رواية نقطة تحول الفصل الخامس 5 بقلم جمانه السعيدي
بديت مرحله جديده بحياتي وكانت اصعب مرحله
اولا راح اعيش ويه عمتي وزوجها
ولازم اعيش وفق شروطهم وطريقتهم وتصرفاتي لازم توالم وضعهم
اكيد اني اتحول من ولد الى بنيه شي صعب
كل عمري حاسبه نفسي ولد واتصرف تصرفات ولد
صوتي عالي واتعارك ويه الجهال
اركض حافيه بلشارع شعري قصير
لازم ابدي انسى كل هذا واتعلم شغلات جديده واتصرف تصرفات بناتيه
صعب هذا الموضوع عليه
بس لازم احاول الخاطر عمتي الي حمتني من الضياع
وقبلت ابقى بيتها وتحت رعايتها
قدمت اوراقي للمتوسطه واشترتلي صدريه وقميص وجنطه كلما اشوف الصدريه
اشوف نفسي ما ادبرها شلون راح البسها وامشي بيها
مما ادري
بلاضافه الى دروس المدرسه كانت اكو دروس بلحياة لازم اتعلمهن واطبقهن بحياتي
هاي الدروس كانت عمتي طول النهار تحفضني اياهن
جمانه السعيدي
اكعدي عدل لاتحنيين ضهرج
لاتحجين بصوت عالي
فكري بلكلام قبل لاتردين
امشي على كيف مو بسرعه ومن تمشين نزلي أصابع رجليج
قبل الكعب
من تاكلين لا اطلعين صوت
من تخلين الاكل بحلكج خلي لكمه زغيره وسدي حلكي من تلوجين الاكل لاتعوفين حلكج مفتوح وانتي تاكلين
هذني كلهن لازم ادرب عليهن واتعود اسويها يوميه
من اجيت العمتي جان وجهي اسمر من اللعب بلشارع
واديه نص ابيض ونص اسمر
وكف ادي ورجليه خشن
واسناني الله يستر منهن داخلات وطالعات وصفر
لان ما افرجهن
بدت عمتي تشتريلي كريمات البشرتي حتى يتوحد لونها
وحتى تنعم وزيوت الشعري حتى يطول
مراح اكللكم اني صرت برنسيسه بين يوم وليله
لا ولله اني تعبت وعمتي تعبت أكثر مني
مو بسهوله اتعلم هيج اشياء
جمانه السعيدي
بده شكلي يستعدل وراح السمار الي بوجهي وشعري شويه طول
عمتي اشترتلي ماشات وطوك وتحاول اترتبه
لان ماينشد بعده رغم هو اسود وثخين وسرح
ابد ابد ما نسيت بيت خالي وجنت اتمنى اسمع اخبارهم
مرات اكول كون اصير عصفور واطير اروح اشوفهم وارجع
كلش مشتاقه الهم
نجحت من الاول متوسط وعمتي حيل فرحت بيه
بعد فترت السقوط وتشكيل الجان انتخابيه
صعد عمو محسن بلانتخابات
وصار مدير عام
وهنا كان لازم ننتقل البغداد ونبدي حياة جديده
أخذنا شقه بلخضراء هاي الشقق كان يسكنها ناس مناصب
يعني مو برلمانيين وإنما ناس اقل منهم
عمي بهاي الفتره كلما يشوفني يكول انتي وجه الخير كله
على عينج اجا الخير
عفنا بيتنا قفلنا وعفنا مثل ماهو باثاثه لان الشقه كانت ماثثه
بدت حياة جديده الشقه الي سكنه بيها جيرانه كان رجل واصل وزوجته محاميه وعدهم ٣ بنات
الجبيره بعمري وثنيين ازغر مني
صارن صديقاتي وعمتي تقبل اروح يمهم لان بس بنات
جنا نقرا ونلعب وكلش نسوي سويه
ابد ما نتفارك
الصراحه هاي الصداقه أثرت على اسلوبي بلحياة بشكل افضل
هسه اكللكم شلون
من جنت عايشه بيت خالي لان بس ولد تصرفاتي كلها مال ولد
بس هسه اشوفهن شلون يحجن وشلون يتصرفن
وشلون معتنيات بنفسهن
وشلون يختارن الملابس
جمانه السعيدي
حسيت نفسي قبل ابد ماجنت بنيه
معقوله البنات هاي الشغلات الحلوه كلها عدهن
بس جانن دائما يقلدن على اسنوني
ويكولن اسنونج مو حلوات
من خلصت ثالث متوسط سافرنا السوريه
وهنا سويت تقويم الاسناني والدكتور كال بس نفتح التقويم نبرد اسنانج ونبيضهن
نسيت كلشي يخص عباس وبديت اتحول العبير
ومعاشرتي الهذني البنات غيرت هواي من تصرفاتي واطباعي
واكيد الدور الجبير العمتي الي جانت دائما تعتني بيه
صار جسمي ابيض لان ما اطلع بلشمس
وشعري طول وصل النص ضهري
هو شعري من قبل بسرعه يطول يركض ركض
خالي من جان ياخذني للحلاق يكله حيل قصره لان بسرعه يطول
ما اخفي عليكم الحياة جانت حلوه وكلشي اطلبه الكا كدامي
بس ابد مانسيت موقف ابوي وزوجته وموقف خالي
انحفرن داخلي حفر جمانه السعيدي
اكثر من سنه كامله واني اراجع علمود اسناني
بس الصراحه صارن شكل ثاني شكلي كله تغير
صار عندي ثقه بنفسي اكثر
عمو محسن كل سنه انجح يشتريلي قطعه ذهب وبلسنه اسافر مرتين بلصيف نتونس
هذني البنات صارن اكثر من خوات اليه
حتى اكل بيتهم واشرب وهنا يجن يمنا
واذا اكو سفرا نطلع سويه
يعني طول النهار سويه ما نتفارك ابد
واني صرت انسانه ثانيه شكلي كله تغير صرت حلوه وشكلي مرتب
من نجحت من الخامس علمي جنا مقررين نطلع سفره للشمال سويه احنا وبنات جوارينا واهلنا
كلنا سويه بس بعدين البنات كالن احنا مانكدر لان خالو
جاي من امريكا وراح يبقى عدنا شهر
وراح يوصل بهل يومين
خالهم عمرا ٢٨ سنه وطالع يدرس بلخارج وجاي اجازه
يشوف الاهل ويرجع
اسمه مويد
اني حيل ضجت لان مراح تطلع السفره حلوه إذا ماموجودات وياي اني تعلمت عليهن
طبعا اني هاي فترت خمس سنوات كلشي ما اعرف عن بيت خالي ولا عن ابوي وجهاله
حتى من يجي خبر عن ابوي اكوم بسرعه ومآ اريد اسمع اي شي عنه الي سوا بيه مو قليل جمانه السعيدي
قررنا نروح اسبوع ونرجع بس اني وعمتي وعمو محسن
وفعلا رحنا وتونسنا احلى ونسا
كنت اخذ صور وادزلهن حتى احرك كلبها ليش ما اجن وياي
من جنت ادز الصور ويسولفن بينهن عليه وشلون يحجن
ومحروك كلبهن هذا الموضوع لفت انتباه خالهن
مؤيد شو خل اشوف هاي الي تحرك بدمجن شلون شكلها
رنا الجبيره خالو هاي اختنا الرابعه احنا وياها ما نتفرك ابد بس علمودك احنا بطلنا هاي الرحله
مؤيد خل اشوفها
رنا هاك التليفون وشوف الأماكن الحلوووه
طبعا اني بلصور كله بديات ربع ردن وبناطير جينز والشعر مفتوح ومكياج خفيف
واكو صور نفانيف قصيره ونضارات
مؤيد هاي صديقتجن يعني بعمرجن
رنا اي خالو فد بنيه حبايه صار اربع سنوات هي صديقتنا
ومآ نتفارك ابد
مؤيد حلووووه تخبل
رنا اي خالو هي كلش حلوووه
عبير كملنا الاسبوع ورجعنا عمتي وعمي راحو للشقه واني كلتلهم اسلم على صديقاتي واجي وراكم
جنت لابسه بنطرون قماش اسود وبدي اخضر وستره بيضه قصيره وفاتحه شعري ومصعدا المناضر مثل الطوك
دكيت الجرس لا مو دكيته حركته حرك
لان كلش مشتاقه الهن جمانه السعيدي
مؤيد اني كاعد واسمع الجرس احترك حرك
طفرت وكمت اصيح اجيت شكووو شصاير
فتحت الباب وشفت هاي المخلوقة العجيبه كدامي
جانت مبتسمه بس شافتني نزلت حواجبها
والابتسامه اختفت
وكالت رنا موجوده
اني راسا عرفته كتله اي موجوده تفضلي
دخلت والبنات لاكنها طالعات من غرفتهن على صوت الجرص
حضننها ويبوسن بيها وماتعرف الضحك من العياط
وسحبنها الغرفتهن جوا
ومآ اسمع بس صوت الضحك
والغلط حقيره خاينه عفتينا ورحتي
عبير ولله السفره مو حلوه بدونكم مكانكم خالي
التوبه اخر مره اروح بدونجن
خل اروح ابدل وارتاح وارجعلكم بليل اسولفلكم على هاي الرحله
طلعت واني وكفت اباوع عليها
هي باوعتلي بستغراب واشرت الرنا منو
رنا نسيت اعرفج على خالي مؤيد
مؤيد اني جنت منتضر هاي اللحضه اتقدمت ومديت ايدي اسلم عليها وكلت فرصه سعيده
عبير سلمت علي وكلت اهلا وسهلا
من رخصتكم بنات ارجعلكم بليل واجيب الهدايه وياي
مؤيد طلعت واني عيني عليها كلش عجبتني
جمانه السعيدي
حسيتها جامعه كل الصفات
جسم انثى وحركات طفله وجمال طبيعي مو مصتنع
ما اعرف ليش شدتني الهلدرجه
رغم اني اعتبر بنات اختي الي بعمرها اطفال
بس هي بيها شي مميز
