رواية ويبقي الامل الفصل الخامس عشر 15 بقلم رنا عبود والاء المنشاوي
الحلقه الخامسه عشر
في مبني كبير
وبالتحديد في شقه به
خرجت ريم من الحمام وشعرها مبتل وكانت تلف نفسها بمنشفه
وكان هاتفها يرن بنغمته المميزه للمتصل المميز او ممكن ان نقول لمصدر الاموال المميز
امسكت ريم هاتفها
ريم:مش وقتك انت خالص اسامه زمانه جاي وملحقتش اظبط نفسي
انقطع الرنين فجأه
ريم:احسن بردو حتي النغمه الرخمه زيك دي تسكت بقي مش عارفه اسامه ممصم احطهالك ليه
القت هاتفها علي السرير ثم اتجهت بخطوات بطيئه نحو خزانه الملابس
وبدات تقلب بين ملابسها:امممم البس ايه انهارده يوم مميز لازم البس حاجه كده اسبشيال
ااخرجت ريم فستان قصير بلون الاحمر القاتم ذو ظهر مكشوف منسدل بطريقه مغريه بدون اكمام
ريم بابتسامه واسعه:هو ده
ارتدته ريم
صففت شعرها وجعلته من مموج بطريقه مغريه وصبغه شفاها بنفس لون الفستان
مغريه كانت هي اكثر من ذلك
سمعت صوت جرس الباب
ارتدت حذاءها ذا الكعب العالي بلونه الاحمر القاتم
وابتسامتها محفوره علي وجهها خطت خطواتها ببطئ وفتحت الباب
دخل اسامه غاضبا :كل ده بتفتحي
ولاحظها لاحظ ما ترتديه وما تضعه
خيم الصمت المكان لولا صوت صفير اسامه
اقترب منها اسامه ببطئ مهلك للاعصاب :اذا كان التاخير ده كله عشان كده يبقي معنديش مشكله
وضحكة جرئيه كانت هي رده فعلها
اسامه:ليلتنا فل انهارده
صدع صوت رنين هاتف ريم بنغمته المميزه لعاصم مره اخري
ابتعد عنها اسامه وجلب الهاتف
اسامه:ردي وقوليله ال هقولهولك دلوقتي وافتحي الاسبيكر
تأفأت ريم بغضب
اسامه: مش وقته خلصي
امسك يدها ووضع الهاتف بعنف
اجابت ريم
ريم:الو ازيك يا عاصم عامل ايه
عاصم:الحمد لله وحشتيني اوي علي فكرة
ريم:مش لسه متكلمين الصبح
عاصم:اعمل ايه بتوحشيني بسرعه بقولك ايه متنزلي نتقابل
ريم:لا مش هينفع انهارده
عاصم:صوتك ماله انتي زعلانه ان انا بكلمك
نظر لها اسامه والشرر يتطاير من عينيه
ريم:ابدا يا حبيبي عندي برد بس
اغلق اسامه مكبر الصوت
اسامه:اتكلمي كويس عشان ميشكش في حاجه وقوليله يجي بعد يومين علي اللوكيشن ال هتبعتيله عشان يقابل اهلك
قالت ريم لعاصم كل ما املاه عليها اسامه
عاصم:اخيرا مش مصدق نفسي
ريم:لا صدق يا حبيبي
نادت خلود علي عاصم
عاصم:طب سلام دلوقتي
ريم مع السلامه
اغلقت ريم المكالمه والقت بالهاتف ع السـرير
ثـم اقتـرب منـها اسـامه وع وجهه ابتسامه خبيـثه: كـده حلوو اوووي مش يلا بينـا احـنا بقـا
ريم-: يلا بينـا ايه بس احـنا لسـه الليـل طويـل
اسـامه:وانا عايز الحق الليل من اولـه ثـم اطفئ نـور الغرفـه
****
وبداخل غرفه المكتب في فيلا المنشاوي
يجلس عاصم بكبرياء علي المكتب ممسكا قلمه وامامه اوراق مهمه
دخلت خلود غرفه المكتب والتي نادرا ما تدخلها
تتعجب دائما من ذوق اخيها ديكور باللون الاسود المطعم باللون الذهبي الذي يكسبه الكلاسيكيه الفخمه
لوحه كبيره علي الجدار فقط صوره دخان علي لوحه سوداء
مكتب باللون العاجي وكراسي بلون ذهبي خالص
التفت خلود في الغرفه
خلود بقلق:عاصم انت كنت عايزني في حاجه
نظر لها عاصم والابتسامه محفوره علي وجهه
عاصم ولهجته مرحه :ماتدخلي يا بنتي هاكلك
خلود:تحس كده يا اخي في وقار في الديكور ثم نظرت اليه :مش لايق عليك خالص علي فكره
عاصم: تصدقي انا غلطان ان انا دخلتك فيها اصلا اطلعي بره
خلود مصطنعه البكاء:بتطرد اختك يا عاصم وعشان مين عشان دي واشارت علي اللوحه
صدي صوت ضحكات عاصم في الغرفه
عاصم:اوڤر طول عمرك خلينا بقي نتكلم جد شويه عشان اخلص منك
خلود:عايز تخلص مني يا عاصم يا خساره البيتزات والشيبسي ال ما بيني
عاصم:والله الواد صعبان عليه هيستحمل هبلك ازاي
قفزت خلود علي الكرسي
خلود بتساؤل:واد مين ها ها؟؟
عاصم:اهدي يا بابا الكرسي هيتكسر،انتي تعرفي حاجه عن الدكتور حسام ال عندك في الجامعه
توردت وجنتيها وجلست علي الكرسي بهدوء وبصوت منخفض :حسام
نظر لها بتعجب
عاصم:ايوه حسام مالك اتغيرتي من قرده وبقيتي قطه ليه كده
وبحركتها المعهوده عندما تخجل تفرك يداها كثيرا
خلود بنفس نبره الصوت المنخفضة:ابدا مفيش حاجه
نظرت لها فوجدته ينظر اليها
هربت بانظارها الي أرض الغرفه
عاصم:انا بقول اكلم بابا في الموضوع وعلي بركه الله علي الاقل اخلص منك وارتاح
اخرجت لسانها:مش هتعرف ترتاح مني ابدا
عاصم:الهبله رجعت تاني انا بقول رجعيلي العاقله كانت حلوه في نفسها كده
خلود بعدما اخرجت لسانها:مفيش غير كده اذا كان عجبك
******-
في غرفه مرام بداخل فيلا الغزاوي
رن هاتف مرام بالنغمه المميزه لعادل
امسكت مرام هاتفها
اجابت علي الهاتف
مرام:الو ازيك وحشتني اوي
عادل:باين ان انا وحشتك اوي بتكسلي حتي ترني عليه
مرام:اعمل ايه بس يا عادل قلتلك ان مرام في المستشفي وحالتها صعبه اوي كله من اسامه
عادل: انا ليه حق عليكي يا ست هانم
مرام :اسفه والله يا حبيبي مش بايدي
عادل:هسامحك بس بشرط عايز اشوفك نتقابل في اي مكان
مرام :مش هينفع والله
عادل بعصبيه:خلاص ماشي
واغلق المكالمه
حاولت مرام الاتصال به مجددا ولكنه لا يجيب
تساقطت الدموع من عينيها
" حمقاء " هكذا كانت تلقب نفسها دائما
*******
خرج عاصم من مكتبه
ووجد كوثر امامه وملامح الغضب عليها
عاصم بابتسامه:كوكو حبيبه قلبي مالك
اشاحت وجهها الجهه الاخري
كوثر :كويس انك فاكر ان في كوثر لسه
عاصم:طبعا يا روحي هو انا اقدر انسي اعز انسانه في حياتي
كوثر:كل بعقلي حلاوه زي كل مره بعد ما تزعلني
عاصم:هو انا اقدر ازعلك بردو
ظلت كوثر صامته
عاصم:شكل الموضوع كبير طب في ايه
كوثر:مبتقعدش معايا خالص فاكر نفسك كبرت عليا يا واد
وامسكت اذنه
قهقه عاصم بصوت مرتفع
عاصم :اي اي
و احتضنها
عاصم:انتي عارفه ان انا مشغول اوي هخلص بس المشوار بتاعي ده بسرعه وهجي اقعد معاكم بقي وهقلكم خبرين يفرحوكوا ويفرحونا كلنا
كوثر:ربنا يفرحكم دايما يا ابني
عاصم:طول عمري بحب اسمع دعائك الحلو ده، مع السلامة بقي يا ست الكل
خطي عاصم خطوتان للامام ولكن بسنت اوقفته
بسنت :رايح فين
عاصم:انا عمري ما حد سالني رايح فين
بسنت :بطل غرور يا عاصم وقول رايح فين
عاصم:خارج مع ياسين وخالد في اي حته
بسنت:طب خدني معاكم
:اخدك معايا فين؟؟
خرجت من عاصم سريعه ومتعجبه
بسنت:اي حته انت عارف انا مبحبش قاعده البيت
عاصم:اتهدي يا بسنت وهجبلك شيكولاته وانا جاي
بسنت :انت فكرني هبله زي خلود ولا ايه مش طالعه غير ورجلي علي رجلك علي فكره
عاصم:ال هو ازاي ده
بسنت:زي الناس عادي
عاصم:بصي انهارده بالذات مش هينفع
رفعت بسنت حاجبها
بسنت :ليه يعني
عاصم:معلش
بسنت:اعمل بمعلش دي ايه، المهم هعديهالك المره دي لما اروح ارخم علي البت خلود شويه
اخذ عاصم مفاتيح سيارته واتجه اليهم
وصل عاصم الي المكان المتفق عليه
قال عاصم متمتما في سره :يخبريتك يا ياسين ويخربيت الاماكن بتاعتك بقولك نفرفش تجبنا هنا وام كلثوم وشغل تسعينات خالص
دخل عاصم الي المكان
وجد ياسين وخالد جالسين يحتسون المشروب المفضل لمعظم الناس الشاي
علامات التعجب تعلو وجه عاصم
ياسين بابتسامه :اتاخرت ليه
نظر عاصم في ساعه يده :اتاخرت انت متاكد من ال بتقوله ده الساعه لسه 9 وبعدين بسنت كانت مصممه تيجي معايا
ياسين:ومجبتهاش ليه
خالد بأسي:صحيح يا عاصم اماني جيالكم بكرة عشان بسنت وحشتها
عاصم:بقولكم ايه انا جيبكم اتكلم معاكم في موضوع كده بس اكيد مش هقوله هنا يعني قوم يبني منك ليه علي مكان تاني
ياسين :وماله المكان بقي لعلمك ده من الاماكن المفضله ليه
عاصم:ذوقك وحش اوي علي فكرة
ياسين:ده من ذوقك
نظر عاصم الي خالد
عاصم:مالك يبني ساكت كده ليه هو الجواز بيعمل كده انت كده مش هتخليني اتقدم للبنت
