رواية المننتقم العاشق كامله وحصريه بقلم اميرة موسي
في حاره شعبيه بسيطه يوجد بها منزل بسيط يملاءه الحب والمعامله الطيبه والموده والرحمه وتحديدآ في احدى الغرف موجود بطلنا الوسيم نائم ودخلت اخته تصحيه عشان يلحق يروح شغله..
ندي: مراد ي مراد اصحى بيقول لك بابا هنتاخر على المصنع
مراد بنوم: عايزه ايه يا زفته قولي له مش رايح النهارده عشان جاي امبارح متاخر سيبه النهارده هياخد اجازه عشان تعبان
ندي: هو قال لي ما تسيبوش غير لما يقوم من النوم عشان كل مره بيعمل كده
مراد بجمود: ندي اطلعي برا
ندي: بس
مراد: بقولك برا
سابت ندي الاوضه و راحت الى ابوها
ندي: بيقول لي مش رايح النهارده عشان تعبان وجه امبارح متاخر
محمد: ازاي يعني مش رايح النهارده روحي صحي اخوك قولي له يلا
ندي: يوووه ي بابا ما هو كل مرا بيعمل كدا مش بيصح غير بيك
محمد: خليكي انتي انا رايح له
مياده ام مراد: خليك انت يا حج انا هقوم اصحيه.
دخلت مياده الى اوضة مراد ابنها
مياده بحب: مراد يلا يحبيبي عشان تروح الشغل باباك مستنيك من بدري
مراد: يوووه نفسي انام يوم كامل هيحصل اي يعني
مياده بحب: معلش يا حبيبي تعالى على نفسك بكره تاخد الاجازه وترتاح
مراد: ثلاث سنين بتقولي الكلام ده اعتبريني صحيت روحي وانا شويه وهاجي وراكي مياده بحب: ماشي يحبيبي ما تتاخرش انت عشان تلحق تفطر قبل ما تنزل مع باباك
سابت مياده اوضه ابنها و راحت الى زوجها
مياده بحب: بيقول لك جاي يا حج
طلع مراد من غرفته
مراد: صباح الخير
الجميع: صباح النور
محمد: يلا عشان ما نتاخرش علي الشغل
مراد: افطر واجي معاك ولا اقوم من غير فطار عشان الاستاذ علي والاستاذ محمود ما يزعلوش
محمد: مراد قلت لك 100 مره دول صحاب الشغل واللي حصل حصل
مراد: هو انا اتكلمت
محمد: ما هو انت مش بتتكلم انت اول ما بتفتح بتفتح في الحوار ده وبعدين بقى بتجيب اللي فات
مراد بزعيق: يعني انا بنجيب حاجه من اللي عندي ما ده اللي حصل فعلا هما السبب في اللي احنا فيه حاليا احنا شغالين عندهم والمفروض العكس لو ما كانش ابن سارق المنحه مكاني كان زمان انا اللي مكانهم حاليا بقى وهم اللي شغالين عندنا
محمد: يا ابني ربنا يهديك اللي حصل حصل بقى اللي ربنا كاتبه هو اللي هيحصل يلا بقى مش ناقصين تاخير اكتر من كده
مراد متعصب من كلام ابوه مراد يلا
مياده: طب اقعد افطر يا حبيبي الاول ما تروحش الشغل من غير فطار
مراد بزهق: مش عايز نفسي تتسد يلا مع السلامه ي ست الكل
مياده: مع سلامه ي حبيب قلبي ما تنساش تاكل حاجه لما تروح الشغل
مراد: ربنا يسهل
اتجه محمد ومراد الى المصنع ..
نروح لمكان تاني عند فيلا علي البحر ضخمه جدا و جرس منبه بيرن بازعاج وفضل يرن لحد ما اخيرآ وقف شويه ورن تاني فبطلتنا قفلته وكملت نوم ولحظات ودخلت المُربيه تصحيها
هناء بحب: همس يلا قومي ي حبيبتي هتتاخري علي المدرسه اصحي يلا لسه قدامك مشوار طويل
اتململت همس علي سريرها واتكلمت بنعاس واضح: يوووه ي نانا شويه صغيره وهقوم بصي خمسه بس
هناء بحب:: يلا ي حبيبتي علشان باباكي عندو شغل هياخدك معاه مش هينفع يتاخر بسببك وبعدين اول يوم مدرسه تتاخري مينفعش؛ قامت همس من النوم وقالت: يوووه ي نانا لازمن يعني تفكريني بالمدرسه انا كنت نايمه النوم كان جميل اوي ورجعت نامت تاني؛ اصرت هناء وهي بتسحب الغطاء من فوقها: لا يلا قومي لما تيجي ابقي نامي ي حبيبتي؛ قامت همس وهي بزهق بتقول: يووووه عليكي ي نانا كنت سبيني خمسه بس النوم كان جميل اوي
هناء ابتسمت بحب: ايوة النوم جميل اوي بس مينفعش يكون جميل للي وراه مدرسه يلا ي حبيبتي علي مدرستك هروح اجهزلك فطار عقبال ما تجهزي
هزت همس راسها بموافقه واستعدت ليومها الجديد في المدرسه ولبست وخرجت لقت هناء جهزت الفطار وباباها ومامتها بيفطروا
همس: صباح الخير ي مامي صباح الخير ي بابي همس بضحك: صباح الخير ي علوش
الجميع: صباح النور
علي بزعيق: قولتلك مليون مره بلاش زفت علوش انا اخوكي الكبير احترميني
همس بخوف: انا بهزر معاك
محمود والد همس: حبيبتي تعالي افطري وبعدين مش دا اخوكي الكبير احترمي وبعدين اسكت هي بتهزر تعالي ي حبيبتي بابي متخفيش
همس بخوف: حاضر ي بابي بس انا بحب اهزار معاها
محمود: طب اقعدي افطري يلا عشان تروحي المدرسه انا هوصلك
مامت همس نجلاء: باباكي هيوصلك المدرسه خلي بالك متتكلميش مع حد اقل منك في المستوى الاجتماعي تمام !
سمعتها همس بمضض و زعل من مامتها علشان علي طول شايفه الناس اقل منها : حاضر ي مامي .. محمود والد همس: يلا عشان اوصلك المدرسه واروح الشغل مش عايز اتاخر اكتر من كدا
همس: الحمدلله شبعت يلا ي بابي باي مامي باي ي علو٠٠٠ي سكتت فجاه وافتكرتها انه زعقلها من شويه بسبب اسم علوش باي علي
مامته واخوها: باي
مشيت همس مع والدها عشان يوديها المدرسه .. ثم بعد قليل من الوقت وصلت همس هي ولدها قدام باب المدرسه محمود لي همس وهي جوه العربيه: اسمعي كلام مامتك زي ما قالتلك وانتي مروحه الباص هيوصلك لحد باب الفيلا
همس: اوكي بابي
نزلت همس من العربيه ودخلت من بوابه المدرسه وذهب محمود اللي عمله تعال نتعرف على شخصيات الروايه
مراد محمد الصياد: يبلغ من العمر ٢٦وعشرين عاما يتميز بشعره الاسود الناعم والعيون
الرماديه ملامح الرجوليه الشديده والوسامه وجسده الرياضي القوي
همس محمود الرفاعي
تبلغ من العمر ١٦ عاما تتميز بطولها المتوسط وجها النقي شديد الجمال بعيونها البنيه الواسعه وشعرها الاسود الطويل فتاه طيبه القلب الى ابعد الحدود وبريئه جدا وساذجه تبكي لاتفه الاسباب
ندي اخت مراد: 14سنه في تانية اعدادي
أسر اخو ندي ومراد 20 في تانية كليه و مسافر برا يكمل تعليمه
علي اخو همس: 26 سنه في سن مراد
حمدي صاحب مراد : 26 سنه
فاطمه صاحبت همس وقدها في السن : 16سنه
منه قد همس وفاطمه في السن : 16سنه
يوسف 19سنه في تالته ثانوي مع همس ومنه وفاطمه في نفس المدرسه
فاشل سقط تالته مرتين
صحابه اللي قده في تانيه كليه
نسمه 18سنه في اولى كليه
محمد الصياد والد مراد وندي واسر: 52سنه
مياده والدة مراد وندي واسر : 48سنه
نجلاء والدة : همس وعلي 45سنه
محمد والد همس وعلي: 50
هناء: مدير المنزل و المربيه و بتعتبر همس بنتها
