رواية المجنون عاقل الفصل الحادي عشر11 والاخير بقلم جمانه السعيدي
شهد...كنت متردده وخايفه من هذا العرض حبيت اخذ وقت اكثر اتعرف علي وعلى شخصيته
خايفه لان مزوج خايفه تصير مشاكل بسببي اني مااكدر اتحمل المشاكلاريد حياة هادئه اعيش وبس
و عمتي مراح اكدر اعوفهاهاي امانه عندي مااكدر اتخلى عنها اني زوجي الاول كان كلش يحبني ويريد خاطري مستحيل اتخلى عن امه
شهد...خل نروح الايران ومن نرجع يصير خير حتى افكر زين بهذا الموضوع
بكر...بقيت انتضر على ناراريدها ترجع اريد اقنعها بهذا الزواج
مو عشر ايام بقت بايران عبالك سنه
من رجعت كانت ما مقتنعه حيل بفكرة زواجنا
بقينا شهر كامل نحجي بلتليفون حتى نتعرف واحد على الثاني وحتى اقنعها تقبل بهذا الزواج
بكر....يله فضيها ليش جاي اضيعين وقت هذا عمر جاي ينحسب علبنا
شهد...خايفه خايفه من الجاي خايف ازوج واتندم واصير مضحكه للعالم
بكر...بعمرج مراح تتندمين صدكيني
خلي اي شرط يعجبج واني موافق
شهد... مااعوف عمتي ابد ولا تكول خليها بدار رعاية المسنين
بكر...موافق اصلا اني اريدها تبقى يمج اخاف اعوفج وحدج بلبيت بعد شنو شروطج
شهد...زوجتك يكون عدها علم من البدايه مااريد تصير مشاكل بعدين
بكر...طبعا اكيد راح احجي وياها واني هم عندي شرط
مااطلكها لان تبقى ام ابني الوحيد
شهد.. احجي وياها واني انتضر شراح يصير واني هم احجي ويا عمتي
بكر..تمام
شهد...كل وحده بيتها محد تشوف الثانيه
بكر...طبعا هذا احسن حل للوضع الجديد
شهد...شوف شراح يصير ورجعلي خبر
جمانه السعيدي
بكر...هاي الخطوه أصعب خطوه بلنسبه اليه
ثاني يوم رحت اشتريت طخم ذهب كامل وجبتلها فستان على ذوقي
بكر..رجعت للبيت لكيتها واكفه بلمطبخ
هلو ام حمودي شلونج
حنان...هلووو شنو هاي العلاليك
بكر..افتحها وانتي تعرفين
فتحتهن الله شنو هلجمال ذني الي شنو المناسبه
بكر...اني محتاج مناسبه حتى اجيبلج هديه
حنان...لا الحق ينكال انت ما مقصر وياي بشي بس ليش يعني بهذا الوقت بلذات
اكو شي مناسبه حفله شي منا منا
بكر....ذني هديه بدون مناسبه بس اني عندي موضوع اريد احجي وياج بي
حنان...اكو شي موزين شو خفت
بكر...لا انشاء الله زين
حنان...كول شنو
بكر...اني قررت ازوج
راسا وكعن العلاليك من ايدها
حنان.. صدك تحجي تزوج يعني جايب ذني تقشمرني بيهن
بكر....شوفي كل حقوقج محفوضه وهذا البيت راح يكون بيتج ومراح اقصر عليج بشي
راح اخلي مبلغ ٢٥ مليون باسمج بلبنك
انت مراح تشوفين العروسه ولا راح تقرب عليج
هي بيت وانتي هنا ببتج
حنان..شنو شايفني طفله كدامك تضحك عليه ليش تزوج
اني شنو ناقصني ولله من كمت تصفن وتضحك عرفت اكو شي جديد بحياتك
طلكني وعيش ويا العروسه الجديده براحتك
بكر...اني طلاك مااطلك انتي تبقين زوجتي وأم ابني
واني مااريد هذا البيت ينهدم
حنان...مو اني حضرتك تريد تهدم هذا البيت
بكر...اني اكدر ازوج بلسر وانتي ما تعرفين ولا راح تعرفين بيوم من الايام
بس اني احتراما للعشره حبيت يكون كلشي واضح كدامج
فكري زين اني مشتريج وابد ما مفكر افرط بيج
هذا بيتج اكعدي ويجيج كلشي يمج ومراح اقصر عليج بشي ابد
واذا انتي تصممين على الطلاك اطلك بس بشرط ابني
يبقى عندي وتاخذين كل حقوقج ولله وياج
حنان...من البدايه الله وياج بعدك ماخليتها بحضنك
بكر...اني جاي اخيرج انت حره اني مراح اجبرج تعيشين وياي بلكوه
فكري زين ورجعيلي خبر
حنان..اذا ما تحبني من البدايه ليش ازوجتني
بكر...اني قصرت وياج بشي
حنان...لا بس الحياة موبس اكل وشرب الحياة حب
اهتمام واني بعمري ماحسيت انت تحبني
بكر...اني مااكرهج بلعكس احترمج
حنان...خلاص طلكني وروح ازوج اني راح اخلصك من هذا الحمل
راسا كامت تبجي
بكر...ليش تبجين
حنان...احبك ولله احبك شكد صار صابره ومتحمله لان احبك
انت ما مقصر وياي بشي بس بعمرك ماحبيتني رغم اني
شكد حاولت اخليك تتغير علمودي
بكر..ومنو كال اني مااحبج
حنان...اهييي اهيييي اي والدليل راح تزوج عليه
بكر...افهمي هاي البنيه اني احبها قبلج بس ماجنت اكدر ازوجها الضروف منعتني هسه التقيت بيها بلصدفه
حنان...ونسيت كلشي بس شفتها مو اهييي اهيي
بكر...لا ما نسيت والدليل اكلج ابقي بيتج معززه مكرمه
ومراح ينقص عليج شي
فكري زين ورجعيلي خبر
بكر...ثاني يوم من رجعت من الدوام مالكيتها بلبيت ماخذه حمودي وملابسها وطالعه
جمانه السعيدي
اتصلت عليها ماترد عفتها اريدها تفكر زين
اتصلت بشهد بكر....هلو شهوده
شهد...خير صوتك مو تمام
بكر...حنان عافت البيت لان عرفت راح ازوج
شهد...مو كتلك حقها ماكو وحده تقبل زوجها يزوج عليها
بكر...اني متأكد راح ترجع اني اعرفها تحبني وتحب بيتها مستحيل تعوف كلشي خليها تهدء وترجع
شهد...اني مااكدر ادخل عليها وأهدم بيتها
بكر...شنو هذا الحجي انتي مالج علاقه بلموضوع
حنان رجعت كعدت بيت عيالها حتى حموينها ياثرون على بكر يرجع بقراره فعلا خوانه ثنيبنهم اجو حجو ويااا
بس بكر قافل على هاي الزواجه حتى امه وابو حاولو ويااا
اكثر من مره يحجون علي بس ماكو فايده
طالت مدت الزعل ٣ اشهر مو قليله وبكر ما يقبل يرجع عن قراره
اخت حنان....ارجعي البيتج احسن
حنان...ياا يزوج عليه
...هو مقصر وياج...
....لا
...يضربج
...لا
...يوم سمعت كلام موحلو
...لا
...خلاص ارجعي ترا المحبه من الله ماتكدرين تخلينه يحبج بلقوه مادام راح يراعي رب العالمين وياج ارجعي وعيشي بيتج ليش تعوفين البيت تجي مرته تكعد بي
اذا طلعتي من بيتج مراح يدور عليج بعد
بس اذا بقيتي بحياته راح يحسب حساب وجودح
ارجعي وعيشي خلاص هو هذا حظج وقسمتج ترا زوجج منصب وجمال واذا مو هاي الف وحده تكيف علي
بكر...اقنعت حنان رجعت للبيت لكيتها راجعه
بكر...حضنتها وبستها توه البيت نور
حنان...رجعت علمود حمودي مااريده يتربى بعيد عنك
بكر...اني متأكد انتي عاقله ومراح تعوفين بيتج
من باجر ينزل بحسابج الفلوس الي اتفقنا عليهن وهديتج خليتها بلكنتور
بكر...اتصلت بشهد وكتلها خلاص حضري نفسج حنان رجعت للبيت
شهد...عمه اني متقدملي واحد كلش زين يريد يزوجني طبعا اذا انتي وافقتي حتى قبل اخواني انتي لازم توافقين
واني شرطت علي انتي تبقين وياي
الحجيه...الله يرضا عليج يايمه ماقصرتي وياي شايفه كل الخير
شهد اتصلت باخواني وكتلهم على منصب بكر وعلى وضعه
المادي بس ماجبت طاري جمعه خاف يرفضون
راح بكر وطلب ايدي منهم وافقو لان ماشاء الله ما يتعيب ابد الحد هاي اللحظه مايعرفون قصة جمعه
بكر.. ازوجنا اني وشهد بنفس البيت الي هيه عايشه بي
فتره الحد مااجهز بيت جديد بعد اربع أشهر من زواجنا طلعت شهد حامل فرحتنا اني وياها ما تنوصف ابد
ضميت الخبر عن حنان حتى لا اضوج
منا لمن اجانا علي بكر محمد
ولد يخبل يجنن شكد فرحتي بي
بعدها بسنه صار عدنا فاطمه وهاي الفتره كمل بيتنا
وانتقلنا اله اخواني اجو يباركون علمود البيت وشافو جهالي اني جنت ضام الخبر عنهم حتى لا يوصل الحنان ووصل الخبر الحنان زعلت عليه
ليش اضم عليه هيج خبر خاف احسدك انت ومرتك
بس لا تخافون صالحتها متعلم عليها تسامحني دائما حمودي فرحان باخو واخته
كل فتره من تصير مناسبه عائليه يلتقن حنان وشهد
الحمد لله الأمور طبيعيه
سنة ٢٠١٥ ماتت الحجيه واني قمت بواجب الدفن على أكمل وجه بعدها بسنتين توفئ ابوي سنه ٢٠ امي ماتت
الله يرحمهم جميعا
حياتنا حلوه ومستقره ولله الحمد
انتهت قصتنا لكن قصة حب بكر وشهد ماانتهت
دمتم سالمين
