رواية ارحموني ولو رحمة مرة الفصل الحادي عشر 11 بقلم فراقد جسن علي

رواية ارحموني ولو رحمة مرة الفصل الحادي عشر 11 بقلم فراقد جسن علي 

- ((ومن هنا بدء منحى أخر للقصة ))

-((أسفة عن تلك الكلمات التي كتبت في بعض المشاهد من هذه الحلقة

حاولت بكل جهدي أن أغلفها وأبسطها،،

لكي لا تخدش أنظار حضراتكم المحترمة ،،

أعتذر لكم ومن صميم قلبي أرجوا أن تتقبلوا أعتذاري أختكم/ #فراقد ))

--------

فرح /بسرعة كضى الشهر ماباقي غير

أسبوع على عرسي

أضف تعليقاً

-واني من هسه خايفه وافكر بيوم العرس

-وافكر شلون مخلد يبوسني ،،أستحي من عنده

-يلا الله كريم منا لهذاك الوكت ،، هي بوسة نفس هذيج المره ويخلص الموضوع

عود اتصرف بهدوء نفس المره المضت

-ثاني يوم من الصبح أجاني مخلد

//الله يساعدج يابه

عيوني فرحه أستعجلي بدلي هدومج

حت نمشي للمحكمة نكمل العقد

علمود أمشي بالاجازة

فرح/شنو هسه نروح وحدنه ؟؟

-يعني شلون اروح وحدي وياك ؟؟

مخلد/ول يابه تراني رجلج مو ناهبج من أهلج

-لا ،،يروح ويانه عمي صالح

وخالي أبراهيم أخذهم شهود

-وتروح ويانه عمتج شمس

واختي أم سيف ،،

-ومن البارحة بليل بلغت أبوج

هسه هو على جيه من الكاع

كال أنتظرني بالبيت

-هو لازم يحضر لأنج قاصرة فهو ولي أمرج

الا بوجوده يلا يتم العقد

-بس خفيلي أيدج وبدلي هدومج منتظرج

مايبقالي وكت أخلص بي الاجازة

فرح /اي هسه بس خلي أجيبلك جاي

مخلد/لا يابه كولي لأخيتي منى هي تجيبلي الجاي وانتي أركضي بدلي

فرح/اي هسه دقايق واجي

-ركضت جوه فتحت جنطة ملابسي

أخذت فستان طويل ابيض وبي وردة ناعمة وردية وياه مشمر وردي فاتح بلون الورد

والحذاء الابيض اللي لبسته بحفلة الخطوبة

-عمه شمس كالت هذن الملابس لبسيهن

من تروحون للشمال هواي حلوات ومرتبات

-بسرعة غسلت وبدلت

ومشطت شعري لفيته كباية

لبست كلشي جديد من ملابس الجهاز

ولفيت المشمر رتبت لفته

-لبست الحذاء شويه بي علو طولني هاي أهم فقرة اهم شي اطول

- خليت بس كحلة

وجريت حمرة وردية خفيفة

أني الحمد لله بشرتي صافية وتلمع

وخليت عطر قوي وطيب

-أخذت محفظتي البيضة الصغيرة

مجمعة بيها فلوسي ومستمسكاتي

-هو شافني وأنصك حتى الحجي ضيعه

حتى ماعرف يرجع يكمل سالفته ويه أبويه

مخلد/أحمم ،،أحمم

-أكول عمي هم يلا حت نمشي مايبقى وكت

فرح/طلع أبويه ومخلد يمشي وياه

وكلساع يندار عليه يباوع

-صعدنه بسيارته حلوة حديثة لونها أسود

-كعد يمه أبويه بالصدر واني كعدت ليوره

كال تجي ويانه عمه شمس وأخته

-وهو باوعلي بالمرايا وغمزلي

أنوب أندار ليوره بحجة ياخذ سترته

شامرها على الكشن الوره

حركلي حواجبه وعضلي شفته

أخذ السترة ولبسها لونها أسود جلدية

-كلساع يباوع بالمرايا لو يغمزلي لو يحركلي حواجبه ،، أستحي من عنده بس أبتسم وادير وجهي

-راح لبيتهم أخذنا عمتي واخته

ولحكنا عمه صالح وخاله ابراهيم

بسيارة عمه

-وصلنا للمحكمة

كال//اريد عقد على المسائي

بعد ما كمل المعاملة من الشغلات الروتينية

وسألونه عاقدين شيخ

كنالهم أي

رسلونا للمركز الصحي

اخذولنا تحليل دم

وره شوية نطونا النتيجة

واخذوا رسموها (٥٥) الف

-رجعنا للمحكمة

والراحوا ويانه كاعدين ومنتظرين بقاعة المحكمة

-بس هو ماكدر كلشي يسوي

عمه شمس راحت ورجعت ويانه

-وكفنا كدام القاضي رجل متوسط العمر

راد أبويه بعد ماقرا هويتي

وقع ابويه على أوراق

كملنا العقد وطلعنا بعد المباركة

-أم سيف كامت تهلهل وطشت علينا الجكليت

رجعنا للبيت ،،

-بالطريق كال لابويه

مخلد/عمي من رخصتك أخذ فرحه ويايه

هم تشوف بيتنه وهم تشوف غرفتها

باسم/يابه كلشي على ذوقك اني متأكد مرتب

-عود أخذها وياك بيوم زفتك اليوم تعذرني

مخلد/براحتك يابه ،،باجر معزومين يمنا على الغده

باسم/عشت ،، كفو منك ألك ولأهلك ان شاء الله نحضر

الله يسعدكم ويهنيكم

فرح/دخلنا للبيت وامي وعمه هناء

وخواتي بوسني وهواي فرحولي

-ثاني يوم رحنا لبيت أهل مخلد

بيتهم حلو ومرتب ،،

-وشفت غرفتي كلش حلو تصميمها

-وأمي بلغت منى تتحرك ويايه وماتتركني هنا مخلد كلشي ما كدر يسوي حتى الغمزة حرمت عليه

-بعد ماخلص الغده وشربنا جاي

رجعنا مخلد لبيتنا هو بيتهم بنفس ديرتنا بس مسافة شويه عنه

-لليل أجه علينا أستغربت هذا شبي

مو الظهر جنت يمهم ؟؟

-كعدنا بالديوانية ويانه مريم وفاطمة

مخلد/يول أرحمي بحالي شلون يعني مخليتلج حرس ليل ونهار

-أفهمي عاد أريد أبوس أريد أكمش

شطلعت هاي حلالي وكلشي ما اكدر أسوي مو حت عقل ماظل براسي

فرح/عفية لا تكول هيج أستحي

وبعدين مابقى غير ٤ أيام

وتكدر تحصل هذني السوالف

مخلد/اااخ يابه فلا أرحم بحالج

بس خلي أدخل واني أعلمج وجع الكلب شلون يصير

فرح/صدك خفت من كال هيج

-شنو ترى مافهمت ليش ماترحم بيه

ماسويت شي

مخلد/يابه شبيج راح تبجين

مو يروح عقلج بعيد وعبالج اضربج

لا أقصد أعلمج على سوالف تالي الليل التوجع الكلب من كثر الحب والدلال

فرح/هااا قصدك حب مال هذوله العشاق واليحبون اليطلعون بالتلفزيون

مخلد/عفية عليج اي سوالف ألحبجيه والعشاق الا أطلعهن الج من عيونج هذن ألعطلن أنياط كلبي

-أسمعي حفظت هذا الشعر علمودج

-((أرد اكلك اني احبك *واستحي اشلون اني اكول

-اني طبعي مو جرئ *بارد وكلش خجوووووووول

-خاف اكلك اني احبك *وتكلي انت عجوووووووول

-خاف أظمها وتبقى حسره *وحسرة كليبي تطول

-وهسه بعد العشره كلها *انت تسمحلي اكول..,,.

-اني احبك والله احبك *ومنك اترجه القبول

-وهسه بس محتاج ردك *هيه مو هيج الاصول؟؟))

فرح/الله كولش حلو هذا الكلام

صدك عجبني

مخلد/هااا بس هيج تكولين

الحمد لله من عجبج

-اكول أنتي شكثر فطيرة و خام ،،

فرح/بقينا كاعدين والليل كله هيجي يسولف حلو وكلساع يكول أسمعي هذا الشعر

-واني الصراحة مكيفة لان حسيت نفسي صدك حلوة وهو صدك يحبني وحافظ هذا الشعر علمودي

-أجى يوم الخميس يوم الحنة

-كل ألبنات والنسوان أقربائنا موجودات

-حتى عمة رجاء صالحتها

وعمة هناء جابتها سلمت على امي

وعمي أحمد صالح أبويه وعمي محمد

-بيوم الحنة أم صالون لعبت بخلقتي جوبي احمر على اخضر الوان تجيب وتخلي

-بس التسريحة حلوة

والبدلة لونها سماكي وتفاصلها حلو

-يابه البنات ركص ركصن كفعن صبابة الديوانية وحدتهن تهز جنها بروانة التنشيف بالغسالة العاطلة

-واني الوحيدة كاعدة وساكتة على كرسي بلاستيك أبيض وباقي النسوان والبنات والجهال كاعدين بالكاع ويباوعون عليه انوب خلقتي تخزي احمر واخضر

-بس الصراحة كلش فرحانة ومتونسة بالهوسة وأللمة الحلوة

-لليل بعد ماخلصت الحفلة كتلني الجوع

-بين ماصبتلي منى الاكل

ورتبتلي صينية زينة عود مداريني لان عروسة

-دخلت للحمام غسلت ووكعت المكياج وحليت شعري من البخاخ

-طلعت كعدت بالغرفة أتعشى

حتى شعري بس لفيته بعدين أمشطه هووواي جوعانة

-دخلت عمة شمس وياها عمة هناء للغرفة وطلعن البنات وخلني بس أني وقفلن الباب

-تفاجأت هاي شبيهن

ليش طردن البنات وقفلن الباب

-اذا على الشيرة البارحة كملتني عمه هناء

حتى خالاتي استحي منهن ماقبلت يشوفني

شمس/شلونها معنوياتج

فرح/عمه جوعانة ونعسانة وتعبانة

هناء/هههه هذن باجر كلهن تنسيهن بحظن مخلد

فرح/عفيه عمه لا تحجين هيج أستحي

شمس /لا ماكو مستحى بعد

انتي عروس ولازم كلشي تعرفين

-هاج ألزمي هاي القطعة البيضة وضميها باجر بصدرج وبليل أستخدميها

فرح/شنو ؟؟مافهمت يعني شسوي بيها وليش أضمها بصدري

شمس/حتى تكون تحت أيدج

مو تنسين وين مخليتها ودوخين وتبقين ادروين عليها

-هاي قطعة بياضج باجر من ياخذج مخلد خلي بيها نيشانج

فرح/عمه بس دقيقية باجر وين ياخذني ؟؟

هو كال ثالث يوم يلا نطلع للشمال

هناء/فرح أفهمي عاد ياخذج يعني تصيرن مرته وحرمته وحلاله

فرح/و روح اجدادي دخت

ليش اني مو هسه مرته وحلاله

شمس/فرح باوعي عليه ،،

باجر مخلد من يزفونه ويدخل عليج للغرفه ياخذج يعني .........................

وهاي القطعه البيضه يصير عليها الدم

فرح/يمه هي عمتي شرحت السالفة واني أفترت بيه الغرفة وتذكرت هذاك اليوم من محمود جرم بحالي

-عمه يعني لازم يطلع دم ؟؟

شمس/اي لازم لان هو دليل على بكارة البنية وان محد قبل زوجها طاخها ومتقربلها،،واسم الله اذا ماطلع

دم يعني مو بنية

واهل العروس يذبحون بتهم لان رجلها كشفها هي مو بنية وطينت شرفها وشرف اهلها

فرح/حجيت بخوف ورعب وقلق

حتى الجوع نسيته ،،وماكملت أكلي

-عمه يعني يوم الدخلة مو بس بوسة نفس ماكالتلي عمه هناء بيوم الخطوبة

هناء/هههه يابه باجر ملازم مخلد

يحظن ويبوس ويكمش ويدخل بعد

فرح/هي كالت هيج واني هي شهكة وهي بجية ورجفة الخوف اللي لزمت جسمي طلعت روحي

-رجفة الخوف لان باجر ماكو دم

لو مخلد لو أبويه وعمامي يذب حوني لان اني مو بنية

-كمت طفرت على حيلي وعماتي أستغربن طفرتي وبجيتي وخوفي

-عمه ما أريد أتزوج بطلت عفية

كولي لمخلد ما اريد أتزوج بطلت

شمس /اسم الله ،،بسم الله الرحمن الرحيم شبيج يول

فرح/بطلت ما أتزوج عمة عبالي الدخلةبس بوسة نفس ماكالت عمه هناءاخاف والله اخاف

شمس/يااا شجالج ترى ماكو شي يخوف لا راح تتوجعين ولا تتأذين

واني متأكدة مخلد شاب واعي

مو همجي ويأذيج

فرح/بس كوليلي يعني لازم يطلع دم

شمس/اي لازم

فرح/يعني راح اتوجع وأتاذه

كمت أبجي بصوت عالي

-سويت حجتي أخاف أتوجع

ما اكدر أحجي وأسولف ضيم كلبي لان أكيد أنذبح

-طلعت ركض من الغرفة

ومن ثولي ما عرفت افتح الباب جلبت السقاطة بلكوه فتحتها

وين اروح وين أختل وين أضم روحي

-طلعت بوجهي للحمام حبست روحي وضليت أبجي بصوت عالي

وكمت أدك على وجهي

شلون بيه هسه

منين أجيبك محمود

ومنو راح يصدكني ويخلصني

-عمه شمس وعمه هناء وامي كسرن الباب عليه

أخاف اطلع أخاف يعرفون ويذبحوني اخاف من طاري الموت

-يمكن نص ساعة وهن كلساع وحده جايه وداكه الباب واني أسوي نفسي ما أسمع

-وأسمع عمي محمد وعمي أحمد هجموا باب الحمام عليه

-بس فتحتها وأشوف العالم كلهم مجموعين بالحوالي كبال الباب

-شحطني عمي محمد من أيدي

وداني للهول ،،

-نطقت الشهادة هاي هي بعد عرفوا ليش كمت أبجي وراح يذبحوني

-ابويه كاعد بطرف الهول

ويباوع بوحهي مصدوم من ردت فعلي

محمد/شبيييج تعوين ولميتي الوادم علينه

فرح/عمي الله يخليك بطلت ما اريد أتزوج أخاف

أحمد/فريحه هاي خوفتج وبجيتج مو خوف عادي

أحجي شعندج وهيج كلبتي الدنيا

فرح/ماعندي شي بس بطلت أخاف ما اريد أتزوج

محمد/فريحة هذن السوالف عبريهن على غيري تراني راضع ويه أبليس

-كولي احد مواعدج على زواج غير مخلد لو بيج شي ومعيوبه

فرح/الناس كلها واكفه والعيون والاذان تراقب وتسمع شحجي

-احجي وأبجي والرجيف طلع روحي أنفض مثل السعف بيوم عاصف

//عمي شنو يعني معيوبة ما اعرف هاي الكلمة شنو معناها ؟!

محمد/فريحة لا تلعبين وياي يعني مو بنية يعني طاخج زلمه غير مخلد

فرح/لا عمي فدوه لا تكول هيج

لا عندي احد ولا اعرف احد

ولا واحد واصل يمي

حتى ما اعرف زلم غيركم بس انتم عمامي ومخلد

محمد/خوش حجي هسة سولفينا شبيج بس تعوين وترجفين شعندج خل نفتهم راسنا من رجلينا

فرح/أخاف ما اريد أتزوج بطلت

كمرة /عمه منين تخافين ترها السالفة عادية وماتوجع وجعها أقل من چكة الابرةمو كل شهر تجكين أبرة

فرح/يمه تعاااي ألحكيني أخاف ما اتزوج عفية كولي لمخلد بطلت

محمد/لا أنتي سالفتج مو خالية

واطلع خبل وكلشي ما افتهم وهي وحده من الاثنين لو واحد مواعدج غير مخلد لو معيوبة

فرح /لا ،،لا كلشي ماعندي

محمد/شو تعاي أني هسه أخليج تقرين كل العندج

فرح/لزمني عمي محمد من شعري

بحيث يملش الخصله من فروة راسي ويشمرها بالكاع

-دخت أنسطرت بعد مااشوف دربي

بس جلبت بحلكي كلمه وحده

-مااريد أتزوج بطلت

-وأنوب أستلمني عمي أحمد

دفرات وبوكسات يضربوني بس على جسمي مايضربون وجهي

-أنتهيت بيدهم ،،يعني هم زلم وأقوياءحتى مارحموني رحمة مراه ضعيفة وماعدها شي أدافع بي عن نفسها

-وابويه سوده عليه

بس يبجي ويباوع عليهم مصدوم

شمس/الله اكبر عليكم مجرمين خو ما مجرمين تكلكم أخاف لااا تضربوها

-يول تكولي بشهود هناء

عبالي الدخلة بس بوسة

من شرحتلها الموضوع كامت تبجي خافت

-تراها طفلة لا شايفة ولا سامعة

لا من عدها تلفون وتخابر وتواعد نفسبنات هلوكت حت تكولون مصاحبة

وغريب مواعدها بالزواج

شو حت باب الشارع ما توصلها

-ولا تعرف شنو يعني يوم الدخلة ومنين تعرف يعني ،، قابل احنا كاولية ونسولف كبالهن حت تكولون سامعة وتعرف من عدنه

ولا هي المكملة دراسة حتى تفتهم الموضوع

محمد/انتي أكلي تبن وأنجبي

ترى أذا تريد تسوي شي ومخليته براسهالو من بين كل ألحضور وأحنه الموجودين تنفذه وتسوي

أنتن ألنسوان كيدچن عظيم

-هسه انتي يالسكط بعد هل بسطه هاي تسولفين لو شلون

فرح /ماعندي شي بس ما اريد أتزوج بطلت

-أني كلت هيج و عمي محمد

وعمي احمد وياهم رافد

خلوني بالنص شلون الطوبة من

أيد لايد وشبعوني كتل

-توسلت بيهم يرحموني لو مره وحدهويسمعون مني وان الزواج مو أجبار بطلت مااريد أتزوج هي غصب لو بالكوه

-من كثر الضربات حسيت نفسي راح افقد تكورت على نفسي بالكاع وضميت وجهي بين ايديه

-أنوب حاتم رجل عمه كمره بعتبار هو هم عمي لان يصير ابن عم أبويه

-تولاني دفرات على ظهري وخاصرتي ملشني من شعري كومني على حيلي وشمرني على أمي

حاتم/شوفي سهام ألج مهلة نص ساعة مو اكثر تفتهمين من بنتج شبيهامو تجي وحدة زعطوطة تنزل روسنا بالطين

نجمة/اني متأكدة ماعدها شي

لا صاحب ولا معيوبة

بس لان هي عروسة ونظيفة وطولت بالحمام هل أنمست وأنكلب حالها

فرح/بس كالت عمه نجمة هيجي

وكل النسوان أيدن كلامها

// اي صيح هاي نفظتها وبجيها وخوفها مال وحده أنمست وركبها جن طالح

-ما أكدر أوكف على رجليه راسي ثكيل وجسمي كله يوجعني ويون عليه كعدت بالكاع وأنجطلت

-مااحس الا عمي سلمان ومخلد

فوك راسي،،

-هسه صدك ،،حلت عليه الذبحة

-عمه شمس هي الدكت على عمي سلمان

ومبلغ مخلد بسالفة وجوي سويه

مخلد/خررب ... انتوا من يا مله

شنو أنتم أسلام لو يهود

-ليش هلشكل جارمين بحالها

يولوا تكلم أخاف كالت غير هذا الكلام

محمد/مخلد أنت عندك عادي تكول بطلت مااتزوج وتريد نبلغك تبطل منها

مخلد/بس أطلعوا من الموضوع أني

اتفاهم وياها،،لان أعرفها صادقة وصدك خايفة

فرح/تقدم عليه مخلد ونهضني من الكاع وتجالي

كتله// صعدني فوك يم عمه هناء

صعدني وصلني فوك لبيتهم

هو شبه شايلني مو ساندني

نزلني بهدوء بالكاع أنجطلت على المندر

-أباوع بوجهه وأبجي حتى دموعي صارت توجعني

-يعني الغريب حن عليه وأهلي ذبحوني من الكتل

-زين خاف بس هسه هو حباب ونقذني ورحمني رحمة مره

وطلعني من ضرب مر امر من العلكم وباجر يكلب عليه ويذبحني بيده

مخلد/فروحة شبيج ليش هيجي تخبلتي على أهلج

فرح/مخلد بداعت أمك

الله يخليك افتهم عليه بطلت ما اتزوج أخاف عبالي الدخلة بس بوسة بس عمة شمس كالتلي غير شي

مخلد/يابه هسة انتي شبعتي طن كتل

وحالتج تبجي الكافر ،،وسويتيلج أنتفاضةعلمود سالفة الدخلة

-يابه الج وعد مني ،،واعدج وعد زلمه وهذا شاربي مو عليه

-باجر لا أوصل صوبج ولا أطخج

-وانتي شوكت ما أمنتيلي

وارتاح كلبج من ناحيتي

وأنتي تطلبين بنفسج الموضوع

وتكونين مستعد بذاك الوكت عود نتقارب

فرح/يعني ماراح تضربني وتأذني

لو تذبحني اذا ،،اذا....

ماكدرت أنطق واكوله اذا ما طلع دم خفت يفتهم ضيمي ولوعتي

كتله// اذا رفضتك وما قبلت توصلني

مخلد/يابه شكالولج عليه همجي ،،

لو حيوان وما عندي عقل

تراج مرتي يعني شريكة حياتي

عليش أضربج عليش أذبحج

-السالفة ما صارت باجر تصير بعدين

الايام الجاية كدامنا هواي

فرح/اااااخ ياضيم كلبي ما اكدر أسولف واحجي واكوله تراني مو بنية وابن عمي صخمني من جنت طفلة ...

-خلف الله عليه رجال غريب وكسرت خاطره واهلي ما رحموني أنكلبوا عليه وحوش

أطمئن عليه وبوسني على راسي

وكالي /لا تخافين باجر أنومج بحظني وبعد ما اسمح لاي واحد يمس شعره من راسج

-تركني وكام وكف على طوله

من دخلت كوثر يمنا

وكال /راح اقفل عليكم الباب

وانطي المفتاح لام عثمان

حتى محد يضربج ورايه

-كعدت كوثر يمي وبقت تباوع بوجهي

كوثر/فرح سولفيلي شبيج

اني أختج وصديقتج ليش هيجي كلبتي الدنيا شعندج

-بعدج تفكرين بمحمود وتحبينه؟؟

فرح/كوثر أذا كتلج نسيته أجذب عليج لان اله مكانه جبيرة بكلبي وبروحي

-بس قسمتي من مخلد فرضت عليه أتناساه مو أنساه

-كوثر سالفتي ،،،،،

سولفتلها كل الحادثة الصارت ويايه بالصغر

اني أبجي وهي تبجي ويايه

-كوثر أمانة أحفظي سري

-واذا باجر عمامي ذبحوني كولي ل

منى تاخذ الفستان النيلي خطية حبت أفصاله وصار بنفسها

-عفيه كوثر بس أريد أنام بعد مااكدر افتح عيوني...........

----------------

-في بغداد بيت محمود

محمود /ما احس الا اركان دخل للهول عاصفة رعدية ونط عليه دك بوكسات يصرخ

أركان /يالنذذذذل فرح مااااتت بسببك يوووول يالسكط عمااامي عدموها من ورااااك

محمود/اريد أفتهم شبي شكووو

عقلي ميستوعب سبب هجومه

-ومن كثر كم البوكسات الضربني بيها أنثولت اريد أبقى واكف على طولي واتوازن ماكو

-من ركزت على كلامه

فرح ماتت ،، عمامي عدموها

حسيت كلبي وكف لثواني ورجع ينبض بقوة الخفقان الصار عندي شمرني وشكلت عندي الدكة الهاجرة

-وكعت من طولي وبلعومي نشف

صدري قبط بي النفس

كمت أجر الهواء بالكوه

وكلبي جيب اللي يلزمه من كثر الخفقان الصار بي

-حجيت كوه صوتي ما يطلع تحشرش من الضرب والصدمة

-بس فهمني فرح وين ؟؟

شبيها ؟؟شلون عرفت ؟؟

-أباوع أمي وابويه ناموا بخوانيك اركان وحجزوا عني تحول وحش

يكفر ويسب ويفشر ويغلط ويلوص بالحجي

-رفل ركضت جابتلي مي

وتشيلني تريد تكعدني حتى اشرب المي

واني اريد بس الكف الهواء اختنكت وطلعت روحي

كامت تفرك بصدري وبكلبي

من شافتني مخنوك مزقت التشيرت عليه

-ورسل خطيه لزمت بطنها وكعدت بالكاع

تبجي يمكن أنهبطت من شافت أعصاب اركان انكلب نار وبركان

فاطمه/برد ،،برد ،،أسم الله

تطشر وطار الشر ،،

دخيلج يالزهره أحضري أولادي

اركان/يابه بس أتركني مو خنكتني

وحتى هذا البلوز هم أخذوه

نزعت البلوز والفانيلة البيضة

اريد افك من ايد امي وابوي مجلبين بيه خنكوني ،، شمرتهن على رسل

//هاج اخذيهن وكومي أنطيني مي زردومي نشف

-انوب ذبحني الحر أحس الدم يغلي بعروكي

-محمود أسمعني زين

وحك نخوة العباس أبو الغيرة اللي تهابه وتخاف من شارته السنة والشيعة

هسه تحجي وتسولفلي الصدك

لو أكوم أفرغ المسدس براسك

-شمسوي لفرح ؟؟وشعندك وياها

وهاي وكعتك وخوفك وراهن مصيبه

عادل/ولد الجلاب السود واحد منكم يفهمني شنو السالفه

محمود/رسل بعدها على كعدتها تتلوى من بطنها وتبجي بس سفطت ملابس اركان بحظنها

-ورفل كامت أنطت دولكة المي لأركان

صك عليها بگعة وحده

-وامي تبرد علىً الهوسة وتعيد بكلماتها الطيبة ومكمشة بأبوي وتكعد بي على الكرويتة تخاف عليه لا يصعد ضغطه

-واني بعده كلبي يخفگ والخنكة اخذت حيلي

ورفل مصدومة وتفرك بصدري ،،حتى هي خافت من أركان

-اركان بس فهمني شنو الموضوع

وفرح وين ؟؟وشبيها

-كام من مكانه جان كاعد على طرف الكرويتة وركع دولكة المي على باب الهول

باقي بس بالبنطرون يفتر بنص الهول

وجسمه زنبر من الاعصاب انكلب احمر

اركان/يالنذل يا خويه البعير مو الجبير

فرح أتولوها عمامك السكوطه

مسويها طوبه من أيد لايد

-ورجلها فاكها من أيديهم

وضامها بغرفه عمي احمد فوك

وماخذ المفتاح عنده

-وهذا رافد الفرخ صاير براسي زلمه

هم متوليها وياهم ،،

-ورجل عمتك گمرة هم مكفخها وماخذ بيها شوط كفخات

محمود/من سمعته يكول عمامي متوليها ،

ورجلها فاكها من أيدهم وحابسها فوك

-بسرعة دك موقف الحادث براسي

دموعي حنيفة وأنفتحت صرت حالي حال الطفل أشهك بالبجي

-كمت على حيلي اريد بس الزمه

وأفتهم من عنده يفتر جنه مصراع بالهول

يروح ويرجع

-بس مشيت خطوه وهجعت من طولي

وكعت بعد مااعرف شصار

أركان/بس كام محمود من مكانه هجع وكع

فقد الوعي وانمد على طوله بالكاع

وامي لمت الشارع علينا بالصريخ

-ركضت عليه كلبه يدك سريع تكول فرقة موسيقية متكاملة

ويتنفس بصعوبة

-كمت أصيح على رفل

كووووومي يااااالفاهييييية

جييييييبي مي بسرررررعة

-وأاااانتي شبيج تعوين أسكتي خبلتيني

كومي أصعدي فوك لغرفتج

-يمه ه ه ه ه كافي رحمه لمحمد مابي شي

تلكين ضغطه صعد

-اركضي رب الحلووو شبيج

تمشين على بيض خررررب لشتج

-شمرت على وجهه مي فز بيدي

يرجف ويبجي وعيونه تتوسل

يريد يعرف شكو وشصار

-الصراحة ماتحملت أشوف أخويه هيج واكع كدامي ويبجي على حبيبته نزلت دموعي على حالته

أمي وابوي كعدوا بصفه

-وهو تكور على نفسه وبقى مجطول بالكاع

وبس يشهك ويبجي

ورفل وامي يتوسلن بي بس يكعد على حيله

عادل/انت ابن الجلب الثاني

يالكديش ياابن الكديش بس فهمني شصار

اركان/يابه مو وديت رسل للدكتورة

نزلت ودخلت للصيدلية اجيبلها العلاج

دك تلفوني شفته رقم عمي احمد

عادل/عمك احمد !!!!

وين شفته ؟؟ وين لكيته ؟؟

شجابه عليك ؟؟ شوصلك يمه ؟؟

فهمني ترى راح اتخبل

اركان/يابه مو تدري بيه اداوم بسيطرة (....)

وتقريبا شهر أقل اكثر ما أتذكر

ازدحام والسيطرة قافلة خاضعة للتفتيش

-لجحت عمي أحمد بوحده من السيارات

اني اللي عرفته ونزلته أسلم عليه

بس هو ما عرفني

-ومن عرفته عليه وكتله اني منو

خطية كام ينحب ويبجي

وهواي نشدني عنكً ،، وهواي بقى يعاتب

لان كطعت بيهم واختفيت عنهم ،،

ومنعتنا من عدهم

بقينا واكفين وهواي سولفنا

دليته على بيتنا

بس هو كال // لا ما أوصل مادام أبوك رايد البعد صعبة عليه اجي وافرض خوتي عليه

وهو الاختار البعد وبعدني اني وباسم عنه

لان هو عركته ويه محمد مو ويانه

-حجيتله عن حياتنا وهم يعرفون بينا متزوجين عمامي الكبار منطيهم خبر

وكتله// راح يجني ولد بهاي الايام

بس يجي للدنيا اجيبه واجي عليكم

حتلو ابوي ماقبل

-والصراحة اني ما حجيتلك

وكلت من تجيب رسل

افاتحك بموضوع الصلح واخذ مرتي وابني

ونروح لبيت جدي

-واخذت رقم تلفونه وأنطيته رقمي

-وقبل شويه دك رقمه جاوبت

-شو هذا صوت بنية تشهك وتبجي

ونزلت عليه ركبة ونص غلط ومسبه وشتم

-الوو ،،منو

كوثر/انت اركان ابن عمي عادل

اركان/اي اني اركان عادل،،منو ويايه

كوثر/تف عليك وعلى رتبتك وعلى منصبك

وعلى شواربك وشوارب اخوك النگس

ياجلاب ياحقراء

اركان /هيييي كافي لا تلوصين بالحجي منو انتي

كوثر/اني كوثر بت عمك احمد يا لحيد

اركان/شبيج شكو هاده عليه شصاير

كوثر/روح أسال اخوك النگس العار

كوله شمسوي لفرح

اركان/هيييي من اجي أدفنج بكاعج

كتلج لا تلوصين بالحجي شبيها فرح

كوثر/اخوك العار ضاحك عليها ومصخمها من هي طفلة

-واليوم حنتها وعمه شمس من حجتلها عن موضوع العرس كامت تصرخ وخافت

وبقت تبجي تصرخ ماريد العريس

-وعمامي كضو بيها التوبة

يكلولها عندج واحد مواعد بالزواج غير مخلد

لو معيوبة وهي كلشي متكدر تحجي

-الا عمة شمس خابرت على عمو سلمان

ومخلد يصير رجلها هو اللي فكها من ايد عمامي وكاللهم عوفوها اني احاجيها

-وهسه هي محبوسة بغرفتنا حبسها مخلد

يخلصها من شر عمامي

-بس كول لاخوك العار النگس باجر زفة فرح

وباجر يذبحوها عمامي وخطيتها بركبتكم كلكم

-وسدت الخط بوجهي

أنصدمت اريد اركز بكلامها هاي شدكول شتلوص اريد بس اوصل للبيت وافتهم

من أخوي الجبير شنو الموضوع

الدنيا أفتر بيه وحتى نسيت رسل

واكفة باب الصيدلية شغلت السيارة

وهي اجت تركض وصعدت ويايه

عادل/ماتسووولف شبييييك ماتنطق خرررسيت

فاطمه /يمه محمود صدك هذا الحجي

ولك يمه بس انطق شبيك بس تبجي

محمود/كعدت على حيلي

كلبي انهجم من الخفقان

بالكوة كمت وكفت على طولي الكاع تفتر بيه

بعد أنكشف الموضوع

-تركتهم كاعدين رحت للمغسلة غسلت وجهي

صعدت فوك وبدلت ملابسي

لبست حي الله بلوز وبنطرون

-صعدت ورايه رفل تريد تفتهم شنو السالفة

-رفل روحي من كدام وجهي

لو أخربطلج خلقتج ،،

ترى مخنوك وبالكوه أجر النفس

-صحت على أركان

-ااااااارررررركاااااان

-صعدلي يركض ،،

-هاا شبيك

-رايح لبيت عمي باسم ،،

تمشي وياي أخلص فرح من ورطتها لو أروح وحدي

اركان/امشي وياك اكيد هاي أختي وبنت عمي

-((يالخوتك عالراس تاج ولبسته

ولو يوم اخاوي أثنين هم أنته وأنته))

-انتظرني بس ابدل واجيب سلاحي واجي

-وين سلاحك ؟؟أخذه وياك كلشي يصير.....

الثاني عشر من هنا

تعديل المقال