رواية انت نصفي الفصل الرابع 4 بقلم الكاتبه ميار
لا تركن الموعد على حسن الايام
و الشوق يا مملوح يشرب و ياكل
﷽
انا فداء وجهٍ .. تزيّنه بـ زمام
اليا تبسّم لي نسيت المشاكل
رنا.. الووو
حيدر.. احمم. الو كعدتج من النوم
رنا لا عادي خير اكو شي
حيدر.. لا ماكو شي بس كعدي غيدير خلي نمشي نزور ونطلع ورنه درب هم يلا
رنا.. تمام هسه اكعدها سديت منا واباوع لغدير نايمه وفاتحه حلكها من التعب
كعدتها وكامت تمط بأديها
غدير لج رنا بيش الساعه
رنا ما اعرف فتحت التلفون شفته الساعه 10 الصبح
غدير اووو انه اكول ليش اتصل علينه
رنا كملنه واخذنه جنطنه وطلعنه لكينه حيدر واكف
بره مشينه يمها واخذنه وطلعنه زرنه احسن طمئنينه صارت بداخلي اخذنه تريكنا وطلعنه
منا رنا تبدي حياة جديده تختلف عن الي عاشته
رنا بعد ما زرت اهلي والامام. بديت اترك المهدء صح تجيني النوبه بس يساعدني البنات شويه وارتاح رجعت لمدرستي جان حيدر ناقلني ويا غدير
التهيت بدراستي فايتني هواي دروس بدينا اني وغدير نراجعهن سوه مرات زهراء تجي تقره يمنه صح التهيت بدراستي بس كل ما ظل وحدي يلكوني ناصبه العزه والطم حتى النوم اخاف منه ومرات اسمع جده تسولف للولد شايفه ابوي او اخوتي واني اظل ابجي واكول ليش اني ما يجوني ليش ما اشوفهم مثلهم
جده.. خابيه شكد ما تلطمين انه ما الطم عليهم اوديلهم سورة الفاتحه اقرالهم قران چا مثلج ورفعت اصبعا بوجهي واني مركزه وياها ودموعي تصب
رناا ديري بالج يوم تعترضين على حكمة ربج هذا امر الله لا بيدي ولا بيدج واضح حجيي
رنا.. هزت راسي ب اي
مضت الايام بين حزني وبين دراستي بعد ما حيدر ظل فوك راسي كملي حلم عمي واخوتج سنين يحلمون يشوفونج بالجامعه
بدت متحانات النهائيه واني وغدير نراجع وندعي ننجح وما يروح تعبنه
كرار يودينه ويرجعنه نلتقي بزهراء وهبه بنات عمي كامل
وبنات عمي حامد وعمي احمد ما يلتقن بينه
يوميه نكعد نتعشه ونركض ندرس لل12 انام ونوقت التلفون ساعه 4 نظل نقره لل7ونص نبدل ونطلع تعبت لان مرات يصير عندي نوبه صح خفيفه بس اتوتر احد يشوفني
اخر امتحان جان كيميا جنت كاعده بره بالساحه اراجع قبل لا ندخل القاعه متوتره احس مو فاهمه موضوع واخاف يجينه وما اعرفه ما حسيت غير صرخه بوجهيي متت بمكان جمدت
غدراء... بووووو هههههههه
رنا... جفلت جفله خلتني اتراجف كمت ما اكدر اتفس جسمي ينزز ويرجف وما اتنفس بس اشهك والخوف اكلني بس اگلب بعيوني
غدير.. شفت رنا ترجف وتشهك عرفت جتها النوبه كلها تعاينلها ركضت جريتها لحضني متت عليها واحجي وياا
رنا رنا. عايني اني اني يمج لا تخافين شبيج يروحي شبيج
رنا.. ارجف مثل السعف ملابسي تنكعن من العرك صاحو للمديره جت تركض
ست زينب... شكو شبيها عاينت البنت منتهيه تشهك رفعت تلفونها واتصلت اللووو
الووو نعم ست
ست زينب.. حضرت النقيب حيدر
حيدر.. نعم تفضلي صار شي
ست زينب نعمم ياريت تجي هسه بنتكم رناا تعبانه وحالتها مدهوره
.... في مكان اخر
حيدر جنت بالدوام الوضع بالعراق ما يعجب جاي احجي ويا حراسي عمر.. وعلي.. شفت اتصال من مديرة مدرسة البنات خفت راسن رديت من كالتلي رناا تعبانه مشيت بدون ووعي لحكوني عمر وعلي
عمر سيدي احنه. نجي وياك
حيدر صعدت وعمر يسوق كل ساعه عايط بوجهه حتى يستعجل
وصلنا نزلت اركض وادور على رنا لمحتها كلها ملتمه عليها واني روحي راحت خفت لا صاير بيها شي
رنا ارجف والشهكه والرجفه بجسمي اباوع كلها تباوعلي سمعت صوته رفعت راسي شفت حيدر
حيدر سحبتها منهن وهيه ترجف وتشهك حجيت وياها
رناا عاينلي لا تخافين انه يمج
رناا هزرت راسي اي واحس تعب جسمي والظلام بدأ يقتحم عيوني.... وما حسيت على شي
حيدر اخذتها وصعدتها بالسيارة وهي فاقده تخبلت ما اتحمل بعد اخسر احد ولا مو اي احد هاي رناا حلم اسنين عمري حاطها على رجلي واعاين الدرب صاير شبعده وصلنا للمستشفى اخذوها منها وظليت امشي بالممر عاينت غدير ولا انتبهت هي ويانه واكفه وتبجي عمر وعلي واكفين على صفحه رحتلها جريتها لحضني
لا تبجين بويه ما بيا شي هسه تكعد
غدير بس انه شفته روحه طلعت من الخوف حيدر اموتن وراها والله انه ما اعوفنها بس رحت اجيبلها مي
حيدر اشش لا تخافين ما بيها شي
انتظرنا يطلع الدكتور شويه وصاح رنا خليل
نعم دكتور احنه اهلها بشر دكتور
الدكتور الحمدلله على سلامتها عدنها نوبة هلع وهوبط حاد بالضغط تكمل المغذي وتطلع
حيدر زفرت نفس براحه تشكرت من الدكتور وطبينه لكيناها توه تفتح عينها ركضت غدير عليها
غدير رناوي حياتي والله متت خوف عليج ابوس بيها ودموعي تصب عليها كوه لزمت ايدي وتحجي
رنا.. لا تخافين ما بيه شي حبيبتي
حيدر... الحمدلله على سلامتج بويا شلونج الله يسلمك لا احسن
حيدر.. شبيج رنا الصبح ما بيج شي شصار وياج
رنا... باوعت عليه هو بدون شي يخوف انوب متعصب خفت احجي فززني من كال
ياهيي وياج احد مخوفج
رنا.. لا محد بس اابنات يشاقني وما يعرفن حالتي
حيدر منو منهن
غدير خويا عوف السالفه شني ما تشوفها تعبانه
حيدر يصير خير بويا اهم شي انتي سالمه
رنا باوعتله صدك خايف عليه بس بس اكول عذراء بنت عمي احمد يگلبها عزا على راسهم كمل المغذي وطلعنه وصلنه للبيت دخلنه لازمتني غدير تمشيني هو ورانا بيده علاجي بس شافتني جده كامت تصيح
جده.. خايبن شبيها البت يمه دخيلك يا علي
حيدر... على كيفج يمه ما بيها شي بس تعبت واخذناها الدكتور هابط ضغطها
الجده.. سوده عليه يمه رويحتي تعالي
رنا... دخلنه كلها خايفه تمددت بغرفة جده للظهر كلها التمو الولد كلهم رجعو من دوامهم صاحوني على الغده كمت ويا غدير كعدنه نتغده ويسال كرار
كرار هااا خويه شلون صرتي هاي خلصتو متحانات بعد ماكو تعب
رنا من جاب طاري الامتحان صفنت بوجه غدير
غدير... ميخالف رنه دور ثاني نمتحنه
الامتحان انه ما متحنت
رنا.. حرمات هاي اول مره وانتي هم من وراي
غدير فدوه الج حبي
كرار جذابه هي ما قاريه
غدير لا والله قاريه قابل مثلك
تقي.. غدور تره حافظج انه غير بالشافعات تنجحين
غدير لا والله قابل مثلكم والله انتو الكساله
تقي لجج منو الكسلان اموتجن وعلي
غدير سويت نفسي مقهوره
حيدر... ما لكم شغل بغدورتنا اصلا تروحون فدوه لدماغها غير اشطر وحده بينا
غدير نشنشت وكمت الرگص بحواجبي واعيب عليهم
رنا.. اباوع عليهم شلون يتشاقون ويا غدير وادعي الله لا يحرمهم من بعض لمتهم حلووه
كمت اغسل ايدي وحسيت احد وراي درت راسي شفت مرت عمو خالد
ابتهال.... رناا لا تحطين عينج على عائلتي اخفن عليهم
رنا صفنت بوجهه كولت ليش عمه قصدج احسدهم
ابتهال... اي انتي محرومه وتعاينين لضناي وتحسرين
رنا.. بعدني ما راده وصاح...
حيدر خالههه شنو هذا الحجي بصياح.....
(للتوضيح ابتهال مرة ابو لحيدر حيدر وعلي من ام وتقي وكرار وسلوى وغدير امهم ابتهال)
حيدر... خالههه ممنوع هذا الحجي تحجينه رنا بنتنه حالها حال غدير ومو رنا الي تحسدنه
ابتهال... لا يمه مو قصدي بس انه اخافن عليكم
حيدر.. ما يحتاج مو من رنا تخافين عليه رنا ماكو بصفاتها وطيبة گلبها ومثل ما احنه سند لغدير وسلوى الها هم هي جزء من. عائلتنه
رنا... قهرتني عفتهم ركضت صعدت لغرفتي بجيت ياربي اني شنو ذنبي احس كلها ما تريدني صح عائلة عمي خالد كلها داريني البنات كلش مهتمات بيه وحيدر هم ينبهه على دراستي ويشتريلي ويدز ويا سلوى وحتى علي يهتم بيه واحب من يحجي وياي عكس حيدر بكل شي جدي ويتعصب بس علي كلش لطيف هو تقي وكرار
حيدر كلش انسان طيب بس عصبي وانه من زمان اخاف منه احسه غامض
مرة سنه على وفاة اهلي عمامي سوو السنويه كلها اجوو وذاك اليوم عبالك توهم متوفين وراها بكم يوم رحنه انه وغدير لبيت عمو حامد وعمو صاحني بالحديقه يحاجيني
حامد... عمي رنا انتي بعدج ازغيره وانه اخافن عليج واريدلج الزين شنو رائيج تاخذين ابني زيد وهذا ابن عمج واحس ما حلالج وحلال ابوج للغريب
رنا.. نصدمت حجيت.. لا عمو اني ما اريد اتزوج
راح يحجي واجت غدير كالت يلا علي واكف بالباب
اخذت عبايتي وتلفوني وطلعنه
غدير عمي شيريد منج
رنا بعدين احجيلج
طلعنا لكينه علي واكف التفت عليه وابتسم
علي هلاوو بنات يلا عايفات خاله هي وام وحيد وحدهن
(ام وحيد مره تشتغل يم بيت عمي خالد)
غدير اي والله شنسوي ريام لحت علينه
رنا... صعدنا بالسيارة واصلا قريب بس همه يبالغون الا سياره
طبينه للبيت ساعدنه بالعشه خاله ام وحيد وهي كملت وراحت لبيتها كملنه وصبنه وكعدنه ناكل
تقي.. اي بنات شوكت تبدن تقرن للسادس عود يدورن مجال طب
كرار منو يريد طب بس لا غدير
غدير اي شكو بيها اريد اصير ممرضه
علي.. لا هاي هي لج انتي ما يخلونج بالردها تهلهلين
تقي هههههههه انت كلتها قبلي
حيدر.. مالكم شغل غدوره تجيب معدل عالي تروحون فدوه لذكاها
علي.. اي رنا وانتي بس لا تريدين هم طب
رنا ابتسم 
لا اني اريد صيدله
لا اني اريد صيدله تقي روووووح الطموح
رنا.. ليش مو بعيده والله ان شاءلله اجيب
علي .. لا والله مو بعيده بس تعبي نفسج بالسادس
حيدر.. بويا شني سوالفكم على الزاد كملو اكل
كرار.. عفيه عليك خويا اكو واحد يحجي ويا الاكل
حيدر.. اي اولهم انت
كرار.. رحم الله والديك
حيدر ضحكت عليه ولو ادلل
رنا.. كملنه عشه وغسلنه المواعين وصعدنه كلمن لزمت تلفونها تكنك..
كعدنه من الصبح سوينه ريوك وتريكنه والولد راحو للشغلهم
كملنه تنظيف وخاله ام وحيد كملت الغده ورجعت لبيتها اليوم يجون بناتها مكيفه وجده اجه عمو احمد عازمها هي وعمي خالد على الغده كملت شغل صعدت سبحت ورتبت نفسي طبعاً رادو مني انزع الاسود ما قبلت شفت الساعه ب10 بس اني وعمه ابتهال وغدير. بالبيت لفيت شالي ونزلت تلاكينه اني وغدير كالت رنا امي موتتني الا نروح على خاله خديجه ما نتاخر اتصلي بحيدر كوليله ظليت وحدي
ابتهال... وج يلا قبل لا يردون اخوتج لا اموتنج
رنا روحي
غدير مو ما تتصلين يموتنا تره
رنا.. اوكي راحن واني اباوع البيت وحشه خفت شلت تلفوني اتصل هلى علي بس عفته واتصلت بحيدر رن رن
حيدر.. الو هلا رنا
رنا.. بلعت ريقي بخوف كلت الووو
هلا بويا خير خما بيج شي
رنا.. احس سلوبه جاف بس اني خايفه
حيدر غدير وعمه ابتهال طلعوو ظليت وحدي اخاف اظل وحددي
حيدر شلوون منو كاللهن يعوفنج وحدج
رنا... خطيه والله ما وقصدها غدير بس عمه لحت عليها
حيدر... يصير خير بويا شويه واجي راح ادرب على سلوى تجيج يمج تمام بين ما اوصل
رنا.. تمام سديت منه احس اطمئنيت ظليت بره اتنتظرهم شويه ودك الباب فرحت كمت فتحت الباب صحت سلوى..
وجان اتفاجئ صحت..............
منو يا ترى اجه على رنا
اسفه على التاخير بس اشغالي هوايي
اتمنى تعجبكم والاحداث القادمه كلشش مشوقه
انتظروني بيارت جديد وان شاءلله عوضتكم ببارت طويل ...
