رواية ويبقي الامل الفصل الثاني 2 بقلم رنا عبود والاء المنشاوي
في كليه حقوق
مرام:سياده المحاميه وحشتيني
خلود:سياده محاميه مره واحده يبنتي لسه فاضل سنه ونتخرج ونبقي كلنا محامين بقي ونفرح كلنا ونجيي ناس تفرح
مرام:ايوه هنفرح ونجيب ناس تفرح بس الاول نعرف نعدي السنه دي وال بعدها تمام
مرام بمرح:دخلاها اهو اتفضلي قدامي يا هانم بنات اخر زمن
خلود:بقي كده
مرام:هو انا اقدر بردو
خلود:ايوه كده اتعدلي
*********
في شركه المنشاوي للالبان
احد الموظفين )محسن(:سمعت اخر الاخبار
هشام) احد الموظفين(:لا معرفش ايه اخر الاخبار يا وكاله رايتر
محسن:عاصم بيه هو ال هيمسك الشركه بدل باباه
هشام:عاصم بيه ال هيمسك الشركه لا بتهزر ده هيخلي الشركه زي الالف مش هنعرف ناخد راحتنا زي الاول
دخل خالد ووجدهم يتحدثون
خالد بعصبيه:والله كويس قاعدين هنا وسايبين شغلكم يلا كل واحد علي شغله يا بيه منك ليه انتو عارفين لو عاصم شافكوا هيعمل فيكوا ايه
وفر الرجلان من امامه فخالد وعاصم وجهان لعمله واحده في العمل
دخل خالد مكتب عاصم
عاصم:مالك يا خالد في ايه
خالد:الموظفين جايين يلعبوا مش يشتغلوا
عاصم بعصبيه:والله لوريهم هما مفكرين الشركه قهوه ولا ايه
دخل ماجد )والد عاصم(
ماجد:في ايه يا عاصم صوتك جايب اخر الشركه
عاصم:في ان الموظفين اتعودوا علي الدلع
ماجد:اهدي يا عاصم في ايه هما عبيد عندك يا ابني يشتغلوا شويه ويريحوا شويه
عاصم:الشغل شغل يا بابا وال مش قد الشغل مبشتغلش يقعد في بيته احسن التفت ماجد الي خالد
ماجد:طب فهمه انت يا خالد
خالد:بصراحه يا عمي خالد معاه حق الشغل شغل
ماجد:لا حول ولا قوه الا بالله هموت واعرف اماني مستحملاك ازاي اصلا
خالد وقد لان صوته قليلا:اماني
ماجد:ايوه اماني يا اخويا ،صحيح قبل ما انسي كوثر عزماكم علي الغدا عندنا انهارده بنتها وحشتها اوعي بقي متجيش وانت عارف كوثر
خالد:والله يا عمي مش فاضي اليومين دول
عاصم:بيقولك ماما عزماكم وانت عارف ماما بقي
خالد بمرح:طنط؟؟! هو انا اقدر ارفض لطنط طلب
عاصم وماجد بنفس الوقت:ايوه جيب ورا بقي 
********
بعد انتهاء يوم عمل شاق للكل
في فيلا ماجد المنشاوي
كوثر :ماجد قلت لخالد ان انا عزماهم انهارده
ماجد:ايوه يا كوثر قلتهلم وزمانهم جايين في السكه
كوثر:هو عاصم لسه محاش اتاخر ليه
ماجد:انتِ بتحسيسيني ان عاصم لسه بيبي صغير ده بقي راجل دلوقتي وهيمسك الشركه
كوثر :لو بقي عنده 100سنه لسه هيفضل صغير في عنيا نفسي افرح بيه يا ماجد والله واشوفه عريس كده
ماجد بمرح:نعمل ايه ابنك قفل ملوش غير في الشغل مش عارف مطلعش لابوه ليه
وعدل من ياقه قميصه الوهميه
دق جرس الباب
كوثر:اعتماد افتحي الباب
ذهبت اعتماد وفتحت الباب
بمجرد ان فتح الباب جري محمود باتجاه جدته واحتضنها
محمود:تيته تيته وحشتيني اوي
اماني :كده يا محمود تسيب ايدي وتجري
كوثر:هو راح لمين يعني راح لجدته حبيب قلب جدته
خالد :هو انا مليش من الحب جانب ولا ايه
كوثر:عندك مراتك تبقي تدلعك هي براحتها
نزلت خلود مسرعه من علي الدرج
خلود:مون مون جيتي عاش مين شافك يا اخت
اماني:انا تمام الحمد لله وانتي كمان وحشتيني هي دي ازيك عامله ايه وحشتيني
خلود:ازيك عامله ايه وحشتيني
امسكت بيدها وسحبتها خلفها
خلود:تعالي معايا عايزاكي في موضوع
كوثر:طب استني لما اسلم عليها الاول
خلود :لا يا كوكو عايزاها في موضوع مهم
صعدت الفتاتان الي الاعلي
خالد:هو عاصم لسه مجاش ولا ايه
دخل عاصم
عاصم:لا انا جيت اهو اتاخرت ليه يا كابتن
كوثر :انت ال جاي بدري يعني علي فكره انا زعلانه منك مش قلتلك تيجي بدري
عاصم:هو انا اقدر علي زعل كوكو ده انت ال في القلب يا كوكو
خالد :كل بعقلها حلاوه يا ولا
ونظر اليه عاصم
خالد:انا بس بهدي النفوس
عاصم:مين دخلك في النص اصلا يا رخم انت
كوثر :انتو هتتعركوا ولا ايه انتو مش ناوين تكبروا ابدا
عاصم وخالد بنفس الوقت :لا
وعلت صوت ضحكاتهما بعدها
*******
في منزل الغزاوي
جميله:مرام روحي هاتي اختك
اسراء بعينين مملؤتان بالدموع:متتعبيش نفسك يا مرام انا جيت
مرام محاوله تلطيف المكان:مفيش تعب ولا اي حاجه يا سوسو هو انا افديك الساعه لما اساعد اختي حبيبتي شويه
وقبلتها في وجنتيها
جميله:بتقولي كده ليه يا اسراء احنا كلنا معاكي متخافيش مش هنسيبك لوحدك
اسراء :ولا لو سبتوني مش هيحصل حاجه يعني
وبدات بتحريك كرسيها المتحرك الي داخل غرفتها واغلقت الباب
بدات جميله في البكاء ابنتها منذ فقدانها القدره علي المشي وهي سلبيه حتي في افكارها لا يستطيع اخراجها مما فيه غير اسامه
جميله :رني علي اسامه يجي يكلم اسراء يا مرام
مرام:انا مبحبش الولد ده يا ماما
جميله:مرام عيب ده خطيب اختك وابن خالتك كمان احترمي نفسك
مرام:حاضر يا ماما هروح اكلمه يجي
ذهبت مرام ورنت علي اسامه ولكن هاتفه مغلق
مرام:تليفونه مقفول يا ماما
جميله بقله حيله:طب هنعمل ايه دلوقتي
مرام:هدخل اكلمها انا
*****
بالرجوع لفيلا المنشاوي
بالتحديد في غرفه خلود
اماني:هااا يا خلود عايزه ايه
خلود:تصدقي ان انا غلطانه ان انا كنت هقولك
واعادت حديث اماني بطريقه مضحكه "هاا يا خلود عاوزه ايه"
اماني :هتقولي عايزه ايه ولا اقوم اشوف ابني
خلود :اماني هو يعني ايه حب وكده
اماني:يعني ايه حب وكده شكلك وقعتي ومحدش سمّا عليكي
خلود بنبره ثقه:وقعت ايه يا بنتي خلود المنشاوي تقع هااا بقولك ايه سيبك من السؤال الرخم ده قوليلي بقي هو ازاي اعرف اذا كان ال قدامي معجب بيه
اماني:بت يا خلود اتكلمي في ايه
خلود:من الاخر كده في دكتور عندنا في الكليه
اماني:دكتور وكليه
خلود:ممكن تسيبيني اكمل كلامي في دكتور عندنا في الكليه اسمه حسام مهتم بيه شويه زياده عن باقي الدفعه والبنات بدات تلاحظ وكده ومن فتره كان عايز يتكلم معايا بس مرام قالتلي بلاش
اماني:مرام معاها حق بلاش تكلميه وتجنبي مواقع الشبهات وتعالي ننزل تحت بقي .
