رواية اميرة بقلب سجان كامله وحصريه بقلم رحاب ابراهيم
الملخص .....
رجلٍ قاس مبتعداً عن الجميع ذو هيبة تدير الرؤوس مشهور فى أسواق كبار رجال الاعمال قلبه لا يعرف الرحمة.... الرجل الحديدي
وفتاة يتيمة تدهور الحال بعائلتها وأوقفتها الظروف أمام واقع مضني اما أن تصمد أو تستسلم أوقعها قدرها امام الجبروت القاسي
ايرأف لبرائتها ام يتركها فى مهب الريح تصارع وحدها
ّ.................................................................................
هى...مثل كثيراً من الفتيات فتاة بسيطة تمتلك برائتها الخاصة فى أخر سنة بكلية العلوم من أسرة متوسطة الحال أو بالأصح اقل من المتوسط بقليل بشرتها خمرية بشعر أسود متوسط الطول وعيون سوداء حالمة مثل ظلام الليل لديها من الاخوات واحدة اكبر منها ومتزوجة ..وامها تسكن بالقرب من ابنتها المتزوجة .........
.....................................................................
هو... رجلٍ قوي ليس قوى البنيان فقط ولكن قوي العقل حاد الذكاء ...
سابقا كان من احد أشهر وأمهر المتسابقين الدوليين فى سباق السيارات الرياضية الذى ينظمه أكثر وأكبر الدول الاوربية ...والآن هو ايضا من أكبر رجال الاعمال فى الشرق الوسط ويمتلك احدى كبرى الشركات الالكترونية للصناعات المتطورة ..رجلٍ لا يعرف للتردد سبيلاً .. رجلٍ صاحب قراره
الفصل الاول 
الحلقة الاولى
اسندت رأسها على النافذة وهى مغمضة العينين فى هدوء متألم ودموعها مسترسلة على خديها بعنف وشهقاتها متتابعة تحاول كتمها وبعض الحظ جعل عربتها فارغة من دونها مما اتاح لها حرية اظهار الألم بمفردها
بعد فترة طويلة وهى على حالها هذا أخيراً تاهت فى أحلامها نائمة
وأجمل ما حدث إنها رأت والدها فى احلامها وفجاة استيقظت بفزع على صوت محصل التذاكر
المحصل ...... ياااا انسة يااا انسة اصحي
أميرة بخضة ... اااايه ااايه فى اايه ؟؟ ثم نظرت حولها وبعد لحظات من التيهة ادركت الوضع
المحصل ... القطر وصل بقاله ١٠ دقايق والركاب كلهم نزلوا وحضرتك لسه نايمة
أميرة بخجل ... انا اسفة مش عارفة ازاي ما حستش
ثم وقفت والتقطت شنطها استعداداً للنزول وبعد خروجها من المحطة وقفت على جانب الرصيف تنظر للطريق حتى توقف تاكسى
أميرة .. تااااكسي .. ااااااستنى (جرى التاكسى ولم يقف )
وظلت هكذا لخمسة عشر دقيقة حتى أوقفت تاكسي واخبرته عنوانها وذهب منطلقا للعنوان المطلوب
امام احدى العماير بحي شعبي وهى عمارة طالبات وقفت اميرة امام باب الشقفة وفتحت الباب بمفتاحها الخاص معلنة وصولها
نورا.... اااااااااميرة ازيك يا حبيبتى والله العظيم كنت هسافرلك بس الدكتور عمل امتحان الميد تيرم بدرى شهر عشان مسافر البقاء لله يا اميرة
اميرةبحزن ... البقاء لله وحده
نورا.. زعلانة مني انا عارفة والله ما....
...
اميرة مقاطعة .... خلاص خلاص يانورا انا عارفة ثم ربتتت على كتفها مؤكدة
انا عارفة يانورا انك جدعة وانه غصب عنك ولو حد تاني مش هصدقه لكن انتي مصدقاكي
نورا ... على فكرة ليلى ونيرمين سألو عليكي بردوا وزعلوا عشانك
اميرة ... زعلوا ؟؟ أشك
نورا ... اممم عموما مالكيش دعوة بحد انا جانبك ماتقلقيش ومش هخلي حد فيهم يضايقك تاني واللى هتيجي جانبك هضربها ها
ابتسمت اميرة امام دموعها شاكرة نورا ..... لا ضرب ااايه كلها سنة ومحدش فينا هيشوف التانى مالوش لزوم ربنا يهديهم ... بصي انا هقوم أخد دوش وادخل اناااام تعبانة اوووووى ومصدعة
نورا .. يعني مش هتاكلي ده حتى النهاردة عملت بشاميل
اميرة ... بالهنا والشفاء انتي يانورا مش قادرة بجد
نورا ... طيب اصحيكي امتى؟؟
اميرة بدموع .... ما تصحينيش مش عايزة اقوووم ثم سقطت على الارض باكية وجرت عليها نورا واحتضنتها هى الاخرى باكية
نورا ... ماتبقيش كده لازم تقوى ... ابوكي مش هيبقى مرتاح وانتي كدا
اميرة بصريخ .. باااااااااااااااااااابااااااااااا
بكت كثيرا وهى تحتضن نورا وترتجف من البكاء والحزن ونورا تربت على كتفها بحنان ظلت على هذا الحال ولم تعرف عدى كم من الوقت حتى هدأت تدريجيا دون أن يهدا حزن قلبها
نورا .. ادخلي نامي وارتاحي شوية وهسيبك لحد ما تصحى وماتقلقيش انا روحت للدكاتره بتوعك وقلتلهم عشان غيابك وكدا وظبطلك كل حاجة
اميرة بصوت مخنوق بالدموع ..... أنا مش عارفة اقولك اايه
نورا ... ماتقوليش حاجة ياعبيطة دي اقل حاجة ممكن اعملهالك يلا ادخلى ارتاحي شوية ... ثم ذهبت معها لداخل الغرفة التى بها سريرين لهما ودخلت اميرة فراشها واغمضت عينيها فى سكون ونامت تدريجيا
نظرت نورا لها فى شفقة بعد أن غطتها واقفلت نور الغرفة وخرجت لتجهز الغداء واستوقفها رنين هاتفها
نورا وهى تمسح وجهها من الدموع ...... الوووو
تامر ... ايوة ياااااااحجة كنتى فين بقالي ربع ساعة عمال ارن على سيادتك
نورا .. معلش يا تامر اصل اميرة صحبتى جت..( ولم تقدر على التحكم بدموعها)
تامر ..... طب بس بس اهدى كدا ،اميرة دى اللى حكيتيلي عليها
نورا .... ايوة جت النهاردة وصعبانة عليا اوووى يا تامر مش قادرة تتحمل فراق ابوها 
ربنا يصبرها ياارب
تامر ... لا حول ولا قوة الا بالله ..طب بطلي عياط بقى المفروض انتي تقويها
لما انتي كدا اومال هى عاملة ازاى
نورا ... مدمرة
تامر ... حبيبتى انا عارف انك طيبة اووى وهتفضلي تعيطى جمبها بصي حاولي تهديها كدا وتصبريها واضحكي فى وشها ولما تعوزي تعيطي ياستى اتصلى بيا وامرى لله 
نورا وهى تبتسم .... تامر
تامر ... ياروحه 
نورا .... مش عارفة اقولك اايه
تامر ... قوليلى ياسبعى 
نورا وتحاول رسم ضحكتها طب اقفل بقى ياااا
تامر ... ااايه
نورا .. ياخويا 
تامر .. اخوكى 
طب يلا اقفلى عبوشكلك 
نورا قفلت بسرعة قبل ما تنفجر من الضحك
واكملت الغداء وبعدها بساعتين دق جرس الباب جرت على الباب لتفتحه قبل أن تستيقظ اميرة منزعجة
نيرمين .... انتى كنتى نايمة جنب الباب ولا ايه ؟؟!
نور .....ولا نايمة ولا حاجة يا نيرمين اميرة نايمة جوا ومش عايزاها تصحى إلا لما ترتاح وتصحى لوحدها
نيرمين بجفاء ... هى جت ... طيب 
نور ... نيرررررررمين اياكى تكلميها ولا تضايقيها تانى سيبي البنت فى حالها حرام عليكى كفاية اللى هى فيه
نيرمين بلا مبالاة .... براحة على نفسك شوية يانورا فيه إيه وبعدين مين دى اللى أعبرها اصلا ، ريحى نفسك دى ماتشغلنيش اصلا ومتخافيش مش هكلمها
قوليلي بقى عاملة اكل ااايه انا ميته من الجووووع
نورا ....عاملة بشاميل بس فين خيال المأته بتاعك مش شيفاها يعنى
نيرمين .. ههههههههههههههه تحت بتجيب الشنط من العربية ، النهاردة يابت يانورا اشتريت شوية فساتين انما ااايه جامدين أخر حاجة
تحدثت نورا وهى تشعر بملل من قصص نيرمين التى لا تنتهى ...بقولك اايه انا رايحة احضر الغداء
وسمعت صوت خطوات ليلى تقترب حتى دخلت من الباب التى لم يقفله احد
ليلى ..... خدي يا نيرمين الشنط اهيه هاتي بقى الفستان اللى جيبتهولى عايزة اقيسه تانى
نيرمين .. تقريبا فى الشنطة البنى شوفيه وخوديه
نظرت نورا من بعيد لليلى باستحقار فليلى تفعل اى شئ حتى تاخذ ما تريد دون أن تعير اهتماما لكرامتها وعزة النفس
نيرمين .. يلااا يا نورا جعاااانة
نورا بغيظ .. نيرمين هو انا شغالة عندك عايزة تاكلي قومى حضرى معايا الاكل
نيرمين بنفاذ صبر .....يعنى انا جاية وبلف طول النهار وعايزانى كمان اعمل اكل اووووووف
ليلى .... بقولك اايه يا نيرمين اديلها البلوزة دى يمكن تحن علينا شوية
نورا بعصبية .. احترمى نفسك يا ليلى ليه هو انتى فكرانى زيك رامية كرامتى
ليلى .. رامية كرامتك قصدك اايه ؟؟
نيرمين .. باااااااس انتو مش هتبطلوا خناق بقى اسكتوا
وانتى يانورا مش بتقولى اميرة جوا ومش عايزة تزعجيها يبقى اسكتي بقى
نورا وقد رجعت ادراجها لتكمل الغداء حتى لا تسبب فى شجار لا لزوم له
اما ليلى وقد اقتربت من نيرمين هامسة ...
انتى مستحملة الاتنين دول ازاااى !!
نيرمين .. بطلى غباء يا ليلى نورا معايا فى نفس الكلية وبتساعدني لو ماحضرتش المحاضرات ومش بقلق وبغيب براحتي وكمان طباخة هايلة
وست أميرة بقى هى ونورا اصحاب وهتتقمص عشانها يعنى كله مصالح
ليلى .. انا مش عارفة انتي سايبة فيلا طويلة عريضة وقاعدة هنا ازاى
نيرمين ... انتي مش هتبطلي كلام فى الموضوع المقرف ده بقى يوووووووه
ليلى .... خلاص خلاص ولا تزعلى
نيرمين ... يلا روحي ساعدي نورا عشان ناكل جعااانة يا نااس
ليلى بزهق ... اوووف لازم يعنى
نيرمين بلهجة أمرة .. امشى روحى ساعديها
ليلى ... طيب
ثم وضعوا الطعام على السفرة وجلست نيرمين وليلى ياكلوا بنهم واضح
وكادت تجلس نورا حتى وقفت ثانيا وصعب عليها ان تاكل وتترك اميرة نائمة ولابد انها جائعة
وذهبت اليها وفتحت الباب بهدوء وتفاجئت ان اميرة ممدة وليس نائمة وتنظر للسقف وتائهة بخيالها الحزين
نورا .... اميرة اوعي تقولي انك مانمتيش
اميرة ... لا نمت لسه صاحية من عشر دقايق كدا
نورا ... طب بصي انا هجيب الاكل وهناكل هنا
اميرة ... كلى انتى يا حبيبتى ماليش نفس صدقينى
نورا .... ششششششششش خالص مالكيش دعوة هتاكلي يعنى هتاكلى إلا واقسم بالله ماكل انا كمان يرضيكي يعنى
اميرة ... طب بتحلفي ليه بس انا بجد ماليش نفس
نورا .... الاكل مالوش دعوة كلي عشان تقدري توقفي على رجليكي وتحققي حلم والدك وتتخرجي .. انا هروح اجيب الاكل انا عملت حسابك وعينتلك منابك على جنب عشان المفاجيع اللى برا دول
ثم ذهبت واحضرت الطعام وتوجهت لغرفتها ودخلت وجلست امام اميرة ووضعت امامها الطعام واخذت تطعمها
اميرة : خلاص كفاية كدا بقى يا نورا مش قادرة بجد
نورا : طب الحته دي بس والنبى
اميرة :: ماشى بس دى أخر حاجة هكلها
نورا :: اوك بس كليها
وبعد تناول الطعام احضرت نورا اكواب عصير المانجو وأخذت كوب وناولته لاميرة
اميرة : وكمان عصير انا مابقاش فى فمعدتي مكان للمية حتى من البشاميل بتاعك
نورا متصنعة الحزن :: قصدك ااايه اكلي وحش يعنى 
اميرة : لا يا حبيبتى والله بس من كتر ما اكلك حلو وانتى اكلتينى كتير مافيش مكان خالص ..
نورا وهى تحاول ان تشغل بالها بمواضيع اخرى وتبعدها عن حزنها شىا فشئ
ماشى ياختى ولا عشان اكلك حلو انتى كمان يعنى بتعيبى عليا
نظرت لها اميرة وعلى وجهها ابتسامة شاحبة ..خلاص بقى معلش
ثم سكتت اميرة سارحة واخرجت هاتفها واتصلت بوالدتها
اميرة :: الوو
خديجة (الام ) :: الوو ايوة يا اميرة ايوة يا حبيبتى طمنيني عليكي انتى عاملة اايه دلوقتي
اميرة :: ايوة ياماما انا الحمد لله ياحبيبتى كويسة وانتى عاملة ايه ؟؟
خديجة بصوت مرتجف :: الحمد لله يابنتي ... بقولك ااايه
اميرة :: ايه ياماما فى حاجة
خديجة :: انا يابنتي اتصلت بعمامك النهاردة وكلمتهم عشان كنت عايزة ابيع الاربع قراريط بتوع ابوكي اللى فى الشرقية
اميرة ... ليه كدا ياماما عايزة تبيعيهم ليه ؟؟
خديجة ... يابنتي انتي بتتعلمي وفى أخر سنة ومصاريفك مش شوية والمعاش عبال ما اقبضه هياخد لفة ووقت مش اقل من تلات شهور وغير كدا المعاش مش هيكفيكى مصاريف انتي لوحدك طب اعمل ايه بس يابنتى ؟
اميرة بحيرة ... سبيها على ربنا ياماما وان شاء الله كله هيبقى تمام وبعدين انا فى اخر سنة ماتقلقيش
خديجة .... لا يابنتى انا قلقانة انتى فى اخر سنة اه بس انتى فى أول شهر ونص ولسه قدامك باقية السنة مصاريفك يابنتي والكتب واكلك وشربك
وابوكي الله يرحمه كان بيتصرف من المرتب طب دلوقتي اعمل انا ايه والمعاش هيبقي مش محصل نص المرتب وكمان هقبضة بعد تلات شهور
اميرة بحزن .... طب وعمامي قالولك اايه ياماما ؟؟
خديجة بألم ... كل اللى فهمته منهم يابنتى انهم مش بيبعوا أرض من ارضهم والايجار بيوصلنا كدا كدا وايجار السنة دي دفعوه قبل ابوكي ما يموت بشهرين
اميرة .. ما تكلميهمش تانى عشان خاطرى احنا مش محتاجين حاجة من حد
خديجة ... طب ومصاريفك يا اميرة ؟
اميرة ...ما تقلقيش ياماما دى سهلة هروح شئون الطلبة واقدم شهادة وفاة بابا وهما هيتصرفوا ويعفوني من المصاريف ما تقلقيش وإن كان على ايجار الشقة هنا انا اصلا دفعاه شهرين مقدم والكتب انا جبتها اصلا ياماما ما تقلقيش
خديجة ... ربنا يطمن قلبك يابنتس انتي ريحتيني شوية وعلى ما المعاش يتقبض ربنا هيحلها
اميرة ... بالضبط والله كله هيبقى تمام ولا تقلقى نفسك وكمان انا معايا مصاريفى الشخصية وهتقضينى لحد ما ربنا يفرجها
خديجة ... ماشى يابنتي اللهى ربنا يريح قلبك يابنتى دنيا واخرة
اميرة .. الله ايووة كدا عايزاكي تدعيلى على طول ياماما اوعي تبطلى دعا
خديجة ... بدعيلك دنا مش بدعيلك بس بلسانى بدعيلك بقلبى يابنتى ويعلم ربنا انى راضية عنك
اميرة ... تسلميلى يا حبيبتى يارب .. انا هسيبك انا بقى ياماما وهروح انام عشان الجامعة الصبح تصبحى على خير
خديجة .. وانتى من اهله يابنتي
ثم قفلت اميرة هاتفها ونزلت دموعها مجددا
نورا ... تااانى يا اميرة بطلي عياط عشان خاطري
اميرة .. أول مرة اكدب على امي
نورا ... منا استغربت انتي ما دفعتيش ايجار شهرين ولا شوفتك جيبتي كتب
وحتى الجامعة لو قدمتي شهادة وفاة والدك مش هيعفوكي من المصاريف كلها
بس انا مقدرة إنك كنتي عايزة تطمنيها
اميرة وهى تمسح دموعها ... قوليلي طيب يا نورا كنت هعمل ايه غير كدا ؟
دنا لو قلتلها كدا ماكنتش هتنام الليل وهتفضل قلقانة والاصعب انها مش قدامها حل غير كدا
نورا ... هى مش قدامها حل بس انتى قدامك..
اميرة بلهفة ... ازااااى طيب ؟
نورا .... تشتغلي
اميرة بسخرية .. وتفتكري يعنى اني هلاقي شغل يتوافق مع الكلية والمرتب يكفي مصاريفي
نورا ... بصي اللى بيدور بيلاقي .. وناس كتير جدا بتدرس وبتشتغل ده اصلا بقى العادى
اميرة ... ياريت الاقى يااارب
نورا ... بس تفتكرى مامتك هتوافق تشتغلي وانتي بتدرسي
اميرة بألم ... مش هقولها يا نورا مش هقولها عمرها ماهتوافق
نورا ... ازاى يا اميرة يعنى هتشتغلي ومش هتقوليلها وبعدين انتى كدا كدا ماهتشتغلي لما تخلصي
اميرة ... اكيد طبعا بس ساعتها هشتغل بشاهدتي ومش هكون بدرس ومش تحت ضغط ساعتها هتوافق انما دلوقتي مستحيل توافق انا عرفاهاا كويس
نورا ... فكرى كويس يا اميرة انا معاكي انك تشتغلي بس مش معاكي انك تخبي على والدتك
اميرة ... مش قدامي حل تانى يا نورا سامحني يارب اني هكدب عليها بس غصب عني
نورا .. بصى حتى لو ما قولتيلهاش انتي مش هتعمل حاجة غلط او عيب بالعكس وما تقلقيش انا معاكي
اميرة .. الحمد لله يا نورا انك موجودة جمبي فى الوقت ده بجد ماكنتش عارفة هعمل اايه
نورا .. ولا يهمك يا حبيبتى انا جمبك ومش هسيبك وهدور معاكى
.وعدى الوقت ودقت الساعة الحادية عشر مساءً جلست نورا فى الصالة تفكر وهى تحتسي مشروب ساخن وجالس بجوارها نيرمين تقلم اظافرها وليلى ممسكة بريمود الشاشة تقلب بين القنوات
نورا ... ليلى اديني الجرنال اللى جمبك ده
ليلى متذمرة ... ماتقومى تاخديه
نورا بعصبية ... ماهو جمبك اهووووو يبااااي عليكي
ثم قامت نورا واخذت الجرنال من فوق المنضدة الصغيرة وجلست مجدداً
ثم بحثت عن صفحة الوظائف الخالية ونظرت بتمعن وبحثت
نيرمين ... حد يقرأ جرنال الساعة ١١ بليل ايه الثقافة دي! وبعدين انتي فاتحة صفحة الوظايف ليه بدوري على شغل ؟!
نورا غير مبالية ... حاجة زي كدا
ليلى ... عايزة تشتغلي يا نورا وخطيبك هيوافق ؟!
نورا ... مالكيش دعوة يا ليلى شيء مايخصكيش ومالكيش دعوة بخطيبي اللى فى كل جملة لازم تذكريه ده
ليلى .. انا الحق عليا اني خايفة عليكي وخايفة لتزعلوا مع بعض
نورا .. يا ساتر عليكي انتى ااايه دبش كده فكلامك على طوول
نيرمين ... لا بجد يا نورا انتى بدوري على شغل !
وكادت نورا تجيب حتى أتاها صوت اميرة من بعيد يقول
اميرة ... انا اللى هشتغل وهى بدور معايا على شغل ارتاحتوا
نيرمين ببرود ... اميرة اخيرا صحيتي البقية فى حياتك
اميرة ...حياتك الباقية
ليلى ... البقاء لله يا اميرة
اميرة .... البقاء لله وحده
نيرمين ... انتى بدورى على شغل يا اميرة انتي لحقتي دانتي لسه راجعة النهاردة من بلدكوا
نورا وكادت أن ترد بعنف على نيرمين نظرا لقلة ادبها فى الكلام حيث اسكتتها نظرة من اميرة
اميرة.. اه بدور على شغل لو ماكنش ده يضايق حضرتك يعنى
نيرمين بغيظ ... وهضايق ليه ان شاء الله ؟
اميرة .. اصل انا ملاحظة انك بتضايقي من أي حاجة انا بعملها ومركزة معايا حبتين وعموما اوعدك لما الاقي شغل اجي اقولك هشتغل اايه بالضبط وفين والميعاد
