رواية نعم احببتك الفصل الحادي عشر 11 بقلم انين الليل

رواية نعم احببتك الفصل الحادي عشر 11 بقلم انين الليل 

بثينه

من صار الحادث الاياد واحنه ملتهين بالبيت ناس تجي وناس تروح

وانا وامي نشتغل ونطبخ ونفرش للناس الي تجي من غير محافظه

يوم الإثنين داومت تلكني صديقاتي يتحمدلي السلامه ومن سولفت الهن على اياد صارن يدعله خصوصا هدى وماجده

شفت سعد داخل الكليه وانا ابد ولا كأني اشوفه

ومن صارت الفرصه رحت الغرفة الطالبات حتى للكافتريا مارحت

بعدين من انتهت المحاضرات طلعت شفته بوجهي درت وجهي عنه

ورجعت ويه صديقاتي

وصلت للبيت لكيت منال جايه هي وزوجها ولكيت بابا جاي من

المستشفى

سلمت على منال وباوستها وشلت حسوني سئلت بابا على اياد كال

اليوم احسن بس بعده ما يكدر يحجي وطلش قليل يأكل

صرنا ندعيله ونحمد الله على سلامته

رحت غيرت ملابسي ولزمت النقال وانا كلش ضايجه ومتوتره

كتبت رساله الاياد (الحمد لله على السلامه يا بطل)

دزيتها وانتظرت ما اجاني رد

نزلت حطينا الغدا واتغدينا ورة الغدا إجت خالتي رجاء و تماضر اجو ويه خالي محسن شربو جاي وخالي وابوي ومظفر راحوا للمستشفى وكلولنه

بالليل يجي زين ياخذنه نشوف اياد ان هسه هواي ناس جايين

يتحمدوله السلامه

وراحو كعدنا نسولف وخالتي وامي سسالن منال على احوالها

اني اشوف تماضر صافنه اشرتلها وصعدت انا وياهه بالغرفه حاجيتها

--شبيج توته اشوي مو على بعضج

تماضر//لامابيه شي

--ياما بيج شي عليه تماضر ؟من اجيتي وانتي بس صافنه يالله

ولج كولي شكو

تماضر بتردد//امم اكو واحد معجب بيه ويريد يتقدملي

انا طفرت من مكاني --اي هذا الحجي وهذا يا مخبل أقصد منو اعرفه ياالله كولي لا تفتينه الكلبي

تماضر//أستاذ بالمعهد الي ادرس بي

ابتسمت وكتلها --كللوووش بيها الخير هم زين لكيتي واحد يرضى بيج

تماضر //انجبي بثينه ليش انا شناقصني

اتقربت وحضنتها ---والله ست البنات انتي شنو ما تعرفيني اتشاقى

هسه عوفينه انتي موافقه

تماضر تحسرت //بثينه اكو مشكله

--ها خير شكو يا ستار

تماضر//الولد متزوج وعنده 2 أطفال

--تحجين صدك

تماضر/بثينه هو خوش إنسان مثقف وراسا فاتحني بالزواج مالف

ولا داركلي انا معجب بيج واريد تقدملج على سنة الله ورسوله وكلي

انا متزوج وعندي 2 أطفال وانا وزوجتي بيناتنا مشاكل يعني تلولد

ما ظم شي

--وانتي توته رايج شنو؟

تماضر بتردد /هو خوش ولد حلو ومثقف ورزن وما يتعيب

ومن اشوفه رغم ما احجي ويا لكن احس بالأمان بس خايفه

صرت اعض على شفايفي عضات خفيفه ---منين خايفه توته ؟

تماضر /خايفه تكون هاي سحابه صيف وتروح

---شلون يعني

تماضر// يجوز يطلع غلطان من جهة زوجته وبمرور الوقت يحس انو

ظلمها وبعدين اطلع انا الخسرانه لذلك انا متردده

--شوفي توته رايي لا تستعجلين فكري واحسمي امرج

انتي بنيه حلوة ومؤدبه وما ناقصج شي وألف من يتمناج بس

لا تستعجلين احسبي حساب الكل خطوه

تماضر بحسره //بثينه يمكن انا احبه

--ها اهنا الحجي طلعنه نحب اي بس هذا ما يمنعج من التفكير

حبيبتي فكري زين ابد ابد لا تستعجلين

بعدين نزلنه ماما كالت سووي شوربه الاياد سويت وعصرت اله

عصير رمان وخليته أبطل

طبعا الشوربه سويتها بتأفف بس عصير الرمان سويته من بحدي

وتعشينه عه السريع اجه مظفر واخذنه بسيارته انا وخاله رجاء ومنال

وبهاء لز ويانه كال اريد اروح اشوفه الابن عمي وبقت امي وتماضر

بالبيت

طلعنه وصلنه للمستشفى شفت ناس هواي كاعدين بالحديقه

شفت بابا وأولاد عمي وشفت رتب عسكريه وراها حمايات شكد ناس كلها تجي تتحمدله السلامه والكل اسمعهم بطل مايستاهل الله يكومه بالسلامه

انا لبست فستان بيجي طويل بطلب من امي بعد ان رفضت البس بنطلون وقميص طويل

كالت اذا تلبسين بنطلون وقميص تلبسين عبايه اسلاميه او تلبسين

فستان انا لبست فستان ومنال لابسه جبه وخالتي رجاء عباية

راسا دخلنه للمستشفى شفنا بالممر عمه كريمه وياها مرة

راحت خالتي سلمت عليها وباوستها وسلمت على المرة الي وياهه طلعت أختها منال سلمت وانا نزلت على رأسها وكتلها

-- عمه الحمد لله على سلامة ابنج ان شالله يكوم بالسلامه

هي ما ردت علي اجه مظفر كال// يالله الغرفه خاليه ادخلوا شوفو ولاتتاخرن لان ناش جاي تروح وترد

دخلت خالتي ومنال انا دخلت لكيت يمه رياض اخو وهو ممدود على السرير كأنما نايم دنكت علي خالتي رجاء وباسته بكصته وكلتله

،،،،!اسم الله عليك يمه ايودي ما تستاهل،،،،،

وانوبه منال وصلت يمه وكلمته

منال// الحمد لله على سلامتك اباد ما تشوف شر ،

،،،،باوعلها وشافني وراها وكوة طلع الكلمه

الله يسلمج ،،

خاله رجاء

،،،،،،،،،شد حيلك يا بطل النومه مو الك ،

،،،رياض كال

،،،،،،ما يأكل اياد

خالتي رجاء //

،،،،،!اي هل ما تكدر تكوم وتحجي هاي بثينه سوتلك شوربه اكعد يمه واشربلك شويه

،،،انا ادنيت علي وابتسمت كتله --الحمد لله على سلامتك هيج تخوفنا عليك اياد ::الله يسلمج (واتنفس قوي وغمض عيونه )

انا كتبه --جبتلك عصير رمان انا عصرته الك مخصوص

، هو كوه يريد يحجي ادنيت أكثر علي هو بالكوه يحجي وكلامه بي

آهات من أثر الجرح

وأبتسم ابتسامه صفره

،،،،،،،،،اياد//جمدتي لو بارد لان إذا جامد راح تاكلينه مني

--اكيد اذا جامد اخذه منك ما بيها مجال ياالله اكعد اشرب شويه شوربه رياض /:منو مسويها

--يعني منو اكيد مو انت رياض انا سويتها

رياض //الك الله يالفقير هسه لو انا واكع تسويلي

باوعت الاياد وكتله --اذا بطل مثل اياد اي ليش لا

طلعت الشوربه ورياض سنده ورفع الجربايه

كله /:ياالله رياض اكعد اشرب شوربة بت عمك الخنفشاريه

اناعوجت حلكي وكتله --ههههههي ما تضحك بايخه

اياد خزرني رغم مريض ورياض صار يشربه باوعتله كح وشفته يتاذه اتقربت اخذت كلنس ومسحت حلكه وفتحت بطل ماي وانطيته اله كتله-- بالعافيه

اياد ::تسلمين

جو ي جماعته بالدائرة هو خزرني يعني اطلعي طلعت وكفت يم امه

وخالته وطلعت منال وخالتي من شافتني عمه كريمه هزت ايدها

واسمعها تكل الاختها //

هو الجاي يشوفله مريض يعرض ازياء ويحط كيلوين مكياج

،،،،،أختها كالت،،!،اي هذا صاير موديل هالايام مثل الجايه العزا شامته، ،

انا احس بوجهي صار نار ردت ارد عليها بس خالتي باوعتلي

(يعني اسكتي) وهي ردت

خالتي //لا خيه ام محمد دادا اسم الله من الشماته،لا المرض ولا الموت

بي شماته ياهو .ضامن عمره

،،،،،،،،،،انا بيني وبين نفسي اتكلم --والله لو بس شويه هاضمته

الابنج جان خذيته وخليته محبس بايدي بس شسوي اكرهه مو بيدي

رغم ما مسويلي شي بس اكرهه

قطع علي تفكيري ويه نفسي مظفر وكال هم ياالله نروح

ورجعنه للبيت لكيت امي و تماضر كاعدات وبقينا نسولف واجه ابوي وزين وهم اجو ويا جماعه لكيت تماضر منزله الفراشات و فارشه مخدرة جاي وحاطه بالترمز ياالله شكد هالبنيه حبوبه يارب تسعدها

خالتي بقت يم امي ومنال هي وزوجها نامو بالغرفه لان تعبانيين من السفر الجوة وبابا يم الخطار اني سالت خالتي

اشلونه اياد

الحمد لله كعد واكل من الشوربه الي مسويتها بثينه

وشفتو منو هناك

وفيقه كلهم موجودين

اعرف اقصد كريمه ام محمد

اي موجوده هي واختها

شنو ام تماضر اشو جاوبتيني بونه

وفيقه ما تعرفيها الكريمه ذبت حجي

هاي حتى وابنها طلع من حلك الموت بعدهي ما جازت

انا --ولا راح تجوز مني ماما بس خالتي الله يسلمها ما خلتني ارد عليها

رجاء //وعلى شنو انا رديت وهي استحت من كلامها لو مخليتج تردين الهسه بعدنا

امي /:اكلج بثينه اخذي بت خالتج وروحي اصعدي مو باجر وراجن دوام لو هم ناويه تغيبين

--لا ماما شنو اغيب باجر مجاضره مهمه عندي

ياالله روحي حتى تكعدن على وكت

صعدنا انا و تماضروسولفتلها على الكلام الي سمعته من عمه كريمه وأختها

،،،،!،!،،،تماضر // زين ما رديتي عليها

اي تماضر لو ما خاله رجاء جان رديت عليها اله اخليها تضرب راسها بالحايط بس امج من وصلنه لحد ما رجعنه بس تخزر بيه

ما خلتني ارد اريد اعرف كريمه ليش تكرهني

،،،،،،،،تماضر//غير لان رفضتي ابنها

--وج انتي حمارة انا قبل لا أرفض ابنها هي ما تحبنا نسيتي شجانت تسوي بامي من دكات ناقصه

،تماضر //لا ما نسيت من اسئل امي تكول غيرة نسوان الحمى

بس بثينه

الشهاده لله اياد يحبج لا شنو يحبج يموت عليج بس يجوز هو ما

يعرف يعبر عن شعوره

--بس انا ما احبه

تماضر //لان غبيه شوفي بثينه دا اكولج تره حتى خاله وابوج وزين الكل

راضين على اياد بس انتي ما اعرف شبيج وبصراحه اياد خوش ولد وما يشكي من شي

جاوبتها بقلة صبر ---تماضر سدي الموضوع

بقينا للساعه 2 بعدين نمنا وانا و تماضر رحنا الدوام هي راحت ويانه لان معهد ها عه الطريق طبعا لبست من ملابسي احنا ما بيناتنا فرق انا وتماضر وحده تلبس من الثانيه هي نزلت وكملنه طريقنا انا من رحت للمستشفى ما أخذت النقال وخليته صامت حتى الصبح ما انتبهلته لان طول الليل ويه تماضر اسولف واضحك نزلت تماضر قريب المعهد واحنه كملنه

من نزلنه من السيارة شفت سعد كان مبين على وجهه العصبيه

وهو يخزرني انا ما اهتمييت بقيت انشي ويه البنات ورحنا للقاعه قبل لا يجي الاستاذ طلعت النقال شفت رقم غريب متصل أكثر من عشرين مرة وبعدين دازلي رساله

(شوفي بثينه الي اجه بالليل يم بيتكم يكدر هسه يدخل للمحاضرة

ويطلعج منها شوفي انا منتظرج اباب الكليه بعد ساعه اكثر هم مي

خالف المهم تطلعين خل احجي وياج واذا ما تطلعين ما تعرفين

شنو ممكن اسوي )،

ورساله ثانيه //تره انا مخبل والمخبل كل شي يطلع منه

،،انا من قريت كلامه وتهديده انصكيت اشو هذا يهدد شيريد مني

زين انا شلون راح اتصرف دخلت للمحاظرة وانا بالي بسعد وكلامه

ومن خلصت وطلع الاستاذ بكيته دازلي مسجات

بثينه اطلعي بسرعه لا اجي اكلب الدنيا ومحد يوكف بوجهي

بثينه انا منتظر اريد احجي وياج لاتخلين صبري ينفذ

قررت اروح اشوفه شيريد اشو يكتبلي مسجات ويهدد

طلعت كت للبنات اجتني رساله من امي جايينه خطار هواي علمود

ابن عمي حجيت هذاالعذر حتى اروح لشوفه لان خفت منه

يجيني كدام الطالبات ويحجي ويتهور ويصير القال والقلت طلعت وانا

اباوع اريد اشوفه

لكيته واكف عباره عن نار عوزها بانزين علمود تحرك الي كدامها من شافني صعد بالسيارة

الثاني عشر من هنا

تعديل المقال