رواية ويبقي الامل الفصل الحادي عشر 11 بقلم رنا عبود والاء المنشاوي
******الحلقه الحاديه عشر******
دخلوا جميعا للمنزل هرولت مرام الي غرفه اسراء
مرام:ماما ماما في ايه
دخلوا الي الغرفة
اسراء ملقاه علي الارض وجميله تبكي بغزاره
رات مرام اسراء
وصرخت صرخت بصوت عالٍ :اسراء
جميله :اتصلي بسرعه بالاسعاف
خلود:لا يا طنط عاصم معانا هيشوفها
والتفت الي عاصم
جلس عاصم علي ركبيته
ووضع ابهامه علي وريدها ملامح الحيرة والقلق اعتلت وجهه يضع ابهامه ويرفعه ثم يضعه في مكان اخر ويرفعه
عاصم:خلود ممكن لو سمحت تحطي ودنك علي قلبها واسمعي نبض القلب
خلود :عاصم انا مبعرش في الحاجات دي وانت عارف
التفت عاصم للاشخاص الموجوده بالغرفه
عاصم بحده:حد فيكم يعرف
اشاروا كلهم بالنفي
وضع عاصم اذنه مكان قلبها في محاوله منه لسمع نبض قلبها
استغرق الامر وقت طويل حتي اعتدل عاصم وملامخ وجه لا تبشر بالخير
عاصم بجديه:نبض القلب منخفض
والقي نظره سريعه عليها :تقريبا كده محاوله انتحار
مدت جميله يدها بشريطين حبوب فارغين
جميله:انا لقيت دول جنبها يا ابني
عاصم:زي ما قلت محاوله انتحار هنعوز نوديها بسرعه للمستشفي
وجميله خانتها قدماها وجلست علي الارض تبكي
جميله:ليه يا بنتي تعملي فينا كده ليه
وبدات تنوح وتبكي
مرام بصوت عال:مش وقته يا ماما ال بتعمليه ده بيقولك عايزين نوديها المستشفي بسرعه
رغم حده نبرتها ولكن دموعها لم تتوقف عن الانهمار
حمل عاصم اسراء ووضعها بالسياره
خلود :مرام تعالي اركبي معانا وادي لياسين مفاتيح عربيتك عشان يجيب طنط
مرام تبكي ولا تعي ما يحدث حولها
خلود:مرام مرام مش وقت عياط دلوقتي خلينا نلحق نوديها المستشفي وتعالي يلا اركبي معانا
ياسين:انسه مرام ممكن مفاتيح عربيتكم عشان اجيب والدتك ونيجي وراكم
اعطته مرام المفاتيح :معلش هي العربيه بتاعتنا مركونه بقالها فتره ممكن تدوخ حضرتك بس هي سواقتها سهله
والدموع مازالت تنهمر من عينيها
وياسيت يشعر برغبه عارمه في ضمها في مواساتها في اخبارها ان كل شيء سيكون علي ما يرام
خلود:ياسين انت معانا
ياسين:ها لاا مش مشكله يا انسه مرام انا هحاول معاها روحوا انتوا بس وانا هحصلكم
والتفت بصعوبه نحو عاصم عيناه تابيان ان تفارقا مرام :عاصم متنساش تبعتلي اللوكيشن
عاصم:حاضر ،يلا اركبوا مينفعش نتاخر اكتر من كده
ركب كلا من خلود ومرام في السياره
ومرام لا تقوي علي الحديث اكثر من هذا لقد خرت قواها ودموعها تنهمر من عينيها
وصلوا جميعا الي مشفي خاص عاصم يعرف من به
نزل عاصم من السياره وحمل اسراء
ودخل مهرولا الي داخل المشفي
عاصم:عايزين ترولي بسرعه
جاؤا الممرضين واخذوا اسراء
نظر عاصم الي خلود
عاصم:خلود يلا احنا انا ورايا شغل
نظرت له خلود بغضب
خلود:يلا ايه مينفعش نسيبهم
اشارت على مرام:انت مش شايف البنت شكلها ايه لو عايز تمشي امشي انت انا هقعد معاها مينفعش اسيبها وامشي
تنهد عاصم بغضب:يعني ايه مينفعش تسيبها وتمشي زمان ماما وبابا قلقنين عليكي اصلا انا مقلتلهمش ان انا هوصلك
خلود:هتصل بيهم اقلهم
عاصم :متنشفيش دماغك ويلا انا اصلا ورايا شغل كفايه كده
خلود:بقولك مينفعش اسيبها انا هفضل معاها
عاصم:وانا مينفعش اسيبك وامشي
خلود:خلاص اقعد معايا
عاصم:بقولك ورايا شغل
نظرت اليه خلود بتحدي وتركته وذهبت لتقف بجانب مرام
******
في فيلا المنشاوي
كوثر:ماجد هي الساعه كام
ماجد :الساعه 5 ليه في ايه
كوثر بتعجب:5 خلود كانت المفروض تيجي 4 رن عليها كده يا ماجد
امسك ماجد بهاتفه واتصل عليها
كوثر :ها يا ماجد ردت
ماجد بقلق:تليفونها مغلق او غير متاح
كوثر بقلق:طب رن علي عاصم كده
ماجد:انا بقول نرن علي مرام هي دايما ال بتبقي معاها
كوثر :ايوه فعلا
ماجد:طب هاتي رقمها
بعد فتره
كوثر:ها
ماجد:مبتردش
كوثر:لا يبقي انت ترن علي عاصم
ماجد:ممكن الطريق مقفول ولا حاجه
كوثر :معهاش العربيه
اتصل ماجد علي عاصم ولم يلقي جوابا
ماجد:هو كمان مبيردش
********
في المستشفي
اتصل عاصم بخالد
عاصم:خالد انت فين
خالد :في الشركه هكون فين يعني
عاصم:طب سيب ال في ايدك دلوقتي وتعالى خد خلود وديها البيت هبعتلك اللوكيشن
خالد:انتو فين
عاصم:معلش يا خالد منير بيرن عليه هشوفه وابعتلك اللوكيشن
واغلق عاصم المكالمه
ورد علي منير
منير:عاصم بيه حضرتك هتحضر الاجتماع انهارده انت عارف ان مدير الشركه التانيه عايزك انت ال تحضره مش حد تاني
تافف عاصم بغضب ونظر لخلود
عاصم وهو يكز علي اسنانه:معلش يا منير الغي الاجتماع انهاردة حصلت حاجه طارئه
منير :عاصم بيه ايه ال حصل حضرتك متعصب جامد
عاصم:انت هتصاحبني ولا ايه اعمل ال بقولك عليه وخلاص
واغلق عاصم المكالمه
*****
نزل خالد من مبني الشركه ووقف منتظرا عاصم ليرسل له الموقع
ارسل عاصم لخالد الموقع فتفحص خالد الموقع
خالد بقلق :ايه ده ده اللوكيشن بتاع المستشفي ال عاصم بيروحها ايه ال حصل
اتصل خالد علي اماني
اماني:في ايه يا خالد
خالد:اماني هو كل العيله تمام
اماني:ايوه ليه
خالد بحيره:عاصم بعتلي لوكيشن بتاع المستشفي وبيقولي تعالى خد خلود
اماني بقلق:انا هروحل عند بابا اشوف ايه ال حصل
خالد:ماشي
******
رن هاتف عاصم
عاصم بعصبيه:رقم غريب لما اشوف مين ده اصلها ناقصه وياسين اتاخر كل ده ليه يعني
اجاب عاصم الهاتف
عاصم :الو
حسام:استاذ عاصم معايا
عاصم :ايوه مين حضرتك
حسام :انا دكتور حسام دكتور عند خلود في الجامعه
ضحك عاصم من اردف:خلود مشاغبه ولا ايه
حسام :لا طبعا انسه خلود من اكتر البنات المحترمه ال قابلتها في حياتي
عاصم:طب حضرتك متصل ليه
حسام:الصراحه كده
وصمت
عاصم:ايوه الصراحه ايه
حسام :الصراحه انا عايز اتقدم لانسه خلود
صمت عاصم قليلا ثم اردف :الوقت مش مناسب الصراحه
حسام:طب انا هبقي اتصل بحضرتك وقت تاني
عاصم:يكون احسن بردو
حسام:طب انا اسف علي الازعاج
عاصم:لا عادي محصلش حاجه
اغلق عاصم معه ونظر امامه فوجد خالد امامه
خالد بقلق:في ايه يابني قلقتني ايه ال حصل وخلود فين
عاصم:اهدي محصلش حاجه خلود بخير الموضوع كله ان اخت صاحبه خلود واحده هبله كده حاولت تنتحر واحنا جبناها المستشفي بس وخلود مش راضيه تسيب صاحبتها فانا بقول احطها قدام الامر الواقع
خالد:قلقنتي عليكم والله هي فين دلوقتي
عاصم :ثواني هنادلها
ناد عاصم علي خلود
خلود:في ايه يا عاصم
عاصم:خالد جه ياخدك اهو
خلود بتذمر:بس انت قلتلك مش هروح
خالد:عشان خاطري انا يا خلود طنط زمانها قلقانه عليكي وبعدين عاصم معاهم اهو متقلقيش
ونظر لعاصم واكمل:ولا ايه يا عاصي
عاصم بغيظ:ايوه انا معاهم اهو
قبلت خلود عاصم علي وجنته
خلود:شكرا يا اخلي اخ في العالم انا هدخل اقول لمرام وجايه اهو
بعدما ذهبت خلود
جاء ياسين
عاصم:ايه يا ابني اتاخرت كل ده ليه
ياسين :العربيه حديثه بس مركونه بقالها فتره فتعبتني
عاصم :طب يلا احنا بقي عشان ورايا شغل كفايه لغيت اجتماع مهم عشان خلود متزعلش
نظر ياسين باتجاه مرام :هو الدكتور قالكم ايه
عاصم:هما عملولها غسيل معده وشويه كده وهتفوق
ياسين ومازالت عينيه علي مرام:مينفعش نسيبهم محتاجين راجل جنبهم بردو يا عاصم
عاصم:يا حنين
ياسين وقد اكتست ملامحه الجديه:مبهزرش علفكره عايز تمشي امشي انت
عاصم:خلاص يا عم هقعد معاك اقعد لمانشوف اخرتها
رن هاتف عاصم
عاصم:دي ماما لما اشوف في ايه
كوثر:عاصم انت كويس انت في المستشفي ليه وخلود كويسه امانس خوفتني
عاصم:مفيش حاجه يا ماما خلود هتبقي تشرحلك كل حاجه
كوثر :يعني انت تمام يا حبيبي
عاصم:اه والله تمام يا ماما متقلقيش عليا
كوثر:ماشي يا حبيبي مع السلامه
عاصم:مع السلامه
******
رن هاتف مرام
مرام:الو
عادل:ايه يا ست هانم نستيني خالص انا طهقت علفكره ومش هقدر استحمل اكتر من كده
مرام ودموعها تنهمر علي وجنتيها:اسراء.... اسراء في المستشفي
عادل:الف سلامه اعملها ايه يعني انتي وحشتيني
مرام:معلش يا عادل انا هقفل دلوقتي سلام
اغلقت مرام الخط
عادل:شكل البت دي ناويه تهرب من تحت ايدي لا ال بيجي تحت ايدي يقول علي نفسه يا رحمن يا رحيم
