رواية اميرة بقلب سجان الفصل الثامن عشر 18 بقلم رحاب ابراهيم
الفصل الثامن عشر من رواية ...... أميرة بقلب سجان
ادهم بنظرة عاشقة .... أميرة.... أنا بحبك
كانت تركض فرحة بنزول المطر ،،حين سمرتها هذه الكلمة ،،اتسعت مقلتيها،،وقفت بصدمة ،ارتجف جسدها ولم تعرف من المفاجأة أم السعادة
لفت يديها حولها وبالكاد تحرك جسدها ،،والتتفتت له
نظرت له وعينيها متلهفة تنتظر تكرارها
اقترب منها بثبات وهو على نظرته العاشقة ،، قطف وردةً حمراء من أحدى اساري الزرع القريبة له
ووقف أمامها ،،مد يده بالوردة لها
وقال ...
أميرة أنا بحبك ،، ومش هقدر اكمل حياتي من غيرك
لامس خديها بعض قطرات الماء التي اختلطت بدموعها
دموع فرحتها ،،
لاحظ دموعها ،،ونظر لها بحنان فائق لم ينظر لها بها غير والدها
تذكرت والدها الآن ،،نفس النظرة الحنونة ،المحبة ،القلقة عليها ومن أجلها
قالت بصوت مرتجف ... وأنا كمان ..بحبك يا ادهم
تعرف أنا افتكرت بابا دلوقتي
انت بتبصلي بحنية زي ما كان بيبصلي بالضبط
ادهم بصدمة .. هو
أميرة ببكاء ... أيوة يا ادهم ،، بابا متوفي
اغمض عينيه من الألم لأجلها ،،كان يريد أن يحتضنها يعوضها عن الالم الذى تعانيه لفقدان والدها ،،ولكن ليس من حقه ذلك
فلينتظر بعض الوقت حتى تصبح ملكه
وقال بصوتاً عاشق مُحب ... انا هبقى زيه ومكانه وانتي بنتي
عمري ما هقسى عليكي ابدااا يا حبيبتي ،عمرى
هعوضك عن كل وجع والم عشتيه وشوفتيه ووجعك ،،
عيونك دي مش هتشوف غير الفرحة والسعادة ،،اوعدك بكدا
سعادتها فاقت الوصف ،،تبكي نعم تبكىي ولكنها تبكي حباً وفرحة تملئها
أميرة ... انا مش هقدر على كل الكلام الحلو ده يا ادهم
ادهم ... ده مش كلام أنا لسه ما قولتش حاجة
انتي عارفة أنا أول مرة شوفتك فيها يوم الحادثة ،، خطفتيني
مابقتش عارف افكر غير فيكي
ويوم حفلة رأس السنة ،،،،، وابتسم بمكر
كنتي عاملة زي سندريلا ،، اللي جت للآمير الحفلة ،،وحبها وهربت منه
انا كنت عامل زيه كدا بالضبط ، كنت كل ما أشوفك تهربي مني ،،
أميرة بابتسامة بين دموعها .... أنا حبيتك من قبل ما أشوفك
تعجب ادهم من قولها ... ازاي؟
أميرة .. حلمت بيك ،، بس ما شوفتش وشك ،، شوفت عنيك بس ،، وحلمت إنك بتحط تاج لؤلؤ على راسي
ابتسم ادهم ونظرته تزداد عشقاً .... يمكن حلمك اتحقق ،، مش فاكرة يوم الحفلة لما غطيت شعرك بالستارة
اليوم ده احلى يوم مر عليا فى حياتي ،،عمري ما هنساه ابداً
انا ما سمعتش عن قصة أجمل من قصة حبنا ،،
بعد امتحاناتك هقابل أهلك ،،مش هستنى اكتر من كدا
ابتسمت بخجل ونظرت للاسفل
تحدث ادهم مجدداً وهو يضحك ...
لا انتي كدا مش هتعرفي تذاكري 
وانا عايز تقدير ،،
نظرت بغيظ ... يا سلاام ،،ومين اللى قالك بقى إني هفكر فيك
ادهم بضحك .. طب عيني فى عينك كدا
باعدت عينيها عنه ،،مما جعله يضحك عالياٌ
اغتاظت اكثر ...
طب إيه رأيك بقى بعد الامتحانات همشي وهسافر ومش هقولك
ادهم بثقة ... هجيبك بردوا ،، مش فاكرة لما قعدتي تغيظيني واحنا فى الاشارة وسبقتك بردوا على هنا
أميرة .. اااه صحيح انت وصلت قبلي ازاي ،، التاكسي اللي كنت فيه أنا كان قدام
ادهم ... امممممك ،، تسمعي عن حد كدا اسمه ادامي
فغرت فاها ونظرت له بصدمة
لا ما تقولش بقى ،، مش معقول أنت!!!
نظر لها بفخر ... ايوة انا ،، ادامي
بطل العالم فى سباق السيارات سابقا ً ،، ومن أفضل ١٠ لاعبين على العالم
أميرة وهى تفيق من الصدمة
انا إيه تاني ما أعرفوش عنك يا ادهم وهيصدمني كدا
رد بابتسامة .. حاجات كتير ،، وهتعرفيها واحدة واحدة
أميرة .. طب ومين اللى سماك ادامي ؟؟
ادهم بمكر ... ممكن يكونوا المعجبات ،، انا كان عندي الافات ،، وكلهم كانوا بيموتوا فيا ،، وانا بصراحة كنت بحبهم بردوا 
اغتاظت من طريقته ونظرت له بعنف
معجبات ها ،، طب ماشي خليهم ينفعوك
ودخلت الغرفة وقفلت الباب بوجهه
وانفجر من الضحك ، ودق على الباب
ادهم .. افتحي يا مجنونة ،، افتحي
اقسم بالله مافي واحدة هزت شعرة فى راسي منهم ،، ولا كنت ببصلهم اصلاً ، مافيش غير الآميرة المصرية خلتني اعشقها واموت فيها ،،وخطفت قلبي
واكمل ..
ما تجيبي قلبى يا أميرة
ردت بضحك من وراء الباب
لا .. هعمله على الكبدة،،،، يا ادااامي
،،، وامشي بقى
ادهم ... ههههههههههههه حلوة ادامي منك ،، انا همشي وهسيبك عشان ترتاحي شوية ،، بس ورااانا مذاكرة يا هااانم 
اتسعت ابتسامتها ،، أول مرة تشعر بالغيرة هكذا ،،
قال اداامي قال
.............................
اتى أخر يوم بالامتحانات
أميرة بقلق .... انا خايفة يا ادهم ،، المادة دي صعبة اووي
ادهم بحب ... ما تخافيش يا حبيبتي
كشرت أميرة .
لسه خايفة بردوا ،،
ادهم ... لا متخافيش انتي قدهاااا 
دخلت أميرة للحرم الجامعي
وانتظرها ادهم بالخارج ،، جائه إتصال من سعاد
ادهم .. الو
سعاد .. ايوة يا ادهم بيه
ادهم .. أيوة يا دادة ،، فى حاجة ولا إيه ؟
سعاد ... فى ظرف جالك امبارح بليل ،، بس أنت كنت بتذاكر لاميرة وماعرفتش ادخلك ،ونسيت اقولك النهاردة الصبح
ادهم .. طيب ،خليه معاكي لحد ما ارجع،، قدامي ساعتين بالضبط
سعاد .. خلاص ماشي ،، توصل بالسلامة ياارب
ادهم .. الله يسلمك
............................
دخلت نادين بوجه مبتسم قاعة كبيرة خاصة بمطعم النادي ،، واقتربت من صديقتها رنا
رنا بتعجب ... بقالي كتير ما شوفتكيش مبسوطة كدا ،، ياارب دايماً
نادين .. انا مبسووووطة جداااا ،، اخيراً عملت اللى خططتله
رنا بتفاجئ .. بعتيله الظرف
نادين ... ايوة بعتهوله ،، ومستنية ردة فعله
رنا .. امممم تفتكري هيبقى عامل ازاي؟
نادين ... يبقى زي ما يبقى ،، بس انا عارفة الخطوة الجاية هعمل إيه
رنا ... ساعات بحس بالندم إني ساعدتك يا نادين
نادين بانفعال ... يعني انتي تكرهي تشوفي صاحبتك مبسووطة
رنا ... لا طبعاً ،، بس مش على حساب واحدة تانية ،، احنا بعد مراقبتنا ليه الفترة اللى فاتت ،اظن واضح اوي إنه بيحبها يا نادين
نادين بغضب ... بيحب مييين ،، هى عرفت تشغله شوية ،، وبعدين هى احلى مني فى ااايه
رنا .... المسئلة مش مسئلة إنها احلى منك لانها مش أحلى منك يا نادين ،،لكن اللى زى ادهم مش بيدور على الشكل وبس ،،
لأن الجمال حواليه كتير وبنات كتيررررر جدا يتمنوا نظرة منه
لكن هو اختارها هى ،، مسئلتيش نفسك ليه
نادين بحيرة .. ليه ؟
رنا ... لأنه عايز واحدة تحتويه ،يبقى مطمن معاها ، يبقى عارف إنها اختارته لشخصه مش عشان غني ووسيم ولقطة
نادين ... غني اايه ،، هو انا محتاجة فلوس ؟
رنا ... اكيد لأ ،، بس ماتنسيش إنك واخدة الموضوع عند ،، واللى فى القلب بيوصل للقلب على طول يا نادين ،، والبنت دي اكيد حبته بجد عشان كدا حبها بجنون كدا
نادين بعنف ... ماااااحبهااش ،،دي اكيد نزوة وبكرا تشوفي هيرميها
رنا بحدة .. لو كلامك ده صح ،، يبقى المفروض تبعدي عنه ،لانه زي ما هيرميها مع اني أشك يبقى هيرميكي انتي كمان ،، ابعدي عنه من دلوقتي
نادين باصرار.. لااااا ،، مش هبعد غير لما اكمل اللي خططتله ،،واخليه زى الخاتم فى صباعي
رنا .. انا نصحتك ،، واللى عليا عملته ،، وانتى حرة
..............................
خرجت أميرة من الامتحان بسعادة ،، فهى أجابت بأكثر مما توقعت ،، وعدت جميع الامتحانات بخير
انتظرتها نورا كالعادة
نورا ... ها عملتي اايه ؟
أميرة بابتسامة واسعة ... الحمد لله ،كدا إن شاء الله إمتياز فى كل المواد
نورا .. الحمد لله ،، طمنتيني ،، وبالمناسبة عايزة اقولك خبر هيفرحك اوووي
أميرة .. قووولي
نورا بخجل .... فرحي اتحدد فى الاجازة
اميرة بفرحة ... مش معقوووول ،، ااالف مبروووك يا نووونو
ربنا يتمملك بخير يااارب يا حبيبتي
نورا بسعادة ... الله يبارك فيكي يا قلبي ،، انا قلت لتامر بعد ما اخلص الترم الجاي بس هو مستعجل ومش عايز يصبر
أميرة بضحكة .... ههههههههههههه هما كلهم كدا مستعجلين
نورا بخبث ... هما ؟ هما مين يابت 
كادت اميرة أن تقول لها على كل شيء حتى أتاها اتصال من ادهم
أميرة .. طب بصي يا نورا انا بأذن الله هجيلك النهاردة ،، بس مضطرة امشي دلوقتي
نورا ... ليه ؟
أميرة وهى تبتعد ... هبقى اقولك ، باااي
نورا بحيرة ... بااي ،،
ياترى مخبية عليا ايه يا أميرة
.............................
خرجت من الجامعة بسعادة والبسمة على وجهها فاليوم كله أخبار مفرحة
ابتعدت عن الجامعة بشارع كان ادهم ينتظرها فيه طوال فترة الامتحانات
خرج من سيارته بقلق
هااااا عملتي ااايه ؟
ضحكت أميرة ... مية مية ،، الامتحان كان جميل اووي
بادلها ضحكتها ،،
ياريتنى كنت الامتحان 
_
ضحكت أميرة لمزاحه
ادهم ... عاملك مفاجأة
اميرة ... اعترف يلااااا
ابتسم ادهم .. لا بجد ،، بس مش هنركب العربية ،، المفاجاة قريبة من هنا
اميرة ... الله هنتمشي
ادهم .. اه
مشوا سوياً وسط سحر قطرات المطرة المتزايدة
ادهم .. بقولك ايه ما تيجي نجري المطعم هناك اهو
اميرة بابتسامة ... احنا غرقنا اصلا
ادهم .... خلاص ناخد الخطوتين دول جري
وركضوا ضاحكين بسعادة لباب المطعم
نظر لها ادهم بحب
غمضى عنيكي بس بجد وبطلي غش
اغمضت أميرة عينيها وهى تقول
ياترى مفاجاة إيه ربنا يستر
دخلت من الباب بحذر وتتبعت إرشادات ادهم بالحركة
ادهم ... فتحي عنيكي
فتحت عينيها على مكان ملئ بالورود وعلى كل جوانب المكان اسمها بشكل مزخرف وممر طويل مزين بالمصابيح الجميلة الصغيرة وموسيقى عازفة ساحرة تناسب هذه الرومانسية
والكلمات الرومانسية منقوشة بكل إتجاه
وصلت للداخل ووقف أمامها ادهم ونظرته مليئة بالحب العاصف ..
وأخرج علبة صغيرة من جيبه ،،ملفوفة بشكل دقيق وجميل
فتحها ،، وأخرج منه خاتم ولا أروع ،به بعض الفصوص الماسية
ادهم ... الخاتم ده بتاع جدتي لأمي ،جيڤياني
جدى ادهولها لما قابلوا بعض فى اليونان وحبوا بعض ، وانا الوحيد فى العيلة اللي اخدت الخاتم ده
جدتي اديتهولي ،،انا جددت فيه شوية بس تقريبا هو زى ماهو
وجلس على قدمه أمامها مما اذهلها هذا
ادهم بعشق ... تقبلي تتجوزيني؟
دمعت عينيها من السعادة ،وقالت بحب
ايوة يا ادهم ، وعمري ما هكون غير ليك ، انا ليك انت وبس
ابتسم بحب والبسها الخاتم بيديها ولم تبتعد نظرته عنها
وجد آميرته عشقه وجنونه ،، اهداها اغلى شيء يمتلكه بعدها
ولكن ،هل تتحول نيران الحب الى شيء أخر
هل تخبيء لهم الايام ما لا ينتظرونه
هل يصمدون لأجل حبهم ، أم ينهزمون
..........................
