رواية قلب ليس من حقه الحب الفصل الثاني والخمسون 52 بقلم لؤلؤة حيرانة

"خرج آسر ثم توجه لاخته فى المشفى عدة طرقات ثم دخلل ....كان يجلس بجوار زوجته وهى تحتضن صغيرها....كان ....بينما امها نائمة وامه قد غادرت منذ قليل ...وجودوا طرقا على الباب اذن يوسف ...فدخل ...."

آسر"بابتسامة " : السلام عليكم...ادخل ولا ...

يوسف "ينهض متوجها اليه " : ما انت دخلت خلاص...

آسر"يحتضنه " : مبروك يا عم ..يتربى فى عزك وعز مى ...

يوسف : الله يبارك فيك عقبالك...

آسر "بأسى " : ان شاء الله ...حمد لله على سلامتك يا مى ..

"وقرب منها ثم قبل رأسها....وحمل ابنها "

مى : الله يسلمك يا حبيبى

آسر "بابتسامة باهتة " : ماشاء الله ....حبيب خالو شرف ...فتح عينيك يا ولا ...يلا شوف خالو ...وشوف جابلك ايه ..

يوسف : هههههه اللى يشوفك دلوقتى ميشوفكش ايام السكاشن ...كنت بتبص لكل واحد فينا تكتمه على طول ...

آسر : اعملكم ايه يعنى ....انا اشرح وانبح فى صوتى وانتو قاعدين تعملو مقالب فى يعض ...يا شيخ اتنيل وامسك ابنك...

يوسف : ورينى كده يا بطل خالو جابلك ايه ..

مى : مكنش له لازمة تتعب نفسك انت فيك اللى مكفيك ...

آسر "بعتاب" : اخص عليكى ده ابنى ...بس هادى مبيعيطش ليكون تعبان ولا حاجة لا قدر الله ؟؟

يوسف "بسخرية " : طالع لخاله ...

آسر : لا وانت الصادق لمامته ....طيب هستأذن ..بورك فى المولود وشكرتم الرازق..

مى : سمية عاملة ايه...

آسر "بـأسى ": ادعيلها يا مى....ادعيلها

مى : والله دعيتلها ....ايه اللى حصلها ...عندها ايه طيب ...

آسر "يقبل رأسها " : ادعيلها بس ...يلا مع السلامة ...

"خرج آسر...اخذ يفكر بها ..يفكر بكل ثانية عاشتها معه ..وكل موقف مرا به سويا ..وكل شئ ...كل شئ ...يالله ..ترفق بها واشفها ...حادث باسل فى الهاتف ..."

باسل : هلا آسر كيفك ؟

آسر : تمام الحمد لله ازيك انت ويمن ولين ؟؟؟

باسل : الحمد لله باحسن حال والله ..شو اخبارك..لقيتها لسمية ؟؟؟

آسر "بتنهيدة " : ايوة ..الحمد لله

باسل : كطيب تمام الحمد لله طمنتنى ....ايش وضعها هلا..يارب تكون منيحة ؟؟؟

آسر : عشان كده اتصلت بيك ...بص يا باسل انا هبعتلك تقارير واشعات لسمية ..وقوللى رأيك فيها ...ماشى

باسل "بتعجب ": تقارير شو ؟؟ ليش سمة مريضة لا سمح الله ؟؟

آسر : ايوة يا باسل ...تعبانة شوية لما توصلك التقارير هتعرف ....المهم ابعتهالك امتى ؟؟

باسل : والله بأى وقت ...فيك تبعتها هلا اذا بدك ...

آسر : طيب ماشى هشوف وابعتها ...متشكر جدا يا باسل

باسل : لا تقولهيك ..نحنا اخوة

آسر : ده العشم ...يلا مع السلامة

باسل : مع السلامة

" اغلق آسرهاتفه ...ثم توجه لمشفى خليل حيث ترقد هناك ....زوجته...توجه لغرفتها ..وجد والدتها معها ..تكلمها وسمية تنظر اليها مبتسمه ...لم تلحظا ووجوده ...لم يدر كم من الوقت مر وهو يراقبها...لم تكن تتحدث...كانت فقط تبتسم ...لقد اراحته ابتسامتها ...يبدو ان والدتها تقرأ قرآنا ...نامت سمية ويدها مازالت فى يد والدتها ...قبلتها والدتها ثم خرجت .."

مها : آسر ؟؟؟ انت هنا من بدرى ..

آسر : يعنى ....سمية عاملة ايه ؟؟

مها : الحمد لله ...ربنا يثبتها يابنى ...

آسر : يارب ..حضرتك هتباتى النهارد ة هنا ؟؟

مها : ان شاء الله....وانت

آسر : ربنا يسهل لسة معرفش ...حضرتك روحى ريحى فى الاوضة

مها "تربت على كتفه ": ماشى ..لو حبيت ترتاح تعالى يا بنى انت بقالك كام يوم من الشركة للمستشفى ومن المستشفى للشركة ...

آسر "بابتسامة " : انا كويس ياا طنط متقلقيش ...بالمناسبة ..مى ولدت ...

مها "بفرحة " : بجد الف مبروك ..هكلم ملك ان شاء الله ونروحلها ...هى فين ؟؟؟

آسر : هى فى المستشفى هتروح بكرة ان شاءالله ..

مها : ماشاء الله..ربنا يباركلهم يارب ...عقبال متفرح بعوضك انت كمان ..

آسر : اللى يفرحنى بجد سمية تكون كويسة يا طنط ...

مها "بتنهيدة " : يارب...المهم انا هروح اريح فى الاوضة شوية عن اذنك يا بنى

"ذهبت مها الى غرفتها ..بينما ظل هو على حاله ...اذن الفجر ...صللى ..ثم عاد لوضعه ..جلس على الكرسى يتلو ورده من القرآن ..اسند رأسه قليلا على الجدار ثم اغمض عينيه لثوانى...استيقظت ..فجرا ..لم تجده ..ثم نامت مرة اخرى ...استيقظت فى الصباح على صوت خليل...."

خليل :صباح الخير ..

سمية "بصوت مبحوح": صباخ النور

خليل : صوتنا طلع اهه ..الحمد لله ..هتنتقلى النهاردة اوضة عادية ..

سمية "مازحة ": الحمد لله ..اصل الاجهزة دى حسستنى انى هموت متكهربة

خليل : ههههه لا يا ستى بعد الشر ...خلاص ...شدى حيلك ..

"نظرت سمية خارجا لتجده ....مسندا ظهره نائما ....لاحظ خليل ...ثم ..وجه نظره اليها مبتسما ..."

خليل : سامحيه يا سمسمة...اللى بيحب بيسامح..

سمية "بتنهيدة " :ربنا يسامحه ...

خليل : يارب...

" خرج خليل ثم ربت على كتف آسر ...ليوقظه ...استيقظ آسر ..ثم فرك بيديه عيناه من تحت نظارته الطبية ...دلك رقبته بيديه قليلا ...ثم نهض..."

آسر "بتثاؤب ":ها يا عمو هتتنقل امتى ؟؟

خليل : كام ساعة كده ان شاء الله ....انت مش هتروح الشغل النهاردة ؟

آسر : لا ...استئذنت من عمو أحمد...هى نايمة ولا صاحية ؟

خليل : صاحية ..انا هروح اقول لمها عشان تكون معاها...

آسر : طيب .زماشى اتفضل يا عمو...

"ذهب خليل متوجها لغرفة مها ...بينما هو نظر لها من خلف الزجاج ..كانت مغمضة عينيها ...تنهد ثم دخل ...مسك يدها ...فتحت عيناها بتثاقل ...فوجدته ناظرا لها مبتسما ...نظرت امامها .....ثم سحبت يدها بهدوووووووء ....كانت تفكر..هل يرضى ذلك ربها ...هو زوجها ...وله حقوق عليها ..ابسطها منعته اياها ...كان بناءا على اتفاق لكنه كان اقتراح منها ..هل يرضى عنها الله وهى تعامل زوجها هكذا ....والحديث الشريف يقول ... عن أبي هريرة قال: قال رسول الله صلى الله عليه وسلم: ((لو كنتُ آمرًا أحدًا أن يسجد لغير الله لأمرت المرأة أن تسجد لزوجها، والذي نفس محمد بيده، لا تؤدي المرأة حق ربها حتى تؤدي حقَّ زوجها كلَّه"...وايضا ((اثنان لا تجاوز صلاتهما رؤوسهما: عبد آبق من مواليه حتى يرجع إليهم، وامرأة عصت زوجها حتى ترجع)).

لكنه جرحها كثيرا ...فعل بها كل شئ كل شئ ..ماذا ستفعل ..ماذا سيكون ردها ...تركتها انامله ...بخوف ...ظل ناظرا اليها.والصمت حليفهما ..حتى..."

آسر : مى ولدت الحمد لله جابت محمود الصغير ...

سمية : حمد لله على سلامتها ....ربنا يباركلها ...

آسر "بأمل " : نفسها تكلمك او تسمع صوتك...

سمية : مش وقته ..لما صوتى يكون كويس عشان متقلقش

آسر "يمسك يدها مرة اخرى وبحنان بالغ يقبلها" : الف سلامة ..

سمية " تسحب يدهابارتعاشة خفيفة وبارتباك " : الله يسلمك ..

آسر : سامحتينى ؟؟؟؟؟

سمية "بسخرية ": انت مغلطش عشان اسامحك ....المسامح ربنا ..

آسر : سمية انا لما سيف .

سمية "مقاطعة " : بعد اذنك ..مش عايزة اسمع سيرة الموضوع ده تانى ..

"سكت آسر وماهى الادقائق حتى أتى خليل ...."

خليل : جاهزة دلوقتى هنتنقل اوضتنا ...

سمية : ان شاء الله

"انتقلت سمية الى غرفتها....ورتبت لها امها بمساعدة الممرضة سريرها ...ارتاحت سمية ...ثم دخل عليها...."

مها : تعالى يا آسر واقف عندك ليه ...

آسر : الاوضة هنا احسن كتير ...عقبال متنورى البيت ...

مها : طيب انا هطلع اكلم باباواجى...عايزة حاجة يا سمسمة .

سمية "برجاء " : خليكى يا ماما ..وكده كده بابا جاى اساسا ..

مها : انا عايزة منه حاجة ...عن اذنكم يا ولاد...

"خرجت مها لتترك سمية وآسر ...جلس بجانبها .."

آسر : تصدقى كده احسن من هناك..

سمية : اممم

آسر : طيب شدى حيلك عشان نرجع بيتنا ..

سمية : انا اخدت قرار ..ولازم تعرفه ده حقك...

آسر "بخوف " : قرار ايه ؟؟؟

سمية :احنا لازم نكمل اتفاقنا ...مبقاش فاضل غير شهر من تاريخه ...

آسر : مش فاهم ...

سمية : يعنى انا هخرج من هنا على بيت بابا ..ولحد ما ارتاح ان شاء الله ..هيكون الشهر عدا وكل واحد يكمل طريقه اللى وقف عنده ..

آسر : انتى بتقولى ايه..طريقى هو طريقك ...تكملة حياتى معاكى اانتى مش راضية تفهمينى ليه...انا بحبك...انا سبتت امريكا وشغلى وكل حاجة عشانك وجيت...لفيت عليكى مصر كلها وامريكا ععشان الاقيكى ....ولما لقيتك بتقوليلى كلل واحد يروح لحاله....مش من حقك طبعا ...

سمية "بدموع بسيط وصوت مبحوح ": هو ده حقى الوحيد دلوقتى ...انى اطلب منك الطلاق يا آسر ...انت عمرك محبتنى ولا هتحبنى..انت حاسس بالذنب ..بالشفقة ...متفتكرش عشان كلمتك يباى سامحتك لا .انا...انا ...خايفة اكون بغضب ربنا عشان معاملتى ليك...وعشان اتفاقى ...لكن مبأتش مستحملة ...انا بشر..ارحمنى ..وريحنى ...والله اللى شوفته مش شوية ...كفاية اللى انا فيه ...خلينى اموت وانا مرتاحة...

آسر "بتأثر" : بعد الشر عليكى انتى مش هتكونى مرتاحة لو سيبتك يا سمية ..

سمية "بسخرية " : ليه ما انا كنت معاك وتعبانة ....راحتى فى بعدى عنك

آسر "يمد لها دفترها الخاص " : طيب وده ...ده مش خطك ..دى مش مشاعرك ..

سمية "ملتقطة دفترها بسرعة " : انت ....يعنى ..ازاى ده جه معاك ...ازاى وصلك ...

آسر : نسيتيه فى اوضتك....هناك

سمية : اديك قولتها نسيته ..يعنى خلاص ..

آسر : مشاعرنا الحقيقية مبننسهاش ...حتى لو الزمن جار عليها ..

سمية "بتهكم ": للاسف البنى ادمين هما اللى جاروا عليها ياباشمهندس ..والزمن هو اللى يداويها ..

"هنا دخلت عليهم مها فتوقفا عن الحديث ....استأذن آسر بينما جلست مها بجوار ابنتها .."

مها"بابتسامة " : ااتراضيتوا ولا لسة ...

سمية "بجدية " : ماما من فضلك ..متعمليهاش تانى

مها : هو انا عملت ايه يا سمية ...؟؟

سمية : ماما ...حضرتك عارفة انا اقصد ايه ...ياريت الموضوع ده محدش يتدخل فيه..خالص لو سمحتى ..

مها : بس احنا اهلك ..وعايزين نطمن عليكى يا بنتى ...

سمية : لما جوزتونى كنتوا عايزين تطمنوا بردو ..صح ....واظن كده اطمنتوا الحمد لله ...لو سمحتم محدش يتدخل ..اعتقد ان سنى وعقلى يسمحلى احل مشاكلى بنفسى ..

مها : انا مش هاخد على كلامك لان اعصابك تعبانة ..واللى مريتي بيه اكيد مش سهل ...نامى يا سمية وريحى نفسك ...

سمية "بهدوء " : ماما انا اسفة مكنتش اقصد لكن ...اسمحولى احل الموضوع ده ...واكيد لو محتاجة حاجة مليش غيركم ...

مها "محاولة ان تغير مجرى الحديث ": على راحتك ..سها كلمتنى ..وبتسلم عليكى بس هى مش عارفة تسيب مصطفى لوحده عشان مذاكرته ...ان شاء الله هتجيلك يوم الجمعة ..

سمية : ربنا يعينها يارب ..والله خالتو دى ثوابها كبير عند ربنا من اللى هى استحملته ..

مها "بتنهيدة " : اه والله يا بنتى ..حتى اللى متسمى ربنا ينتقم منه مبيسالش على ولاده بالتتليفون ...ده يا عينى عمرو كان بيلف عليه عشان عايزه يحضر فرحه ...ومعترش فيه بردو..والله الواد قطع فى قلبى ..

سمية : يا ماما يعنى هو مهاجر من عمر مصطفى وكمان طل خالتو ومن يومها اخباره اتقطعت ....منتظرة منه ايه ..ربنا يمهل ولا يهمل ...

مها : والله يا بنتى لولا ميراث خالتك من بابا الله يرحمه فى الارض مكنتش عارفة هتعيش ازاى ...

سمية "بتثاؤب ": ربنا مبينساش حد يا ماما ....

مها : هسيبك تنامى دلوقتى ...وهطلع اكلم البيت ...

سمية : ماشى يا ماما ...

"بينما توجه لمنزله ليجد ميرفت بصحبتها صديقتها وابنتهاالحسناء....يجلسون بالحديقة....اصدر صوتا لينبههم بوجوده ..."

آسر : السلام عليكم ...

الجميع : وعليكم السلام ....

نادين : هاى ازيك يا آسر ...من زمان مشفناش بعض...

آسر "باستغراب " : الله يسلمك ...ماما لو سمحتى عايزك جوه...عن اذنكم ...

نادين : هو ماله يا طنط ....كانه مفرحش انه شافنا...

ميرفت : هاه...لا يا حبيبتى ..تلاقى مشاكل فى الشغل...ده كان كل شوية يا ماما اتصلى بطنط ليلى وحشونى جدا ...ثوانى هقوم اشوفه ماله واجى على طول ...

"كانيتحرك ذهابا وايابا يفرك فى فروة راسه ويمسح وجهه بيديه متوترا...يبدو عليه الضيق ...العصبية ...ما ان دخلت والدته عليه ...حتى ..."

ميرفت "بعصبية بسيطة " : ايه قلة الذوق اللى عندك دى ...دى مقابلة تقابلها للناس ...

آسر "بضيق مكتوم " :انا متعاملتش مع حد بقلة ذوق ده اولا ثانيا ...ازاى جايلك قلب تفضلى تضحكى مع صحابك وتسقبليهم عادى ..وانا تعبان كده ومهموم ...

ميرفت : آسر ...افتكر انك ابنى مش جوزى عشان تحاسبنى ..

آسر : ماشى بما انى ابنك...ليه مسالتيش عن مرات ابنك وروحتى زورتيها ...دى شالتكم فى وفاة بابا الله يرحمه ....انتى نسيتى هى عملت ايه ...ولا لا يا ماما..

ميرفت : لا منسيتش....وردتلها اللى هى عملته ...انى وافقت الجوازة ىى تم..كان ممكن ارفع قضية وابطل بيها الوصية وانت عارف ان انا اقدر....بس قولت لا خليها تمشى من غير مشاكل ...بس انا مبحبهاش...اظن الحب ده مش بالعافية ....

آسر : ماشى...متحبيهاش...بس احترميها يا ماما...كلها كام يوم وتيجى هنا...هتكون مراتى ...وكرامتها من كرامتى واللى هيجرحها بكلمة ...مش هسكتله ..

ميرفت "بصدمة ":نعم ؟؟؟؟لا طبعا لا يمكن تفضل غلى ذمتك بعد نهاية الوصية ...لا يمكن انت فاهم ...

آسر : اللى انا فاهمه اللى بلغت حضرتك بيه دلوقتى ....عن اذنك يا ماما ...انا رايح لمراتى ..سمية ..

يتبع

ميرفت "بعصبية بسيطة " : ايه قلة الذوق اللى عندك دى ...دى مقابلة تقابلها للناس ...

ميرفت : آسر ...افتكر انك ابنى مش جوزى عشان تحاسبنى ..

ميرفت "بصدمة ":نعم ؟؟؟؟لا طبعا لا يمكن تفضل غلى ذمتك بعد نهاية الوصية ...لا يمكن انت فاهم ...

آسر : اللى انا فاهمه اللى بلغت حضرتك بيه دلوقتى ....عن اذنك يا ماما ...انا رايح لمراتى ..سمية ....

ميرفت : مفيش روحة لهناك ...تطلع دلوقتى تسلم على ثريا وبنتها ...

آسر "وهو يدخل غرفة المكتب " : ماما ...انا مش فاضى ماشى..ودول ضيوف حضرتك مش ضيوفى عن اذنك ...

"دخل آسر غرفة مكتب والده...ثم اتى ببعض الاوراق الخاصة بالعمل ..وخرج .مر عليهن فى طريقه ..ابتسم على مضض مودعا اياهن ....ثم مضى ....توجه الى الشركة....كانت له هيبة طاغية....فقد كان وجهه كالقناع الصخرى ....لا يدرى احدعما يجول بخاطره ...كان حازم وجدى جدا فى عمله ......دخل غرفة أحمد ...هبت مروة بالنهوض .."

مروة : اهلا ..اهلا يا باشمهندس ...

آسر "باقتضاب " : عمو موجود ؟؟

مروة ك ثوانى هديله خبر ..اتفضل ....

" دخلت مروة الى احمد مسرعة ...واخبرته ...فاذن له بالدخول ...دخل آسر ..."

آسر "بابتسامة " : السلام عليكم

أحمد : وعليكم السلام والرحمة ...خير..؟؟ سمية تعبانة ولا حاجة ...؟؟

آسر : لا ابدا ...بس دى اوراق شركة الغزل والنسيج

أحمد"وهو يتفحصها " : طيب كويس الحمد لله انك جبتها ....

آسر "ينهض من مكانه " : طيب استأذن انا...

أحمد : رايح فين ....

آسر : رايح المكت باخلص شوية حاجات بخصوص معامل الغردقة ...

أحمد : طيب ماشى ...هتروح لسمية انا رايحلها دلوقتى ؟

آسر :ايوة ان شاء الله ...هخلص واروح ,,عن اذنك ...

"توجه آسر لغرفة مكتبه ...ثم انهى اعماله سريعا ...اخرج من درج المكتب ...صورة ....لفتاه تسمى ...سمية ..كان ق التقطها لها فى امريكا....كانت جالسة بالحديقة ...ممسكة بدفترها وتكتب به....لمس صورتها بانامله ...قائلا ...كم احبك..ادخلها مكانها مرة اخرى ثم غادر ...توجه الى المشفى ...وتحدديدا الى غرفتها...طرق الباب عدة طرقات ودخل ..وجد عمرو وملك ومالك ورهف ومها وأحمد ..القى السلام ..."

عمرو : فينك يا هندسة ...؟

آسر : كان عندى شوية حاجات بخلصها ..عاملة ايه لوقتى يا سمية ..؟

سمية :الحمد لله...

ملك : طيب احنا هنمشى الحمد لله اطمنا عليكى يا سمسمة ....

مها : خليكى يا بنتى لسة بدرى ...

عمرو : لا يا خالتو الطريق طويل كده يا دوب...الحمد لله اطمنا على سمسمة ...كلى يابنتى عشان تخرجى من السجنده وشدى حيلك كده ...

سمية "بابتسامة " :ان شاء الله ...سلملى على خالتو ومصطفى ...

عمرو "يقبل رأسها " : الله يسلمك ..معلش يا جوز اختى دى ختم الاخوة عندنا ..

آسر : ختم حلو ..بس ياريت ميكونش قدام حد

عمرو : ههههه طيب ...يلا عن اذنكم ...

"خرج عمرو بصحبته زوجته وابنه ...تاركين باقى العائلة ...."

مها : يا بنتى كلى متتعبينيش معاكى ...انتى سمعتى عمك خليل قال ايه ...

سمية "بتململ " : مليش نفس والله لو كلت هرجع...

مها : يوووه بأى انتى ولا العيال....

رهف"بابتسامة : سمسمة ...معايا جالاكسى وكيت كات...ها عايزة ايه اؤمرى بس ...

سمية "بصوت ضعيف ": عيزاكى تقومى تروحى يدوب تذاكرى وتنامى عندك مدرسة الصبح

مالك : ههههههه تستاهلى ....

رهف : ده انتوا اخوات فظاع ...قفلتونى بجد ...

أحمد : يلا يا مالك خد اختك وروحوا الوقت هيتأخر ...

مالك : طيب وحضرتك ياا بابا..

أحمد : لا انا لسة قدامى شوية ...روحوا خللوا السواق يوصلكم...ويجيلى تانى ...

مالك : حاضر ..يلا يا برنسيس ..

رهف : حاضر يا اخويا ..اوووووف ...

" كان آسر يتابع حديث العائلة صامتا متأملا بوجه سمية وبعلاقتها مع اخواتها ...احس بالدفء العائلى ..تذكر كلمة والده...(هييجى اليوم اللى تحتاج فيه عيلتك ياآسر )...تمنى ان يظل بينهم للابد....افاق من افكاره على صوت مالك مودعا اياه ..."

آسر : معلش مخدتش بالى يا مالك ..

مالك "بخبث ": ولا يهمك ...اللى واخد عقلك يتهنى بيه ..

آسر "بابتسامة " :يااارب...

رهف : هى مى خلفت بيبى بجد ؟

آسر :هههه امال بهزار ايوة ..

رهف : طيب ...

آسر :تحبى تشوفيه...

رهف "باعين لامعة " :بجد ؟

آسر :ايوة ...بجد ها ايه رأيك ؟؟

رهف :قشطة ...حضرتك حدد معاد وانا موافقة ..

آسر : هشوف جدول اعمالى رهف هانم وابلغ جنابك هههههه..خلاص ماشى اتفقنا

رهف : سلام يا سمسمة ...

سمية :فى رعاية الله يا رهف ..

"خرج الاخ واخته ...بقى الثلاث....."

مها : اتغديت ياآسر ....

آسر :الحمد لله...هو عمو خليل هنا ؟؟

مها : ايوة لسة خارج من هنا قبل ما تيجى ...

آسر : طيب انا هروحله خمس دقايق ..وارجعلكم عن اذنكم

"ذهب آسر الى خليل...وجده يهم بالرحيل ..."

خليل : خير ياا آسر..ـعالى ...

آسر: كنت عايز حضرتك فى موضوع بخصوص سمية ...

خليل "بقلق "" :خير قلقتنى ...تعبانة ...؟؟؟

آسر :لا لا الحمد لله بس كان فى دكتور صاحبى هناك متخصص فى جراحةالقلب والاوعية الدموية...وماشاء الله عليه ..فككنت عايز يعنى ..التققرير والاشعة هبعتها ليه عشان يعرضها على دكتور كبير هناك ويشوف ممكن نعمل ايه..انا مبشككش فى قدرات حضرتك اطلاقا...[س بقول ى محاولة مش هنخسر منهاحاجة ...

خليل : انا فاهم قصدك ...بس صدقنى ياآسر...مش هتلاقى اللى انت عايزه ...ع العموم ادى الملف بتاع سمية كله ....

آسر : اهى محاولة...متشكر جدا يا عمو...ياريت سمية متخدش خبر....وبعد اذنحضرتك ممكن ابعته من مكتب حضرتك لانى احتمال ابات هنا..

خليل : ماشى خد المفتاح.....

آسر : خلاص ماشى ..انا هسيب الملف هنا..متشكر جدا يا عمو

خليل : متشكرنيش...دى بنتى

"خرج آسر متوجها لسمية ....وجدها نائمة ...وأحمد ومها ي

تناقشون بصوت منخفض ......"

مها :هى قالت محدش يتدخل فى الموضوع ...خلاص يا احمد مش وقت تكلمه

أحمد : طيب يا مها...اللى انتو عايزينه...

آسر "بصوت منخفض ": السلام عليكم ...

أحمد : وعليكم السلام ...تعالى يا آسر ...

آسر : هو الشوفير لسه مجاش ؟؟؟

أحمد : لا لسة زمانه على وصول ...

آسر : ياريت حضرتك تروحى مع عمو يا طنط اطمنى على الاولاد وارتاحى وتعالى بكرة ..انا هفضل هنا مع سمية ...بعد اذنكم طبعا ...

مها : يا حبيبى لو انت عايز تقعد معانا مفيش مشكلة ...لكن مش هسيب سمية ...دى لسة تعبانة...

آسر: يا طنط ...انا موجود متقلقيش....لو سمحتى حضرتك روحى اطمنى على البيت وتعالى بكرة ...

أحمد :السواق جه ..اتصل بيا ..ها قررتوا ايه ...

مها "بتردد " : انا خايفة لتصحى ومتلاقينيش جمبا تقلق....لو احتاجت تروح هنا ولا هنا ..كانت عايزة تصللى وانا اللى وضيتها ...

آسر"بابتسامة " :يا طنط انا زوجها...متقلقيش..هى مش هتصحى غير الصبح ...اتفضلى روحى مع عمو ...

أحمد :خلاص يا مها...وتبأى تعالى بعد الفجر ...

مها : خلاص ماشى ...بالله عليك يا آسر لو حصل اى حاجة اتصل بيا ...عشان خاطرى ...خللى بالك منها...بص فى اكل وعصير فى التلاجة لو حبيت تاكل يا حبيبى ..والبطانية فى الدولاب لو بردت وهى نايمة ..

آسر "بابتسامة " : ههههه حاضر يا طنط

"قبلت راس ابنتها ثم غادرت برفقة زوجها....بينما هو اتى بالملف من سيارته وبعثه من خلال جهاز الكمبيوتر فى مكتب خليل ...ذهب اليها ...خلع سترته ...وقبل رأسها ثم جلس بجوارها على كرسى ....يتصفح الانترنت من خلال "ابل آى باد تابلت " ..حتى نام على كرسيه...اذن الفجر...استيقظت تلقائيا...وجدته نائما على كرسيه....مممسكا بيدها مسندا رأسه على سريرها كعادته ...حاولت سحب يدها ..احس بها ..استيقظ ...."

سمية "بصوت خافت " : ماما فين .....؟؟

آسر :روحت وهتيجى الصبح ان شاء الله ...

سمية :ايه ليه روحت ؟؟؟ ازاى تروح اساسا..

آسر: انا طلبت منها تروح...باين عليها الارهاق جدا....دى تعبت اوى اليومين اللى فاتو...

سمية : انا عارفة ...خير ..

آسر "ينهض من كرسيه ثم يبتسم لها ويمد يده اليها ...نظرت له بعدم فهم وبتساؤل ..."

آسر : مش هتقومى تتوضى ؟؟؟ ولا اشيلك ....؟؟؟

سمية "ببرود ": لا انا هقوم اتوضى مش عايزة مساعدة من حد..

وهمت سمية لتنهض من سريرها وهى تشعر بالالم.متجاهلة اياه ولكنها لم تستطع ان تتجااهل الدوخة التى انتابتها فجأة ...سندت على الكومدينو بيده ثم جلست على السرير ...واغمضت عينيها ...كان يراقبها ..فجأة جلست على السرير...توجه اليها مرة اخرى ...نزل الى مستواها امسك وجهها..."

آسر "بنبرة حانية " : مالك ...انادى للدكتور...؟

سمية "بصوت ضعيف " :تؤ..يمكن لانى نايمة بقالى كتير ..

آسر "يمسح على شعرها " : طيب ولا يهمك ...يلا ..

"نهض آسر ثم حملها ...لم تشعر به الا وهى بين احضانه الدافئة ..ارتبكت كثيرا ..."

سمية "بارتباك " : ايه ..ده ..ايه اللى انت عملته ده ...نزلنى ..

آسر : بس انتى مش عايزة تصللى اسكتى....

"ادخلها الحمام ..ثم اسندها بيديه ....توضأت سمية ...فهم ليحملها مرة أخرى ..نظرت له نظرة كلها ضيق وحقد..."

سمية "بضيق " : انا مش معاقة عشان تعاملنى كده ...

آسر "بعتب " : ليه بتقولى كده ....

سمية "برجاء " : انا مش عايزة اغضب ربنا بسببك ...كفاية اللى بيحصللى ...سامحنى ....عن اذنك ...

"واستندت سمية على الائط ومشت شيئا فشيئا حتى وصلت سريرها وبدأت بصلاتها ...بينما ظل صامتا هى بحالتها تلك وتطلب منه السماح حتى لا تغضب ربها بسببه ...ما هذه الفتاة ..اى طفلة بريئة...ام ملاك ...انتبه لها وقد بدأت صلاتها...توضأ هو الاخر ثم ادى فرضه...انهت سمية فرضها ثم نامت مرة اخرى .او بالاحرى انها تظاهرت بالنوم....جلس على السرير الاخر ...ثم اسند ظهره...تلى ورده القرآنى ......وغفا ....استيقظت سمي بعد عدة ساعات ..تلفتت حولها راته نائما ....تنهدت بالم ...تمنت من الله ان يبعده عنها ...طرق الباب عدة مرات متتالية ...عدلت حجابها ...اذنت لمن بالخارج بالدخول ...دخل خليل ...واستيقظ آسر ..."

خليل : السلام عليكم

آسر "متثائبا " : وعليكم السلام ...

سمية : وعليكم السلام ورحمة الله وبركاته..

خليل : ازى الاخبار النهاردة ؟؟؟؟

سمية : الحمد لله يا عم بس ....

خليل : بس ايه ؟؟

سمية : اممم..

آسر : عن اذنكم انا داخل الحمام....

خليل : ها بأى فى ايه ..

سمية : يا عمو الالم مش راضى يروح ....مكنتش عارفة اخد نفسى منه الصبح...بحس انى بجرى ومش عارفة اخد نفسى ...

خليل : اممم ..طيب خلينى اكشف عليكى ...

"كان آسر بالحمام يفتح المياه ولكنه يستند على الباب ليحاول سماع ما يجرى بالخارج ...فقرر شيئا فى نفسه ...بينما انهى خليل فحصه الطبى لها ودون ملاحظاته ...ثم توجه اليها بالكلام ...."

خليل: لازم تتمشى شوية عشان الدورة الدموية ...ولازم تاكلى كويس والعلاج يا سمية ..واهم حاجة الراحة ....مش راحة الجسم بس راحة البال ...انتى عارفة دواكى ...عن اذنك ...بالمناسبةة أميرة ونغم هييجو يشفوكى النهاردة ....تقومى بالسلامة يا حبيبتى ....

"هنا غسل آسر وجهه وخرج من الحمام ثم توجه اليها .."

آسر : عمو خليل مشى ..

سمية : امممم

آسر : طيب كويس ....كنت عايز اكلمك فى موضوع ..ووعد مش هدايقك ..

سمية : اتفضل ..

آسر : انا موافق على اللى انتى عيزاه يا سمية ..بس بشرط...

سمية "متفاجئة " : شرط ؟؟؟

آسر : ايوة متقلقيش...الشرط...انك تعملى معايا عمرة ...>ه اخر طلب ليا منك ....ومش هدايقك...بصى لما صحتك تتكون كويسة وتتحسن هنروح .....ووعد اول ما نيجى كل اللى انتى عيزاه هيحصل .....ها قولتى ايه ...؟؟؟

" تفاجئت سمية من طلبه و لكنها لمحت صقا شديدا بعينيه ...هذا زوجها ..وحبيبها ..لا تستطيع ان تقاومه...لا تستطيع ان ترفض طلبه ورجائه لها ....ابتسمت بالم ..."

سمية : خلاص ماشى ...بس انت وعدت.....خليك فاكر ....

آسر "يقبل رأسها " : وعدى سيف على رقبتى ...متشكر جدا ...

سمية "بتهكم ": دى بدايتها يعنى ..؟؟

آسر : هههه اعتبرينى اخوكى يا ستى ...ماهو عمرو رايح جاى يبوس على راسك ...جت عليا....

سمية : اممممم...لا مجتش عليك بس ...

آسر "مقاطعا اياها " :مبسش ولا حاجة انا هكون زى مالك او زى عمرو طول الفترة اللى جاية وخلاص ...

سمية : طيب ماشى ...

" ومرت الايام هكذا...يأتون لزيارتها والعلاقة تتحسن بينها وبين آسر ..على الاقل لم تعد تنفر منه...كان قلبها مازال يؤلمها من جرحه الغائر ولكنها كانت تصبره بانها سوف

تتركه بعد اداء مناسك العمرة بصحبته ....و جاء موعد خروج سمية ..كان آسر يود ان تاتى معه لبيته...ولكها رفضت ورفضت ان تذهب لبيت ابيها ...ولكنها ..."

سمية : انا عايزة اروح البلد ...معلش هناك هكون مرتاحة اكتر...على الاقلل لحد مكون كويسة واقدر ارجع زى الاول

أحمد : مينفعش تروحى لوحدك هناك ..

مها : طيب يا بنتى تعالى نبات فى هنا لحد ما جهز حاجتنا...ونروح بكرة ...

سمية : لا ملوش لزوم يا ماما ...متغيروش نظامكم ...حضرتاك بقالك فترة تعبانة ومشتتة نفسك بين المستشفى والبيت ..اخواتى محتاجينلك وبابا متنسيش ...

مها : انتى الاول يا بنتى والباقى بعدين ...لا يمكن اسيبك لوحدك وانت لسة قايمة من دور عيا

آسر : بعد اذن حضرتك يا طنط انا هروح معاها ...لو مفيش مانع ...وهاخد بالى منها كويس وان شاء الله تيجوا تقضوا الويك اند هناك...ها ايه رأى حضرتك .....؟؟؟

مها : والله مش عارفة ...بس شغلك يا بنى ؟؟؟

آسر "مبتسما " : هاخد اجازة ...ها يا عمو هتدينى اجازة ولا استمارة 6 ؟؟؟

أحمد : هههههه انا هدى الموظفين منك اجازة ...يشموا نفسهم ....

آسر : الله يسامحك يا عمو ...ها ايه رأيك يا سميةموافقة ؟.؟؟

مها : هى تقول ايه يعنى ولا مش هتوافق ليه ؟؟

..بس حطها فى عنيك ولو حصل اى حاجة كلمنا

أحمد :ها يا سمسمة ...

سمية : خلاص ماشى

آسر : خلاص تعالى يلا فى عربيتى هنرووح هناك ..

سمية : بس انا عايزة هدوم وحاجات من بيتنا ..وانت كمان ...

آسر "بنظرة ذات معنى " : متقلقيش ....يلا بس ..هنعدى على اى ممول واشترى منه يلا بأى ..

"سلمت سمية على والدتها وعلى والدها ....وودعتهم ثم ذهبت مع زوجها الى موطنها حيث يسكن قلبها ويطمئن ..."

يتبع

الثالث والخمسون من هنا

تعديل المقال

مدونة مكتبة حـــواء

رواية قلب ليس من حقه الحب الفصل الثاني والخمسون 52 بقلم لؤلؤة حيرانة