رواية لا اعرف الطريق الفصل الثالث3 بقلم جمانه السعيدي
احب أوضح شي ايمان صار فتره متابعه شيخه
ومعجبه بيه وباافكارها
لمن شيخه دخلت عليه ماصدكت نفسه ونجفرت وراها بسهوله بدون تفكير
يعني مو تعرفت عليه بنفس اليوم الي حجت وياها بي
شيخه قررت ماتعوف هاي المسكينه بحاله لازم تطلك
ماتريد وحده تبقى مزوجه وتكون احسن منه
واكو انسان بحياته ويهتم بيه حتلو هذا الاهتمام شي قليل
لازم كل البنات تنفصل مثل ماهي انفصلت عن ازواجه التلاثه
بدت تخصص وقت كل يوم حتى تحرض ايمان على زوجها
شيخه...اول شي لازم تاخذين منه فلوس شكد ماتكدرين
ايمان...شلون يعني
شيخه...يعني كل مايجي قطي قطه زينه
ايمان...يعني شلون اخذ منه فلوس واني لا اطلع ولا ادخل
راح يسئلني شسوين بيهن
شيخه...اخترعي حجج
ايمان..مثل شنوو
شيخه...اليوم هذا الثوب عاجبني اذا الثوب ١٠ كولي سعره
٢٥ اريد فرشه الجربايه سعرها ٥٠
اريد اشتري شغلات اسوي حلويات وحدي بلبيت
والتهي فد ٥٠ الف
اريد اروح للزياره وياا اهلي مصرف ٢٥٠ الف
اليوم تعبانه اريد اروح اسوي تحاليل فد ١٥٠ الف
اريد اشتري مكياج ومعطرات فد ١٠٠ الف
المهم شكد تكدرين تاخذين منه فلوس اخذي
هو مشغول ومافارغ يدقق وراج
استغلي هاي الفرصه شكد ماتكدرين
وحركي نفسج شويه لبس ودلع ومكياج خلي يمد ايده بجيبه ويطلع وينطبج
الفلوس هاي انتي أولى بيه من زوجته الاولى
يعني هم ماينطيج من وقته وهم الفلوس حسره
ايمان...اي ولله صدك
شيخه...انتي ليش ساكته وقابله يجيج بلاسبوع يوم
واحد ليش مو ليله بليله
ايمان...هو من خطبني اتفق وياا اهلي هيج كال اني من افرغ اجيه
شيخه...واهلج ماصدكووو مو بلا
ايمان...اصلا اهلي مايحبوني لا خلوني اكمل تعليم
ولا عافوني بحالي
شيخه...شكد عمرا زوجج لازم جبير
ايمان...خمسين سنه
شيخه...يااا شايب شبيج يولي ماخذه واحد عمرا خمسين
ايمان...ترا مو جبيرحيل وبعدا قوي
شيخه...اكبر منج بعشرين سنه
ايمان...هو اني منو مكلبني كل الي بعمري وازغر ازوجن من زمان
شيخه...هسه ماعلينا ابدي تنفيذ الخطه مثل ماكتلج
فهمتي لو لا جمانه السعيدي
فعلا بديت اسوي مثل ماكالت شيخه واطلع حجج حتى اسحب منه فلوس واجمعهن مااشتري بيهن
اما شيخه مقابل هاي النصايح كانت تسحب مني رصيد
٢٥ كل اسبوع
بحجة جاي تنصحني حتى حياتي تصير احسن
بعدين بدت تدخل حتى بتفاصيل العلاقه بيني وبين زوجي
هيج سوي وهيج اتصرفي
ولا تقبلين بسهوله وبعدي نفسج عنه
بدا جواد يضوج مني وكل مره يجي بيه يمي نتعارك
ويطلع زعلان
هو قبل يجي يمي ليله حتى يسترخي ويرتاح
واني هسه كمت اخلق المشاكل
وادور حجج وامنع نفسي علي
كام مايجي كل أسبوع كل اسبوعين يله يجي
بس شطلب منه فلوس يدزلي ومامقصر وياي بااي شي
واني لازمته علي لزمه وحدي وضايجه
وين اروح وانت ماتقبل اطلع ترا راح اتخبل من الحبسه بلبيت
جواد...مو مصاريفج كثرانه شكووو
ايمان...يعني النهار كله محبوسه لا اطلع ولا ادخل هم مستكثر عليه جم فلس
جواد...اي اريد افتهم شسوين بيهن
ايمان..اشتري ملابس حلويات اذا يعجبني عطر هسه اني شماخذه منك نمونه
بقينا اني وياا فر وكر مرات نتعارك مرات نتصالح الحد مافات على زواجنا سنه ونص كدرت اجمع ٤ ملايين
من المصرف الي اخذه من جواد
لان كمت مااقبل بلعشره والعشرين كله ١٠٠ الف لو ٢٠٠
اما شيخه كانت تعرف كل تفاصيل حياتي وشكد عندي فلوس حتى تفاصيل المعاشره بيني وبين جواد هم تعرفه
لان تبقى تسئل وتلح عليه واني احجي كلشي يصير بينا
الحد ماوصلت حدها جمانه السعيدي شيخه كتلته الغيره
شلون وحده ثوله مثلي على حجيه
عايشه بضل رجال ويصرف عليه وساكته بشقه
وماعليه اي مسوليه
لازم تهد هذا البيت بخبرته بهجمان البيوت
كل هاي الفتره هي ماتعرف اي شي عن زوجي غير اسمه
مره اتصلت عليه جنت بلحمام تأخرت عليه
بس فتحت التليفون جان تزمخ عليه
شيخه.. ليش ماتردين وين جنتي جنتي نايمه بحضن المحروس
اني ابقه اتصل هلكد وماتردين شنو حاسبه نفسج
ترا انتي من دوني ماتسووين شي ابد
ايمان...لا جنت اسبح شكو ليش عصبيه
شيخه.. من وراج غير اني اتعب واخطط وانتي اجمعين فلوس براسي
ايمان...ماسمعت التليفون اعذريني
شيخه..يله دزيلي رصيد بسرعه
ايمان...صار هسه فد شويه
شيخه..اكلج اني ما سئلتج زوجج شنو اسمه بلكامل
ايمان..ليش
شيخه..هاي وحده تاخذ خيره بلايد اريد اسمه الثلاثي
وين يشتغل المحل مالته ووين بلضبط
ايمان.... جواد عمران خليل
شيخه...واسم زوجته
ايمان...حليمه
شيخه..اسمها الثلاثي
ايمان.. مااعرف اسمها الثلاثي بس عندي صفحته بلفيس
شيخه..شني تتواصلين وياها
ايمان..لا مااتواصل بس مره شفت جواد معلق على منشوره
وعرفت صفحته
شيخه.. دزيلي صفحته بسرعه حتى اخذلج خيره
بلكت استاذ جواد يحن عليج
راح اخلي يطلكه ويكون بس اللج
ايمان...وين كلش يخاف منه ويخاف عليه الف مره حذرني
احجي وياا اي وحده خاف زوجته تعرف
ايكول بس تعرف بزواجنا اطلكج وماتبقين على ذمتي دقيقه وحده
شيخه...هو بكيفه اني اخلي يطلكه ويبقى بس اللج
ايمان...دزيتله الصفحه ودزيتله رصيد
سلمته بايدي الخيط الي راح يهد هاي العلاقه من الجذور
شيخه.. ضلت ادور ورا زوجت جواد وجمعت عنه جم معلومه ودخلتله بشغلة الخيره
شلون خلته تنجذب اله وتصدك بيه
دزتله رساله
شيخه...شلونج عيوني اني مااعرفح بس اخذ خيره على الصوره الشخصيه
انت مسكينه زوجج جاي يضحك عليج
زوجج مزوج عليج وحده وانتي ماتدرين
واذا حابه تعرفين تفاصيل أكثر اتصلي عليه
اني مااحجي اي شي عندي ادله أقدمه اللج حتى تصدكين
كلامي
زوجج اسمه جواد وعندا محل بفلان مكان بيتكم
بغلان منطقه عندج هلكد اولاد وبنات
بيتكم كذا عيشتكم كذا اهلج بفلان منطقه عندج اخ هيج يشتغل زوجج كل فتره يكول عندي تحميل بضاعه
ويبات خارج البيت
بهذا الوقت يكون يم زوجته الثانيه
اذا تردين تفاصيل اكثر دزي رصيد واني احجيلج كلشي
حتى انطيج عنوان بيته الي مزوج بي
هو مزوج بشقه وزوجته اسمها
هااا تردين اسم زوجته
لا بعدين من يوصلني الرصيد انطيج تفاصيل الشيب الراس
زوجت جواد ماصبرت لان التفاصيل الي حجته
مو اشياء عاديه
مستحيل تعرف عنه كل هاي التفاصيل
راسا اتصلت عليه بس شيخه صممت اله تستلم الرصيد بلاول
زوجت جواد دزت الرصيد لان الفضول راح يكتله
لازم تتأكد صدك زوجه مزوج عليه
شيخه....عيوني الخيره تكول زوجج مزوج عليج وصار فتره من سنه إلى سنه ونص
زوجة جواد...لا مستحيل جواد مايسويه اصلا بحبني ويموت عليه
شيخه...مزوج بنيه عمرها بلتلاثين جمانه السعيدي ويصرف عليه ومسكنه
بشقه وحدها
زوجت جواد...اصلا هو مايبات خارج البيت اله نادرا اله شغله ضروريه
شيخه...بشرفي ادزلج حتى المكان الي ساكنه بي بس دزي رصيد
زوجت جواد...اذا طلع كلامج مو صحيح افضحج واخزيج
شيخه...شنو موصحيح بابا مبين عندي بلخيره مزوج من زمان
وانتي نايمه بالعسل
زوجة جواد...ياا صخام صخمني هاي وين جانتلي
شيخه.. دزي رصيد واني اخليج تلزمينه متلبس هو والمحروسه
طبعا زوجت جواد ماعايزه عدها خير من الله دزت الرصيد وبقت منتضره مكالمه من شيخه
امل... شيخه بقت على تواصل وياي منا لمن عرفت جواد يمته يجيني بليلة الي اجاني هي اتصلت اتاكدت
هو وصل يمي وماخذ راحته
كبل اتصلت على زوجت جواد وانطته العنوان كالتله
اني خيرتي بلايد وماتخيب ابد
روحي واذا مالكيتي عاتبيني
اني عندي جن مسخرتهم يمشون على اثره وهسه
هو يم زوجته الثانيه
روحي بس لا تنسيني دزيلي رصيد
امل كاعدين نتعشى اني وجواد ونسولف مانحس اله الباب تكسرت علينا تكسير
