رواية اللعنة التي لم ترتكب الفصل العاشر 10 بقلم نور آل عبدالله
.
احذروا.... فـاللعنه لا تنتهي دون جائزة لي "التصويت+مُتابعه الحساب+التعليق بين الفقرات
.
.....................*
زينب...
طول نظرته عليه وگال:-تحچين شنهو نشرد
زينب:-اذا ماتروح وياي،اروح وحدي
:-وانه مخبل اخليج وحدج.؟
صفنت بـ عيونه ناسيه شنو اريد احچي چان يگلي:-احبج،زينب احبج حب عُربي الگهوته
ضحكت مستحيه چان يگول:-وعلي كاظم واحفادة يرحون فدوه الهاي الضحكه
ابتسمت وحجيت:-حسين لاتغير الموضوع يمته نشرد.؟
:-زينب تحجين صدگ.؟
:-وعلي،مال اصير على ذمة غيرك لا تفكر بيها
-گعدت ساعه اقنع بي حتى بچي بچيت لحدما گال
:-كافي بچي يلا،يمته تردين نشرد.؟
:-لا تضحك على عقلي
:-صغيرة واضحك عليج
دمعت عيوني وگلتله:-بـ3 نطلع
:-خوش
-هو راح وانه دخلت الغرفتي تنفسي صار بطيء احس ما جاي اگدر اجر النفس،طلعت كاسيت القصيدة ويا الدفتر
كتبت بـ الدفتر هاي اللحظات،سوالفي انه وحسين سديت الدفتر وعفته جوى الطبگ مثل ما وصفت الزهراء
صارت بـ3 لميت صرة وطلعت شفته هو وزهرة انصدمت گلت
:-المن جايب زهرة
:-تشهد على اخر لحظاتنا،هسه ارجعها
:-يلا فدوه خلي نستعجل لا يگعدون
زهرة:-زينب ترى ما عبالي صدگ تسويها
حسين:-ولا انه وعلي عبالي تشاقه،بس من توصل يردون يخلونها مرة الغيري،يستاهلون ينزلون رأسهم بـ الطين
زهرة:-حسين خليها ترجع وگول يا الله
:-يا الله
زينب:-يلا حسين فدوه
-تونا جاي نمشي واجاني صوت سجاد من ورى
:- بارك الله بيج يا شيخة الشيخ عگاب،وصلت بيج تشردين علمود واحد.؟
چان الصوج مو بيه
بـ گلبي الماعرف يهوىٰ
.....................*
زهرة...
-
بعد الي حجى سجاد اباوع على حسين وكأنوا عرف شنو راح يصير اشرلي ابتعد،وخرت واشوف سجاد وعباس اتقدموا
على زينب لزموها وگعدوها اجه ابوها عليها باوعلها بـ نضرات يأس وگاللها
:-چان عشمي بيج اقوى من هيج بس الظاهر أنتِ حددتي مصيرج
زينب:-بويه چا من وگفت البنت ابو ازهر وأنه وگفت بـ وجهي شنو يسموها
عباس:-لا تقارنين روحج بيها هاي دخيله أنتِ بتنا،عرضنا،شرفنا
ضحكت بـ صوت عالي وگالت:-وانه اگلكم اچتلوني ومرة الغير حسين ما اصير
حسين:-شيخ فدوة اروحلج لا تچتلها،احبها وحگ ابو راس الحار
بلش اذان الفجر بـ صوته العالي چان يجاوبه عگاب:-رادت تشرد وتنزل راسي مو.؟
-بعد الي تم نطقه غمضت عيوني ورجف جسمي واني اشوف الدم ترس المكان وهوَ يباوع المكان الچيله الي طلعت من
تفگة شيخ عگاب متوسط گلبها بـ تعب وفراغ وجنها الحياة وگفت بـ عينه بس حقه منو يگدر يلومه اشوفه اتقرب عليها ووگع بساع يمها وهوَ لازم گلبه منهظرهم
وهمه متمددين واحد يم الثاني يبين قوة حبهم صحيت على صوت اخوها عطت ورحت البيتنا اركض مفزعه اخواني
وابوي اجو اله ركض شالوا اخواني اخذوا للمستشفى جانت الصدمه من وصلنا خبر وفاته.! مُجرد مشاف منظرها
وهيَ بـ هذا الحال اجته جلطه أدت إلى وفاته طبعاً انخبصنا اني انهاريت امي انتهت بس تلطم وتبجي ابوي اشوفه انهار وهيج
مرت الثلاث ايام وبيتنا بس أجواء الحزن مسيطره علي بنات عمي واخواتي وحدتهن الحزن مكدر على گلبها أكثر من الثانيه واخواني مو اقل
منهن وحتى امي الي سكنت المتسشفيات عائلتنا بين لحظات اتدمرت ابوي اشوف حتى المضيف اعتزله ضهره حاني بس
حقه الي راح منه ولد طول بـ عرض وشيخ من شيوخ ديوانه مو هين فراگه،مرت الايام لحد يوم السابع
حالنا نفسه ورا ماخلص العشى مال يوم السابع وطشوا گعدن امي،جديتي،نسوان عمامي،ابوي وحتى عمامي ولدهم
شايفين الگعده الي تصير ورا الفواتح.؟ بـ الضبط هيَ هاي گال جدي
:-اي بويه زهرة شنهي چنتي تسوين وياهم
دنگت راسي اللعب بـ أصابعي رجع عاط:-احجي،وين چانوا يردون يرحون
بلعت غصتي وحجيت:-جدي انه چنت گاعده علمود الصلاة وشفته يريد يطلع سئلته ما رضى يحچي لمن لحيت علي
يلا حچى ودگيت رجل الا اطلع وياهم خاف يصير شي رغم ما رضى بـ البدايه بس طلعت ويا،وهناك ويا طلعتهم
طلعوا اخوان زينب وابوها ورى مشدات بـ الحچي رموا عليها الچيله وهو طاح وراها
امي:-اخخخ اخخ من هذا الحب الما جاب بس المصايب
ابوي:-اي والله نوب اليوم سمعت من شكم واحد الشيخ عگاب مجلوط وحالته صعبه
جدي:-حگه چا شني ذياب من گبل ما محاچي واحد مو نوب يچتل ومنو.؟بزرة
عمي:-بعد هاي ساعتها ومكتوبلها تموت على ايد ابوها،اتحرمولها
-شگد صعبه يگولون،ماتت على ايد ابوها.؟وهيَ گبل چانت مدللة ابوها وشيخته لو تسولفها المخبل هم مايصدگها
ثاني يوم اندگ الباب طلعت وانه وجهي مخيم علي الحزن وكل وبالي مرة جايه تعزينا مثل كل مرة انصدمت
طلعت زهراء گالت اول ما شافتني فتحت الباب
:-زهرة فدوه تعالي نسولف شويه وبساع اريد اروح
زهرة:-اي روحي للبستان واجي وراج
-رحت انطيت خبر الامي على زهراء واريد اطلع للبستان ما گالت شي رحتلها شفتها واگفه وبـ ايدها علاگة غراض اتقدمت عليها
گلتلها
:-شكو زهراء قلقتيني
:-باوعي زهرة زينب الله يرحمها،چانت وصيتها ورى ماتشرد هذهي الغراض يجون الج
اخذتها منهم فتحتهم وهيَ كملت:-وحاولت ذيج الفترة اطلع بس ما گدرت اليوم يلا صارتلي فرصه گلتلهم رايحه الاهلي
بس شوفي خلي اسولفلج الي صار حتى تصيرين بـ الصورة كلشي يصير
........................*
زهراء...
-بـ يوم الي شردت زينب انطتني علم،الليل كله ماغمضت عيني حتى من طلعت شفتها ورى ماطلعت بـ شويه شفت لحگها
سجاد،عمي،عباس،حسن،علي غمضت عيوني حي على الصلاة انلزمت بقيت اروح وارد بـ مكاني ما اعرف شسوي
بدأ الاذان ويا "اللهُ أكبر" سمعت صوت الچيله انثارت من التفگه رجف جسمي وهزيت راسي اكثر من مرة مستحيل
همه يحبونها ما توصل بيهم المواصيل لهنا اريد امشي ما اگدر رجليه ماتعيني،احس روحي ثگيله گعدت عمتي تركض
رحمة ورقيه لحگنها صوت التفگه عالي،ورغم الاذان بس چان هدوء فـ گعدن طلعنا واشوف المنظر الي أخذ گلبي
زينب مدده ودمها بـطولها،يمها حسين مغمي علي ما اعرف إذا بي شي اجو ابو،ولد عمامه،وعمامه وياهم جده شالوا اخذوا
وعباس وسجاد شالوا زينب اباوع على عمتي گعدت على رجليها تبجي وتصرخ سكتها حسن ودخلوا جوى،اما زينب
راحت دفنوها بس وين.؟محد يعرف غير عمي والولد لحد الظهر واول مارجعوا طاح عمي وسمعنا خبر موت حسين
حسين طبق جملة "اموت بدونج"اتذكرت الدفتر الي وصتني علي رحت لگيته هو وكاسيت ما انتبهت اخذتهم ضميتهم
ويا غراضي عمي طلعت بي جلطه،اما السالفه طشت بت الشيخ عگاب نهبت ولزمها ابوها ذبحها وغسل عارة
:-وانه جبتلج هسه الدفتر وهذا ملخص عن الي صار،ابريني الذمه خاف بعد ما اشوفج
.
.
الفاتحة الىٰ رُوح ابطالنا
بِسۡمِ ٱللَّهِ ٱلرَّحۡمَٰنِ ٱلرَّحِيمِ
ٱلۡحَمۡدُ لِلَّهِ رَبِّ ٱلۡعَٰلَمِينَ(١) ٱلرَّحۡمَٰنِ ٱلرَّحِيمِ(٢)
مَٰلِكِ يَوۡمِ ٱلدِّينِ(٣) إِيَّاكَ نَعۡبُدُ وَإِيَّاكَ نَسۡتَعِينُ(٤)
ٱهۡدِنَا ٱلصِّرَٰطَ ٱلۡمُسۡتَقِيمَ(٥) صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ(٦) ٱلۡمَغۡضُوبِ عَلَيۡهِمۡ وَلَا ٱلضَّآلِّينَ(٧)
"صدق اللّٰه العَّلي العَظيم"
..........................*
زهرة...
-سلمت عليه،انطتني الغراض وراحت گعدت بـ الگاع صافنه على الاحداث،مايصدگها العقل وشي ورا شي حتى ماكو فنتك
اخذت نفس وزفرته الشوگ يدگ بـ گلبي على زينب،لو اخوي الاخذة مني الحب بـ هذا عمرة الصغير
احس مستحيل
اسامح عمامي،جدي،جديتي،امي،ابوي همه السبب لو موافقين مايخطبون علياء الي حالياً متدمرة وحقها منو تقبلها.؟
رجلها يموت من حبه الوحده غيرها.؟بس شگول غير الله يصبرها رحت للغرفه ضميت الغراض جوى ملابسي حتى مايشوفنه
مرت الايام والحزن هو الي مسيطر على بيتنا قبل أربعين حسين بـ اربع ايام وصل خبر موت الشيخ عگاب.!
والي عرفته من نسوان السلف بعد ما راحن للفاتحه ام زينب مشلوله.! هواي متأثرين أهلها ما اعرف إذا بس امها وأبوها
واخوانها شنو موقفهم.؟ما اعرفها ورا الاربعين مال حسين بـ كم يوم اجتني سمر دخلتها للديوان اول ما شافتني بلشت تبجي حظنتها
:-شبيج گولي يا الله سمر
سمر:- ولج زهرة اتخيلي لو ما موت ابوي ما اعرف بـ اختي ميته دگيت ونحت حتى گبرها مايقبلون ينطونيا
:-حتى لو ياروحي هيج ما راح ترتاح بـ گبرها وهيَ تشوفج تتعذبين عليها،حاولي تقريلها قرأن،توزعين ثوابات على روحها
:-ان شاء الله وصراحتاً اجيتج لان مشتاقتلها والبيت وحشة بدونها گلت ابقى يمج هسه شويه وارجع بلكي رجلي جاي
حظنتها وحجيت:-تدللين ياروحي يمته ماتردين تعالي وأنه بـمثابة اختج
-شويه بقت وراحت ورا طلعتها گعدت وبجيت بجي لدرجة حسيت اختنگت، أجت بثينه انخبصت تريد تعرف شبيه ماكو
قنعتها على زينب وحسين هي هم فهمتني عافتني وطلعت گمت طلعت القصيدة واسمعها وابجي اتذكرت كل ذكرياتي
ويا زينب،گعداتي ويا حسين وفضفضتنا واحد للثاني بچيت بچي أكثر حتى من الفاتحه وكأنُ الگعده ويا سمر صحتني
انه فقدتهم،فقدت اعز إثنين بـ حياتي صاحبتي وأخوي تخلص القصيدة واعيدها ويا كل حرف عدنا ذكرى
ويا كل كلمه عدنه دمعه نزلت سوى،شويه وگفت القصيدة وگمت اريد اطلع اغسل انتبهت على روحي بـ المرايه وجهي
احمر،ومورم گد البجي باوعت للساعه 7 بليل حيلل صار ثلاث ساعات ابجي غسلت وطلعت البنات جاي يصبن عشى
ساعدتهن گعدنا،كلهم ملتمين الا حسين ماكو دمعت عيوني احس اللگمه وكفت بـ بلعومي بلعتها گوه وگمت امي من شافتني
هم گامت دخلت للغرفه احس روحي ضايعه وين چنت وين صرت بـ ليلة وحده خسرت اخوي وصاحبتي وگدام عيوني
حاولت انام ومرة ليلة هدوء ولحگها اليوم الثاني مرت الايام بدون احداث گبل يومين چانت دورة سنة حسين وزينب
رغم همه ماسولها بس أنه ذكرتها،ذكرتها بـ واقعي وگلبي ورا كم يوم چنه گاعدين طبيعي چان يگول جدي
:-مؤيد خطب بنت عمكم
باسم:-يا هيَ منهم
جدي:-زهرة
قاسم:-خوش ولد والنعم منه
حچت امي:-يا هوَ هذا.؟
جدي:- گرابة بيت ابو حميد،من بغداد
امي:-ياع وبتي تروح البغداد.؟
ابوي:-وشكو بيها،والبت كبرت بعد مو مال تگعد يمنا
امي:-بكيفك بعد
زهرة:-بس بويه
ابوي:-بلا بس الولد خوش ولد بعد شني هاي السالفه
-سكتت لأن ادري رأي وعدمه واحد وما دام مقتنعين مستحيل يغيرون رأيهم علمودي،سلمت امري الرب العالمين وگمت من
يمهم شلت اكواب الچاي غسلتهم ورجعت بعد مافتحوا الموضوع ثاني يوم گعدت ماكو شي جديد مر كلشي طبيعي
لحد العصر اجت ام حميد وياها مرة بدون حجاب تنورة للركبة وقميص شعرها تسريحته شويه عاليه وحلوه انه بنيه وفهيت عليها
بدت تحجي ويا امي وتمهد للموضوع اخر شي گالتلها
:-دادة مثل متعرفين اجينه نطلب ايد بتكم
:-اي خيه والنعم منكم،اشوف جدها وأبوها وعمامها وان شاء الله خير
-بقن يسولفن شويه وطلعن الي عرفته المرأة الي مفرعه هاي امه اجو وامي سولفتلهم،تمت الموافقه طبعاً بدون رأيي
گاعد يجهزن بيه،اليوم ملچتي وأنه صافنه عليهن،احس كل هاي الأجواء مو الي ما چنت متوقعه بـيوم راح اعرس
ومن ياهو.؟واحد بس اسمه اعرفه ولا من ديرتي ومن ولاية بعيده عن اهلي وحتى شايفته بس مرة وحده،ما اهتميت وطلعت
بلشت المراسيم شويه وعقدنا دخل هو،چان طويل القامه،جتفه عريض،عيونه ناعسه،خشمه،شفايفه كُله ولا غلطه
وهذا الي شفته كله قبل لا يگعد يمي،گعد يمي وانه جسمي يرجف مستحيه اول مرة ولد يگعد يمي وانه بدون حجاب.!
رغم ملابسي مستورة،لابسه هاشمي بـ الون الابيض والذهبي گوه رضيت اذب الاسود بس بـ النهاية الحزن بـ الگلب
والاسود اول وتالي أنه نازعته،اباوعله أخذ الحلقه وقرب ايده حتى يلبسني لبسني وبعدين لبسته شويه اكلنه كيك وگام طلع
شويه وطلعوا اهله مرت ايام الخطوبه عاديه بدون ما اشوفه بس مرة اجه هو وأهله حتى يتفقون على موعود العرس
بلشنا نجهز بذيج الفترة وحكم المسافه البعيده بيناتنا قرروا بدون عرس بس ياخذني ويا البغداد وهذا الي صار حچه وياي اول ماصعدت بـ السيارة
:-شلونج زهرة.؟
:-الحمدلله انتَ شلونك
-اول محادثه تدير بيناتنا چانت هاي حتى من اجه ويا أهله حتى نتفق على العرس ماحجه وياي بس ويا ابوي
رجع تحمحم وطلعني من دوامة أفكاري وگال
:-يمكن هسه أنتِ ضايجه لأن ماسويتلج عرس حالج حال البنات وحقج بس تعرفين الظروف والمسافه
وان شاء الله أعوضج بـ السبعه مالتج
:-لا عادي
:-لعد بـ شنو تفكرين.؟
دمعت عيوني وگلتله:-راح ابتعد عن اهلي
:-عليمن هذا البچي بابا السيارة يمنه وشوكت متردين اجيبج،ماشي.؟
:-ماشي
:-وهسه يلا امسحي دموعج بعد ما اريد بچي
ابتسمت وگلتله:-خوش
-ضحك وكمل سواقه وصلنا البيتهم ورى ساعات طويله چنه تعبانين طلب من عندي نام وغير يوم ياخذ حقه
استغربت،متعوده على الي يمنا إذا مو بـ اول ليلة يگلبون الليله زين هذا مافكر بـ البياض.؟غلست على الأفكار ودخلت سبحت
طلعت مددت ونمت هو هم دخل يسبح غفيت حسيت بـ شي يحضني فزيت بـ سرعه وباوعت لگيته هو من شاف فزتي ابتعد وگال
:-اسف اسف،بس ردت أعودج عليه شويه شويه
:-عادي ما صار شي بس تدي بعدني انه ما متعوده عليك
:-اي حقج هسه تعالي اتقربي
-شفته فتحلي حضنه اتدنيت يمه وغفيت بساع گد ما تعبانه مرت الليلة بـ هدوء ثاني يوم گعدت الصبح على بوسات
على وجهي باوعت شفته هو گالي وهوَ صافن عليه
:-يلا گوم يحلو
-استحيت ما متعوده وهو بدل لا يعودني شي شي لا بلش فد مرة گمت غسلت وهو وراي طلعنا تلگتنا أمه بـ الهلال
وينها إثنين بنات الي عرفته ذني اخواته اخوان ماعنده وأبو ميت هاي عائلته باوعت على بيتهم جبير وواسع
مايقل عن بيتنا غير بس بـ طريقة البنيان چانوا گاعدين على ميز خشب محظرين علي الاكل گعدت يم مؤيد
استحي اكل اول مرة اگعد وياهم على الأكل هو افتهم السالفه صار يقرب يمي وكل شويه يهمس
:-اكلي يلا
اكلت لحد ما شويه وگلتله:-كافي شبعت
:-شنو اكلتي حتى شبعتي.؟
:-ترى اكلت هواي
:-عصفورة
-ابتسمت وگمت بعدما گلتلهم
:-دايمه
-غسلت وطلعت گعدت گدام التلفزيون مطلعه مسلسل شويه واجن البنات گعدن يمي بلشن يسولف وياي والي عرفته اسمائهن ايه وايات گالت آيات
:-باعي هذا البيت كله الج أخذي بي راحتج وسوي الي يعجبج لأن أني وأية اثنينا متزوجين وامي دائمًا يم صديقاتها
فـ الي نريده منج شغله وحده وهيَ لاتطلبين من مؤيد يعوفج بيت وحدج لأن امي حيل متعلقه بي وحتى احنه
رغم متزوجين وأنه حامل بس هم حيل متعلقين بي،وكل يومين نجي لهنا من الصبح لليل لا تتوقعين احجي هيج
لان ما اريدج تستقرين بيتج،بس هذا البيت اول وتالي الكم يعني حتى لو طلعتوا بـ بيت
:-لا ان شاء الله نبقى هنا أنه متعوده على جو العائله الچبيرة وحتى لو يوميه تجن كل الهلا بيج
-ابتسمن راضيات على حچي الهن بس أنه حچيته من گلبي مو مجامله بيهن وحچيته نصاً على طريقة حچيها اللطيفه
اتمنيت يبقن هيج ومايتغيرن وياي ما اريد تصير بيناتنا حزازيه اجه مؤيد شافنه گاعدين چان يگول
:-الله يثخن لبنجن
ايه:-يااا
مؤيد:-والله گلت هسه الكاهن متكاونات اشو طلعتن داگات فچ
ايات:-لا والله ترى حبابه مو مال نتعارك وياها
مؤيد:-يا الله تبشرن بـ خير
-گعد يمنه انتبهت عندهم بـ البيت مساعده فـ محد تشتغل،اجت أمه گعدت بلشوا يسولفون ويضحكون يحاولون يكسرون
حاجز المستحى الي بيناتنا وأنه بس أجامل واضحك،انتبهت لهجتهم تختلف وأغلب الكلمات ما افهمها
مرت الايام والشهور وأنه ملتزمه كل شهرين اروح الاهلي يومين ونرجع لأن مؤيد ملتزم بـشغل اخر فترة صرت من اروح
الاهلي اتضايق بـ سبب حجيهم على الجهال،وشوكت تحبلين ومن هذا الحچي اخر شي مرة عمي تگلي
:-خاف عاگر ما تخلفين
:-شنو السالفه عمه ما صار اشهر من عرست گولي يا الله
-شويه ودز عليه مؤيد فرحت وأخيراً راح ارجع گبل لا اطلع شبگت امي حيل واشتميت عطرها حسيت ردتلي روحي
رجعت شبگت ابوي اشوفه يباوعلي مبتسم گلبي نغزني بس ما اهتميت صعدت بـ السيارة اول ماشافني مؤيد گال
:-شبيج ضايجه
:-مؤيد
:-زهرة عمرة
:-گلبي ناغزني على اهلي
:-نرجعلهم.؟
:-ها لا
-بقى يمشي وأنه بالي يم اهلي واجه على بالي حچي مرة عمي زادت ضوجتي مؤيد عبالك حس مو بس هالموضوع مضوجني
سألني أكثر من مرة بس حاولت اغير الموضوع اجه على بالي سؤال
:-مؤيد ليش اتزوجتني
ضحك وگال:-شنو الي جاب هالسؤال على بالج.؟
:- ما ادري بس اريد اعرف
:-تذكرين من شفتج بـ البستان.؟ من وقتها وأنتِ بالي مانسيت تفاصيلج،حشمتج گدامي ولا لحظه راحوا من بالي
واجيت بـ فاتحة اخوج حسين لمحتج مرة من طلعتي تصيحين واحد من ولد عمامج وچنت مقرر ورا دورة السنه
اخطبج والحمدلله بـسبب سمعتي الزينه گدامكم وافقتوا عليه
:-يعني تحبني.؟
:-اكثر من ماتصورين
:-زين شلون امك قبلت بيه وأنه بنت عشاير وشيوخ يعني مو نفس بيئتكم
:-بـ العكس امي كيفت لأن مرة شافتج،يعني تعرفج قبل لا نجي نخطبج،وبعدين هيَ متانيه يوم يوم حتى اعرس مو نوب
ترفض الي گلبي هواها
-سكتت ما اعرف شنو اگول باوعلي لزم ايدي وكمل سياقه رجعت للبيت اول ما وصلت لعبت نفسي ركضت للمغاسل
ما انطيت الموضوع اهميه اكيد من الطريق لليل وحسيت بـ دوخه قويه توني اريد اتحرك چان اطيح فتحت عيوني
گدامي مؤيد وعمتي سئلت عمتي
:-شجاج يا امي
:-ما اعرف عمه يمكن هبوط لأن تعبانه
:-اذا بقيتي الباجر هيج اخذج للدكتور خاف حامل
-خاف حامل الفكرة مجرد ما اجت بالي ضحكتي شگت حلگي طلعت عمتي واجه مؤيد يمي حاول يغرلي جو
لحد اخر الليل يلا نمنا خلصنا ضحك وسوالف كل ما اروح الاهلي ونجي احنه على هاي السالفه يگول اشتاقلج من ترحيلهم
ثاني يوم گعدت على نفس الدوخه اخذتني عمتي للدكتور وهنا المفاجاة ورا ما كملت التحاليل باوعتلي الدكتورة وگالت
:-مبروك حامل
-فرحتي هنا ما انطيها الواحد وأخيراً بعد أشهر طويله رجعت للبيت چانن عدنا البنات طارن من الفرح،انتظرت
بفارغ الصبر علما يجي مؤيد اجه وتلگيته اركض،بـ يومها السعادة ترست البيت وبس صوت الضحك وعمتي خطيه كل شويه تهلهل
مر اليوم بين ضحكنا وسوالفنا ثاني يوم گعدت كالعادة مؤيد ماكو للضهر واجه غير عن عادته وجهه عبالك متوتر
حسيت اكو شي بس غلست صاح عمتي ودخلوا هو وياها للغرفه انه غلست لأن موضوع مو يمي ولو يردوني اعرف چان
حچوا گدامي شويه وطلعت عمتي كل شويه تباوعلي وتبلع ريچها لو تحاول ماتخلي عيونها بـ عيوني اخر شي صاحتني وگالت
:-يمه زهرة أنتِ مؤمنه بـ قضاء الله وقدره
باوعتلها گلتلها:-اي
:-بنتي ابوج انتقل الى رحمة الله
-هي كم كلمه بس تأثيرها على عقلي چان أشبهه يـ الصاعقه ضحكت ما مصدگتها وباوعتلها هزتلي رأسها مرتين تأكدلي الخبر
طلع مؤيد أشر الامه اخذتني للغرفه دخل هو يبدلي وأنه ولا كلمه نطقتها بس صافنه وعيوني تتحرك باوعلي مؤيد وهو يعوف العبايه على راسي ويحجي
:-ابجي صبحي لا تكتمين هيج زهرة
-اريد احجي ماكو الكلمه ماتطلع مني حقي قبل يومين أنه يمه هو واگف على رجلي وكلشي مابي فجأة يگلولي ابوج مات
رحنا وصلنا المنطقتنا نزلت مضيف جدي متروس ترس بـ الناس وكلها محزمه ولازمه تفگها ما انطيت الموضوع اهمية
لان اكيد يعني ما دام فاتحه يعني اكو رمي دخلنا وصوت الصريخ تارس البيت دخلت كلها گاعده الا امي ماكو
والي عرفته من بنات عمي امي متخربطه خفت لا اخسر امي،بس هي الي بقتلي من اهلي لا اخو ولا ابو
لليل وجابوا امي
مرت ايام الفاتحه لحد يوم الثالث حسيت وجع مو طبيعي بـ طني وضهري ودت عمتي على مؤيد حتى ياخذني للمستشفى
وصلت للمستشفى والي عرفته الطفل طاح،انه سقطت گعدت ابجي مامكتوبلي افرح ليش هيج طلعوني ورا ساعات طويله
لگيت الختمه مخلصه بس امي هم ماكو گالوا رجعت اتخربطت للمغرب اجانه خبر امي توفت هنا انهاريت صرت اكتل بـ روحي
وابجي وصلت مرحلة الاغماء گد البجي مرت ايام الفاتحه،من اصعب ايام حياتي بـ نفس الاسبوع فقدت اعز إثنين على گلبي
امي وأبوي بعد ماعندي أحد من عائلتي صفت عائلتي بس مؤيد.!مجرد ما اتذكر هيج اشبع بجي ورا السابع گال مؤيد
لازم نرجع للبيت رجعت وانه مكسورة الكلمات ماتوافي حگ كسرتي على اهلي،حسيت بـ هاي الفترة كلشي اتذكرته
مشهد كتل زينب،موت حسين،امي،ابوي،ابني الي فقدته وهو بعده بـطني بس مؤيد وياي شي شي خلاني اتخطى هاي الفترة
رغم مانسيتهم أنه لحد اليوم اسمع قصيدة زينب راجعت على الحباله وگالت الدكتورة
:-نسبة يصير عندج حمل نسبة ضئيلة بعد ماسقطتي طفلج الاول
-طلعت من يمها ابجي وعمتي تحاول تهدأني وتگلي حبكم اهم من الأطفال بس أنه شلون اهدأ وهذا ابسط شي ممكن
أقدمه بـ حگ حبنا هو طفل المؤيد يحمل اسمه بقيت سنتين أنه اراجع وحمل ماكو.! لحد سنة 2000 نهايتها شرف ابني أياد
على هاي الدنيا وبقيت وراها بدون حبالة،وقررت هاي المرة ما اراجع إذا الله كاتبلي الرزق هو راح يجي خصوصاً احداث العراق
چانت مو أمان،صبرت على الأطفال لحد سنة 2007 اجت بنتي سيرين،سمتها بيبيتها هنا بعد اكتفيت بذوله الاثنين
الىٰ هُنا تختم قُصة زهرة،ونشوف الرواية من جانب ثاني وليش انكتبت..
.
.
..................................*
2024
حَيثُ قلب بغداد
عاصمة العراق..
سيرين...
-چنت گاعده على الجهاز اقرا واتباد واسمع صوت قصيدة من غرفة امي
-إحنه غير حسين ما عدنه وسيلة
والذنوب هـواي كفّتها ثجيلة
وغداً يبدو لنا سدّاً منيعـــــا
هذه آراؤنا فيه جميعـــــا
والذنوب هــــواي كفّتها ثجيلة
احنه غير حسين ما عدنه وسيله
والذنوب هــواي كفّتنا ثجيلة
-هاي القصيدة من يوم الي امي سولفتلي قصتها لليوم مستحيل اتخطاها صرت احبها وياها بس مستحيل اوصل
حب امي الها امي وصلت بيها مرحلة من تبلش القصيدة تبقى تبجي،فقدت بصرها گد مابچت اجتني فكرة سديت الجهاز وگمت يمها
:-يوم يوم
مسحت دموعها وحچت:-ها يمه گولي
:-باعي عندي فكرة
:-الله يستر
:-لا باعي والله،مرة مو سولفتيلي قصة خالتي زينب وعمي حسين
:-اي
:-وتذكرين اني اقرا روايات واتباد
:-سيرين من النهاية شتردين
:-نكتب قصة خالة زينب
:-ياع وإذا واحد قراها
:-يمه والله الحدث الي ماتردينه ماينذكر،والاسماء تتغير
:-گومي هسه عدلي غرفة اخوج راح يجي من الشغل عمة عيني علي اكيد تعبان
:-يمه هو بس گاعد شيسوي حتى تعبان
:-دگومي وبدون مرادد يلا
-تأفافت وگمت اني وين احچي وهيَ وين والله يا امي،كملت الغرفة ورجعت اريدها تنطيني الاوكي حتى ادور كاتبه
رجعت أتوسل بيها وهي مموافقه اجه ابوي گال وهو يگعد
:-شبيجن صوتجن واصل النهاية الشارع،وانتِ ولج سيرين ليش مضوجه زهرتي وعصفورتي
:-بابا متقبل نكتب وقصة خالة زينب
مؤيد:-عيب بابا غير خصوصيه
سيرين:-بابا والله احافظ وأتابع ويا الكاتبه بارت بارت حتى خاف جافصه،اريد القصة توصل الأكبر عددد والناس تشوف
شلون خالتي ضحت علمود الحب،وشلون ضلموهم
مؤيد:-والله هي خوش فكرة بس امج ما موافقه ما من حقج تصرفين
-سديت الموضوع لحدما اجه إياد گعدت اشرحله وهو حكم يقرأ واتباد گعد يمي يحجي ويا امي إلى ان وافقت بعد
طن شروط،گعدنا انه وأياد نتناقش على كاتبه اخر شي گال
:-لج باعي اكو كاتبة اسمها نور الـ عَـبدالله قبل فترة ختمت روايتها وعندي حسابها التيك توك خلي نراسلها
:-تمام،بس اني إرسلها زحمه انتَ
:-ماشي
-صدگ راسلت الكاتبة نور ماردت اول يوم ولا الثاني أيست گعدت ادور غيرها بس فجأة اجتني رساله منها
سولفتلها واتفقنا على انُ الرواية تنقل لكن بـ سرية كامله،لان اكيد هيج قُصة راح تتوارثها الأجيال بـ الحچي
والان نودُ إعلامكُم بـ أن
انتهت اللعنة...
وأصبحت ماضيًا يُطاردهم،
جعلتهم نادمين على فعلتهم.
النهاية؟
لم تكُن نهاية،
كانت مجرّد بداية
لوجعٍ أطول،
وصمتٍ أثقل.
في النهاية...
خانت الأحداثُ العنوان،
وارتُكبت اللعنة،
وصارت ظلًّا لأرواحهم،
تُلاحقهم،
تُعاقبهم،
تجعلهم نادمين…
حتى هذه اللحظات.
انتهت زينب.
انتهى حسين.
انتهت قصة حبهم في الدنيا،
لكنها استمرت في الأخرى.
فهما الآن...
"عُرسان الجنة."
.
.
شُكر خاص مني ومن سيرين وأياد الىٰ كُل من قرأ ووصل معنا الىٰ هُنا
الىٰ كُل من
قرأ،
تأثر،
بكىٰ،
او شهد علىٰ حُب
زينب،حسين
شكراً لانكُم حملتوا اللعنه
صفحه بعد صفحه
شعور بعد شعور
وشهدتوا حُباً
دفنتهُ العادات والتقاليد
كُتبت "اللعنه التي لم تُرتكب"
لتوصف ذلك الحُب الذي
دُفن وسط الم القلب
شكراً لانكُم كُنتوا جزء
من هذهِ الحكاية
-نور الـ عَـبدالله
.
.
............................*
لستُ بـ مريضه لكن أفكاري مُتعبه
.
الحادي عشر من هنا
