رواية حارستي الشخصية الفصل السادس 6 بقلم بريق من الأمل
الفصل السادس
ذهبت جنات وراء فريد بيه وكان علي في نفس الوقت يضع اذنه وراء الباب لكي يحاول يسمع شئ ولكنه لم يستطع ان يسمع اي شئ واول ما فتتح فريد الباب ابتعد علي وكانه لم يفعل شئ
فريد:يلا ننزل عشان نفطر
علي:حاضر
وكانت جنات ستنزل ولكن امسك علي بذراعها فا نااظرته بنظرة غضب وتهديد فابعد يده
علي:قالك ايه
جنات:سالني علي اخبارك بتروح فين وبتكلم مين
علي:وانتي قولتيله ايه
جانت:قولتله الي كنت عايزني اقولهوله
علي بارتياح:ماشي يلا انزلي ورايا
واثناء الفطار
فريد:علي انت مش هتروح انهارده الشركه
علي باستغراب:ليه
فريد:هتروح المطار تجيب عماد اخوك هوا قال انه هيرجع انهارده الساعه اتنين
علي:اوففف ماشي
فريد:ايه مش عاجبك كلامي ولا ايه
علي :لا ابدا اروح اجيبه
ملحوظه عماد يكون الاخ الاكبر لعلي
فريد:يااه انا اتاخرت انا هروح الشركه وانت من الساعه واحده تكون في المطار
علي:حاضر
ذهب فريد الي عمله
جنات:باستغراب اول مره اعرف انك عندك اخ
علي:اديكي عرفتي صحيح انتي ليكي اخوات
جنات:ايوه
علي:حلوين؟؟
جنات:نعم قصدك ايه
علي:لا مقصدش
وقف علي من مكانه واقترب منها
علي:لكن فين باباكي ومامتك
جنات ارتبكت:موجودين اكيد
علي:وهما مبيشتغلوش
جنات:انت مالك انت هتحقق معايا
علي:ما تتكلمي عدل انتي ناسيه انك شغاله عندي
جنات:ههههههه طب انا بئه مش هتكلم عدل قولي بئه هتعملي ايه
علي:هخصم مرتبك
جنات:ماشي وانا بئه اتصل بفريد بيه وقوله علي للتمثيليه
علي:انا الي جيبته لنفسي اخلص من تهديدات بابا ادخل في تهديداتك
جنات:احمد ربنا واحده غيري كانت فضلت تطلب منك زياده في المرتب كل شويه مقابل انها تسكت
علي يبوس ايده وش ودهر:الحمد الله دانتي مفيش منك اتنين ده انتي براءه
جنات:انت بتتريق
علي:اومال يعني بتكلم بجد
تعالي معايا
طلع علي فوق ووراه جنات
علي وهوا يدخل الغرفه كانت جنات ستدخل وراؤه
علي:انتي رايحه فين
جنات:مش قولتلي اجي وراك
علي:اقصد تيجي ورايا لغاية الاوضه وتفضلي واقفه بره ولا انتي بالنسبالك عادي كده تدخلي اوضتي
جنات شعرت بالاحراج وخرجت بدون ان تتكلم
لبس علي تيشرت اسود وبنطلون جينز وخرج شعرت جنات باعجاب بشكله ولكن لم يؤثر هذا فيها
علي:يلا ورايا
جنات:استني هنا
علي:في ايه
جنات:هتروح المطار من دلؤتي والساعه لسه عشره
علي:لاء رايح معاد لواحد صاحبي
جنات:اه اوك
نزلت جنات وفتحت لعلي باب السياره ثم ركبت لتقود ووصلو الي كافيه
علي:احم احم
جنات:في ايه
علي:هفتح انا لنفسي الباب ولا ايه
جنات:اوفف
نزلت جنات بعصبيه وفتحت له الباب واول ما خرج من الباب قفلت الباب بقوه حتي هوا فزع من شده القوه
كان طارق ينطظره في هذا الوقت
علي:ازيك عامل ايه
طارق وهوا يقف ليسلم عليه:الحمد الله ليك وحشه
علي:وانت كمان
طارق ولاحظ الفتاه التي ورائه
طارق يهمس لصديقه:مين العسل ده
علي:دي البودي جارد
طارق فتح عينه علي اخرهما:انت بتهزر
علي:لاء بتكلم جد
طارق:انت مقولتليش ليه انها جميله قعدت بس تقولي دي واحده مبهدله في نفسها لحد ما افتكرت ان شكلها دراكولا
علي:عجباك اشبع بيها
طارق:بجد يعني تسلفهالي يومين كده
علي:ورينا شطارتك يا كذا نوفا
وقف طارق من مكانه واتجه نحوها
وعلي يراقبه
طارق وهوا يمد ايده ليسلم عليها:اذيك انا طارق صاحب علي
جنات:مبسلمش علي ولاد
رجع طارق يده وهوا يشعر بالخجل
طارق:احم طب ما تقعدي احسن من الوقفه كدا
جنات:انا مرتاحه كده
طارق:ممكن اعرف اسمك
جنات:لاء
طارق:ليه خايفه ولا ايه
جنات:لاء مش خايفه بس لو شايف اني خايفه فا دي مشكلتك مش مشكلتي
عصب طارق من طريقتها:انتي مالك شايفه نفسك اوي كده ليه ده انا ممكن اخلي علي يرفدك
جنات:هههه لو راجل خليه يرفدني
رجع طارق بعصبيه
طارق وهوا معلي صوته حتي يسمعها:علي ارفد البنت دي دلؤتي لانها قلت ادبها عليا
علي بياس:مقدرش والا هتروح تقول لابويا علي التمثيليه الي جبتها عشانها
ناظرته جنات بنظرة انتصار
واحرج طارق منها:يعني انت لبست
علي:كنت فاكر هتحكم في كل حاجه بس انا الي خليت بنت تتحكم فيا
طارق وهوا يخفض صوته حتي لا تسمعه جنات:طب وبعدين كده البنت ممكن تسوق فيها ومترداش تسيب الشغل خالص وتفضل البودي جارد علي طول
علي توتر:تفتكر لالا دي برضه شكلها انسانه كويسه
طارق:ماهوا ده كيد النسا يابني البنت من دول تعمل فيها بريئه لحد ما تتمكن منك
علي:يووو طب سيبنا بئه من الموضوع ده ويلا قوم من هنا
طارق باستغراب:ليه
علي:في واحده مديها معاد جايه بعد شويه
طارق:ماشي يا عم ماشيه معاك
علي:ابعد عينك دي وقوم
طارق:ماشي قايم بس شوف الحركه الي هعملها فيها دي
علي:لا اوعي تقر....
ولم يستطع علي ان يقول له ان يبتعد عن جنات فهوا خائف ان تتهور عليه جنات وتضربه اذا اقترب منها
مشي طارق بجانب جنات وشد التوكه من شعرها
فا نزلت خصلات من شعرها علي وجهها وبدا شعرها يتطاير
انصدم علي من شكلها هذه اول مره يشعر انها حقا فتاه شعرعا الناعم الذي يتطاير بخفه
علي وجهها
علي:دي فعلن بنت!!!!
ناظرت جنات خلفها وهيا في عصبيه شديده وطارق ينظر لها بنظرات خبث
طارق :كده احلي يا عسل
وغمز لها وكان سيذهب لكن اوقفه يدها التي امسكت بذراعه
ثم وضعت ذراعه علي كتفها وقلبته علي الارض
وقع طارق علي ظهره وهوا يتالم:اااااااه
اقتربت منه جنات واخذت التوكه ولمت شعرها من جديد
ذهب علي بسرعه الي صديقه:طارق انت كويس
طارق:اااه انا كويس
ساعد علي صديقه علي الوقوف
ناظر طارق جنات بنظرات عصبيه فا ناظرته بنظرات تهديد
طارق:انا هركب العربيه خليك انت مكانك
علي:طب استني اوصلك للعربيه
طارق:لالا انا هروح لوحدي
وبالفعل ذهب طارق وهوا بداخله بركان من الغضب رجولته وكرامته اهانتهم فتاه
علي بعصبيه:انتي ازاي تعملي كده ده شغل حيوانات
جنات ببرود:طب ارجع مكانك بدل ما اخليك زيه علي الارض
شعر علي بخوف ورجع مكانه ينطظر الفتاه
جائت فتاه جميله جدا
الفتاه:هاي حبيبي
علي:اذيك يا سلوي ايه القمر ده لاء انا كده هقع من طولي
انصدمت جنات كيف يقابل فتاه غير هايدي الا يحبها؟؟؟
اقتربت جنات منهم:جري ايه يا علي انت مش بتحب هايدي
سلوي باستغراب:مين هايدي دي
جنات:هايدي دي تبئه...
ولم تكمل جملتها فا قد وضع علي يده علي فمها
علي::هههه اطلبي حاجه يا حبيبتي لحد اما جيلك
ابتعد علي وهوا يشد جنات من يدها
علي:ايه السياح الي انت بتعملهولي ده
جنات:انت ازاي تخون هادي
علي:انا مبخنهاش
جنات:اومال البنت دي واخدها تخليص حق
علي:لاء دي واحده زي اي واحده بقضي معاها وقت لطيف لكن هايدي هيا الاصل
جنات:انت بتهزر صح انت ازاي تعمل كده
علي:بقولك ايه ملكيش دعوه
وتركها ورجع الي الطاوله
علي:معلش يا حبيبتي اتاخرت عليكي
جنات:ماشي يا علي
سلوي:بقولك ايه يا حبيبي متخلينا نتمشي بالعربيه شويه
علي:من عنيا جنات يلا سوقي الي عربيه
جنات بخبث:حااااضر
ركبو هما الاثنين العربيه
قادت جنات السياره لبعض الوقت وفجاه اوقفتها
علي:في ايه
جنات:تعبت
علي:يعني ايه تعبتي انت جايه توقفينا علي الكبري وتقولي تعبتي
جنات:لو مش عاجبك تعالي سوق انت
علي بعصبيه:معلش يا سلوي
خرجت جنات من السياره وركبت في الخلف بجانب الفتاه:منوره يا حبيبتي
سلوي:شكرا
جنات وهيا تتحدث الي علي:بسرعه شويه انت مبتعرفش تسوق ولا ايه
علي ناظرها بعصبيه
جنات كانت تنظر لسلوي بنظرات احتقار
لم تشعر سلوي بارتياح
سلوي:علي اقف هنا
علي:ليه بس
سلوي :معلش اصل انا افتكرت ان في مشوار لازم اعمله
علي واوقف العربيه وخرجت سلوي بسرعه واخذت تاكسي
علي وهوا يناظر جنات بعصبيه شديده:انتي اتهبلتي في مخك باين
جنات:اتلم واحترم نفسك احسنلك
خرج علي من السياره:مش ناويه تسوقي ولا سواقك انا
جنات:هاا امري لله
وركبت جنات واوصلته الي المطار
في مكان تاني في كافيه
احمد:ها قولتي ايه
سكرتيرة فريد:خمسين الف جنيه
مسعود:طب خليهم اربعين
سكرتيره:خمسه واربعين والا هقوم وامشي
احمد:موافق بس تجبيلي فكرت مشروعه في اسرع وقت
السكرتيره:اعتبره حصل
عند علي وجنات
كان علي واقفن ينتظر عماد اخوه الاكبر
حتي راه من بعيد وهوا ياتي بالحقائب
اقترب علي منه ووراءه جنات
علي:حمد الله علي السلامه
عماد بابتسامه هادئه:الله يسلمك
كان عماد يختلف عن اخوه كثيرا عماد انسان عاقل متدين يوزن الامور
عماد لاحظ جنات:مين دي
علي:دي جنات البودي جارد بتاعتي
عماد اقترب منها مبتسمن:تشرفت بحضرتك
جنات شعرت بارتياح اليه لا تدري لماذا ولكنها ترا في عينيه الاحترام والحكمه:اهلن بحضرتك
عماد:اعملي ما بدالك في اخويا الي زيه مبيجيش غير بالضرب علي الافا
جنات:هههه عندك حق
علي:ايه انتو بتتفقو عليا ولا ايه
عماد:مع احترامي ليها انت جيبت بودي جارد ليه
علي:كنوع من البرستيج
ناظرته جنات بنظره معناها برستيج برضه يا بتاع هايدي
عماد:طب يلا مش هتوصلني ولا ايه
علي اه يلا بينا
يتبع.....
الفصل السادس ج2
ركب علي وعماد في الخلف وبدات جنات بتحريك السياره
عماد باستغراب:هوا فين السواق مش هيا المفروض البودي جارد
علي بارتباك:اصل هيا اصرت تكون السواق بتاعي عشان ...عشان ده من ضمن دواعي امنيه
عماد غير مقتنع:ماشي
عماد:وحضرتك بتدرسي
جنات:اه انا في ثالثه اعلام
عماد بهدوء:ربنا يوفقك....لكن مش غريبه يا علي انك جايب بودي جارد بنت
علي:الي لقيته في وشي
عماد:نعم
علي:اقصد يعني انها عندها مهارات قتاليه
عماد:ماشي
علي:انت هتعيش معانا ولا في شقتك
عماد:لاء معاكو
علي بفرحه:يااا كويس برضه وحشني اغلس عليك
عماد:انا بقول ارجع لشقتي احسن
ضحكت جنات رغمن عنها :ههه
علي:وانت بتضحكي ليه انا واخويا المفروض انتي تركزي في سواقتك وبس
تضايقت جنات من كلامه وكانت سترد عليه لكن سبقها عماد
عماد:ايه يا علي مالك هوا الضحك ممنوع ما تخليك انت كمان في حالك هيا حره
نظرت جنات لعماد وابتسمت له ابتسامه ممتنه تحمل الشكر له فا بادلها هوا الاخر بابتسامه رقيقه
عماد:ممكن بس يا انسه
جنات:اسمي جنات
عماد في نفسه اسم جميل ولايق عليكي:ممكن بس توقفيني عند الكافيه الي هناك
جنات برقه تبرز جمال صوتها :حاضر
علي:انت مش هتروح ترتاح ولا ايه انت لسه راجع من السفر
عماد:واحشني الكافيه ده ونفسي اقعد فيه
علي:ماشي علي راحتك
وبالفعل اوقفت جنات السياره ونزل عماد منها
عماد:مع السلامه يا انسه جنات
جنات:مع السلامه
علي:ايه
جنات:ايه
علي:شايفك رقيقه او مع اخويا مليش انا كمان نفس ولا ايه
جنات ناظرته بنظرات احتقار وفجاه رن موبايلها
جنات:الووو
جنا:انا زعلانه منك
جنات:ليه كده
جنا:يعني اصحي وملقكيش
جنات:يا روح قلبي معلش انا اسفه
جنا:طب هاتيلي شيبسي وانتي جايه
جنات:من عنيا يلا سلام يا جوجو
جنا:سلام
علي وهوا يغمز لها:مين القمور الي كنتي بتكلميه
جنات:وانت مالك
علي:يعني عشان برضه اساعدك تلفتي نظره
جنات:دي اختي الصغيره يا اهبل
علي:مش عليا انا الحركات دي
جنات:دي فعلن اختي
علي:ماشي ماشي
يلا وديني البيت
وبعد عشر دقائق وصلو البيت
دخل علي الي الفيلا
وورائه جنات ذهب علي الي غرفته وظلت جنات واقفه بالخارج وفجاه فتح علي باب الغرفه
علي:ادخلي
جنات:ليه
علي:هديلك حاجه
دخلت جنات
علي وهوا يخرج بعض البدل القديمه:خدي
جنات:ايه ده
علي:بدلي القديمه البسيها وقت الشغل
جنات انصدمت:نعم
علي:ايه في ايه مالك
جنات اقتربت منه وضربته الم قوي جدااا
علي انصدم:انتي تمدي ايدك عليا!!!
جنات والدموع في عيناها:هيا كرامة الناس مش هماك انت عارف انا مش هشتمك لانك احقر من انك تتشتم
وخرجت جنات بسرعه من الغرفه ونزلت الي الصاله وهيا تبكي بحرقه
علي وما زال لا يستوعب ما حدث يشعر باهانة كرامه ومن فتاه!!!!!
جنات لم تكن تعرف طريق الحمام فا دخلت الي المطبخ وغسلت وجهها ولكن المياه لم تسطع ان تقلل من دموعها او تخفي اثار حزنها
جنات:يا ربي انا تعبت بجد
؟؟؟؟:تعبتي من ايه
نظرت جنات خلفها فوجدت عماد ينظر اليها باستغراب
جنات وهيا تخفي دموعها:لا ابدا ولا حاجه هوا مش حضرتك كنت في الكافيه
عماد:ايوه لكن ابويا اتصل اول ما قعدت عشان عايزني فا طلب مني استناه في البيت
جنات:طيب عن اذنك
وكانت ستذهب ولكن استوقفها صوته:انسه جنات
جنات وهيا تخفي وجهها عنه:نعم
عماد:ممك بعد اذنك تقوليلي انتي بتعيطي ليه
جنات:لا دي بس حاجه دخلت في عيني
عماد:انتي مش عارفه ان الكداب بيدخل النار
نظرته جنات باستغراب
وقترب منها عماد:عارف ان في حجات مبنحبش نقولها عشان منبينش اننا ضعاف بس يمكن لما نعترف بضعفنا وحزننا ده يخلينا اقوي
ابتسمت جنات بمراره وسخريه جنات:ده لو لقينا الحد الي يسمعنا ويحس بحزننا
وسمعت جنات موبايلها يرن
جنات:الوو
الدكتور:انسه جنات باباكي فتح عنيه
جنات بناصدام:بتقول ايه انت بتتكلم جد يا دكتور...طب انا جيالك حالن
وكانت ستذهب جنات ولكن استوقفها صوت عماد مره اخري
عماد:انتي رايحه فين
جنات:لازم اروح لاوبويا في المستشفي بسرعه
عماد:استني انا هوصلك بدل ما تتاخري وانتي بتدوري علي تاكسي
جنات:متشكره لحضرتك اوي
ذهب عماد وجنات الي السياره وبدات جنات توصف له الطريق حتي وصلو الي مستشفي
واول ما وصلو جريت جنات باقصي سرعه وخلفها عماد ودخلت الغرفه ووجدت الدكتور
جنات وهيا تنظر لاباها انصدمت فا ان عيناه مغلقه
جنات وهيا متوتره:دكتور مش حضرتك قولت انه فتح عنيه
الدكتور:للاسف رجع للغيبوبه تاني بس كونه انه فتح ده يدي امل انه ممكن يقوم
جنات بعصبيه:انت كداب انا بقالي تقريبن سنه كامله بسمع الكلام ده انا تعبت
عماد:اهدي ده شئ بايد ربنا
خرج الدكتور وهوا يشعر بالاسي عليها
وجلست جنات علي الارض وهيا تبكي:بجد كده كتير انا تعبت
عماد تالم لشكلها هذا كان دائمن ينظر لهذه المشاهد المؤثرة فقط علي التلفاذ لاول مره يرا هذا في الواقع لم يكنيدري ان هذا المشهد الواقعي من الممكن ان يؤلم قلبه
عماد وهوا ينزل علي الارض:جنات قولي الحمد الله واوعي تعترضي علي قضاء ربنا
جنات ببكاء وصوت مبحوح:انا حامده ربنا ومش معترضه بس انا خايفه ... خايفه اووي
عماد لم يستطع ان يتمالك نفسه دمعت عيناه من كثر هذا المنظر المؤلم
جنات:ارجوك سيبني لوحدي
عماد:علي راحتك انا هستناكي بره وانتي عيطي علي اد ما تقدري
خرج عماد ونزلت دمعه من عينه لم تبكي عينه لفتاة غير زوجته المتوفيه من بعدها لم تشد انتباهه اي فتاه هذه اول مره تبكي عيناه لفتاه غير زوجته المتوفيه
في الفيلا
فريد بعصبيه شديده:معقول الكلام الي انت قولته ده
علي:ايوه هيا سابت حراصتي من غير ما تستاذني وكمان موبايلها نغلق
فريد:ماشي ده حسابها معايا هيكون عسير
ابتسم علي بخبث
في المستشفي ظلت جنات تبكي لثلاث ساعات متواصله
ثم خرجت وانصدمت وهيا تجد عماد يجلس ينتظرها وقد غلبه النوم
جنات:استاذ عماد
عماد فتح عينه ببطئ:جنات!!!
جنات:ايوه
استوعب عماد وتذكر ما حدث:اخبارك ايه دلؤتي
جنات:الحمد الله متشكره اوي لحضرتك وكمان متاسفه اني خليتك تستناني وحضرتك لسه راجع من السفر انهارده
ابتسم لها عماد:بس طبعن في مقابل
جنات بابتسامه:اكيد
عماد:ممكن تسوقي انتي العربيه معلش لاني انا مش ناقص غير اني اعمل الموبايل مخده وانام عليها
ابتسمت جنات ابتسامه خفيفه:حاضر
وبعد ربع ساعه وصلت جنات ودخلو الفيلا
فريد بعصبيه:فاكره نفسك في النادي تروحي وتيجي علي مزاجك
جنات: متاسفه لحضرتك
فريد:بيه: انتي انسانه غير مسؤله ومش محترمه شغلك
علي كان يبتسم ابتسامه واسعه وهوا ينظر لجنات وهيا عيناها للارض
عماد:بابا مش هيا السبب في التقصير ده
فريد:قصدك ايه
عماد:حضرتك عارف اني عندي الضغط وانا ضغطي وطي جدا واغمي عليا فا هيا جت توصلني للمستشفي
علي:بس ازاي وانت كنت في الكافيه
عماد:مهو بابا رن عليا في الوقت ده ورجعت البيت بس اغمي عليا من قبل حتي ما اعرفك
شعر علي بالغضب الشديد
فريد:انا متاسف يا بنتي كنت المفروض اعرف ايه عذرك
جنات:حصل خير يا فندم
فريد:اتمني انك تسامحيني هيا غلطتي اني مشيت ورا واد اهبل زيه
جنات:لا يا فندم برضهةحضرتك عندك حق
فريد:انتي زي بنتي وعارفه اني بثق فيكي وخصوصن من الي عرفته منك
كان فريد يقصد علي ما قالته جنات له في اول مقابله بينهم عندما قررت ان تنفذ فكرت صديقتها هند
فريد:يلا روحي عشان انتي اتاخرتي كدا
جنات بارتياح :متشكره لحضرتك يا فندم
التفتت جنات وهيا تنظر لعماد بامتنان وعلي دخان يخرج من اذنه من كثرة الغضب
جنات وهيا تتمشي الي المنزل تذكرت ان اختها طلبت منها شيبسي فا ذهبت الي عم لطفي
جنات:اذيك يا عم لطفي
عم لطفي:اذيك يا بنتي اخبارك ابه
جنات:نحمد ربنا علي كل حال
عم لطفي:ها يا حبيبتي عايزه ايه
جنات:عايزه كيس شيبسي حجم عائلي بالجبنه
عم لطفي:من عنيا التنين ده طبعن ليكي ولجنا
جنات:اكيد مانت عارف هيا بتموت في الشبسيات
عم لطفي:سلميلي عليها وقوللها انها وحشاني
جنات:وهيا كمان مشتقالك جدا وان شاء الله يوصل
كانت ستعطيه عشر جنيهات لكنها لاحظت شئ غريب مكتوب علي الورقه
نظرت جنات الي الورقه وانصدمت
كان مكوتب علي الورقه الفتاه القويه وتحتها مكتوب ممكن نتعرف بالفتاه القويه
جنات تحاول ان تكذب نظرها ولكن لم تستطع ان كلمة الفتاه القويه هوا حقا خطها
اذن معني هذا ان هذه العشر جنيهات ذهبت وعادت اليها مره اخرااا
والا ما كان مكتوب تحتها هذا الكلام
