رواية دموع عذراء الجزء الثاني الفصل السادس عشر 16 بقلم سلمي سمير
الفصل السادس عشر
♤♤♤■ في المستشفيونتابع الاحداث حسن يصرخ في التليفون لتوماس
مش هرحمك يا توماس مش هرحمك بعد ما سمع ضرب الرصاص وصوت صراخ وبعدها
سكوت تام لمنى وتنتهي المكالمه
يروح لليزا وشرارة الغضب تتطاير من عينيه
ليزا:- بخوف حسن حصل ايه
حسن:- يمسكها من هدومها هقولك حصل ايه قومي معايا دلوقتي هتروحي معايا السفارة وتعرفيني علي الشخص اللي غير عقد الجواز والسبب في كل االي حصل ومين وراه وهتدخلي للسفير وتبلغيه كل اللي حصل
ليزا:- دول مجرمين هيقتلوني قبل ما ادخل السفارة
حسن:- تموتي ولا تروحي في داهيه كله واحد انتي السبب في اللي حصل لمنى لو صونتي العشرة اللي كانت بينا
مكنش حصل اللي حصل
انتي مجرمه زيهم بالظبط كلبة فلوس وبيعتي العشرة والصداقه علشان الفلوس وكمان ترضي علشان نفسك المريضه في الانتقام من مراتي اللي عمرها ما اذيتك
ليزا:- ليك حق وانا فعلا غلطانه ولو هيساعدك اني اروح معاك السفارة انا تحت امرك ياحسن كفايه انك انقذت ابني من الموت وده لوحده كفيل اعملك اي حاجه
تليفونه يرن رقم طارق
حسن:- بصوت حزين ايوه يا طارق
طارق:- فين اختي يا حسن من امبارح مش عارف اوصلها
وولادها بيسالو عليكم انتو فين
حسن:- اعذرني يا طارق بس معنديش االي اقوله دلوقتي اديني ساعه وارجع اكلمك وياريت تيجي المستشفي محتاجلك انت واحمد معايا ضرروى
طارق:- صوتك ميريحش حصل ايه طمني ومستشفي ليه مش قلت مسافر انت ومنى انا جاي افهم حصل ايه
حسن:- لما تيجي هتعرف كل حاجه بس متقولش اي حاجه لسناء ومامتك و ياريت ميحسوش بحاجه
طارق:- حاضر انا جاي في السكه وهتصل باحمد وعلى
حسن:- لا على هنا معايا بالمستشفي وانا مستنيكم
__________
_______ليزا:- انا جاهزه اجي معاك اتفضل
حسن:- يلا بينا ويرن تليفونه تاني
من رقم خاص بدون ارقام
حسن:- الو مين معايا
شخص :- الحمد لله العمليه نجحت والمدام بخير
حسن:- بلهفه منى عايشه هي كويسه ممكن اكلمها
الشخص:- ايوه بخير هي بطريقه ليك لاصابتها ببعض الخدوش وحالة اغمائه بسيطه
حسن:-يتنهد واحساس بالراحه شكرا لسيادتك يا فندم
انت انقذتني من الضياع
الشخص:- اطمن علي المدام وتعالي قابلني باكر
تخلص المكالمه ويبص لليزا
وبفرحة كبيره منى عايشه منى عايشه
ليزا:- الف حمدلله علي سلامته تسمحلي ازورها واتاسف ليها
حسن:- اسفه لعصبيتي عليكي غصب عني منى حياتي
ليزا:- ربنا يخليكم لبعض ويارب تقدرو تسامحوني
حسن:- ان شاء الله استاذنك
عربية الاسعاف وصلت ويجري عليها حسن بلهفه
وينزل السرير النقال ويجره مع التمرجي
دكتور فتحى:-حمدلله علي سلامة المدام يا دكتور
تسمحلي افحصها واطمنك عليها
حسن:- اتفضل قوم بكل الفحوصات انا هفضل معاها لحد ما تفوق وياريت تعالج الخدوش االي في ايدها
ويدخل معاها غرفة الكشف
دكتور فتحى:- الحمد لله الحاله مستقره الضغط عالي نسبيا
غير كده مفيش اي مشاكل هي محتاجه للراحه
وانت كمان محتاج للراحه اللي حصل في يومين اللي فاتو كتير جدا
علي طاقة البشر ياريت ترتاح ولما تفوق هبلغ حضرتك
حسن:- انا هرتاح هنا جمبها متقلقش عليا
ويخرج الدكتور ويسيبهم
حسن:- يمسك ايدها وحشتيني يا منى اوووي
بقي عايزه تسبيني حرم عليكي
انتي كده كنتي عايزاني اموت كل يوم الف مره في بعادك عني وعن حياتي يا كل عمري وحياتي
ويوطي يبوس ايدها وينام عليها
ممرضة:- دكتور حسن اخوك استاذ على فاق وطالب حضرتك
حسن:- يسالها دكتورة سالي فين
الممرضة:- في اوضة العمليات حضرتك
حسن:- طيب روحي وانا جاي وراكي
ويبص لمنى مش هغيب عنك حبيبتي هطمن علي على واجيلك بسرعه بحبك
ويخرج يروح لعلى وهو في الطريق يدخل يطمن علي جوزيف الاول
يدخل الرعايه لجوزيف ويشوف ليزا واقفه بره
يطلب من الممرضه تسمح ليه بالزيارة خمس دقائق
وهو يفحص جوزيف ويتاكد انه بخير
ليزا:- تدخل وتشوف ابنها بيتنفس تحمد ربها
وتبص لحسن لو عشت عمري كله اشكرك مش هيكفي علي اللي بتعمله معايا ومع ابني شكرا يا حسن
حسن:- انا اب وحاسس بيكي ربنا يقومه ليكي بالسلامه
بس ياريت تبعديه عن اي مخاطر زي االي عرضتيه ليه الفترة اللي فاتت ومتدخلهوش في العابك القذرة تاني
ليزا:- انا خلاص اتعلمت الدرس ولما يخف هاخده واسافر واربيه احسن تربيه وهاعيش عمري كله ليه
حسن:- فعلا كان درس للكل
ليزا:- هما عملو ايه مع توماس قبضو عليه
حسن:- انا معرفش اي تفاصيل اطمن علي منى الاول وهروح المباحث اعرف حصل ايه ووصلو لمنى ازاي
ليزا:- هي منى لسه مافقتش
حسن:- لسه وكويس هي محتاجه الراحه ليها احسن اللي اتعرضت ليه مكنش شويه والضغط عالي عليها وده خطر مع الجلطه اللي كانت عندها بعد اختفائي
ليزا:- ربنا يحفظهالك ليك ولاولادكم واسفه جدا علي كل اللي عملته فيكم وانا مستعده للمسائله القانونيه
حسن:- اكيد عليكي مسائله قانونيه مقدرش اساعدك فيها لكن اوعدك لو حصل واتسجنتي جوزيف هيكون ولد من ولادي
ليزا:- ياه يا حسن انت انسان بجد واخلاقك عاليه وفعلا انا مستاهلش واحد زيك في حياتي لاني مخادعه وكذابه وظلمتك معايا انت ومراتك ولازم السجن يكون جزائي
حسن:- ربنا يعمل االي فيه الخير
ويخرج يزور اخوه ويطمن عليه
ويسمع حوار على ودكتورة سالى!!
على:- اسف مقبلش انك تشرفي علي علاجي
دكتورة سالى:- بس انا فعلا مشرفه علي علاجك بأمر دكتور حسن ولو عندك مانع اطلب منه يغيرني مش حضرتك ترفض اعالجك بمزاجك
على:- هي عافيه و خلاص اناعايز اخرج بقيت كويس
دكتورة سالى:- لا لسه حالتك محتاجه متابعه وراحه وانا بردك اللي اقرر خروجك من عدمه
على:- لا بقي انتي مستقصداني وده تعسف وانا هشتكيكي لادارة المستشفي
يدخل حسن في ايه وهتشكي مين
على:- انا هشتكيها مش عايزها تتابع حالتي
حسن :- بما اني امثل ادارة المستشفي اقر بان الدكتورة سالى مسئوله عن حالتك مسئوليه كامله في المتابعه وتقديم تقرير كامل عن الحاله معا تقديم الخدمه والعلاج المناسب.
في اي اعتراض يا استاذ على
على:- لا والله حرام كده يا ابيه انا عايز اخرج من هنا
حسن:- الدكتورة سالى هي الوحيده اللي هتقرر خروجك من هنا
وياريت تكون مريض مثالي وتلتزم بالتعليمات علشان تخرج بسرعه وياريت تسمع الكلام لمصلحتك
الدكتورة سالى:- ياريت يا دكتور انا تعبت معاه
انا خلصت العمليه وجيت اطمن عليه ومجرد ما شافني كأنه شاف عفريت رفض افحصه او اقيس الحرارة او الضغط
حسن:- لا خلاص انتي المسئوله قدامي عن حالته واكيد هيلتزم علشان يتحسن ويخرج بسرعه
وهو خارج يقولها منتظر تقرير مفصل منك علي مكتبي عن الحاله واخر التطورات والتحسن الملحوظ
ويبص لعلى احمد وطارق في الطريق اسمع كلام الدكتورة وخليها تكمل فحصك بسرعه علشان اسمحلك بالزيارة
الدكتورة سالى:- ممكن تسمحلي افحصك دلوقتي
على:- وانا بقي بايدي حاجه اتفضلي تحت امرك ارتحتي
دكتورة سالي:- تطلب ممرضه تقيس ليه الضغط
وهو يبص عليها وعينه تفحصها بتمعن
على:- ادائك ممتاز شكلى هغير رأي في الجنس الناعم
دكتورة سالى:- تضحك مش معقول بسرعة كده
على:- يقول شكلي مش غيرت لسه لكن بعد ضحكتك دي ممكن جدا جدا اغيره لو ضحكه كمان حلوه زيها
دكتورة سالى:- تنكسف وتضحك بخجل
على:- لا مش ممكن انا خلاص رفعت راية الاستسلام
كل ده وحسن بره سامع كل حاجه ويضحك
بعد ما حس ان اخوه بخير ورجع لحالته الطبيعيه ويكمل طريقه علشان يروح يطمن علي منى حبيبة قلبه
وهو ماشي يصدم من اللي شافه قدامي
ويجري بسرعه اللي الي الامام
يتبع....
