رواية عشق ما بعد الطلاق الفصل الثاني 2 بقلم ساره فاضل
#عشق مابعد الطلاق
+
قيصر
ألو ماما
أشلونكم شخبارج
1
أم قيصر
الحمدلله ماما بخير أنته شلونك اخبارك
+
قيصر
الحمدلله
بخير عموو شخباره شلون صار
+
أم قيصر
الحمدلله عمك زين وحالته مستقره وصار يومين طلع من المستشفئ انشالله بليل طيارتنه جايين للعراق لأن عمك مختنك ماحاب الكعده بتركيا تعرفه مثل السمجه بس يطلع من العراق يموت
1
قيصر
هلابيكم تنورون العراق وانشالله اني اليوم بليل اطلع لبغداد حتئ استقبلكم
1
ام قيصر
لاماما خليك بالعماره كمل أجازتك إني من اوصل للبغداد أخلي عمتك ام سامر يم عمك وأني أجيك للعماره عندي موضوع وياك واريد هناك احجي بي
+
قيصر
ماشي ماما واني هم محتاجج بموضوع ضروري غير قابل للتأجيل
+
أم قيصر
أذا الموضوع بخصوص سمر اعتبره مرفوض ورجائآ لاتخرب فرحتي. بجيتي للعراق بهيج مواضيع
3
يلا ماما اني اروح لازم احضر الجنط انشالله اشوفك عن قريب
+
قيصر
توصلون بالسلامه ماما
+
سديت التليفون وأني محتار بأمري أمي قبل لاتعرف الموضوع رفضته اشلون اقنعهه بسمر وهيه تشوف العمه ومتشوفهه
2
شلون ياربي اقنع امي بدون مااجرحهه
+
طلعت بره بيت خالي ورحت ع البستان لكيت والي يشتغل بكاعه تخبل وهواهه يرد الروح
+
السلام عليكم والي
+
والي
وعليكم السلام هلا بالخطار
+
قيصر
شجاي تسوي والي ماتكعد ترتاح
والي
لا انه ارتاح هناا هاي كاعنه واحبهه اي احبهه
+
قيصر
والله سبع والي انته خوش زلمه أنته ليش ماتزوج وتسويلك بيت
+
- .
والي
لاانه مااتزوج من اكبر اتزوج يكول ابوي وانه أحب زهره بت خالي هههه بس هيه ماتحبني
+
قيصر
اي صح من تكبر اتزوج زهره بس صير سباعي واتعلم وافهم لاتضل زغير وانته تزوج وتكون نفسك بس كول انشالله
1
والي
انشالله
+
قيصر
واختك ناي ليش ماتزوج
1
والي
ناي خطيه ناي هاي بس تشتغل وتخبز خطيه هيه مثلي ماعدنه ام واخوي سجاد جان يعاركهه من راح بعيد هيه ارتاحت منه ابوي يكول راح يزوجهه حته من يموت مثل امي مايخاف عليهه
+
قيصر
انشالله انته تزوج وهيه تزوج ويرتاح خالي ويعيش ويشوف خلفتكم
اكلك والي الشط بعيد قريب ماتذكرله وين
والي
موبعيد عبور ذاك الشارع البطارف البستان
+
قيصر
ماشي اني رايح من رخصتك
+
رحت اتمشه للشط الجنت شما اجي للعماره اجي اكعد يمه جنت اجي ويه امي نكعد ع الجرف امي تحبه تكول هنا جانت تلتقي ويه ابويه من جانو طلاب بالمدرسه
1
من بعيد شفت ناي كاعده ع الجرف وفاله شعره الكيرلي وشامره شالهه على شعرهه بكسل بدون ماتلفه ومخليه اديهه وراهه تحنحنت وكعدت يمهه وكتلهه
عادي اكعد يمج
+
ناي
يمه سم الله طركاعه جان يبست كلبي شجتك تسودنت حسبالي جني الشط
10
هههه هاي شبيج شفتي جني
+
ناي
والله اني اكمز من خيالي لاتشوفني الساني شطوله وبعدين جنت صافنه ليش تكمزني تنحنح كول اه كلبي
+
قيصر
هههههه اسف
+
ناي ليش عيونج مدمعه
+
ناي
جنت اتذكر امي ماصارلهه هواي من ماتت وخلتني ابحدي
بالنهار اشتغل وبس يليل اليل انام لاعندي ام الاشكيلهه الهموم ولااخت الاتونس وياهه والي ينام بس يتعشئ وابوي مريض ياخذ دوا وينام والتلفزيون يملل عاد امل وانام
1
قيصر
الله يرحمهه شنو جان مرضهه وتوفت سمعت مريضه وماتت
+
ناي
اي جان عدهه سرطان وكتشفنا متأخر حيل ماطولت بسرعه توفت والصدك ماجان عدنه فلوس نوديهه للطبيب وتعرف الاطباء الله يسلمهم مستلمينهه مقاولات وخطيه هيه ماجانت تشكي عاد ماطولت فتره قليله وراحت للرحمه وخلتني وراهه
+
قيصر
الحمدلله أنتي موجوده لخالي والوالي هاذ المسكين منو الهم غيرج بالعكس اوكفي وسندي طولج حته ينتجون عليج
4
ناي الحمد لله ع كل حال يلاا اني اترخص عندي شغل بلبيت
+
قيصر
كامت هاي البنيه وعيونهه مليانه حزن ع مستقبلهه الضاع وع امهه
تذكرت حبيبتي سمر وكلت ياريت عدهه شوي من تواضع وخفت دم ناي
رجع بيه الزمن وتذكرت اول يوم شفتهه
+
جان يوم حر موطبيعي جنت داخل الجامعه متأخر ومستعجل وجان اندعم ببنيه سمره وطويله ماجانت حلوه بس جذابه جان شعرهه مفتوح قصير وكيرلي
+
جانت مغروره بنفسه او خل نكول واثقه من نفسهه ماأعرف شنو شدني الهه اتأسفت الهه
+
سمر
مره ثانيه باوع الطريقك
+
قيصر
موكتلج اسف ليش هلعصبيه ماصار شي دكتوره، ،،،
+
سمر
دكتوره سمر
سمرمحمد
+
قيصر
واني دكتور قيصر محمد تشرفت بمعرفتج
12
وهناا جان اول تعارف بيناتنه جانت حاده ونرف كولش بس اني جنت معجب بيهه ولطفت الحديث مرت الايام وتعرفنه اكثر من خلال اصدقاء مشتركين الي والهه شوي شوي تبادلنه ارقامنه وحبينه بعض تخرجت قبلهه وهيه وراي بسنه لزمنه خفر بنفس المستشفئ ودواماتنه سوه حبيتهه من كل كلبي بس هيه بارده ماتعرف تعبر عن مشاعرهه وعصبيه سبق وكلت متحترم المراجعين وتقلل من قيمتهم وتعترف بالناس بلبسهم ومكانتهم الاجتماعيه شكد حاب اغير طبعهه بس مجاي اعرف وامي بسبب اطباعهه وطريقة تعاملهه كرهتهه ورافضه موضوع زواجنه رفض قاطع ومااعرف شلون اقنعهه خذتني افكاري مااشوف بس الشمس غابت
+
كلت ارجع للبيت رجعت ولكيت البيت نضيف وريحة بخور والقرآن مشتغل راحه نفسيه لشوي ونصب العشه نواشف وكبب وخبز حار
انها اجوا الريف ياأصدقاء،هههههه
تعشيت وسالت بنت خالي
+
اكلج ناي اكو انترنيت عدكم
+
ناي
لا ولله ماعدنه بس سامعه عد جوارينه
+
قيصر
2015ومتستخدمونه لعد يمته يوصلكم التطور
+
ناي
خلينه التطور الك يلبغدادي تصبح ع خير
23
-
قيصر
وانتي من اهل الخير
خل انام احسلي جن الوكت هنا ميمشي لأن ماكو لانت ولا ضوضاء المدينه
+
ناي
كمت من ابن عمتي يسأل هواي واني مابيه اداهر واحجي رحت اشوف شجايب بعلاليكه لكيت جايب قماشات تخبل وشالات وحته عطور ودشداشه لبوي ولوالي خطيه عمتي ماتنسانه حته وهيه بغير دوله خليت كلشي بمكانه وصفطتتهن ورحت انام ردت اذب العلاليك بطريقي بس شفت بداخل العلاكه خاولي علي اسم قيصر مسوينه تطريز بخيوط ذهبيه وهوه نيلي كلش كشخه وحلو وعطره يجنن ردت انطي اله بس شفت الوكت اتاخر كلت باجر. رحت نمت مااحس اله ابوي يكعدني الصبح كعدت وسويت الريوك ولكيت ابوي جايب صمون وگيمر صدك الفرن بعيد بس خطيه مستخطيني اخبز من الصبح الله يخليليا وسويت وياا بيض عيون اهل بغداد يحبونه هههه وسويت الجاي ودزيته الهم بيد والي خلصو ريوكهم وكال ابوي عمتج اليوم غداهه يمنه
+
كتله صدك بويه واني الكاع ماشايلتني عمتي اموت عليهه جيتهه جنهه العيد عدي
+
اي بويه خابرت قيصر البارحه وكالتله جايه وغداي يمكم
+
-وبلشت بتحضير الغده ابوي ووالي راحو للشغل وقيصر راح شوي وياهم ورجع كعد بالستقبال
+
اني سويت دجاج محشي وتمن برياني ومركه فاصوليا وزلاطات مابقئ عندي بس الخبز بين مااخبز اجي الكي المركه جاهزه
رحت ورا البيت اخبز بتنور الطين جاي اخبز وشفت عمتي نزلت من سياره من بعيد دكت الباب وسمعت قيصر طلعلهه كلت اخلص خبز واروح اسلم عليهه كلبي طاك ع شوفتهه خلصت خبز دخلت خليت خبزي ع الكاونتر ورحت العمتي
+
يمه هلاا بعمتي هسه نور البيت
حبيبتي عمتي عدنه شلون نعبر عن فرحنه وسعادتنه
+
ام قيصر
بالمهلي يعمري وروحي فدوه لهللسان الذرب فدوه لله شمااجيكم اشوفج تحلين اكثو وكثر ماشالله صايره عروس
+
قيصر
كافي ياماما موخجلتيهه للبنيه
3
هههههه جنت اخبز عمه ماتدرين بتنور الطين يموع الخديدات
+
ام قيصر
فدوه للخديدات ههههه وين ابوج ووالي اريد اشوفهم
+
- و سجاد
هلا خويه هلا بريحة هلي نورتينه
+
ام قيصر
ابن الحلال بذكره استوني اسال عليك
+
ابو سجاد
تسال عليج العافيه بعد اخوج
خويه عذريني مااجيج تدرين بضروفي
+
ام قيصر
ادري ياخويه وهلجيتك تعرف مااكدر مااشوفك هواي احس بروحي تختنك
+
أسم الله عليج خويه سالمه روحج
+
يلاا بويه ناي غداج عمتج جوعانه
+
ناي
حاضر يابه من عيوني ربع ساعه وكلشي يجهز
+
يتبع،،،،
لاتنسون التصويت احبائي قرائه ممتعه
9
