شويه تسالني اذا كان في حاجه بيني وبين حضرتك ولما شافتك شايلني يوم ما اهلي ماتوا اتعصبت جامد.

امجد وهو يعقد حاجبيه:وهي مالها بيكي مش دي حياتك.

آيات:عارفه بس هي خايفه عليا بس.

امجد:مش هتخاف عليكي اكتر مني..ويلا نامي كفايه كلام..ثم ضمها له بقوه وقال:حاسه بالدفى دلوقت.

آيات وهي تدفن رأسها في عنقه:اممم بس كدا هتاخد بارد.

امجد بسخريه:لالامتخافيش متعود من صغري علي كدا.

آيات:ازاي؟!

امجد:هششش نامي يلا.

آيات:حاضر بس عاوزه اقولك حاجه قبل منام.

امجد:قولي

آيات:صوتك كان جميل اووي.

امجد:عارف عارف المعجبات كتير.

آيات:مش بهزر والله كان هادئ جدا وحنين.

امجد:طيب نامي يامو حنين بدل ما اوركي الحنين دا ممكن يعمل فيكي اي دلوقت.

آيات:خلاص خلاص بس اخر حاجه.

امجد بنفاذ صبر:هااا قولي.

آيات:مش دي اغنيه فضل شاكر بتاعت وفين لياليك عماال بناديك.

امجد:اه هي يلا نامي.

آيات:حاضر اهوه..

نامت آيات وظل امجد مستيقظا كان يشاهد ليل ومهره وكيف يعبر ليل عن حبه واهتمامه بزوجه كانت مهره مستلقيه علي الارضيه وهو خلفها ويضع رأسه عليها ليشعرها بالامان..كانت مهره تستيقظ من النوم نتيجه حركة جنينها فتصدر صوت مهزوز يحمل الكثير من الألم فكان ليل يطمئنها بوجوده فكانت تشعر بالامان وترجع لنومها..

تعجب امجد من ذلك الموقف هل الحيوانات أيضا تشعر بالحب..وتستطيع التعبير عنه..

نظر لآيات فوجدتها نائمه فقبل رأسها بهدوء تام ثم أرجع رأسه للخلف واسندها علي الحائط وقال:تصبحي علي خير يا آيات..وناام هو كذلك...

يتبع..